Hechos 10
10
Pedro mu̶u̶d je̱'e̱ Cornelio
1Jim Cesarea kajpt najty ja'ay tu'ug tuungmu̶u̶dpu̶ mu̶dyiibu̶ xu̶u̶'ajtpu̶ñ Cornelio, capitan'ajtp najty je̱' ma je̱'e̱ tziptuumbu̶ batallón mu̶dyiibu̶ xu̶u̶'ajtpu̶ñ el Italiano. 2Je̱'e̱ Cornelio tu'uda'agyjya'ay je̱'e̱ najty, y je̱' mu̶u̶d je̱'e̱ y'ung tyo'oxyu̶jk ku̶xyu̶ yajmu̶j'ajtku̶xypy je̱'e̱ Dios najty. Nan pyubejtypy najty je̱'e̱ judío ayoobu̶du̶jk ajku̶xy meeñ'aam, y nan Dios o'owu̶dajtu̶u̶b najty jaboom jaboom. 3Chi tu'ook, jii da'a kudu̶gu̶'u̶xu̶u̶ ko je̱'e̱ Cornelio Dios yaj'ijxu̶:
Ijxy janch'oy janchwa'adz tu'ug je̱'e̱ Dios y'ángel ñidu̶gu̶'u̶yii ma je̱' najtyu̶ñ y ñu̶ma'ayii: “¡Cornelio!” 4Chi je̱'e̱ Cornelio je̱'e̱ ángel windu̶kxpejty y janch tzu̶gu̶u̶by najty mu̶k, chi yajtu̶u̶y: “¿Ti mdzojkypy Windzú̶n?” Chi je̱'e̱ ángel ñu̶maayu̶: “Du'un neby mDios'o'owu̶dátyu̶ñ y du'un neby je̱'e̱ ayoobu̶du̶jk mbubetyu̶ñ, tu̶ je̱'e̱ Dios du'un ku'umáy. 5Ke̱x je̱'e̱ mja'ay nije̱' jim ma je̱'e̱ Jope kajptu̶ñ, wan je̱'e̱ Simón nu̶kxy yajtzóngu̶xy mu̶dyiibu̶ nandu'un yajtijpu̶ñ Pedro. 6Jim jya'ttaakt je̱'e̱ mu̶u̶du̶ch ma je̱'e̱ ja'adu'ukpu̶ Simongu̶ñ, je̱'e̱ po'o'ák oydyuumbu̶ mu̶dyiibu̶ tyu̶jk mejypya'aju̶ñ.”#10.6 Nije̱' wiingpu̶ versión myu̶na'añ: je̱' xyñu̶ma'awu̶p tii mdúnu̶byu̶ñ.
7Ko je̱'e̱ ángel ñu̶kxnu̶ mu̶dyiibu̶ najty tu̶ myu̶gapxyii, chi je̱'e̱ Cornelio tyuumbu̶ me̱tzk mu̶j'yaaxy y tu'ug tziptuumbu̶ mu̶dyiibu̶ je̱'e̱ Dios oy kapxymyu̶doobu̶ñ y mu̶dyiibu̶ oy mu̶duunu̶bu̶ñ, 8y ko ku̶xyu̶ yajmu̶dmu̶dyaaktaay ajku̶xy neby je̱'e̱ ángel ñu̶maayu̶ju̶ñ, chi jim Jope ke̱jxku̶xy.
9Y kujaboom jii najty da'a kujkyxu̶u̶da, jim najty je̱'e̱ kexyo'oybyu̶ jya'adaangu̶xnu̶ mu̶wingón je̱'e̱ Jope kajpt, chi je̱'e̱ Pedro pyejty tu̶jkku'uduuy Dios o'owu̶dajtpu̶. 10Mu̶k najty yu'o'ogyii y ja'akayaamb najty, peru̶ jimnu̶ je̱'e̱ jyu̶kxy pyu̶ky najty y'oyu̶'u̶y, chi je̱'e̱ Dios yaj'ijxu̶: 11ijxy ko je̱'e̱ tzajp y'awa'ach y ko kyu̶da'agy naaxkú̶xy du'un neby je̱'e̱ poob wit mu̶jpu̶ju̶ñ, xyóchu̶ch mu̶dax'it majaty je̱'e̱ tyaatzku̶ñ. 12Jiiby ma je̱'e̱ poob witu̶ñ jiiby najty no'on ju̶yujk ka'anaagnáx mu̶dyiijáty je̱'e̱ kyu̶'u̶ tyeky mu̶daaxku̶ñ, y jiiby najty tza'añdy nandu'un y joon muuxy. 13Y chi je̱'e̱ ayuuk tu'ug mu̶dooy ñu̶ma'ayii: “Pedro, pu̶du̶'u̶g; yaj'o'og yu̶'u̶ no'on ju̶yujk y tzu'udz ju̶kx miich yu̶'u̶.”
14Chi je̱'e̱ Pedro y'adzooy: “Ka'p, Windzú̶n, nimu̶naaxu̶u̶ u̶u̶ch yu̶'u̶ du'umbu̶ no'on ju̶yujk nga'atzu'uchñu̶ je̱'e̱ mu̶dyiibu̶ ju̶bu̶ku̶ñ y mu̶dyiibu̶ ka'p ñigu'udúkyu̶chu̶ñ nu̶kxy je̱'e̱ judío ja'ay tzu'tzku̶xy.” 15Mu̶'it je̱'e̱ ayuuk ja'adu'ook mu̶dooy ñu̶ma'ayii: “Mu̶dyiibu̶ je̱'e̱ Dios tu̶ yajwa'achu̶ñ, ka'p miich je̱'e̱ mu̶baad mdijy ko jyu̶bú̶ku̶ch.”
16Tu̶gu̶u̶g'ook je̱'e̱ du'un tyuunu̶ jyajtu̶, chi je̱'e̱ poob wit tzajpjooty pya'ttu̶gu̶u̶yñu̶. 17Jim je̱'e̱ Pedro najty tyajy myay jyanchwinmay neby je̱'e̱ du'un wyimbu̶dzu̶myu̶ñ je̱'e̱ tu̶u̶bu̶ je̱'e̱ Dios najty yaj'ixyii, ko oy jya'tku̶xy tu̶jk aguuy je̱'e̱ Cornelio kyexyo'oybyu̶du̶jk mu̶dyiibu̶ je̱'e̱ Simón tyu̶jk najty mu̶du̶u̶gu̶xp yajtu̶u̶gu̶xpu̶ñ. 18Ko jya'tku̶xy chi mu̶k kyugapxu̶u̶ygyu̶xy yajtu̶u̶gu̶xy pu̶nu̶ jii je̱'e̱ Simón najty jya'tta'agy mu̶dyiibu̶ nandu'un yajtijpu̶ñ Pedro.
19Y je̱'e̱ Pedro je̱' najty je̱'e̱ wyinmaaybyñu̶ je̱'e̱ tu̶u̶bu̶ je̱'e̱ Dios najty yaj'ixyii, chi je̱'e̱ Espíritu Santo ñu̶maayu̶: “Chi je̱'e̱ ja'ay nidu̶gu̶u̶g xy'u̶xtaaygyu̶xy. 20Pu̶du̶'u̶g, mu̶nak y nu̶kx mu̶u̶d yu̶'u̶ ajku̶xy y ka'p tii mwinmay, je̱' ko u̶u̶ch yu̶'u̶ tu̶ ngue̱jxku̶xy ko xy'u̶xtaaygyu̶xu̶ch.”
21Mu̶'it je̱'e̱ Pedro myu̶najky ma je̱'e̱ Cornelio kyexyo'oybyu̶ ajku̶xyu̶ñ, y nu̶maay ajku̶xy:
—U̶u̶ch je̱' je̱'e̱ mu̶dyiibu̶ miich m'u̶xtaaygyu̶xypyu̶ñ; ¿ti tu̶ mnimiingu̶xy?
22Chi je̱'e̱ y'adzoogu̶xy:
—Je̱'e̱ Cornelio u̶u̶ch tu̶ xykye̱jxku̶xy, je̱'e̱ mu̶dyiibu̶ capitan'ajtpu̶ñ, je̱'e̱ tu'uda'agyjya'ay mu̶dyiibu̶ je̱'e̱ Dios yajmu̶j'ajtpu̶ñ y mu̶dyiibu̶ je̱'e̱ judío ja'ay ku̶xyu̶ chojkku̶xypy y kyu'umaaygyu̶xypyu̶ñ. Je̱'e̱ Windzú̶n Dios y'ángel tu'ug nu̶maayu̶ ko miñ miich myajwóy, y mnú̶kxu̶ch ma je̱' tyu̶jku̶ñ y amdo'ida'añ neby miich myaj'u̶xpú̶kyu̶ñ.
23Mu̶'it je̱'e̱ Pedro je̱'e̱ kexyo'oybyu̶du̶jk yajtu̶jktu̶gu̶u̶ygyu̶xy, y chi jim yajwu̶'u̶mu̶u̶ygyu̶xy. Kujaboomnu̶ je̱'e̱ Pedro ñu̶kxy mu̶u̶d je̱' ajku̶xy, chi je̱'e̱ mu̶bu̶jkpu̶du̶jk nije̱' pyanu̶kxu̶ ajku̶xy mu̶dyiibu̶ najty jim Jope tzu̶naaygyu̶xpu̶ñ.
24Y kujaboom jim Cesarea jya'tku̶xy ma je̱'e̱ Cornelio najty jya'ay'éxyu̶ñ ni'amugu̶'u̶ mu̶u̶d je̱'e̱ y'ajuugy y'amu̶gu'ug y pu̶n mu̶u̶d oy ñaymyu̶gu'ug'adyiiju̶ñ, mu̶dyiijáty najty tu̶ woyu̶ñ. 25Ko je̱'e̱ Pedro jya'ty ma je̱'e̱ tu̶jku̶ñ, chi je̱'e̱ Cornelio tyu̶jkpu̶dzu̶u̶my oy je̱'e̱ Pedro ju̶jpkubadu̶'u̶y, y chi ñayñajtzkojxtu̶na'awu̶u̶yu̶ ma je̱'e̱ wyinduuyu̶ñ, yajmu̶j'ada'añ najty. 26Chi je̱'e̱ Pedro je̱'e̱ Cornelio wijtzu̶'ky, nu̶maay:
—Tu̶naayu̶'u̶g, ka'p u̶u̶ch xyajmu̶j'áty, nan ja'ayu̶ch u̶u̶ch nandu'un du'un neby miichu̶ñ.
27Cham mu̶dkapxy mu̶dmu̶dya'agy y cham tyu̶jktu̶gu̶'u̶y ko je̱'e̱ mayjya'ay paaty ni'amugu̶'u̶ jya'ay'e̱jxu̶gu̶xyu̶. 28Chi je̱'e̱ Pedro ñu̶maayu̶ ajku̶xy:
—Miich ajku̶xy mnejwu̶u̶ygyu̶xypy ko ka'p je̱'e̱ judío ja'ay kyostumbre du'un myiñ, nu̶kxy yo'oymyujk ñajxmujkku̶xy mu̶u̶d je̱'e̱ ka'pu̶ jyudíoja'ayu̶chu̶ñ ajku̶xy, y nan ka'p mu̶baad tyu̶gu̶u̶ygyu̶xy ma je̱'e̱ jyu̶u̶n tyu̶jk ajku̶xyu̶ñ. Peru̶ u̶u̶ch tu̶ u̶u̶ch je̱'e̱ Dios xyajni'ixu̶'u̶y ko u̶u̶ch ka'p mu̶baad ni pu̶n ndijy ju̶bu̶kja'ay o axu̶u̶gja'ay. 29Y ko u̶u̶ch oy tu̶ xyajwoyii, paady u̶u̶ch tu̶ nmiñ, y ka'p u̶u̶ch nej tu̶ nmu̶na'añ. Y jada'achám je̱' u̶u̶ch nja'anejwu̶'u̶we̱e̱mby tii u̶u̶ch ko oy tu̶ xyajwoyii.
30Chi je̱'e̱ Cornelio y'adzooy:
—Cham myu̶mu̶daaxxu̶u̶ju̶'u̶y, du'un neby adachambu̶ hooru̶ju̶ñ, yaa u̶u̶ch najty ayuu n'ity ma u̶u̶ch ada ndu̶jku̶ñ y nDiosmu̶bu̶jktzóyu̶ch ku'udu̶gu̶'u̶xu̶u̶, mu̶naa je̱'e̱ judío ja'ay Dyiosmu̶bu̶jktzoogu̶xyu̶ñ, ko je̱'e̱ ja'ay tu'ug ñayyajni'igu̶xu̶'ku̶ janch adu̶kxp ajajp je̱'e̱ wyit. 31Chi u̶u̶ch xyñu̶maay: ‘Cornelio, tu̶ je̱'e̱ Dios mmu̶bu̶jktzoowu̶ñ xymyu̶doowu̶, y tu̶ du'un ku'umáy neby je̱'e̱ ayoobu̶du̶jk mbubetyu̶ñ. 32Ke̱x je̱'e̱ mduumbu̶ jim Jope wan je̱'e̱ Simón nu̶kxy yajtzooñ mu̶dyiibu̶ nandu'un yajtijpu̶ñ Pedro. Jim je̱'e̱ jya'tta'agy ma je̱'e̱ ja'adu'ukpu̶ Simón tyu̶jku̶ñ, je̱'e̱ po'o'ák oydyuumbu̶ mu̶dyiibu̶ mejypya'a tzu̶naaybyu̶ñ.’#10.32 Nije̱' wiingpu̶ versión myu̶na'añ: y ko naty myiñ, je̱' xymyu̶dmu̶dya'agu̶p. 33Paady mu̶k'eemby nnigue̱xu̶u̶y ko wan nu̶kxy xy'u̶xtaaygyu̶xy, y tu̶ je̱'e̱ may'ajt mduñ ko tu̶ mmiñ. Y jada'achám chaa u̶u̶ch nigu̶xyu̶ ajku̶xy Dios winduuy, y n'amdo'idaangu̶xyu̶ch je̱'e̱ m'ayuuk ku̶xyu̶ mu̶dyiibu̶ je̱'e̱ Windzú̶n Dios tu̶ xyajnu̶ma'ayu̶ñ xy'awaanu̶chu̶ch ajku̶xy.
Pedro je̱'e̱ Dios y'ayuuk tyu̶y'ajt nigapx nimu̶dyaaku̶ ma je̱'e̱ Cornelio tyu̶jku̶ñ
34Mu̶'it je̱'e̱ Pedro kyapxtu̶gu̶u̶y, y myu̶naañ:
—Jada'achám nwinju̶wu̶u̶ybyu̶ch ko je̱'e̱ Dios ka'p je̱'e̱ ja'ay win'ixy tzoky, y'agu̶tzojktaaby je̱'e̱ ku̶xyu̶ wanpú̶nu̶ch, 35kyu'ubu̶jktaaby je̱' wan pu̶nja'ayu̶ch mu̶dyiibu̶ wiing naax wiing kajpt tzu̶naaygyu̶xpu̶ñ, pu̶nu̶ windzu̶gu̶u̶yu̶gu̶xp naty y pu̶nu̶ tyuungu̶xypy je̱'e̱ oybyu̶ naty. 36Dios tu̶ je̱'e̱ tyu̶y'ajt kexy ma je̱'e̱ Israel ja'ay ajku̶xyu̶ñ, yajmu̶dmu̶dyaakku̶xy ko jii je̱'e̱ jootkujk'ajtu̶ñ cham mu̶u̶d je̱'e̱ Jesucristo u̶u̶ch je̱'e̱ nWindzú̶n nigu̶xyu̶ ajtu̶m ajku̶xy. 37Miich mnejwu̶u̶ygyu̶xypy oy yajxón tii tu̶ tyuñ tu̶ jyadyii ma je̱'e̱ judío ja'ay ñaax kyajpt ku̶xyu̶ ajku̶xyu̶ñ, chondaaky jim Galilea, ko najty je̱'e̱ Juan Bautista Dios y'ayuuk tyu̶y'ajt jayu̶jp tu̶ kapxwa'kxu̶ y jya'ayyajnu̶u̶bejty. 38Y mnejwu̶u̶ygyu̶xypy miich ko je̱'e̱ Dios mu̶k'ajtu̶ñ y je̱'e̱ y'Espíritu Santo mooy je̱'e̱ Jesús Nazaretpu̶, y neby je̱'e̱ Jesús wyu̶dijtyu̶ñ tuuñ je̱'e̱ oy'ajtu̶ñ. Du'un neby je̱'e̱ ja'ay ku̶xyu̶ yajtzookyu̶ñ mu̶dyiijáty je̱'e̱ mu̶jku'u najty ane̱'e̱mu̶bu̶ñ ajku̶xy, y du'un tuuñ je̱' ko je̱'e̱ Dios najty mu̶u̶d y'ity. 39U̶u̶ch je̱'e̱ ku̶xyu̶ nnidu̶y'ajt'ajtypy ajku̶xy tijaty je̱'e̱ Jesús tyuunu̶ñ jim Judea naaxjooty y jim Jerusalén. Mu̶'it cruutzkú̶xp yaj'o'kku̶xy. 40Peru̶ kudu̶gu̶u̶g xu̶u̶ je̱'e̱ Dios yajjuugypyu̶jky, y chi yajni'igu̶xu̶'ky ma u̶u̶ch ajku̶xyu̶ñ. 41Ka'p yajni'igu̶xu̶'ky ma je̱'e̱ ja'ay kú̶xyu̶ju̶ñ, je'eyu̶du̶'ajty yajni'igu̶xu̶'ky ma u̶u̶ch ajku̶xyu̶ñ mu̶dyiibu̶ je̱'e̱ Dios jayu̶jp wyin'ijxu̶ñ neby u̶u̶ch mu̶baad nnidu̶y'ajt'átyu̶ñ ajku̶xy. U̶u̶ch kaay uuku̶ch ajku̶xy mu̶u̶d je̱' ko najty tu̶ jyuugypyú̶ky. 42Y je̱' u̶u̶ch tu̶ xykye̱jxku̶xy ayuuk kapxwa'kxpu̶ ma je̱'e̱ ja'ay ajku̶xyu̶ñ, ko je̱'e̱ Dios je̱'e̱ Jesús tu̶ pu̶da'agy mu̶jtu̶ydyuumbu̶ ma je̱'e̱ juugypyu̶jku̶ñ y ma je̱'e̱ o'ogypyu̶ju̶ñ. 43Nigu̶xyu̶ je̱'e̱ Dios y'ayuuknajtzkapxu̶u̶ybyu̶du̶jk je̱'e̱ Jesús najty jékyu̶p tu̶ nimu̶dyaakku̶xy, y du'un najty tu̶ myu̶naangu̶xy ko ku̶xyu̶ pu̶njaty je̱'e̱ Cristo mu̶bu̶jkku̶xpu̶ñ, Dios je̱'e̱ pyoky kyu̶dyeey winmé̱kxu̶xu̶p ajku̶xy.
Je̱'e̱ Espíritu Santo y'adu̶gu̶u̶y jyoottu̶gu̶u̶yu̶gu̶xy je̱'e̱ ka'pu̶ jyudíoja'ayu̶chu̶ñ ajku̶xy
44Cham najty je̱'e̱ Pedro kyapxyñu̶, ko je̱'e̱ Dios y'Espíritu Santo nigu̶xyu̶ y'adu̶gu̶u̶y jyoottu̶gu̶u̶yu̶ ajku̶xy mu̶dyiijáty najty je̱'e̱ ayuuk amdo'ijtku̶xpu̶ñ. 45Y je̱'e̱ judío mu̶bu̶jkpu̶du̶jk ajku̶xy je̱'e̱ tu̶u̶bu̶ najty kipxy myiingu̶xy mu̶u̶d je̱'e̱ Pedro, mu̶k je̱'e̱ tyajy myaay y yajnú̶kx yajju̶wu̶u̶ygyu̶xy ko je̱'e̱ Espíritu Santo nandu'un kejxy ma je̱'e̱ ka'pu̶ jyudíoja'ayu̶chu̶ñ ajku̶xy, 46ko mu̶doogu̶xy ko je̱'e̱ wiingpu̶ ayuuk kápxku̶xy y ku'umaaygyu̶xy ja'aymye̱jtzku̶xy je̱'e̱ Dios. 47Mu̶'it je̱'e̱ Pedro myu̶naañ:
—¿Nej mu̶baad da'a yaj'agapxtúky nu̶kxy adayaaba ja'ay kya'anu̶u̶be̱jtku̶xy mu̶dyiibu̶ je̱'e̱ Dios tu̶ myooyu̶gu̶xy je̱'e̱ y'Espíritu Santo du'un neby u̶u̶ch ajtu̶m ajku̶xyu̶ñ?
48Chi je̱'e̱ Pedro ñu̶maayu̶gu̶xy ko wan nu̶u̶be̱jtku̶xy ma je̱'e̱ Windzú̶n Jesucristo xyu̶u̶ju̶ñ. Mu̶'it je̱'e̱ Pedro mu̶waandaaky mu̶nukxtaaky ajku̶xy ko wan tu'kxu̶u̶ me̱jtzxu̶u̶ jakwu̶'u̶mu̶'u̶y mu̶u̶d je̱' ajku̶xy.
Currently Selected:
Hechos 10: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Hechos 10
10
Pedro mu̶u̶d je̱'e̱ Cornelio
1Jim Cesarea kajpt najty ja'ay tu'ug tuungmu̶u̶dpu̶ mu̶dyiibu̶ xu̶u̶'ajtpu̶ñ Cornelio, capitan'ajtp najty je̱' ma je̱'e̱ tziptuumbu̶ batallón mu̶dyiibu̶ xu̶u̶'ajtpu̶ñ el Italiano. 2Je̱'e̱ Cornelio tu'uda'agyjya'ay je̱'e̱ najty, y je̱' mu̶u̶d je̱'e̱ y'ung tyo'oxyu̶jk ku̶xyu̶ yajmu̶j'ajtku̶xypy je̱'e̱ Dios najty. Nan pyubejtypy najty je̱'e̱ judío ayoobu̶du̶jk ajku̶xy meeñ'aam, y nan Dios o'owu̶dajtu̶u̶b najty jaboom jaboom. 3Chi tu'ook, jii da'a kudu̶gu̶'u̶xu̶u̶ ko je̱'e̱ Cornelio Dios yaj'ijxu̶:
Ijxy janch'oy janchwa'adz tu'ug je̱'e̱ Dios y'ángel ñidu̶gu̶'u̶yii ma je̱' najtyu̶ñ y ñu̶ma'ayii: “¡Cornelio!” 4Chi je̱'e̱ Cornelio je̱'e̱ ángel windu̶kxpejty y janch tzu̶gu̶u̶by najty mu̶k, chi yajtu̶u̶y: “¿Ti mdzojkypy Windzú̶n?” Chi je̱'e̱ ángel ñu̶maayu̶: “Du'un neby mDios'o'owu̶dátyu̶ñ y du'un neby je̱'e̱ ayoobu̶du̶jk mbubetyu̶ñ, tu̶ je̱'e̱ Dios du'un ku'umáy. 5Ke̱x je̱'e̱ mja'ay nije̱' jim ma je̱'e̱ Jope kajptu̶ñ, wan je̱'e̱ Simón nu̶kxy yajtzóngu̶xy mu̶dyiibu̶ nandu'un yajtijpu̶ñ Pedro. 6Jim jya'ttaakt je̱'e̱ mu̶u̶du̶ch ma je̱'e̱ ja'adu'ukpu̶ Simongu̶ñ, je̱'e̱ po'o'ák oydyuumbu̶ mu̶dyiibu̶ tyu̶jk mejypya'aju̶ñ.”#10.6 Nije̱' wiingpu̶ versión myu̶na'añ: je̱' xyñu̶ma'awu̶p tii mdúnu̶byu̶ñ.
7Ko je̱'e̱ ángel ñu̶kxnu̶ mu̶dyiibu̶ najty tu̶ myu̶gapxyii, chi je̱'e̱ Cornelio tyuumbu̶ me̱tzk mu̶j'yaaxy y tu'ug tziptuumbu̶ mu̶dyiibu̶ je̱'e̱ Dios oy kapxymyu̶doobu̶ñ y mu̶dyiibu̶ oy mu̶duunu̶bu̶ñ, 8y ko ku̶xyu̶ yajmu̶dmu̶dyaaktaay ajku̶xy neby je̱'e̱ ángel ñu̶maayu̶ju̶ñ, chi jim Jope ke̱jxku̶xy.
9Y kujaboom jii najty da'a kujkyxu̶u̶da, jim najty je̱'e̱ kexyo'oybyu̶ jya'adaangu̶xnu̶ mu̶wingón je̱'e̱ Jope kajpt, chi je̱'e̱ Pedro pyejty tu̶jkku'uduuy Dios o'owu̶dajtpu̶. 10Mu̶k najty yu'o'ogyii y ja'akayaamb najty, peru̶ jimnu̶ je̱'e̱ jyu̶kxy pyu̶ky najty y'oyu̶'u̶y, chi je̱'e̱ Dios yaj'ijxu̶: 11ijxy ko je̱'e̱ tzajp y'awa'ach y ko kyu̶da'agy naaxkú̶xy du'un neby je̱'e̱ poob wit mu̶jpu̶ju̶ñ, xyóchu̶ch mu̶dax'it majaty je̱'e̱ tyaatzku̶ñ. 12Jiiby ma je̱'e̱ poob witu̶ñ jiiby najty no'on ju̶yujk ka'anaagnáx mu̶dyiijáty je̱'e̱ kyu̶'u̶ tyeky mu̶daaxku̶ñ, y jiiby najty tza'añdy nandu'un y joon muuxy. 13Y chi je̱'e̱ ayuuk tu'ug mu̶dooy ñu̶ma'ayii: “Pedro, pu̶du̶'u̶g; yaj'o'og yu̶'u̶ no'on ju̶yujk y tzu'udz ju̶kx miich yu̶'u̶.”
14Chi je̱'e̱ Pedro y'adzooy: “Ka'p, Windzú̶n, nimu̶naaxu̶u̶ u̶u̶ch yu̶'u̶ du'umbu̶ no'on ju̶yujk nga'atzu'uchñu̶ je̱'e̱ mu̶dyiibu̶ ju̶bu̶ku̶ñ y mu̶dyiibu̶ ka'p ñigu'udúkyu̶chu̶ñ nu̶kxy je̱'e̱ judío ja'ay tzu'tzku̶xy.” 15Mu̶'it je̱'e̱ ayuuk ja'adu'ook mu̶dooy ñu̶ma'ayii: “Mu̶dyiibu̶ je̱'e̱ Dios tu̶ yajwa'achu̶ñ, ka'p miich je̱'e̱ mu̶baad mdijy ko jyu̶bú̶ku̶ch.”
16Tu̶gu̶u̶g'ook je̱'e̱ du'un tyuunu̶ jyajtu̶, chi je̱'e̱ poob wit tzajpjooty pya'ttu̶gu̶u̶yñu̶. 17Jim je̱'e̱ Pedro najty tyajy myay jyanchwinmay neby je̱'e̱ du'un wyimbu̶dzu̶myu̶ñ je̱'e̱ tu̶u̶bu̶ je̱'e̱ Dios najty yaj'ixyii, ko oy jya'tku̶xy tu̶jk aguuy je̱'e̱ Cornelio kyexyo'oybyu̶du̶jk mu̶dyiibu̶ je̱'e̱ Simón tyu̶jk najty mu̶du̶u̶gu̶xp yajtu̶u̶gu̶xpu̶ñ. 18Ko jya'tku̶xy chi mu̶k kyugapxu̶u̶ygyu̶xy yajtu̶u̶gu̶xy pu̶nu̶ jii je̱'e̱ Simón najty jya'tta'agy mu̶dyiibu̶ nandu'un yajtijpu̶ñ Pedro.
19Y je̱'e̱ Pedro je̱' najty je̱'e̱ wyinmaaybyñu̶ je̱'e̱ tu̶u̶bu̶ je̱'e̱ Dios najty yaj'ixyii, chi je̱'e̱ Espíritu Santo ñu̶maayu̶: “Chi je̱'e̱ ja'ay nidu̶gu̶u̶g xy'u̶xtaaygyu̶xy. 20Pu̶du̶'u̶g, mu̶nak y nu̶kx mu̶u̶d yu̶'u̶ ajku̶xy y ka'p tii mwinmay, je̱' ko u̶u̶ch yu̶'u̶ tu̶ ngue̱jxku̶xy ko xy'u̶xtaaygyu̶xu̶ch.”
21Mu̶'it je̱'e̱ Pedro myu̶najky ma je̱'e̱ Cornelio kyexyo'oybyu̶ ajku̶xyu̶ñ, y nu̶maay ajku̶xy:
—U̶u̶ch je̱' je̱'e̱ mu̶dyiibu̶ miich m'u̶xtaaygyu̶xypyu̶ñ; ¿ti tu̶ mnimiingu̶xy?
22Chi je̱'e̱ y'adzoogu̶xy:
—Je̱'e̱ Cornelio u̶u̶ch tu̶ xykye̱jxku̶xy, je̱'e̱ mu̶dyiibu̶ capitan'ajtpu̶ñ, je̱'e̱ tu'uda'agyjya'ay mu̶dyiibu̶ je̱'e̱ Dios yajmu̶j'ajtpu̶ñ y mu̶dyiibu̶ je̱'e̱ judío ja'ay ku̶xyu̶ chojkku̶xypy y kyu'umaaygyu̶xypyu̶ñ. Je̱'e̱ Windzú̶n Dios y'ángel tu'ug nu̶maayu̶ ko miñ miich myajwóy, y mnú̶kxu̶ch ma je̱' tyu̶jku̶ñ y amdo'ida'añ neby miich myaj'u̶xpú̶kyu̶ñ.
23Mu̶'it je̱'e̱ Pedro je̱'e̱ kexyo'oybyu̶du̶jk yajtu̶jktu̶gu̶u̶ygyu̶xy, y chi jim yajwu̶'u̶mu̶u̶ygyu̶xy. Kujaboomnu̶ je̱'e̱ Pedro ñu̶kxy mu̶u̶d je̱' ajku̶xy, chi je̱'e̱ mu̶bu̶jkpu̶du̶jk nije̱' pyanu̶kxu̶ ajku̶xy mu̶dyiibu̶ najty jim Jope tzu̶naaygyu̶xpu̶ñ.
24Y kujaboom jim Cesarea jya'tku̶xy ma je̱'e̱ Cornelio najty jya'ay'éxyu̶ñ ni'amugu̶'u̶ mu̶u̶d je̱'e̱ y'ajuugy y'amu̶gu'ug y pu̶n mu̶u̶d oy ñaymyu̶gu'ug'adyiiju̶ñ, mu̶dyiijáty najty tu̶ woyu̶ñ. 25Ko je̱'e̱ Pedro jya'ty ma je̱'e̱ tu̶jku̶ñ, chi je̱'e̱ Cornelio tyu̶jkpu̶dzu̶u̶my oy je̱'e̱ Pedro ju̶jpkubadu̶'u̶y, y chi ñayñajtzkojxtu̶na'awu̶u̶yu̶ ma je̱'e̱ wyinduuyu̶ñ, yajmu̶j'ada'añ najty. 26Chi je̱'e̱ Pedro je̱'e̱ Cornelio wijtzu̶'ky, nu̶maay:
—Tu̶naayu̶'u̶g, ka'p u̶u̶ch xyajmu̶j'áty, nan ja'ayu̶ch u̶u̶ch nandu'un du'un neby miichu̶ñ.
27Cham mu̶dkapxy mu̶dmu̶dya'agy y cham tyu̶jktu̶gu̶'u̶y ko je̱'e̱ mayjya'ay paaty ni'amugu̶'u̶ jya'ay'e̱jxu̶gu̶xyu̶. 28Chi je̱'e̱ Pedro ñu̶maayu̶ ajku̶xy:
—Miich ajku̶xy mnejwu̶u̶ygyu̶xypy ko ka'p je̱'e̱ judío ja'ay kyostumbre du'un myiñ, nu̶kxy yo'oymyujk ñajxmujkku̶xy mu̶u̶d je̱'e̱ ka'pu̶ jyudíoja'ayu̶chu̶ñ ajku̶xy, y nan ka'p mu̶baad tyu̶gu̶u̶ygyu̶xy ma je̱'e̱ jyu̶u̶n tyu̶jk ajku̶xyu̶ñ. Peru̶ u̶u̶ch tu̶ u̶u̶ch je̱'e̱ Dios xyajni'ixu̶'u̶y ko u̶u̶ch ka'p mu̶baad ni pu̶n ndijy ju̶bu̶kja'ay o axu̶u̶gja'ay. 29Y ko u̶u̶ch oy tu̶ xyajwoyii, paady u̶u̶ch tu̶ nmiñ, y ka'p u̶u̶ch nej tu̶ nmu̶na'añ. Y jada'achám je̱' u̶u̶ch nja'anejwu̶'u̶we̱e̱mby tii u̶u̶ch ko oy tu̶ xyajwoyii.
30Chi je̱'e̱ Cornelio y'adzooy:
—Cham myu̶mu̶daaxxu̶u̶ju̶'u̶y, du'un neby adachambu̶ hooru̶ju̶ñ, yaa u̶u̶ch najty ayuu n'ity ma u̶u̶ch ada ndu̶jku̶ñ y nDiosmu̶bu̶jktzóyu̶ch ku'udu̶gu̶'u̶xu̶u̶, mu̶naa je̱'e̱ judío ja'ay Dyiosmu̶bu̶jktzoogu̶xyu̶ñ, ko je̱'e̱ ja'ay tu'ug ñayyajni'igu̶xu̶'ku̶ janch adu̶kxp ajajp je̱'e̱ wyit. 31Chi u̶u̶ch xyñu̶maay: ‘Cornelio, tu̶ je̱'e̱ Dios mmu̶bu̶jktzoowu̶ñ xymyu̶doowu̶, y tu̶ du'un ku'umáy neby je̱'e̱ ayoobu̶du̶jk mbubetyu̶ñ. 32Ke̱x je̱'e̱ mduumbu̶ jim Jope wan je̱'e̱ Simón nu̶kxy yajtzooñ mu̶dyiibu̶ nandu'un yajtijpu̶ñ Pedro. Jim je̱'e̱ jya'tta'agy ma je̱'e̱ ja'adu'ukpu̶ Simón tyu̶jku̶ñ, je̱'e̱ po'o'ák oydyuumbu̶ mu̶dyiibu̶ mejypya'a tzu̶naaybyu̶ñ.’#10.32 Nije̱' wiingpu̶ versión myu̶na'añ: y ko naty myiñ, je̱' xymyu̶dmu̶dya'agu̶p. 33Paady mu̶k'eemby nnigue̱xu̶u̶y ko wan nu̶kxy xy'u̶xtaaygyu̶xy, y tu̶ je̱'e̱ may'ajt mduñ ko tu̶ mmiñ. Y jada'achám chaa u̶u̶ch nigu̶xyu̶ ajku̶xy Dios winduuy, y n'amdo'idaangu̶xyu̶ch je̱'e̱ m'ayuuk ku̶xyu̶ mu̶dyiibu̶ je̱'e̱ Windzú̶n Dios tu̶ xyajnu̶ma'ayu̶ñ xy'awaanu̶chu̶ch ajku̶xy.
Pedro je̱'e̱ Dios y'ayuuk tyu̶y'ajt nigapx nimu̶dyaaku̶ ma je̱'e̱ Cornelio tyu̶jku̶ñ
34Mu̶'it je̱'e̱ Pedro kyapxtu̶gu̶u̶y, y myu̶naañ:
—Jada'achám nwinju̶wu̶u̶ybyu̶ch ko je̱'e̱ Dios ka'p je̱'e̱ ja'ay win'ixy tzoky, y'agu̶tzojktaaby je̱'e̱ ku̶xyu̶ wanpú̶nu̶ch, 35kyu'ubu̶jktaaby je̱' wan pu̶nja'ayu̶ch mu̶dyiibu̶ wiing naax wiing kajpt tzu̶naaygyu̶xpu̶ñ, pu̶nu̶ windzu̶gu̶u̶yu̶gu̶xp naty y pu̶nu̶ tyuungu̶xypy je̱'e̱ oybyu̶ naty. 36Dios tu̶ je̱'e̱ tyu̶y'ajt kexy ma je̱'e̱ Israel ja'ay ajku̶xyu̶ñ, yajmu̶dmu̶dyaakku̶xy ko jii je̱'e̱ jootkujk'ajtu̶ñ cham mu̶u̶d je̱'e̱ Jesucristo u̶u̶ch je̱'e̱ nWindzú̶n nigu̶xyu̶ ajtu̶m ajku̶xy. 37Miich mnejwu̶u̶ygyu̶xypy oy yajxón tii tu̶ tyuñ tu̶ jyadyii ma je̱'e̱ judío ja'ay ñaax kyajpt ku̶xyu̶ ajku̶xyu̶ñ, chondaaky jim Galilea, ko najty je̱'e̱ Juan Bautista Dios y'ayuuk tyu̶y'ajt jayu̶jp tu̶ kapxwa'kxu̶ y jya'ayyajnu̶u̶bejty. 