Ɨfaʼ 4
4
Bɨ Ko a Bita bo Yoane Ngɛn nɨ bo a Ɨshi Ngaŋ sáʼ Abyɛn ə
1Bita bo Yoane kə́ mbvúrə́ ngámə́ a mbó ɨbɛn ba mbáʼ bɨntumshe bə tse, atú a bɨntsiŋ ɨdiʼ a Ndáŋwi zɨ Ngwi abɔʼnɨ ɨbɛn bə tse ba bɨ kɨ́nə́ ntɔ́ŋə́ awa ngə́ bə Sadukai a bɨ shwə́gɨ́nɨ́nə́. 2Mɨntɔŋ ɨma lwínɨ́ mbɨ́ʼ ngə́ ntóm Yeso tsa tsi bá kə́ ndǐʼ ɨbɛn ba ngə́ Yeso a zhwémnɨ́ a mbó nɨvwo, mbáʼ a tíʼnɨ́ ndíʼ ngə́ ba bɨ kfokɨnɨ ghɨ zhwémnɨ́ a mbó nɨvwo ɨ tsi ntɨŋ ə. 3Ma lan, bo kótɨ́ a Bita nɨ Yoane ɨ nɨŋ atsáŋ, bo tsi ɨwu nkɔʼ nkuʼ ɨzo wu mɔʼɔ mbáʼ nkfu tsánə́ lá. 4Lá ɨbɛn bə ghaʼnɨ ba bɨ zúʼnɨ́ nkən ɨwa nɨ́ŋ mɨntəm ɨma ɨwu ə. Ndvuŋ mbáŋnɨ́ tsa tsɨ nɨ́ŋnɨ́ mɨntəm ɨma a nye nkən wa kɔ́ʼ mbe tso 5,000 ghe.
5Njwi ghɨnə ndán, bɨntsagɨnɨ bɨ bə Yuda, bɨkum bɨ alaʼ abɔʼnɨ bɨdiʼ bɨ Nyɔngɔŋ bɨ bom a Yerosalɛm ə. 6Bo tsí bo bɨ Ntumshe wu Ngwi Anasɨ abɔʼnɨ Kayafasɨ, Yoane, Alɛgɨsanda bo bɨ bə mɔʼɔ ba bɨ tsínɨ́ a mu ngwəgɨ Ntumshe wu Ngwi ə. 7Bo ghɨ́ Bita bo Yoane tɛm atɨ́ a ɨshi bo, bo tiʼ mbitɨ awa ngə́, “Nɨ kɨ tsa lá ɨ nə́ ngɨ a məzen le? Nɨ tsi lá nɨ mɨŋə mɨtən ə, kə nɨ faʼ lá nɨ ɨkum ɨwa le?”
8Bita, zɨ wa a lónɨ́ nɨ Azhwi zə Fɛmnɨ, a chwɨ́gɨ́ awa ngə́, “Bɨntsagɨnɨ bɨ ɨbɛn abɔʼnɨ bɨkum bɨ alaʼ: 9be a be ngə́ nɨ bítə́ awɨgɨ nɨ ɨbítɨ ɨ sɨŋə mbɨ́ʼ ɨbɔŋ wa Ŋwi a ghɨnɨ a nye mbyinkɨnɨ wen abɔʼnɨ adzaŋ za bɨ tsánɨ́ ntsúʼ ayi, 10bən bɨtsum tiʼ ntsi nɨ njiɛ, á ŋwɔn tsum a mu Izrai a kɨ nji ngə́ ŋwɔn wen wa a tɛmnɨ ɨghan a ɨshi bən a shwetɨ ɨ shiʼnɨ ntsa lá a ndzum mɨtən ma mɨ tsinɨ a nye ɨkum Yeso Kristo ŋwɔn Nazarɛ ghe. Yeso wa nɨ kwémtɨ́nɨ́ atɨ abaŋnɨ-baŋnɨ, lá Ŋwi a zhwemnɨ ayi a mbó nɨvwo lá. 11Yeso a nɨ ŋwɔn wa aŋwaʼnɨ a Ŋwi a sóŋnɨ́ mbɨ́ʼ ayi ngə́:
‹Ngɔʼ za bɨvwu bɨ ndá tónɨ́ lá,
ɨ bə́ŋ ntíʼ ngɔʼ nɨbú nɨ ndá ə.›
12Bɨ chi loŋ a ŋwɔn ɨ tsa lá tsɛʼ a ndzum zɨ, nkeʼ ŋwɔn adaŋ be; a mu mbyi ziŋ tsum, ka ŋwɔn adaŋ a tsi ayi ɨwu wa Ŋwi a ghanə mbáʼ a chinɨ loŋ awɨgɨnə ghe.”
13A kɨ́ʼnɨ́ Ngaŋ Sáʼ Abyɛn tsa adzaŋ za Bita bo Yoane tsínɨ́ nɨ mɨntəm mə fankɨnɨ, nkwiʼtɨ ngə́ bo bé tsɛʼ ɨbɛn a njwankɨ nkeʼ aŋwaʼnɨ zə dɨtɨnɨ zə tse yɛʼə. Bo tíʼ njí a nyom məwa ngə́ bo kwɛ́ mbé ngaŋ aku Yeso ghe. 14Lá, anu zə daŋ za bo chínɨ́ sóŋ a sé bé mbɨ́ʼ ngə́ bo zɛ́n a ŋwɔn wa bɨ tsúʼnɨ́ lá a tɛm ɨwu bo bɨ Bita nɨ Yoane ghe. 15Ma lan, bo tíʼ sóŋ a mbó Bita nɨ Yoane ngə́ á bo fu awa a mu Ndá Ngaŋ Sáʼ Abyɛn za. Mbáʼ bo fúnɨ́ abyɛn lá, bo tíʼ mbə ntsi ngámnə́ bo nɨbo ghe. 16Bo bítɨ́ ngə́, “Bɨgɨnə mɨ ghɨ lá ɨ nə́ nɨ ɨbɛn ben le? Ŋwɔn tsum a Yerosalɛm a zhi ngə́ líʼ anu zə yerɨnɨ-yerɨnɨ zen a ghɨ bo, bɨgɨnə chi keʼ a zɛrə kɨ ntuŋə. 17Lá, a nchwǎ anu zen ngə́ á keʼ kwiʼ ndzagɨnɨ ngɛn nɨ mbyi a tɨtərɨ ɨbɛn, á bɨgɨnə kwantɨ ɨbɛn ben ngə́ á bo keʼ kwiʼ ngam a mbó ŋwɔn adaŋ nɨ ɨkum Yeso ghe.”
18Ma lan, bɨ bə́ ntɔ́ŋ awa bɨ kón a ndá, bɨ kwantɨ awa ngə́ á bo láʼ keʼ kwiʼ ngam kə ndiʼ anu zə tse nɨ ɨkum Yeso ghe. 19Lá Bita bo Yoane chwɨ́gɨ́ a mbó bo ngə́, “Tsɛʼ bɨŋ mboŋ, nɨ tsi nɨ ɨ zagɨ bitɨ ɨtumbəm tsɨŋ ə, ngə́ a kuʼnɨ zɨŋə a ɨshi ɨmɨgɨ Ŋwi, a ndzúʼnɨ́ Ŋwi kə awɨŋ ə. 20Lá a mbó bɨgɨ, bɨgɨ mboŋ chi keʼ kyɛntɨ a ngamə mbɨ́ʼ anu za bɨgɨ zɛnə nkɨ ndzuʼə.” 21Ma lan, Ngaŋ Sáʼ Abyɛn kwíʼ nkwantɨ awa nɨ nji zɨ ntən ntiʼ nyɛʼtɨ awa ngə́ á bo ghɛn awa ghe. Bo zɛ́n ngə́ bo kɨ chi keʼ nɨŋ ngɨ́ʼ tse a nye bo mbɨ́ʼ ngə́ ɨbɛn bɨtsum kə́ mbontə a Ŋwi mbɨ́ʼ anu za a fúnɨ́ lá. 22Ŋwɔn wa bɨ fáʼnɨ́ anu zə yerɨnɨ-yerɨnɨ zə ntsuʼ ŋwɔn zen wə ɨnye lá, a lvúŋnə́ ntsa ɨlom mɨghúm mi nɨkwa ghe.
Ɨbɛn ba bɨ Nɨŋnɨ Mɨntəm ɨma a nye Ŋwi Tsaʼtɨ a Ŋwi a Nchyɛ́ nɨ Mɨntəm mə Fankɨnɨ ə
23Tsɛʼ mbáʼ bɨ nyɛ́ʼtɨ́nɨ́ a Bita bo Yoane lá, bo bə́ mbən ngɛn nkwatɨ ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi, ɨ fɨʼtɨ anu za bɨntumshe bə wi abɔʼnɨ bɨkum bɨ alaʼ a bɨ sóŋnɨ́ a mbó bo ghe. 24Mbáʼ ɨbɛn ba bɨ nɨ́ŋnɨ́ mɨntəm ɨma a nye Ŋwi zúʼnɨ́ a məzen lá, bo bɨtsum tfúŋ ɨtú ɨtsa ntsaʼtɨ a Ŋwi ngə́: “Maʼmbyí, gho wa o káʼnɨ́ fɔməbvurə, atuəshe, sagɨrə wu ngwi nɨ ɨdzúm ɨtsum tsa tsɨ tsinɨ a mu ɨdiʼ tsiŋ ɨtsum! 25A ntsǎ a ndzum Azhwi zə Fɛmnɨ, o ghɨ́ ta ɨwɨgɨ wu kɔ́ʼɔ́nguʼ Ɨfɔ Devidɨ ngaŋ afaʼ ɨzo gham ɨ soŋ ngə́:
‹ba a se bə Yuda be lwí ntɔŋ lá ngə́ ke le;
ɨbɛn táŋ a mɨnaŋ tənu lá mbɨ́ʼ ake le?
26Bɨfɔ bɨ atuəshe wiŋ kyáŋtɨ́ ɨnye ɨtsa,
bɨsáʼ bɨ alaʼ ghótɨ́ a ntó
Maʼmbyí bo ɨyi Wa bɨ Zɔ́ʼnɨ́ wa.›
27Mbɨ́ʼ ngə́ tsɛʼ a nkənu, Ɛrɔd bo Bonto Branto bómnkɨ́ a mu ntáʼmbagə wu wi wen bo bɨ ba a se bə Yuda be nkwiʼtɨ bə Izrai, ntáŋ a mɨnaŋ atú Yeso, ngaŋ afaʼ ɨzo zɨ fɛmnɨ za o ghɨ́nɨ́ a nye Wa bɨ Zɔ́ʼnɨ́ wa. 28Bo bómnkɨ́ lá a ngɨ ɨnu ɨtsum tsa o kwɛ́nə nkyaŋtɨ ngə́ á tsɨ fu ntsa a ndzum mɨtən ɨmo abɔʼnɨ adzaŋ za o kɨ́nə́ ndǒ ghe. 29Tɨtsɔŋnɨ nə Maʼmbyí, ze adzaŋ za bo kyésɨ́nə́ awɨgɨ, Maʼmbyí tiʼ ngɨ awɨgɨ ngaŋ afaʼ ɨtso ngə́ á bɨgɨ soŋ nkən ɨgho nɨ mɨntəm mə fankɨnɨ ə. 30Adzaŋ za bɨgɨ sóŋnɨ́ nkən ɨgho nɨ mɨntəm mə fankɨnɨ lá, shiŋ abó azo a ntsúʼ mɨghɔ, nkɨ ngɨ ngə́ á bɨgɨ chi ghɨ ɨnu tsɨ tsanɨnɨ abɔʼnɨ ɨnu tsɨ yerɨnɨ-yerɨnɨ ntsa a ndzum ɨkum ngaŋ afaʼ ɨzo zɨ fɛmnɨ, Yeso ghe.”
31Bo ghɨnə mɛ́tɨ́ a ntsaʼtɨ Ŋwi, adiʼ za bo tsínɨ́ ɨwu lá a nɛmə. Azhwi zə Fɛmnɨ a lwɨ́gɨ́ awa bɨtsum, bo tiʼ mbiʼnɨ nchwítɨ́ nkən Ŋwi nɨ mɨntəm mə fankɨnɨ ə.
Ɨbɛn ba bɨ Nɨ́ŋnɨ́ Mɨntəm ɨma a nye Ŋwi kə́ Ngyɛbtɨ Ɨdzúm ɨtsa a Tɨtərɨ bo ghe
32Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi bé lá tsɛʼ táʼ azúm a ntəm bo abɔʼnɨ akwaʼtɨ aza ghe. Ŋwɔn tse a tɨtərɨ bo a sé sóŋ ngə́ azúm zə tsɛrə za zɨə tsínɨ́ nɨ zɛrə a nɨ tsɛʼ azhi ɛ. Bo kə́ ngyɛbtɨ ɨdzúm ɨtsa tsɛʼ ɨtsum a tɨtərɨ bo ghe. 33Ntóm Yeso kə́ sóŋə́ nɨ adaʼ zə wi adzaŋ za bo tɛ́mnɨ́ ɨwu nkɨ ndzɛn adzaŋ za Maʼmbyí Yeso a zhwémnɨ́nɨ́ a mbó nɨvwo, Ŋwi a tiʼ nkɨ nga abɔŋəntəm zə wi a mbó bo ghe. 34Ŋwɔn tse a tɨtərɨ bo a sé azúm zə tsɛrə a mbóŋə́ ghe. Bo ba bɨ tsínɨ́ nɨ ɨbɨŋ ɨshe abɔʼnɨ ndá kə́ fiŋə a tsɛrə ngyíŋə́ nɨ nkáb za bɨ fénɨ́ ɨwu, 35ngǎ a zɛrə a mbó ntóm Yeso ghe. Bo kə́ ntíʼə ngyɛ́btɨ́ nkáb məzen a mbó ŋwɔn tsum ndzɔ̌ŋ anu za ŋwɔn tsum a kɨ́nə́ ndǒ ngɨə nɨ nkáb ə.
36Ma lan, Yosɛb, ŋwɔn ɨlə̌ ndá Levi wa bɨ jwínɨ́ ayi a Saibrusɨ, zɨ wa ntóm Yeso kɨ́nə́ ntɔ́ŋə́ ngə́ Banabasɨ (mbáʼ ɨ diʼnɨ lá ngə́, ‘‘Zɨ wa a Wɔŋtɨnə’’), 37a fíŋ abɨŋ a ɨshe azhi, ngyen nyɔŋ nkáb za a fénɨ́ ɨwu a mɨku ntóm Yeso ghe.
Currently Selected:
Ɨfaʼ 4: MNT
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL
Ɨfaʼ 4
4
Bɨ Ko a Bita bo Yoane Ngɛn nɨ bo a Ɨshi Ngaŋ sáʼ Abyɛn ə
1Bita bo Yoane kə́ mbvúrə́ ngámə́ a mbó ɨbɛn ba mbáʼ bɨntumshe bə tse, atú a bɨntsiŋ ɨdiʼ a Ndáŋwi zɨ Ngwi abɔʼnɨ ɨbɛn bə tse ba bɨ kɨ́nə́ ntɔ́ŋə́ awa ngə́ bə Sadukai a bɨ shwə́gɨ́nɨ́nə́. 2Mɨntɔŋ ɨma lwínɨ́ mbɨ́ʼ ngə́ ntóm Yeso tsa tsi bá kə́ ndǐʼ ɨbɛn ba ngə́ Yeso a zhwémnɨ́ a mbó nɨvwo, mbáʼ a tíʼnɨ́ ndíʼ ngə́ ba bɨ kfokɨnɨ ghɨ zhwémnɨ́ a mbó nɨvwo ɨ tsi ntɨŋ ə. 3Ma lan, bo kótɨ́ a Bita nɨ Yoane ɨ nɨŋ atsáŋ, bo tsi ɨwu nkɔʼ nkuʼ ɨzo wu mɔʼɔ mbáʼ nkfu tsánə́ lá. 4Lá ɨbɛn bə ghaʼnɨ ba bɨ zúʼnɨ́ nkən ɨwa nɨ́ŋ mɨntəm ɨma ɨwu ə. Ndvuŋ mbáŋnɨ́ tsa tsɨ nɨ́ŋnɨ́ mɨntəm ɨma a nye nkən wa kɔ́ʼ mbe tso 5,000 ghe.
5Njwi ghɨnə ndán, bɨntsagɨnɨ bɨ bə Yuda, bɨkum bɨ alaʼ abɔʼnɨ bɨdiʼ bɨ Nyɔngɔŋ bɨ bom a Yerosalɛm ə. 6Bo tsí bo bɨ Ntumshe wu Ngwi Anasɨ abɔʼnɨ Kayafasɨ, Yoane, Alɛgɨsanda bo bɨ bə mɔʼɔ ba bɨ tsínɨ́ a mu ngwəgɨ Ntumshe wu Ngwi ə. 7Bo ghɨ́ Bita bo Yoane tɛm atɨ́ a ɨshi bo, bo tiʼ mbitɨ awa ngə́, “Nɨ kɨ tsa lá ɨ nə́ ngɨ a məzen le? Nɨ tsi lá nɨ mɨŋə mɨtən ə, kə nɨ faʼ lá nɨ ɨkum ɨwa le?”
8Bita, zɨ wa a lónɨ́ nɨ Azhwi zə Fɛmnɨ, a chwɨ́gɨ́ awa ngə́, “Bɨntsagɨnɨ bɨ ɨbɛn abɔʼnɨ bɨkum bɨ alaʼ: 9be a be ngə́ nɨ bítə́ awɨgɨ nɨ ɨbítɨ ɨ sɨŋə mbɨ́ʼ ɨbɔŋ wa Ŋwi a ghɨnɨ a nye mbyinkɨnɨ wen abɔʼnɨ adzaŋ za bɨ tsánɨ́ ntsúʼ ayi, 10bən bɨtsum tiʼ ntsi nɨ njiɛ, á ŋwɔn tsum a mu Izrai a kɨ nji ngə́ ŋwɔn wen wa a tɛmnɨ ɨghan a ɨshi bən a shwetɨ ɨ shiʼnɨ ntsa lá a ndzum mɨtən ma mɨ tsinɨ a nye ɨkum Yeso Kristo ŋwɔn Nazarɛ ghe. Yeso wa nɨ kwémtɨ́nɨ́ atɨ abaŋnɨ-baŋnɨ, lá Ŋwi a zhwemnɨ ayi a mbó nɨvwo lá. 11Yeso a nɨ ŋwɔn wa aŋwaʼnɨ a Ŋwi a sóŋnɨ́ mbɨ́ʼ ayi ngə́:
‹Ngɔʼ za bɨvwu bɨ ndá tónɨ́ lá,
ɨ bə́ŋ ntíʼ ngɔʼ nɨbú nɨ ndá ə.›
12Bɨ chi loŋ a ŋwɔn ɨ tsa lá tsɛʼ a ndzum zɨ, nkeʼ ŋwɔn adaŋ be; a mu mbyi ziŋ tsum, ka ŋwɔn adaŋ a tsi ayi ɨwu wa Ŋwi a ghanə mbáʼ a chinɨ loŋ awɨgɨnə ghe.”
13A kɨ́ʼnɨ́ Ngaŋ Sáʼ Abyɛn tsa adzaŋ za Bita bo Yoane tsínɨ́ nɨ mɨntəm mə fankɨnɨ, nkwiʼtɨ ngə́ bo bé tsɛʼ ɨbɛn a njwankɨ nkeʼ aŋwaʼnɨ zə dɨtɨnɨ zə tse yɛʼə. Bo tíʼ njí a nyom məwa ngə́ bo kwɛ́ mbé ngaŋ aku Yeso ghe. 14Lá, anu zə daŋ za bo chínɨ́ sóŋ a sé bé mbɨ́ʼ ngə́ bo zɛ́n a ŋwɔn wa bɨ tsúʼnɨ́ lá a tɛm ɨwu bo bɨ Bita nɨ Yoane ghe. 15Ma lan, bo tíʼ sóŋ a mbó Bita nɨ Yoane ngə́ á bo fu awa a mu Ndá Ngaŋ Sáʼ Abyɛn za. Mbáʼ bo fúnɨ́ abyɛn lá, bo tíʼ mbə ntsi ngámnə́ bo nɨbo ghe. 16Bo bítɨ́ ngə́, “Bɨgɨnə mɨ ghɨ lá ɨ nə́ nɨ ɨbɛn ben le? Ŋwɔn tsum a Yerosalɛm a zhi ngə́ líʼ anu zə yerɨnɨ-yerɨnɨ zen a ghɨ bo, bɨgɨnə chi keʼ a zɛrə kɨ ntuŋə. 17Lá, a nchwǎ anu zen ngə́ á keʼ kwiʼ ndzagɨnɨ ngɛn nɨ mbyi a tɨtərɨ ɨbɛn, á bɨgɨnə kwantɨ ɨbɛn ben ngə́ á bo keʼ kwiʼ ngam a mbó ŋwɔn adaŋ nɨ ɨkum Yeso ghe.”
18Ma lan, bɨ bə́ ntɔ́ŋ awa bɨ kón a ndá, bɨ kwantɨ awa ngə́ á bo láʼ keʼ kwiʼ ngam kə ndiʼ anu zə tse nɨ ɨkum Yeso ghe. 19Lá Bita bo Yoane chwɨ́gɨ́ a mbó bo ngə́, “Tsɛʼ bɨŋ mboŋ, nɨ tsi nɨ ɨ zagɨ bitɨ ɨtumbəm tsɨŋ ə, ngə́ a kuʼnɨ zɨŋə a ɨshi ɨmɨgɨ Ŋwi, a ndzúʼnɨ́ Ŋwi kə awɨŋ ə. 20Lá a mbó bɨgɨ, bɨgɨ mboŋ chi keʼ kyɛntɨ a ngamə mbɨ́ʼ anu za bɨgɨ zɛnə nkɨ ndzuʼə.” 21Ma lan, Ngaŋ Sáʼ Abyɛn kwíʼ nkwantɨ awa nɨ nji zɨ ntən ntiʼ nyɛʼtɨ awa ngə́ á bo ghɛn awa ghe. Bo zɛ́n ngə́ bo kɨ chi keʼ nɨŋ ngɨ́ʼ tse a nye bo mbɨ́ʼ ngə́ ɨbɛn bɨtsum kə́ mbontə a Ŋwi mbɨ́ʼ anu za a fúnɨ́ lá. 22Ŋwɔn wa bɨ fáʼnɨ́ anu zə yerɨnɨ-yerɨnɨ zə ntsuʼ ŋwɔn zen wə ɨnye lá, a lvúŋnə́ ntsa ɨlom mɨghúm mi nɨkwa ghe.
Ɨbɛn ba bɨ Nɨŋnɨ Mɨntəm ɨma a nye Ŋwi Tsaʼtɨ a Ŋwi a Nchyɛ́ nɨ Mɨntəm mə Fankɨnɨ ə
23Tsɛʼ mbáʼ bɨ nyɛ́ʼtɨ́nɨ́ a Bita bo Yoane lá, bo bə́ mbən ngɛn nkwatɨ ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi, ɨ fɨʼtɨ anu za bɨntumshe bə wi abɔʼnɨ bɨkum bɨ alaʼ a bɨ sóŋnɨ́ a mbó bo ghe. 24Mbáʼ ɨbɛn ba bɨ nɨ́ŋnɨ́ mɨntəm ɨma a nye Ŋwi zúʼnɨ́ a məzen lá, bo bɨtsum tfúŋ ɨtú ɨtsa ntsaʼtɨ a Ŋwi ngə́: “Maʼmbyí, gho wa o káʼnɨ́ fɔməbvurə, atuəshe, sagɨrə wu ngwi nɨ ɨdzúm ɨtsum tsa tsɨ tsinɨ a mu ɨdiʼ tsiŋ ɨtsum! 25A ntsǎ a ndzum Azhwi zə Fɛmnɨ, o ghɨ́ ta ɨwɨgɨ wu kɔ́ʼɔ́nguʼ Ɨfɔ Devidɨ ngaŋ afaʼ ɨzo gham ɨ soŋ ngə́:
‹ba a se bə Yuda be lwí ntɔŋ lá ngə́ ke le;
ɨbɛn táŋ a mɨnaŋ tənu lá mbɨ́ʼ ake le?
26Bɨfɔ bɨ atuəshe wiŋ kyáŋtɨ́ ɨnye ɨtsa,
bɨsáʼ bɨ alaʼ ghótɨ́ a ntó
Maʼmbyí bo ɨyi Wa bɨ Zɔ́ʼnɨ́ wa.›
27Mbɨ́ʼ ngə́ tsɛʼ a nkənu, Ɛrɔd bo Bonto Branto bómnkɨ́ a mu ntáʼmbagə wu wi wen bo bɨ ba a se bə Yuda be nkwiʼtɨ bə Izrai, ntáŋ a mɨnaŋ atú Yeso, ngaŋ afaʼ ɨzo zɨ fɛmnɨ za o ghɨ́nɨ́ a nye Wa bɨ Zɔ́ʼnɨ́ wa. 28Bo bómnkɨ́ lá a ngɨ ɨnu ɨtsum tsa o kwɛ́nə nkyaŋtɨ ngə́ á tsɨ fu ntsa a ndzum mɨtən ɨmo abɔʼnɨ adzaŋ za o kɨ́nə́ ndǒ ghe. 29Tɨtsɔŋnɨ nə Maʼmbyí, ze adzaŋ za bo kyésɨ́nə́ awɨgɨ, Maʼmbyí tiʼ ngɨ awɨgɨ ngaŋ afaʼ ɨtso ngə́ á bɨgɨ soŋ nkən ɨgho nɨ mɨntəm mə fankɨnɨ ə. 30Adzaŋ za bɨgɨ sóŋnɨ́ nkən ɨgho nɨ mɨntəm mə fankɨnɨ lá, shiŋ abó azo a ntsúʼ mɨghɔ, nkɨ ngɨ ngə́ á bɨgɨ chi ghɨ ɨnu tsɨ tsanɨnɨ abɔʼnɨ ɨnu tsɨ yerɨnɨ-yerɨnɨ ntsa a ndzum ɨkum ngaŋ afaʼ ɨzo zɨ fɛmnɨ, Yeso ghe.”
31Bo ghɨnə mɛ́tɨ́ a ntsaʼtɨ Ŋwi, adiʼ za bo tsínɨ́ ɨwu lá a nɛmə. Azhwi zə Fɛmnɨ a lwɨ́gɨ́ awa bɨtsum, bo tiʼ mbiʼnɨ nchwítɨ́ nkən Ŋwi nɨ mɨntəm mə fankɨnɨ ə.
Ɨbɛn ba bɨ Nɨ́ŋnɨ́ Mɨntəm ɨma a nye Ŋwi kə́ Ngyɛbtɨ Ɨdzúm ɨtsa a Tɨtərɨ bo ghe
32Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi bé lá tsɛʼ táʼ azúm a ntəm bo abɔʼnɨ akwaʼtɨ aza ghe. Ŋwɔn tse a tɨtərɨ bo a sé sóŋ ngə́ azúm zə tsɛrə za zɨə tsínɨ́ nɨ zɛrə a nɨ tsɛʼ azhi ɛ. Bo kə́ ngyɛbtɨ ɨdzúm ɨtsa tsɛʼ ɨtsum a tɨtərɨ bo ghe. 33Ntóm Yeso kə́ sóŋə́ nɨ adaʼ zə wi adzaŋ za bo tɛ́mnɨ́ ɨwu nkɨ ndzɛn adzaŋ za Maʼmbyí Yeso a zhwémnɨ́nɨ́ a mbó nɨvwo, Ŋwi a tiʼ nkɨ nga abɔŋəntəm zə wi a mbó bo ghe. 34Ŋwɔn tse a tɨtərɨ bo a sé azúm zə tsɛrə a mbóŋə́ ghe. Bo ba bɨ tsínɨ́ nɨ ɨbɨŋ ɨshe abɔʼnɨ ndá kə́ fiŋə a tsɛrə ngyíŋə́ nɨ nkáb za bɨ fénɨ́ ɨwu, 35ngǎ a zɛrə a mbó ntóm Yeso ghe. Bo kə́ ntíʼə ngyɛ́btɨ́ nkáb məzen a mbó ŋwɔn tsum ndzɔ̌ŋ anu za ŋwɔn tsum a kɨ́nə́ ndǒ ngɨə nɨ nkáb ə.
36Ma lan, Yosɛb, ŋwɔn ɨlə̌ ndá Levi wa bɨ jwínɨ́ ayi a Saibrusɨ, zɨ wa ntóm Yeso kɨ́nə́ ntɔ́ŋə́ ngə́ Banabasɨ (mbáʼ ɨ diʼnɨ lá ngə́, ‘‘Zɨ wa a Wɔŋtɨnə’’), 37a fíŋ abɨŋ a ɨshe azhi, ngyen nyɔŋ nkáb za a fénɨ́ ɨwu a mɨku ntóm Yeso ghe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL