MHO" PEIM: 22
22
1Nao wa- Israel mao:nhaung: dayaug: nho: nung: la,- yao la, du" lae" qin" ru the' myao: re mageim: daqu" lhai: pye' aire yao: jhao" dam: keim" lo" byid: wa,- 2Ngadqere: ai: gug'nyhug' sang wa gyai va" mae na: re- mangad: lao" aire khag' sang: ru nao maba ngad: re wa ni" yham khyo keim" lo" wa,- ai: ra" yham sang qin" joe" li" re yao: re airu lham: byid: wa,- 3Myao: dadau: re ngad ngad mai bau: dakhye' ngad ngad mangad: lao" gatau pe" ngadqere: ni" nho: Israel mao:nhaung: dayaug: yang ciphyaug' pye' rure re: ai we' dakhyo: cao" kad' wa,.
4Israel mao:nhaung: dayaug yaug: nho: myao:- mangad: lao" nung: dadau: gyang: lang" jo; re mamyao geim dakad' lai: to: co'- ai: gug'nyhug' re bao" tau: to' yu wa,.
5Myiqe: qe wa yauggai: mai bau: magai: ve, yauggai qere: myiqe" mai bau: magai: ve, airu: kad' mo, re naonhaung" Mao"So Asang nghang" ra".
6Sag' gae mae mangad: lao" myidgaung mae ngho' myhi" wa ngho' au" jham: dao mae ab' na: ru- mangad: lao" ngho' nau" jhui" ru bo: ra" ngho' sad' re nao yemyao: ngad: re- ngho' myhi" re magai: yu: pye' nae". 7Nao wa ngho' nau" jham re gai: sham" yu: ra" ngadqere: ngho' myhi" re nhao: ke' ca" ra". Airumung: nao wa kao so' qhang mung: qo" na: dai: ye: nae".
8Nao yham sag' kad' au: re- yham khaung dao gam: sho' lo, shad' te' to: nae" dato" myhid' wa,. Airu: ngad lao" byu dayaug yaug byid: gyo" shid ra" qobo nao mae mabo nae".
9Yo dakhyao: mae za: gatau: qhovo: qhoshi: re sabyi we' daga" magai: qho: nae"- airu: qho" ngad: re- sabyi shi: re ngad ngad gatau: qhovo: mae" ashi: re ngad ngad gai: ci nae" mangad:-
10Yothaung: phaug' nae" qhid' mae" nung: lo: we' myao: re daga" zham" mung: yo daphaug' ge,.
11Yao mug' we' da-au re lhag' yang: qo; to" ra" mai bau: re dave, ge,.
12Ni" mai bau: byid khyug geim" mae ashi: myho khyab' te' to: wa,-
Gaung Sho: Zam" Ru We' San: Sin" Ra" Tarha" Jham
13Byu dayaug wa- myiqe: nau" dayaug re lo, xo' yu mung: ai:thao re yao: re ma-o lo: ga:- dam: myid: phyid' pye' ein gelang:. 14Yao: wa ai: myiqe: re yao" yang lo, xo' yu: ra" au: zomyi: gyang" mangad: nhaung- ga: ta" mung: shad' ra" khyo" qobo zhaug' ra".
15Ceru: qe boe" thug' lo: re- myiqe: nau" nho: yao: myhi" yao: pho" tao wa- yao: zomyi: agyang" ngad: ra" aso: khyo" sa: de; ra" lo, xo' yab myhung: re yu: li" mung: tarha" yung" mae" vogaung" zug: ade, au: jhaung qere qhu" byid: ca" ra". 16Myiqe: nau" nho: yao: pho" wa yao: bam re- ngo wa nga" myiqe: zo: re ceyaug jhao" tho' zo" ke' va" ru ana" wa yao: ma-o lo:ngad: ra". 17Myiqe: nau" re yao: lo, xo' yu: ra" au: re zomyi: magyang" lonhaung ga: ana" mhug' pyag' mung: qobo zhaug' nae" ga: ta" na: ra". Ngadqere: nga" myiqe: zo: zomyi: agyang" ngad: ra" sagse: cemae jo; ra". Lo,xo' poe mae" yab myhung: re qu" qu" ge,- ga: ta" ca" ra". 18Aithao vogaung: zug: ade, au: jhaung qe wa yauggai yaug re jhui" yu mung: be, qo: ako". 19Yao: bam wa yao: re ngaui gyang" dayo kye' khyug' nhao mung: ai: ngaui kye' re myiqe: nau" nho: yao: pho" re byid: ca" ra". Pe"mung:ga"re- aiyaug wa Israel myiqe: nau" dayaug re nga: ngai nhao: ava". Aitho' mago" ai: myiqe: nau" wa yao: myi: xo' boe" li" nae" aimung: yao" pyad thao" sho' ai: myiqe: re magai: kao" pye' ngad: ra".
20Ngadqere:- qobo zhaug' ru dang mung: ai: myiqe: nau" zomyi: agyang" ngad: ra" sagse: majo, ngad: re wa- 21Zug: ade, qe wa myiqe: nau" re yao: pho" nho: yham vang" kham: khyo jhui" ye: mung:- yao" vogaung: mae" yauggai qeyang aimae laugbaui: yang ceim" pye' se' genae" ngad: ra". Yao: wa yao: pho" nho: yham mae na shi" au:- yham maqo" shire- gaung sho: zam" pye' ruyang ngonhaung" nho: byumyu" phaung khug mae qho' pho: kad' ava". Ceru: khyo" yang naonhaung" wa ce: makhyang: mashab: rure yu: pye' ca" genae" ngad: ra".
22Yauggai dayaug wa su: yham sang myhi" we' gaung sho: jho" zam" na: au: the' taung" ngad: re- yao: shid' zo" geim" re se' pye' ca" ra". Ceru kad' yang: naonhaung" wa ce: makhyang: mashab: rure yu: pye' ca" ra".
23Yauggai dayaug wa- yauggai dayaug: yang mho' to" ra" myiqe: nau" dayaug we' vogaung: khug mae gaung sho: zam" na: au: the' taung" yu: ein gelang:. 24Naonhaung" wa yao: shid' zo: re voyae khyo jhui" ye: mung: laugbaui: yang pye' se' pye' ca" ako". Myiqe: nau" wa- vogaung: mae na: jo; rumung: yao: gyi: hug' ke' re gai: the' gyo: ngadqere: bao" yu nae" mamho' hug' ra" mathao mae shid ca" ra". Yauggai yaug wa- su mho' to: va" myiqe: nau" we' gaung sho: zam" ra" mathao mae shid ca" ra". Ceru: kad' yang: naonhaung" wa ce: makhyang: mashab: rure yu: pye' ca" ako".
25Yauggai dayaug wa gatau dayaug mho' to: va" myiqe: nau" dayaug re vogaung: we' va" ra" seyo mae gaung sho: deim" zag: yab: pye' ein gelang:- airu: ngad lao"- yauggai yaug re za: agai: se' pye' ra". 26Myiqe: nau" re pe" magai: kad' ngad: ra". Pe"mung:ga"re- yao: wa shid man" ra" qobo mashad' ce: yug: mau" wa- byu dayaug: yaug gatau dayaug re khe' zin: mung: se' pye' au: mae" we' dakhyo: ngad: ra". 27Yauggai yaug wa gatau dayaug: yang mho' to: va" ra" myiqe: nau" re- vogaung: taung gaung seyo mae gaung sho: deim" zag yab: rumung: bao" yu nae" qhid' mae" myiqe: nau" hug' ngadqere:- yao: re bao" yu nae" khag' mana ngad: ra".
28Yauggai dayaug wa- khag' yang mamho' to: shi" ra" myiqe: nau" dayaug re gaung sho: deim" zag: zam" na: au: the' taung" ngad: re- 29Yao: wa myiqe: nau" nho: yao: pho" re- myhi" sag' phug' ngaui ngo" xe khyug' mung: ai: myiqe: nau" wa yao: myi: boe" ca" ra". Pe"mung:ga"re- yao: wa ai: myiqe: nau" re yao: we' gaung sho: zam" nae" qhid' mae" maqad maqui" zam" ava". Yao: wa yao" pyad thao" sho' ai: myiqe: nau" re khonhae" re magai: kao" pye' ngad: ra".
30Yauggai khoyaug ngadqere:- yao: pho" nho: yham sang myhi" dayaug yaug we' gaung sho: zam" mung: yao: pho" re nga: magai: ngai nhao ngad: ra".
Currently Selected:
MHO" PEIM: 22: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
MHO" PEIM: 22
22
1Nao wa- Israel mao:nhaung: dayaug: nho: nung: la,- yao la, du" lae" qin" ru the' myao: re mageim: daqu" lhai: pye' aire yao: jhao" dam: keim" lo" byid: wa,- 2Ngadqere: ai: gug'nyhug' sang wa gyai va" mae na: re- mangad: lao" aire khag' sang: ru nao maba ngad: re wa ni" yham khyo keim" lo" wa,- ai: ra" yham sang qin" joe" li" re yao: re airu lham: byid: wa,- 3Myao: dadau: re ngad ngad mai bau: dakhye' ngad ngad mangad: lao" gatau pe" ngadqere: ni" nho: Israel mao:nhaung: dayaug: yang ciphyaug' pye' rure re: ai we' dakhyo: cao" kad' wa,.
4Israel mao:nhaung: dayaug yaug: nho: myao:- mangad: lao" nung: dadau: gyang: lang" jo; re mamyao geim dakad' lai: to: co'- ai: gug'nyhug' re bao" tau: to' yu wa,.
5Myiqe: qe wa yauggai: mai bau: magai: ve, yauggai qere: myiqe" mai bau: magai: ve, airu: kad' mo, re naonhaung" Mao"So Asang nghang" ra".
6Sag' gae mae mangad: lao" myidgaung mae ngho' myhi" wa ngho' au" jham: dao mae ab' na: ru- mangad: lao" ngho' nau" jhui" ru bo: ra" ngho' sad' re nao yemyao: ngad: re- ngho' myhi" re magai: yu: pye' nae". 7Nao wa ngho' nau" jham re gai: sham" yu: ra" ngadqere: ngho' myhi" re nhao: ke' ca" ra". Airumung: nao wa kao so' qhang mung: qo" na: dai: ye: nae".
8Nao yham sag' kad' au: re- yham khaung dao gam: sho' lo, shad' te' to: nae" dato" myhid' wa,. Airu: ngad lao" byu dayaug yaug byid: gyo" shid ra" qobo nao mae mabo nae".
9Yo dakhyao: mae za: gatau: qhovo: qhoshi: re sabyi we' daga" magai: qho: nae"- airu: qho" ngad: re- sabyi shi: re ngad ngad gatau: qhovo: mae" ashi: re ngad ngad gai: ci nae" mangad:-
10Yothaung: phaug' nae" qhid' mae" nung: lo: we' myao: re daga" zham" mung: yo daphaug' ge,.
11Yao mug' we' da-au re lhag' yang: qo; to" ra" mai bau: re dave, ge,.
12Ni" mai bau: byid khyug geim" mae ashi: myho khyab' te' to: wa,-
Gaung Sho: Zam" Ru We' San: Sin" Ra" Tarha" Jham
13Byu dayaug wa- myiqe: nau" dayaug re lo, xo' yu mung: ai:thao re yao: re ma-o lo: ga:- dam: myid: phyid' pye' ein gelang:. 14Yao: wa ai: myiqe: re yao" yang lo, xo' yu: ra" au: zomyi: gyang" mangad: nhaung- ga: ta" mung: shad' ra" khyo" qobo zhaug' ra".
15Ceru: qe boe" thug' lo: re- myiqe: nau" nho: yao: myhi" yao: pho" tao wa- yao: zomyi: agyang" ngad: ra" aso: khyo" sa: de; ra" lo, xo' yab myhung: re yu: li" mung: tarha" yung" mae" vogaung" zug: ade, au: jhaung qere qhu" byid: ca" ra". 16Myiqe: nau" nho: yao: pho" wa yao: bam re- ngo wa nga" myiqe: zo: re ceyaug jhao" tho' zo" ke' va" ru ana" wa yao: ma-o lo:ngad: ra". 17Myiqe: nau" re yao: lo, xo' yu: ra" au: re zomyi: magyang" lonhaung ga: ana" mhug' pyag' mung: qobo zhaug' nae" ga: ta" na: ra". Ngadqere: nga" myiqe: zo: zomyi: agyang" ngad: ra" sagse: cemae jo; ra". Lo,xo' poe mae" yab myhung: re qu" qu" ge,- ga: ta" ca" ra". 18Aithao vogaung: zug: ade, au: jhaung qe wa yauggai yaug re jhui" yu mung: be, qo: ako". 19Yao: bam wa yao: re ngaui gyang" dayo kye' khyug' nhao mung: ai: ngaui kye' re myiqe: nau" nho: yao: pho" re byid: ca" ra". Pe"mung:ga"re- aiyaug wa Israel myiqe: nau" dayaug re nga: ngai nhao: ava". Aitho' mago" ai: myiqe: nau" wa yao: myi: xo' boe" li" nae" aimung: yao" pyad thao" sho' ai: myiqe: re magai: kao" pye' ngad: ra".
20Ngadqere:- qobo zhaug' ru dang mung: ai: myiqe: nau" zomyi: agyang" ngad: ra" sagse: majo, ngad: re wa- 21Zug: ade, qe wa myiqe: nau" re yao: pho" nho: yham vang" kham: khyo jhui" ye: mung:- yao" vogaung: mae" yauggai qeyang aimae laugbaui: yang ceim" pye' se' genae" ngad: ra". Yao: wa yao: pho" nho: yham mae na shi" au:- yham maqo" shire- gaung sho: zam" pye' ruyang ngonhaung" nho: byumyu" phaung khug mae qho' pho: kad' ava". Ceru: khyo" yang naonhaung" wa ce: makhyang: mashab: rure yu: pye' ca" genae" ngad: ra".
22Yauggai dayaug wa su: yham sang myhi" we' gaung sho: jho" zam" na: au: the' taung" ngad: re- yao: shid' zo" geim" re se' pye' ca" ra". Ceru kad' yang: naonhaung" wa ce: makhyang: mashab: rure yu: pye' ca" ra".
23Yauggai dayaug wa- yauggai dayaug: yang mho' to" ra" myiqe: nau" dayaug we' vogaung: khug mae gaung sho: zam" na: au: the' taung" yu: ein gelang:. 24Naonhaung" wa yao: shid' zo: re voyae khyo jhui" ye: mung: laugbaui: yang pye' se' pye' ca" ako". Myiqe: nau" wa- vogaung: mae na: jo; rumung: yao: gyi: hug' ke' re gai: the' gyo: ngadqere: bao" yu nae" mamho' hug' ra" mathao mae shid ca" ra". Yauggai yaug wa- su mho' to: va" myiqe: nau" we' gaung sho: zam" ra" mathao mae shid ca" ra". Ceru: kad' yang: naonhaung" wa ce: makhyang: mashab: rure yu: pye' ca" ako".
25Yauggai dayaug wa gatau dayaug mho' to: va" myiqe: nau" dayaug re vogaung: we' va" ra" seyo mae gaung sho: deim" zag: yab: pye' ein gelang:- airu: ngad lao"- yauggai yaug re za: agai: se' pye' ra". 26Myiqe: nau" re pe" magai: kad' ngad: ra". Pe"mung:ga"re- yao: wa shid man" ra" qobo mashad' ce: yug: mau" wa- byu dayaug: yaug gatau dayaug re khe' zin: mung: se' pye' au: mae" we' dakhyo: ngad: ra". 27Yauggai yaug wa gatau dayaug: yang mho' to: va" ra" myiqe: nau" re- vogaung: taung gaung seyo mae gaung sho: deim" zag yab: rumung: bao" yu nae" qhid' mae" myiqe: nau" hug' ngadqere:- yao: re bao" yu nae" khag' mana ngad: ra".
28Yauggai dayaug wa- khag' yang mamho' to: shi" ra" myiqe: nau" dayaug re gaung sho: deim" zag: zam" na: au: the' taung" ngad: re- 29Yao: wa myiqe: nau" nho: yao: pho" re- myhi" sag' phug' ngaui ngo" xe khyug' mung: ai: myiqe: nau" wa yao: myi: boe" ca" ra". Pe"mung:ga"re- yao: wa ai: myiqe: nau" re yao: we' gaung sho: zam" nae" qhid' mae" maqad maqui" zam" ava". Yao: wa yao" pyad thao" sho' ai: myiqe: nau" re khonhae" re magai: kao" pye' ngad: ra".
30Yauggai khoyaug ngadqere:- yao: pho" nho: yham sang myhi" dayaug yaug we' gaung sho: zam" mung: yao: pho" re nga: magai: ngai nhao ngad: ra".
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009