APAN AQAO: 17
17
Dao: Thang" Nho: Ave, Alho Ngad: Ra" Au: Qid Lhai: Khyo
1Abram apyad gug xe: gug zin ngad lao"-Asang wa yao: jhao" myao: thug' li" mung: ngo wa qam so' bo: thao" ra" Mao"So ngad:- nga" mho dao: re tae" gyo: mung: khonhae" re: jo: ra" khyo" kad' wa,- 2Ngo wa nao we' dao: thang" to: mung: myid:zo: myo: sho' ngo nao re byid: nae"- ga: ta" ra". 3Abram wa yao" myo, khung: myid gaung mae tin: sho' goe; gyo" ra". Mao"So wa yao: re- 4Ngo wa ce: dao: thang" re nao we' to" ra". Nao wa byumyu" myo: sho' nho: phug' pho" ngad: li" nae" rure ngo dao:so: to" ra". 5Ni" mang wa Abram mangad: lo nae"- Abraham ngad: li" nae". Pe"mung:ga"re ngo wa nao re byumyu" myo: sho' mo; nho: phug' pho" boe" nhao yang: ngad: ra". 6Ngo wa nao re myid:zo: myo: sho' byid: nae" yao: bam mae" daqhae: wa kho:kham jham ngad: li" genae" nao wa myid:zo: myo: sho' qo" li" mung: yao: bam wa byumyu" qe boe" li" genae".
7Apyad ato: dao: thang" khyo" ngo wa nga" dao:so: re ni" dao mae we' joe" lo nae" ayo, mae" ni" myid:zo: qe: qae" qe: dao mae dao:so: dang nae" ngo wa ni" Mao"So doe, mung: ni" myid:zo: qe: Mao"So ngad: li" nae". 8Ngo wa ana" nao taung bug vo khyo" na: jo; ra" ce: mung"dan: re- nao re we' ni" myid:zo: qere byid: nae". Ni" myid:zo: qe wa Khanan mung" geim" re khonhae" re: sang: li" genae". Amung: ngo wa yao: bam: Mao"So ngad: li" nae"-ga: ta" ra".
9Aimung: Mao"So wa Abraham re- nao yao: we' joe" lo nae" ayo, mae" ni" myid:zo: qe wa ngo we' kad' to" ra" dao: thang" re phug' cao" genae" ngad: ein: ra" khyo rere: nao myid vang" ca" ra". 10Nao we' ni" myid:zo: qe: phaung mae" yauggai yaug khao: ngo" wa au: qid lhai: khyo kham: yu ca" ein: ra" khyo re naonhaung" alhab' mo, myid vang" ca" ra". 11-12Ana" ba mae" thoegu: ni" yham mae khau: ra" jeim we' taung bug mang: mae" vai: yu: ra" jeim bobo yang: yauggai nau" yaug khao: ngo" wa khau thao she' ba ngad lao" au: qid lhai: khyo re kham: yu: ca" ako". Ceru wa nao we' nga" agyo: mae dao: thang" to" ra" khyo re qhu" byid' ru ngad: li" nae". 13Yaug khao: ngo" wa au: qid lhai: khyo re kham: yu qo: ra". Nao we' to" ra" nga" dao: thang" wa apyad ato ngad: ra" khyo re qhu" byid: nae" qhid' mae" ceru wa gaung sho: we' sin" ra" aso: ngad: li" nae". 14Au: qid lhai: khyo re makham: yu: ra" yauggai khag' re ngadqere: nga" byumyu" dayaug khyo" yao: re majho lo nae"- pe"mung:ga"re yao: wa ngo we' to" ra" dao: thang" re maphug' cao" yang: ngad: ra"- ga: ta" ra".
15Mao"So wa Abram re- nao wa ni" yham sang myhi" re Sarai ein: mamhang" lo nae" ngad: ra". Ana" mae" thoegu: yao" mang wa Sara ngad: ra". 16Ngo wa yao: re shaman" byid: nae"- ngo wa yao: khyo" yang nao re yauggai zo: dayaug byid: nae". Amung: yao: wa byumyu" qenho: yao: myhi" boe" lo: li" nae" yao" myid:zo: qe: phaung mae kho:kham qe bo: li" genae"- ga: ta" ra".
17Abraham wa yao" myo, khung: re myid gaung mae tin: sho' goe; gyo" ra"- ngadqere: yauggai dayaug wa yao" apyad dayo zin ngad thao zoshao qo" shinae" i? Sara wa apyad gug xe zin re zoshao qo" khau: nae" i? ga: myid: qu" yang: qi: ra". 18Ailao" yao: wa Mao"So re- nga" yham khaung ma re Ishmae re pe"mung: masang nhao nae" i? ga: myid' ra".
19Ngadqere: Mao"So wa- masang nhao nae"- ni" yham sang myhi" wa ni" qhid' mae" yauggai zo: dayaug re khau byid' li" nae". Nao wa yao: re Isag ga: mhang" byid' li" nae"- ngo wa nga" dao: thang" re yao: re we' yao" myid:zo: qe: dao mae apyad ato zaui" ci nae". Airu wa apyad ato: dao: thang" ngad: ra". 20Ishmae khyo we' sin: yang: ni" nho: mho' yao thoe re ngo the' gyo: va". Airu: mung: ngo wa yao: re shaman" byid: mung: zo: dau myo: sho' we' myid:zo: myo: sho' yao: re ngo byid: nae". Yao: wa kho:kham daxe: shid' yaug: nho: yao: pho" ngad: li" nae".Ngo wa yao" myid:zo: qere byumyu" qi: boe" nhao nae". 21Ngadqere: ngo wa nga" dao: thang" re sao nhag' ceyo, mae Sara yang khau nae" ra" ni" yauggai zo: Isag dao mae zam" ci nae"- ga: ta" ra". 22Mao"So wa Abraham re dao: bin: jhau lao" yao: mae" thug' lo" ra".
23Ai: ba mae yao:- Abraham wa Mao"So: dao: re phug' cao" mung: yao" yham mae khau: ra" jeim qe we' yao: vai: to" ra" jeim qe bobo yang: yao" yauggai zo: Ishmae we' yao" yham khug: byu gatau yauggai alhab' re au: qid lhai: khyo kad' byid' ra". 24Abraham wa yao: au: qid lhai: khyo re kham: yu: ra" au: yao" apyad wa gug xe: gug zin ngad mung:- 25Ishmae wa daxe: sam zin ngad: ra". 26Yao: shid' pha" geim" daba mae za:- 27Abraham jeim qe alhab' we' daga" au: qid lhai: khyo re kham: yu: ako".
Currently Selected:
APAN AQAO: 17: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
APAN AQAO: 17
17
Dao: Thang" Nho: Ave, Alho Ngad: Ra" Au: Qid Lhai: Khyo
1Abram apyad gug xe: gug zin ngad lao"-Asang wa yao: jhao" myao: thug' li" mung: ngo wa qam so' bo: thao" ra" Mao"So ngad:- nga" mho dao: re tae" gyo: mung: khonhae" re: jo: ra" khyo" kad' wa,- 2Ngo wa nao we' dao: thang" to: mung: myid:zo: myo: sho' ngo nao re byid: nae"- ga: ta" ra". 3Abram wa yao" myo, khung: myid gaung mae tin: sho' goe; gyo" ra". Mao"So wa yao: re- 4Ngo wa ce: dao: thang" re nao we' to" ra". Nao wa byumyu" myo: sho' nho: phug' pho" ngad: li" nae" rure ngo dao:so: to" ra". 5Ni" mang wa Abram mangad: lo nae"- Abraham ngad: li" nae". Pe"mung:ga"re ngo wa nao re byumyu" myo: sho' mo; nho: phug' pho" boe" nhao yang: ngad: ra". 6Ngo wa nao re myid:zo: myo: sho' byid: nae" yao: bam mae" daqhae: wa kho:kham jham ngad: li" genae" nao wa myid:zo: myo: sho' qo" li" mung: yao: bam wa byumyu" qe boe" li" genae".
7Apyad ato: dao: thang" khyo" ngo wa nga" dao:so: re ni" dao mae we' joe" lo nae" ayo, mae" ni" myid:zo: qe: qae" qe: dao mae dao:so: dang nae" ngo wa ni" Mao"So doe, mung: ni" myid:zo: qe: Mao"So ngad: li" nae". 8Ngo wa ana" nao taung bug vo khyo" na: jo; ra" ce: mung"dan: re- nao re we' ni" myid:zo: qere byid: nae". Ni" myid:zo: qe wa Khanan mung" geim" re khonhae" re: sang: li" genae". Amung: ngo wa yao: bam: Mao"So ngad: li" nae"-ga: ta" ra".
9Aimung: Mao"So wa Abraham re- nao yao: we' joe" lo nae" ayo, mae" ni" myid:zo: qe wa ngo we' kad' to" ra" dao: thang" re phug' cao" genae" ngad: ein: ra" khyo rere: nao myid vang" ca" ra". 10Nao we' ni" myid:zo: qe: phaung mae" yauggai yaug khao: ngo" wa au: qid lhai: khyo kham: yu ca" ein: ra" khyo re naonhaung" alhab' mo, myid vang" ca" ra". 11-12Ana" ba mae" thoegu: ni" yham mae khau: ra" jeim we' taung bug mang: mae" vai: yu: ra" jeim bobo yang: yauggai nau" yaug khao: ngo" wa khau thao she' ba ngad lao" au: qid lhai: khyo re kham: yu: ca" ako". Ceru wa nao we' nga" agyo: mae dao: thang" to" ra" khyo re qhu" byid' ru ngad: li" nae". 13Yaug khao: ngo" wa au: qid lhai: khyo re kham: yu qo: ra". Nao we' to" ra" nga" dao: thang" wa apyad ato ngad: ra" khyo re qhu" byid: nae" qhid' mae" ceru wa gaung sho: we' sin" ra" aso: ngad: li" nae". 14Au: qid lhai: khyo re makham: yu: ra" yauggai khag' re ngadqere: nga" byumyu" dayaug khyo" yao: re majho lo nae"- pe"mung:ga"re yao: wa ngo we' to" ra" dao: thang" re maphug' cao" yang: ngad: ra"- ga: ta" ra".
15Mao"So wa Abram re- nao wa ni" yham sang myhi" re Sarai ein: mamhang" lo nae" ngad: ra". Ana" mae" thoegu: yao" mang wa Sara ngad: ra". 16Ngo wa yao: re shaman" byid: nae"- ngo wa yao: khyo" yang nao re yauggai zo: dayaug byid: nae". Amung: yao: wa byumyu" qenho: yao: myhi" boe" lo: li" nae" yao" myid:zo: qe: phaung mae kho:kham qe bo: li" genae"- ga: ta" ra".
17Abraham wa yao" myo, khung: re myid gaung mae tin: sho' goe; gyo" ra"- ngadqere: yauggai dayaug wa yao" apyad dayo zin ngad thao zoshao qo" shinae" i? Sara wa apyad gug xe zin re zoshao qo" khau: nae" i? ga: myid: qu" yang: qi: ra". 18Ailao" yao: wa Mao"So re- nga" yham khaung ma re Ishmae re pe"mung: masang nhao nae" i? ga: myid' ra".
19Ngadqere: Mao"So wa- masang nhao nae"- ni" yham sang myhi" wa ni" qhid' mae" yauggai zo: dayaug re khau byid' li" nae". Nao wa yao: re Isag ga: mhang" byid' li" nae"- ngo wa nga" dao: thang" re yao: re we' yao" myid:zo: qe: dao mae apyad ato zaui" ci nae". Airu wa apyad ato: dao: thang" ngad: ra". 20Ishmae khyo we' sin: yang: ni" nho: mho' yao thoe re ngo the' gyo: va". Airu: mung: ngo wa yao: re shaman" byid: mung: zo: dau myo: sho' we' myid:zo: myo: sho' yao: re ngo byid: nae". Yao: wa kho:kham daxe: shid' yaug: nho: yao: pho" ngad: li" nae".Ngo wa yao" myid:zo: qere byumyu" qi: boe" nhao nae". 21Ngadqere: ngo wa nga" dao: thang" re sao nhag' ceyo, mae Sara yang khau nae" ra" ni" yauggai zo: Isag dao mae zam" ci nae"- ga: ta" ra". 22Mao"So wa Abraham re dao: bin: jhau lao" yao: mae" thug' lo" ra".
23Ai: ba mae yao:- Abraham wa Mao"So: dao: re phug' cao" mung: yao" yham mae khau: ra" jeim qe we' yao: vai: to" ra" jeim qe bobo yang: yao" yauggai zo: Ishmae we' yao" yham khug: byu gatau yauggai alhab' re au: qid lhai: khyo kad' byid' ra". 24Abraham wa yao: au: qid lhai: khyo re kham: yu: ra" au: yao" apyad wa gug xe: gug zin ngad mung:- 25Ishmae wa daxe: sam zin ngad: ra". 26Yao: shid' pha" geim" daba mae za:- 27Abraham jeim qe alhab' we' daga" au: qid lhai: khyo re kham: yu: ako".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009