Ɨfaʼ 26
26
Baolo a Gham Nɨgham nɨ Ntsuʼ Atú azhi a Ɨshi Agɨrɨba ghe
1Agɨrɨba a sóŋ a mbó Baolo ngə́, “O chi gham nɨgham nɨ ntsuʼ atú azo ə.” Baolo a tságɨ́ abó azhi atɨ́ ntiʼ ngam nɨgham nɨ ntsuʼ atú azhi ngə́:
2“Ɨfɔ Agɨrɨba! Ma kwaʼtɨ ngə́ a nɨ abɔŋətú azan ɨ sɨŋə ngə́ ma chi gham nɨgham nɨ ntsuʼ atú azan a ɨshi gho mbɨ́ʼ ɨnu ɨtsum tsa bə Yuda benə kaŋnə aghan mbɨ́ʼ a tsɛrə, 3tɨ́sə́n tɨ́sə́n, tso mbáʼ o zhinɨ ɨ shiʼnɨ mbɔm bə Yuda abɔʼnɨ ɨnu tsa bo kwənkɨnə ɨwu lá. Ma lan, ma tiʼə mbúʼtɨ́ mbó a mbó gho ngə́ o tsi nɨ nchigə a njwíʼtɨ́ anu za ma mɨ soŋə.
4Bə Yuda bɨtsum zhi ntsi mbyi ɨzan nchwuʼnɨ mbáʼ ma bénɨ́ mánkɨ́ə. Bo zhi atsum adzaŋ za ma kɨ chinə nchyɛ̌, a mbiʼnə, a mu alaʼ azan, a ndzɔŋtə, a Yerosalɛm ə. 5Bo zhi, ɨ lɔgɨnɨ a nye abaŋ zə sa, mbáʼ be bo kɔŋ ɨ soŋ za bo zhinɨ, ngə́ ɨ lɔgɨnɨ a mbiʼnə, ma bé ŋwɔn mandzɔŋ ɨbɛn ba bɨ zɔŋnə, tə fə́nkə́, bɨnyɔngɔŋ mbɨ́ʼ ndóm wa bɨgɨnə zhinɨ a Ŋwi ə. Ntsi mbyi ɨzə bé zɨ bə Farisao ghe. 6Tɨtsɔŋnɨ, ma tɛm ɨghan á bɨ sáʼ aghan mbɨ́ʼ ntsiŋə nɨ ntəm tsum za ma tsinɨ nɨ zɛrə a nye akaʼ za Ŋwi a ghɨ́nɨ́ a mbó bɨta ɨbɨgɨnə bə kɔ́ʼɔ́nguʼ — 7ndəŋndəŋ azúm za ɨtsé tsɨ wi tsɨ ɨbɛn ɨbɨgɨnə tsa nɨghúm ntsɔb bá tsenə nɨ ntəm tsum ɨ ghɨ kwárɨ́, adzaŋ za bo ghúʼsɨ́nə́ a Ŋwi nɨ ɨtfúʼ nɨ njwi lá. A nɨ mbɨ́ʼ ntsiŋə nɨ ntəm tsum məzen, nə Tsazɨ, mbáʼ bə Yuda biŋ kaŋnɨ aghan mbɨ́ʼ a zɛrə ghe! 8Bən ba nɨ tsinɨ ɨghan, a ghɨ ake nɨ ghuʼnə kɨ́káŋ a nɨŋ ntəm ɨwən ɨwu ngə́ Ŋwi a zhwémnɨ́ bɨkfú a mbó nɨvwo le?
9Me mboŋ, ma kwɛ́ nkɨ́ nkwáʼtɨ́ ngə́ muŋ ma ghɨ anu atsum za ma chínɨ́ ghɨ a ntsúʼnɨ́ anu mbɨ́ʼ ɨkum Yeso Ŋwɔn Nazarɛ ghe. 10Nə nɨ anu za ma ghɨ́nɨ́ a Yerosalɛm ə. Ma kwárɨ́ mɨtən a mbó bɨntumshe bə wi, ɨ nɨŋ ɨbɛn bɨ Ŋwi bə ghaʼnɨ atsáŋ; a nkfu za bɨ sáʼnɨ́ nchɛ́rɨ́ ngə́ á bɨ zhwitɨ awa lá, ma kɨ́ ntwɛ́mtə́. 11Nkfu tsə ghaʼnɨ ma nɨ́ŋ ngɨ́ʼ a nye bo a mu ndáŋwi bə Yuda, nkɨ njwəŋtɨ a ngɨə á bo nyɛʼ abeməntəm aza ghe. Ma lwí ntɔŋ a nye bo tɨ́sə́n ɨ kɔʼ kuʼ ɨfɨʼ za ma kɨ́nə́ fúrə́ awa ngěn nɨ ntáʼmbagə tsɨ wi tsɨ ɨtóm ɨtóm a ndɨ́gɨ́ bo ghe.”
Baolo a Fɨʼtɨ Adzaŋ za Zɨə Kwébtɨ́nɨ́ Ntəm ɨyi ɛ
(Ɨfa 9:1-19; 22:6-16)
12“A bé lá mbɨ́ʼ anu məzen mbáʼ ma ghɛ́nɨ́ a Damaskusɨ nɨ mɨtən abɔʼnɨ ɨtɨgɨtɨ tsa tsɨ lónɨ́ a mbó bɨntumshe bə wi ə. 13A ghɨ́ mbé lá a ndómnji a ntənɨ nyom, nə Tsazɨ, mbáʼ ma zɛ́nɨ́ nkaʼ wu tse wa ɨ kɨ́nə́ ntǎ ntsa a nɨnyom, wa ɨ lónɨ́ a nɨkaŋ nta nkárɨ́sɨ́ aghan abɔʼnɨ ɨbɛn ba bɨgɨ bo tsínɨ́ aku ə. 14Bɨgɨ bɨtsum vwókɨ́ a tɨshe, ma zuʼ nji ɨ gham nɨ nɨgham nɨ bə Ɛbal a mbó me ngə́, ‹Sɔlɨ, Sɔlɨ! O dɨ́gə́ aghan lá ngə́ ke le? O lɛ́mtə́ atuəmbəm azo adzaŋ za o tókɨ́nə́ aghan lá.› 15Ma bítɨ́ ngə́, ‹Maʼmbyí, o lá ɨwa le?› Maʼmbyí a tíʼ nchwɨ́gɨ́ ngə́, ‹Ma nɨ Yeso, zɨ wa o dɨ́gɨ́nə́ lá. 16Lá lo ntɛm atɨ́ ə. Ma fu a ɨshe a ɨshi gho a ntsɔ́ʼ gho a nye ngaŋ afaʼ ɨzə. O mɨ soŋ a mbó ɨbɛn bə mɔʼɔ ɨnu tsa o zɛnɨ mbɨ́ʼ aghan ɨ sɨŋə abɔʼnɨ tsa ma ghɨ fɨʼtɨ a mbó gho a nkfu ndzum ə. 17Ma mɨ kɨnkɨ agho a mbó ɨbɛn bɨ Izrai abɔʼnɨ ba a se bə Yuda be ba ma mɨ tsagɨ agho a mbó bo lá. 18O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›
Baolo a Gham mbɨ́ʼ Ɨfaʼ ɨyi ɛ
19Ma lan nə Ɨfɔ Agɨrɨba, ma sá atú tən a mbó ndzɛm nəzhwɨgɨnɨ za ma lyénɨ́ za ɨ lónɨ́ a fɔməbvurə lá. 20Ma tsá mbyi ɨ soŋ anu a Ŋwi lá a Damaskusɨ ntiʼ ndzɔŋtɨ nɨ Yerosalɛm, ntiʼ ndzɔŋtɨ nɨ Yudiya tsum, ntiʼ ndo ɨwu nkon a mbó ba a se bə Yuda be ə. Ma sóŋ anu a Ŋwi ngə́ bo mɨ zagɨ bəŋ mɨntəm ɨma a nye mɨbvu ɨma, ɨ tiʼ tsi a bagɨ Ŋwi, ɨ kɨ ghɨnɨ mɨnu ma mɨ diʼnɨ ngə́ bo bəŋnə mɨntəm ɨma a nye mɨbvu ɨma ghe. 21A bé lá mbɨ́ʼ a məzen mbáʼ bə Yuda benə shíʼnɨ́ mbó a ɨnye me a mu Ndáŋwi zɨ Ngwi, ntiʼ njwəŋtɨ a njwítɨ́ me ghe. 22Ɨ kɔʼ kuʼ ntsu sɨŋə, Ŋwi a kwátə́ aghə. Ma lan, ma tɛm ɨghan ɨ sóŋə́ lá a za a diʼnɨ nkənu a mbó bə kɨʼnɨ nkwiʼtɨ a bə wi ə. Anu za ma sóŋnə́ lá nɨ ndəŋndəŋ anu za ntóm Ŋwi abɔʼnɨ Mǒse sóŋnɨ́ ngə́ a ghɨ fu ngə́: 23Wa bɨ Zɔ́ʼnɨ́ wa a mɨ zagɨ ze ngɨ́ʼ, ɨ be ntsambyi ŋwɔn a nzhwémnə́ a mbó nɨvwo taŋ ɨ chwítɨ́ nkən wen a mbó bə Yuda abɔʼnɨ ba a se bə Yuda be ngə́ bɨ chi loŋ awa, á məzen a be lá tso nkaʼ a mbó bo ghe.”
24Adzaŋ za Baolo a ghámnɨ́ nɨgham nɨ ntsuʼ atú azhi adzaŋ wen lá, Fɛsɨto a tɔ́nkɨ́ ngə́, “Baolo o banɨ ə! Aŋwaʼnɨ zə wi za a tsinɨ a mu atú gho lá a nɨŋ abarə a mu atú azo ə!”
25Baolo a chwɨ́gɨ́ ngə́, “Tsazɨ, ka ma banɨ aghə! Ma sóŋə́ lá nkənu a mu mbɔnɨ ə. 26Ɨfɔ Agɨrɨba! Ma chi gham a mbó gho tɨ nɨbɔgɨ mbɨ́ʼ ngə́ o zhi anu mbɨ́ʼ ɨnu tsiŋ ɨtsum ə. Ma zhi ɨ shiʼnɨ ngə́ o lɛn a tsɛrə ɨtsum a mu atú gho mbɨ́ʼ ngə́ ka anu zen a fu ayi lá a nkubə ghe. 27Ɨfɔ Agɨrɨba, o nɨŋ ntəm ɨgho a nye ɨnu tsa ntóm Ŋwi ŋwáʼnɨ́nɨ́ le? Ma zhi ngə́ o nɨŋə!”
28Agɨrɨba a sóŋ a mbó Baolo ngə́, “Tsɛʼ a nye məkum a nkfu wen, o wiʼtɨ ngə́ be o bəŋ aghan a nye ŋwɔn wa a zɔŋnə a Kristo le?”
29Baolo a chwɨ́gɨ́ ngə́, “Kə nkfu vwugɨ kə ɨ sagɨ muŋ atsaʼtɨ a Ŋwi azan a nɨ ngə́ á gho nkwiʼtɨ abvuʼ azən bɨtsum za a tsinɨ ɨghan ɨ sɨŋə njwíʼtə́ anu za ma sóŋnə́ chi bəŋ ɨ be tso me — ɨ keʼ baŋnɨ mbe tso me wa ma nɨ ngaŋ atsáŋ bɨ korɨ aghan nɨ mɨnkɨ mɨ atɨŋə lá!”
30Ɨfɔ, gobɨna, Bɛrɨnisɨ nkwiʼtɨ a bə mɔʼɔ bɨtsum tíʼ ndo atɨ́, 31bo ghɨnə nyɛ́ʼtɨ́ adiʼ za, ntiʼ ngamnɨ ŋwɔn nɨ ŋwɔn ngə́, “Ka ŋwɔn wen a ghɨ ayi anu zə tse za be bɨ zhwitɨ ayi kə ɨ nɨŋ ayi atsáŋ ə.” 32Agɨrɨba a tíʼ sóŋ a mbó Fɛsɨto ngə́, “Ŋwɔn wen a lo be tú soŋ ngə́ á bɨ tsagɨ ɨsáʼ ɨyi a mbó Kaisa muŋ bɨ fɨgɨ ayi ɨ nyɛʼtə.”
Currently Selected:
Ɨfaʼ 26: MNT
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL
Ɨfaʼ 26
26
Baolo a Gham Nɨgham nɨ Ntsuʼ Atú azhi a Ɨshi Agɨrɨba ghe
1Agɨrɨba a sóŋ a mbó Baolo ngə́, “O chi gham nɨgham nɨ ntsuʼ atú azo ə.” Baolo a tságɨ́ abó azhi atɨ́ ntiʼ ngam nɨgham nɨ ntsuʼ atú azhi ngə́:
2“Ɨfɔ Agɨrɨba! Ma kwaʼtɨ ngə́ a nɨ abɔŋətú azan ɨ sɨŋə ngə́ ma chi gham nɨgham nɨ ntsuʼ atú azan a ɨshi gho mbɨ́ʼ ɨnu ɨtsum tsa bə Yuda benə kaŋnə aghan mbɨ́ʼ a tsɛrə, 3tɨ́sə́n tɨ́sə́n, tso mbáʼ o zhinɨ ɨ shiʼnɨ mbɔm bə Yuda abɔʼnɨ ɨnu tsa bo kwənkɨnə ɨwu lá. Ma lan, ma tiʼə mbúʼtɨ́ mbó a mbó gho ngə́ o tsi nɨ nchigə a njwíʼtɨ́ anu za ma mɨ soŋə.
4Bə Yuda bɨtsum zhi ntsi mbyi ɨzan nchwuʼnɨ mbáʼ ma bénɨ́ mánkɨ́ə. Bo zhi atsum adzaŋ za ma kɨ chinə nchyɛ̌, a mbiʼnə, a mu alaʼ azan, a ndzɔŋtə, a Yerosalɛm ə. 5Bo zhi, ɨ lɔgɨnɨ a nye abaŋ zə sa, mbáʼ be bo kɔŋ ɨ soŋ za bo zhinɨ, ngə́ ɨ lɔgɨnɨ a mbiʼnə, ma bé ŋwɔn mandzɔŋ ɨbɛn ba bɨ zɔŋnə, tə fə́nkə́, bɨnyɔngɔŋ mbɨ́ʼ ndóm wa bɨgɨnə zhinɨ a Ŋwi ə. Ntsi mbyi ɨzə bé zɨ bə Farisao ghe. 6Tɨtsɔŋnɨ, ma tɛm ɨghan á bɨ sáʼ aghan mbɨ́ʼ ntsiŋə nɨ ntəm tsum za ma tsinɨ nɨ zɛrə a nye akaʼ za Ŋwi a ghɨ́nɨ́ a mbó bɨta ɨbɨgɨnə bə kɔ́ʼɔ́nguʼ — 7ndəŋndəŋ azúm za ɨtsé tsɨ wi tsɨ ɨbɛn ɨbɨgɨnə tsa nɨghúm ntsɔb bá tsenə nɨ ntəm tsum ɨ ghɨ kwárɨ́, adzaŋ za bo ghúʼsɨ́nə́ a Ŋwi nɨ ɨtfúʼ nɨ njwi lá. A nɨ mbɨ́ʼ ntsiŋə nɨ ntəm tsum məzen, nə Tsazɨ, mbáʼ bə Yuda biŋ kaŋnɨ aghan mbɨ́ʼ a zɛrə ghe! 8Bən ba nɨ tsinɨ ɨghan, a ghɨ ake nɨ ghuʼnə kɨ́káŋ a nɨŋ ntəm ɨwən ɨwu ngə́ Ŋwi a zhwémnɨ́ bɨkfú a mbó nɨvwo le?
9Me mboŋ, ma kwɛ́ nkɨ́ nkwáʼtɨ́ ngə́ muŋ ma ghɨ anu atsum za ma chínɨ́ ghɨ a ntsúʼnɨ́ anu mbɨ́ʼ ɨkum Yeso Ŋwɔn Nazarɛ ghe. 10Nə nɨ anu za ma ghɨ́nɨ́ a Yerosalɛm ə. Ma kwárɨ́ mɨtən a mbó bɨntumshe bə wi, ɨ nɨŋ ɨbɛn bɨ Ŋwi bə ghaʼnɨ atsáŋ; a nkfu za bɨ sáʼnɨ́ nchɛ́rɨ́ ngə́ á bɨ zhwitɨ awa lá, ma kɨ́ ntwɛ́mtə́. 11Nkfu tsə ghaʼnɨ ma nɨ́ŋ ngɨ́ʼ a nye bo a mu ndáŋwi bə Yuda, nkɨ njwəŋtɨ a ngɨə á bo nyɛʼ abeməntəm aza ghe. Ma lwí ntɔŋ a nye bo tɨ́sə́n ɨ kɔʼ kuʼ ɨfɨʼ za ma kɨ́nə́ fúrə́ awa ngěn nɨ ntáʼmbagə tsɨ wi tsɨ ɨtóm ɨtóm a ndɨ́gɨ́ bo ghe.”
Baolo a Fɨʼtɨ Adzaŋ za Zɨə Kwébtɨ́nɨ́ Ntəm ɨyi ɛ
(Ɨfa 9:1-19; 22:6-16)
12“A bé lá mbɨ́ʼ anu məzen mbáʼ ma ghɛ́nɨ́ a Damaskusɨ nɨ mɨtən abɔʼnɨ ɨtɨgɨtɨ tsa tsɨ lónɨ́ a mbó bɨntumshe bə wi ə. 13A ghɨ́ mbé lá a ndómnji a ntənɨ nyom, nə Tsazɨ, mbáʼ ma zɛ́nɨ́ nkaʼ wu tse wa ɨ kɨ́nə́ ntǎ ntsa a nɨnyom, wa ɨ lónɨ́ a nɨkaŋ nta nkárɨ́sɨ́ aghan abɔʼnɨ ɨbɛn ba bɨgɨ bo tsínɨ́ aku ə. 14Bɨgɨ bɨtsum vwókɨ́ a tɨshe, ma zuʼ nji ɨ gham nɨ nɨgham nɨ bə Ɛbal a mbó me ngə́, ‹Sɔlɨ, Sɔlɨ! O dɨ́gə́ aghan lá ngə́ ke le? O lɛ́mtə́ atuəmbəm azo adzaŋ za o tókɨ́nə́ aghan lá.› 15Ma bítɨ́ ngə́, ‹Maʼmbyí, o lá ɨwa le?› Maʼmbyí a tíʼ nchwɨ́gɨ́ ngə́, ‹Ma nɨ Yeso, zɨ wa o dɨ́gɨ́nə́ lá. 16Lá lo ntɛm atɨ́ ə. Ma fu a ɨshe a ɨshi gho a ntsɔ́ʼ gho a nye ngaŋ afaʼ ɨzə. O mɨ soŋ a mbó ɨbɛn bə mɔʼɔ ɨnu tsa o zɛnɨ mbɨ́ʼ aghan ɨ sɨŋə abɔʼnɨ tsa ma ghɨ fɨʼtɨ a mbó gho a nkfu ndzum ə. 17Ma mɨ kɨnkɨ agho a mbó ɨbɛn bɨ Izrai abɔʼnɨ ba a se bə Yuda be ba ma mɨ tsagɨ agho a mbó bo lá. 18O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›
Baolo a Gham mbɨ́ʼ Ɨfaʼ ɨyi ɛ
19Ma lan nə Ɨfɔ Agɨrɨba, ma sá atú tən a mbó ndzɛm nəzhwɨgɨnɨ za ma lyénɨ́ za ɨ lónɨ́ a fɔməbvurə lá. 20Ma tsá mbyi ɨ soŋ anu a Ŋwi lá a Damaskusɨ ntiʼ ndzɔŋtɨ nɨ Yerosalɛm, ntiʼ ndzɔŋtɨ nɨ Yudiya tsum, ntiʼ ndo ɨwu nkon a mbó ba a se bə Yuda be ə. Ma sóŋ anu a Ŋwi ngə́ bo mɨ zagɨ bəŋ mɨntəm ɨma a nye mɨbvu ɨma, ɨ tiʼ tsi a bagɨ Ŋwi, ɨ kɨ ghɨnɨ mɨnu ma mɨ diʼnɨ ngə́ bo bəŋnə mɨntəm ɨma a nye mɨbvu ɨma ghe. 21A bé lá mbɨ́ʼ a məzen mbáʼ bə Yuda benə shíʼnɨ́ mbó a ɨnye me a mu Ndáŋwi zɨ Ngwi, ntiʼ njwəŋtɨ a njwítɨ́ me ghe. 22Ɨ kɔʼ kuʼ ntsu sɨŋə, Ŋwi a kwátə́ aghə. Ma lan, ma tɛm ɨghan ɨ sóŋə́ lá a za a diʼnɨ nkənu a mbó bə kɨʼnɨ nkwiʼtɨ a bə wi ə. Anu za ma sóŋnə́ lá nɨ ndəŋndəŋ anu za ntóm Ŋwi abɔʼnɨ Mǒse sóŋnɨ́ ngə́ a ghɨ fu ngə́: 23Wa bɨ Zɔ́ʼnɨ́ wa a mɨ zagɨ ze ngɨ́ʼ, ɨ be ntsambyi ŋwɔn a nzhwémnə́ a mbó nɨvwo taŋ ɨ chwítɨ́ nkən wen a mbó bə Yuda abɔʼnɨ ba a se bə Yuda be ngə́ bɨ chi loŋ awa, á məzen a be lá tso nkaʼ a mbó bo ghe.”
24Adzaŋ za Baolo a ghámnɨ́ nɨgham nɨ ntsuʼ atú azhi adzaŋ wen lá, Fɛsɨto a tɔ́nkɨ́ ngə́, “Baolo o banɨ ə! Aŋwaʼnɨ zə wi za a tsinɨ a mu atú gho lá a nɨŋ abarə a mu atú azo ə!”
25Baolo a chwɨ́gɨ́ ngə́, “Tsazɨ, ka ma banɨ aghə! Ma sóŋə́ lá nkənu a mu mbɔnɨ ə. 26Ɨfɔ Agɨrɨba! Ma chi gham a mbó gho tɨ nɨbɔgɨ mbɨ́ʼ ngə́ o zhi anu mbɨ́ʼ ɨnu tsiŋ ɨtsum ə. Ma zhi ɨ shiʼnɨ ngə́ o lɛn a tsɛrə ɨtsum a mu atú gho mbɨ́ʼ ngə́ ka anu zen a fu ayi lá a nkubə ghe. 27Ɨfɔ Agɨrɨba, o nɨŋ ntəm ɨgho a nye ɨnu tsa ntóm Ŋwi ŋwáʼnɨ́nɨ́ le? Ma zhi ngə́ o nɨŋə!”
28Agɨrɨba a sóŋ a mbó Baolo ngə́, “Tsɛʼ a nye məkum a nkfu wen, o wiʼtɨ ngə́ be o bəŋ aghan a nye ŋwɔn wa a zɔŋnə a Kristo le?”
29Baolo a chwɨ́gɨ́ ngə́, “Kə nkfu vwugɨ kə ɨ sagɨ muŋ atsaʼtɨ a Ŋwi azan a nɨ ngə́ á gho nkwiʼtɨ abvuʼ azən bɨtsum za a tsinɨ ɨghan ɨ sɨŋə njwíʼtə́ anu za ma sóŋnə́ chi bəŋ ɨ be tso me — ɨ keʼ baŋnɨ mbe tso me wa ma nɨ ngaŋ atsáŋ bɨ korɨ aghan nɨ mɨnkɨ mɨ atɨŋə lá!”
30Ɨfɔ, gobɨna, Bɛrɨnisɨ nkwiʼtɨ a bə mɔʼɔ bɨtsum tíʼ ndo atɨ́, 31bo ghɨnə nyɛ́ʼtɨ́ adiʼ za, ntiʼ ngamnɨ ŋwɔn nɨ ŋwɔn ngə́, “Ka ŋwɔn wen a ghɨ ayi anu zə tse za be bɨ zhwitɨ ayi kə ɨ nɨŋ ayi atsáŋ ə.” 32Agɨrɨba a tíʼ sóŋ a mbó Fɛsɨto ngə́, “Ŋwɔn wen a lo be tú soŋ ngə́ á bɨ tsagɨ ɨsáʼ ɨyi a mbó Kaisa muŋ bɨ fɨgɨ ayi ɨ nyɛʼtə.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, CABTAL