Ɨfaʼ 6
6
Bɨ Tsɔʼ Bɨnkwatɨ bi Samba ghe
1Abaŋ a ghɨnə mbé ɨwu, mbáʼ ndvuŋ bɨyɛʼ ɨ kɨ́nə́ nkwi ɨ kwinɨ lá, azɔŋ a bvúgɨ́nɨ́ a tɨtərɨ bə Yuda ba bɨ kɨ́nə́ ngǎm nɨgham nɨ bə Grikɨ abɔʼnɨ bə Yuda ba bɨ kɨ́nə́ ngǎm nɨgham nɨ bə Yuda ghe. Bə Yuda ba bɨ kɨ́nə́ ngǎm nɨgham nɨ bə Grikɨ káŋ ngə́ bɨ kə́ nyɛʼnɨ bɨkfugɨ ɨba a nye mɨdzɨ ma bɨ kɨ́nə́ ngyɛbtɨ njwi tsum lá. 2Ma lan, ntóm Yeso tsa nɨghúm ntsɔb bá tíʼ ngótɨ́ ɨbɛn bɨtsum ba bɨ nɨ́ŋnɨ́ mɨntəm ɨma a nye Ŋwi táʼ adiʼ ɨ soŋ a mbó bo ngə́, “Ka a bɔŋ ayi a mbó bɨgɨ a nyɛʼnɨ ɨ soŋ anu a Ŋwi taŋ ɨ kyáŋtɨ́nə ɨnu mɨdzɨ ə. 3Ma lan nə ɨbɔmbɨma, á nɨ zarɨ mbáŋnɨ́ tsi samba a tɨtərɨ bən ba nɨ zhinɨ ngə́ bɨ lon nɨ Azhwi zə Fɛmnɨ abɔʼnɨ zóŋ, á bɨgɨ tiʼ nɨŋ anu məzen a mu mbó bo ghe. 4Mbáʼ bo mɨ kyáŋtɨ́nə anu a mɨdzɨ zen lá, bɨgɨ mboŋ mɨ tiʼ kɨ lɛn nkfu ɨzɨgɨ tsum a ntsaʼtɨ Ŋwi abɔʼnɨ ɨ soŋ anu a Ŋwi ə.”
5Nɨdorɨ nə wi tíʼ ntsí a mbó ngǒtə za tsum mbɨ́ʼ akwaʼtɨ zen za ntóm Yeso tsa yénɨ́ nɨ zɛrə lá. Bo tíʼ ntsɔ́ʼ a Sɨtifa ŋwɔn wa a lónɨ́ nɨ abeməntəm abɔʼnɨ Azhwi zə Fɛmnɨ, nɨ Firɨbɔ, Brɔkɔrɨsɨ, Naikanɔrɨ, Taimɔnɨ, Bamɛnasɨ, abɔʼnɨ Nikorə, ŋwɔn wa a sé ŋwɔn bə Yuda be, wa a lónɨ́ Antyokɨ, wa a kwɛ́nə mbə́ŋ ntəm ɨyi ɨ nɨŋ a nye Mbɔm nguʼsɨ Ŋwi bə Yuda lá. 6Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi tíʼ ngyen ndiʼ awa a mbó ntóm Yeso tsa, ntóm Yeso tiʼ nyɔŋ mbó ɨma atú bo ntsaʼtɨ a Ŋwi ə.
7Adzaŋ məwen, nɨgham nɨ Ŋwi tíʼə ndzagɨnə ghe. Ndvuŋ bɨyɛʼ a Yerosalɛm ɨ kə́ ngyaŋnə nkwíə ngěn nɨ mbyi, bɨntumshe a ɨnɔ tíʼ ntsí nɨ abeməntəm a nye Yeso ghe.
