Romanos 14
14
Ka'p je̱'e̱ mmu̶gu'ug mni'oj mniyaaxu̶'u̶y
1Ku'ubu̶jkku̶x je̱'e̱ mmu̶gu'ugtu̶jk oy yajxón je̱'e̱ mu̶dyiibu̶ je̱'e̱ myu̶bu̶jku̶ñ we̱e̱nu̶ju̶ñ ajku̶xy, y ka'p mu̶'amayu̶u̶ygyu̶xy. 2Jii je̱'e̱ ja'ay may pu̶n je̱'e̱ myu̶bu̶jku̶ñ mu̶j mu̶dajtku̶xpu̶ñ y mu̶baad ku̶xyu̶ tii jú̶kxku̶xy, y nan jii je̱'e̱ ja'ay je̱'e̱ mu̶dyiibu̶ je̱'e̱ myu̶bu̶jku̶ñ we̱e̱nu̶ju̶ñ, ka'p je̱'e̱ tzu'uch tzu'tzku̶xy, je̱'e̱ aay ujtz je̱'e̱ je'eyu̶ jyú̶kxku̶xypy. 3Je̱'e̱ mu̶dyiibu̶ ku̶xyu̶ tii jú̶kxku̶xpu̶ñ ka'p je̱'e̱ myu̶gu'ug mu̶baad pexy je̱'e̱ mu̶dyiibu̶ ka'p oy tii ju̶kxyu̶ñ; y je̱'e̱ mu̶dyiibu̶ ka'p oy tii ju̶kxyu̶ñ ka'p je̱'e̱ myu̶gu'ug mu̶baad ni'oj niyaxu̶'u̶y je̱'e̱ mu̶dyiibu̶ ku̶xyu̶ tii ju̶kxpu̶ñ, je̱' ko tu̶ je̱'e̱ Dios nandu'un kyu'ubu̶gyii ko y'ung'adyii. 4¿Pu̶n miich ko miich je̱'e̱ wiingpu̶ myu̶duumbu̶ mni'oj mniyaxu̶u̶yu̶ch? Pu̶nu̶ oybyu̶dzu̶u̶mb du'un o pu̶nu̶ ka'p du'un y'oybyu̶dzu̶my, je̱'e̱ wyindzú̶n je̱'e̱ ku̶'u̶m paattu̶p neby tyuñu̶ñ. Peru̶ oybyu̶dzu̶maamb je̱'e̱ du'un, je̱' ko je̱'e̱ windzú̶n je̱'e̱ mu̶k'ajt mu̶u̶d neby mu̶baad yaj'oybyu̶dzu̶myiiju̶ñ.
5Jii ja'adu'knáx: Jii je̱'e̱ ja'ay nije̱' mu̶dyiibu̶ mu̶naangu̶xpu̶ñ ko je̱'e̱ xu̶u̶ nije̱' yaj'amay'ádu̶ch y nije̱' ka'p yaj'amay'ádu̶ch, y jii nije̱' mu̶dyiibu̶ mu̶naangu̶xpu̶ñ ko tu'ugyu̶ je̱'e̱ xu̶u̶ ku̶xyu̶. Wan nidu'ug nidu'ug win'ijxku̶xy je̱'e̱ mu̶dyiibu̶ y'amay'adaangu̶xypyu̶ñ je̱'e̱ mu̶dyiibu̶ jaanch myu̶jootku̶daakku̶xypyu̶ñ ko jaanch y'óyu̶ch. 6Je̱'e̱ mu̶dyiibu̶ je̱'e̱ xu̶u̶ nije̱' amay'ajtpu̶ñ, paady je̱'e̱ amay'aty je̱'e̱ Windzú̶n Dios naty je̱'e̱ du'un wyindzu̶gu̶u̶by.#14.6 Nije̱' jaaybyu̶du̶jk myu̶naangu̶xy: y je̱'e̱ mu̶dyiibu̶ ka'p amay'atyu̶ñ, paady je̱'e̱ ka'p amay'aty je̱'e̱ Windzú̶n Dios naty je̱'e̱ du'un wyindzu̶gu̶u̶by. Y je̱'e̱ mu̶dyiibu̶ ku̶xyu̶ tii ju̶kxpu̶ñ, paady je̱'e̱ ju̶kxy je̱'e̱ Windzú̶n Dios naty je̱'e̱ du'un wyindzu̶gu̶u̶by, y yejkypy je̱'e̱ Dioskujuuyu̶p ma je̱'e̱ Diosu̶ñ; y je̱'e̱ mu̶dyiibu̶ ka'p oy tii ju̶kxyu̶ñ, paady je̱'e̱ ka'p ju̶kxy je̱'e̱ Windzú̶n Dios naty je̱'e̱ du'un wyindzu̶gu̶u̶by y nan yejkypy je̱'e̱ Dioskujuuyu̶p ma je̱'e̱ Diosu̶ñ.
7Ni pu̶n u̶u̶ch ajtu̶m ajku̶xy ka'p ku̶'u̶m ñayyajjugy'adyii y nan ni pu̶n ka'p ku̶'u̶m ñayyaj'o'ogyii. 8Pu̶nu̶ jugy'ajtu̶mb ajku̶xy je̱'e̱ Windzú̶n Dios kyu̶'u̶'aam njugy'ajtu̶m ajku̶xy y pu̶nu̶ o'ku̶mb ajku̶xy, je̱'e̱ Windzú̶n Dios kyu̶'u̶'aam naty n'o'ku̶m ajku̶xy. Y du'unu̶tz pu̶nu̶ jaktzu̶naayu̶mb o pu̶nu̶ o'ku̶mb, je̱'e̱ Windzú̶n Dios xyjya'ay'ajtp ajtu̶m ajku̶xy. 9Paady je̱'e̱ Cristo y'o'ky y jyuugypyu̶jky ja'adu'ook: neby je̱'e̱ ja'ay mu̶baad niWindzu̶n'aty je̱'e̱ mu̶dyiibu̶ tu̶ y'o'kku̶xnu̶ju̶ñ y je̱'e̱ mu̶dyiibu̶ jakjugy'ajtku̶xpnu̶ju̶ñ.
10¿Ti je̱'e̱ mmu̶gu'ug ko mni'oj mniyaxu̶'u̶y? ¿O ti ko m'u̶xtijy? Je̱' ko nigu̶xyu̶ je̱'e̱ Dios nwinguwa'agu̶u̶yu̶mu̶ch ajku̶xy, wan xytyu̶ydyuunu̶mu̶ch ajku̶xy. 11Je̱' ko du'un je̱'e̱ Dios ñaky myu̶na'añ:
“Jaanch jaanch, du'un je̱'e̱ Windzú̶n Dios myu̶na'añ,
ko xywyingojxtu̶na'awu̶bu̶ch je̱'e̱ naaxwiiñjya'ay nigu̶xyu̶
y nigu̶xyu̶ je̱'e̱ Dios o'owu̶dajtku̶xu̶ch.”
12Y du'unu̶tz, ku̶jx je̱' je̱'e̱ ndu̶y'ajt Dios winduuy ngu̶'u̶ye̱jku̶mu̶ch ajku̶xy neby naty tu̶ ndzu̶naay tu̶ njugy'ajtu̶mu̶ñ ajku̶xy.
Ka'p je̱'e̱ mmu̶gu'ug myajwinma'añdyu̶góy
13Paady ka'p mnayñi'oj mnayñiyaxu̶u̶yu̶gu̶xu̶ch amíñ u̶xyu̶py. Je̱' tu̶y'ajtu̶ñ, mu̶ktuungu̶x je̱'e̱ mjoot, ka'p mduungu̶xy je̱'e̱ mu̶dyiibu̶ je̱'e̱ mmu̶gu'ug yajwinma'añdyu̶gooyu̶gu̶xu̶p o je̱'e̱ mu̶dyiibu̶ je̱'e̱ myu̶bu̶jku̶ñ chaachpyu̶daakku̶xu̶byu̶ñ. 14U̶u̶ch nnejwu̶u̶ybyu̶ch ko agu̶ wa'adz je̱'e̱ ju̶kxy pu̶ky, y nnejwu̶u̶ybyu̶ch tu̶y tu'uda'agy, je̱' ko nmu̶bu̶jkypyu̶ch je̱'e̱ Windzú̶n Jesús. Y pu̶nu̶ jii pu̶n myu̶na'añ ko je̱'e̱ ju̶kxy pu̶ky ka'p wya'adzu̶ch, ka'p je̱'e̱ wya'adzu̶ch mu̶u̶d je̱'. 15Peru̶ pu̶nu̶ mju̶kxypy oy tii, je̱'e̱ mu̶dyiibu̶ je̱'e̱ mmu̶gu'ug tyijpyu̶ñ ko ka'p wya'adzu̶ch je̱'e̱ mu̶dyiibu̶ chaachpyu̶daakypyu̶ñ, neby du'un m'adu̶'u̶chu̶ñ, ka'p je̱'e̱ du'un mdzoky mju̶wu̶'u̶y. Ka'p je̱'e̱ mmu̶gu'ug myajtu̶góy je̱'e̱ mu̶dyiibu̶ je̱'e̱ Cristo tu̶ ku'u'o'ogu̶'u̶yu̶ñ mu̶u̶d je̱'e̱ ju̶kxy pu̶ky je̱'e̱ mu̶dyiibu̶ miich mju̶kxypyu̶ñ. 16Ka'p je̱'e̱ ja'ay myajni'ój myajniyaxu̶u̶ygyu̶xy je̱'e̱ mu̶dyiibu̶ miich mmu̶dajtku̶xypyu̶ñ ko oy tii mu̶baad mdzu'tzku̶xy mjú̶kxku̶xy.#14.16 Je̱'e̱ mu̶dyiibu̶ miich mmu̶dajtku̶xypyu̶ñ ko oy tii mu̶baad mdzu'tzku̶xy mjú̶kxku̶xy. Nije̱' wiingpu̶ jaaybyu̶du̶jk myu̶naangu̶xy: je̱'e̱ mu̶dyiibu̶ miich mdijku̶xypyu̶ñ ko y'óyu̶ch. 17Ka'p je̱'e̱ Dios y'ane̱'e̱mu̶ñ du'un myu̶na'añ: adaa m'u'ugu̶py mjú̶kxu̶py o adaa ka'p m'u'ugu̶ch mjú̶kxu̶ch, je̱'e̱ Dios y'ane̱'e̱mu̶ñ du'un je̱'e̱ myu̶na'añ ko tu̶y tu'uda'agy mdzu̶na'a mjuugy'ádu̶ch, ka'p je̱'e̱ tzip ma'ad maa y xi'ig xon mu̶u̶d je̱'e̱ mu̶dyiibu̶ je̱'e̱ Espíritu Santo yejkypyu̶ñ. 18Pu̶n je̱'e̱ Cristo du'un mu̶duumbu̶ñ, ku'umaayu̶p je̱'e̱ Dios du'un y nan ku'umaayu̶p je̱'e̱ ja'ay du'un ajku̶xy neby naty tyuñu̶ñ.
19Tzu̶k ku̶xyu̶ u̶xtaayu̶m ajku̶xy je̱'e̱ mu̶dyiibu̶ je̱'e̱ jootkujk'ajtu̶ñ xyajpaattu̶mu̶bu̶ñ ajku̶xy; y du'un mu̶baad amíñ u̶xyu̶py naybyube̱jt naybyudu̶gu̶u̶yu̶mu̶ ajku̶xy mu̶u̶d je̱'e̱ jootkujk'ajtu̶ñ neby je̱'e̱ nmu̶bu̶jku̶ñ mu̶baad ye̱kku̶mu̶ñ ajku̶xy. 20Ka'p je̱'e̱ Dios tyuung myajtu̶gooyu̶ mu̶u̶d je̱'e̱ ju̶kxy pu̶ky kyu̶xpu̶. Janch tu̶y'ajtu̶ñ, agu̶ oy wa'adz je̱'e̱ ju̶kxy pu̶ky ku̶xyu̶; je̱'e̱ju̶tz tu̶y ju̶bu̶k ko tii mdzu'udzu̶ch ajku̶xy, je̱'e̱ mu̶dyiibu̶ je̱'e̱ nmu̶gu'ug ka'p oyjyu̶wu̶'u̶yu̶ñ ndzu'tzu̶mu̶ch ajku̶xy, je̱'e̱ mu̶dyiibu̶ mu̶u̶d wyinma'añ dyu̶góyu̶chu̶ñ y u̶xmádzu̶ch je̱'e̱ Dios y'ayuuk tyu̶y'ajt. 21Ni'igu̶ oy ni'igyu̶ ko je̱'e̱ tzu'uch ka'p ndzu'tzu̶mu̶ch ajku̶xy y ko je̱'e̱ viino ka'p n'uuku̶mu̶ch ajku̶xy, y ka'p tii nduunu̶mu̶ch ajku̶xy je̱'e̱ mu̶dyiibu̶ je̱'e̱ nmu̶gu'ug mu̶u̶d wyinma'añdyu̶gooygyu̶xu̶chu̶ñ. 22Miich, je̱'e̱ mu̶dyiibu̶ je̱'e̱ Dios y'ayuuk tyu̶y'ajt nejwu̶u̶by ko je̱'e̱ Dios je̱'e̱ ju̶kxy pu̶ky ka'p agapxtuky. ¡Jootkujk je̱'e̱ ja'ay je̱'e̱ mu̶dyiibu̶ tuumb je̱'e̱ mu̶dyiibu̶ ñejwu̶u̶by ko y'óyu̶ch! 23Peru̶ je̱'e̱ mu̶dyiibu̶ ka'p ku̶'u̶m jyootkujku̶chu̶ñ pu̶nu̶ mu̶baad o pu̶nu̶ ka'p je̱'e̱ ju̶kxy pu̶ky mu̶baad ju̶kxy, y ko ju̶kxy nayyajpokykya'awu̶p je̱'e̱ naty du'un; je̱' ko ka'p naty je̱'e̱ tu'ug'aa tu'ugjoot ju̶kxy mu̶u̶d je̱'e̱ mu̶bu̶jku̶ñ mu̶dyiibu̶ myu̶u̶du̶ñ; aamé̱tzk jootmé̱tzk naty je̱'e̱ du'un ju̶kxy, y ku̶xyu̶ je̱'e̱ mu̶dyiibu̶ ka'p tu'ug'aa tu'ugjoot yajtúñu̶ñ mu̶u̶d je̱'e̱ mu̶bu̶jku̶ñ je̱'e̱ mu̶dyiibu̶ yajmu̶dajtpu̶ñ, poky je̱'.
Currently Selected:
Romanos 14: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Romanos 14
14
Ka'p je̱'e̱ mmu̶gu'ug mni'oj mniyaaxu̶'u̶y
1Ku'ubu̶jkku̶x je̱'e̱ mmu̶gu'ugtu̶jk oy yajxón je̱'e̱ mu̶dyiibu̶ je̱'e̱ myu̶bu̶jku̶ñ we̱e̱nu̶ju̶ñ ajku̶xy, y ka'p mu̶'amayu̶u̶ygyu̶xy. 2Jii je̱'e̱ ja'ay may pu̶n je̱'e̱ myu̶bu̶jku̶ñ mu̶j mu̶dajtku̶xpu̶ñ y mu̶baad ku̶xyu̶ tii jú̶kxku̶xy, y nan jii je̱'e̱ ja'ay je̱'e̱ mu̶dyiibu̶ je̱'e̱ myu̶bu̶jku̶ñ we̱e̱nu̶ju̶ñ, ka'p je̱'e̱ tzu'uch tzu'tzku̶xy, je̱'e̱ aay ujtz je̱'e̱ je'eyu̶ jyú̶kxku̶xypy. 3Je̱'e̱ mu̶dyiibu̶ ku̶xyu̶ tii jú̶kxku̶xpu̶ñ ka'p je̱'e̱ myu̶gu'ug mu̶baad pexy je̱'e̱ mu̶dyiibu̶ ka'p oy tii ju̶kxyu̶ñ; y je̱'e̱ mu̶dyiibu̶ ka'p oy tii ju̶kxyu̶ñ ka'p je̱'e̱ myu̶gu'ug mu̶baad ni'oj niyaxu̶'u̶y je̱'e̱ mu̶dyiibu̶ ku̶xyu̶ tii ju̶kxpu̶ñ, je̱' ko tu̶ je̱'e̱ Dios nandu'un kyu'ubu̶gyii ko y'ung'adyii. 4¿Pu̶n miich ko miich je̱'e̱ wiingpu̶ myu̶duumbu̶ mni'oj mniyaxu̶u̶yu̶ch? Pu̶nu̶ oybyu̶dzu̶u̶mb du'un o pu̶nu̶ ka'p du'un y'oybyu̶dzu̶my, je̱'e̱ wyindzú̶n je̱'e̱ ku̶'u̶m paattu̶p neby tyuñu̶ñ. Peru̶ oybyu̶dzu̶maamb je̱'e̱ du'un, je̱' ko je̱'e̱ windzú̶n je̱'e̱ mu̶k'ajt mu̶u̶d neby mu̶baad yaj'oybyu̶dzu̶myiiju̶ñ.
5Jii ja'adu'knáx: Jii je̱'e̱ ja'ay nije̱' mu̶dyiibu̶ mu̶naangu̶xpu̶ñ ko je̱'e̱ xu̶u̶ nije̱' yaj'amay'ádu̶ch y nije̱' ka'p yaj'amay'ádu̶ch, y jii nije̱' mu̶dyiibu̶ mu̶naangu̶xpu̶ñ ko tu'ugyu̶ je̱'e̱ xu̶u̶ ku̶xyu̶. Wan nidu'ug nidu'ug win'ijxku̶xy je̱'e̱ mu̶dyiibu̶ y'amay'adaangu̶xypyu̶ñ je̱'e̱ mu̶dyiibu̶ jaanch myu̶jootku̶daakku̶xypyu̶ñ ko jaanch y'óyu̶ch. 6Je̱'e̱ mu̶dyiibu̶ je̱'e̱ xu̶u̶ nije̱' amay'ajtpu̶ñ, paady je̱'e̱ amay'aty je̱'e̱ Windzú̶n Dios naty je̱'e̱ du'un wyindzu̶gu̶u̶by.#14.6 Nije̱' jaaybyu̶du̶jk myu̶naangu̶xy: y je̱'e̱ mu̶dyiibu̶ ka'p amay'atyu̶ñ, paady je̱'e̱ ka'p amay'aty je̱'e̱ Windzú̶n Dios naty je̱'e̱ du'un wyindzu̶gu̶u̶by. Y je̱'e̱ mu̶dyiibu̶ ku̶xyu̶ tii ju̶kxpu̶ñ, paady je̱'e̱ ju̶kxy je̱'e̱ Windzú̶n Dios naty je̱'e̱ du'un wyindzu̶gu̶u̶by, y yejkypy je̱'e̱ Dioskujuuyu̶p ma je̱'e̱ Diosu̶ñ; y je̱'e̱ mu̶dyiibu̶ ka'p oy tii ju̶kxyu̶ñ, paady je̱'e̱ ka'p ju̶kxy je̱'e̱ Windzú̶n Dios naty je̱'e̱ du'un wyindzu̶gu̶u̶by y nan yejkypy je̱'e̱ Dioskujuuyu̶p ma je̱'e̱ Diosu̶ñ.
7Ni pu̶n u̶u̶ch ajtu̶m ajku̶xy ka'p ku̶'u̶m ñayyajjugy'adyii y nan ni pu̶n ka'p ku̶'u̶m ñayyaj'o'ogyii. 8Pu̶nu̶ jugy'ajtu̶mb ajku̶xy je̱'e̱ Windzú̶n Dios kyu̶'u̶'aam njugy'ajtu̶m ajku̶xy y pu̶nu̶ o'ku̶mb ajku̶xy, je̱'e̱ Windzú̶n Dios kyu̶'u̶'aam naty n'o'ku̶m ajku̶xy. Y du'unu̶tz pu̶nu̶ jaktzu̶naayu̶mb o pu̶nu̶ o'ku̶mb, je̱'e̱ Windzú̶n Dios xyjya'ay'ajtp ajtu̶m ajku̶xy. 9Paady je̱'e̱ Cristo y'o'ky y jyuugypyu̶jky ja'adu'ook: neby je̱'e̱ ja'ay mu̶baad niWindzu̶n'aty je̱'e̱ mu̶dyiibu̶ tu̶ y'o'kku̶xnu̶ju̶ñ y je̱'e̱ mu̶dyiibu̶ jakjugy'ajtku̶xpnu̶ju̶ñ.
10¿Ti je̱'e̱ mmu̶gu'ug ko mni'oj mniyaxu̶'u̶y? ¿O ti ko m'u̶xtijy? Je̱' ko nigu̶xyu̶ je̱'e̱ Dios nwinguwa'agu̶u̶yu̶mu̶ch ajku̶xy, wan xytyu̶ydyuunu̶mu̶ch ajku̶xy. 11Je̱' ko du'un je̱'e̱ Dios ñaky myu̶na'añ:
“Jaanch jaanch, du'un je̱'e̱ Windzú̶n Dios myu̶na'añ,
ko xywyingojxtu̶na'awu̶bu̶ch je̱'e̱ naaxwiiñjya'ay nigu̶xyu̶
y nigu̶xyu̶ je̱'e̱ Dios o'owu̶dajtku̶xu̶ch.”
12Y du'unu̶tz, ku̶jx je̱' je̱'e̱ ndu̶y'ajt Dios winduuy ngu̶'u̶ye̱jku̶mu̶ch ajku̶xy neby naty tu̶ ndzu̶naay tu̶ njugy'ajtu̶mu̶ñ ajku̶xy.
Ka'p je̱'e̱ mmu̶gu'ug myajwinma'añdyu̶góy
13Paady ka'p mnayñi'oj mnayñiyaxu̶u̶yu̶gu̶xu̶ch amíñ u̶xyu̶py. Je̱' tu̶y'ajtu̶ñ, mu̶ktuungu̶x je̱'e̱ mjoot, ka'p mduungu̶xy je̱'e̱ mu̶dyiibu̶ je̱'e̱ mmu̶gu'ug yajwinma'añdyu̶gooyu̶gu̶xu̶p o je̱'e̱ mu̶dyiibu̶ je̱'e̱ myu̶bu̶jku̶ñ chaachpyu̶daakku̶xu̶byu̶ñ. 14U̶u̶ch nnejwu̶u̶ybyu̶ch ko agu̶ wa'adz je̱'e̱ ju̶kxy pu̶ky, y nnejwu̶u̶ybyu̶ch tu̶y tu'uda'agy, je̱' ko nmu̶bu̶jkypyu̶ch je̱'e̱ Windzú̶n Jesús. Y pu̶nu̶ jii pu̶n myu̶na'añ ko je̱'e̱ ju̶kxy pu̶ky ka'p wya'adzu̶ch, ka'p je̱'e̱ wya'adzu̶ch mu̶u̶d je̱'. 15Peru̶ pu̶nu̶ mju̶kxypy oy tii, je̱'e̱ mu̶dyiibu̶ je̱'e̱ mmu̶gu'ug tyijpyu̶ñ ko ka'p wya'adzu̶ch je̱'e̱ mu̶dyiibu̶ chaachpyu̶daakypyu̶ñ, neby du'un m'adu̶'u̶chu̶ñ, ka'p je̱'e̱ du'un mdzoky mju̶wu̶'u̶y. Ka'p je̱'e̱ mmu̶gu'ug myajtu̶góy je̱'e̱ mu̶dyiibu̶ je̱'e̱ Cristo tu̶ ku'u'o'ogu̶'u̶yu̶ñ mu̶u̶d je̱'e̱ ju̶kxy pu̶ky je̱'e̱ mu̶dyiibu̶ miich mju̶kxypyu̶ñ. 16Ka'p je̱'e̱ ja'ay myajni'ój myajniyaxu̶u̶ygyu̶xy je̱'e̱ mu̶dyiibu̶ miich mmu̶dajtku̶xypyu̶ñ ko oy tii mu̶baad mdzu'tzku̶xy mjú̶kxku̶xy.#14.16 Je̱'e̱ mu̶dyiibu̶ miich mmu̶dajtku̶xypyu̶ñ ko oy tii mu̶baad mdzu'tzku̶xy mjú̶kxku̶xy. Nije̱' wiingpu̶ jaaybyu̶du̶jk myu̶naangu̶xy: je̱'e̱ mu̶dyiibu̶ miich mdijku̶xypyu̶ñ ko y'óyu̶ch. 17Ka'p je̱'e̱ Dios y'ane̱'e̱mu̶ñ du'un myu̶na'añ: adaa m'u'ugu̶py mjú̶kxu̶py o adaa ka'p m'u'ugu̶ch mjú̶kxu̶ch, je̱'e̱ Dios y'ane̱'e̱mu̶ñ du'un je̱'e̱ myu̶na'añ ko tu̶y tu'uda'agy mdzu̶na'a mjuugy'ádu̶ch, ka'p je̱'e̱ tzip ma'ad maa y xi'ig xon mu̶u̶d je̱'e̱ mu̶dyiibu̶ je̱'e̱ Espíritu Santo yejkypyu̶ñ. 18Pu̶n je̱'e̱ Cristo du'un mu̶duumbu̶ñ, ku'umaayu̶p je̱'e̱ Dios du'un y nan ku'umaayu̶p je̱'e̱ ja'ay du'un ajku̶xy neby naty tyuñu̶ñ.
19Tzu̶k ku̶xyu̶ u̶xtaayu̶m ajku̶xy je̱'e̱ mu̶dyiibu̶ je̱'e̱ jootkujk'ajtu̶ñ xyajpaattu̶mu̶bu̶ñ ajku̶xy; y du'un mu̶baad amíñ u̶xyu̶py naybyube̱jt naybyudu̶gu̶u̶yu̶mu̶ ajku̶xy mu̶u̶d je̱'e̱ jootkujk'ajtu̶ñ neby je̱'e̱ nmu̶bu̶jku̶ñ mu̶baad ye̱kku̶mu̶ñ ajku̶xy. 20Ka'p je̱'e̱ Dios tyuung myajtu̶gooyu̶ mu̶u̶d je̱'e̱ ju̶kxy pu̶ky kyu̶xpu̶. Janch tu̶y'ajtu̶ñ, agu̶ oy wa'adz je̱'e̱ ju̶kxy pu̶ky ku̶xyu̶; je̱'e̱ju̶tz tu̶y ju̶bu̶k ko tii mdzu'udzu̶ch ajku̶xy, je̱'e̱ mu̶dyiibu̶ je̱'e̱ nmu̶gu'ug ka'p oyjyu̶wu̶'u̶yu̶ñ ndzu'tzu̶mu̶ch ajku̶xy, je̱'e̱ mu̶dyiibu̶ mu̶u̶d wyinma'añ dyu̶góyu̶chu̶ñ y u̶xmádzu̶ch je̱'e̱ Dios y'ayuuk tyu̶y'ajt. 21Ni'igu̶ oy ni'igyu̶ ko je̱'e̱ tzu'uch ka'p ndzu'tzu̶mu̶ch ajku̶xy y ko je̱'e̱ viino ka'p n'uuku̶mu̶ch ajku̶xy, y ka'p tii nduunu̶mu̶ch ajku̶xy je̱'e̱ mu̶dyiibu̶ je̱'e̱ nmu̶gu'ug mu̶u̶d wyinma'añdyu̶gooygyu̶xu̶chu̶ñ. 22Miich, je̱'e̱ mu̶dyiibu̶ je̱'e̱ Dios y'ayuuk tyu̶y'ajt nejwu̶u̶by ko je̱'e̱ Dios je̱'e̱ ju̶kxy pu̶ky ka'p agapxtuky. ¡Jootkujk je̱'e̱ ja'ay je̱'e̱ mu̶dyiibu̶ tuumb je̱'e̱ mu̶dyiibu̶ ñejwu̶u̶by ko y'óyu̶ch! 23Peru̶ je̱'e̱ mu̶dyiibu̶ ka'p ku̶'u̶m jyootkujku̶chu̶ñ pu̶nu̶ mu̶baad o pu̶nu̶ ka'p je̱'e̱ ju̶kxy pu̶ky mu̶baad ju̶kxy, y ko ju̶kxy nayyajpokykya'awu̶p je̱'e̱ naty du'un; je̱' ko ka'p naty je̱'e̱ tu'ug'aa tu'ugjoot ju̶kxy mu̶u̶d je̱'e̱ mu̶bu̶jku̶ñ mu̶dyiibu̶ myu̶u̶du̶ñ; aamé̱tzk jootmé̱tzk naty je̱'e̱ du'un ju̶kxy, y ku̶xyu̶ je̱'e̱ mu̶dyiibu̶ ka'p tu'ug'aa tu'ugjoot yajtúñu̶ñ mu̶u̶d je̱'e̱ mu̶bu̶jku̶ñ je̱'e̱ mu̶dyiibu̶ yajmu̶dajtpu̶ñ, poky je̱'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005