Gálatas 3
3
Je̱'e̱ Moisés y'ane̱'e̱mu̶ñ o je̱'e̱ mu̶bu̶jk'ajtu̶ñ
1¡Miich gálatas ja'ay, mjanchtzuu miich ajku̶xy! ¿Pu̶n tu̶ xywyin'u̶u̶ngu̶xy ko je̱'e̱ ayuuk tu̶y'ajt mga'apaduungu̶xu̶ch? Ko miich je̱'e̱ ayuuk tu̶y'ajt nyajwingapxu̶u̶ygyu̶xy nnu̶maaygyu̶x du'un wiinu̶ ju̶jpu̶ ajku̶xy neby je̱'e̱ Jesucristo cruutzkú̶xp xykyu'u'o'ogu̶u̶yu̶mu̶ñ ajku̶xy. 2Je̱' u̶u̶ch je'eyu̶ ok'awaanu̶ky ajku̶xy je̱'e̱ mu̶dyiibu̶ yam nyajtu̶waangu̶xypyu̶ñ: ¿Nej xy'adu̶gu̶u̶ygyu̶x xyjyoottu̶gu̶u̶ygyu̶x je̱'e̱ Dios y'Espíritu ko je̱'e̱ Moisés y'ane̱'e̱mu̶ñ tu̶ mguydyuunu̶ ajku̶xy o ko je̱'e̱ ayuuk tu̶y'ajt tu̶ mmu̶bu̶jkku̶xy je̱'e̱ mu̶dyiibu̶ tu̶ mmu̶doogu̶xyu̶ñ? 3Miich mu̶k mjanchtzuuju̶ch ajku̶xy, oy tu̶ m'ok'yajtzondaakku̶xy mu̶u̶d je̱'e̱ Dios y'Espíritu y jada'achámu̶tz myajkugu̶xu̶'u̶waangu̶xnu̶ mu̶u̶d je̱'e̱ mgu̶'u̶mmu̶k'ajt y mgu̶'u̶mjoot mgu̶'u̶mwinma'añ ajku̶xy. 4Ni maa du'un xykya'atuunu̶ch ajku̶xy ko je̱'e̱ ayuuk tu̶y'ajt nigoo tu̶ mgu'u'ayowu̶u̶ygyu̶xy ¡Timyñi'inigoobu̶ je̱'e̱ mxu̶u̶ mtiempo du'un tu̶ myaj'ayoogu̶xy y ka'p tii oybyu̶ mbadaangu̶xy! 5Ko je̱'e̱ Dios y'Espíritu xymyooygyu̶xy y tuñ je̱'e̱ mu̶jwinma'añ ma miich ajku̶xyu̶ñ, ¿ti da'a ko du'un tuñ? Ka'p je̱'e̱ du'un paady tuñ ko je̱'e̱ Moisés y'ane̱'e̱mu̶ñ mguydyuunu̶ ajku̶xy neby y'ane'emyu̶ñ, paady je̱'e̱ du'un tuñ je̱' ko miich je̱'e̱ ayuuk tu̶y'ajt mmu̶bu̶jkku̶xy je̱'e̱ mu̶dyiibu̶ tu̶ mmu̶doogu̶xyu̶ñ.
6Abraham myu̶bu̶jk je̱'e̱ Dios y paady je̱'e̱ Dios kyu'ubu̶jku̶ neby tu'ug tu'uda'agyjya'ayu̶ñ. 7Paady miich mu̶baad mnejwu̶u̶ygyu̶xy ko je̱'e̱ mu̶dyiibu̶ je̱'e̱ Abraham jaanch ok'ung ok'ana'k'ajtu̶p ajku̶xy, je̱' je̱'e̱ ajku̶xy je̱'e̱ mu̶dyiibu̶ je̱'e̱ mu̶bu̶jku̶ñ mu̶dajtku̶xpu̶ñ. 8Je̱'e̱ Dios ñaky ñigapx je̱'e̱ du'un jékyu̶p ma najty adaa du'un ka'p tyuñyii jyadyiiñyu̶, ko najty je̱'e̱ Dios nandu'un yajpokyñi'iwa'adza'añ je̱'e̱ ka'pu̶ jyudíoja'ayu̶ch ajku̶xy, je̱'e̱ mu̶dyiibu̶ je̱'e̱ Dios naty mu̶bu̶jkku̶xpu̶ñ, tu̶ najty je̱'e̱ Abraham adaa oybyu̶ ayuuk tu̶y'ajt yajnu̶ma'ay: “Ngunúkxu̶byu̶ch je̱'e̱ naax kajpt ku̶xyu̶ mu̶u̶d miich kyu̶xpu̶.” 9Y du'unu̶tz je̱'e̱ mu̶dyiibu̶ je̱'e̱ Dios mu̶bu̶jkku̶xpu̶ñ, je̱' kipxy yajkunúkxku̶xu̶p mu̶u̶d je̱'e̱ Abraham, je̱'e̱ mu̶dyiibu̶ nandu'un mu̶bu̶jku̶ñ.
10Ku̶xyu̶ pu̶njaty je̱'e̱ myu̶bu̶jku̶ñ pu̶daakku̶xpu̶ñ ma je̱'e̱ Moisés y'ane̱'e̱mu̶ñ ko je̱' yajpokyñi'iwa'adzaanu̶gu̶xp, ju̶bu̶ktuum je̱'e̱ kya'agu̶xu̶ch, je̱' ko du'un je̱'e̱ Dios ñaky myu̶na'añ: “Ju̶bu̶ktuum je̱'e̱ kya'agu̶xu̶ch je̱'e̱ mu̶dyiibu̶ ka'p tu̶y tu'uda'agy kuydyuungu̶xyu̶ñ ku̶xyu̶ mu̶dyiibu̶ jiiby kuja'ay miimb ma je̱'e̱ Moisés y'ane̱'e̱mu̶ñ nakyu̶ñ.” 11Paady oy wa'adz adaa du'un yajwinju̶wu̶'u̶y ko ka'p ni pu̶n pyokyñi'iwa'ach ko ja'akuydyúñ neby je̱'e̱ Moisés y'ane̱'e̱mu̶ñ y'ane'emyu̶ñ. Pues du'un je̱'e̱ Dios ñaky myu̶na'añ: “Je̱'e̱ pokyñi'iwa'achpyu̶ tzu̶na'awu̶p je̱'e̱ wiinu̶u̶xu̶u̶ mu̶u̶d je̱'e̱ mu̶bu̶jku̶ñ je̱'e̱ mu̶dyiibu̶ myu̶u̶du̶ñ.” 12Ka'p je̱'e̱ Moisés y'ane̱'e̱mu̶ñ yajpokyñi'iwa'ach ko je̱'e̱ nmu̶bu̶jku̶ñ jim nbu̶daaku̶mu̶ch, du'un je̱'e̱ myu̶na'añ: “Pu̶n je̱'e̱ Moisés y'ane̱'e̱mu̶ñ wa'adzu̶ kuydyuundaaybyu̶ñ, je̱' je̱'e̱ yajpokyñi'iwa'adzu̶u̶ju̶p.”
13Tu̶ je̱'e̱ Cristo xyajni'iwaatzu̶m ajku̶xy ma je̱'e̱ Moisés y'ane̱'e̱mu̶ñ ijty xychaachtyunaanu̶m ajku̶xy mu̶u̶d je̱'e̱ poky ku̶dyeey gyu̶xpu̶ ko ka'p ka'pxy nguydyuunu̶m ajku̶xy, pues je̱' je̱'e̱ poky ku̶dyeey du'un mu̶nu̶kx yajnú̶kx mu̶u̶d u̶u̶ch kyu̶xpu̶ ajtu̶m ajku̶xy, je̱' ko du'un je̱'e̱ Dios ñaky myu̶na'añ: “Ju̶bu̶kja'ay je̱'e̱ ku̶xyu̶ je̱'e̱ mu̶dyiibu̶ cruutzkú̶xp yajku'udu̶yu̶u̶ybyu̶ñ.” 14Adaa paady adaa du'un tyuunu̶ jyajtu̶ wan je̱'e̱ kunukx'ajtu̶ñ je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ nandu'un paatku̶xu̶ch, mu̶u̶d je̱'e̱ Cristo Jesús kyu̶xpu̶, je̱'e̱ ka'pu̶ jyudíoja'ayu̶ch ajku̶xy, y wan ko nmu̶bu̶jku̶mu̶ch ajku̶xy nbaattu̶mu̶ch nigu̶xyu̶ ajku̶xy je̱'e̱ Dios y'Espíritu je̱'e̱ mu̶dyiibu̶ tu̶ awanu̶'u̶yu̶ñ.
Je̱'e̱ Moisés y'ane̱'e̱mu̶ñ y je̱'e̱ mu̶dyiibu̶ je̱'e̱ Dios y'awaanu̶u̶yu̶ñ
15“Mu̶gu'uktu̶jk, cham nmu̶dkapxaan nmu̶dmu̶dya'agaangu̶xy du'un neby je̱'e̱ naaxwiiñjya'ay kyápxku̶xy myu̶dyaakku̶xyu̶ñ: Ko je̱'e̱ ja'ay tu'ug tii kapxy'aty y chi yajta'tzpú̶ky ko je̱'e̱ fyirma pu̶da'agy, y ka'p mu̶baad pu̶n kapxtu̶goy y nan ka'p mu̶baad yajni'igyu̶ju̶'u̶y. 16Oy du'un, Dios tyuun je̱'e̱ waandaaku̶ñ mu̶u̶d je̱'e̱ Abraham y mu̶u̶d je̱'e̱ y'ok'ung y'ok'ana'k. Je̱'e̱ Dios ñaky ka'p “je̱'e̱ Abraham y'ok'ungtu̶jk y'ok'ana'ktu̶jk nigapxu̶”, ka'p je̱'e̱ may nigapxy, tu'ug je̱'e̱ je'eyu̶ nigapxy, myu̶na'añ: “Y je̱'e̱ m'ok'ung m'ok'ana'k”, je̱'e̱ Cristo je̱'e̱ du'un tyijpy. 17Adaa u̶u̶ch du'un ndijpy: Dios tyuun je̱'e̱ waandaaku̶ñ mu̶u̶d je̱'e̱ Abraham, y yajni'igu̶xu̶'k. Paady je̱'e̱ Moisés y'ane̱'e̱mu̶ñ je̱'e̱ mu̶dyiibu̶ mu̶daaxk mu̶go'px ja'a'ipxmajk jumu̶jt miinu̶ñ, ka'p je̱'e̱ waandaaku̶ñ mu̶baad yajku'udu̶góy y nan ka'p je̱'e̱ myu̶k'ajt mu̶baad pu̶jku̶ neby je̱'e̱ Dios je̱'e̱ Abraham yajwinwaanu̶u̶yu̶ñ. 18Ko u̶xyu̶py je̱'e̱ Dios mu̶'it xy'ok'yajpokyñi'iwa'adzaanu̶m ajku̶xy ko je̱'e̱ Moisés y'ane̱'e̱mu̶ñ naty nguydyuunu̶ ajtu̶m ajku̶xy; ka'p naty je̱'e̱ du'un maa okkuydyuunu̶ je̱'e̱ mu̶dyiibu̶ je̱'e̱ Abraham yajwinwaanu̶u̶yu̶ñ; peru̶ je̱' je̱'e̱ tu̶y'ajt ko je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ, myo'owe̱e̱mby je̱' y ñi'imo'owe̱e̱mby.
19¿Y ti gyu̶xpu̶ je̱'e̱ Moisés ane̱'e̱mu̶ñ yajmooy? Paady je̱'e̱ u̶x'aam yajmooy neby du'un ñi'igu̶xu̶'u̶gu̶ch ma je̱'e̱ ja'ay ajku̶xyu̶ñ ko ka'p kyapxymyu̶doogu̶xy, u̶xtu̶ koonu̶ je̱'e̱ “Abraham y'ok'ung y'ok'ana'k” myiiñ je̱'e̱ mu̶dyiibu̶ najty tu̶ yajwinwaanu̶'u̶yiiju̶ñ. Je̱'e̱ Dios y'ane̱'e̱mu̶ñ je̱'e̱ ángelestu̶jk je̱'e̱ yajnajxku̶x ma je̱'e̱ Moisesu̶ñ, y chi je̱'e̱ Moisés kapxnajxy ma je̱'e̱ jya'ayu̶ñ. 20Peru̶ ka'p je̱'e̱ kapxnajxpu̶ y'ok'yajtzojknu̶ ko naty je̱'e̱ tu'ugpu̶ ja'ay tii nmu̶dkapxy'ajtu̶m, y je̱'e̱ Dios tu'ugyu̶ je̱'e̱ je'eyu̶.
Ti gyu̶xpu̶ je̱'e̱ Moisés y'ane̱'e̱mu̶ñ yajpu̶daaky
21¿Nej du'un adaa da'a wyimbu̶dzu̶my ko je̱'e̱ Moisés y'ane̱'e̱mu̶ñ ka'p ñaybyadyii mu̶u̶d je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ? ¡Ka'p, ka'p tyu̶y'ajtu̶ch! Ko u̶xyu̶py je̱'e̱ Moisés y'ane̱'e̱mu̶ñ je̱'e̱ jugy'ajtu̶ñ ok'yeky, xyajpokyñi'iwaatzp u̶xyu̶py je̱'e̱ ajtu̶m ajku̶xy ko u̶xyu̶py naty du'un n'okkuydyuunu̶m ajku̶xy neby je̱'e̱ du'umbu̶ ane̱'e̱mu̶ñ y'ane'emyu̶ñ. 22Peru̶ du'un je̱'e̱ Dios ñaky myu̶na'añ ko nigu̶xyu̶ nbokyjya'ayu̶ch ajtu̶m ajku̶xy, du'un je̱'e̱ poky ku̶dyeey xymyu̶dajtu̶m ajku̶xy neby tzumy máchpyu̶ju̶ñ, peru̶ pu̶nu̶ nmu̶bu̶jku̶mby je̱'e̱ Jesucristo ajtu̶m ajku̶xy nbaattu̶mu̶py je̱'e̱ ajku̶xy, je̱'e̱ mu̶dyiibu̶ je̱'e̱ Dios tu̶ awanu̶'u̶yu̶ñ.
23Ko najty je̱'e̱ Cristo kya'amíñu̶, tuumbnu̶ najty je̱'e̱ Moisés y'ane̱'e̱mu̶ñ, du'un najty je̱'e̱ xymyu̶dajtu̶mnu̶ ajku̶xy neby tzumy máchpyu̶ju̶ñ, u̶xtu̶ koonu̶ je̱'e̱ Cristo myiiñ y ñayyajni'igu̶xu̶'ku̶. 24Je̱'e̱ Moisés y'ane̱'e̱mu̶ñ, je̱' xyñu̶u̶mooy xytyu'umooy ajtu̶m ajku̶xy ma je̱'e̱ Crístoju̶ñ, du'un neby je̱'e̱ tuumbu̶ ni'idoogypyu̶ pi'k'ana'ktu̶jk nu̶u̶mooy tu'umooygyu̶xyu̶ñ,#3.24 Je̱'e̱ Moisés y'ane̱'e̱mu̶ñ ma je̱'e̱ Crístoju̶ñ: nije̱' wiingpu̶ jaaybyu̶du̶jk myu̶naangu̶xy: u̶xtu̶ koonu̶ je̱'e̱ Cristo myiiñ, je̱'e̱ Moisés y'ane̱'e̱mu̶ñ je̱' xyñu̶u̶mooy xytyu'umooy ajtu̶m ajku̶xy, du'un neby je̱'e̱ tuumbu̶ ni'idoogypyu̶ pi'k'ana'ktu̶jk nu̶u̶mooy tu'umooygyu̶xyu̶ñ. neby je̱'e̱ poky mu̶baad xyñi'iwaatzu̶mu̶ñ ajku̶xy ko naty je̱'e̱ Cristo nmu̶bu̶jku̶m ajku̶xy. 25Peru̶ jada'achám ko je̱'e̱ Cristo tu̶ myiñ y tu̶ yajmu̶bú̶ky, ka'p je̱'e̱ Moisés y'ane̱'e̱mu̶ñ cham xy'ok'ane̱'e̱mu̶nu̶ ajku̶xy, je̱'e̱ mu̶dyiibu̶ ijty du'un neby je̱'e̱ tuumbu̶ ni'idoogypyu̶ju̶ñ. 26Miich ajku̶xy, paady miich je̱'e̱ Dios nigu̶xyu̶ xy'ung'ajtku̶xy, je̱' ko je̱'e̱ Cristo Jesús tu̶ mmu̶bu̶jkku̶xy, 27y ko je̱'e̱ mmu̶bu̶jku̶ñ jim tu̶ mbu̶daakku̶xy ma je̱'e̱ Cristo Jesúsu̶ñ, chi du'un tu̶ mdu'ugyu̶ju̶u̶ygyu̶xy mu̶u̶d je̱'e̱ Cristo ko tu̶ mnu̶u̶be̱jtku̶xy y nan myajpaatku̶xnu̶ neby je̱'e̱ju̶ñ. 28Ka'p je̱'e̱ Dios yajtú̶y pu̶n judío ja'ay o pu̶n ka'p jyudíoja'ayu̶ch, pu̶n tuumbu̶ ni'idoogyu̶ñ o pu̶n ka'p ñi'idoogyu̶ch, ya'aydyu̶jk o to'oxyu̶jk; je̱' ko nigu̶xyu̶ miich tu'ugyu̶ myajpaatku̶xnu̶ ma je̱'e̱ Cristo Jesúsu̶ñ. 29Y pu̶nu̶ je̱'e̱ Cristo miich xyjya'ay'ajtku̶xp, je̱'e̱ Abraham xy'ok'ung xy'ok'ana'k'ajtp ajku̶xy y mbaatku̶xu̶ch je̱'e̱ mu̶dyiibu̶ je̱'e̱ Abraham Dios yajwinwaanu̶u̶yu̶ju̶ñ.
Currently Selected:
Gálatas 3: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Gálatas 3
3
Je̱'e̱ Moisés y'ane̱'e̱mu̶ñ o je̱'e̱ mu̶bu̶jk'ajtu̶ñ
1¡Miich gálatas ja'ay, mjanchtzuu miich ajku̶xy! ¿Pu̶n tu̶ xywyin'u̶u̶ngu̶xy ko je̱'e̱ ayuuk tu̶y'ajt mga'apaduungu̶xu̶ch? Ko miich je̱'e̱ ayuuk tu̶y'ajt nyajwingapxu̶u̶ygyu̶xy nnu̶maaygyu̶x du'un wiinu̶ ju̶jpu̶ ajku̶xy neby je̱'e̱ Jesucristo cruutzkú̶xp xykyu'u'o'ogu̶u̶yu̶mu̶ñ ajku̶xy. 2Je̱' u̶u̶ch je'eyu̶ ok'awaanu̶ky ajku̶xy je̱'e̱ mu̶dyiibu̶ yam nyajtu̶waangu̶xypyu̶ñ: ¿Nej xy'adu̶gu̶u̶ygyu̶x xyjyoottu̶gu̶u̶ygyu̶x je̱'e̱ Dios y'Espíritu ko je̱'e̱ Moisés y'ane̱'e̱mu̶ñ tu̶ mguydyuunu̶ ajku̶xy o ko je̱'e̱ ayuuk tu̶y'ajt tu̶ mmu̶bu̶jkku̶xy je̱'e̱ mu̶dyiibu̶ tu̶ mmu̶doogu̶xyu̶ñ? 3Miich mu̶k mjanchtzuuju̶ch ajku̶xy, oy tu̶ m'ok'yajtzondaakku̶xy mu̶u̶d je̱'e̱ Dios y'Espíritu y jada'achámu̶tz myajkugu̶xu̶'u̶waangu̶xnu̶ mu̶u̶d je̱'e̱ mgu̶'u̶mmu̶k'ajt y mgu̶'u̶mjoot mgu̶'u̶mwinma'añ ajku̶xy. 4Ni maa du'un xykya'atuunu̶ch ajku̶xy ko je̱'e̱ ayuuk tu̶y'ajt nigoo tu̶ mgu'u'ayowu̶u̶ygyu̶xy ¡Timyñi'inigoobu̶ je̱'e̱ mxu̶u̶ mtiempo du'un tu̶ myaj'ayoogu̶xy y ka'p tii oybyu̶ mbadaangu̶xy! 5Ko je̱'e̱ Dios y'Espíritu xymyooygyu̶xy y tuñ je̱'e̱ mu̶jwinma'añ ma miich ajku̶xyu̶ñ, ¿ti da'a ko du'un tuñ? Ka'p je̱'e̱ du'un paady tuñ ko je̱'e̱ Moisés y'ane̱'e̱mu̶ñ mguydyuunu̶ ajku̶xy neby y'ane'emyu̶ñ, paady je̱'e̱ du'un tuñ je̱' ko miich je̱'e̱ ayuuk tu̶y'ajt mmu̶bu̶jkku̶xy je̱'e̱ mu̶dyiibu̶ tu̶ mmu̶doogu̶xyu̶ñ.
6Abraham myu̶bu̶jk je̱'e̱ Dios y paady je̱'e̱ Dios kyu'ubu̶jku̶ neby tu'ug tu'uda'agyjya'ayu̶ñ. 7Paady miich mu̶baad mnejwu̶u̶ygyu̶xy ko je̱'e̱ mu̶dyiibu̶ je̱'e̱ Abraham jaanch ok'ung ok'ana'k'ajtu̶p ajku̶xy, je̱' je̱'e̱ ajku̶xy je̱'e̱ mu̶dyiibu̶ je̱'e̱ mu̶bu̶jku̶ñ mu̶dajtku̶xpu̶ñ. 8Je̱'e̱ Dios ñaky ñigapx je̱'e̱ du'un jékyu̶p ma najty adaa du'un ka'p tyuñyii jyadyiiñyu̶, ko najty je̱'e̱ Dios nandu'un yajpokyñi'iwa'adza'añ je̱'e̱ ka'pu̶ jyudíoja'ayu̶ch ajku̶xy, je̱'e̱ mu̶dyiibu̶ je̱'e̱ Dios naty mu̶bu̶jkku̶xpu̶ñ, tu̶ najty je̱'e̱ Abraham adaa oybyu̶ ayuuk tu̶y'ajt yajnu̶ma'ay: “Ngunúkxu̶byu̶ch je̱'e̱ naax kajpt ku̶xyu̶ mu̶u̶d miich kyu̶xpu̶.” 9Y du'unu̶tz je̱'e̱ mu̶dyiibu̶ je̱'e̱ Dios mu̶bu̶jkku̶xpu̶ñ, je̱' kipxy yajkunúkxku̶xu̶p mu̶u̶d je̱'e̱ Abraham, je̱'e̱ mu̶dyiibu̶ nandu'un mu̶bu̶jku̶ñ.
10Ku̶xyu̶ pu̶njaty je̱'e̱ myu̶bu̶jku̶ñ pu̶daakku̶xpu̶ñ ma je̱'e̱ Moisés y'ane̱'e̱mu̶ñ ko je̱' yajpokyñi'iwa'adzaanu̶gu̶xp, ju̶bu̶ktuum je̱'e̱ kya'agu̶xu̶ch, je̱' ko du'un je̱'e̱ Dios ñaky myu̶na'añ: “Ju̶bu̶ktuum je̱'e̱ kya'agu̶xu̶ch je̱'e̱ mu̶dyiibu̶ ka'p tu̶y tu'uda'agy kuydyuungu̶xyu̶ñ ku̶xyu̶ mu̶dyiibu̶ jiiby kuja'ay miimb ma je̱'e̱ Moisés y'ane̱'e̱mu̶ñ nakyu̶ñ.” 11Paady oy wa'adz adaa du'un yajwinju̶wu̶'u̶y ko ka'p ni pu̶n pyokyñi'iwa'ach ko ja'akuydyúñ neby je̱'e̱ Moisés y'ane̱'e̱mu̶ñ y'ane'emyu̶ñ. Pues du'un je̱'e̱ Dios ñaky myu̶na'añ: “Je̱'e̱ pokyñi'iwa'achpyu̶ tzu̶na'awu̶p je̱'e̱ wiinu̶u̶xu̶u̶ mu̶u̶d je̱'e̱ mu̶bu̶jku̶ñ je̱'e̱ mu̶dyiibu̶ myu̶u̶du̶ñ.” 12Ka'p je̱'e̱ Moisés y'ane̱'e̱mu̶ñ yajpokyñi'iwa'ach ko je̱'e̱ nmu̶bu̶jku̶ñ jim nbu̶daaku̶mu̶ch, du'un je̱'e̱ myu̶na'añ: “Pu̶n je̱'e̱ Moisés y'ane̱'e̱mu̶ñ wa'adzu̶ kuydyuundaaybyu̶ñ, je̱' je̱'e̱ yajpokyñi'iwa'adzu̶u̶ju̶p.”
13Tu̶ je̱'e̱ Cristo xyajni'iwaatzu̶m ajku̶xy ma je̱'e̱ Moisés y'ane̱'e̱mu̶ñ ijty xychaachtyunaanu̶m ajku̶xy mu̶u̶d je̱'e̱ poky ku̶dyeey gyu̶xpu̶ ko ka'p ka'pxy nguydyuunu̶m ajku̶xy, pues je̱' je̱'e̱ poky ku̶dyeey du'un mu̶nu̶kx yajnú̶kx mu̶u̶d u̶u̶ch kyu̶xpu̶ ajtu̶m ajku̶xy, je̱' ko du'un je̱'e̱ Dios ñaky myu̶na'añ: “Ju̶bu̶kja'ay je̱'e̱ ku̶xyu̶ je̱'e̱ mu̶dyiibu̶ cruutzkú̶xp yajku'udu̶yu̶u̶ybyu̶ñ.” 14Adaa paady adaa du'un tyuunu̶ jyajtu̶ wan je̱'e̱ kunukx'ajtu̶ñ je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ nandu'un paatku̶xu̶ch, mu̶u̶d je̱'e̱ Cristo Jesús kyu̶xpu̶, je̱'e̱ ka'pu̶ jyudíoja'ayu̶ch ajku̶xy, y wan ko nmu̶bu̶jku̶mu̶ch ajku̶xy nbaattu̶mu̶ch nigu̶xyu̶ ajku̶xy je̱'e̱ Dios y'Espíritu je̱'e̱ mu̶dyiibu̶ tu̶ awanu̶'u̶yu̶ñ.
Je̱'e̱ Moisés y'ane̱'e̱mu̶ñ y je̱'e̱ mu̶dyiibu̶ je̱'e̱ Dios y'awaanu̶u̶yu̶ñ
15“Mu̶gu'uktu̶jk, cham nmu̶dkapxaan nmu̶dmu̶dya'agaangu̶xy du'un neby je̱'e̱ naaxwiiñjya'ay kyápxku̶xy myu̶dyaakku̶xyu̶ñ: Ko je̱'e̱ ja'ay tu'ug tii kapxy'aty y chi yajta'tzpú̶ky ko je̱'e̱ fyirma pu̶da'agy, y ka'p mu̶baad pu̶n kapxtu̶goy y nan ka'p mu̶baad yajni'igyu̶ju̶'u̶y. 16Oy du'un, Dios tyuun je̱'e̱ waandaaku̶ñ mu̶u̶d je̱'e̱ Abraham y mu̶u̶d je̱'e̱ y'ok'ung y'ok'ana'k. Je̱'e̱ Dios ñaky ka'p “je̱'e̱ Abraham y'ok'ungtu̶jk y'ok'ana'ktu̶jk nigapxu̶”, ka'p je̱'e̱ may nigapxy, tu'ug je̱'e̱ je'eyu̶ nigapxy, myu̶na'añ: “Y je̱'e̱ m'ok'ung m'ok'ana'k”, je̱'e̱ Cristo je̱'e̱ du'un tyijpy. 17Adaa u̶u̶ch du'un ndijpy: Dios tyuun je̱'e̱ waandaaku̶ñ mu̶u̶d je̱'e̱ Abraham, y yajni'igu̶xu̶'k. Paady je̱'e̱ Moisés y'ane̱'e̱mu̶ñ je̱'e̱ mu̶dyiibu̶ mu̶daaxk mu̶go'px ja'a'ipxmajk jumu̶jt miinu̶ñ, ka'p je̱'e̱ waandaaku̶ñ mu̶baad yajku'udu̶góy y nan ka'p je̱'e̱ myu̶k'ajt mu̶baad pu̶jku̶ neby je̱'e̱ Dios je̱'e̱ Abraham yajwinwaanu̶u̶yu̶ñ. 18Ko u̶xyu̶py je̱'e̱ Dios mu̶'it xy'ok'yajpokyñi'iwa'adzaanu̶m ajku̶xy ko je̱'e̱ Moisés y'ane̱'e̱mu̶ñ naty nguydyuunu̶ ajtu̶m ajku̶xy; ka'p naty je̱'e̱ du'un maa okkuydyuunu̶ je̱'e̱ mu̶dyiibu̶ je̱'e̱ Abraham yajwinwaanu̶u̶yu̶ñ; peru̶ je̱' je̱'e̱ tu̶y'ajt ko je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ, myo'owe̱e̱mby je̱' y ñi'imo'owe̱e̱mby.
19¿Y ti gyu̶xpu̶ je̱'e̱ Moisés ane̱'e̱mu̶ñ yajmooy? Paady je̱'e̱ u̶x'aam yajmooy neby du'un ñi'igu̶xu̶'u̶gu̶ch ma je̱'e̱ ja'ay ajku̶xyu̶ñ ko ka'p kyapxymyu̶doogu̶xy, u̶xtu̶ koonu̶ je̱'e̱ “Abraham y'ok'ung y'ok'ana'k” myiiñ je̱'e̱ mu̶dyiibu̶ najty tu̶ yajwinwaanu̶'u̶yiiju̶ñ. Je̱'e̱ Dios y'ane̱'e̱mu̶ñ je̱'e̱ ángelestu̶jk je̱'e̱ yajnajxku̶x ma je̱'e̱ Moisesu̶ñ, y chi je̱'e̱ Moisés kapxnajxy ma je̱'e̱ jya'ayu̶ñ. 20Peru̶ ka'p je̱'e̱ kapxnajxpu̶ y'ok'yajtzojknu̶ ko naty je̱'e̱ tu'ugpu̶ ja'ay tii nmu̶dkapxy'ajtu̶m, y je̱'e̱ Dios tu'ugyu̶ je̱'e̱ je'eyu̶.
Ti gyu̶xpu̶ je̱'e̱ Moisés y'ane̱'e̱mu̶ñ yajpu̶daaky
21¿Nej du'un adaa da'a wyimbu̶dzu̶my ko je̱'e̱ Moisés y'ane̱'e̱mu̶ñ ka'p ñaybyadyii mu̶u̶d je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ? ¡Ka'p, ka'p tyu̶y'ajtu̶ch! Ko u̶xyu̶py je̱'e̱ Moisés y'ane̱'e̱mu̶ñ je̱'e̱ jugy'ajtu̶ñ ok'yeky, xyajpokyñi'iwaatzp u̶xyu̶py je̱'e̱ ajtu̶m ajku̶xy ko u̶xyu̶py naty du'un n'okkuydyuunu̶m ajku̶xy neby je̱'e̱ du'umbu̶ ane̱'e̱mu̶ñ y'ane'emyu̶ñ. 22Peru̶ du'un je̱'e̱ Dios ñaky myu̶na'añ ko nigu̶xyu̶ nbokyjya'ayu̶ch ajtu̶m ajku̶xy, du'un je̱'e̱ poky ku̶dyeey xymyu̶dajtu̶m ajku̶xy neby tzumy máchpyu̶ju̶ñ, peru̶ pu̶nu̶ nmu̶bu̶jku̶mby je̱'e̱ Jesucristo ajtu̶m ajku̶xy nbaattu̶mu̶py je̱'e̱ ajku̶xy, je̱'e̱ mu̶dyiibu̶ je̱'e̱ Dios tu̶ awanu̶'u̶yu̶ñ.
23Ko najty je̱'e̱ Cristo kya'amíñu̶, tuumbnu̶ najty je̱'e̱ Moisés y'ane̱'e̱mu̶ñ, du'un najty je̱'e̱ xymyu̶dajtu̶mnu̶ ajku̶xy neby tzumy máchpyu̶ju̶ñ, u̶xtu̶ koonu̶ je̱'e̱ Cristo myiiñ y ñayyajni'igu̶xu̶'ku̶. 24Je̱'e̱ Moisés y'ane̱'e̱mu̶ñ, je̱' xyñu̶u̶mooy xytyu'umooy ajtu̶m ajku̶xy ma je̱'e̱ Crístoju̶ñ, du'un neby je̱'e̱ tuumbu̶ ni'idoogypyu̶ pi'k'ana'ktu̶jk nu̶u̶mooy tu'umooygyu̶xyu̶ñ,#3.24 Je̱'e̱ Moisés y'ane̱'e̱mu̶ñ ma je̱'e̱ Crístoju̶ñ: nije̱' wiingpu̶ jaaybyu̶du̶jk myu̶naangu̶xy: u̶xtu̶ koonu̶ je̱'e̱ Cristo myiiñ, je̱'e̱ Moisés y'ane̱'e̱mu̶ñ je̱' xyñu̶u̶mooy xytyu'umooy ajtu̶m ajku̶xy, du'un neby je̱'e̱ tuumbu̶ ni'idoogypyu̶ pi'k'ana'ktu̶jk nu̶u̶mooy tu'umooygyu̶xyu̶ñ. neby je̱'e̱ poky mu̶baad xyñi'iwaatzu̶mu̶ñ ajku̶xy ko naty je̱'e̱ Cristo nmu̶bu̶jku̶m ajku̶xy. 25Peru̶ jada'achám ko je̱'e̱ Cristo tu̶ myiñ y tu̶ yajmu̶bú̶ky, ka'p je̱'e̱ Moisés y'ane̱'e̱mu̶ñ cham xy'ok'ane̱'e̱mu̶nu̶ ajku̶xy, je̱'e̱ mu̶dyiibu̶ ijty du'un neby je̱'e̱ tuumbu̶ ni'idoogypyu̶ju̶ñ. 26Miich ajku̶xy, paady miich je̱'e̱ Dios nigu̶xyu̶ xy'ung'ajtku̶xy, je̱' ko je̱'e̱ Cristo Jesús tu̶ mmu̶bu̶jkku̶xy, 27y ko je̱'e̱ mmu̶bu̶jku̶ñ jim tu̶ mbu̶daakku̶xy ma je̱'e̱ Cristo Jesúsu̶ñ, chi du'un tu̶ mdu'ugyu̶ju̶u̶ygyu̶xy mu̶u̶d je̱'e̱ Cristo ko tu̶ mnu̶u̶be̱jtku̶xy y nan myajpaatku̶xnu̶ neby je̱'e̱ju̶ñ. 28Ka'p je̱'e̱ Dios yajtú̶y pu̶n judío ja'ay o pu̶n ka'p jyudíoja'ayu̶ch, pu̶n tuumbu̶ ni'idoogyu̶ñ o pu̶n ka'p ñi'idoogyu̶ch, ya'aydyu̶jk o to'oxyu̶jk; je̱' ko nigu̶xyu̶ miich tu'ugyu̶ myajpaatku̶xnu̶ ma je̱'e̱ Cristo Jesúsu̶ñ. 29Y pu̶nu̶ je̱'e̱ Cristo miich xyjya'ay'ajtku̶xp, je̱'e̱ Abraham xy'ok'ung xy'ok'ana'k'ajtp ajku̶xy y mbaatku̶xu̶ch je̱'e̱ mu̶dyiibu̶ je̱'e̱ Abraham Dios yajwinwaanu̶u̶yu̶ju̶ñ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005