Adzaŋ za bɨ Kónɨ́ a Sɨtifa ghe
8Táʼ ŋwɔn wa bɨ tsɔ́ʼnɨ́ wa ɨkum ɨyi bénɨ́ Sɨtifa, a bé ŋwɔn tse wa Ŋwi a lánɨ́ fɔ́gɨ́ ayi tsɛʼ ɨ shiʼnɨ, a ghɨ́ ɨnu tsɨ yerɨnɨ-yerɨnɨ tsə wiəwi abɔʼnɨ tsɨ tsanɨnɨ tsə wiəwi a tɨtərɨ ɨbɛn ə. 9Lá ɨbɛn bə tse kə́ nkwənkə anu za Sɨtifa a kɨ́nə́ sóŋə́ ghe. Bo bé ngaŋ ndáŋwi bə Yuda zɨ bɨ ɨbɛn ba bɨ Kyɛ́tɨ́nɨ́ Mɨnkɨ mɨ Abuʼ a nye bo (mbe adzaŋ za bɨ kɨ́nə́ ntɔ́ŋə́ a zɛrə ghe). Bɨ kɨ́ ndzɔŋ nkwiʼtɨ bə Yuda ba bɨ lónɨ́ a Sirin bo Alɛgɨsandɨrɨya ghe. Bo abɔʼnɨ bə Yuda ba bɨ lónɨ́ a mbuʼ Silisha bo Esha bo bíʼnɨ́ nkwə́nkə́ bo bɨ Sɨtifa ghe. 10Lá Azhwi zə Fɛmnɨ a ghá a zóŋ wu ngwi a mbó Sɨtifa adzaŋ za, be a be ngə́ a ghám bo kɨ chi keʼ tuŋə. 11Ma lan, bo ghá abó a ndzum a mbó ɨbɛn bə tse ngə́ á bɨ soŋ ngə́, “Bɨgɨ zúʼ a ghamnɨ mɨgham nkwə́nkə́ a Mǒse bo Ŋwi ə!” 12Adzaŋ məwen, bo ghɨ́ mɨntɔŋ mɨ ɨbɛn lwinɨ, ndzɔŋ nkwiʼtɨ a mə bɨkum bɨ alaʼ abɔʼnɨ mə bɨdiʼ bɨ Nyɔngɔŋ ə. Bo tíʼ nkó a Sɨtifa ngɛn nɨ zɨ a ɨshi Ngaŋ Sáʼ Abyɛn ə. 13Bo tíʼ ngyen nɨ mbáŋnɨ́ tsɨ tse ngə́ á tsɨ chwe ɨnu wu atú ə. Ɨbɛn ba tíʼ sóŋ ngə́, “Ŋwɔn wen a gháʼə ngámə́ nkwə́nkɨ́ Ndáŋwi zɨ Ngwi zɨ fɛmnɨ abɔʼnɨ Nyɔngɔŋ Mǒse ghe. 14Bɨgɨ zúʼ a fu wə ntsu ngə́ Yeso ŋwɔn Nazarɛ wen a mɨ saʼ Ndáŋwi zɨ Ngwi, ɨ kɨ kwebtɨ mbɔm tsum za ɨ tsinɨ a mbó bɨgɨnə ɨ sɨŋə za Mǒse a ghánɨ́ a mbó bɨgɨnə ghe!” 15Ŋwɔn tsum a tɨtərɨ Ngaŋ Sáʼ Abyɛn kyérɨ́ a Sɨtifa ndzɛn ngə́ ɨshi ɨyi fí ɨshi ntsendá Ŋwi ə.
Currently Selected:
Ɨfaʼ 6: MNT
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL
Ɨfaʼ 6
6
Bɨ Tsɔʼ Bɨnkwatɨ bi Samba ghe
1Abaŋ a ghɨnə mbé ɨwu, mbáʼ ndvuŋ bɨyɛʼ ɨ kɨ́nə́ nkwi ɨ kwinɨ lá, azɔŋ a bvúgɨ́nɨ́ a tɨtərɨ bə Yuda ba bɨ kɨ́nə́ ngǎm nɨgham nɨ bə Grikɨ abɔʼnɨ bə Yuda ba bɨ kɨ́nə́ ngǎm nɨgham nɨ bə Yuda ghe. Bə Yuda ba bɨ kɨ́nə́ ngǎm nɨgham nɨ bə Grikɨ káŋ ngə́ bɨ kə́ nyɛʼnɨ bɨkfugɨ ɨba a nye mɨdzɨ ma bɨ kɨ́nə́ ngyɛbtɨ njwi tsum lá. 2Ma lan, ntóm Yeso tsa nɨghúm ntsɔb bá tíʼ ngótɨ́ ɨbɛn bɨtsum ba bɨ nɨ́ŋnɨ́ mɨntəm ɨma a nye Ŋwi táʼ adiʼ ɨ soŋ a mbó bo ngə́, “Ka a bɔŋ ayi a mbó bɨgɨ a nyɛʼnɨ ɨ soŋ anu a Ŋwi taŋ ɨ kyáŋtɨ́nə ɨnu mɨdzɨ ə. 3Ma lan nə ɨbɔmbɨma, á nɨ zarɨ mbáŋnɨ́ tsi samba a tɨtərɨ bən ba nɨ zhinɨ ngə́ bɨ lon nɨ Azhwi zə Fɛmnɨ abɔʼnɨ zóŋ, á bɨgɨ tiʼ nɨŋ anu məzen a mu mbó bo ghe. 4Mbáʼ bo mɨ kyáŋtɨ́nə anu a mɨdzɨ zen lá, bɨgɨ mboŋ mɨ tiʼ kɨ lɛn nkfu ɨzɨgɨ tsum a ntsaʼtɨ Ŋwi abɔʼnɨ ɨ soŋ anu a Ŋwi ə.”
5Nɨdorɨ nə wi tíʼ ntsí a mbó ngǒtə za tsum mbɨ́ʼ akwaʼtɨ zen za ntóm Yeso tsa yénɨ́ nɨ zɛrə lá. Bo tíʼ ntsɔ́ʼ a Sɨtifa ŋwɔn wa a lónɨ́ nɨ abeməntəm abɔʼnɨ Azhwi zə Fɛmnɨ, nɨ Firɨbɔ, Brɔkɔrɨsɨ, Naikanɔrɨ, Taimɔnɨ, Bamɛnasɨ, abɔʼnɨ Nikorə, ŋwɔn wa a sé ŋwɔn bə Yuda be, wa a lónɨ́ Antyokɨ, wa a kwɛ́nə mbə́ŋ ntəm ɨyi ɨ nɨŋ a nye Mbɔm nguʼsɨ Ŋwi bə Yuda lá. 6Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi tíʼ ngyen ndiʼ awa a mbó ntóm Yeso tsa, ntóm Yeso tiʼ nyɔŋ mbó ɨma atú bo ntsaʼtɨ a Ŋwi ə.
7Adzaŋ məwen, nɨgham nɨ Ŋwi tíʼə ndzagɨnə ghe. Ndvuŋ bɨyɛʼ a Yerosalɛm ɨ kə́ ngyaŋnə nkwíə ngěn nɨ mbyi, bɨntumshe a ɨnɔ tíʼ ntsí nɨ abeməntəm a nye Yeso ghe.
Adzaŋ za bɨ Kónɨ́ a Sɨtifa ghe
8Táʼ ŋwɔn wa bɨ tsɔ́ʼnɨ́ wa ɨkum ɨyi bénɨ́ Sɨtifa, a bé ŋwɔn tse wa Ŋwi a lánɨ́ fɔ́gɨ́ ayi tsɛʼ ɨ shiʼnɨ, a ghɨ́ ɨnu tsɨ yerɨnɨ-yerɨnɨ tsə wiəwi abɔʼnɨ tsɨ tsanɨnɨ tsə wiəwi a tɨtərɨ ɨbɛn ə. 9Lá ɨbɛn bə tse kə́ nkwənkə anu za Sɨtifa a kɨ́nə́ sóŋə́ ghe. Bo bé ngaŋ ndáŋwi bə Yuda zɨ bɨ ɨbɛn ba bɨ Kyɛ́tɨ́nɨ́ Mɨnkɨ mɨ Abuʼ a nye bo (mbe adzaŋ za bɨ kɨ́nə́ ntɔ́ŋə́ a zɛrə ghe). Bɨ kɨ́ ndzɔŋ nkwiʼtɨ bə Yuda ba bɨ lónɨ́ a Sirin bo Alɛgɨsandɨrɨya ghe. Bo abɔʼnɨ bə Yuda ba bɨ lónɨ́ a mbuʼ Silisha bo Esha bo bíʼnɨ́ nkwə́nkə́ bo bɨ Sɨtifa ghe. 10Lá Azhwi zə Fɛmnɨ a ghá a zóŋ wu ngwi a mbó Sɨtifa adzaŋ za, be a be ngə́ a ghám bo kɨ chi keʼ tuŋə. 11Ma lan, bo ghá abó a ndzum a mbó ɨbɛn bə tse ngə́ á bɨ soŋ ngə́, “Bɨgɨ zúʼ a ghamnɨ mɨgham nkwə́nkə́ a Mǒse bo Ŋwi ə!” 12Adzaŋ məwen, bo ghɨ́ mɨntɔŋ mɨ ɨbɛn lwinɨ, ndzɔŋ nkwiʼtɨ a mə bɨkum bɨ alaʼ abɔʼnɨ mə bɨdiʼ bɨ Nyɔngɔŋ ə. Bo tíʼ nkó a Sɨtifa ngɛn nɨ zɨ a ɨshi Ngaŋ Sáʼ Abyɛn ə. 13Bo tíʼ ngyen nɨ mbáŋnɨ́ tsɨ tse ngə́ á tsɨ chwe ɨnu wu atú ə. Ɨbɛn ba tíʼ sóŋ ngə́, “Ŋwɔn wen a gháʼə ngámə́ nkwə́nkɨ́ Ndáŋwi zɨ Ngwi zɨ fɛmnɨ abɔʼnɨ Nyɔngɔŋ Mǒse ghe. 14Bɨgɨ zúʼ a fu wə ntsu ngə́ Yeso ŋwɔn Nazarɛ wen a mɨ saʼ Ndáŋwi zɨ Ngwi, ɨ kɨ kwebtɨ mbɔm tsum za ɨ tsinɨ a mbó bɨgɨnə ɨ sɨŋə za Mǒse a ghánɨ́ a mbó bɨgɨnə ghe!” 15Ŋwɔn tsum a tɨtərɨ Ngaŋ Sáʼ Abyɛn kyérɨ́ a Sɨtifa ndzɛn ngə́ ɨshi ɨyi fí ɨshi ntsendá Ŋwi ə.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL