APAN AQAO: 35
35
Bethela Mae Yaku Re Mao"So Shaman" Byid' Ra" Khyo
1Mao"So wa Yaku re- Dalhang: dae Bethela khyo ye: mung: aimae yena wa,- ni" mao: Eso lo, mae" nao phao: qin" ra" au: nao re na: qhu" ra" Mao"So ngad: ra" nga" qhid' mae" aitau mae phan dalam: kad' wa,- ga: ta" ra".
2Airumung: Yaku wa yao" yham byu qe we' yao: we' daga" ngad: ra" mo, alhab' re naonhaung" qo" ko" ra" taung bug so jham re yu: pye' ge,- naonhaung" yao" gaung re kyang" san: pye' mung:- mai bau: asan gaug: ve, ge,- 3Ngonhaung" wa ce: jo, qo mae" to" mung:- Bethela khyo ye: zai ngad:- aitau mae ngo qug: khai: qhug' ra" ayo, mae ngore bao" thaug' byid: mung:- ngo khai: joe" khai: ngo we' daga" ngad: ra" Mao"So: qhid' mae" phan dalam: re ngo yekad' nae"- ga: ta" ra". 4Airumung: yao: bam wa yao: bam qo" ra" taung bug so alhab' re we' yao: bam xaui" ci: ra" noxaui: jham alhab' Yaku re byid' ako". Yaku wa aijham re Shekhem nhae mae" shikhai:: zang qao: mae nyhab' pye' ra".
5Yaku we' yao" yauggai zo: qe to" lo" ko" au:- ai: avai: ayae vogaung: jham mae" vobyu qe wa qi: sho' gyaug: pye' geyang: yao: bam: thao macao" khe' ngad: ako". 6Yaku wa yao" byu qe alhab' ana" Bethela ga: mang: ra" Khanan mung" Luza vogaung: khyo joe" lo: ako". 7Yaku wa aitau mae phan dalam: kad' mung: ai: jo, qo re Mao"So: Bethela ga: mhang" ra". Pe"mung:ga"re yao: wa yao: mao" lo, mae" phao: lo" ra" au: Mao"So aitau mae yao: yao" gaung re Yaku re na: qhu" byid: yang: ngad: ra". 8Rebekha nho: zojhui: okaung Debora shid mung: Bethela qid bang: shad mae" zai gae qao: mae nyhab' pye' ako". Airumung: ai: jo, qo re ngug: ra" shikhai: gae ga: mhang" ako".
9Yaku Mesopotamia mung" mae" dam: tug' lo lao"- Mao"So wa yao: re dam: na: qhu" mung: yao: re shaman" byid' ra". 10Mao"So wa yao: re- ni" mang wa Yaku ngad: ra"- ngadqere: ana" mae" thoegu: Israel ngad: li" nae"- ga: ta" mung: Mao"So wa yao: re Israel ga: mhang" ra". 11Aimung: Mao"So wa Yaku re- ngo wa qam: bo: thao" ra" Mao"So ngad:- zo: dau myo: sho' qo" ge,- byumyu" qe wa nao mae" ko' thug' li" genae"- nao wa kho:kham qenho: phug' pho" ngad: li" nae". 12Ngo wa Abraham re we' Isag re byid' to" ra" mung"dan: nao re byid: nae". Aire ni" myid:zo: qere re: ngo byid: nae"- ga: ta" ra". 13Ai: thao Mao"So wa yao: khyi" mae" lo" byaug: ra". 14Mao"So yao: re dao: jhau: ra" jo, qo mae Yaku wa myid: beim: nae" axam: laug zang zhaug' mung:- ai: dao mae sabyi qang: we' zhanlun xau vhe' sheim: yang: aire qhaug' byid' ra". 15Yaku wa ai: jo, qo re Bethela ga: mhang" ra".
Rakhela Shid: Ra" Khyo
16Yaku we' yao" yham byu qe wa Bethela mae" to" mung:- yao: bam Ephrad joe" nae" dajhid' va: shi" au:- Rakhela wa zo:khau yo, joe" lo mung:- yao: wa zo:khau qug' na: ra". 17Rakhela wa zo:khau no xo: thao" sho' no: au: zo:khau byid: yaug wa yao: re- Rakhela we" daci" wa,- yauggai zo: ngad: ra"- ga: ta" ra". 18Ngadqere: Rakhela wa shid: lo" na mung: so' she: thao" lo" na: au: yao: wa yao" yauggai zo: re Benoni ga: mhang" ra". Ngadqere: yao: pho" wa yao: re Benyamin ga: mhang" byid' ra". 19Rakhela shid lao"- ana" Bethela ga: mhang" ra" Ephrad khyo ye" ra" khyo nhae mae nyhab' pye' ako". 20Yaku wa aitau mae myid: beim: nae" axam: laug zang zhaug' mung: airu ana" ba joe" sho' Rakhela nho: lab aso: ngad: jo, shi" ra". 21Yaku wa xo' ye" lo" mung: yao" zaung re Ede gyebyu jamu thoete' mae yekad' ra".
Yaku Nho: Yauggai Zo: Qe
(1 Kho:kham Mhomyi: 2.1-2;)
22Yaku ai mug: mae na: ra" gyo: mae Rubin wa yao: pho" nho: myingai mae" dayaug ngad: ra" Bila we' gaung sho: jho" zam" ako". Yaku wa ai: khyo re the' gyo: mung:- nhag' yo" ra". Yaku wa Yauggai zo: daxe: shid' yaug qo" ra". 23Lea nho: yauggai zo: qe wa- Rubin (Yaku nho: zoqhid') Simon- Levi- Yuda- Isakha- Zebulun ngad gemung:- 24Rakhela nho: yauggai zo: qe wa- Yoseb we' Benyamin tao ngad: ako". 25Rakhela jeim myhi" Bila nho:yauggai zo: qe wa Dan we' Nabhtali tao ngad: ako". 26Lea jeim myhi" Zilpa nho: yauggai zo: qe wa Gad we' Ashe nhae tao ngad: ako". Ce: yauggai zo: qe wa Mesopotamia mung" mae khau mo, ngad: ako".
Isag Shid: Ra" Khyo
27Yaku wa Abraham we' Isag na: lai: loko" ra" Hebron nhae mae" Mamre mae na: ra" yao: pho" Isag jhao" ye" ra". 28Isag wa apyad dayo: she' xe zin daui: na mung:- 29Mao: thao re shid: lo" ra". Yao" nho: yauggai zo: Eso we' Yaku tao wa yao: re nyhab' shaung: pye' ako".
Currently Selected:
APAN AQAO: 35: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
APAN AQAO: 35
35
Bethela Mae Yaku Re Mao"So Shaman" Byid' Ra" Khyo
1Mao"So wa Yaku re- Dalhang: dae Bethela khyo ye: mung: aimae yena wa,- ni" mao: Eso lo, mae" nao phao: qin" ra" au: nao re na: qhu" ra" Mao"So ngad: ra" nga" qhid' mae" aitau mae phan dalam: kad' wa,- ga: ta" ra".
2Airumung: Yaku wa yao" yham byu qe we' yao: we' daga" ngad: ra" mo, alhab' re naonhaung" qo" ko" ra" taung bug so jham re yu: pye' ge,- naonhaung" yao" gaung re kyang" san: pye' mung:- mai bau: asan gaug: ve, ge,- 3Ngonhaung" wa ce: jo, qo mae" to" mung:- Bethela khyo ye: zai ngad:- aitau mae ngo qug: khai: qhug' ra" ayo, mae ngore bao" thaug' byid: mung:- ngo khai: joe" khai: ngo we' daga" ngad: ra" Mao"So: qhid' mae" phan dalam: re ngo yekad' nae"- ga: ta" ra". 4Airumung: yao: bam wa yao: bam qo" ra" taung bug so alhab' re we' yao: bam xaui" ci: ra" noxaui: jham alhab' Yaku re byid' ako". Yaku wa aijham re Shekhem nhae mae" shikhai:: zang qao: mae nyhab' pye' ra".
5Yaku we' yao" yauggai zo: qe to" lo" ko" au:- ai: avai: ayae vogaung: jham mae" vobyu qe wa qi: sho' gyaug: pye' geyang: yao: bam: thao macao" khe' ngad: ako". 6Yaku wa yao" byu qe alhab' ana" Bethela ga: mang: ra" Khanan mung" Luza vogaung: khyo joe" lo: ako". 7Yaku wa aitau mae phan dalam: kad' mung: ai: jo, qo re Mao"So: Bethela ga: mhang" ra". Pe"mung:ga"re yao: wa yao: mao" lo, mae" phao: lo" ra" au: Mao"So aitau mae yao: yao" gaung re Yaku re na: qhu" byid: yang: ngad: ra". 8Rebekha nho: zojhui: okaung Debora shid mung: Bethela qid bang: shad mae" zai gae qao: mae nyhab' pye' ako". Airumung: ai: jo, qo re ngug: ra" shikhai: gae ga: mhang" ako".
9Yaku Mesopotamia mung" mae" dam: tug' lo lao"- Mao"So wa yao: re dam: na: qhu" mung: yao: re shaman" byid' ra". 10Mao"So wa yao: re- ni" mang wa Yaku ngad: ra"- ngadqere: ana" mae" thoegu: Israel ngad: li" nae"- ga: ta" mung: Mao"So wa yao: re Israel ga: mhang" ra". 11Aimung: Mao"So wa Yaku re- ngo wa qam: bo: thao" ra" Mao"So ngad:- zo: dau myo: sho' qo" ge,- byumyu" qe wa nao mae" ko' thug' li" genae"- nao wa kho:kham qenho: phug' pho" ngad: li" nae". 12Ngo wa Abraham re we' Isag re byid' to" ra" mung"dan: nao re byid: nae". Aire ni" myid:zo: qere re: ngo byid: nae"- ga: ta" ra". 13Ai: thao Mao"So wa yao: khyi" mae" lo" byaug: ra". 14Mao"So yao: re dao: jhau: ra" jo, qo mae Yaku wa myid: beim: nae" axam: laug zang zhaug' mung:- ai: dao mae sabyi qang: we' zhanlun xau vhe' sheim: yang: aire qhaug' byid' ra". 15Yaku wa ai: jo, qo re Bethela ga: mhang" ra".
Rakhela Shid: Ra" Khyo
16Yaku we' yao" yham byu qe wa Bethela mae" to" mung:- yao: bam Ephrad joe" nae" dajhid' va: shi" au:- Rakhela wa zo:khau yo, joe" lo mung:- yao: wa zo:khau qug' na: ra". 17Rakhela wa zo:khau no xo: thao" sho' no: au: zo:khau byid: yaug wa yao: re- Rakhela we" daci" wa,- yauggai zo: ngad: ra"- ga: ta" ra". 18Ngadqere: Rakhela wa shid: lo" na mung: so' she: thao" lo" na: au: yao: wa yao" yauggai zo: re Benoni ga: mhang" ra". Ngadqere: yao: pho" wa yao: re Benyamin ga: mhang" byid' ra". 19Rakhela shid lao"- ana" Bethela ga: mhang" ra" Ephrad khyo ye" ra" khyo nhae mae nyhab' pye' ako". 20Yaku wa aitau mae myid: beim: nae" axam: laug zang zhaug' mung: airu ana" ba joe" sho' Rakhela nho: lab aso: ngad: jo, shi" ra". 21Yaku wa xo' ye" lo" mung: yao" zaung re Ede gyebyu jamu thoete' mae yekad' ra".
Yaku Nho: Yauggai Zo: Qe
(1 Kho:kham Mhomyi: 2.1-2;)
22Yaku ai mug: mae na: ra" gyo: mae Rubin wa yao: pho" nho: myingai mae" dayaug ngad: ra" Bila we' gaung sho: jho" zam" ako". Yaku wa ai: khyo re the' gyo: mung:- nhag' yo" ra". Yaku wa Yauggai zo: daxe: shid' yaug qo" ra". 23Lea nho: yauggai zo: qe wa- Rubin (Yaku nho: zoqhid') Simon- Levi- Yuda- Isakha- Zebulun ngad gemung:- 24Rakhela nho: yauggai zo: qe wa- Yoseb we' Benyamin tao ngad: ako". 25Rakhela jeim myhi" Bila nho:yauggai zo: qe wa Dan we' Nabhtali tao ngad: ako". 26Lea jeim myhi" Zilpa nho: yauggai zo: qe wa Gad we' Ashe nhae tao ngad: ako". Ce: yauggai zo: qe wa Mesopotamia mung" mae khau mo, ngad: ako".
Isag Shid: Ra" Khyo
27Yaku wa Abraham we' Isag na: lai: loko" ra" Hebron nhae mae" Mamre mae na: ra" yao: pho" Isag jhao" ye" ra". 28Isag wa apyad dayo: she' xe zin daui: na mung:- 29Mao: thao re shid: lo" ra". Yao" nho: yauggai zo: Eso we' Yaku tao wa yao: re nyhab' shaung: pye' ako".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009