2 KHO:KHAM MHOMYI: 2
2
caung:pa" Yham Kad' Nae" Qhid' Mae" Seim" Nyhang" Ru
(1 Kho:kham 5.1-18)
1Kho:kham Sholamon wa Asang re caung:pa" nae" jo, qo caung:pa" yham dayham kad' nae" we' yao" qhid' mae" re: kho:kham kho" kad' nae" rure myid: phyid' ra". 2Yao: wa yham vo: zai tai nae" byu nhad' tug yaug we' bam mug: khaung: mae laug kho' nyhang" nae" byu she' tug yaug re mau" kad' nhao: to" ra". Ai: mau" re qu" nae" qhid' mae" byu sam taung: khyaug yo yaug na: ako".
3Sholamon wa Ture kho:kham Hiram jhao" lagyo: nhao: ke' mung: nga" pho" kho:kham Davi yao" kho:kham kho" kad' nae" qhid' mae" nao: yang yao: re shaug' gae sag' thaung: jham aung: byid' ru we' dakhyo: ngo we' phaga: ga: lang:- 4Ngo wa nga" Mao"So Asang re nga: yhe' byid: nae" qhid' mae" caung:pa" yham dalam: kad' na:- ai nga" amyu" byu qe we' ngo sheim nae pyo: ja: phad' ngaui" yang: yao: re caung:pa" nae" jo, qo- ngonhaung" yao: re gyang" lho" ra" mug abang mabyid ngaui" byid: nae" jo, qo- ngonhaung" ne, seim myi" thao khao: ngo"- Dugno: Ba- lho" xin: poe jham we' ngonhaung" Mao"So Asang re nga: yhe' byid' ra" ba na gatau: gyang" lho" ba na jham mae re: ngaui" xeim: phad' ngaui" byid' ra" gyang" lho" ra" jo, qo ngad: li" nae". Yao: wa cere apyad ato mae kad' genae" qhid' mae" Israel byu qere amyin" byid' to" ava". 5Ngo wa qi" qhang: ra" caung:pa" yham dalam: kad' nae" yaung: to"- pe"mung:ga"re ngonhaung" Mao"So wa so gatau tho' je: qi: yaug ngad: ra". 6Ngadqere: Mao"So: qhid' mae" caung:pa" yham re khag' dayaug re: gaigai: yao: maqo" kad' ngad: ra". Pe"mung:ga"re mug: khaung geim" mae lhao" re: matho' qui" ngad: ra". Aire ngo wa Mao"So re sheim nae pyo: ja: phad' ngaui" nae" jo, qo tho' mae" je yang: khoru: caung:pa" yham qo" kad' nae" i? 7Ana" co' kyaung" tung" ra" mau" mae- qhang- ngaui gyid: bo"- jo, to' mau" mae we' mai bau: mae mhai: nyhug- amo, nyhug- ane anyhug khyab' ra" mau" mae jhao: ra" byu dayaug re ke' byid: la,- yao: wa Yuda Yerusalem mae nga" pho" yang khyin: to: co' ra" lo, mau" zaui: mo, we' daga" mau" zaui" li" nae". 8Ni" byu qe sag' the: mau" mae khoqhi" jhao ko" rure ngo ba:- aimung: Lebanon bam mae" shaug' the:- qhoje; sag' the:- algum sag' thaung: jham ngore dai" ke' la,. 9Ngo wa sag' the: myo: sho' kho' nyhang" seim" ra" mau" mae ni" byu qere bao" thaug' byid: nae" nga" byu qere nhao: ke' nae" jin" jin" ngad va". Pe"mung:ga"re ngo kad' nae" seim" to" ra" ce: caung:pa" yham wa qi: mung: gyag nae". 10Ni" byu qe: qhid' mae" zokho khyo" jung: gaug tang shid' tug- bale gaug tang shid' tug- sabyi qang: ga:lan: datig: datug- zhanlun xau ga:lan: datig: datug ngo vhin: ke' byid: nae" ga:- ta" ke' ra".
11Kho:kham Hiram wa vhin tung" tung" yang: Sholamon re dao: phaug' ke' ra". Yao: wa Asang wa yao" byu qere jhid'de; ruyang nao re yao: bam: kho:kham kad' nhao: ava". 12Mug:gaung we' myidgaung re phan" to: yaug Israel nho: Mao"So Asang re caung:khin" ge,- yao: wa kho:kham Davi re ana" Asang: qhid' mae" caung:pa" yham we' yao: yao" qhid' mae" kho:kham kho" kad' nae" yaung: to" ra" pha,jhi" bo mung: laba lajhao kung: ra" yauggai zo: dayaug byid' ava". 13Ngo wa pha,jhi" bo mung: jhao: ra" lo, mau" zaui: sara Huram re nao jhao" nhao: ke' nae". 14Yao: myhi" wa Dan amyu" kaung mae bobo yaug ngad mung:- yao: pho" wa Ture vobyu ngad: ra". Yao: wa qhang- ngaui- gyid: bo"- jo, to'- laug- sag' jham mae" zai khoru: kad' thug' ke' nae" ba yaug ngad: ra". Yao: wa jid: mo" pin" yang mai bau:- mhai: nyhug- ane nyhug- ba: khyab' yaug ngad: ra". Yao: wa co' kyaung" tung" ra" mau" aja: ja: we' yao: re pha,jhi" byid' ra" ja: pe" lho rere: qu" yang: ba: kad' yaug ngad: ra". Yao: re ni" nho: lo, mau" zaui: mo, we' ni" pho" qhid' mae" mau" zaui: byid: mo, we' daga" mau" zaui: nhao wa,. 15Aimung: ngonhaung" re nao dao:so: byid' to" ra" jung: gaug- bale gaug- sabyi qang:- zhanlun xau jham re ana" vhin: ke' byid: la,- 16Lebanon bam mae" nao qo" ca" ra" shaug' gae jham alhab' re ngonhaung" thau nae"- aijham re pug zag mung: panglai: khyo" Yopa joe" sho' myung: gyo" lo byid: nae". Aimae" ai: sag' jham re nao Yerusalem khyo gai: tai: lo" ra" ga: tung" ke' ra".
caung:pa" Yham Kad' Qhid: Ra" Khyo
(1 Kho:kham 6.1-38)
17Kho:kham Sholamon wa Israel mung" mae na ko" ra" taung bug byu qe alhab' re yao: pho" Davi gaug: yu: ra" byu japhin: ru" ru byu japhin: re gaug: yu: ra". Taung bug byu qe 153,600 yaug na: ako". 18Yao: wa aibam mae" 70,000 yaug re wa yham vo: zai tai nae"- 80,000 yaug re wa bam jham mae laug kho' nyhang" nae"- mau" kho' mung: 3,600 yaug re wa mau" zo" re qu" gam mau" pyo nae" san: to" ra".
Currently Selected:
2 KHO:KHAM MHOMYI: 2: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
2 KHO:KHAM MHOMYI: 2
2
caung:pa" Yham Kad' Nae" Qhid' Mae" Seim" Nyhang" Ru
(1 Kho:kham 5.1-18)
1Kho:kham Sholamon wa Asang re caung:pa" nae" jo, qo caung:pa" yham dayham kad' nae" we' yao" qhid' mae" re: kho:kham kho" kad' nae" rure myid: phyid' ra". 2Yao: wa yham vo: zai tai nae" byu nhad' tug yaug we' bam mug: khaung: mae laug kho' nyhang" nae" byu she' tug yaug re mau" kad' nhao: to" ra". Ai: mau" re qu" nae" qhid' mae" byu sam taung: khyaug yo yaug na: ako".
3Sholamon wa Ture kho:kham Hiram jhao" lagyo: nhao: ke' mung: nga" pho" kho:kham Davi yao" kho:kham kho" kad' nae" qhid' mae" nao: yang yao: re shaug' gae sag' thaung: jham aung: byid' ru we' dakhyo: ngo we' phaga: ga: lang:- 4Ngo wa nga" Mao"So Asang re nga: yhe' byid: nae" qhid' mae" caung:pa" yham dalam: kad' na:- ai nga" amyu" byu qe we' ngo sheim nae pyo: ja: phad' ngaui" yang: yao: re caung:pa" nae" jo, qo- ngonhaung" yao: re gyang" lho" ra" mug abang mabyid ngaui" byid: nae" jo, qo- ngonhaung" ne, seim myi" thao khao: ngo"- Dugno: Ba- lho" xin: poe jham we' ngonhaung" Mao"So Asang re nga: yhe' byid' ra" ba na gatau: gyang" lho" ba na jham mae re: ngaui" xeim: phad' ngaui" byid' ra" gyang" lho" ra" jo, qo ngad: li" nae". Yao: wa cere apyad ato mae kad' genae" qhid' mae" Israel byu qere amyin" byid' to" ava". 5Ngo wa qi" qhang: ra" caung:pa" yham dalam: kad' nae" yaung: to"- pe"mung:ga"re ngonhaung" Mao"So wa so gatau tho' je: qi: yaug ngad: ra". 6Ngadqere: Mao"So: qhid' mae" caung:pa" yham re khag' dayaug re: gaigai: yao: maqo" kad' ngad: ra". Pe"mung:ga"re mug: khaung geim" mae lhao" re: matho' qui" ngad: ra". Aire ngo wa Mao"So re sheim nae pyo: ja: phad' ngaui" nae" jo, qo tho' mae" je yang: khoru: caung:pa" yham qo" kad' nae" i? 7Ana" co' kyaung" tung" ra" mau" mae- qhang- ngaui gyid: bo"- jo, to' mau" mae we' mai bau: mae mhai: nyhug- amo, nyhug- ane anyhug khyab' ra" mau" mae jhao: ra" byu dayaug re ke' byid: la,- yao: wa Yuda Yerusalem mae nga" pho" yang khyin: to: co' ra" lo, mau" zaui: mo, we' daga" mau" zaui" li" nae". 8Ni" byu qe sag' the: mau" mae khoqhi" jhao ko" rure ngo ba:- aimung: Lebanon bam mae" shaug' the:- qhoje; sag' the:- algum sag' thaung: jham ngore dai" ke' la,. 9Ngo wa sag' the: myo: sho' kho' nyhang" seim" ra" mau" mae ni" byu qere bao" thaug' byid: nae" nga" byu qere nhao: ke' nae" jin" jin" ngad va". Pe"mung:ga"re ngo kad' nae" seim" to" ra" ce: caung:pa" yham wa qi: mung: gyag nae". 10Ni" byu qe: qhid' mae" zokho khyo" jung: gaug tang shid' tug- bale gaug tang shid' tug- sabyi qang: ga:lan: datig: datug- zhanlun xau ga:lan: datig: datug ngo vhin: ke' byid: nae" ga:- ta" ke' ra".
11Kho:kham Hiram wa vhin tung" tung" yang: Sholamon re dao: phaug' ke' ra". Yao: wa Asang wa yao" byu qere jhid'de; ruyang nao re yao: bam: kho:kham kad' nhao: ava". 12Mug:gaung we' myidgaung re phan" to: yaug Israel nho: Mao"So Asang re caung:khin" ge,- yao: wa kho:kham Davi re ana" Asang: qhid' mae" caung:pa" yham we' yao: yao" qhid' mae" kho:kham kho" kad' nae" yaung: to" ra" pha,jhi" bo mung: laba lajhao kung: ra" yauggai zo: dayaug byid' ava". 13Ngo wa pha,jhi" bo mung: jhao: ra" lo, mau" zaui: sara Huram re nao jhao" nhao: ke' nae". 14Yao: myhi" wa Dan amyu" kaung mae bobo yaug ngad mung:- yao: pho" wa Ture vobyu ngad: ra". Yao: wa qhang- ngaui- gyid: bo"- jo, to'- laug- sag' jham mae" zai khoru: kad' thug' ke' nae" ba yaug ngad: ra". Yao: wa jid: mo" pin" yang mai bau:- mhai: nyhug- ane nyhug- ba: khyab' yaug ngad: ra". Yao: wa co' kyaung" tung" ra" mau" aja: ja: we' yao: re pha,jhi" byid' ra" ja: pe" lho rere: qu" yang: ba: kad' yaug ngad: ra". Yao: re ni" nho: lo, mau" zaui: mo, we' ni" pho" qhid' mae" mau" zaui: byid: mo, we' daga" mau" zaui: nhao wa,. 15Aimung: ngonhaung" re nao dao:so: byid' to" ra" jung: gaug- bale gaug- sabyi qang:- zhanlun xau jham re ana" vhin: ke' byid: la,- 16Lebanon bam mae" nao qo" ca" ra" shaug' gae jham alhab' re ngonhaung" thau nae"- aijham re pug zag mung: panglai: khyo" Yopa joe" sho' myung: gyo" lo byid: nae". Aimae" ai: sag' jham re nao Yerusalem khyo gai: tai: lo" ra" ga: tung" ke' ra".
caung:pa" Yham Kad' Qhid: Ra" Khyo
(1 Kho:kham 6.1-38)
17Kho:kham Sholamon wa Israel mung" mae na ko" ra" taung bug byu qe alhab' re yao: pho" Davi gaug: yu: ra" byu japhin: ru" ru byu japhin: re gaug: yu: ra". Taung bug byu qe 153,600 yaug na: ako". 18Yao: wa aibam mae" 70,000 yaug re wa yham vo: zai tai nae"- 80,000 yaug re wa bam jham mae laug kho' nyhang" nae"- mau" kho' mung: 3,600 yaug re wa mau" zo" re qu" gam mau" pyo nae" san: to" ra".
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009