Lim Aŋgàa Ntum 3
3
Pita wùn Joon fér ndzə́m
1Wìy lòo dzə e kishiíy kímóʼ kí moo shúy sitaár bèy, a sì ghán sé bùnrì, Pita wùn Joon wáa koʼ e lav cù. 2Á dù, e lòo nəə́ e shùu kishem wo á yoŋ ji wo juŋe, a wìr wùmòʼ dzə́ fo, a vé‑eè dzə̀ə́, a shwín sí ndzə́m ne, aá beʼèy vishiíy vidzə̀m, du, dzəʼə̀r e shùu kishem foo fèy, a wù lón mbàm fo wír ve á shaa, du e lav cùu. 3Wù yén Pita wùn Joon, aá shaa, nəə, e nèn a lon kifá. 4Áwune túy sí e wùn wó, Pita nèn lò, e sùúy sho jii, «Leéy ver.» 5Wù nèn a leéy, a ki ji vé‑éè fó wun a kifá. 6Pita suúy shó jii, «Bó m yòʼ kér mbàm gheéy, a mo‑óò fó wò kém kee kifá ke m kérí. M suuy e wò e Jesus Kristu woó Naasarer yir jii, lò, a ghan.» 7Wù nèn ghàr fó koy yìyí, e nàn e yuv. Shwín wìr və̀y wùn à sí se wuù sí ku nèn tùúy, 8wù líy, e tìím, e nèn kèʼ, a ghan. Wùn áwune dù, e nə̀ə́ e lav cù, wù wáa ghan, a liynín, a burí Nyùy. 9Wír vee fó adzə̀me yén, a wìr və̀y ghán, búri Nyùy, 10e səə̀m jii, dzə̀ á wír wo wù rə́si dzə́, lón vifá e shùu kishem wo á yoŋ ji wo juŋe, sí yéví sə́n, á wáa leéy mo wìr və̀y gháné, a ker gháʼ.
Pita naárí kinyo ke Jesus e *lav cù
11Wìr və̀y ku nèn a ghan e Pita wùn Joon bàm. Wìr dzə̀m wáa yen, a ker gháʼ, a nyeŋ, a dù, a banén aáwuné ghaŋ e ŋgày ye á yoŋ ji ye Solomon. 12Pita yén, a wíri báʼti bèy, wù nèn yòŋ áwune jii, «Wír veé Isray, vèn kér gháʼ fo kinyò fèn, kíy ver ben ji ka? Vèn kwaʼtì ji yiì ver fo věr vitaaví, bo wìr və̀n wáa ghan, mo yiì liì wor wo wù bòŋèn Nyùy a? 13#Fəə 3.6,15. Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín. 14Jesus‑eè dzə̀ wír woo là jay, yii kinyo a dzə̀ ke Nyùy taʼà, yii bèy, vèn ku mèŋ wun méŋén, a lon ji Payler fəə́r a dzə̀ wír wo sən, wír, a wù‑uù rə́si yúyri wíri. 15Vèn yiì bèy, e nèn yùyrí wun wo wù yii, bo wíri wáa ŋèʼ, a dzə atin. Yii bèy, Nyùy fəə́r wun fo kpu, vèr yén e sí yérí, e nèn a fìʼtì. 16A yiì vitaáví vé Jesus woo shooy, bo ndzə́m wo vèn yén, kiiy və̀n bónén, bìʼ fo vèr wáy shilív a dzə̀ e wun woo Jesus wùn. A kù yiì shilív she vèr wayin é wùn wó, bo vèn wáa yen, a ndzə́m və̀n bónén ne, e tàv kijuŋ bèn.
17«Á bèy lèn, afə̀r vem, m kì ji kinyo ke vèn aàtǎr wòŋ véné‑eè tatin, e yiì e Jesus ki dzə̀, a bó á yòʼ‑oò kì kinyo ke vé‑eè yii. 18Ke kí dzəə̀n kí dzə̀ jii, mo Nyùy‑iì yiìn, aŋgàa ntum vəə́ wáa fìʼtì fo ghan ji *Mfə̀ə́r kù‑uù wíy yen ŋgeʼ, wù nèn yiì, kinyo kee shooy ki shémsín é dzəə fóo fèy. 19Vèn biner ri melív men mè, e kfə̀n fo Nyùy, é wù laysin vinyo vén ve bi ví, 20é wun woo Nyùy Tàr kfə́n a yiì, é melív men mè wáa rə̀sìn. Vèn binèr bèy, é wù kfən tsə̀nsí Jesus wo dzəə̀n Mfə̀ə́r wo wù‑uù lèmèn ji wù wíy lùŋèr ven. 21A wù kù wíy a dzə e yuv, e meé e ghan se Nyùy wíy naŋsín vinyo vidzə̀m, é ví kfə́n vifíy mo aŋgàa ntum və́ vee fó ŋgùʼú‑uù tiísi mo wù‑uù suuyì. 22#Remrí 18.15,18,19. A Mooser‑iì lo sùúy jii, ‹Nyùy Tàr, wun woo Nyùy wíy tum ŋgaà ntum və wùmòʼ, fo věn wùn moo mo, a wíy a dzə wír fo věn mvəm. Vèn kér fó wìy a yuurí vinyo ve wù suuy vidzə̀m. 23Wìr wíy ten fó a yuurí kinyo kfə́, aá fəə́r ŋgaàŋ fo wír Nyùyí mvəm, e yùyrí.›
24«A kù dzə̀ mo *aŋgàa ntum Nyùy adzə̀me‑eè fiʼtì kinyo ke kí kooy lán kìn. Vé‑eè fiʼtì, e kèʼ fo Samuel, e meé e ve vé‑eè jòʼsìné. 25#Kèʼlo 22.18; 26.4. Vinyo vidzə̀m ve Nyùy‑iì kàʼàn wíri shó, e tiìsí aàŋgaà və́ ntum vi dzə̀ vén. Vèn kfə́n a dzə sa e mvə̀m *mensàŋ me Nyùy‑iì gwàrìn wùn aàtàr vén vee fó mbìyi, bìʼ fo Nyùy‑iì suuyin e Abraham jii, ‹M wíy shaà fo wò ram, e səə̀vì vitúm veé kitu ke nsay vidzə̀m.› 26Nyùy nèn shòʼ Ŋgaà və Lìm, e tùm, wù tómbìy wìy, e yèn a dzə̀ ven ji wù fíʼ bìnèr melív men fo věn vinyò ve bi ví, é vèn nəə́ é mvə̀m vijùŋ foo fèy.»
Currently Selected:
Lim Aŋgàa Ntum 3: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL
Lim Aŋgàa Ntum 3
3
Pita wùn Joon fér ndzə́m
1Wìy lòo dzə e kishiíy kímóʼ kí moo shúy sitaár bèy, a sì ghán sé bùnrì, Pita wùn Joon wáa koʼ e lav cù. 2Á dù, e lòo nəə́ e shùu kishem wo á yoŋ ji wo juŋe, a wìr wùmòʼ dzə́ fo, a vé‑eè dzə̀ə́, a shwín sí ndzə́m ne, aá beʼèy vishiíy vidzə̀m, du, dzəʼə̀r e shùu kishem foo fèy, a wù lón mbàm fo wír ve á shaa, du e lav cùu. 3Wù yén Pita wùn Joon, aá shaa, nəə, e nèn a lon kifá. 4Áwune túy sí e wùn wó, Pita nèn lò, e sùúy sho jii, «Leéy ver.» 5Wù nèn a leéy, a ki ji vé‑éè fó wun a kifá. 6Pita suúy shó jii, «Bó m yòʼ kér mbàm gheéy, a mo‑óò fó wò kém kee kifá ke m kérí. M suuy e wò e Jesus Kristu woó Naasarer yir jii, lò, a ghan.» 7Wù nèn ghàr fó koy yìyí, e nàn e yuv. Shwín wìr və̀y wùn à sí se wuù sí ku nèn tùúy, 8wù líy, e tìím, e nèn kèʼ, a ghan. Wùn áwune dù, e nə̀ə́ e lav cù, wù wáa ghan, a liynín, a burí Nyùy. 9Wír vee fó adzə̀me yén, a wìr və̀y ghán, búri Nyùy, 10e səə̀m jii, dzə̀ á wír wo wù rə́si dzə́, lón vifá e shùu kishem wo á yoŋ ji wo juŋe, sí yéví sə́n, á wáa leéy mo wìr və̀y gháné, a ker gháʼ.
Pita naárí kinyo ke Jesus e *lav cù
11Wìr və̀y ku nèn a ghan e Pita wùn Joon bàm. Wìr dzə̀m wáa yen, a ker gháʼ, a nyeŋ, a dù, a banén aáwuné ghaŋ e ŋgày ye á yoŋ ji ye Solomon. 12Pita yén, a wíri báʼti bèy, wù nèn yòŋ áwune jii, «Wír veé Isray, vèn kér gháʼ fo kinyò fèn, kíy ver ben ji ka? Vèn kwaʼtì ji yiì ver fo věr vitaaví, bo wìr və̀n wáa ghan, mo yiì liì wor wo wù bòŋèn Nyùy a? 13#Fəə 3.6,15. Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín. 14Jesus‑eè dzə̀ wír woo là jay, yii kinyo a dzə̀ ke Nyùy taʼà, yii bèy, vèn ku mèŋ wun méŋén, a lon ji Payler fəə́r a dzə̀ wír wo sən, wír, a wù‑uù rə́si yúyri wíri. 15Vèn yiì bèy, e nèn yùyrí wun wo wù yii, bo wíri wáa ŋèʼ, a dzə atin. Yii bèy, Nyùy fəə́r wun fo kpu, vèr yén e sí yérí, e nèn a fìʼtì. 16A yiì vitaáví vé Jesus woo shooy, bo ndzə́m wo vèn yén, kiiy və̀n bónén, bìʼ fo vèr wáy shilív a dzə̀ e wun woo Jesus wùn. A kù yiì shilív she vèr wayin é wùn wó, bo vèn wáa yen, a ndzə́m və̀n bónén ne, e tàv kijuŋ bèn.
17«Á bèy lèn, afə̀r vem, m kì ji kinyo ke vèn aàtǎr wòŋ véné‑eè tatin, e yiì e Jesus ki dzə̀, a bó á yòʼ‑oò kì kinyo ke vé‑eè yii. 18Ke kí dzəə̀n kí dzə̀ jii, mo Nyùy‑iì yiìn, aŋgàa ntum vəə́ wáa fìʼtì fo ghan ji *Mfə̀ə́r kù‑uù wíy yen ŋgeʼ, wù nèn yiì, kinyo kee shooy ki shémsín é dzəə fóo fèy. 19Vèn biner ri melív men mè, e kfə̀n fo Nyùy, é wù laysin vinyo vén ve bi ví, 20é wun woo Nyùy Tàr kfə́n a yiì, é melív men mè wáa rə̀sìn. Vèn binèr bèy, é wù kfən tsə̀nsí Jesus wo dzəə̀n Mfə̀ə́r wo wù‑uù lèmèn ji wù wíy lùŋèr ven. 21A wù kù wíy a dzə e yuv, e meé e ghan se Nyùy wíy naŋsín vinyo vidzə̀m, é ví kfə́n vifíy mo aŋgàa ntum və́ vee fó ŋgùʼú‑uù tiísi mo wù‑uù suuyì. 22#Remrí 18.15,18,19. A Mooser‑iì lo sùúy jii, ‹Nyùy Tàr, wun woo Nyùy wíy tum ŋgaà ntum və wùmòʼ, fo věn wùn moo mo, a wíy a dzə wír fo věn mvəm. Vèn kér fó wìy a yuurí vinyo ve wù suuy vidzə̀m. 23Wìr wíy ten fó a yuurí kinyo kfə́, aá fəə́r ŋgaàŋ fo wír Nyùyí mvəm, e yùyrí.›
24«A kù dzə̀ mo *aŋgàa ntum Nyùy adzə̀me‑eè fiʼtì kinyo ke kí kooy lán kìn. Vé‑eè fiʼtì, e kèʼ fo Samuel, e meé e ve vé‑eè jòʼsìné. 25#Kèʼlo 22.18; 26.4. Vinyo vidzə̀m ve Nyùy‑iì kàʼàn wíri shó, e tiìsí aàŋgaà və́ ntum vi dzə̀ vén. Vèn kfə́n a dzə sa e mvə̀m *mensàŋ me Nyùy‑iì gwàrìn wùn aàtàr vén vee fó mbìyi, bìʼ fo Nyùy‑iì suuyin e Abraham jii, ‹M wíy shaà fo wò ram, e səə̀vì vitúm veé kitu ke nsay vidzə̀m.› 26Nyùy nèn shòʼ Ŋgaà və Lìm, e tùm, wù tómbìy wìy, e yèn a dzə̀ ven ji wù fíʼ bìnèr melív men fo věn vinyò ve bi ví, é vèn nəə́ é mvə̀m vijùŋ foo fèy.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL