Roma 2
2
Adzaŋ za Ŋwi a Sáʼnə́ a Ŋwɔn tsum ə
1Ma lan, gho wa mbáʼ o sáʼnə́ ɨbɛn bə mɔʼɔ, ka o tsi agho nɨ ɨshwúrɨ́ a ngɨə ma lan tsɛʼ mɨnyiə, kə o be be ɨwa kə mbe ɨwa. Mbɨ́ʼ ngə́ be o sáʼə ɨbɛn bə mɔʼɔ, lá nkə́ ngɨ̌ ndəŋndəŋ ɨnu tsa bo ghɨnə, o chɛrə lá ɨsáʼ ɨgho ngə́ o vwo ɨsáʼ ə. 2Bɨgɨnə zhi ngə́ a kuʼnɨ a mbó Ŋwi a sáʼ ɨbɛn ba bɨ ghɨnɨ ɨbə́ŋ ɨnu tso mətsiŋ ə. 3Lá gho nə ɨson ɨghan, o ghɨ̌ ndəŋndəŋ ɨnu tsa o sáʼnɨ́ ɨbɛn bə mɔʼɔ mbɨ́ʼ a tsɛrə ghe! O wiʼtɨ ngə́ o ghɨ lɛʼ nɨsáʼ nɨ Ŋwi le? 4Kə aghagɨ a tsɛrə o wágɨ́nɨ́ ɨbɔŋ wu wi wa Ŋwi a ghɨnə, achigəntəm azhi abɔʼnɨ nchigə ɨzhi ɛ. Tsɛʼ a nkənu, o zhi ngə́ ntəm Ŋwi a nɨ wa ɨ ghɨnə tsɛʼ ɨbɔŋ ə, mbɨ́ʼ ngə́ wɛrə a ghɨ̌ ɨnu ɨtsum a ndzé ngə́ o bəŋ ntəm ɨgho a nye mɨbvu ɨmo. 5Lá o fɨŋ ntəm ɨgho nkɨ nton a mbəŋ wɛrə a nye mɨbvu ɨmo, ma lan, o ghɨə ngɨ́ʼ za o lonɨ zɛ́n ɨ gháʼtə ngěn be nɨ mbyi ɛ. Məzen a ghɨ fú lá a Njwi mɨlwi Ŋwi mbáʼ nɨsáʼ ɨni na nɨ tɛmnɨnɨ ghɨ fú asaŋəsaŋ ə. 6Ŋwi a ghɨ kyáŋ a ŋwɔn tsum ndzɔ́ŋə́ a nye afaʼ za a faʼnə ghe. 7Ɨbɛn ba bɨ sě nkə̌ a ngɨ ɨnu tsɨ shiʼnɨ, ɨ faʼə ndǒ nɨghaʼ, nkɔʼsə atɨ́ abɔʼnɨ ntsi ntən za bo láʼnɨ́ keʼ kfo; Ŋwi a ghɨ gha ntsi ntən nɨnkoŋ a mbó bo ghe. 8Lá a mbó ɨbɛn ba bɨ lɔnə ngə́ á bi tsɛʼ aza, nton awa a ndzúʼnɨ́ nkənu, taŋ ɨ tsi tsɛʼ a ngɨ ɨnu tsa ka tsɨ tɛmnɨ ayi; Ŋwi a ghɨ diʼ a mɨlwintɔŋ wu ntən wa a fuʼnə tso anto a nye bo ghe. 9Ŋwi a ghɨ ghɨ á ɨbɛn bɨtsum ba bɨ ghɨnɨ mɨbvu á bɨ ze ngɨ́ʼ nkɨ ndzúʼ ndzáŋə́, ɨ biʼnɨ a nye bə Yuda bɔŋ tiʼ kon a nye ba a se bə Yuda be ə. 10Lá wɛrə a mɨ gha nɨghaʼ, nkɔʼsə atɨ́ abɔʼnɨ mbɔnɨ a mbó ɨbɛn bɨtsum ba bɨ ghɨnɨ ɨnu tsɨ shiʼnɨ, ɨ biʼnɨ a nye bə Yuda bɔŋ tiʼ kon a nye ba a se bə Yuda be ə. 11Mbɨ́ʼ ngə́ ka Ŋwi a ndyiŋə ayi mɨshi ɛ.
12Ɨbɛn bɨtsum ba bɨ ghɨnə mɨbvu ba ka bɨ tsi awa nɨ Nyɔngɔŋ ghɨ kfo ɨ byékɨ́, lá mbáʼ ka bɨ sáʼ ayi awa ndzɔŋə a Nyɔngɔŋ ə. Ɨbɛn bɨtsum ba bɨ ghɨnə mɨbvu ba bɨ tsinɨ nɨ Nyɔngɔŋ, bɨ ghɨ sáʼ awa ɨ zɔŋnə a Nyɔngɔŋ ə. 13Mbɨ́ʼ ngə́ ka ɨbɛn nchínə́ awa a ɨshi ɨmɨgɨ Ŋwi lá tsɛʼ mbɨ́ʼ ngə́ bo zuʼ adzaŋ za bɨ tɔŋnɨ a Nyɔngɔŋ wa, a baŋnɨ mbe be ngə́ bo ghɨ ɨnu tsa Nyɔngɔŋ wa a sóŋnə́ ghe. 14Ba a se bə Yuda be sé kwárɨ́ a Nyɔngɔŋ wa a mbó Mǒse ghe; lá nkfu tsum za mɨntəm ɨma soŋnɨ bo ghɨ anu za Nyɔngɔŋ wa a soŋnɨ, bo diʼ lá ngə́ bo zhi anu za a kuʼnɨnɨ a ngɨə kə za bo se tsi nɨ ngɨə, lá mbáʼ bo báʼtɨ́ nkeʼ nɨ Nyɔngɔŋ wa kɨ ntsi ɨ tsinə. 15Mbɔm məzen ɨ diʼ ngə́ anu za Nyɔngɔŋ wa a sóŋnə́ a tsi a mu alɛm aza ghe. Mɨntəm ɨma kə́ ntíʼə ndiʼə ngə́ məzen a nɨ nkənu, mbáʼ nkfu tsɨ mɔʼɔ mɨntəm ɨma ghɨnə ngə́ á bo zhi ngə́ bo ghɨ ɨbvu ə; nkfu tsɨ mɔʼɔ mɨntəm ɨma diʼ a mbó bo ngə́ ɨnu tsa bo ghɨnɨ tsɨ kuʼnɨ ə. 16Ma lan, ndzɔŋə adzaŋ za mbáʼ Nkən wu Shiʼnɨ wa ma sóŋnə́ ɨ sóŋnɨ́, nə nɨ adzaŋ za a ghɨnɨ be a Njwi Nɨsáʼ ngə́ Ŋwi a ghɨ tsa a ndzum Kristo Yeso ɨ sáʼ ɨkwaʼtɨ ɨbɛn tsə nkubə ghe.
