2 KHO:KHAM MHOMYI: 12
12
Yuda Mung" Khyo Egutu Kho:kham Dayaug Jhin" Vao Ye" Ra" Khyo
(1 Kho:kham 14.25-28)
1Rehoboam wa kho:kham khyo" yao" kheim: so' bin: qo" yu: to: we' yao: we' yao" byumyu" qe alhab' wa Asang: Tarha" re shapye' pye' ako". 2Rehoboam eib: ru ngo" zin ein: zin mae Asang re yao: bam jhaug' mazaug: ru mathao mae qobo dae byid' ru qhug' ako". Egutu kho:kham Shishag wa 3Gyekhe' myao: lhin" dataung: shid' yo- myao: jui: gyezo: khyaug' tug- Libya- Sukid- Kusha gyezo: qe bobo mung: matho' nghe' losho' ra" gyezo: bo: ra" gyetab we' Yerusalem re gye li" zin" ra". 4Yao: wa Yuda mung" mae" gyetab vogaung: jham re sang: yu mung: Yerusalem joe" sho' aung: vao ye" ra".
5Lapa Shemia wa Shishag nho: lo, mae" phao: loe, nae" qhid' mae" Yerusalem mae zang" ham: na ko" ra" kho:kham Rehoboam we' Yuda au: jhaung qejhao" ye" ra". Yao: wa yao: bam re- ce wa naonhaung" qhid' mae" Asang: mungdao: ngad: ra". Naonhaung" wa ngore shapye' to: co' ako". Amung: ana" ngo wa naonhaung" re Shishag nho: lo, khyo shapye' pye' va"- ga: ta" ra".
6Kho:kham pho" we' au: jhaung qe wa yao: bam qobo shad' lhoe" va" khyo re lhang: yu: ako". Yao: bam wa Asang kad' ru wa tarha" din: nyang: ra"- ga: ta" ako".
7 Asang wa ceru re myao lao"- yao: wa Shemia re dam: jhau mung: yao: re- yao: bam: qobo re yao: bam lhang: yu vako" ruyang ngo wa yao: bam re maphyo' qheim" pye' nae". Ngadqere: Shishag gye li" zin: lao" yao: bam wa lo, cin na: dang: li" genae". Yerusalem wa nga" nhag' yo" rure byang" sho' makham zo: nae". 8Ngadqere: Shishag wa yao: bam re aung: pye' li" nae". Yao: bam wa ngore caung da" byid' ru we' myidgaung kho:kham qere caung da" byid' ru jho" shai" ra" khyo re zhao: yu: li" genae"- ga: yao: re ta" ra".
9Kho:kham Shishag wa Yerusalem khyo joe" li" mung: Caung:pa" Yham we' kho:kham kho" mae" phug' de; ra" jo,nho" jham re yu: yu: ra". Yao: wa kho:kham Sholamon kad' to" ra" qhang go jham we' ja: khao: ngo" re yu: yu: ra". 10Aijham: atha" ke' nae" qhid' mae" Rehoboam wa gyid: bo" go jham re kad' mung: kho:kham kho" kham: zaung" ra" qo qo" mo, re ab: to" ra". 11Kho:kham pho" Caung:pa" Yham khyo ye: khao: ngo" zaung" ra" mo, wa ai: go jham re dao: ye: mung: thao re aijham re zaung" ra" qe, mae dam: dao: to" ako". 12Yao: wa Asang re yao" gaung yao: nyham: khyo" mung: qhaug' byid: mung: Asang: nhag' yo" ru wa yao: re bin sho' maphyo' qheim" pye' ngad: ra".
Rehoboam Eib: Ra" Khyo A Qhaung:
13Rehoboam wa Yerusalem mae eib: na mung: yao" kho:kham kheim: so' wa do, li" ra". Yao: kho:kham boe" li" au: yao" apyad wa byid xe: dazin ngad: ra". Amung: yao: re caung:pa" byid: nae" jo, qo khyo"- Israel mung" alhab' mae" Asang khyin: yu: to" ra". Yerusalem mae daxe: nhad' zin eib: ra". Rehoboam nho: yao: myhi" wa Amon mung" mae" Naama ga: yaug ngad: ra". 14Yao: wa makhyang" rure kad' ra". Pe"mung:ga"re yao: wa Asang: myid o: rure maqho ngad: ra".
15Rehoboam nho: lo, mau" jham aqhid mae" lo" thao" sho' mae" akhyo we' yao" yham khaung we' sin" ra" tung" xam: jham wa (Lapa Shemia nho: mhomyi: paug' we' lapa Ido nho: mhomyi: paug' ga" rumae bobo: ra". Rehoboam we' Yeroboam wa mathang xo' yang: dayaug we' dayaug gye jho" zin" ako". 16Rehoboam wa shid: lo" mung: Davi vogaung: kho:kham lab mae nyhab' pye' ako". Yao" yauggai zo: Abiya wa yao" khu mae kho:kham xo' kad' ra".
Currently Selected:
2 KHO:KHAM MHOMYI: 12: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
2 KHO:KHAM MHOMYI: 12
12
Yuda Mung" Khyo Egutu Kho:kham Dayaug Jhin" Vao Ye" Ra" Khyo
(1 Kho:kham 14.25-28)
1Rehoboam wa kho:kham khyo" yao" kheim: so' bin: qo" yu: to: we' yao: we' yao" byumyu" qe alhab' wa Asang: Tarha" re shapye' pye' ako". 2Rehoboam eib: ru ngo" zin ein: zin mae Asang re yao: bam jhaug' mazaug: ru mathao mae qobo dae byid' ru qhug' ako". Egutu kho:kham Shishag wa 3Gyekhe' myao: lhin" dataung: shid' yo- myao: jui: gyezo: khyaug' tug- Libya- Sukid- Kusha gyezo: qe bobo mung: matho' nghe' losho' ra" gyezo: bo: ra" gyetab we' Yerusalem re gye li" zin" ra". 4Yao: wa Yuda mung" mae" gyetab vogaung: jham re sang: yu mung: Yerusalem joe" sho' aung: vao ye" ra".
5Lapa Shemia wa Shishag nho: lo, mae" phao: loe, nae" qhid' mae" Yerusalem mae zang" ham: na ko" ra" kho:kham Rehoboam we' Yuda au: jhaung qejhao" ye" ra". Yao: wa yao: bam re- ce wa naonhaung" qhid' mae" Asang: mungdao: ngad: ra". Naonhaung" wa ngore shapye' to: co' ako". Amung: ana" ngo wa naonhaung" re Shishag nho: lo, khyo shapye' pye' va"- ga: ta" ra".
6Kho:kham pho" we' au: jhaung qe wa yao: bam qobo shad' lhoe" va" khyo re lhang: yu: ako". Yao: bam wa Asang kad' ru wa tarha" din: nyang: ra"- ga: ta" ako".
7 Asang wa ceru re myao lao"- yao: wa Shemia re dam: jhau mung: yao: re- yao: bam: qobo re yao: bam lhang: yu vako" ruyang ngo wa yao: bam re maphyo' qheim" pye' nae". Ngadqere: Shishag gye li" zin: lao" yao: bam wa lo, cin na: dang: li" genae". Yerusalem wa nga" nhag' yo" rure byang" sho' makham zo: nae". 8Ngadqere: Shishag wa yao: bam re aung: pye' li" nae". Yao: bam wa ngore caung da" byid' ru we' myidgaung kho:kham qere caung da" byid' ru jho" shai" ra" khyo re zhao: yu: li" genae"- ga: yao: re ta" ra".
9Kho:kham Shishag wa Yerusalem khyo joe" li" mung: Caung:pa" Yham we' kho:kham kho" mae" phug' de; ra" jo,nho" jham re yu: yu: ra". Yao: wa kho:kham Sholamon kad' to" ra" qhang go jham we' ja: khao: ngo" re yu: yu: ra". 10Aijham: atha" ke' nae" qhid' mae" Rehoboam wa gyid: bo" go jham re kad' mung: kho:kham kho" kham: zaung" ra" qo qo" mo, re ab: to" ra". 11Kho:kham pho" Caung:pa" Yham khyo ye: khao: ngo" zaung" ra" mo, wa ai: go jham re dao: ye: mung: thao re aijham re zaung" ra" qe, mae dam: dao: to" ako". 12Yao: wa Asang re yao" gaung yao: nyham: khyo" mung: qhaug' byid: mung: Asang: nhag' yo" ru wa yao: re bin sho' maphyo' qheim" pye' ngad: ra".
Rehoboam Eib: Ra" Khyo A Qhaung:
13Rehoboam wa Yerusalem mae eib: na mung: yao" kho:kham kheim: so' wa do, li" ra". Yao: kho:kham boe" li" au: yao" apyad wa byid xe: dazin ngad: ra". Amung: yao: re caung:pa" byid: nae" jo, qo khyo"- Israel mung" alhab' mae" Asang khyin: yu: to" ra". Yerusalem mae daxe: nhad' zin eib: ra". Rehoboam nho: yao: myhi" wa Amon mung" mae" Naama ga: yaug ngad: ra". 14Yao: wa makhyang" rure kad' ra". Pe"mung:ga"re yao: wa Asang: myid o: rure maqho ngad: ra".
15Rehoboam nho: lo, mau" jham aqhid mae" lo" thao" sho' mae" akhyo we' yao" yham khaung we' sin" ra" tung" xam: jham wa (Lapa Shemia nho: mhomyi: paug' we' lapa Ido nho: mhomyi: paug' ga" rumae bobo: ra". Rehoboam we' Yeroboam wa mathang xo' yang: dayaug we' dayaug gye jho" zin" ako". 16Rehoboam wa shid: lo" mung: Davi vogaung: kho:kham lab mae nyhab' pye' ako". Yao" yauggai zo: Abiya wa yao" khu mae kho:kham xo' kad' ra".
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009