YEREMIA 2
2
Israel Re Mao"So Gun Caung: Ru
1 Asang wa ngore- 2Yerusalem mae" yaug khao: ngo" re ce: lau dao: ta" hau" kyo: nhao: ra". Nao ngai shi" au: re nao: khoqhi" jhaug' zaug: ru ngo ba: ra".
Nao wa nga" shid' tao sao qhid' lo,xo' ra" au: ngore khoqhi" jhid'de; ru ngo ba: ra". Yao wa din"pyad' yo khyo" nga" thao cao" lo: ra".
Qhovo: maqho" qu" ra" mug: myid khyo" su" lai: lo va". 3Israel we"- nao wa ngo dayaug: yang za: sang: ru ngad: ra". Nao wa nga" nho: gyang" lho" jo,nho" ngad: ra". Ngo wa- nao re dae te' mo, yaug khao: ngo" re qug: khai: dayin dayo: we' kyi" khyag' ru nhao: ke' byid: va". Ngo Asang ta" to: va".
Israel Phug' Phyid' Qenho: Qobo
4Yaku nho: myid:zo: naonhaung" we" Israel kaung boe: naonhaung" we" Asang: mungdao: re tae" gyo: ge,. 5Asang ceru: ta" ra". Naonhaung" nho: phug' phyid' qe wa ngore pe" qobo zhaug' avako" i?
Pe" yang yao: bam re ngo mae" lhang: phaug' lo" nhao: ra" i?
Yao: bam wa pe" aphug' made; ra" sulho jham re caung:pa" mung: yao: bam yao: re aphug' made, boe" byaug ako".
6Ngo wa yao: bam re Egutu mae" khyad' yu mung: din"pyad' mug: we' ma dam:-ma dung: gyan: jham jo; ra" mug:-
byu khag' mana: ra" kyaug' ho mug:- gyaug ci" nae" mug:- byu dayaug lhao" re: gyaung: masu: nae" ra" mug:-
din"pyad' yo khyo" jhui" lai: lo sho' ngadqere: yao: bam ngore pe" shui manho ko" ngad: ra".
7Ngo wa yao: bam re myid xau gai: ra" mug: khyo ai: mug: mae" qhovo: qhoshi: yad: phyo' zo: mung:
ai: mug: mae" gai: ra" gaja: jham re qo" kham: yu nae" qhid' mae" jhui" vao: lo va".
Ngadqere: ai: atha" yao: bam wa nga" mug: myid re yaug: phyo' qheim" pye' ako".
Yao: bam wa yao: bam re ngo byid' to" ra" mung"dan: re masan masin" kad' pye' ako".
8Khinjaung qe wa- Asang khai mae na: ra" i? ga: mamyid: ngad: ako".
Nga" nho: khinjaung qe yao: ngore maba ngad: ako".
Mung" eib mo, wa ngore tau: lhan" ako". Lapa qe wa Bala mang khyo" jhau: ako".
Aimung: akyu" mabo: ra" sulho jham re caung:pa" ako".
Asang Wa Yao" Nho: Byumyu" Re Qobo Zhaug' Ru
9Airu: mung: ngo Asang wa nga" byumyu" qere qobo zhaug' nae".
Ngo wa yao: bam: myid:zo: qere qobo zhaug' nae".
10Ba vao shad' Kupru gagyo: kao" khyo ye" lo" wa,. Aimung: dayaug yaug re ba thug' shad' Keda mug: khyo nhao: ke' wa,.
Ceru" ru qhid' phyao: khonhae" re: maboe" qu" rure nao the' myao: li" nae".
11Gaje khag' byumyu" re: gaigai: lhao" mangad' ra" yao: bam: so jham re matha" pye' qu" ngad: ako".
Ngadqere: nga" byumyu" qe wa- yao: bam re nga: yhe' byid' lo: ra" Mao"So ngore-
yao: bam: qhid' mae" pe" maqo" kad' byid' ra" so jham we' jho" tha" pye' avako".
12Aimung: ngo wa mug:gaung re gyaug din ja: we' lhaui" nhan" ke' mung:-
qu" mug' ru we' qu" din nae" khyo" amyin" byid' ke' va".
13Pe"mung:ga"re- nga" byumyu" qe wa qobo shid' ja: shad' lhoe" avako".
Yao: bam wa- qid thug' qid gyang: qid co: ngad: ra" ngo mae" lhang: phaug' lo" mung:-
qid maqo" dang: jo; ra" qid thaung:- go; gyae" byaug: ra" qid thaung: jham re dau" ako".
Israel Jhaug' Mazaug: Ra" Mathao Thug' Ru
14Israel wa jeim mangad:- yao: wa jeim doe, nae" khau: li" ru mangad:-
aire pe"mung: yao" gyevo qe wa yao: re cao" khe' taung" ako" i? 15Yao: bam wa yao: re khang khyi jham we' dakhyo: kyid' ako".
Yao: bam wa yao" mug: myid re din"pyad' yo kad' pye' ako".
Aimung: yao" vogaung: jham wa byo; qeim: rumae cae: jhug tag shapye' to" ru qhug' mung: jo; jo; ako".
16Ngad: ra"- Memphi we' Taphanhe mae" byu qe wa yao" au: gao: re gyae: nhao: avako".
17Israel we"- nao wa ceru re nao yao" gaung mae kad' yu: ava".
Nao wa nao re ngo khyo cao" yang: jhui" lo: au: ngo Asang ni" nho: Mao"So re shapye' co' ava".
18Nao wa Nila qid gyaung: mae" qid shaug' nae" qhid' mae" Egutu khyo ye" re pe" qo" yu nae" ein: myid: i?
Nao wa Uphrad qid gyaung: mae" qid shaug' nae" qhid' mae" Asuri khyo ye" re pe" qo" yu nae" ein: myid: i?
19Naoyao" makhyang: mashab: ru wa nao re qobo dae byid' li" nae".
Aimung: ngo mae" phaug' lo" ru wa nao re dao: phyid' li" nae".
Nao wa Asang ni" nho: Mao"So ngore shapye' co' ru we' ngo mae jhaug' mazaug lo" ru wa khoqhi" kho: mung: shad' nhaung ga" rure qo" ba: yu: li" nae".
Ngo qam so' bo: thao" ra" kho:kham Asang ta" to: va".
Israel Asang Re Caung:pa" Nae" Ha: Pye' Ru
20Kho:kham Asang ta" ra" Israel we"- ganhae" gaco' nga" nho: kheim: so' re nao ngag: lhaui" pye' ra".
Nao wa ngore phug' cao" nae" we' ngore caung:pa" nae" ha: pye' ra".
Nao wa- myhao: ra" bug gaung khao: ngo" mae we'
nyug lao qam" ra" sag' gae khao: ngo" qao: mae myo: laug: je" li" nhao: ra" so jham re caung:pa" ra".
21Ngo wa nao re- gai: thao" qhovo: qhoshi: myug: mae" sabyi naui re we' dakhyo: qho" to: va".
Ngadqere: nao pe" boe" lo: rure qu" qu" wa, nao wa pe" phug' made; ra" sabyi naui abab we' dau: ra".
22Nao wa so' thin: thao" ra" sa: pya: we' cid' pye' ngadqere: ni" qobo khu re ngo the' myao shinae".
23Nao wa- Bala re khonhae" re: macaung:pa" lo: qu" ga:- naoyao" gaung re magyang" malho" makad' ein: qo" ta" nae" i?
Lao: khaung: mae nao qobo shad' rure qu" qu" wa, nao kad' lo: rure qu" wa,-
nao wa- amyug: mho' ra" gola:u alae" din"pyad' yo khaung: khe' qin" mung: tao" dan: qin: ru we' dau: ra".
24Yao: amyug: mho' na: au: yao: re khag' qo" zaui" ci nae" i?
Yao: re o: ra" alo: khodau: re gyai qug: sho' maphin: ca" yao: wa amyug: ke' ra" ayo, mae khonhae" re: khyao za: gai: qo" ra".
25Israel we"- so gaje: thao cao" mung: ni" khyid re dasu" kao" pye' nhao- ni" nho: khyaung: rere: daho nhao-
Ngadqere: nao wa- mangad: nae"- ngo madam: qo" tug' lo:-
ngo wa taung bug: so jham re jhid'de; byaug va" rumung: yao: bam: thao khyo cao" ye: nae"- ga: yao: ta" ra".
Isreal Wa Qobo Dae Byid: Qhug' Nae" Man: Qi" Ra"
26 Asang ta" ra"- khug' hab' wa qhug' taung: lao" nga: yeim: ru we' dakhyo: Israel byumyu" naonhaung" alhab' naonhaung" kho:kham qe we' mung" zug: ade, qe naonhaung" khinjaung qe we' lapa qere: nga: yeim: li" genae". 27Sag' gae re naonhaung" yao: pho" ga: mung: laug bam re naonhaung" yao: myhi" ga: ta" ra" naonhaung" alhab' wa nga yeim: li" genae". Ceru wa boe" lo: li" nae" pe"mung:ga"re naonhaung" wa ngojhao" lhang: lo nae" atha" ngo mae" phaug' lo" ko" ruyang ceru: boe" lo: li" nae". Ngadqere: naonhaung" qug: khai: qhug' au: re- naonhaung" jhao" ngo li" mung: naonhaung" re khyad' yu nae" qhid' mae" ngore mho' ako".
28Naonhaung" yao" qhid' mae" naonhaung" kad' yu: ra" so jham wa khai: lo" vako" i? Naonhaung" qug: khai: qhug' na: au: re- naonhaung" re yao: bam qo" khyad' yu: ko" ngad: re khyad' yu ge vashao:- Yuda we"- nao mae vomo" jo; ra" nho" so jham qo" to" ra". 29Naonhaung" nyhung nug: ru pe" ngad: i? Naonhaung" wa pe"mung: ngore tau: lhan: ko" i? 30Ngo wa naonhaung" re qobo dae byid: qere: pe" akyu" maboe" ngad: ra". Naonhaung" wa- ngoyang naonhaung" re mho" jhao: nae" akhang" ngore mabyid: ko" ngad: ra". Naonhaung" wa nhag' jam: yo" na: ra" khang khyi we' dakhyo: naonhaung" lapa qere se' pye' avako". 31Israel byumyu" qe we"- ngo ta" na: rure tae" gyo: ge, ngo wa din"pyad' yo ru:- mug: cad' yo ru:- amung: gyaug ci" ca" ra" mug: myid ru" ru boe" lo: qu" ra" i? Airu: ngad: re pe"mung: yang: naonhaung" wa ngojhao" khonhae" re: matug' phao: lo lo: nae" ga: naonhaung" yao: o: khyo: kad' nae"- ein: ta" ko" ra" i? 32Zomyi: nau" wa yao" shaung zai phug' de; laug re- myhi" sag' wa yao" myivhin" poe mai bau: re lhaung" to" myhid' qu" ra" i? Ngadqere: naonhaung" wa ba na matho' nghe' losho' ngore to" myhid' pye' ako". 33Naonhaung" wa- zoqae: pho" qe: thao khyo khoru: cao" khe' ye: nae" rure dang dang yao: ba: ako". Magai: thao" ra" myiqe: qe lhao" re: naonhaung" mae" qo" mho" zhao: yu: ako". 34Naonhaung" nho: mai bau: jham wa khug' phyo' zo: mo; nho: sa: wa mangad:- myaung sho: mo, we' qobo maqo" mo; nho: sa: lhau" de; jo; ako".
Ngadqere: cegu: alhab' tho' mae- 35Naonhaung" ata" na: ashi: ko". Ngo wa qobo maqo"- gaigai: yao: Asang wa ngore nhag' mayo: lo nae" ga:- ta" ako". Ngadqere: naonhaung" wa qobo shad' va" ga" rure ngag: ha: ruyang- ngo Asang wa naonhaung" re qobo dae byid: nae". 36Naonhaung" wa gatau: byumyu" qenho: so jham jhao" phaug' lo" ko" ra" khyo" naonhaung" yao" gaung re naonhaung" yao: gau gyo" lo" nhao: pye' ako". Naonhaung" wa Asuri qeyang nhag' madag boe" nhao: ru we' dakhyo: Egutu qeyang nhag' madag boe" nhao: ru qhug' li" genae". 37Naonhaung" wa qho' ru we' au: gam" ci mung: Egutu mae" lhang: phao: lo: li" genae". Naonhaung" lam ngha: ra" aibam re ngo Asang ngag: lhaui" pye' va". Naonhaung" wa yao: bam mae" pe" re: qo" yu: li" genae" mangad:.
Currently Selected:
YEREMIA 2: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
YEREMIA 2
2
Israel Re Mao"So Gun Caung: Ru
1 Asang wa ngore- 2Yerusalem mae" yaug khao: ngo" re ce: lau dao: ta" hau" kyo: nhao: ra". Nao ngai shi" au: re nao: khoqhi" jhaug' zaug: ru ngo ba: ra".
Nao wa nga" shid' tao sao qhid' lo,xo' ra" au: ngore khoqhi" jhid'de; ru ngo ba: ra". Yao wa din"pyad' yo khyo" nga" thao cao" lo: ra".
Qhovo: maqho" qu" ra" mug: myid khyo" su" lai: lo va". 3Israel we"- nao wa ngo dayaug: yang za: sang: ru ngad: ra". Nao wa nga" nho: gyang" lho" jo,nho" ngad: ra". Ngo wa- nao re dae te' mo, yaug khao: ngo" re qug: khai: dayin dayo: we' kyi" khyag' ru nhao: ke' byid: va". Ngo Asang ta" to: va".
Israel Phug' Phyid' Qenho: Qobo
4Yaku nho: myid:zo: naonhaung" we" Israel kaung boe: naonhaung" we" Asang: mungdao: re tae" gyo: ge,. 5Asang ceru: ta" ra". Naonhaung" nho: phug' phyid' qe wa ngore pe" qobo zhaug' avako" i?
Pe" yang yao: bam re ngo mae" lhang: phaug' lo" nhao: ra" i?
Yao: bam wa pe" aphug' made; ra" sulho jham re caung:pa" mung: yao: bam yao: re aphug' made, boe" byaug ako".
6Ngo wa yao: bam re Egutu mae" khyad' yu mung: din"pyad' mug: we' ma dam:-ma dung: gyan: jham jo; ra" mug:-
byu khag' mana: ra" kyaug' ho mug:- gyaug ci" nae" mug:- byu dayaug lhao" re: gyaung: masu: nae" ra" mug:-
din"pyad' yo khyo" jhui" lai: lo sho' ngadqere: yao: bam ngore pe" shui manho ko" ngad: ra".
7Ngo wa yao: bam re myid xau gai: ra" mug: khyo ai: mug: mae" qhovo: qhoshi: yad: phyo' zo: mung:
ai: mug: mae" gai: ra" gaja: jham re qo" kham: yu nae" qhid' mae" jhui" vao: lo va".
Ngadqere: ai: atha" yao: bam wa nga" mug: myid re yaug: phyo' qheim" pye' ako".
Yao: bam wa yao: bam re ngo byid' to" ra" mung"dan: re masan masin" kad' pye' ako".
8Khinjaung qe wa- Asang khai mae na: ra" i? ga: mamyid: ngad: ako".
Nga" nho: khinjaung qe yao: ngore maba ngad: ako".
Mung" eib mo, wa ngore tau: lhan" ako". Lapa qe wa Bala mang khyo" jhau: ako".
Aimung: akyu" mabo: ra" sulho jham re caung:pa" ako".
Asang Wa Yao" Nho: Byumyu" Re Qobo Zhaug' Ru
9Airu: mung: ngo Asang wa nga" byumyu" qere qobo zhaug' nae".
Ngo wa yao: bam: myid:zo: qere qobo zhaug' nae".
10Ba vao shad' Kupru gagyo: kao" khyo ye" lo" wa,. Aimung: dayaug yaug re ba thug' shad' Keda mug: khyo nhao: ke' wa,.
Ceru" ru qhid' phyao: khonhae" re: maboe" qu" rure nao the' myao: li" nae".
11Gaje khag' byumyu" re: gaigai: lhao" mangad' ra" yao: bam: so jham re matha" pye' qu" ngad: ako".
Ngadqere: nga" byumyu" qe wa- yao: bam re nga: yhe' byid' lo: ra" Mao"So ngore-
yao: bam: qhid' mae" pe" maqo" kad' byid' ra" so jham we' jho" tha" pye' avako".
12Aimung: ngo wa mug:gaung re gyaug din ja: we' lhaui" nhan" ke' mung:-
qu" mug' ru we' qu" din nae" khyo" amyin" byid' ke' va".
13Pe"mung:ga"re- nga" byumyu" qe wa qobo shid' ja: shad' lhoe" avako".
Yao: bam wa- qid thug' qid gyang: qid co: ngad: ra" ngo mae" lhang: phaug' lo" mung:-
qid maqo" dang: jo; ra" qid thaung:- go; gyae" byaug: ra" qid thaung: jham re dau" ako".
Israel Jhaug' Mazaug: Ra" Mathao Thug' Ru
14Israel wa jeim mangad:- yao: wa jeim doe, nae" khau: li" ru mangad:-
aire pe"mung: yao" gyevo qe wa yao: re cao" khe' taung" ako" i? 15Yao: bam wa yao: re khang khyi jham we' dakhyo: kyid' ako".
Yao: bam wa yao" mug: myid re din"pyad' yo kad' pye' ako".
Aimung: yao" vogaung: jham wa byo; qeim: rumae cae: jhug tag shapye' to" ru qhug' mung: jo; jo; ako".
16Ngad: ra"- Memphi we' Taphanhe mae" byu qe wa yao" au: gao: re gyae: nhao: avako".
17Israel we"- nao wa ceru re nao yao" gaung mae kad' yu: ava".
Nao wa nao re ngo khyo cao" yang: jhui" lo: au: ngo Asang ni" nho: Mao"So re shapye' co' ava".
18Nao wa Nila qid gyaung: mae" qid shaug' nae" qhid' mae" Egutu khyo ye" re pe" qo" yu nae" ein: myid: i?
Nao wa Uphrad qid gyaung: mae" qid shaug' nae" qhid' mae" Asuri khyo ye" re pe" qo" yu nae" ein: myid: i?
19Naoyao" makhyang: mashab: ru wa nao re qobo dae byid' li" nae".
Aimung: ngo mae" phaug' lo" ru wa nao re dao: phyid' li" nae".
Nao wa Asang ni" nho: Mao"So ngore shapye' co' ru we' ngo mae jhaug' mazaug lo" ru wa khoqhi" kho: mung: shad' nhaung ga" rure qo" ba: yu: li" nae".
Ngo qam so' bo: thao" ra" kho:kham Asang ta" to: va".
Israel Asang Re Caung:pa" Nae" Ha: Pye' Ru
20Kho:kham Asang ta" ra" Israel we"- ganhae" gaco' nga" nho: kheim: so' re nao ngag: lhaui" pye' ra".
Nao wa ngore phug' cao" nae" we' ngore caung:pa" nae" ha: pye' ra".
Nao wa- myhao: ra" bug gaung khao: ngo" mae we'
nyug lao qam" ra" sag' gae khao: ngo" qao: mae myo: laug: je" li" nhao: ra" so jham re caung:pa" ra".
21Ngo wa nao re- gai: thao" qhovo: qhoshi: myug: mae" sabyi naui re we' dakhyo: qho" to: va".
Ngadqere: nao pe" boe" lo: rure qu" qu" wa, nao wa pe" phug' made; ra" sabyi naui abab we' dau: ra".
22Nao wa so' thin: thao" ra" sa: pya: we' cid' pye' ngadqere: ni" qobo khu re ngo the' myao shinae".
23Nao wa- Bala re khonhae" re: macaung:pa" lo: qu" ga:- naoyao" gaung re magyang" malho" makad' ein: qo" ta" nae" i?
Lao: khaung: mae nao qobo shad' rure qu" qu" wa, nao kad' lo: rure qu" wa,-
nao wa- amyug: mho' ra" gola:u alae" din"pyad' yo khaung: khe' qin" mung: tao" dan: qin: ru we' dau: ra".
24Yao: amyug: mho' na: au: yao: re khag' qo" zaui" ci nae" i?
Yao: re o: ra" alo: khodau: re gyai qug: sho' maphin: ca" yao: wa amyug: ke' ra" ayo, mae khonhae" re: khyao za: gai: qo" ra".
25Israel we"- so gaje: thao cao" mung: ni" khyid re dasu" kao" pye' nhao- ni" nho: khyaung: rere: daho nhao-
Ngadqere: nao wa- mangad: nae"- ngo madam: qo" tug' lo:-
ngo wa taung bug: so jham re jhid'de; byaug va" rumung: yao: bam: thao khyo cao" ye: nae"- ga: yao: ta" ra".
Isreal Wa Qobo Dae Byid: Qhug' Nae" Man: Qi" Ra"
26 Asang ta" ra"- khug' hab' wa qhug' taung: lao" nga: yeim: ru we' dakhyo: Israel byumyu" naonhaung" alhab' naonhaung" kho:kham qe we' mung" zug: ade, qe naonhaung" khinjaung qe we' lapa qere: nga: yeim: li" genae". 27Sag' gae re naonhaung" yao: pho" ga: mung: laug bam re naonhaung" yao: myhi" ga: ta" ra" naonhaung" alhab' wa nga yeim: li" genae". Ceru wa boe" lo: li" nae" pe"mung:ga"re naonhaung" wa ngojhao" lhang: lo nae" atha" ngo mae" phaug' lo" ko" ruyang ceru: boe" lo: li" nae". Ngadqere: naonhaung" qug: khai: qhug' au: re- naonhaung" jhao" ngo li" mung: naonhaung" re khyad' yu nae" qhid' mae" ngore mho' ako".
28Naonhaung" yao" qhid' mae" naonhaung" kad' yu: ra" so jham wa khai: lo" vako" i? Naonhaung" qug: khai: qhug' na: au: re- naonhaung" re yao: bam qo" khyad' yu: ko" ngad: re khyad' yu ge vashao:- Yuda we"- nao mae vomo" jo; ra" nho" so jham qo" to" ra". 29Naonhaung" nyhung nug: ru pe" ngad: i? Naonhaung" wa pe"mung: ngore tau: lhan: ko" i? 30Ngo wa naonhaung" re qobo dae byid: qere: pe" akyu" maboe" ngad: ra". Naonhaung" wa- ngoyang naonhaung" re mho" jhao: nae" akhang" ngore mabyid: ko" ngad: ra". Naonhaung" wa nhag' jam: yo" na: ra" khang khyi we' dakhyo: naonhaung" lapa qere se' pye' avako". 31Israel byumyu" qe we"- ngo ta" na: rure tae" gyo: ge, ngo wa din"pyad' yo ru:- mug: cad' yo ru:- amung: gyaug ci" ca" ra" mug: myid ru" ru boe" lo: qu" ra" i? Airu: ngad: re pe"mung: yang: naonhaung" wa ngojhao" khonhae" re: matug' phao: lo lo: nae" ga: naonhaung" yao: o: khyo: kad' nae"- ein: ta" ko" ra" i? 32Zomyi: nau" wa yao" shaung zai phug' de; laug re- myhi" sag' wa yao" myivhin" poe mai bau: re lhaung" to" myhid' qu" ra" i? Ngadqere: naonhaung" wa ba na matho' nghe' losho' ngore to" myhid' pye' ako". 33Naonhaung" wa- zoqae: pho" qe: thao khyo khoru: cao" khe' ye: nae" rure dang dang yao: ba: ako". Magai: thao" ra" myiqe: qe lhao" re: naonhaung" mae" qo" mho" zhao: yu: ako". 34Naonhaung" nho: mai bau: jham wa khug' phyo' zo: mo; nho: sa: wa mangad:- myaung sho: mo, we' qobo maqo" mo; nho: sa: lhau" de; jo; ako".
Ngadqere: cegu: alhab' tho' mae- 35Naonhaung" ata" na: ashi: ko". Ngo wa qobo maqo"- gaigai: yao: Asang wa ngore nhag' mayo: lo nae" ga:- ta" ako". Ngadqere: naonhaung" wa qobo shad' va" ga" rure ngag: ha: ruyang- ngo Asang wa naonhaung" re qobo dae byid: nae". 36Naonhaung" wa gatau: byumyu" qenho: so jham jhao" phaug' lo" ko" ra" khyo" naonhaung" yao" gaung re naonhaung" yao: gau gyo" lo" nhao: pye' ako". Naonhaung" wa Asuri qeyang nhag' madag boe" nhao: ru we' dakhyo: Egutu qeyang nhag' madag boe" nhao: ru qhug' li" genae". 37Naonhaung" wa qho' ru we' au: gam" ci mung: Egutu mae" lhang: phao: lo: li" genae". Naonhaung" lam ngha: ra" aibam re ngo Asang ngag: lhaui" pye' va". Naonhaung" wa yao: bam mae" pe" re: qo" yu: li" genae" mangad:.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009