Bə Yuda abɔʼnɨ Nyɔngɔŋ ə
17A mbó gho wa o soŋnɨ ngə́ o nɨ ŋwɔn bə Yuda, o zɛʼtɨ a nye Nyɔngɔŋ nkə́ ntɛ́rə́ ngə́ o nɨ táʼ a tɨtərɨ ɨbɛn bɨ Ŋwi; 18o zhi ɨnu tsa Ŋwi a lɔnə ngə́ o ngɨə, o kɨnə nkɨ ngyɛʼ a mbó Nyɔngɔŋ, nji ntsɔ́ʼ za a kuʼnɨnɨ; 19o zhi ɨ shiʼnɨ a mu ntəm ɨgho ngə́ o tsagɨnɨ bɨfɨgɨ, mbe nkaʼ a mbó ɨbɛn ba bɨ tsinɨ a ndzumnɨ, 20mbe ŋwɔn wa a chísɨ́nɨ́ ɨdzɨŋtɨ nkɨ mbe ndiʼ aŋwaʼnɨ a mbó ɨbɔ, mbɨ́ʼ ngə́ Nyɔngɔŋ a ghanə azhyɛ atsum abɔʼnɨ nkənu tsum a mbó gho ghe. 21O dǐʼ ɨbɛn bə mɔʼɔ ghe — nchi keʼ atuəmbəm azo diʼ ngə́ ke le? O sóŋə́ anu a Ŋwi ngə́ á ŋwɔn a keʼ ze lá, o zě le? 22Gho wa o sóŋnə́ ngə́ á bɨ keʼ nchwúrə́, o nchwurə le? Gho wa o lanɨ mban ɨbɔ bɨ abe tsɛʼ nkan, o bɛ́ʼə mɨshim ma bɨ lɛnɨ ɨbɔ bɨ abe ɨwu le? 23O tɛrə ngə́ o tsi nɨ Nyɔngɔŋ ə, o so nɨ́ŋə́ adɨrətú a nye Ŋwi a nye adzaŋ za o so a Nyɔngɔŋ a ndě le? 24A tsi a mu aŋwaʼnɨ a Ŋwi ngə́, “Ba a se bə Yuda be ghǎm ɨnu tɨbɔŋ mbɨ́ʼ a Ŋwi mbɨ́ʼ awən wa nɨ benɨ bə Yuda ghe.”
25Be o ndě a Nyɔngɔŋ muŋ ntsəŋ alagɨ#2:25 Bə Yuda kə́ ntɛrə mbɨ́ʼ a zɛrə mbɨ́ʼ ngə́ ɨ díʼ ngə́ bo bé ɨbɛn bɨ akan a Ŋwi ə. zən ɨ tsi nɨ ɨlɨŋ ə; lá be o tú a Nyɔngɔŋ lenə muŋ a mɨ be tso bɨ sé tsəŋ alagɨ azo ə. 26Be wa a se ŋwɔn bə Yuda be, zɨ wa bɨ se alagɨ azhi tsəŋ a ndě ɨnu tsa Nyɔngɔŋ a diʼnə, Ŋwi a mɨ keʼ ayi lɔgɨ tso ŋwɔn wa bɨ tsəŋnɨ alagɨ azhi le? 27Ma lan, ba a se bə Yuda be lo sáʼ awɨŋ bə Yuda mbɨ́ʼ ngə́ ka nɨ ndě awɨŋ a Nyɔngɔŋ, lá mbáʼ bɨ ŋwaʼnɨnɨ a wɛrə nga a mbó bən nkɨ ntsəŋ ɨlagɨ ɨtsən; lá bo baŋnə ndě a Nyɔngɔŋ mbáʼ bɨ baŋnɨnɨ nkeʼ ɨlagɨ ɨtsa tsəŋə. 28A mbé ŋwɔn bə Yuda ka a tsi ayi lá abyɛn abyɛn, ngótɨ́ anu a ntsəŋ alagɨ a keʼ kɨ mbe anu abyɛn abyɛn abɔʼnɨ anu a ɨnyam ɨnye ə. 29Mbe ngótɨ́ ŋwɔn bə Yuda tsi lá a mu ntəm ə, ngótɨ́ ntsəŋ alagɨ a be anu za a fúnə́ be a mu ntəm ə, məzen a be lá afaʼ Azhwi a Ŋwi, nkeʼ afaʼ a Nyɔngɔŋ wu ŋwaʼnɨnɨ be. Ŋwɔn tso məwa a kwárə́ abontɨ azhi be a mbó Ŋwi, nkeʼ a mbó ɨbɛn be.
Currently Selected:
Roma 2: MNT
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL
Roma 2
2
Adzaŋ za Ŋwi a Sáʼnə́ a Ŋwɔn tsum ə
1Ma lan, gho wa mbáʼ o sáʼnə́ ɨbɛn bə mɔʼɔ, ka o tsi agho nɨ ɨshwúrɨ́ a ngɨə ma lan tsɛʼ mɨnyiə, kə o be be ɨwa kə mbe ɨwa. Mbɨ́ʼ ngə́ be o sáʼə ɨbɛn bə mɔʼɔ, lá nkə́ ngɨ̌ ndəŋndəŋ ɨnu tsa bo ghɨnə, o chɛrə lá ɨsáʼ ɨgho ngə́ o vwo ɨsáʼ ə. 2Bɨgɨnə zhi ngə́ a kuʼnɨ a mbó Ŋwi a sáʼ ɨbɛn ba bɨ ghɨnɨ ɨbə́ŋ ɨnu tso mətsiŋ ə. 3Lá gho nə ɨson ɨghan, o ghɨ̌ ndəŋndəŋ ɨnu tsa o sáʼnɨ́ ɨbɛn bə mɔʼɔ mbɨ́ʼ a tsɛrə ghe! O wiʼtɨ ngə́ o ghɨ lɛʼ nɨsáʼ nɨ Ŋwi le? 4Kə aghagɨ a tsɛrə o wágɨ́nɨ́ ɨbɔŋ wu wi wa Ŋwi a ghɨnə, achigəntəm azhi abɔʼnɨ nchigə ɨzhi ɛ. Tsɛʼ a nkənu, o zhi ngə́ ntəm Ŋwi a nɨ wa ɨ ghɨnə tsɛʼ ɨbɔŋ ə, mbɨ́ʼ ngə́ wɛrə a ghɨ̌ ɨnu ɨtsum a ndzé ngə́ o bəŋ ntəm ɨgho a nye mɨbvu ɨmo. 5Lá o fɨŋ ntəm ɨgho nkɨ nton a mbəŋ wɛrə a nye mɨbvu ɨmo, ma lan, o ghɨə ngɨ́ʼ za o lonɨ zɛ́n ɨ gháʼtə ngěn be nɨ mbyi ɛ. Məzen a ghɨ fú lá a Njwi mɨlwi Ŋwi mbáʼ nɨsáʼ ɨni na nɨ tɛmnɨnɨ ghɨ fú asaŋəsaŋ ə. 6Ŋwi a ghɨ kyáŋ a ŋwɔn tsum ndzɔ́ŋə́ a nye afaʼ za a faʼnə ghe. 7Ɨbɛn ba bɨ sě nkə̌ a ngɨ ɨnu tsɨ shiʼnɨ, ɨ faʼə ndǒ nɨghaʼ, nkɔʼsə atɨ́ abɔʼnɨ ntsi ntən za bo láʼnɨ́ keʼ kfo; Ŋwi a ghɨ gha ntsi ntən nɨnkoŋ a mbó bo ghe. 8Lá a mbó ɨbɛn ba bɨ lɔnə ngə́ á bi tsɛʼ aza, nton awa a ndzúʼnɨ́ nkənu, taŋ ɨ tsi tsɛʼ a ngɨ ɨnu tsa ka tsɨ tɛmnɨ ayi; Ŋwi a ghɨ diʼ a mɨlwintɔŋ wu ntən wa a fuʼnə tso anto a nye bo ghe. 9Ŋwi a ghɨ ghɨ á ɨbɛn bɨtsum ba bɨ ghɨnɨ mɨbvu á bɨ ze ngɨ́ʼ nkɨ ndzúʼ ndzáŋə́, ɨ biʼnɨ a nye bə Yuda bɔŋ tiʼ kon a nye ba a se bə Yuda be ə. 10Lá wɛrə a mɨ gha nɨghaʼ, nkɔʼsə atɨ́ abɔʼnɨ mbɔnɨ a mbó ɨbɛn bɨtsum ba bɨ ghɨnɨ ɨnu tsɨ shiʼnɨ, ɨ biʼnɨ a nye bə Yuda bɔŋ tiʼ kon a nye ba a se bə Yuda be ə. 11Mbɨ́ʼ ngə́ ka Ŋwi a ndyiŋə ayi mɨshi ɛ.
