Fəə 11
11
Virom ve kpu vé wón mbìyi vee vilum
1 Nyùy Tàr nèn sùúy e Mooser jii, «M sí lo, e wìy lèn e ŋgeʼ kinjòʼsìbàm e Farao wùn à wír veé Ejiví kitu. E bǎm kee shooy, é wù ku nèn màʼtì ven. A wù yíi a màʼtì ven bey, a jùm jùmèn ŋkuuŋkùŋ. 2Ku sùúy e wír veé Israyi jii, wìr mòʼón mòʼón, kìn dzə̀ wiíy, kìn dzə̀ lumèn, wàá lón á vifá ve sùsù ve á fèrìn e kisha ke mbàm ke baar kí, kìn e ke fəvír kí, fo ŋgaà və shweèsí. 3A Nyùy Tàr yií ne, wír veé Ejivi wáa ghvəm veé Isray. Mo Mooser‑iì dzəə̀n sá kisən ke wìr, vé saʼ Farao wùn à wìr dzə̀m woó Ejiv wáa ghvəm sa wun.»
4Mooser nèn sùúy e Farao jii, «Nyùy Tàr suuy jii, ‹Lóo yiì dzə moo ntìntìn vitsə̀ʼə́ bey, é m wáa ghanén e wòŋ Ejiv, 5é wón wìr veé Ejiv vee vilum ve dzəə̀n dzə́ə mbìyi yiì a kpukír. Aá yíi a kpukír, e kèʼ fo wo Farao wo wù dzə́ e kàvàʼ, e dù, e meé e wo wánlè wiíy woo kwàn wo wú jo kibán e tiy, e lì sa wón nyàm vee vilum vee dzəə́ mbìyi. 6Tóŋ ye tavíné yíi a dzə woŋ Ejiv e dzə̀m, a kfə́ə toŋ yee shoone yòʼ‑oò yiì ne a dzə, a bó yí yòʼ kfə̀n wíy a dzə. 7Yii bèy, fo wír veé Israyi, nyaáŋ yíi a dzə. Bó jwi yòʼ fə̀m yíi nyàm wír, a bó yì yòʼ yíi nyàm sa nyám sév. Á bèy, é vèn nèn kìíy ji mo woo Nyùy Tàr, m lì a wír veé Isray jeéy fo veé Ejivi.› » 8Mooser màysì, e yòŋ jii, «Vé saʼ vé, mo áwune dzə́ e taa fèy, á wíy səy adzə̀m fèn, e gvəʼtí e mǒ si, a lon, a suúy jii, m ku màʼtì a ven, e lì wír vém adzə̀m, a dù sho. Á suuy bèy, é m nèn lò.» Mooser nèn màʼtì Farao, a dù, a dòʼshwiíy sí kív wun kívín.
9 Nyùy Tàr nèn sùúy e Mooser jii, «Farao kù yíi a ten fóo biimé kinyo ke vèn yíi a suúy, é m fiʼ yiì viŋgaʼnìn vém vé vinyò vímóʼ ví é wòŋ Ejiv.» 10A dzə̀ ji mo Mooser wùn Aaron‑eè yiìn ne viŋgaʼnìn ve vinyò vìn vidzə̀m e Farao si, Nyùy Tàr ku yiì, Farao kú a tav kitu, e làa yòʼ màʼtì wír veé Isray ji á lo fo wun wòŋ.
Currently Selected:
Fəə 11: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Fəə 11
11
Virom ve kpu vé wón mbìyi vee vilum
1 Nyùy Tàr nèn sùúy e Mooser jii, «M sí lo, e wìy lèn e ŋgeʼ kinjòʼsìbàm e Farao wùn à wír veé Ejiví kitu. E bǎm kee shooy, é wù ku nèn màʼtì ven. A wù yíi a màʼtì ven bey, a jùm jùmèn ŋkuuŋkùŋ. 2Ku sùúy e wír veé Israyi jii, wìr mòʼón mòʼón, kìn dzə̀ wiíy, kìn dzə̀ lumèn, wàá lón á vifá ve sùsù ve á fèrìn e kisha ke mbàm ke baar kí, kìn e ke fəvír kí, fo ŋgaà və shweèsí. 3A Nyùy Tàr yií ne, wír veé Ejivi wáa ghvəm veé Isray. Mo Mooser‑iì dzəə̀n sá kisən ke wìr, vé saʼ Farao wùn à wìr dzə̀m woó Ejiv wáa ghvəm sa wun.»
4Mooser nèn sùúy e Farao jii, «Nyùy Tàr suuy jii, ‹Lóo yiì dzə moo ntìntìn vitsə̀ʼə́ bey, é m wáa ghanén e wòŋ Ejiv, 5é wón wìr veé Ejiv vee vilum ve dzəə̀n dzə́ə mbìyi yiì a kpukír. Aá yíi a kpukír, e kèʼ fo wo Farao wo wù dzə́ e kàvàʼ, e dù, e meé e wo wánlè wiíy woo kwàn wo wú jo kibán e tiy, e lì sa wón nyàm vee vilum vee dzəə́ mbìyi. 6Tóŋ ye tavíné yíi a dzə woŋ Ejiv e dzə̀m, a kfə́ə toŋ yee shoone yòʼ‑oò yiì ne a dzə, a bó yí yòʼ kfə̀n wíy a dzə. 7Yii bèy, fo wír veé Israyi, nyaáŋ yíi a dzə. Bó jwi yòʼ fə̀m yíi nyàm wír, a bó yì yòʼ yíi nyàm sa nyám sév. Á bèy, é vèn nèn kìíy ji mo woo Nyùy Tàr, m lì a wír veé Isray jeéy fo veé Ejivi.› » 8Mooser màysì, e yòŋ jii, «Vé saʼ vé, mo áwune dzə́ e taa fèy, á wíy səy adzə̀m fèn, e gvəʼtí e mǒ si, a lon, a suúy jii, m ku màʼtì a ven, e lì wír vém adzə̀m, a dù sho. Á suuy bèy, é m nèn lò.» Mooser nèn màʼtì Farao, a dù, a dòʼshwiíy sí kív wun kívín.
9 Nyùy Tàr nèn sùúy e Mooser jii, «Farao kù yíi a ten fóo biimé kinyo ke vèn yíi a suúy, é m fiʼ yiì viŋgaʼnìn vém vé vinyò vímóʼ ví é wòŋ Ejiv.» 10A dzə̀ ji mo Mooser wùn Aaron‑eè yiìn ne viŋgaʼnìn ve vinyò vìn vidzə̀m e Farao si, Nyùy Tàr ku yiì, Farao kú a tav kitu, e làa yòʼ màʼtì wír veé Isray ji á lo fo wun wòŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL