Tito 3
3
Wan je̱'e̱ mu̶bu̶jkpu̶du̶jk jatytimy ymu̶duungu̶xy je̱'e̱ gobierno tyuumbu̶du̶jk ajku̶xy
1Jatytimy yajja'aymye̱jtzku̶x je̱'e̱ mu̶bu̶jkpu̶du̶jk ajku̶xy ko je̱'e̱ gobierno tyuumbu̶du̶jk wan mu̶duungu̶xy y je̱'e̱ kajptja'ay tyuumbu̶du̶jk ajku̶xy wan u̶u̶mu̶doogu̶xy kapxymyu̶doogu̶xy du'un neby naty y'ane̱'e̱mu̶gu̶xyu̶ñ y wan tuungu̶xy mu̶dyiibu̶ tuung oyu̶ñ. 2Ka'p je̱'e̱ myu̶gu'ugtu̶jk ju̶bu̶k axu̶u̶g nigapx nimu̶dyaakku̶xu̶ch, nan ni ka'p je̱'e̱ tzip ma'ad u̶xtaaygyu̶xu̶ch, wan amu̶gu'ug ja'ay'ajtku̶xy y wan yajni'igu̶xu̶'kku̶xy ma je̱'e̱ jyoot wyinma'añ ajku̶xyu̶ñ ko yuung naaxypy jya'ay'ajtku̶xy ma je̱'e̱ mayjya'ay kú̶xyu̶ju̶ñ.
3Je̱' ko jékyu̶p ma najty je̱'e̱ Jesucristo ka'anu̶ nmu̶bu̶jku̶mnu̶ ajku̶xy, ka'p najty je̱'e̱ njoot nwinma'añ ajtu̶m ajku̶xy y ka'p je̱'e̱ Dios najty n'u̶u̶mu̶doowu̶m ngapxymyu̶doowu̶m ajku̶xy; tu̶goydyuum najty nyajpaatu̶m ajku̶xy y win'u̶u̶ñ najty n'ijtu̶m mu̶u̶d je̱'e̱ mayñaxpu̶ adzojku̶ñ ku̶xyu̶ y je̱'e̱ mayñaxpu̶ xondaaku̶ñ. Ju̶bu̶ktuum najty yajtzu̶na'ay yajjugy'áty y kya'ayajnay'oy'ixyii, xymyu̶dzip'ajtp ijty je̱'e̱ ja'ay ajtu̶m ajku̶xy y yajnaymyu̶dzip'adyii ijty amíñ u̶xyu̶py. 4Peru̶ ko je̱'e̱ Dios, u̶u̶ch je̱'e̱ nniwaambu̶ nyajtzookpu̶ ajtu̶m ajku̶xy yajni'igu̶xu̶'ky je̱'e̱ myay'ajtu̶ñ y je̱'e̱ chojk'ajtu̶ñ mu̶u̶d je̱'e̱ naaxwiiñjya'ay, 5chi je̱'e̱ n'aanu̶mu̶ du'un xyajni'idzooku̶ ajtu̶m, nan ka'p je̱'e̱ paady yajni'idzooky ko najty je̱'e̱ oybyu̶ tii du'umbu̶ tu̶ nduunu̶m ajku̶xy, je̱' ko je̱'e̱ pa'a''ayo'on mu̶dajty mu̶u̶d u̶u̶ch kyu̶xpu̶ ajtu̶m ajku̶xy. Y ko tu̶ nnu̶u̶be̱jtu̶m ajku̶xy chi je̱'e̱ njoot nwinma'añ tu̶ xyajwinje̱e̱myu̶'ajtu̶m, y mu̶u̶d je̱'e̱ y'Espíritu Santo je̱'e̱ jemybyu̶ tzu̶naay jugy'ajtu̶ñ tu̶ xymyooyu̶m ajku̶xy. 6Y mu̶u̶d je̱'e̱ Windzú̶n Jesucristo kyu̶xpu̶ u̶u̶ch je̱'e̱ nniwaambu̶ nyajtzookpu̶ ajtu̶m, je̱'e̱ Dios mu̶j ku̶je̱e̱ tu̶ xymyooyu̶m ajku̶xy je̱'e̱ Espíritu Santo. 7Je̱' tu̶ xyaj'awa'adzpu̶dzu̶u̶mu̶m ajku̶xy ma je̱'e̱ pokytyunu̶u̶ju̶ñ mu̶u̶d je̱'e̱ myay'ajtu̶ñ mu̶dyiibu̶ tyuunu̶ñ, y jada'achám je'eyu̶ nju̶jp'ijxu̶nu̶ ajku̶xy nbaattu̶nu̶ch je̱'e̱ jugy'ajtu̶ñ wiinu̶u̶xu̶u̶bu̶.
8Adaa jaanch adaa du'un tyu̶y'ajtu̶ch, y ndzojkypyu̶ch ko adayaaba mu̶k myajmu̶guwanu̶'u̶wu̶ch ajku̶xy, wan je̱'e̱ oybyu̶ tuungu̶xu̶ch je̱'e̱ mu̶dyiibu̶ je̱'e̱ Dios mu̶bu̶jkku̶xpu̶ñ. Adaa du'umbu̶ oy adaa du'un y kyu'umáyu̶py je̱'e̱ ja'ay du'un nigu̶xyu̶ ajku̶xy. 9Peru̶ u̶xmatz je̱'e̱ nigoobu̶ kyapxy'aty myu̶dya'agy'áty je̱'e̱ mu̶dyiibu̶ ka'p chobaaydyu̶ñ, nandu'un je̱'e̱ kapxy mu̶dya'agy neby je̱'e̱ mu̶j'áp mu̶jteedy chu̶naay jyugy'ajtyu̶ñ ajku̶xy. Nan u̶xmatz je̱'e̱ nayyaj'u̶x'íx nayyajpa'ixu̶u̶ y ka'p je̱'e̱ Moisés y'ane̱'e̱mu̶ñ myajtzibu̶u̶ygyu̶xy, je̱' ko ka'p je̱'e̱ du'umbu̶ ni maa tyuñ y ni kya'atzobaady je̱'.
10Pu̶nu̶ jii je̱'e̱ tzip ma'ad pu̶n yajpu̶du̶'u̶gy ma je̱'e̱ tzajptu̶jku̶ñ, myaj'oju̶py tu'ook me̱jtz'ook. Peru̶ pu̶nu̶ ka'p xykyapxymyu̶doy, timy'u̶x'oj ma je̱'e̱ tzajptu̶jku̶ñ, wan nu̶kxy. 11Mnejwu̶'u̶wu̶py ko je̱'e̱ du'umbu̶ ja'ay tu̶ je̱'e̱ tu̶y'ajt u̶xmajtznu̶ y je̱'e̱ kyu̶'u̶mbóky je̱'e̱ tu̶ yajtu̶goyii.
Pablo je̱'e̱ Tito nu̶ma'ay ko mu̶dnaybyada'añyii
12Ko naty je̱'e̱ Artemas o je̱'e̱ Tíquico nyajniguéxy, y ko jim jya'adu̶ch, mu̶'it u̶u̶ch xyjyatytimyñimínu̶ch mu̶k'eemby jim Nicópolis miñ u̶u̶ch jim xy'ixy, je̱' ko jim u̶u̶ch tu̶ niwinmayu̶'u̶y nyajnaxa'añu̶ch je̱'e̱ tu̶u̶chpyoj tiempo. 13Ko naty je̱'e̱ Zenas je̱'e̱ wingapxpu̶#3.13 Nije̱' wiingpu̶ versión myu̶na'añ: je̱'e̱ Zenas je̱'e̱ escribu̶ ja'ay. y je̱'e̱ Apolos jim jya'tku̶xy, mooygyu̶x je̱'e̱ tyu'ugaayu̶u̶k ajku̶xy y wan tyu'uyo'oy'adu̶u̶tzku̶xu̶ch ka'pu̶ tii tu'u'aam myayjyajtu̶xu̶ch ajku̶xy. 14Y wan je̱'e̱ nmu̶gu'ugtu̶jk du'un jajt abu̶jkku̶xu̶ch neby je̱'e̱ ja'ay y'oyjya'ay'átyu̶ñ y pyube̱jtku̶xu̶ch ma naty pu̶n tii yajmayjyátyu̶ñ, y du'un yaj'íx yajnejwu̶'u̶wu̶ch ma je̱'e̱ chu̶naay jyugy'ajtu̶ñ ajku̶xyu̶ñ ko oy yajxón Dyiosmu̶duungu̶xy.
Pablo myu̶gu'ugtu̶jk yajpókxu̶ñ y kunukxu̶ñ jak'yajniguéxy
15Nigu̶xyu̶ u̶u̶ch je̱'e̱ nmu̶gu'ugtu̶jk mu̶dyiibu̶ ya yajpaatku̶xpu̶ñ ma u̶u̶chu̶ñ je̱'e̱ yajpókxu̶ñ yam ke̱jxku̶xy ma miichu̶ñ. Yajpókx je̱'e̱ nmu̶gu'ugtu̶jk ajtu̶m je̱'e̱ mu̶dyiibu̶ u̶u̶ch oy ndzojkypy nju̶wu̶u̶ybyu̶ñ ajku̶xy, je̱'e̱ mu̶dyiibu̶ je̱'e̱ Dios y'ayuuk tyu̶y'ajt jim mu̶bu̶jkku̶xpu̶ñ, wan je̱'e̱ Dios oy'ajt may'ajt tuñ ma miich nigu̶xyu̶ ajku̶xyu̶ñ. Jaanch adaa du'un.
Currently Selected:
Tito 3: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Tito 3
3
Wan je̱'e̱ mu̶bu̶jkpu̶du̶jk jatytimy ymu̶duungu̶xy je̱'e̱ gobierno tyuumbu̶du̶jk ajku̶xy
1Jatytimy yajja'aymye̱jtzku̶x je̱'e̱ mu̶bu̶jkpu̶du̶jk ajku̶xy ko je̱'e̱ gobierno tyuumbu̶du̶jk wan mu̶duungu̶xy y je̱'e̱ kajptja'ay tyuumbu̶du̶jk ajku̶xy wan u̶u̶mu̶doogu̶xy kapxymyu̶doogu̶xy du'un neby naty y'ane̱'e̱mu̶gu̶xyu̶ñ y wan tuungu̶xy mu̶dyiibu̶ tuung oyu̶ñ. 2Ka'p je̱'e̱ myu̶gu'ugtu̶jk ju̶bu̶k axu̶u̶g nigapx nimu̶dyaakku̶xu̶ch, nan ni ka'p je̱'e̱ tzip ma'ad u̶xtaaygyu̶xu̶ch, wan amu̶gu'ug ja'ay'ajtku̶xy y wan yajni'igu̶xu̶'kku̶xy ma je̱'e̱ jyoot wyinma'añ ajku̶xyu̶ñ ko yuung naaxypy jya'ay'ajtku̶xy ma je̱'e̱ mayjya'ay kú̶xyu̶ju̶ñ.
3Je̱' ko jékyu̶p ma najty je̱'e̱ Jesucristo ka'anu̶ nmu̶bu̶jku̶mnu̶ ajku̶xy, ka'p najty je̱'e̱ njoot nwinma'añ ajtu̶m ajku̶xy y ka'p je̱'e̱ Dios najty n'u̶u̶mu̶doowu̶m ngapxymyu̶doowu̶m ajku̶xy; tu̶goydyuum najty nyajpaatu̶m ajku̶xy y win'u̶u̶ñ najty n'ijtu̶m mu̶u̶d je̱'e̱ mayñaxpu̶ adzojku̶ñ ku̶xyu̶ y je̱'e̱ mayñaxpu̶ xondaaku̶ñ. Ju̶bu̶ktuum najty yajtzu̶na'ay yajjugy'áty y kya'ayajnay'oy'ixyii, xymyu̶dzip'ajtp ijty je̱'e̱ ja'ay ajtu̶m ajku̶xy y yajnaymyu̶dzip'adyii ijty amíñ u̶xyu̶py. 4Peru̶ ko je̱'e̱ Dios, u̶u̶ch je̱'e̱ nniwaambu̶ nyajtzookpu̶ ajtu̶m ajku̶xy yajni'igu̶xu̶'ky je̱'e̱ myay'ajtu̶ñ y je̱'e̱ chojk'ajtu̶ñ mu̶u̶d je̱'e̱ naaxwiiñjya'ay, 5chi je̱'e̱ n'aanu̶mu̶ du'un xyajni'idzooku̶ ajtu̶m, nan ka'p je̱'e̱ paady yajni'idzooky ko najty je̱'e̱ oybyu̶ tii du'umbu̶ tu̶ nduunu̶m ajku̶xy, je̱' ko je̱'e̱ pa'a''ayo'on mu̶dajty mu̶u̶d u̶u̶ch kyu̶xpu̶ ajtu̶m ajku̶xy. Y ko tu̶ nnu̶u̶be̱jtu̶m ajku̶xy chi je̱'e̱ njoot nwinma'añ tu̶ xyajwinje̱e̱myu̶'ajtu̶m, y mu̶u̶d je̱'e̱ y'Espíritu Santo je̱'e̱ jemybyu̶ tzu̶naay jugy'ajtu̶ñ tu̶ xymyooyu̶m ajku̶xy. 6Y mu̶u̶d je̱'e̱ Windzú̶n Jesucristo kyu̶xpu̶ u̶u̶ch je̱'e̱ nniwaambu̶ nyajtzookpu̶ ajtu̶m, je̱'e̱ Dios mu̶j ku̶je̱e̱ tu̶ xymyooyu̶m ajku̶xy je̱'e̱ Espíritu Santo. 7Je̱' tu̶ xyaj'awa'adzpu̶dzu̶u̶mu̶m ajku̶xy ma je̱'e̱ pokytyunu̶u̶ju̶ñ mu̶u̶d je̱'e̱ myay'ajtu̶ñ mu̶dyiibu̶ tyuunu̶ñ, y jada'achám je'eyu̶ nju̶jp'ijxu̶nu̶ ajku̶xy nbaattu̶nu̶ch je̱'e̱ jugy'ajtu̶ñ wiinu̶u̶xu̶u̶bu̶.
8Adaa jaanch adaa du'un tyu̶y'ajtu̶ch, y ndzojkypyu̶ch ko adayaaba mu̶k myajmu̶guwanu̶'u̶wu̶ch ajku̶xy, wan je̱'e̱ oybyu̶ tuungu̶xu̶ch je̱'e̱ mu̶dyiibu̶ je̱'e̱ Dios mu̶bu̶jkku̶xpu̶ñ. Adaa du'umbu̶ oy adaa du'un y kyu'umáyu̶py je̱'e̱ ja'ay du'un nigu̶xyu̶ ajku̶xy. 9Peru̶ u̶xmatz je̱'e̱ nigoobu̶ kyapxy'aty myu̶dya'agy'áty je̱'e̱ mu̶dyiibu̶ ka'p chobaaydyu̶ñ, nandu'un je̱'e̱ kapxy mu̶dya'agy neby je̱'e̱ mu̶j'áp mu̶jteedy chu̶naay jyugy'ajtyu̶ñ ajku̶xy. Nan u̶xmatz je̱'e̱ nayyaj'u̶x'íx nayyajpa'ixu̶u̶ y ka'p je̱'e̱ Moisés y'ane̱'e̱mu̶ñ myajtzibu̶u̶ygyu̶xy, je̱' ko ka'p je̱'e̱ du'umbu̶ ni maa tyuñ y ni kya'atzobaady je̱'.
10Pu̶nu̶ jii je̱'e̱ tzip ma'ad pu̶n yajpu̶du̶'u̶gy ma je̱'e̱ tzajptu̶jku̶ñ, myaj'oju̶py tu'ook me̱jtz'ook. Peru̶ pu̶nu̶ ka'p xykyapxymyu̶doy, timy'u̶x'oj ma je̱'e̱ tzajptu̶jku̶ñ, wan nu̶kxy. 11Mnejwu̶'u̶wu̶py ko je̱'e̱ du'umbu̶ ja'ay tu̶ je̱'e̱ tu̶y'ajt u̶xmajtznu̶ y je̱'e̱ kyu̶'u̶mbóky je̱'e̱ tu̶ yajtu̶goyii.
Pablo je̱'e̱ Tito nu̶ma'ay ko mu̶dnaybyada'añyii
12Ko naty je̱'e̱ Artemas o je̱'e̱ Tíquico nyajniguéxy, y ko jim jya'adu̶ch, mu̶'it u̶u̶ch xyjyatytimyñimínu̶ch mu̶k'eemby jim Nicópolis miñ u̶u̶ch jim xy'ixy, je̱' ko jim u̶u̶ch tu̶ niwinmayu̶'u̶y nyajnaxa'añu̶ch je̱'e̱ tu̶u̶chpyoj tiempo. 13Ko naty je̱'e̱ Zenas je̱'e̱ wingapxpu̶#3.13 Nije̱' wiingpu̶ versión myu̶na'añ: je̱'e̱ Zenas je̱'e̱ escribu̶ ja'ay. y je̱'e̱ Apolos jim jya'tku̶xy, mooygyu̶x je̱'e̱ tyu'ugaayu̶u̶k ajku̶xy y wan tyu'uyo'oy'adu̶u̶tzku̶xu̶ch ka'pu̶ tii tu'u'aam myayjyajtu̶xu̶ch ajku̶xy. 14Y wan je̱'e̱ nmu̶gu'ugtu̶jk du'un jajt abu̶jkku̶xu̶ch neby je̱'e̱ ja'ay y'oyjya'ay'átyu̶ñ y pyube̱jtku̶xu̶ch ma naty pu̶n tii yajmayjyátyu̶ñ, y du'un yaj'íx yajnejwu̶'u̶wu̶ch ma je̱'e̱ chu̶naay jyugy'ajtu̶ñ ajku̶xyu̶ñ ko oy yajxón Dyiosmu̶duungu̶xy.
Pablo myu̶gu'ugtu̶jk yajpókxu̶ñ y kunukxu̶ñ jak'yajniguéxy
15Nigu̶xyu̶ u̶u̶ch je̱'e̱ nmu̶gu'ugtu̶jk mu̶dyiibu̶ ya yajpaatku̶xpu̶ñ ma u̶u̶chu̶ñ je̱'e̱ yajpókxu̶ñ yam ke̱jxku̶xy ma miichu̶ñ. Yajpókx je̱'e̱ nmu̶gu'ugtu̶jk ajtu̶m je̱'e̱ mu̶dyiibu̶ u̶u̶ch oy ndzojkypy nju̶wu̶u̶ybyu̶ñ ajku̶xy, je̱'e̱ mu̶dyiibu̶ je̱'e̱ Dios y'ayuuk tyu̶y'ajt jim mu̶bu̶jkku̶xpu̶ñ, wan je̱'e̱ Dios oy'ajt may'ajt tuñ ma miich nigu̶xyu̶ ajku̶xyu̶ñ. Jaanch adaa du'un.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005