Hechos 15
15
Mu̶bu̶jkpu̶du̶jk jim Jerusalén ñayyo'oymyujku̶gu̶xy
1Je̱'e̱ mu̶'it tiempo je̱'e̱ ja'ay nije̱' mu̶dyiibu̶ jim Judea tzóngu̶xpu̶ñ, oy jim Antioquía jya'tku̶xy, y yaj'u̶xpu̶jktu̶gu̶u̶y je̱'e̱ mu̶bu̶jkpu̶du̶jk ajku̶xy, myu̶naangu̶xy: “Pu̶nu̶ myajni'idzo'oge̱e̱mby je̱'e̱ m'aanu̶mu̶ ajku̶xy, tzipku̶xp myajtu̶y'ajtu̶u̶ygyu̶xu̶ch du'un neby je̱'e̱ Moisés y'ane̱'e̱mu̶ñ myu̶na'añu̶ñ. 2Chi je̱'e̱ Pablo mu̶u̶d je̱'e̱ Bernabé mu̶k ñaywyingapx ñayjyu̶jpkápxu̶gu̶xy mu̶u̶d je̱'e̱ mu̶dyiibu̶ jim Judea tzóngu̶xpu̶ñ, ka'p ñay'ayuukwinju̶wu̶u̶yu̶gu̶xy. Chi je̱'e̱ Pablo mu̶u̶d je̱'e̱ Bernabé y mu̶u̶d je̱'e̱ mu̶bu̶jkpu̶du̶jk nije̱' yajni'ibu̶jku̶ ajku̶xy ko wan jim Jerusalén nú̶kxku̶xy y nu̶kxy jim yajtu̶ydyu̶gu̶u̶ygyu̶xy ma je̱'e̱ apóstolestu̶jk ajku̶xyu̶ñ, y nan ma je̱'e̱ mu̶dyiibu̶ je̱'e̱ mu̶bu̶jkpu̶du̶jk jim nigu'ubajk'ajtku̶xpu̶ñ.
3Chi je̱'e̱ mu̶bu̶jkpu̶du̶jk kye̱jxu̶gu̶xy mu̶dyiibu̶ najty jim Antioquía ajku̶xy, y chi ñajxku̶xy Fenicia naaxjooty y Samaria naaxjooty yajmu̶dmu̶dyaakku̶xy je̱'e̱ mu̶bu̶jkpu̶du̶jk kajpt kajpt neby je̱'e̱ ja'ay ka'pu̶ jyudíoja'ayu̶ch najty tu̶ jyootwimbijtku̶xyu̶ñ ma je̱'e̱ Diosu̶ñ, y tu̶ u̶xmajtzku̶xnu̶ najty je̱'e̱ jekywyinma'añ ajku̶xy. Y ku̶xyu̶ je̱'e̱ mu̶bu̶jkpu̶du̶jk oy jyootkugu̶u̶ydyaaygyu̶xy mu̶u̶d adayaaba ayuuk.
4Ko je̱'e̱ Pablo mu̶u̶d je̱'e̱ Bernabé oy jim Jerusalén jya'tku̶xy, chi je̱'e̱ mu̶bu̶jkpu̶du̶jk y je̱'e̱ apóstolestu̶jk kyu'ubu̶jku̶ ajku̶xy y je̱'e̱ mu̶dyiibu̶ je̱'e̱ mu̶bu̶jkpu̶du̶jk najty nigu'ubajk'ajtku̶xpu̶ñ, chi ku̶xyu̶ nimu̶dyaaktaaygyu̶xy mu̶dyiibu̶ je̱'e̱ Dios najty tu̶ tuñu̶ñ mu̶u̶d je̱' ajku̶xy. 5Peru̶ nije̱' je̱'e̱ fariseo ja'ay ajku̶xy, je̱'e̱ mu̶dyiibu̶ je̱'e̱ Jesús najty tu̶ mu̶bu̶jkku̶xyu̶ñ, tyu̶naayu̶'kku̶xy, y myu̶naangu̶xy:
—Tzipku̶xp je̱'e̱ ja'ay wan yajtu̶y'ajtu̶u̶ygyu̶xy mu̶dyiibu̶ je̱'e̱ Jesús mu̶bu̶jkku̶xpu̶ñ je̱'e̱ ka'pu̶ jyudíoja'ayu̶ch ajku̶xy y n'ane̱'e̱mu̶mu̶ch ajku̶xy ko je̱'e̱ Moisés y'ane̱'e̱mu̶ñ wan kuydyuungu̶xy.
6Chi je̱'e̱ apóstolestu̶jk ñayyo'oymyujku̶ ajku̶xy mu̶u̶d je̱'e̱ mu̶dyiibu̶ je̱'e̱ mu̶bu̶jkpu̶du̶jk nigu'ubajk'ajtku̶xpu̶ñ, okwinmayaangu̶xy je̱'e̱ fariseo ja'ay y'ayuuk neby y'oyu̶'u̶wu̶chu̶ñ. 7Ko kya'atzojk nay'ayuukwinju̶wu̶u̶yu̶ ajku̶xy, chi je̱'e̱ Pedro tyu̶naayu̶'ky, y ñu̶maayu̶ ajku̶xy:
—Mu̶gu'uktu̶jk, miich mnejwu̶u̶ygyu̶xypy ko u̶u̶ch je̱'e̱ Dios jékyu̶p xywyin'ijx ma miich ajku̶xyu̶ñ, neby u̶u̶ch je̱'e̱ ja'ay mu̶baad nyajmu̶dmu̶dyaakku̶xyu̶ñ je̱'e̱ ka'pu̶ jyudíoja'ayu̶ch je̱'e̱ oybyu̶ ayuuk tu̶y'ajt mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ, neby mu̶baad mu̶bu̶jkku̶xyu̶ñ. 8Y Dios mu̶dyiibu̶ ijxp nejwu̶u̶by je̱'e̱ ja'ay jyoot wyinma'añ, yajni'igu̶xu̶'k ko ku'ubu̶jku̶ju̶ch ajku̶xy je̱' ko mooyu̶ je̱'e̱ y'Espíritu Santo ajku̶xy, du'un neby u̶u̶ch xymyooy ajtu̶m ajku̶xyu̶ñ. 9Tu'ugyu̶ je̱'e̱ Dios tyuñ mu̶u̶d u̶u̶ch ajtu̶m ajku̶xy y mu̶u̶d je̱' ajku̶xy, y ka'p ni pu̶n pexy, nan tu̶ je̱'e̱ Dios jyoot wyinma'añ yajwaatzu̶xu̶ ajku̶xy ko je̱'e̱ Jesús tu̶ mu̶bu̶jkku̶xy. 10Jada'achám, ¿ti ko mga'awinju̶wu̶u̶ygyu̶xy y mga'amu̶bu̶gaangu̶xy neby je̱'e̱ Dios tyuñu̶ñ mu̶u̶d je̱'e̱ ka'pu̶ jyudíoja'ayu̶ch ajku̶xy? ¿Ti je̱'e̱ kostumbre ko adzip myajni'ibu̶gaangu̶xy mu̶dyiibu̶ ni u̶u̶ch ajtu̶m ajku̶xy y ni je̱'e̱ nmu̶j'áp nmu̶jteedy ajtu̶m ajku̶xy tu̶ ka'amu̶madaakku̶xyu̶ñ nu̶kxy kuydyuundaaygyu̶xy? 11U̶u̶ch ajtu̶m ajku̶xy nmu̶bu̶jku̶mby ko je̱'e̱ Dios n'aanu̶mu̶ ni'idzooku̶ñ ni'imay'ajtu̶ñ gyu̶xpu̶ tu̶ xymyooyu̶m ajku̶xy, je̱' ko je̱'e̱ Windzú̶n Jesús xychojku̶m xyjyu̶wu̶u̶yu̶m ajku̶xy, timydyu'un neby je̱' ajku̶xyu̶ñ.
12Mu̶'it nigu̶xyu̶ y'amoondaay ajku̶xy y amdo'ijtku̶xy neby je̱'e̱ Bernabé mu̶u̶d je̱'e̱ Pablo nimu̶dyaakku̶xyu̶ñ je̱'e̱ ijxpe̱jt y je̱'e̱ mu̶jwinma'añ mu̶dyiibu̶ je̱'e̱ Dios najty tu̶ tuñ mu̶u̶d je̱' ajku̶xy ma je̱'e̱ ka'pu̶ jyudíoja'ayu̶chu̶ñ ajku̶xy. 13Ko myu̶dyaaktaaygyu̶xy, chi je̱'e̱ Santiago myu̶naañ:
—Mu̶gu'uktu̶jk, u̶u̶ch je̱'e̱ n'ayuuk ok'amdo'ijtu̶ky ajku̶xy. 14Tu̶ je̱'e̱ Simón xyajmu̶dmu̶dyaaku̶m ajku̶xy neby je̱'e̱ Dios may'ajt jayu̶jp'ajt tu̶ tuñ ma je̱'e̱ ka'pu̶ jyudíoja'ayu̶chu̶ñ ajku̶xy, ko nandu'un tu̶ win'ixy mu̶dyiibu̶ jya'ay'ade̱e̱mby ma je̱' ajku̶xyu̶ñ. 15Adaa, adu̶u̶b adaa du'un mu̶u̶d je̱'e̱ mu̶dyiibu̶ je̱'e̱ Dios y'ayuuknajtzkapxu̶u̶ybyu̶du̶jk jékyu̶p kyujaaygyu̶xu̶ñ, neby jiiby myu̶na'añ ma je̱'e̱ Dios ñakyu̶ñ:
16‘Ko naty du'un tu̶ y'oktúñ y'okjadyii, mu̶'it u̶u̶ch ya naaxwiiñ nwinbídu̶ch,
y nyaj'oyu̶'u̶wu̶byu̶ch je̱'e̱ naax kajpt ja'adu'ook, mu̶dyiibu̶ je̱'e̱ David naty y'ane'embyu̶ñ,
mu̶dyiibu̶ naty tu̶ tyu̶goyu̶ñ, du'un neby tu'ug tu̶jk tu̶ kyu̶dayu̶ñ
ma je̱'e̱ David y'ok'ung y'ok'ana'ku̶ñ, nyaj'oyu̶'u̶wu̶byu̶ch je̱'e̱ naax kajpt ja'adu'ook
du'un neby je̱'e̱ ja'ay tu̶jk yajni'idu̶gáchu̶ñ.
17Wan je̱'e̱ jakjadyiiyu̶bu̶ ja'ay Dios o'owu̶dajtku̶xu̶ch,
nigu̶xyu̶ kipxy mu̶u̶d je̱'e̱ ka'pu̶ jyudíoja'ayu̶chu̶ñ ajku̶xy,
mu̶dyiibu̶ u̶u̶ch nja'ay'ade̱e̱mbyu̶ñ.
18Du'un je̱'e̱ Windzú̶n Dios tyu̶y'ajt jékyu̶p yejky ma je̱'e̱ xu̶u̶ tiempo tu̶u̶bu̶ ñaxyu̶ñ,
neby cham n'ijxu̶m nmu̶doowu̶mu̶ñ ajku̶xy.’
19“Paady u̶u̶ch nmu̶na'añ ko ka'p mu̶baad nyajmu̶dzibu̶u̶yu̶m ajku̶xy pu̶nu̶ ka'p je̱'e̱ Moisés y'ane̱'e̱mu̶ñ padunaangu̶xy je̱'e̱ ka'pu̶ jyudíoja'ayu̶chu̶ñ ajku̶xy mu̶dyiibu̶ je̱'e̱ jyekywyinma'añ tu̶ u̶xmajtzku̶xyu̶ñ y tu̶ mu̶bu̶jkku̶xy je̱'e̱ Dios y'ayuuk tyu̶y'ajt. 20Tzu̶gu̶tztu̶y nijayu̶u̶yu̶m ajku̶xy ko ka'p mu̶baad tzu'tzku̶xy mu̶dyiibu̶ je̱'e̱ ja'ay tzaadzéch kepychech yajwindzu̶gu̶u̶ygyu̶xypyu̶ñ, ka'p je̱'e̱ wiing to'oxyu̶jk mu̶baad mu̶dtuundu̶gooygyu̶xy, ka'p je̱'e̱ no'on ju̶yujk mu̶baad tzu'tzku̶xy mu̶dyiibu̶ yo'kwiidy o'kpu̶ñ, nan ni je̱'e̱ ju̶yujk ne'pty mu̶baad ka'ajú̶kxku̶xy. 21Je̱' ko je'emy je̱'e̱ jii pu̶njaty je̱'e̱ Moisés y'ane̱'e̱mu̶ñ u̶u̶wa'kxp kapxwa'kxku̶xpu̶ñ kajpt kajpt majaty je̱'e̱ naymyujktaakt naag naag je̱'e̱ pokxyxyu̶u̶ju̶ñ.
Je̱'e̱ naky mu̶dyiibu̶ kye̱jxku̶xu̶ñ ma je̱'e̱ ka'pu̶ jyudíoja'ayu̶chu̶ñ ajku̶xy
22Chi je̱'e̱ apóstolestu̶jk y mu̶dyiibu̶ je̱'e̱ mu̶bu̶jkpu̶du̶jk nigu'ubajk'ajtku̶xpu̶ñ, y mu̶u̶d je̱'e̱ mu̶bu̶jkpu̶du̶jk nigu̶xyu̶ kipxy wyinmaaygyu̶xy ko je̱'e̱ ja'ay nije̱' win'ixaangu̶xy ma je̱' ajku̶xyu̶ñ y ke̱xaangu̶xy jim Antioquía kipxy mu̶u̶d je̱'e̱ Pablo y mu̶u̶d je̱'e̱ Bernabé. Chi je̱'e̱ Judas win'ijxy ajku̶xy, mu̶dyiibu̶ najty nandu'un yajtijpu̶ñ Barsabás y mu̶u̶d je̱'e̱ Silas; ya'aydyu̶jktu̶jk mu̶dyiibu̶ ku'umaay ijtku̶xpu̶ñ ma je̱'e̱ mu̶bu̶jkpu̶du̶jk ajku̶xyu̶ñ, 23y je̱' je̱'e̱ naky yajmu̶gue̱jxku̶x mu̶dyiibu̶ najty tu̶ jaaygyu̶xyu̶ñ:
“U̶u̶ch apóstolestu̶jk ajku̶xy y mu̶dyiibu̶ je̱'e̱ mu̶bu̶jkpu̶du̶jk nigu'ubajk'ajtku̶xpu̶ñ, miich je̱'e̱ mmu̶gu'ugtu̶jk ajku̶xy, cham u̶u̶ch je̱'e̱ yajpókxu̶ñ ngue̱jxku̶xy ma je̱'e̱ mu̶bu̶jkpu̶du̶jk ajku̶xy ka'pu̶ jyudíoja'ayu̶ch mu̶dyiibu̶ jim Antioquía, jim Siria y jim Cilicia tzu̶naaygyu̶xpu̶ñ. 24Tu̶ u̶u̶ch nnejwu̶u̶ygyu̶xy ko je̱'e̱ ja'ay nije̱' tu̶ xyñi'ooygyu̶xy, chóngu̶xy yaa ma u̶u̶ch ajku̶xyu̶ñ, ka'p je̱'e̱ u̶u̶ch ngue̱jxku̶x ko xymyu̶'amayu̶u̶ygyu̶xu̶ch mu̶u̶d je̱'e̱ y'ayuuk, y tu̶ xyajwinma'añdyu̶gooygyu̶xy.#15.24 Nije̱' jaaybyu̶du̶jk myu̶naangu̶xy: ko xyñu̶maay ajku̶xy ko tzipku̶xp myajtu̶y'ajtu̶u̶ygyu̶xu̶ch y mguydyuungu̶xu̶ch je̱'e̱ Moisés y'ane̱'e̱mu̶ñ. 25Paady u̶u̶ch nigu̶xyu̶ tu̶ nnaygyápxu̶gu̶xy ko u̶u̶ch je̱'e̱ ja'ay nije̱' nwin'ixaangu̶xy mu̶dyiibu̶ yajpaatku̶xpu̶ñ ma u̶u̶ch ajku̶xyu̶ñ, ko wan nu̶kxy xy'ijxku̶xy niguipxyu̶ mu̶u̶d u̶u̶ch je̱'e̱ nmu̶gu'ugtu̶jk ajku̶xy mu̶dyiibu̶ u̶u̶ch oy ndzojkypy nju̶wu̶u̶ygyu̶xypyu̶ñ je̱'e̱ Bernabé y mu̶u̶d je̱'e̱ Pablo. 26Je̱'e̱ mu̶dyiibu̶ je̱'e̱ jyugy'ajt tu̶ yojxku̶xyu̶ñ mu̶u̶d je̱'e̱ nWindzú̶n Jesucristo kyu̶xpu̶ ajtu̶m ajku̶xy. 27Y cham u̶u̶ch je̱'e̱ Judas mu̶u̶d je̱'e̱ Silas ngue̱jxku̶xy, y je̱' ku̶'u̶m xyajmu̶dmu̶dyaakku̶xu̶p xy'awaandaayu̶ch adayaaba ayuuk ku̶xyu̶ ajku̶xy. 28Tu̶ je̱'e̱ Espíritu Santo du'un myu̶na'añ y u̶u̶ch nandu'un ajku̶xy ko ka'p je̱'e̱ tzaachpyu̶ ayuuk mu̶baad nyajni'ibu̶jkku̶xy, je̱'e̱du̶'ajty je'eyu̶ mu̶dyiibu̶ tzipku̶xpu̶ñ: 29ko ka'p mdzu'tzku̶xu̶ch mu̶dyiibu̶ je̱'e̱ ja'ay tzaadzéch kepychech yajwindzu̶gu̶u̶ygyu̶xypyu̶ñ, ko ka'p je̱'e̱ ne'pty mjú̶kxku̶xu̶ch ni je̱'e̱ no'on ju̶yujk mga'atzu'tzku̶xu̶ch mu̶dyiibu̶ yo'kwiidy o'kpu̶ñ, y nan ka'p je̱'e̱ wiing to'oxyu̶jk mmu̶dtuundu̶gooygyu̶xu̶ch. Pu̶nu̶ mguydyuundaaby adaa ane̱'e̱mu̶ñ du'un ajku̶xy, oy naty du'un mduungu̶xy, y Dios xypyubé̱du̶p xypyudu̶gu̶'u̶wu̶p ajku̶xy.”
