Hechos 20
20
Pablo ñu̶kxy jim Macedonia y Grecia
1Ko je̱'e̱ kajptja'ay yaaxtaay jyojktaaygyu̶xy, chi je̱'e̱ Pablo mu̶bu̶jkpu̶du̶jk woomujky, u̶u̶wij kapxwijaangu̶xy. Chi jakmu̶gapxy ajku̶xy y chi jim Éfeso chonnu̶ y ñu̶kxy jim Macedonia naaxjooty. 2Kajpt kajpt je̱'e̱ mu̶bu̶jkpu̶du̶jk oy ku'ixy mu̶gapxy, yajjootkugu̶u̶ygyu̶xy mu̶u̶d je̱'e̱ y'ayuuk, y chi jim Grecia jya'ty, 3jim tu̶gu̶u̶g po'o wya'kxu̶jpy. Jim Grecia najty tyimybyarcu̶tu̶gu̶'u̶waanu̶ ñu̶kxa'añ Siria, ko oy nejwu̶'u̶y ko je̱'e̱ judío ja'ay najty tu̶ ñaygyápxu̶gu̶xy ko najty barcu̶jooty yaj'o'oga'añyii ajku̶xy. Chi wyinma'añbyaaty ko tekyyo'oyu̶p wyimbida'añ, ñaxa'añ jim Macedonia ja'adu'ook. 4Je̱'e̱ jaymyu̶dajtu̶gu̶x#20.4 Nije̱' wiingpu̶ versión myu̶na'añ: u̶xtu̶ Asia. je̱'e̱ Sópater je̱'e̱ Pirro y'ung mu̶dyiibu̶ najty Berea kugajptu̶ñ, mu̶u̶d je̱'e̱ Aristarco, mu̶u̶d je̱'e̱ Segundo mu̶dyiibu̶ Tesalónica kugajptu̶ñ, mu̶u̶d je̱'e̱ Gayo mu̶dyiibu̶ najty Derbe kugajptu̶ñ, mu̶u̶d je̱'e̱ Timoteo, nan mu̶u̶d je̱'e̱ Tíquico y mu̶u̶d je̱'e̱ Trófimo mu̶dyiibu̶ jim Asia naaxjooty tzóngu̶xpu̶ñ. 5Jayu̶jp adayaaba mu̶bu̶jkpu̶du̶jk ñu̶kxu̶'kku̶xy, y chi u̶u̶ch jim xyjya'ay'e̱jxku̶xy ma je̱'e̱ kajpt mu̶dyiibu̶ xu̶u̶'ajtpu̶ñ Troas. 6Ko je̱'e̱ xu̶u̶ ñajxnu̶ mu̶naa je̱'e̱ tzajkaagy yajkáy mu̶dyiibu̶ ka'p lyevaduru̶ mu̶u̶du̶chu̶ñ, chi u̶u̶ch jim Filipos ndzóngu̶xnu̶ barcu̶jooty, y kumu̶gooxk xu̶u̶nu̶ u̶u̶ch oy nnajtzpaadu̶u̶ygyu̶xy jim Troas, jim u̶u̶ch juxtujk xu̶u̶ nwa'kxu̶jpy ajku̶xy.
Pablo mu̶bu̶jkpu̶du̶jk ku'ixy mu̶gapxy jim Troas
7Domingo xu̶u̶ je̱'e̱ mu̶bu̶jkpu̶du̶jk ñayyo'oymyujku̶gu̶xy chajkaagy adugu̶'u̶waangu̶xy, y je̱'e̱ Pablo je̱'e̱ mu̶bu̶jkpu̶du̶jk najty je̱'e̱ jyakyaj'u̶xpu̶jkypy. Je̱' ko najty kujaboom chonaanu̶, paady je̱'e̱ myu̶dya'agy jak'yajyooñ u̶xtu̶ kyuwa'kxychumu̶u̶y. 8Jiiby najty maylámpara tyu̶kxy ma u̶u̶ch najty tu̶ nnayyo'oymyujku̶gu̶xy ma tu'ug ni'ibe̱ttu̶jku̶ñ; 9y tu'ug ye̱e̱g'ana'k mu̶dyiibu̶ najty Eutico xu̶u̶'ajtpu̶ñ, ventaanu̶ aguuy najty je̱'e̱ y'u̶ña'ay. Je̱' ko jeky je̱'e̱ Pablo jyanchyaj'u̶xpu̶jky, chi je̱'e̱ ye̱e̱g'ana'k mya'aybyaattu̶nu̶, y tu̶gu̶u̶g ni'ibé̱t najty je̱'e̱ tu̶jk kyú̶xpu̶ch ma ma'ay'o'ogy kya'ayu̶ñ; chi o'ogy yajpu̶du̶'kku̶xy. 10Mu̶'it je̱'e̱ Pablo ku̶xp myu̶najky y naaxkunu̶jaju̶u̶y je̱'e̱ ye̱e̱g'ana'k y yo'kmu̶ne̱e̱nnajxy. Y nu̶maay je̱'e̱ mu̶bu̶jkpu̶du̶jk ajku̶xy:
—Ka'p mdzu̶gu̶u̶ygyu̶xy, juugy adaa.
11Chi je̱'e̱ Pablo ja'adu'ook pyejty ku̶xp ma je̱'e̱ cuártu̶ju̶ñ, chi chajkaagy adugu̶u̶y y kyaay y'uuky ajku̶xy, y jyakmu̶dyaak'adu̶u̶ch u̶xtu̶ koonu̶ xyu̶u̶mu̶u̶y. Mu̶'it ñu̶kxnu̶. 12Y je̱'e̱ ye̱e̱g'ana'k mu̶dyiibu̶ najty tu̶ kya'ayu̶ñ, chi juugy yajnú̶kxku̶xy, y ko je̱'e̱ mu̶bu̶jkpu̶du̶jk du'un ijxku̶xy chi nigu̶xyu̶ jyootkugu̶u̶ydyaaygyu̶xy.
Chóngu̶xy Troas ñú̶kxku̶xy jim Mileto
13Chi u̶u̶ch jayu̶jp barcu̶jooty nu̶kxu̶'ky ajku̶xy jim Aso; nú̶kxyu̶ch je̱'e̱ Pablo jim nyajtzoonaangu̶xy, du'un neby u̶u̶ch najty tu̶ nmu̶dnayñu̶maayu̶gu̶xyu̶ñ, je̱' ko najty tekyyo'oyu̶p ñu̶kxa'añ. 14Ko u̶u̶ch jim Aso naybyaattu̶ ajku̶xy, chi je̱'e̱ Pablo byarcu̶tu̶gu̶u̶y mu̶u̶d u̶u̶ch ajku̶xy y nnú̶kxyu̶ch jim Mitilena ajku̶xy. 15Chi u̶u̶ch jim ndzóngu̶xy, y kujaboom u̶u̶ch Quío mu̶wingón nnajxku̶xy, y kumaaxk u̶u̶ch jim nja'tku̶xy ma je̱'e̱ barco ni'igu̶daaktaakt mu̶dyiibu̶ xu̶u̶'ajtpu̶ñ Samos.#20.15 Nije̱' jaaybyu̶du̶jk myu̶naangu̶xy: Jim Troguilio u̶u̶ch we̱e̱nu̶ nbokxy ajku̶xy. Y kumu̶duug u̶u̶ch jim Mileto nja'ty ajku̶xy. 16Pablo ka'p je̱'e̱ ku'ubu̶jky ñú̶kxu̶ch jim Éfeso, je̱' ko najty jim Asia naaxjooty kya'awa'kxu̶ba'añ jeky. Je̱' ko tzojku̶ najty je̱'e̱ jim Jerusalén jya'adaanu̶, y yajnaxa'añ je̱'e̱ Pentecostés xu̶u̶ jim.
Pablo wingapx ju̶jpkapxu̶'u̶y je̱'e̱ mu̶dyiibu̶ je̱'e̱ mu̶bu̶jkpu̶du̶jk jim Éfeso nigu'ubajk'ajtku̶xpu̶ñ
17Jim Mileto najty je̱'e̱ Pablo, chi kapxyñiguejxy jim Éfeso je̱'e̱ mu̶dyiibu̶ je̱'e̱ mu̶bu̶jkpu̶du̶jk jim nigu'ubajk'ajtku̶xpu̶ñ. 18Y ko jya'tku̶xy, chi je̱'e̱ Pablo ñu̶maayu̶gu̶xy: “Miich mnejwu̶u̶ygyu̶xypy ku̶xyu̶ neby u̶u̶ch tu̶ nja'ay'áty ma miich ajku̶xyu̶ñ mu̶naa u̶u̶ch ya Asia naaxjooty aga'an ndimyjya'adyu̶ñ. 19Jékyu̶ch tu̶ n'ity ma miich ajku̶xyu̶ñ, nmu̶dúñu̶ch je̱'e̱ Windzú̶n Dios mu̶u̶d je̱'e̱ yuungpu̶ naaxypyu̶ joot winma'añ y mu̶u̶d je̱'e̱ winnu̶u̶ jootmáy, y nan tu̶ u̶u̶ch je̱'e̱ ayo'on may nmu̶naxy ngu'ubú̶ky du'un neby u̶u̶ch je̱'e̱ judío ja'ay najty xytyunaangu̶xyu̶ñ. 20Peru̶ ka'p u̶u̶ch je̱'e̱ oybyu̶ kapxy ayuuk tu̶ n'u̶xmach mu̶u̶d miich kyu̶xpu̶ m'oy'ajtu̶ñ ajku̶xy, tu̶ mayjya'ayjyooty nyaj'u̶xpu̶jkku̶xy y tu̶ tu̶jk tu̶jk nyaj'u̶xpu̶jkku̶xy. 21Tu̶ u̶u̶ch je̱'e̱ judío ja'ay nnu̶maaygyu̶xy y je̱'e̱ ka'pu̶ jyudíoja'ayu̶ch ajku̶xy ko wan jootwimbijtku̶xy ma je̱'e̱ Diosu̶ñ y wan mu̶bu̶jkku̶xy je̱'e̱ nWindzú̶n Jesús'ajtu̶m ajku̶xy. 22Y jada'achám u̶u̶ch jim Jerusalén nnu̶kxy, xykyéxyu̶ch je̱'e̱ Dios y'Espíritu adzip y ni nga'anejwu̶'u̶yu̶ch tii u̶u̶ch jim xyjyádu̶bu̶ñ. 23Je̱'e̱ mu̶dyiibu̶ u̶u̶ch tu̶y nnejwu̶u̶ybyu̶ñ, je̱' je̱' ko majátyu̶ch kajpt kajpt nnu̶kxy, je̱'e̱ Espíritu Santo u̶u̶ch xyñu̶maaby ko u̶u̶ch naty pujxtu̶gooty nyajpu̶da'aga'añ y nyajtzaachtyuna'añu̶ch. 24Yu̶'u̶ du'umbu̶ kapxy ayuuk ka'p u̶u̶ch yu̶'u̶ ngweentu̶túñ, y ka'p u̶u̶ch je̱'e̱ njugy'ajtu̶ñ nba'a''ayóy. Je̱'e̱ju̶tztú̶y, nyajkú̶xu̶byu̶ch adaa tuung jootkujk y nguydyúnu̶chu̶ch je̱'e̱ Windzú̶n Jesús y'ayuuk, je̱'e̱ tu̶u̶bu̶ u̶u̶ch xyajni'ibú̶ky ko u̶u̶ch je̱'e̱ oybyu̶ ayuuk tu̶y'ajt ngapxwa'kxu̶ch du'un neby je̱'e̱ Dios may'ajt tu̶ tuñu̶ñ mu̶u̶d je̱'e̱ ja'ay gyu̶xpu̶ ajku̶xy.
25“Y jada'achám miich mnejwu̶'u̶wu̶ch ajku̶xy ko ni pu̶n ma miich ajku̶xyu̶ñ majátyu̶ch je̱'e̱ Dios y'ane̱'e̱mu̶ñ tu̶ ngapxwa'kxyu̶ñ, ka'p u̶u̶ch miich nimu̶naaxu̶u̶ xy'ok'ijxku̶xnu̶ch. 26Paady yam nnu̶maaygyu̶xy ko u̶u̶ch ka'p xypyoky'íxu̶ch ajku̶xy pu̶nu̶ jii naty mdu̶gooygyu̶xy. 27Je̱' ko tu̶ u̶u̶ch je̱'e̱ Dios y'ayuuk je̱'e̱ Dios wyinma'añ ku̶xyu̶ ngapxwa'kxta'ay ma miich ajku̶xyu̶ñ y ka'p u̶u̶ch ni tii tu̶ nguyu'uch ma miich ajku̶xyu̶ñ. 28Paady naygyweentu̶'ajtu̶gu̶x ku̶'u̶m, y kweentu̶'ajtku̶x je̱'e̱ mu̶bu̶jkpu̶du̶jk ma je̱'e̱ Espíritu Santo tu̶ xypyu̶daakku̶xyu̶ñ neby je̱'e̱ kweentu̶'ajtpu̶du̶jk ajku̶xyu̶ñ, neby je̱'e̱ Windzú̶n Dios jya'ay mgweentu̶'ajtku̶xu̶chu̶ñ, je̱'e̱ mu̶dyiibu̶ je̱'e̱ ñu̶u̶ pyoky tu̶ kube̱jtu̶ju̶ñ mu̶u̶d je̱'e̱ y'Ung Jesús ñe'pty ko cruutzkú̶xp y'o'ky. 29Nejwu̶u̶ybyu̶ch ko u̶u̶ch ya ndzoonu̶ch mínu̶p je̱'e̱ wiingja'ay mu̶dyiibu̶ je̱'e̱ mu̶bu̶jkpu̶du̶jk yajwinma'añdyu̶gooydya'awu̶bu̶ñ ajku̶xy, du'un neby je̱'e̱ pa'uk awa'an ju̶yujk borreegu̶ ku'utzu'tzta'ayu̶ñ. 30Y ma miich ajku̶xyu̶ñ jii je̱'e̱ ja'ay anu̶u̶ nije̱' mu̶bu̶dzu̶ma'añ yaj'u̶xpu̶ga'añ je̱'e̱ mu̶dyiibu̶ ka'p tyu̶y'ajtu̶chu̶ñ neby je̱'e̱ mu̶bu̶jkpu̶du̶jk du'un pyanu̶kxu̶u̶ju̶chu̶ñ ajku̶xy. 31Naygyweentu̶'ajtu̶gu̶x; ja'aymye̱jtzku̶x neby tu̶gu̶u̶g jumu̶jt miich nidu'ug nidu'ug tu̶ nwingapx tu̶ nju̶jpkapxu̶u̶ygyu̶xyu̶ñ xu̶u̶m tzum jaboom jaboom mu̶u̶d je̱'e̱ winnu̶u̶ jootmáy.
32“Jada'achám, mu̶gu'uktu̶jk ajku̶xy, cham je̱'e̱ Dios miich nyajku̶'u̶waanu̶u̶ygyu̶xy y nyajmu̶wu̶'u̶mgu̶xypy je̱'e̱ y'ayuuk du'un neby xychojku̶m xyjyu̶wu̶u̶yu̶mu̶ñ ajku̶xy. Ma je̱'e̱ Dios y'ayuuku̶ñ jim je̱'e̱ mu̶k'ajt y je̱'e̱ mu̶bu̶jk'ajtu̶ñ mbaadu̶ch miich ajku̶xy y mbaatku̶xu̶ch je̱'e̱ it lugaar ku̶xyu̶ mu̶dyiibu̶ tu̶ awaanu̶'u̶y ma je̱'e̱ tu̶u̶bu̶ je̱'e̱ jyoot wyinma'añ ku̶xyu̶ yajwaatzku̶xyu̶ñ. 33Ni tii u̶u̶ch tu̶ nga'a''adzóky, ni pu̶n wyit myeeñ y ni pu̶n wyit tyukxy mu̶dyiibu̶ u̶u̶ch nje̱'e̱'áttu̶byu̶ñ, 34wa'adzu̶ miich mnejwu̶ydyaaygyu̶xy ko u̶u̶ch tu̶ nduñ mu̶u̶du̶ch je̱'e̱ ngu̶'u̶mgu̶'u̶ ngu̶'u̶mdéky neby u̶u̶ch nbaadu̶chu̶ñ tijátyu̶ch najty nyajmayjyajtypyu̶ñ, y nan tu̶ u̶u̶ch je̱'e̱ nmu̶gu'ugtu̶jk nbubety nbudu̶gu̶'u̶y mu̶dyiibu̶ u̶u̶ch najty nmu̶u̶du̶ñ. 35Je'emy du'un tu̶ nja'ayajni'ixu̶u̶ygyu̶xy neby mu̶baad mduungu̶xyu̶ñ, neby je̱'e̱ mmu̶gu'ugtu̶jk mu̶baad mbube̱jtku̶xyu̶ñ mu̶dyiibu̶ pa'am'ijtku̶xpu̶ñ y mu̶dyiibu̶ tijaty yajmayjyajtku̶xpu̶ñ. Ja'aymye̱jtzku̶x je̱'e̱ Windzú̶n Jesús y'ayuuk ma du'un myu̶na'añu̶ñ: ‘Jootkujk je̱' mu̶dyiibu̶ ye̱jkp, ni'igu̶ ka'p je̱'e̱ mu̶dyiibu̶ yajmooybyu̶ñ.’ ”
36Ko je̱'e̱ Pablo kyapxtaay myu̶dyaaktaay, chi ñayñajtzkojxtu̶na'awu̶u̶yu̶ y mu̶bu̶jktzooy je̱'e̱ Dios mu̶u̶d je̱' nigu̶xyu̶ ajku̶xy. 37Nigu̶xyu̶ jyu̶u̶y yaaxy ajku̶xy, y jakmajtz jakmu̶ne̱e̱ngu̶xy je̱'e̱ Pablo y jaktzu'kxku̶xy. 38Mu̶k najty tyajku̶xy myaaygyu̶xy y yajnú̶kx yajju̶wu̶u̶ygyu̶xy ko najty du'un tu̶ ñu̶maayu̶gu̶xyu̶ ko ka'p nimu̶naaxu̶u̶ ja'adu'ook ok'ijxku̶xnu̶ch. Chi oy jim jaknajtzwowu̶u̶ygyu̶xy ma najty byarcu̶tu̶gu̶'u̶waanu̶ju̶ñ.
Currently Selected:
Hechos 20: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Hechos 20
20
Pablo ñu̶kxy jim Macedonia y Grecia
1Ko je̱'e̱ kajptja'ay yaaxtaay jyojktaaygyu̶xy, chi je̱'e̱ Pablo mu̶bu̶jkpu̶du̶jk woomujky, u̶u̶wij kapxwijaangu̶xy. Chi jakmu̶gapxy ajku̶xy y chi jim Éfeso chonnu̶ y ñu̶kxy jim Macedonia naaxjooty. 2Kajpt kajpt je̱'e̱ mu̶bu̶jkpu̶du̶jk oy ku'ixy mu̶gapxy, yajjootkugu̶u̶ygyu̶xy mu̶u̶d je̱'e̱ y'ayuuk, y chi jim Grecia jya'ty, 3jim tu̶gu̶u̶g po'o wya'kxu̶jpy. Jim Grecia najty tyimybyarcu̶tu̶gu̶'u̶waanu̶ ñu̶kxa'añ Siria, ko oy nejwu̶'u̶y ko je̱'e̱ judío ja'ay najty tu̶ ñaygyápxu̶gu̶xy ko najty barcu̶jooty yaj'o'oga'añyii ajku̶xy. Chi wyinma'añbyaaty ko tekyyo'oyu̶p wyimbida'añ, ñaxa'añ jim Macedonia ja'adu'ook. 4Je̱'e̱ jaymyu̶dajtu̶gu̶x#20.4 Nije̱' wiingpu̶ versión myu̶na'añ: u̶xtu̶ Asia. je̱'e̱ Sópater je̱'e̱ Pirro y'ung mu̶dyiibu̶ najty Berea kugajptu̶ñ, mu̶u̶d je̱'e̱ Aristarco, mu̶u̶d je̱'e̱ Segundo mu̶dyiibu̶ Tesalónica kugajptu̶ñ, mu̶u̶d je̱'e̱ Gayo mu̶dyiibu̶ najty Derbe kugajptu̶ñ, mu̶u̶d je̱'e̱ Timoteo, nan mu̶u̶d je̱'e̱ Tíquico y mu̶u̶d je̱'e̱ Trófimo mu̶dyiibu̶ jim Asia naaxjooty tzóngu̶xpu̶ñ. 5Jayu̶jp adayaaba mu̶bu̶jkpu̶du̶jk ñu̶kxu̶'kku̶xy, y chi u̶u̶ch jim xyjya'ay'e̱jxku̶xy ma je̱'e̱ kajpt mu̶dyiibu̶ xu̶u̶'ajtpu̶ñ Troas. 6Ko je̱'e̱ xu̶u̶ ñajxnu̶ mu̶naa je̱'e̱ tzajkaagy yajkáy mu̶dyiibu̶ ka'p lyevaduru̶ mu̶u̶du̶chu̶ñ, chi u̶u̶ch jim Filipos ndzóngu̶xnu̶ barcu̶jooty, y kumu̶gooxk xu̶u̶nu̶ u̶u̶ch oy nnajtzpaadu̶u̶ygyu̶xy jim Troas, jim u̶u̶ch juxtujk xu̶u̶ nwa'kxu̶jpy ajku̶xy.
Pablo mu̶bu̶jkpu̶du̶jk ku'ixy mu̶gapxy jim Troas
7Domingo xu̶u̶ je̱'e̱ mu̶bu̶jkpu̶du̶jk ñayyo'oymyujku̶gu̶xy chajkaagy adugu̶'u̶waangu̶xy, y je̱'e̱ Pablo je̱'e̱ mu̶bu̶jkpu̶du̶jk najty je̱'e̱ jyakyaj'u̶xpu̶jkypy. Je̱' ko najty kujaboom chonaanu̶, paady je̱'e̱ myu̶dya'agy jak'yajyooñ u̶xtu̶ kyuwa'kxychumu̶u̶y. 8Jiiby najty maylámpara tyu̶kxy ma u̶u̶ch najty tu̶ nnayyo'oymyujku̶gu̶xy ma tu'ug ni'ibe̱ttu̶jku̶ñ; 9y tu'ug ye̱e̱g'ana'k mu̶dyiibu̶ najty Eutico xu̶u̶'ajtpu̶ñ, ventaanu̶ aguuy najty je̱'e̱ y'u̶ña'ay. Je̱' ko jeky je̱'e̱ Pablo jyanchyaj'u̶xpu̶jky, chi je̱'e̱ ye̱e̱g'ana'k mya'aybyaattu̶nu̶, y tu̶gu̶u̶g ni'ibé̱t najty je̱'e̱ tu̶jk kyú̶xpu̶ch ma ma'ay'o'ogy kya'ayu̶ñ; chi o'ogy yajpu̶du̶'kku̶xy. 10Mu̶'it je̱'e̱ Pablo ku̶xp myu̶najky y naaxkunu̶jaju̶u̶y je̱'e̱ ye̱e̱g'ana'k y yo'kmu̶ne̱e̱nnajxy. Y nu̶maay je̱'e̱ mu̶bu̶jkpu̶du̶jk ajku̶xy:
—Ka'p mdzu̶gu̶u̶ygyu̶xy, juugy adaa.
11Chi je̱'e̱ Pablo ja'adu'ook pyejty ku̶xp ma je̱'e̱ cuártu̶ju̶ñ, chi chajkaagy adugu̶u̶y y kyaay y'uuky ajku̶xy, y jyakmu̶dyaak'adu̶u̶ch u̶xtu̶ koonu̶ xyu̶u̶mu̶u̶y. Mu̶'it ñu̶kxnu̶. 12Y je̱'e̱ ye̱e̱g'ana'k mu̶dyiibu̶ najty tu̶ kya'ayu̶ñ, chi juugy yajnú̶kxku̶xy, y ko je̱'e̱ mu̶bu̶jkpu̶du̶jk du'un ijxku̶xy chi nigu̶xyu̶ jyootkugu̶u̶ydyaaygyu̶xy.
Chóngu̶xy Troas ñú̶kxku̶xy jim Mileto
13Chi u̶u̶ch jayu̶jp barcu̶jooty nu̶kxu̶'ky ajku̶xy jim Aso; nú̶kxyu̶ch je̱'e̱ Pablo jim nyajtzoonaangu̶xy, du'un neby u̶u̶ch najty tu̶ nmu̶dnayñu̶maayu̶gu̶xyu̶ñ, je̱' ko najty tekyyo'oyu̶p ñu̶kxa'añ. 14Ko u̶u̶ch jim Aso naybyaattu̶ ajku̶xy, chi je̱'e̱ Pablo byarcu̶tu̶gu̶u̶y mu̶u̶d u̶u̶ch ajku̶xy y nnú̶kxyu̶ch jim Mitilena ajku̶xy. 15Chi u̶u̶ch jim ndzóngu̶xy, y kujaboom u̶u̶ch Quío mu̶wingón nnajxku̶xy, y kumaaxk u̶u̶ch jim nja'tku̶xy ma je̱'e̱ barco ni'igu̶daaktaakt mu̶dyiibu̶ xu̶u̶'ajtpu̶ñ Samos.#20.15 Nije̱' jaaybyu̶du̶jk myu̶naangu̶xy: Jim Troguilio u̶u̶ch we̱e̱nu̶ nbokxy ajku̶xy. Y kumu̶duug u̶u̶ch jim Mileto nja'ty ajku̶xy. 16Pablo ka'p je̱'e̱ ku'ubu̶jky ñú̶kxu̶ch jim Éfeso, je̱' ko najty jim Asia naaxjooty kya'awa'kxu̶ba'añ jeky. Je̱' ko tzojku̶ najty je̱'e̱ jim Jerusalén jya'adaanu̶, y yajnaxa'añ je̱'e̱ Pentecostés xu̶u̶ jim.
Pablo wingapx ju̶jpkapxu̶'u̶y je̱'e̱ mu̶dyiibu̶ je̱'e̱ mu̶bu̶jkpu̶du̶jk jim Éfeso nigu'ubajk'ajtku̶xpu̶ñ
17Jim Mileto najty je̱'e̱ Pablo, chi kapxyñiguejxy jim Éfeso je̱'e̱ mu̶dyiibu̶ je̱'e̱ mu̶bu̶jkpu̶du̶jk jim nigu'ubajk'ajtku̶xpu̶ñ. 18Y ko jya'tku̶xy, chi je̱'e̱ Pablo ñu̶maayu̶gu̶xy: “Miich mnejwu̶u̶ygyu̶xypy ku̶xyu̶ neby u̶u̶ch tu̶ nja'ay'áty ma miich ajku̶xyu̶ñ mu̶naa u̶u̶ch ya Asia naaxjooty aga'an ndimyjya'adyu̶ñ. 19Jékyu̶ch tu̶ n'ity ma miich ajku̶xyu̶ñ, nmu̶dúñu̶ch je̱'e̱ Windzú̶n Dios mu̶u̶d je̱'e̱ yuungpu̶ naaxypyu̶ joot winma'añ y mu̶u̶d je̱'e̱ winnu̶u̶ jootmáy, y nan tu̶ u̶u̶ch je̱'e̱ ayo'on may nmu̶naxy ngu'ubú̶ky du'un neby u̶u̶ch je̱'e̱ judío ja'ay najty xytyunaangu̶xyu̶ñ. 20Peru̶ ka'p u̶u̶ch je̱'e̱ oybyu̶ kapxy ayuuk tu̶ n'u̶xmach mu̶u̶d miich kyu̶xpu̶ m'oy'ajtu̶ñ ajku̶xy, tu̶ mayjya'ayjyooty nyaj'u̶xpu̶jkku̶xy y tu̶ tu̶jk tu̶jk nyaj'u̶xpu̶jkku̶xy. 21Tu̶ u̶u̶ch je̱'e̱ judío ja'ay nnu̶maaygyu̶xy y je̱'e̱ ka'pu̶ jyudíoja'ayu̶ch ajku̶xy ko wan jootwimbijtku̶xy ma je̱'e̱ Diosu̶ñ y wan mu̶bu̶jkku̶xy je̱'e̱ nWindzú̶n Jesús'ajtu̶m ajku̶xy. 22Y jada'achám u̶u̶ch jim Jerusalén nnu̶kxy, xykyéxyu̶ch je̱'e̱ Dios y'Espíritu adzip y ni nga'anejwu̶'u̶yu̶ch tii u̶u̶ch jim xyjyádu̶bu̶ñ. 23Je̱'e̱ mu̶dyiibu̶ u̶u̶ch tu̶y nnejwu̶u̶ybyu̶ñ, je̱' je̱' ko majátyu̶ch kajpt kajpt nnu̶kxy, je̱'e̱ Espíritu Santo u̶u̶ch xyñu̶maaby ko u̶u̶ch naty pujxtu̶gooty nyajpu̶da'aga'añ y nyajtzaachtyuna'añu̶ch. 24Yu̶'u̶ du'umbu̶ kapxy ayuuk ka'p u̶u̶ch yu̶'u̶ ngweentu̶túñ, y ka'p u̶u̶ch je̱'e̱ njugy'ajtu̶ñ nba'a''ayóy. Je̱'e̱ju̶tztú̶y, nyajkú̶xu̶byu̶ch adaa tuung jootkujk y nguydyúnu̶chu̶ch je̱'e̱ Windzú̶n Jesús y'ayuuk, je̱'e̱ tu̶u̶bu̶ u̶u̶ch xyajni'ibú̶ky ko u̶u̶ch je̱'e̱ oybyu̶ ayuuk tu̶y'ajt ngapxwa'kxu̶ch du'un neby je̱'e̱ Dios may'ajt tu̶ tuñu̶ñ mu̶u̶d je̱'e̱ ja'ay gyu̶xpu̶ ajku̶xy.
25“Y jada'achám miich mnejwu̶'u̶wu̶ch ajku̶xy ko ni pu̶n ma miich ajku̶xyu̶ñ majátyu̶ch je̱'e̱ Dios y'ane̱'e̱mu̶ñ tu̶ ngapxwa'kxyu̶ñ, ka'p u̶u̶ch miich nimu̶naaxu̶u̶ xy'ok'ijxku̶xnu̶ch. 26Paady yam nnu̶maaygyu̶xy ko u̶u̶ch ka'p xypyoky'íxu̶ch ajku̶xy pu̶nu̶ jii naty mdu̶gooygyu̶xy. 27Je̱' ko tu̶ u̶u̶ch je̱'e̱ Dios y'ayuuk je̱'e̱ Dios wyinma'añ ku̶xyu̶ ngapxwa'kxta'ay ma miich ajku̶xyu̶ñ y ka'p u̶u̶ch ni tii tu̶ nguyu'uch ma miich ajku̶xyu̶ñ. 28Paady naygyweentu̶'ajtu̶gu̶x ku̶'u̶m, y kweentu̶'ajtku̶x je̱'e̱ mu̶bu̶jkpu̶du̶jk ma je̱'e̱ Espíritu Santo tu̶ xypyu̶daakku̶xyu̶ñ neby je̱'e̱ kweentu̶'ajtpu̶du̶jk ajku̶xyu̶ñ, neby je̱'e̱ Windzú̶n Dios jya'ay mgweentu̶'ajtku̶xu̶chu̶ñ, je̱'e̱ mu̶dyiibu̶ je̱'e̱ ñu̶u̶ pyoky tu̶ kube̱jtu̶ju̶ñ mu̶u̶d je̱'e̱ y'Ung Jesús ñe'pty ko cruutzkú̶xp y'o'ky. 29Nejwu̶u̶ybyu̶ch ko u̶u̶ch ya ndzoonu̶ch mínu̶p je̱'e̱ wiingja'ay mu̶dyiibu̶ je̱'e̱ mu̶bu̶jkpu̶du̶jk yajwinma'añdyu̶gooydya'awu̶bu̶ñ ajku̶xy, du'un neby je̱'e̱ pa'uk awa'an ju̶yujk borreegu̶ ku'utzu'tzta'ayu̶ñ. 30Y ma miich ajku̶xyu̶ñ jii je̱'e̱ ja'ay anu̶u̶ nije̱' mu̶bu̶dzu̶ma'añ yaj'u̶xpu̶ga'añ je̱'e̱ mu̶dyiibu̶ ka'p tyu̶y'ajtu̶chu̶ñ neby je̱'e̱ mu̶bu̶jkpu̶du̶jk du'un pyanu̶kxu̶u̶ju̶chu̶ñ ajku̶xy. 31Naygyweentu̶'ajtu̶gu̶x; ja'aymye̱jtzku̶x neby tu̶gu̶u̶g jumu̶jt miich nidu'ug nidu'ug tu̶ nwingapx tu̶ nju̶jpkapxu̶u̶ygyu̶xyu̶ñ xu̶u̶m tzum jaboom jaboom mu̶u̶d je̱'e̱ winnu̶u̶ jootmáy.
32“Jada'achám, mu̶gu'uktu̶jk ajku̶xy, cham je̱'e̱ Dios miich nyajku̶'u̶waanu̶u̶ygyu̶xy y nyajmu̶wu̶'u̶mgu̶xypy je̱'e̱ y'ayuuk du'un neby xychojku̶m xyjyu̶wu̶u̶yu̶mu̶ñ ajku̶xy. Ma je̱'e̱ Dios y'ayuuku̶ñ jim je̱'e̱ mu̶k'ajt y je̱'e̱ mu̶bu̶jk'ajtu̶ñ mbaadu̶ch miich ajku̶xy y mbaatku̶xu̶ch je̱'e̱ it lugaar ku̶xyu̶ mu̶dyiibu̶ tu̶ awaanu̶'u̶y ma je̱'e̱ tu̶u̶bu̶ je̱'e̱ jyoot wyinma'añ ku̶xyu̶ yajwaatzku̶xyu̶ñ. 33Ni tii u̶u̶ch tu̶ nga'a''adzóky, ni pu̶n wyit myeeñ y ni pu̶n wyit tyukxy mu̶dyiibu̶ u̶u̶ch nje̱'e̱'áttu̶byu̶ñ, 34wa'adzu̶ miich mnejwu̶ydyaaygyu̶xy ko u̶u̶ch tu̶ nduñ mu̶u̶du̶ch je̱'e̱ ngu̶'u̶mgu̶'u̶ ngu̶'u̶mdéky neby u̶u̶ch nbaadu̶chu̶ñ tijátyu̶ch najty nyajmayjyajtypyu̶ñ, y nan tu̶ u̶u̶ch je̱'e̱ nmu̶gu'ugtu̶jk nbubety nbudu̶gu̶'u̶y mu̶dyiibu̶ u̶u̶ch najty nmu̶u̶du̶ñ. 35Je'emy du'un tu̶ nja'ayajni'ixu̶u̶ygyu̶xy neby mu̶baad mduungu̶xyu̶ñ, neby je̱'e̱ mmu̶gu'ugtu̶jk mu̶baad mbube̱jtku̶xyu̶ñ mu̶dyiibu̶ pa'am'ijtku̶xpu̶ñ y mu̶dyiibu̶ tijaty yajmayjyajtku̶xpu̶ñ. Ja'aymye̱jtzku̶x je̱'e̱ Windzú̶n Jesús y'ayuuk ma du'un myu̶na'añu̶ñ: ‘Jootkujk je̱' mu̶dyiibu̶ ye̱jkp, ni'igu̶ ka'p je̱'e̱ mu̶dyiibu̶ yajmooybyu̶ñ.’ ”
36Ko je̱'e̱ Pablo kyapxtaay myu̶dyaaktaay, chi ñayñajtzkojxtu̶na'awu̶u̶yu̶ y mu̶bu̶jktzooy je̱'e̱ Dios mu̶u̶d je̱' nigu̶xyu̶ ajku̶xy. 37Nigu̶xyu̶ jyu̶u̶y yaaxy ajku̶xy, y jakmajtz jakmu̶ne̱e̱ngu̶xy je̱'e̱ Pablo y jaktzu'kxku̶xy. 38Mu̶k najty tyajku̶xy myaaygyu̶xy y yajnú̶kx yajju̶wu̶u̶ygyu̶xy ko najty du'un tu̶ ñu̶maayu̶gu̶xyu̶ ko ka'p nimu̶naaxu̶u̶ ja'adu'ook ok'ijxku̶xnu̶ch. Chi oy jim jaknajtzwowu̶u̶ygyu̶xy ma najty byarcu̶tu̶gu̶'u̶waanu̶ju̶ñ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005