12Ɨbɛn bɨtsum ba bɨ ghɨnə mɨbvu ba ka bɨ tsi awa nɨ Nyɔngɔŋ ghɨ kfo ɨ byékɨ́, lá mbáʼ ka bɨ sáʼ ayi awa ndzɔŋə a Nyɔngɔŋ ə. Ɨbɛn bɨtsum ba bɨ ghɨnə mɨbvu ba bɨ tsinɨ nɨ Nyɔngɔŋ, bɨ ghɨ sáʼ awa ɨ zɔŋnə a Nyɔngɔŋ ə. 13Mbɨ́ʼ ngə́ ka ɨbɛn nchínə́ awa a ɨshi ɨmɨgɨ Ŋwi lá tsɛʼ mbɨ́ʼ ngə́ bo zuʼ adzaŋ za bɨ tɔŋnɨ a Nyɔngɔŋ wa, a baŋnɨ mbe be ngə́ bo ghɨ ɨnu tsa Nyɔngɔŋ wa a sóŋnə́ ghe. 14Ba a se bə Yuda be sé kwárɨ́ a Nyɔngɔŋ wa a mbó Mǒse ghe; lá nkfu tsum za mɨntəm ɨma soŋnɨ bo ghɨ anu za Nyɔngɔŋ wa a soŋnɨ, bo diʼ lá ngə́ bo zhi anu za a kuʼnɨnɨ a ngɨə kə za bo se tsi nɨ ngɨə, lá mbáʼ bo báʼtɨ́ nkeʼ nɨ Nyɔngɔŋ wa kɨ ntsi ɨ tsinə. 15Mbɔm məzen ɨ diʼ ngə́ anu za Nyɔngɔŋ wa a sóŋnə́ a tsi a mu alɛm aza ghe. Mɨntəm ɨma kə́ ntíʼə ndiʼə ngə́ məzen a nɨ nkənu, mbáʼ nkfu tsɨ mɔʼɔ mɨntəm ɨma ghɨnə ngə́ á bo zhi ngə́ bo ghɨ ɨbvu ə; nkfu tsɨ mɔʼɔ mɨntəm ɨma diʼ a mbó bo ngə́ ɨnu tsa bo ghɨnɨ tsɨ kuʼnɨ ə. 16Ma lan, ndzɔŋə adzaŋ za mbáʼ Nkən wu Shiʼnɨ wa ma sóŋnə́ ɨ sóŋnɨ́, nə nɨ adzaŋ za a ghɨnɨ be a Njwi Nɨsáʼ ngə́ Ŋwi a ghɨ tsa a ndzum Kristo Yeso ɨ sáʼ ɨkwaʼtɨ ɨbɛn tsə nkubə ghe.
Bə Yuda abɔʼnɨ Nyɔngɔŋ ə
17A mbó gho wa o soŋnɨ ngə́ o nɨ ŋwɔn bə Yuda, o zɛʼtɨ a nye Nyɔngɔŋ nkə́ ntɛ́rə́ ngə́ o nɨ táʼ a tɨtərɨ ɨbɛn bɨ Ŋwi; 18o zhi ɨnu tsa Ŋwi a lɔnə ngə́ o ngɨə, o kɨnə nkɨ ngyɛʼ a mbó Nyɔngɔŋ, nji ntsɔ́ʼ za a kuʼnɨnɨ; 19o zhi ɨ shiʼnɨ a mu ntəm ɨgho ngə́ o tsagɨnɨ bɨfɨgɨ, mbe nkaʼ a mbó ɨbɛn ba bɨ tsinɨ a ndzumnɨ, 20mbe ŋwɔn wa a chísɨ́nɨ́ ɨdzɨŋtɨ nkɨ mbe ndiʼ aŋwaʼnɨ a mbó ɨbɔ, mbɨ́ʼ ngə́ Nyɔngɔŋ a ghanə azhyɛ atsum abɔʼnɨ nkənu tsum a mbó gho ghe. 21O dǐʼ ɨbɛn bə mɔʼɔ ghe — nchi keʼ atuəmbəm azo diʼ ngə́ ke le? O sóŋə́ anu a Ŋwi ngə́ á ŋwɔn a keʼ ze lá, o zě le? 22Gho wa o sóŋnə́ ngə́ á bɨ keʼ nchwúrə́, o nchwurə le? Gho wa o lanɨ mban ɨbɔ bɨ abe tsɛʼ nkan, o bɛ́ʼə mɨshim ma bɨ lɛnɨ ɨbɔ bɨ abe ɨwu le? 23O tɛrə ngə́ o tsi nɨ Nyɔngɔŋ ə, o so nɨ́ŋə́ adɨrətú a nye Ŋwi a nye adzaŋ za o so a Nyɔngɔŋ a ndě le? 24A tsi a mu aŋwaʼnɨ a Ŋwi ngə́, “Ba a se bə Yuda be ghǎm ɨnu tɨbɔŋ mbɨ́ʼ a Ŋwi mbɨ́ʼ awən wa nɨ benɨ bə Yuda ghe.”
25Be o ndě a Nyɔngɔŋ muŋ ntsəŋ alagɨ#2:25 Bə Yuda kə́ ntɛrə mbɨ́ʼ a zɛrə mbɨ́ʼ ngə́ ɨ díʼ ngə́ bo bé ɨbɛn bɨ akan a Ŋwi ə. zən ɨ tsi nɨ ɨlɨŋ ə; lá be o tú a Nyɔngɔŋ lenə muŋ a mɨ be tso bɨ sé tsəŋ alagɨ azo ə. 26Be wa a se ŋwɔn bə Yuda be, zɨ wa bɨ se alagɨ azhi tsəŋ a ndě ɨnu tsa Nyɔngɔŋ a diʼnə, Ŋwi a mɨ keʼ ayi lɔgɨ tso ŋwɔn wa bɨ tsəŋnɨ alagɨ azhi le? 27Ma lan, ba a se bə Yuda be lo sáʼ awɨŋ bə Yuda mbɨ́ʼ ngə́ ka nɨ ndě awɨŋ a Nyɔngɔŋ, lá mbáʼ bɨ ŋwaʼnɨnɨ a wɛrə nga a mbó bən nkɨ ntsəŋ ɨlagɨ ɨtsən; lá bo baŋnə ndě a Nyɔngɔŋ mbáʼ bɨ baŋnɨnɨ nkeʼ ɨlagɨ ɨtsa tsəŋə. 28A mbé ŋwɔn bə Yuda ka a tsi ayi lá abyɛn abyɛn, ngótɨ́ anu a ntsəŋ alagɨ a keʼ kɨ mbe anu abyɛn abyɛn abɔʼnɨ anu a ɨnyam ɨnye ə. 29Mbe ngótɨ́ ŋwɔn bə Yuda tsi lá a mu ntəm ə, ngótɨ́ ntsəŋ alagɨ a be anu za a fúnə́ be a mu ntəm ə, məzen a be lá afaʼ Azhwi a Ŋwi, nkeʼ afaʼ a Nyɔngɔŋ wu ŋwaʼnɨnɨ be. Ŋwɔn tso məwa a kwárə́ abontɨ azhi be a mbó Ŋwi, nkeʼ a mbó ɨbɛn be.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL