YOBA 34
34
1-2Naonhaung" wa gyai pha,jhi" bo: ako"- gyai qag: ako".
Ana" ngo pe" ta" na: rure tae" gyo: ge,.
3Zo: shaug' gai wa zo" qu" re myho' mamyho' ba: gyo: ngadqere:-
pha,jhi" dao: re the' gyo" re airu: mangad:-
4Boe" ra" khyo re myid: phyid' ru wa ngonhaung" nho: mau" ngad: ra".
5Yoba wa yao: qobo maqo"- ga: ta" ra".
Mao"So: yang yao: re tarha" din: nyang: khyo" makad' byid:- ga: ta" ra".
6Yao: wa- ngo wa mhug' yang: ngo shad' va" ein: khoru: ba: qo" ta" nae" i?
Ngo wa shid dae de; ngadqere: ngo mae qobo maqo" ga: ta" na: ra".
7Ce: Yoba ru" ra" byu dayaug re naonhaung" lhaung" myao: qu" ko" i?
Yao: wa Mao"So re gyaug phug' ra" khyo khonhae" re: maqhu" byid: ngad: ra".
8Yao: wa makhyang: mashab mo, we' zam" khug nug mung:
qobo jab qe we' su" du" qin" ra".
9Yao: wa Mao"So o ngaui: ra" khyo" cao" yang:
khonhae" pe" akyu" mabo- ga: ta" ra".
10Ba: gyo: mo, naonhaung" ngore tae" gyo" qu" shige,-
Qam: so' bo: thao" ra" Mao"So wa shad' rure kad' li" nae" i?
11Yao: wa- byu qere yao: bam kad' ru qhid' mae" aphug' jhaung qhu" byid' ra".
Aimung: yao: bam kham zo: nae" man: qi" ra" khyo" kad' byid' ra".
12Qam: so' bo: thao" ra" Mao"So wa makhyang: mashab: ru makad'-
yao: wa khag' rere: tarha" madin: nyang: khyo" khonhae" re: makad'-
13Mao"So wa yao" kheim: so' re gaje dayaug yaug mae" qo" yu: ra" i?
Dayaug yaug: yang yao: re ai: mug:myid re qu" gun nhao: to" ra" i?
14Mao"So: yang kao so' re dam: yu: pye' byid' re-
15Kaoso' daui: na: ra" yaug khao: ngo" shid: lo" byaug mung:
phalhug khyo dam: tug' lo" li" genae".
16Nao pha,jhi" bo: ngad: re ana" ngore tae" gyo: wa,-
17Nao wa din:man" ra" Mao"So re qobo vhin dao: phyid' na: i?
Yao: wa tarha" din: nyang: rure nghang" ra" ein: nao myid: jho: i?
18Kho:kham qe we' mung" eib zug: qe byugao: boe" mung:
makhyang: mashab gelao" Mao"So wa yao: bam re qobo vhin dao: kho' ra".
19Yao: wa mung" eib zug: qe: bo: made, myaung mo, re to: mung:
qo" mo, shad' myo,nho byid' ru makad'- pe"mung:ga"re-
yao: wa yaug khao: ngo" re phan" phaug' to" ra".
20Byu dayaug wa- myi" mae nyag din taung" shid: lo" ba: ra"
Mao"So: yang byu qe jham re be; lhang" ke' lao"- yao: bam shid: lo" ako".
Yao: wa qam: qi: mo, re pe" qam: dajhid' re: make' lo: se' pye' ra".
21Yao: wa byu qenho: khyid bye khao: ngo" re lhaug' qu" na: ra".
22Qobo byu dayaug re Mao"So: qhid' kheim: mae" qo" nghoe' naeqhi"
no, sang: kyid no; ra" mug: cad' majo, ngad: ra".
23Mao"So wa xao su byu qe yao: jhao" ye: mung:
dao: kho' ru khae: yu nae" qhid' mae" yo, khyin: mhai" to: maca"-
24Yao: wa- au: jhaung qere yu: pye' mung:
gayaug re tha" ke' nae" qhid' mae" myid' ca: qu" ru makad' ca".
25Yao: bam pe" kad' rure yao: ba: ra" mathao mae yao: wa-
yao: bam re tau: khyo" pye' mung: myi" ayo, mae yao: bam re khyoe' pye' ra".
26Yao: wa qobo jab qere alhab' mo; yang the' myao nae" jo, qo mae qobo dae byid' ra".
27Pe"mung:ga"re yao: bam wa yao" thao cao" ru thang: pye' geyang:
yao" amyin" alhab' re pe" xan: masun: lo: qu" lhaui" pye' yang: ngad: ako".
28Yao: bam wa myaung mo, re Mao"So jhao" hug' yao genae" qhid' mae" maqad maqui" jhan" ako".
Aimung: yao: wa yao: bam hug' yao: rure gyo: byid' ra".
29Mao"So qe- pe" yao: makad' nae" myid: phyid' ngad: re- yao: re khag' yang pe" qobo maqo" zaug' genae".
Yao" nho: myo,khung: re nyham" pye' ngad: re-
byu qe wa pe" khoru: maqo" kad' masho: majhin ngad genae".
30Byumyu" mung"dan: jham wa Mao"So maba: ra" zag zo: mo; yang yao: bam re eib zo" rure tam" pye' nae" qhid' mae" pe" maqo" kad' ngad: ako".
31Yoba we"- nao wa ni" nho: qobo jham re-
Mao"So jhao" lhang: yu mung: qobo madam: shad' lo nae" ein: dao:so: byid: va" i?
32Nao wa ni" nho: shad' ra" qobo jham re qhu" byid: nae" qhid' mae" Mao"So re mho' va" i?
Amung: makhyang: mashab: rure kad' na: rumae" thang: pye' nae" myid vang" va" i?
33Mao"So kad' rure ana" joe" sho' nao ngag: thaug' ra" mathao mae-
nao o: ru yao: qo" kad' byid: nae" ein: nao qo" myid: lao" nae" i?
Myid: phyid' nae" wa ni" mau" ngad: ra"-
nga" mau" mangad: nao pe" ru: myid: ru ana" ngonhaung" re ta" kyo: la,-
34Ba: myid: qu" ra" byu khag' ngadqere:- dang dang myid vang" li" genae".
ngo ta" ru the' gyo" ra" pha,jhi" bo yaug wa,-
35Yoba wa yao: pe" maba mung: ta" ra" amung:
yao: ta" ru pe" re: lajheim: mabo ga: ta" li" nae".
36Yoba ta" ru ja: khao: ngo" re myid: qu" ge,-
yao: wa makhyang: yaug we' dakhyo: jhau: na: rure nao myao: li" nae".
37Yao: wa yao: yao" qobo dao mae tau: lhan" ru dam: laung" ke' ra".
Yao: wa ngonhaung" alhab' mo; qhid' kheim: mae Mao"So re maphug' makhyad' jung" ra" ga:- ta" li" genae".
Currently Selected:
YOBA 34: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
YOBA 34
34
1-2Naonhaung" wa gyai pha,jhi" bo: ako"- gyai qag: ako".
Ana" ngo pe" ta" na: rure tae" gyo: ge,.
3Zo: shaug' gai wa zo" qu" re myho' mamyho' ba: gyo: ngadqere:-
pha,jhi" dao: re the' gyo" re airu: mangad:-
4Boe" ra" khyo re myid: phyid' ru wa ngonhaung" nho: mau" ngad: ra".
5Yoba wa yao: qobo maqo"- ga: ta" ra".
Mao"So: yang yao: re tarha" din: nyang: khyo" makad' byid:- ga: ta" ra".
6Yao: wa- ngo wa mhug' yang: ngo shad' va" ein: khoru: ba: qo" ta" nae" i?
Ngo wa shid dae de; ngadqere: ngo mae qobo maqo" ga: ta" na: ra".
7Ce: Yoba ru" ra" byu dayaug re naonhaung" lhaung" myao: qu" ko" i?
Yao: wa Mao"So re gyaug phug' ra" khyo khonhae" re: maqhu" byid: ngad: ra".
8Yao: wa makhyang: mashab mo, we' zam" khug nug mung:
qobo jab qe we' su" du" qin" ra".
9Yao: wa Mao"So o ngaui: ra" khyo" cao" yang:
khonhae" pe" akyu" mabo- ga: ta" ra".
10Ba: gyo: mo, naonhaung" ngore tae" gyo" qu" shige,-
Qam: so' bo: thao" ra" Mao"So wa shad' rure kad' li" nae" i?
11Yao: wa- byu qere yao: bam kad' ru qhid' mae" aphug' jhaung qhu" byid' ra".
Aimung: yao: bam kham zo: nae" man: qi" ra" khyo" kad' byid' ra".
12Qam: so' bo: thao" ra" Mao"So wa makhyang: mashab: ru makad'-
yao: wa khag' rere: tarha" madin: nyang: khyo" khonhae" re: makad'-
13Mao"So wa yao" kheim: so' re gaje dayaug yaug mae" qo" yu: ra" i?
Dayaug yaug: yang yao: re ai: mug:myid re qu" gun nhao: to" ra" i?
14Mao"So: yang kao so' re dam: yu: pye' byid' re-
15Kaoso' daui: na: ra" yaug khao: ngo" shid: lo" byaug mung:
phalhug khyo dam: tug' lo" li" genae".
16Nao pha,jhi" bo: ngad: re ana" ngore tae" gyo: wa,-
17Nao wa din:man" ra" Mao"So re qobo vhin dao: phyid' na: i?
Yao: wa tarha" din: nyang: rure nghang" ra" ein: nao myid: jho: i?
18Kho:kham qe we' mung" eib zug: qe byugao: boe" mung:
makhyang: mashab gelao" Mao"So wa yao: bam re qobo vhin dao: kho' ra".
19Yao: wa mung" eib zug: qe: bo: made, myaung mo, re to: mung:
qo" mo, shad' myo,nho byid' ru makad'- pe"mung:ga"re-
yao: wa yaug khao: ngo" re phan" phaug' to" ra".
20Byu dayaug wa- myi" mae nyag din taung" shid: lo" ba: ra"
Mao"So: yang byu qe jham re be; lhang" ke' lao"- yao: bam shid: lo" ako".
Yao: wa qam: qi: mo, re pe" qam: dajhid' re: make' lo: se' pye' ra".
21Yao: wa byu qenho: khyid bye khao: ngo" re lhaug' qu" na: ra".
22Qobo byu dayaug re Mao"So: qhid' kheim: mae" qo" nghoe' naeqhi"
no, sang: kyid no; ra" mug: cad' majo, ngad: ra".
23Mao"So wa xao su byu qe yao: jhao" ye: mung:
dao: kho' ru khae: yu nae" qhid' mae" yo, khyin: mhai" to: maca"-
24Yao: wa- au: jhaung qere yu: pye' mung:
gayaug re tha" ke' nae" qhid' mae" myid' ca: qu" ru makad' ca".
25Yao: bam pe" kad' rure yao: ba: ra" mathao mae yao: wa-
yao: bam re tau: khyo" pye' mung: myi" ayo, mae yao: bam re khyoe' pye' ra".
26Yao: wa qobo jab qere alhab' mo; yang the' myao nae" jo, qo mae qobo dae byid' ra".
27Pe"mung:ga"re yao: bam wa yao" thao cao" ru thang: pye' geyang:
yao" amyin" alhab' re pe" xan: masun: lo: qu" lhaui" pye' yang: ngad: ako".
28Yao: bam wa myaung mo, re Mao"So jhao" hug' yao genae" qhid' mae" maqad maqui" jhan" ako".
Aimung: yao: wa yao: bam hug' yao: rure gyo: byid' ra".
29Mao"So qe- pe" yao: makad' nae" myid: phyid' ngad: re- yao: re khag' yang pe" qobo maqo" zaug' genae".
Yao" nho: myo,khung: re nyham" pye' ngad: re-
byu qe wa pe" khoru: maqo" kad' masho: majhin ngad genae".
30Byumyu" mung"dan: jham wa Mao"So maba: ra" zag zo: mo; yang yao: bam re eib zo" rure tam" pye' nae" qhid' mae" pe" maqo" kad' ngad: ako".
31Yoba we"- nao wa ni" nho: qobo jham re-
Mao"So jhao" lhang: yu mung: qobo madam: shad' lo nae" ein: dao:so: byid: va" i?
32Nao wa ni" nho: shad' ra" qobo jham re qhu" byid: nae" qhid' mae" Mao"So re mho' va" i?
Amung: makhyang: mashab: rure kad' na: rumae" thang: pye' nae" myid vang" va" i?
33Mao"So kad' rure ana" joe" sho' nao ngag: thaug' ra" mathao mae-
nao o: ru yao: qo" kad' byid: nae" ein: nao qo" myid: lao" nae" i?
Myid: phyid' nae" wa ni" mau" ngad: ra"-
nga" mau" mangad: nao pe" ru: myid: ru ana" ngonhaung" re ta" kyo: la,-
34Ba: myid: qu" ra" byu khag' ngadqere:- dang dang myid vang" li" genae".
ngo ta" ru the' gyo" ra" pha,jhi" bo yaug wa,-
35Yoba wa yao: pe" maba mung: ta" ra" amung:
yao: ta" ru pe" re: lajheim: mabo ga: ta" li" nae".
36Yoba ta" ru ja: khao: ngo" re myid: qu" ge,-
yao: wa makhyang: yaug we' dakhyo: jhau: na: rure nao myao: li" nae".
37Yao: wa yao: yao" qobo dao mae tau: lhan" ru dam: laung" ke' ra".
Yao: wa ngonhaung" alhab' mo; qhid' kheim: mae Mao"So re maphug' makhyad' jung" ra" ga:- ta" li" genae".
© Bible Society of Myanmar 2009