YOBA 30
30
1Ngadqere: ana" kam" wa ngo tho' je: ngai: ra" yauggai qeyang ngore qinug cetu" ako".
Yao: bam: yao: pho" qe wa pe" akyu" mabo aphug' yao: made, mung:
nga" yao zaung" lakha: jham re bao" nae" qhid' mae" lhao" re: yao: bam re malhaung" nhao: ru ngad:-
2Yao: bam wa qam: gan: byaug va" yauggai daphung: ngad mung:
nga" qhid' mae" pe" mau" re: maqo" zaui: byid: lo:ngad: ako".
3Yao: bam wa saung" myaung mung: vae: saung" moe' ruyang
myi" ayo, mae seyo sag' gae khaung:
sag' gyi: kyaug' jham bin" phai" zo" lo: ako".
4Yao: bam wa din"pyad' yo mae" sag' gyi: jham re lao" phan" yu mung: zo" ako".
Pe" min mabo: ra" sham: ban: gae agyi: jham lao" zo" ako".
5Yaug khao: ngo" wa- khug' hab' jham re zag: hug' tao" ke' ru we' dakhyo:
yao: bam re hug' tao" pye' ako".
6Yao: bam wa laug aug' khaung:-
laug byo, mae dau" to" ra" dungkhung: khaung: phao: laung" qin" ca" ako".
7Yao: bam wa seyo sag gae khaung: mae gug'nyhug' jham we' dakhyo:
myang: qin" mung: thao" paung" qao: mae daga" ham: na: ako".
8Pe" aphug' made; ra"- kho khoru" ra" byulae" qe za: angad: ako".
Yao: bam wa mug: myid mae" khe' thug' pye' qhug' ako".
9Ana" yao: bam wa ngore li" qi: jung" na: ako".
Ngo wa yao: bam: qhid' mae" zonghin" nghin" keim" nae" za: angad lo".
10Yao: bam wa ngore qu" ca' ako".
Yao: bam yao" gaung re ngo tho' je: gai: ga: myid mung:
nga" myo,khung: mae khota: lao" li" phoe" sheim" ako".
11Mao"So: yang ngore qam: nang: mung: ngo pe" maqo" kad' masho: majhin boe" nhao: ra" mathao mae-
Yao: bam wa lo" thao" sho' nhag' yo" ru we' ngo re gye kad' ako".
12Ce: byuthaui: wa ngo we' vang" vang" khe' zin" lo mung: yao: bam wa ngore tao" phao nhao: ako".
Yao: bam wa ngore se' pin" pye' nae" ga: nyhang" seim" ci: ako".
13Yao: bam wa ngo phao: loe, nae" khyo re jui" phyo' qheim" pye' nae" ga: phin" na: ako".
Amung:- yao: bam re tam" pye' nae" byu khag' mana ngad: ra".
14Yao: bam wa- nga" gyelham jo, qo mae" dungkhung: khug khyo yan" vao lo mung:
nga" dao mae mageim: gyo" zag: nhai" lo: ako".
15Ngo wa gyai yao: gyaug: din: pye' va"- nga" myo,nho nga: lao: wa-
la dalhang damad we' dakhyo: baui" byaug va".
Aimung:- nga" jo,nho" re: jham thaui: we' dakhyo: byaug: byaug va".
16Ana" wa ngo shid: lo" na va"-
nga" dayin dayo: no mae" dajhid' yo nae" khyo majo,-
17Myi" ayo,mae nga" shoqug: jham alhab' khai" na: ra"-
ngore khai" nho: ra" no wa khonhae" re: mayo: byaug ngad: ra".
18Mao"So wa ngore- lang ku: mae yao: kya' mung:
nga" mai bau: jham re nai: sham" pye' byid' ra".
19Yao: wa ngore tham: bab: bam" mae shapye' khyo" ke' ra".
Ngo wa phalhug tho' pe" maje: gai-
20O" Mao"So we"- ngo nao re khai: yao ngadqere:- nao wa khonhae" re matau: byid:-
aimung: ngo akyu" mho' ra" au: re nao pe" xan: masun: byid: ngad: ra".
21Nao wa ngore manug makhyad' kad' ra"-
ni" kheim: so' alhab' yang ngore yhin" ava".
22Nao wa ngore la: yang hug' lhaui" pye' nhao: ra".
Nao wa ngore- thin: ra" la qam" khug mae aphaug' ase hug' lhaui" qin" nhao: ra".
23Nao wa ngore yaug khao: ngo" qhid' mae" nyhang" to" ra".
shid: ru khyo jhui" lo" na: rure ngo ba: ra".
24Nao wa pe"mung:- nhag' khyag' yu nae" ru mho' nae" za: aba: kad' lo" ra"-
byo; qeim: jo; va" byu dayaug re khe' zin" na: i?
25Ngo wa- qug: khai: qhug' mo, we' daga" kaug' ngug: mangad: i?
myaung sho: mo; qhid' mae" nhag' kaug' byid' mangad: i?
26Ngo wa ngaui bau: khyo we' bo" bao re myid: lao" ra".
Ngadqere: ai: atha" qug: khai: we' mug: cad' ru joe" li" ra".
27Ngo wa myid myo" ru we' dae no: ruyang nhag' lam: byo; lo" va".
Ngo wa daba: mae" daba xo' yang: qug: khai: qhug' zo" na: ra".
28Ngo wa- ba zho mazao" ra" cad' no, khug mae su" dae" qin" ra".
Ngo wa- byuphaung gaung: mae to" ye, mung: bao" yu nae" mho' ra".
29Ngo hug' yao: ra" thoe wa-
zag ne dadau: myang thoe mangad: lao"- Qo,-gola:u myang thoe ru: kaug' thoe thug' ra".
30Nga" nho: shoqid wa no; lo" va"- ngo wa nojam" jam" na va".
31Ganhae" dalhang- ngaui bau: nghaui" thoe ngo lhaung" the' gyo" ra" jo, qo mae
ana" ngo wa kaug' thoe we' ngug thoe za: athe' gyo: lo"-
Currently Selected:
YOBA 30: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
YOBA 30
30
1Ngadqere: ana" kam" wa ngo tho' je: ngai: ra" yauggai qeyang ngore qinug cetu" ako".
Yao: bam: yao: pho" qe wa pe" akyu" mabo aphug' yao: made, mung:
nga" yao zaung" lakha: jham re bao" nae" qhid' mae" lhao" re: yao: bam re malhaung" nhao: ru ngad:-
2Yao: bam wa qam: gan: byaug va" yauggai daphung: ngad mung:
nga" qhid' mae" pe" mau" re: maqo" zaui: byid: lo:ngad: ako".
3Yao: bam wa saung" myaung mung: vae: saung" moe' ruyang
myi" ayo, mae seyo sag' gae khaung:
sag' gyi: kyaug' jham bin" phai" zo" lo: ako".
4Yao: bam wa din"pyad' yo mae" sag' gyi: jham re lao" phan" yu mung: zo" ako".
Pe" min mabo: ra" sham: ban: gae agyi: jham lao" zo" ako".
5Yaug khao: ngo" wa- khug' hab' jham re zag: hug' tao" ke' ru we' dakhyo:
yao: bam re hug' tao" pye' ako".
6Yao: bam wa laug aug' khaung:-
laug byo, mae dau" to" ra" dungkhung: khaung: phao: laung" qin" ca" ako".
7Yao: bam wa seyo sag gae khaung: mae gug'nyhug' jham we' dakhyo:
myang: qin" mung: thao" paung" qao: mae daga" ham: na: ako".
8Pe" aphug' made; ra"- kho khoru" ra" byulae" qe za: angad: ako".
Yao: bam wa mug: myid mae" khe' thug' pye' qhug' ako".
9Ana" yao: bam wa ngore li" qi: jung" na: ako".
Ngo wa yao: bam: qhid' mae" zonghin" nghin" keim" nae" za: angad lo".
10Yao: bam wa ngore qu" ca' ako".
Yao: bam yao" gaung re ngo tho' je: gai: ga: myid mung:
nga" myo,khung: mae khota: lao" li" phoe" sheim" ako".
11Mao"So: yang ngore qam: nang: mung: ngo pe" maqo" kad' masho: majhin boe" nhao: ra" mathao mae-
Yao: bam wa lo" thao" sho' nhag' yo" ru we' ngo re gye kad' ako".
12Ce: byuthaui: wa ngo we' vang" vang" khe' zin" lo mung: yao: bam wa ngore tao" phao nhao: ako".
Yao: bam wa ngore se' pin" pye' nae" ga: nyhang" seim" ci: ako".
13Yao: bam wa ngo phao: loe, nae" khyo re jui" phyo' qheim" pye' nae" ga: phin" na: ako".
Amung:- yao: bam re tam" pye' nae" byu khag' mana ngad: ra".
14Yao: bam wa- nga" gyelham jo, qo mae" dungkhung: khug khyo yan" vao lo mung:
nga" dao mae mageim: gyo" zag: nhai" lo: ako".
15Ngo wa gyai yao: gyaug: din: pye' va"- nga" myo,nho nga: lao: wa-
la dalhang damad we' dakhyo: baui" byaug va".
Aimung:- nga" jo,nho" re: jham thaui: we' dakhyo: byaug: byaug va".
16Ana" wa ngo shid: lo" na va"-
nga" dayin dayo: no mae" dajhid' yo nae" khyo majo,-
17Myi" ayo,mae nga" shoqug: jham alhab' khai" na: ra"-
ngore khai" nho: ra" no wa khonhae" re: mayo: byaug ngad: ra".
18Mao"So wa ngore- lang ku: mae yao: kya' mung:
nga" mai bau: jham re nai: sham" pye' byid' ra".
19Yao: wa ngore tham: bab: bam" mae shapye' khyo" ke' ra".
Ngo wa phalhug tho' pe" maje: gai-
20O" Mao"So we"- ngo nao re khai: yao ngadqere:- nao wa khonhae" re matau: byid:-
aimung: ngo akyu" mho' ra" au: re nao pe" xan: masun: byid: ngad: ra".
21Nao wa ngore manug makhyad' kad' ra"-
ni" kheim: so' alhab' yang ngore yhin" ava".
22Nao wa ngore la: yang hug' lhaui" pye' nhao: ra".
Nao wa ngore- thin: ra" la qam" khug mae aphaug' ase hug' lhaui" qin" nhao: ra".
23Nao wa ngore yaug khao: ngo" qhid' mae" nyhang" to" ra".
shid: ru khyo jhui" lo" na: rure ngo ba: ra".
24Nao wa pe"mung:- nhag' khyag' yu nae" ru mho' nae" za: aba: kad' lo" ra"-
byo; qeim: jo; va" byu dayaug re khe' zin" na: i?
25Ngo wa- qug: khai: qhug' mo, we' daga" kaug' ngug: mangad: i?
myaung sho: mo; qhid' mae" nhag' kaug' byid' mangad: i?
26Ngo wa ngaui bau: khyo we' bo" bao re myid: lao" ra".
Ngadqere: ai: atha" qug: khai: we' mug: cad' ru joe" li" ra".
27Ngo wa myid myo" ru we' dae no: ruyang nhag' lam: byo; lo" va".
Ngo wa daba: mae" daba xo' yang: qug: khai: qhug' zo" na: ra".
28Ngo wa- ba zho mazao" ra" cad' no, khug mae su" dae" qin" ra".
Ngo wa- byuphaung gaung: mae to" ye, mung: bao" yu nae" mho' ra".
29Ngo hug' yao: ra" thoe wa-
zag ne dadau: myang thoe mangad: lao"- Qo,-gola:u myang thoe ru: kaug' thoe thug' ra".
30Nga" nho: shoqid wa no; lo" va"- ngo wa nojam" jam" na va".
31Ganhae" dalhang- ngaui bau: nghaui" thoe ngo lhaung" the' gyo" ra" jo, qo mae
ana" ngo wa kaug' thoe we' ngug thoe za: athe' gyo: lo"-
© Bible Society of Myanmar 2009