30Y Ko yajke̱jxku̶xy, chi jim Antioquía ñú̶kxku̶xy, y jim je̱'e̱ mu̶bu̶jkpu̶du̶jk woomujkku̶xy y yajku̶'u̶du̶gu̶u̶ygyu̶xy je̱'e̱ naky. 31Ko je̱'e̱ mu̶bu̶jkpu̶du̶jk naky kapxy ajku̶xy, chi oy jyootkugu̶ydyaaygyu̶xy mu̶u̶d je̱'e̱ oybyu̶ ayuuk tu̶u̶bu̶ najty yajnigue̱jxu̶gu̶xyu̶. 32Je̱'e̱ Judas mu̶u̶d je̱'e̱ Silas Dios najty y'ayuuknajtzkapxu̶u̶ybyu̶du̶jk je̱'e̱ ajku̶xy, paady je̱'e̱ mu̶bu̶jkpu̶du̶jk yajjootkugu̶u̶y y joot'amu̶jmooygyu̶xy mu̶u̶d je̱'e̱ y'ayuuk ajku̶xy. 33Jeky jim wya'kxu̶jpku̶xy, y chi je̱'e̱ mu̶bu̶jkpu̶du̶jk jyakmu̶gápxu̶gu̶xy; yajku̶'u̶wanu̶u̶yu̶gu̶xnu̶ je̱'e̱ Dios ko najty jim Jerusalén wyimbidaangu̶xnu̶ ma najty tu̶ y'oktzóngu̶xpu̶ju̶ñ. 34[Peru̶ chi je̱'e̱ Silas wyinmaay ko najty wyu̶'u̶ma'añ]#15.34 Adayaaba texto korchete mu̶u̶dpu̶, ka'p je̱'e̱ jaaybyu̶du̶jk nije̱' tu̶ paatku̶xy. 35Peru̶ je̱'e̱ Pablo mu̶u̶d je̱'e̱ Bernabé wu̶'u̶mgu̶x je̱'e̱ jim Antioquía, y niguipxy mu̶u̶d je̱'e̱ wiingpu̶ mu̶bu̶jkpu̶du̶jk nimay yaj'u̶xpu̶jk'adu̶u̶tzku̶xy y kapxwa'kx'adu̶u̶tzku̶xy je̱'e̱ Windzú̶n Dios y'ayuuk tyu̶y'ajt.
Pablo myu̶me̱jtz viaje yajtzonda'agy ko je̱'e̱ Dios y'ayuuk tyu̶y'ajt kapxwa'kxu̶
36Tu̶ najty we̱e̱nu̶ y'ijtnu̶, ko je̱'e̱ Pablo nu̶maay je̱'e̱ Bernabé:
—Jam je̱'e̱ nmu̶gu'ugtu̶jk ja'adu'ook okku'ijxu̶m kajpt kajpt majaty je̱'e̱ Windzú̶n Dios y'ayuuk tyu̶y'ajt tu̶ ngapxwa'kxu̶mu̶ñ, wan nnejwu̶u̶yu̶mu̶ch neby yajpaatku̶xyu̶ñ.
37Je̱'e̱ Bernabé myu̶dnu̶kxe̱e̱mby najty je̱'e̱ Juan mu̶dyiibu̶ nandu'un tyijpyu̶ñ ajku̶xy Marcos; 38peru̶ ka'p je̱'e̱ Pablo ku'ubu̶jky ko je̱'e̱ Marcos mu̶dnú̶kxku̶xu̶ch, je̱' ko tu̶ najty jim Panfilia y'okku'ugue̱e̱ku̶gu̶xpu̶ y ka'p najty je̱'e̱ tuung tu̶ myu̶d'yajtu'uyo'oy'adu̶u̶tzu̶gu̶xy. 39Ka'p ñay'ayuukwinju̶wu̶u̶yu̶gu̶xy, y timyñaybyuyo'oydyuuttu̶ ajku̶xy. Chi je̱'e̱ Bernabé je̱'e̱ Marcos mu̶dnu̶kxy y chi byarcu̶tu̶gu̶u̶ygyu̶xy y ñú̶kxku̶xy jim Chipre, 40y Pablo je̱'e̱ Silas win'ijx, chi je̱'e̱ mu̶bu̶jkpu̶du̶jk je̱'e̱ Windzú̶n Dios yajku̶'u̶waanu̶u̶yu̶gu̶xy, y chi jim chóngu̶xy, 41y ñajxku̶xy jim Siria y jim Cilicia joot'amu̶jmooygyu̶xy je̱'e̱ mu̶bu̶jkpu̶du̶jk majaty je̱'e̱ kajptu̶ñ.
Currently Selected:
Hechos 15: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Hechos 15
15
Mu̶bu̶jkpu̶du̶jk jim Jerusalén ñayyo'oymyujku̶gu̶xy
1Je̱'e̱ mu̶'it tiempo je̱'e̱ ja'ay nije̱' mu̶dyiibu̶ jim Judea tzóngu̶xpu̶ñ, oy jim Antioquía jya'tku̶xy, y yaj'u̶xpu̶jktu̶gu̶u̶y je̱'e̱ mu̶bu̶jkpu̶du̶jk ajku̶xy, myu̶naangu̶xy: “Pu̶nu̶ myajni'idzo'oge̱e̱mby je̱'e̱ m'aanu̶mu̶ ajku̶xy, tzipku̶xp myajtu̶y'ajtu̶u̶ygyu̶xu̶ch du'un neby je̱'e̱ Moisés y'ane̱'e̱mu̶ñ myu̶na'añu̶ñ. 2Chi je̱'e̱ Pablo mu̶u̶d je̱'e̱ Bernabé mu̶k ñaywyingapx ñayjyu̶jpkápxu̶gu̶xy mu̶u̶d je̱'e̱ mu̶dyiibu̶ jim Judea tzóngu̶xpu̶ñ, ka'p ñay'ayuukwinju̶wu̶u̶yu̶gu̶xy. Chi je̱'e̱ Pablo mu̶u̶d je̱'e̱ Bernabé y mu̶u̶d je̱'e̱ mu̶bu̶jkpu̶du̶jk nije̱' yajni'ibu̶jku̶ ajku̶xy ko wan jim Jerusalén nú̶kxku̶xy y nu̶kxy jim yajtu̶ydyu̶gu̶u̶ygyu̶xy ma je̱'e̱ apóstolestu̶jk ajku̶xyu̶ñ, y nan ma je̱'e̱ mu̶dyiibu̶ je̱'e̱ mu̶bu̶jkpu̶du̶jk jim nigu'ubajk'ajtku̶xpu̶ñ.
3Chi je̱'e̱ mu̶bu̶jkpu̶du̶jk kye̱jxu̶gu̶xy mu̶dyiibu̶ najty jim Antioquía ajku̶xy, y chi ñajxku̶xy Fenicia naaxjooty y Samaria naaxjooty yajmu̶dmu̶dyaakku̶xy je̱'e̱ mu̶bu̶jkpu̶du̶jk kajpt kajpt neby je̱'e̱ ja'ay ka'pu̶ jyudíoja'ayu̶ch najty tu̶ jyootwimbijtku̶xyu̶ñ ma je̱'e̱ Diosu̶ñ, y tu̶ u̶xmajtzku̶xnu̶ najty je̱'e̱ jekywyinma'añ ajku̶xy. Y ku̶xyu̶ je̱'e̱ mu̶bu̶jkpu̶du̶jk oy jyootkugu̶u̶ydyaaygyu̶xy mu̶u̶d adayaaba ayuuk.
4Ko je̱'e̱ Pablo mu̶u̶d je̱'e̱ Bernabé oy jim Jerusalén jya'tku̶xy, chi je̱'e̱ mu̶bu̶jkpu̶du̶jk y je̱'e̱ apóstolestu̶jk kyu'ubu̶jku̶ ajku̶xy y je̱'e̱ mu̶dyiibu̶ je̱'e̱ mu̶bu̶jkpu̶du̶jk najty nigu'ubajk'ajtku̶xpu̶ñ, chi ku̶xyu̶ nimu̶dyaaktaaygyu̶xy mu̶dyiibu̶ je̱'e̱ Dios najty tu̶ tuñu̶ñ mu̶u̶d je̱' ajku̶xy. 5Peru̶ nije̱' je̱'e̱ fariseo ja'ay ajku̶xy, je̱'e̱ mu̶dyiibu̶ je̱'e̱ Jesús najty tu̶ mu̶bu̶jkku̶xyu̶ñ, tyu̶naayu̶'kku̶xy, y myu̶naangu̶xy:
—Tzipku̶xp je̱'e̱ ja'ay wan yajtu̶y'ajtu̶u̶ygyu̶xy mu̶dyiibu̶ je̱'e̱ Jesús mu̶bu̶jkku̶xpu̶ñ je̱'e̱ ka'pu̶ jyudíoja'ayu̶ch ajku̶xy y n'ane̱'e̱mu̶mu̶ch ajku̶xy ko je̱'e̱ Moisés y'ane̱'e̱mu̶ñ wan kuydyuungu̶xy.
6Chi je̱'e̱ apóstolestu̶jk ñayyo'oymyujku̶ ajku̶xy mu̶u̶d je̱'e̱ mu̶dyiibu̶ je̱'e̱ mu̶bu̶jkpu̶du̶jk nigu'ubajk'ajtku̶xpu̶ñ, okwinmayaangu̶xy je̱'e̱ fariseo ja'ay y'ayuuk neby y'oyu̶'u̶wu̶chu̶ñ. 7Ko kya'atzojk nay'ayuukwinju̶wu̶u̶yu̶ ajku̶xy, chi je̱'e̱ Pedro tyu̶naayu̶'ky, y ñu̶maayu̶ ajku̶xy:
—Mu̶gu'uktu̶jk, miich mnejwu̶u̶ygyu̶xypy ko u̶u̶ch je̱'e̱ Dios jékyu̶p xywyin'ijx ma miich ajku̶xyu̶ñ, neby u̶u̶ch je̱'e̱ ja'ay mu̶baad nyajmu̶dmu̶dyaakku̶xyu̶ñ je̱'e̱ ka'pu̶ jyudíoja'ayu̶ch je̱'e̱ oybyu̶ ayuuk tu̶y'ajt mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ, neby mu̶baad mu̶bu̶jkku̶xyu̶ñ. 8Y Dios mu̶dyiibu̶ ijxp nejwu̶u̶by je̱'e̱ ja'ay jyoot wyinma'añ, yajni'igu̶xu̶'k ko ku'ubu̶jku̶ju̶ch ajku̶xy je̱' ko mooyu̶ je̱'e̱ y'Espíritu Santo ajku̶xy, du'un neby u̶u̶ch xymyooy ajtu̶m ajku̶xyu̶ñ. 9Tu'ugyu̶ je̱'e̱ Dios tyuñ mu̶u̶d u̶u̶ch ajtu̶m ajku̶xy y mu̶u̶d je̱' ajku̶xy, y ka'p ni pu̶n pexy, nan tu̶ je̱'e̱ Dios jyoot wyinma'añ yajwaatzu̶xu̶ ajku̶xy ko je̱'e̱ Jesús tu̶ mu̶bu̶jkku̶xy. 10Jada'achám, ¿ti ko mga'awinju̶wu̶u̶ygyu̶xy y mga'amu̶bu̶gaangu̶xy neby je̱'e̱ Dios tyuñu̶ñ mu̶u̶d je̱'e̱ ka'pu̶ jyudíoja'ayu̶ch ajku̶xy? ¿Ti je̱'e̱ kostumbre ko adzip myajni'ibu̶gaangu̶xy mu̶dyiibu̶ ni u̶u̶ch ajtu̶m ajku̶xy y ni je̱'e̱ nmu̶j'áp nmu̶jteedy ajtu̶m ajku̶xy tu̶ ka'amu̶madaakku̶xyu̶ñ nu̶kxy kuydyuundaaygyu̶xy? 11U̶u̶ch ajtu̶m ajku̶xy nmu̶bu̶jku̶mby ko je̱'e̱ Dios n'aanu̶mu̶ ni'idzooku̶ñ ni'imay'ajtu̶ñ gyu̶xpu̶ tu̶ xymyooyu̶m ajku̶xy, je̱' ko je̱'e̱ Windzú̶n Jesús xychojku̶m xyjyu̶wu̶u̶yu̶m ajku̶xy, timydyu'un neby je̱' ajku̶xyu̶ñ.
12Mu̶'it nigu̶xyu̶ y'amoondaay ajku̶xy y amdo'ijtku̶xy neby je̱'e̱ Bernabé mu̶u̶d je̱'e̱ Pablo nimu̶dyaakku̶xyu̶ñ je̱'e̱ ijxpe̱jt y je̱'e̱ mu̶jwinma'añ mu̶dyiibu̶ je̱'e̱ Dios najty tu̶ tuñ mu̶u̶d je̱' ajku̶xy ma je̱'e̱ ka'pu̶ jyudíoja'ayu̶chu̶ñ ajku̶xy. 13Ko myu̶dyaaktaaygyu̶xy, chi je̱'e̱ Santiago myu̶naañ:
—Mu̶gu'uktu̶jk, u̶u̶ch je̱'e̱ n'ayuuk ok'amdo'ijtu̶ky ajku̶xy. 14Tu̶ je̱'e̱ Simón xyajmu̶dmu̶dyaaku̶m ajku̶xy neby je̱'e̱ Dios may'ajt jayu̶jp'ajt tu̶ tuñ ma je̱'e̱ ka'pu̶ jyudíoja'ayu̶chu̶ñ ajku̶xy, ko nandu'un tu̶ win'ixy mu̶dyiibu̶ jya'ay'ade̱e̱mby ma je̱' ajku̶xyu̶ñ. 15Adaa, adu̶u̶b adaa du'un mu̶u̶d je̱'e̱ mu̶dyiibu̶ je̱'e̱ Dios y'ayuuknajtzkapxu̶u̶ybyu̶du̶jk jékyu̶p kyujaaygyu̶xu̶ñ, neby jiiby myu̶na'añ ma je̱'e̱ Dios ñakyu̶ñ:
16‘Ko naty du'un tu̶ y'oktúñ y'okjadyii, mu̶'it u̶u̶ch ya naaxwiiñ nwinbídu̶ch,
y nyaj'oyu̶'u̶wu̶byu̶ch je̱'e̱ naax kajpt ja'adu'ook, mu̶dyiibu̶ je̱'e̱ David naty y'ane'embyu̶ñ,
mu̶dyiibu̶ naty tu̶ tyu̶goyu̶ñ, du'un neby tu'ug tu̶jk tu̶ kyu̶dayu̶ñ
ma je̱'e̱ David y'ok'ung y'ok'ana'ku̶ñ, nyaj'oyu̶'u̶wu̶byu̶ch je̱'e̱ naax kajpt ja'adu'ook
du'un neby je̱'e̱ ja'ay tu̶jk yajni'idu̶gáchu̶ñ.
17Wan je̱'e̱ jakjadyiiyu̶bu̶ ja'ay Dios o'owu̶dajtku̶xu̶ch,
nigu̶xyu̶ kipxy mu̶u̶d je̱'e̱ ka'pu̶ jyudíoja'ayu̶chu̶ñ ajku̶xy,
mu̶dyiibu̶ u̶u̶ch nja'ay'ade̱e̱mbyu̶ñ.
18Du'un je̱'e̱ Windzú̶n Dios tyu̶y'ajt jékyu̶p yejky ma je̱'e̱ xu̶u̶ tiempo tu̶u̶bu̶ ñaxyu̶ñ,
neby cham n'ijxu̶m nmu̶doowu̶mu̶ñ ajku̶xy.’
19“Paady u̶u̶ch nmu̶na'añ ko ka'p mu̶baad nyajmu̶dzibu̶u̶yu̶m ajku̶xy pu̶nu̶ ka'p je̱'e̱ Moisés y'ane̱'e̱mu̶ñ padunaangu̶xy je̱'e̱ ka'pu̶ jyudíoja'ayu̶chu̶ñ ajku̶xy mu̶dyiibu̶ je̱'e̱ jyekywyinma'añ tu̶ u̶xmajtzku̶xyu̶ñ y tu̶ mu̶bu̶jkku̶xy je̱'e̱ Dios y'ayuuk tyu̶y'ajt. 20Tzu̶gu̶tztu̶y nijayu̶u̶yu̶m ajku̶xy ko ka'p mu̶baad tzu'tzku̶xy mu̶dyiibu̶ je̱'e̱ ja'ay tzaadzéch kepychech yajwindzu̶gu̶u̶ygyu̶xypyu̶ñ, ka'p je̱'e̱ wiing to'oxyu̶jk mu̶baad mu̶dtuundu̶gooygyu̶xy, ka'p je̱'e̱ no'on ju̶yujk mu̶baad tzu'tzku̶xy mu̶dyiibu̶ yo'kwiidy o'kpu̶ñ, nan ni je̱'e̱ ju̶yujk ne'pty mu̶baad ka'ajú̶kxku̶xy. 21Je̱' ko je'emy je̱'e̱ jii pu̶njaty je̱'e̱ Moisés y'ane̱'e̱mu̶ñ u̶u̶wa'kxp kapxwa'kxku̶xpu̶ñ kajpt kajpt majaty je̱'e̱ naymyujktaakt naag naag je̱'e̱ pokxyxyu̶u̶ju̶ñ.
Je̱'e̱ naky mu̶dyiibu̶ kye̱jxku̶xu̶ñ ma je̱'e̱ ka'pu̶ jyudíoja'ayu̶chu̶ñ ajku̶xy
22Chi je̱'e̱ apóstolestu̶jk y mu̶dyiibu̶ je̱'e̱ mu̶bu̶jkpu̶du̶jk nigu'ubajk'ajtku̶xpu̶ñ, y mu̶u̶d je̱'e̱ mu̶bu̶jkpu̶du̶jk nigu̶xyu̶ kipxy wyinmaaygyu̶xy ko je̱'e̱ ja'ay nije̱' win'ixaangu̶xy ma je̱' ajku̶xyu̶ñ y ke̱xaangu̶xy jim Antioquía kipxy mu̶u̶d je̱'e̱ Pablo y mu̶u̶d je̱'e̱ Bernabé. Chi je̱'e̱ Judas win'ijxy ajku̶xy, mu̶dyiibu̶ najty nandu'un yajtijpu̶ñ Barsabás y mu̶u̶d je̱'e̱ Silas; ya'aydyu̶jktu̶jk mu̶dyiibu̶ ku'umaay ijtku̶xpu̶ñ ma je̱'e̱ mu̶bu̶jkpu̶du̶jk ajku̶xyu̶ñ, 23y je̱' je̱'e̱ naky yajmu̶gue̱jxku̶x mu̶dyiibu̶ najty tu̶ jaaygyu̶xyu̶ñ:
“U̶u̶ch apóstolestu̶jk ajku̶xy y mu̶dyiibu̶ je̱'e̱ mu̶bu̶jkpu̶du̶jk nigu'ubajk'ajtku̶xpu̶ñ, miich je̱'e̱ mmu̶gu'ugtu̶jk ajku̶xy, cham u̶u̶ch je̱'e̱ yajpókxu̶ñ ngue̱jxku̶xy ma je̱'e̱ mu̶bu̶jkpu̶du̶jk ajku̶xy ka'pu̶ jyudíoja'ayu̶ch mu̶dyiibu̶ jim Antioquía, jim Siria y jim Cilicia tzu̶naaygyu̶xpu̶ñ. 24Tu̶ u̶u̶ch nnejwu̶u̶ygyu̶xy ko je̱'e̱ ja'ay nije̱' tu̶ xyñi'ooygyu̶xy, chóngu̶xy yaa ma u̶u̶ch ajku̶xyu̶ñ, ka'p je̱'e̱ u̶u̶ch ngue̱jxku̶x ko xymyu̶'amayu̶u̶ygyu̶xu̶ch mu̶u̶d je̱'e̱ y'ayuuk, y tu̶ xyajwinma'añdyu̶gooygyu̶xy.#15.24 Nije̱' jaaybyu̶du̶jk myu̶naangu̶xy: ko xyñu̶maay ajku̶xy ko tzipku̶xp myajtu̶y'ajtu̶u̶ygyu̶xu̶ch y mguydyuungu̶xu̶ch je̱'e̱ Moisés y'ane̱'e̱mu̶ñ. 25Paady u̶u̶ch nigu̶xyu̶ tu̶ nnaygyápxu̶gu̶xy ko u̶u̶ch je̱'e̱ ja'ay nije̱' nwin'ixaangu̶xy mu̶dyiibu̶ yajpaatku̶xpu̶ñ ma u̶u̶ch ajku̶xyu̶ñ, ko wan nu̶kxy xy'ijxku̶xy niguipxyu̶ mu̶u̶d u̶u̶ch je̱'e̱ nmu̶gu'ugtu̶jk ajku̶xy mu̶dyiibu̶ u̶u̶ch oy ndzojkypy nju̶wu̶u̶ygyu̶xypyu̶ñ je̱'e̱ Bernabé y mu̶u̶d je̱'e̱ Pablo. 26Je̱'e̱ mu̶dyiibu̶ je̱'e̱ jyugy'ajt tu̶ yojxku̶xyu̶ñ mu̶u̶d je̱'e̱ nWindzú̶n Jesucristo kyu̶xpu̶ ajtu̶m ajku̶xy. 27Y cham u̶u̶ch je̱'e̱ Judas mu̶u̶d je̱'e̱ Silas ngue̱jxku̶xy, y je̱' ku̶'u̶m xyajmu̶dmu̶dyaakku̶xu̶p xy'awaandaayu̶ch adayaaba ayuuk ku̶xyu̶ ajku̶xy. 28Tu̶ je̱'e̱ Espíritu Santo du'un myu̶na'añ y u̶u̶ch nandu'un ajku̶xy ko ka'p je̱'e̱ tzaachpyu̶ ayuuk mu̶baad nyajni'ibu̶jkku̶xy, je̱'e̱du̶'ajty je'eyu̶ mu̶dyiibu̶ tzipku̶xpu̶ñ: 29ko ka'p mdzu'tzku̶xu̶ch mu̶dyiibu̶ je̱'e̱ ja'ay tzaadzéch kepychech yajwindzu̶gu̶u̶ygyu̶xypyu̶ñ, ko ka'p je̱'e̱ ne'pty mjú̶kxku̶xu̶ch ni je̱'e̱ no'on ju̶yujk mga'atzu'tzku̶xu̶ch mu̶dyiibu̶ yo'kwiidy o'kpu̶ñ, y nan ka'p je̱'e̱ wiing to'oxyu̶jk mmu̶dtuundu̶gooygyu̶xu̶ch. Pu̶nu̶ mguydyuundaaby adaa ane̱'e̱mu̶ñ du'un ajku̶xy, oy naty du'un mduungu̶xy, y Dios xypyubé̱du̶p xypyudu̶gu̶'u̶wu̶p ajku̶xy.”
30Y Ko yajke̱jxku̶xy, chi jim Antioquía ñú̶kxku̶xy, y jim je̱'e̱ mu̶bu̶jkpu̶du̶jk woomujkku̶xy y yajku̶'u̶du̶gu̶u̶ygyu̶xy je̱'e̱ naky. 31Ko je̱'e̱ mu̶bu̶jkpu̶du̶jk naky kapxy ajku̶xy, chi oy jyootkugu̶ydyaaygyu̶xy mu̶u̶d je̱'e̱ oybyu̶ ayuuk tu̶u̶bu̶ najty yajnigue̱jxu̶gu̶xyu̶. 32Je̱'e̱ Judas mu̶u̶d je̱'e̱ Silas Dios najty y'ayuuknajtzkapxu̶u̶ybyu̶du̶jk je̱'e̱ ajku̶xy, paady je̱'e̱ mu̶bu̶jkpu̶du̶jk yajjootkugu̶u̶y y joot'amu̶jmooygyu̶xy mu̶u̶d je̱'e̱ y'ayuuk ajku̶xy. 33Jeky jim wya'kxu̶jpku̶xy, y chi je̱'e̱ mu̶bu̶jkpu̶du̶jk jyakmu̶gápxu̶gu̶xy; yajku̶'u̶wanu̶u̶yu̶gu̶xnu̶ je̱'e̱ Dios ko najty jim Jerusalén wyimbidaangu̶xnu̶ ma najty tu̶ y'oktzóngu̶xpu̶ju̶ñ. 34[Peru̶ chi je̱'e̱ Silas wyinmaay ko najty wyu̶'u̶ma'añ]#15.34 Adayaaba texto korchete mu̶u̶dpu̶, ka'p je̱'e̱ jaaybyu̶du̶jk nije̱' tu̶ paatku̶xy. 35Peru̶ je̱'e̱ Pablo mu̶u̶d je̱'e̱ Bernabé wu̶'u̶mgu̶x je̱'e̱ jim Antioquía, y niguipxy mu̶u̶d je̱'e̱ wiingpu̶ mu̶bu̶jkpu̶du̶jk nimay yaj'u̶xpu̶jk'adu̶u̶tzku̶xy y kapxwa'kx'adu̶u̶tzku̶xy je̱'e̱ Windzú̶n Dios y'ayuuk tyu̶y'ajt.
Pablo myu̶me̱jtz viaje yajtzonda'agy ko je̱'e̱ Dios y'ayuuk tyu̶y'ajt kapxwa'kxu̶
36Tu̶ najty we̱e̱nu̶ y'ijtnu̶, ko je̱'e̱ Pablo nu̶maay je̱'e̱ Bernabé:
—Jam je̱'e̱ nmu̶gu'ugtu̶jk ja'adu'ook okku'ijxu̶m kajpt kajpt majaty je̱'e̱ Windzú̶n Dios y'ayuuk tyu̶y'ajt tu̶ ngapxwa'kxu̶mu̶ñ, wan nnejwu̶u̶yu̶mu̶ch neby yajpaatku̶xyu̶ñ.
37Je̱'e̱ Bernabé myu̶dnu̶kxe̱e̱mby najty je̱'e̱ Juan mu̶dyiibu̶ nandu'un tyijpyu̶ñ ajku̶xy Marcos; 38peru̶ ka'p je̱'e̱ Pablo ku'ubu̶jky ko je̱'e̱ Marcos mu̶dnú̶kxku̶xu̶ch, je̱' ko tu̶ najty jim Panfilia y'okku'ugue̱e̱ku̶gu̶xpu̶ y ka'p najty je̱'e̱ tuung tu̶ myu̶d'yajtu'uyo'oy'adu̶u̶tzu̶gu̶xy. 39Ka'p ñay'ayuukwinju̶wu̶u̶yu̶gu̶xy, y timyñaybyuyo'oydyuuttu̶ ajku̶xy. Chi je̱'e̱ Bernabé je̱'e̱ Marcos mu̶dnu̶kxy y chi byarcu̶tu̶gu̶u̶ygyu̶xy y ñú̶kxku̶xy jim Chipre, 40y Pablo je̱'e̱ Silas win'ijx, chi je̱'e̱ mu̶bu̶jkpu̶du̶jk je̱'e̱ Windzú̶n Dios yajku̶'u̶waanu̶u̶yu̶gu̶xy, y chi jim chóngu̶xy, 41y ñajxku̶xy jim Siria y jim Cilicia joot'amu̶jmooygyu̶xy je̱'e̱ mu̶bu̶jkpu̶du̶jk majaty je̱'e̱ kajptu̶ñ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005