San Juan 15
15
Je̱'e̱ tu̶y'ajtpu̶ uva'aadz
1Chi je̱'e̱ Jesús myu̶naan'adu̶u̶ch: “U̶u̶ch je̱'e̱ du'un neby je̱'e̱ tu̶y'ajtpu̶ uva'aadzu̶ñ, y je̱'e̱ nDeedyu̶ch du'un neby je̱'e̱ uvakam kweentu̶'ajtpu̶ju̶ñ. 2Je̱'e̱ nDeedyu̶ch, xykyatzpujxu̶byu̶ch je̱'e̱ n'aadz je̱'e̱ mu̶dyiibu̶ ka'p tyu̶u̶mbétyu̶ñ; peru̶ je̱'e̱ mu̶dyiibu̶ tu̶u̶mbe̱jtpu̶ñ, y'u̶xpujxypy kyu'ubujxypy je̱'e̱ we̱njaty y yajwa'ach oy yajxón, neby mu̶baad ni'igu̶ may tyu̶u̶mbétyu̶ñ. 3Miich ajku̶xy, tu̶ u̶u̶ch je̱'e̱ nDeedy je̱'e̱ mjoot mwinma'añ miich xyajwaatzu̶ ajku̶xy ko u̶u̶ch je̱'e̱ n'ayuuk ndu̶y'ajt tu̶ xymyu̶bu̶jku̶ ajku̶xy, je̱'e̱ mu̶dyiibu̶ tu̶ nyajnu̶maaygyu̶xyu̶ñ. 4Ijtku̶x tu'ugyu̶ mu̶u̶d u̶u̶ch, du'un neby u̶u̶ch tu'ugyu̶ n'ityu̶ñ mu̶u̶d miich ajku̶xy. Je̱'e̱ uva'aadz ka'p je̱'e̱ du'uñyu̶ tyu̶u̶mbe̱da'añ, pu̶nu̶ ka'p naty je̱'e̱ ñiguepy. Nandu'unu̶tz miich ajku̶xy, ka'p miich mdu̶u̶m'ajtku̶xu̶ch, pu̶nu̶ ka'p tu'ugyu̶ m'ijtu̶u̶gu̶xy mu̶u̶d u̶u̶ch.
5“U̶u̶ch je̱'e̱ du'un neby je̱'e̱ uva'aadzu̶ñ, y miich du'un ajku̶xy neby je̱'e̱ uva'aadzu̶ñ. Pu̶n tu'ugyu̶ ijtu̶u̶b mu̶u̶d u̶u̶ch y u̶u̶ch tu'ugyu̶ ijtu̶u̶b mu̶u̶d je̱', tu̶u̶m'ajtp je̱'e̱ du'umbu̶ ja'ay. Pues ka'p miich mu̶baad ni tii mduungu̶xy pu̶nu̶ ka'p u̶u̶ch naty tu'ugyu̶ nyajpaady mu̶u̶d miich ajku̶xy. 6Pu̶n ka'p tu'ugyu̶ y'ity mu̶u̶d u̶u̶ch, yaj'u̶x'óxu̶p je̱'; y chi tyu̶u̶tznu̶ch, du'un neby je̱'e̱ uva'aadz mu̶dyiibu̶ yaj'oxu̶'kpu̶ñ y chi ju̶u̶njooty yajni'ino'knu̶.
7“Pu̶nu̶ ijtu̶u̶b miich tu'ugyu̶ ajku̶xy mu̶u̶d u̶u̶ch, y pu̶nu̶ ka'p u̶u̶ch je̱'e̱ n'u̶xpu̶jku̶ñ nimu̶naa xy'u̶xmajtzu̶ ajku̶xy, yujkwaangu̶x ma je̱'e̱ Dios tii mdimychojkku̶xypyu̶ñ y myajmooygyu̶xu̶p je̱'. 8Yajku'umaaybyu̶ch je̱'e̱ nDeedy du'un, ko naty du'un miich mdu̶u̶m'ajtku̶xy, y ko naty du'un jaanch ndiscípulos'ajtku̶xnu̶. 9U̶u̶ch ndzojkypy nju̶wu̶u̶by miich ajku̶xy, du'un neby u̶u̶ch je̱'e̱ Dios Teedy xychoky xyjyu̶wu̶'u̶yu̶ñ; y nan du'un miich ajku̶xy tzojktu̶u̶gu̶ch ajku̶xy. 10Pu̶nu̶ xykyuydyuunu̶byu̶ch je̱'e̱ n'ane̱'e̱mu̶ñ ajku̶xy, ndzojktú̶wu̶byu̶ch miich ajku̶xy, du'un neby u̶u̶ch je̱'e̱ nDeedy y'ane̱'e̱mu̶ñ nguydyuunu̶ju̶ñ, y xychojktú̶yu̶ch je̱'.
11“Paady adaa du'un nyajmu̶dmu̶dyaakku̶xy, wan du'un mjootkugu̶u̶ygyu̶xu̶ch mu̶u̶d u̶u̶ch, y du'un du'un ni'igyu̶ anaxy mjootkugu̶u̶ygyu̶xnu̶ch. 12Adaa u̶u̶ch n'ane̱'e̱mu̶ñ'ajtypy: Ko amíñ u̶xyu̶py mnaychogu̶u̶ mnayjyu̶wu̶'u̶wu̶u̶ju̶ch ajku̶xy, du'un neby u̶u̶ch miich ndzoky nju̶wu̶'u̶y ajku̶xyu̶ñ. 13Je̱'e̱ mu̶dyiibu̶ je̱'e̱ jyugy'ajtu̶ñ ye̱jkp ma je̱'e̱ o'ku̶ñ mu̶u̶d je̱'e̱ myu̶gu'ugtu̶jk kyu̶xpu̶ ajku̶xy, je̱' je̱'e̱ myu̶gu'ugtu̶jk mu̶k tzojkku̶xp ju̶wu̶u̶ygyu̶xp. 14Miich nmu̶gu'ug'ádu̶py ajku̶xy, pu̶nu̶ mguydyuungu̶xypy du'un neby n'ane̱'e̱mgu̶xyu̶ñ. 15U̶u̶ch ka'p miich tuumbu̶du̶jk n'oktijaangu̶xnu̶, je̱' ko ka'p je̱'e̱ tuumbu̶ tii nejwu̶'u̶y tii je̱'e̱ wyindzú̶n tyuumbyu̶ñ. Mu̶gu'uktu̶jk miich ndijaangu̶xnu̶, je̱' ko tu̶ miich ku̶xyu̶ n'awaandaayu̶ ajku̶xy neby u̶u̶ch je̱'e̱ nDeedy tu̶ xyñu̶ma'ayu̶ñ. 16Miich ajku̶xy, ka'p miich tu̶ xywyin'ijxku̶xy, u̶u̶ch miich tu̶ nwin'ijxku̶xy y tu̶ nyajni'ipu̶jkku̶xy ko u̶u̶ch je̱'e̱ n'ayuuk ndu̶y'ajt nu̶kxy xyajwa'kxu̶ ajku̶xy, wan du'un mnimayu̶u̶ygyu̶xu̶ch, y ko naty tu̶ mnimayu̶u̶ygyu̶xy, ka'p u̶u̶ch je̱'e̱ n'ayuuk ndu̶y'ajt nimu̶naa xy'u̶xmajtzu̶ch ajku̶xy. Y du'unu̶tz je̱'e̱ Dios Teedy xymyooygyu̶xu̶ch ku̶xyu̶ tijaty naty myujkwaangu̶xypyu̶ñ; cham u̶u̶ch je̱'e̱ nxu̶u̶ xykyapxpaattu̶ ajku̶xy. 17Cham u̶u̶ch miich du'un nmu̶gapx n'ane̱'e̱mgu̶xy ko amíñ u̶xyu̶py mnaychojku̶gu̶xu̶ch.
Je̱'e̱ naaxwiiñjya'ay ka'p je̱'e̱ Jesús ixaangu̶xy ni je̱'e̱ jya'ay ajku̶xy
18“Pu̶nu̶ je̱'e̱ naaxwiiñjya'ay miich xykya'a'ixaangu̶xp, nnejwu̶u̶ygyu̶x du'un; ko u̶u̶ch je̱'e̱ du'un jayu̶jp'ajt tu̶ xytyuungu̶xy. 19Ko u̶xyu̶py du'un miich m'ok'yajpaatku̶xy neby je̱'e̱ naaxwiiñjya'ay ajku̶xyu̶ñ, xychojkp u̶xyu̶py je̱'e̱ naaxwiiñjya'aydyu̶jk ajku̶xy, du'un neby je̱'e̱ myu̶naaxwiiñjya'ay tzojkku̶xyu̶ñ. Peru̶ u̶u̶ch jiiby miich tu̶ nyajpu̶dzu̶u̶mgu̶xy ma je̱'e̱ naaxwiiñjya'ay ajku̶xyu̶ñ, y paady je̱'e̱ naaxwiiñjya'ay ka'p xy'ixaangu̶xy, je̱' ko ka'p miich du'un m'ok'yajpaatku̶xnu̶ neby je̱'e̱ naaxwiiñjya'ay ajku̶xyu̶ñ. 20Ja'aymye̱jtzku̶x adaa neby yam tu̶ nnu̶maaygyu̶xyu̶ñ: ‘Ka'p je̱'e̱ tuumbu̶ jii ni tu'ug mu̶dyiibu̶ ni'igyu̶ mu̶j ni'igu̶ ka'p je̱'e̱ wyindzú̶nu̶ñu̶ba.’ U̶u̶chu̶mxaj je̱'e̱ ja'ay tu̶ xy'u̶xwu̶dijt tu̶ xypyawu̶dijtku̶xpu̶, nandu'un je̱'e̱ miich xy'u̶xwu̶dit xypyawu̶dittaangu̶xy, y pu̶nu̶ tu̶ u̶u̶ch je̱'e̱ n'ayuuk xykyuydyuunu̶ ajku̶xy, nan xykyuydyuunu̶py je̱'e̱ m'ayuuk miich nandu'un ajku̶xy. 21Neby naty mjajt m'abe̱jtku̶xyu̶ñ, u̶u̶ch kyu̶xpu̶ naty du'un mjajt m'abe̱jtku̶xy, je̱' gyu̶xpu̶ ko je̱'e̱ Dios Teedy ka'a'ixy'ajtku̶xy je̱'e̱ mu̶dyiibu̶ u̶u̶ch ya naaxwiiñ tu̶ xykyexyu̶ñ.
22“Ko u̶u̶ch u̶xyu̶py ya naaxwiiñ tu̶ nga'amíñ, y ko u̶u̶ch u̶xyu̶py je̱'e̱ ja'ay je̱'e̱ n'ayuuk ndu̶y'ajt tu̶ nga'ayajmu̶dmu̶dyaakku̶xyu̶ch, ka'p u̶xyu̶py pyoky je̱'e̱ ajku̶xy. Je̱' ko tu̶ u̶u̶ch ya naaxwiiñ nmiñ, paady je̱'e̱ poky mu̶dajtku̶xnu̶. 23Pu̶n u̶u̶ch xykya'a'ixaangu̶xpu̶ñ, nan ka'p u̶u̶ch je̱'e̱ nDeedy nandu'un xy'ixaanu̶ ajku̶xy. 24Ka'p u̶xyu̶py je̱'e̱ poky mu̶dajtku̶xy, ko u̶u̶ch u̶xyu̶py je̱'e̱ mu̶jwinma'añ ni tu'ug tu̶ nga'atúñ ma yu̶'u̶ ajku̶xyu̶ñ mu̶dyiibu̶ ka'p ni pu̶n túñu̶ju̶ñ; peru̶ tu̶ je̱'e̱ mu̶jwinma'añ ijxku̶xy mu̶dyiibu̶ u̶u̶ch tu̶ nduñu̶ñ, y oy je̱'e̱ tu̶ ja'a'ijxku̶xy, peru̶ ka'p u̶u̶ch je̱'e̱ xy'ixaangu̶xy, y nan ka'p u̶u̶ch je̱'e̱ nDeedy nandu'un xy'ixaanu̶ ajku̶xy. 25Peru̶ adaa, tuunu̶p jajtu̶p adaa du'un, je̱'e̱ ayuuk du'un yajkuydyuumb mu̶dyiibu̶ kuja'ay miimb ma je̱'e̱ judío ja'ay kyu'utujku̶ñ ajku̶xyu̶ñ: ‘Timyñi'i'oybyaatpu̶ch je̱'e̱ du'un xykya'a'ixaañ ajku̶xy.’
26“Peru̶ ko naty je̱'e̱ Yajjootkujk'ajtpu̶ myiñ, je̱'e̱ tu̶y'ajtmu̶u̶dpu̶ Espíritu Santo, je̱'e̱ mu̶dyiibu̶ u̶u̶ch ngue̱xe̱e̱mbyu̶ñ; chona'añ jiiby ma u̶u̶ch je̱'e̱ nDeedyu̶ñ, je̱' u̶u̶ch xyñidu̶y'ajt'ádu̶p. 27Y miich nandu'un xyñidestigo'ádu̶p ajku̶xy, neby u̶u̶ch je̱'e̱ ja'ay tu̶ nyaj'u̶xpú̶kyu̶ñ, je̱' ko jékyu̶bu̶ch miich xymyu̶d'ijttu̶gu̶u̶ygyu̶xy u̶xtu̶ chamnu̶baadnu̶.
Currently Selected:
San Juan 15: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
San Juan 15
15
Je̱'e̱ tu̶y'ajtpu̶ uva'aadz
1Chi je̱'e̱ Jesús myu̶naan'adu̶u̶ch: “U̶u̶ch je̱'e̱ du'un neby je̱'e̱ tu̶y'ajtpu̶ uva'aadzu̶ñ, y je̱'e̱ nDeedyu̶ch du'un neby je̱'e̱ uvakam kweentu̶'ajtpu̶ju̶ñ. 2Je̱'e̱ nDeedyu̶ch, xykyatzpujxu̶byu̶ch je̱'e̱ n'aadz je̱'e̱ mu̶dyiibu̶ ka'p tyu̶u̶mbétyu̶ñ; peru̶ je̱'e̱ mu̶dyiibu̶ tu̶u̶mbe̱jtpu̶ñ, y'u̶xpujxypy kyu'ubujxypy je̱'e̱ we̱njaty y yajwa'ach oy yajxón, neby mu̶baad ni'igu̶ may tyu̶u̶mbétyu̶ñ. 3Miich ajku̶xy, tu̶ u̶u̶ch je̱'e̱ nDeedy je̱'e̱ mjoot mwinma'añ miich xyajwaatzu̶ ajku̶xy ko u̶u̶ch je̱'e̱ n'ayuuk ndu̶y'ajt tu̶ xymyu̶bu̶jku̶ ajku̶xy, je̱'e̱ mu̶dyiibu̶ tu̶ nyajnu̶maaygyu̶xyu̶ñ. 4Ijtku̶x tu'ugyu̶ mu̶u̶d u̶u̶ch, du'un neby u̶u̶ch tu'ugyu̶ n'ityu̶ñ mu̶u̶d miich ajku̶xy. Je̱'e̱ uva'aadz ka'p je̱'e̱ du'uñyu̶ tyu̶u̶mbe̱da'añ, pu̶nu̶ ka'p naty je̱'e̱ ñiguepy. Nandu'unu̶tz miich ajku̶xy, ka'p miich mdu̶u̶m'ajtku̶xu̶ch, pu̶nu̶ ka'p tu'ugyu̶ m'ijtu̶u̶gu̶xy mu̶u̶d u̶u̶ch.
5“U̶u̶ch je̱'e̱ du'un neby je̱'e̱ uva'aadzu̶ñ, y miich du'un ajku̶xy neby je̱'e̱ uva'aadzu̶ñ. Pu̶n tu'ugyu̶ ijtu̶u̶b mu̶u̶d u̶u̶ch y u̶u̶ch tu'ugyu̶ ijtu̶u̶b mu̶u̶d je̱', tu̶u̶m'ajtp je̱'e̱ du'umbu̶ ja'ay. Pues ka'p miich mu̶baad ni tii mduungu̶xy pu̶nu̶ ka'p u̶u̶ch naty tu'ugyu̶ nyajpaady mu̶u̶d miich ajku̶xy. 6Pu̶n ka'p tu'ugyu̶ y'ity mu̶u̶d u̶u̶ch, yaj'u̶x'óxu̶p je̱'; y chi tyu̶u̶tznu̶ch, du'un neby je̱'e̱ uva'aadz mu̶dyiibu̶ yaj'oxu̶'kpu̶ñ y chi ju̶u̶njooty yajni'ino'knu̶.
7“Pu̶nu̶ ijtu̶u̶b miich tu'ugyu̶ ajku̶xy mu̶u̶d u̶u̶ch, y pu̶nu̶ ka'p u̶u̶ch je̱'e̱ n'u̶xpu̶jku̶ñ nimu̶naa xy'u̶xmajtzu̶ ajku̶xy, yujkwaangu̶x ma je̱'e̱ Dios tii mdimychojkku̶xypyu̶ñ y myajmooygyu̶xu̶p je̱'. 8Yajku'umaaybyu̶ch je̱'e̱ nDeedy du'un, ko naty du'un miich mdu̶u̶m'ajtku̶xy, y ko naty du'un jaanch ndiscípulos'ajtku̶xnu̶. 9U̶u̶ch ndzojkypy nju̶wu̶u̶by miich ajku̶xy, du'un neby u̶u̶ch je̱'e̱ Dios Teedy xychoky xyjyu̶wu̶'u̶yu̶ñ; y nan du'un miich ajku̶xy tzojktu̶u̶gu̶ch ajku̶xy. 10Pu̶nu̶ xykyuydyuunu̶byu̶ch je̱'e̱ n'ane̱'e̱mu̶ñ ajku̶xy, ndzojktú̶wu̶byu̶ch miich ajku̶xy, du'un neby u̶u̶ch je̱'e̱ nDeedy y'ane̱'e̱mu̶ñ nguydyuunu̶ju̶ñ, y xychojktú̶yu̶ch je̱'.
11“Paady adaa du'un nyajmu̶dmu̶dyaakku̶xy, wan du'un mjootkugu̶u̶ygyu̶xu̶ch mu̶u̶d u̶u̶ch, y du'un du'un ni'igyu̶ anaxy mjootkugu̶u̶ygyu̶xnu̶ch. 12Adaa u̶u̶ch n'ane̱'e̱mu̶ñ'ajtypy: Ko amíñ u̶xyu̶py mnaychogu̶u̶ mnayjyu̶wu̶'u̶wu̶u̶ju̶ch ajku̶xy, du'un neby u̶u̶ch miich ndzoky nju̶wu̶'u̶y ajku̶xyu̶ñ. 13Je̱'e̱ mu̶dyiibu̶ je̱'e̱ jyugy'ajtu̶ñ ye̱jkp ma je̱'e̱ o'ku̶ñ mu̶u̶d je̱'e̱ myu̶gu'ugtu̶jk kyu̶xpu̶ ajku̶xy, je̱' je̱'e̱ myu̶gu'ugtu̶jk mu̶k tzojkku̶xp ju̶wu̶u̶ygyu̶xp. 14Miich nmu̶gu'ug'ádu̶py ajku̶xy, pu̶nu̶ mguydyuungu̶xypy du'un neby n'ane̱'e̱mgu̶xyu̶ñ. 15U̶u̶ch ka'p miich tuumbu̶du̶jk n'oktijaangu̶xnu̶, je̱' ko ka'p je̱'e̱ tuumbu̶ tii nejwu̶'u̶y tii je̱'e̱ wyindzú̶n tyuumbyu̶ñ. Mu̶gu'uktu̶jk miich ndijaangu̶xnu̶, je̱' ko tu̶ miich ku̶xyu̶ n'awaandaayu̶ ajku̶xy neby u̶u̶ch je̱'e̱ nDeedy tu̶ xyñu̶ma'ayu̶ñ. 16Miich ajku̶xy, ka'p miich tu̶ xywyin'ijxku̶xy, u̶u̶ch miich tu̶ nwin'ijxku̶xy y tu̶ nyajni'ipu̶jkku̶xy ko u̶u̶ch je̱'e̱ n'ayuuk ndu̶y'ajt nu̶kxy xyajwa'kxu̶ ajku̶xy, wan du'un mnimayu̶u̶ygyu̶xu̶ch, y ko naty tu̶ mnimayu̶u̶ygyu̶xy, ka'p u̶u̶ch je̱'e̱ n'ayuuk ndu̶y'ajt nimu̶naa xy'u̶xmajtzu̶ch ajku̶xy. Y du'unu̶tz je̱'e̱ Dios Teedy xymyooygyu̶xu̶ch ku̶xyu̶ tijaty naty myujkwaangu̶xypyu̶ñ; cham u̶u̶ch je̱'e̱ nxu̶u̶ xykyapxpaattu̶ ajku̶xy. 17Cham u̶u̶ch miich du'un nmu̶gapx n'ane̱'e̱mgu̶xy ko amíñ u̶xyu̶py mnaychojku̶gu̶xu̶ch.
Je̱'e̱ naaxwiiñjya'ay ka'p je̱'e̱ Jesús ixaangu̶xy ni je̱'e̱ jya'ay ajku̶xy
18“Pu̶nu̶ je̱'e̱ naaxwiiñjya'ay miich xykya'a'ixaangu̶xp, nnejwu̶u̶ygyu̶x du'un; ko u̶u̶ch je̱'e̱ du'un jayu̶jp'ajt tu̶ xytyuungu̶xy. 19Ko u̶xyu̶py du'un miich m'ok'yajpaatku̶xy neby je̱'e̱ naaxwiiñjya'ay ajku̶xyu̶ñ, xychojkp u̶xyu̶py je̱'e̱ naaxwiiñjya'aydyu̶jk ajku̶xy, du'un neby je̱'e̱ myu̶naaxwiiñjya'ay tzojkku̶xyu̶ñ. Peru̶ u̶u̶ch jiiby miich tu̶ nyajpu̶dzu̶u̶mgu̶xy ma je̱'e̱ naaxwiiñjya'ay ajku̶xyu̶ñ, y paady je̱'e̱ naaxwiiñjya'ay ka'p xy'ixaangu̶xy, je̱' ko ka'p miich du'un m'ok'yajpaatku̶xnu̶ neby je̱'e̱ naaxwiiñjya'ay ajku̶xyu̶ñ. 20Ja'aymye̱jtzku̶x adaa neby yam tu̶ nnu̶maaygyu̶xyu̶ñ: ‘Ka'p je̱'e̱ tuumbu̶ jii ni tu'ug mu̶dyiibu̶ ni'igyu̶ mu̶j ni'igu̶ ka'p je̱'e̱ wyindzú̶nu̶ñu̶ba.’ U̶u̶chu̶mxaj je̱'e̱ ja'ay tu̶ xy'u̶xwu̶dijt tu̶ xypyawu̶dijtku̶xpu̶, nandu'un je̱'e̱ miich xy'u̶xwu̶dit xypyawu̶dittaangu̶xy, y pu̶nu̶ tu̶ u̶u̶ch je̱'e̱ n'ayuuk xykyuydyuunu̶ ajku̶xy, nan xykyuydyuunu̶py je̱'e̱ m'ayuuk miich nandu'un ajku̶xy. 21Neby naty mjajt m'abe̱jtku̶xyu̶ñ, u̶u̶ch kyu̶xpu̶ naty du'un mjajt m'abe̱jtku̶xy, je̱' gyu̶xpu̶ ko je̱'e̱ Dios Teedy ka'a'ixy'ajtku̶xy je̱'e̱ mu̶dyiibu̶ u̶u̶ch ya naaxwiiñ tu̶ xykyexyu̶ñ.
22“Ko u̶u̶ch u̶xyu̶py ya naaxwiiñ tu̶ nga'amíñ, y ko u̶u̶ch u̶xyu̶py je̱'e̱ ja'ay je̱'e̱ n'ayuuk ndu̶y'ajt tu̶ nga'ayajmu̶dmu̶dyaakku̶xyu̶ch, ka'p u̶xyu̶py pyoky je̱'e̱ ajku̶xy. Je̱' ko tu̶ u̶u̶ch ya naaxwiiñ nmiñ, paady je̱'e̱ poky mu̶dajtku̶xnu̶. 23Pu̶n u̶u̶ch xykya'a'ixaangu̶xpu̶ñ, nan ka'p u̶u̶ch je̱'e̱ nDeedy nandu'un xy'ixaanu̶ ajku̶xy. 24Ka'p u̶xyu̶py je̱'e̱ poky mu̶dajtku̶xy, ko u̶u̶ch u̶xyu̶py je̱'e̱ mu̶jwinma'añ ni tu'ug tu̶ nga'atúñ ma yu̶'u̶ ajku̶xyu̶ñ mu̶dyiibu̶ ka'p ni pu̶n túñu̶ju̶ñ; peru̶ tu̶ je̱'e̱ mu̶jwinma'añ ijxku̶xy mu̶dyiibu̶ u̶u̶ch tu̶ nduñu̶ñ, y oy je̱'e̱ tu̶ ja'a'ijxku̶xy, peru̶ ka'p u̶u̶ch je̱'e̱ xy'ixaangu̶xy, y nan ka'p u̶u̶ch je̱'e̱ nDeedy nandu'un xy'ixaanu̶ ajku̶xy. 25Peru̶ adaa, tuunu̶p jajtu̶p adaa du'un, je̱'e̱ ayuuk du'un yajkuydyuumb mu̶dyiibu̶ kuja'ay miimb ma je̱'e̱ judío ja'ay kyu'utujku̶ñ ajku̶xyu̶ñ: ‘Timyñi'i'oybyaatpu̶ch je̱'e̱ du'un xykya'a'ixaañ ajku̶xy.’
26“Peru̶ ko naty je̱'e̱ Yajjootkujk'ajtpu̶ myiñ, je̱'e̱ tu̶y'ajtmu̶u̶dpu̶ Espíritu Santo, je̱'e̱ mu̶dyiibu̶ u̶u̶ch ngue̱xe̱e̱mbyu̶ñ; chona'añ jiiby ma u̶u̶ch je̱'e̱ nDeedyu̶ñ, je̱' u̶u̶ch xyñidu̶y'ajt'ádu̶p. 27Y miich nandu'un xyñidestigo'ádu̶p ajku̶xy, neby u̶u̶ch je̱'e̱ ja'ay tu̶ nyaj'u̶xpú̶kyu̶ñ, je̱' ko jékyu̶bu̶ch miich xymyu̶d'ijttu̶gu̶u̶ygyu̶xy u̶xtu̶ chamnu̶baadnu̶.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005