38Y mnejwu̶u̶ygyu̶xypy miich ko je̱'e̱ Dios mu̶k'ajtu̶ñ y je̱'e̱ y'Espíritu Santo mooy je̱'e̱ Jesús Nazaretpu̶, y neby je̱'e̱ Jesús wyu̶dijtyu̶ñ tuuñ je̱'e̱ oy'ajtu̶ñ. Du'un neby je̱'e̱ ja'ay ku̶xyu̶ yajtzookyu̶ñ mu̶dyiijáty je̱'e̱ mu̶jku'u najty ane̱'e̱mu̶bu̶ñ ajku̶xy, y du'un tuuñ je̱' ko je̱'e̱ Dios najty mu̶u̶d y'ity. 39U̶u̶ch je̱'e̱ ku̶xyu̶ nnidu̶y'ajt'ajtypy ajku̶xy tijaty je̱'e̱ Jesús tyuunu̶ñ jim Judea naaxjooty y jim Jerusalén. Mu̶'it cruutzkú̶xp yaj'o'kku̶xy. 40Peru̶ kudu̶gu̶u̶g xu̶u̶ je̱'e̱ Dios yajjuugypyu̶jky, y chi yajni'igu̶xu̶'ky ma u̶u̶ch ajku̶xyu̶ñ. 41Ka'p yajni'igu̶xu̶'ky ma je̱'e̱ ja'ay kú̶xyu̶ju̶ñ, je'eyu̶du̶'ajty yajni'igu̶xu̶'ky ma u̶u̶ch ajku̶xyu̶ñ mu̶dyiibu̶ je̱'e̱ Dios jayu̶jp wyin'ijxu̶ñ neby u̶u̶ch mu̶baad nnidu̶y'ajt'átyu̶ñ ajku̶xy. U̶u̶ch kaay uuku̶ch ajku̶xy mu̶u̶d je̱' ko najty tu̶ jyuugypyú̶ky. 42Y je̱' u̶u̶ch tu̶ xykye̱jxku̶xy ayuuk kapxwa'kxpu̶ ma je̱'e̱ ja'ay ajku̶xyu̶ñ, ko je̱'e̱ Dios je̱'e̱ Jesús tu̶ pu̶da'agy mu̶jtu̶ydyuumbu̶ ma je̱'e̱ juugypyu̶jku̶ñ y ma je̱'e̱ o'ogypyu̶ju̶ñ. 43Nigu̶xyu̶ je̱'e̱ Dios y'ayuuknajtzkapxu̶u̶ybyu̶du̶jk je̱'e̱ Jesús najty jékyu̶p tu̶ nimu̶dyaakku̶xy, y du'un najty tu̶ myu̶naangu̶xy ko ku̶xyu̶ pu̶njaty je̱'e̱ Cristo mu̶bu̶jkku̶xpu̶ñ, Dios je̱'e̱ pyoky kyu̶dyeey winmé̱kxu̶xu̶p ajku̶xy.
Je̱'e̱ Espíritu Santo y'adu̶gu̶u̶y jyoottu̶gu̶u̶yu̶gu̶xy je̱'e̱ ka'pu̶ jyudíoja'ayu̶chu̶ñ ajku̶xy
44Cham najty je̱'e̱ Pedro kyapxyñu̶, ko je̱'e̱ Dios y'Espíritu Santo nigu̶xyu̶ y'adu̶gu̶u̶y jyoottu̶gu̶u̶yu̶ ajku̶xy mu̶dyiijáty najty je̱'e̱ ayuuk amdo'ijtku̶xpu̶ñ. 45Y je̱'e̱ judío mu̶bu̶jkpu̶du̶jk ajku̶xy je̱'e̱ tu̶u̶bu̶ najty kipxy myiingu̶xy mu̶u̶d je̱'e̱ Pedro, mu̶k je̱'e̱ tyajy myaay y yajnú̶kx yajju̶wu̶u̶ygyu̶xy ko je̱'e̱ Espíritu Santo nandu'un kejxy ma je̱'e̱ ka'pu̶ jyudíoja'ayu̶chu̶ñ ajku̶xy, 46ko mu̶doogu̶xy ko je̱'e̱ wiingpu̶ ayuuk kápxku̶xy y ku'umaaygyu̶xy ja'aymye̱jtzku̶xy je̱'e̱ Dios. 47Mu̶'it je̱'e̱ Pedro myu̶naañ:
—¿Nej mu̶baad da'a yaj'agapxtúky nu̶kxy adayaaba ja'ay kya'anu̶u̶be̱jtku̶xy mu̶dyiibu̶ je̱'e̱ Dios tu̶ myooyu̶gu̶xy je̱'e̱ y'Espíritu Santo du'un neby u̶u̶ch ajtu̶m ajku̶xyu̶ñ?
48Chi je̱'e̱ Pedro ñu̶maayu̶gu̶xy ko wan nu̶u̶be̱jtku̶xy ma je̱'e̱ Windzú̶n Jesucristo xyu̶u̶ju̶ñ. Mu̶'it je̱'e̱ Pedro mu̶waandaaky mu̶nukxtaaky ajku̶xy ko wan tu'kxu̶u̶ me̱jtzxu̶u̶ jakwu̶'u̶mu̶'u̶y mu̶u̶d je̱' ajku̶xy.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005