प्रेरीत 13
13
बरनाबास रा शाऊलला दाम्दी ताङ्क्योक
1एन्टीओखीयाइ कोःम्साला कोन्ज्योइ लेःङ्गो तेर्केनक्या ओःले लोबेनक्या माःङ्बुरा एःके। खुङक्या बरनाबास, नाःक्पु लाःकेन शीमीयोन, कुरेनीइ लुकीयस, हेरोद ङीमुरा छार्क्योक मनेन ओःले शाऊल एःके। 2खुङक्या प्रभुला आराधना पेःदेरा ओःले खा चाङ्मा तेःतेरा एःकासुना, चाङ्मा लाइ खुङक्याला लाःसी, “कोःदो, बरनाबास रा शाऊलला ङाःइ काःखो लेःगाइ लागी दाम्दी एःपा, ओःखोरा लेःगाइ लागीरा छुट्टाइतीदो।” 3खुङक्या फीर्च्या खा चाङ्मा तेःसी ओःले प्रार्थना पेःसी, ओःले खुङक्याइ बरनाबास रा शाऊलखाला लाःक्पा ज्यासी ओःले खुङक्याला ताङ्तेर्सी।
बरनाबास रा शाऊल साइप्रसला
4चाङ्मा लाइ ताङ्क्योक सोङ्गारा बरनाबास रा शाऊल सीलुकीया क्याःसाला काःल्सी। ओःलाःम्ले खुङक्या जहाजला जादी साइप्रसला काःल्सी। 5खुङक्या सलामीसला लेप्मीःजीक यहुदीक्याइ जोम्साखीमक्याला स्युःदी कोन्ज्योइ सुङ प्रचार पेःगाला स्युःसी। खुङक्याइ मर्कुस लाःकेन युहन्नालाङ खुङक्याला रोः पेःजेला खेर्ती एःके।
6खुङक्या साइप्रसकीइ थाम्जेरछ्योले कोर्तेरा डोगासुना पाफोसला ओःङ्सी। खुङक्याइ ओःला बार-येशु लाःकेन मेःन्दा चीग जादु तेङेन यहुदीला फ्रेसी। खुङगीइ राःङला कोन्ज्योइ लेःङ्गो तेर्केन्दी मीः लाःकुके। 7ओः जादु पेःगेन्दी हाकीम सर्गीयस पौलसकीइ रोः एःके। खुङ नावा साल्बु मीः एःके। ओः हाकीमला कोन्ज्योइ सुङ कोःगेन सेम एःक्योक सोङ्गारा खुङगीइ बरनाबास रा शाऊलला केक्याःप्काला ताङ्सी। 8इःनाङ जादु पेःगेन्दी बार-येशुइ (ग्रीक तामला खुङगीइ मीःन एलुमास इःङे, ओःखोइ लेःन लाःक्योकदी जादु पेःगेन्दी इःङे) खुङक्याइ वीरुद्धला ताम लाःसी ओःले खुङगीइ सर्गीयस पौलसला प्रभु येशुला सेमल्हुक मालु लाःती वाःम्जे छोल्सी। 9शाऊल (खुङला पावल लाःतीङ लाःकुके) चाङ्मा लाइ काःङ्दी एलुमासला थेकारा तासी ओःले लाःसी, 10“ख्यो शैतानगीइ पीःजा इःङे, ओःले थाम्जेर याःबु तामगीइ टाःलाङ इःङे! ख्यो स्योप क्युःर्केन ताम ओःले माःताक्पा सेमगीइ काःङ्दी एः। ची ख्यो प्रभुइ तेःन्दामगीइ लेःङ्गोला क्योजे नाःमाङ मेःपोःर? 11ताः तादो, ख्योला प्रभुइ सजाय तेर्केन एः ओःले ख्यो माःङ्बुरा ङीःमाथुप मी मेःथोङेन्दी काःल्दी आमा ङीःमाइ साङ्बु मेःथोङेन एः।” ओः तेःकासुरा खोइ मीला नाःक्पु मुक्पा च्योःङ्राइ उप्सी ओःले खो मी मेःथोङेन्दी काःल्सी ओःले सुइयाङ खुङगीइ लाःक्पाला जुम्दी डोर्याइतेर्च्युक लाःती छुरफार डोगाला स्युःसी।
12हाकीमगीइ दीखो थोङ्दी प्रभु येशुला सेमल्हुक लुसी, चीलेलाःना खुङ प्रभुइ बारेइ शीक्षा थोङ्दी याःमाछाक काःल्सी।
पावल रा बरनाबास पीसीदीयाइ एन्टीओखीयाला
13पावल ओःले खुङगीइ रोःक्या पाफोसलाःम्ले जहाजला जादी पामफीलीयाइ पर्गाला लेप्सी। ओःलाःम्ले मर्कुस लाःकेन युहन्नाइ पावल ओःले बरनाबासला पोःर्ती यरुशलेमला लोःदी काःल्सी। 14पावल ओःले बरनाबासदी पर्गामीःजीक पीसीदी छेत्रयाइ एन्टीओखीयाला काःल्सी ओःले यहुदीक्याइ थाङ सोगेन ङीःमाला खुङक्या जोम्साखीमला काःल्दी तेःसी। 15मोशाइ तेर्क्योक ठीम ओःले कोन्ज्योइ लेःङ्गो तेर्केनक्याइ प्रुःक्योक पेज्याक्या टोःमीःजीक जोम्साखीमगीइ छेस्यो मीःक्याइ पावल ओःले बरनाबासला केक्याःप्ती लाःसी, “नोःक्या, ख्याक्या ङीमु दी मीःक्याला साहस तेर्केन चीङ ताम एः लाःना लोःप।”
16ओःले पावल लाःङ्दी मीःक्याला छ्याबे तेः लाःती लाःक्पाइ लाःदाप पेःसी ओःले लाःकाला स्युःसी, “इस्राएली आतानोःक्या ओःले कोन्ज्यो ङीमु जीबा पेःगेन राःङ्सा क्युःपाइ मीःक्या, ङाःइ लाःक्योक कोःदो! 17इस्राएली मीःक्याइ कोन्ज्योइ उःइ फाफामुक्याला दाम्सी ओःले खुङक्या मीश्र देशला एःकासुना खुङक्याला छ्योम्बो क्युःपा जोसी। ओःले कोन्ज्योइ खुङगीइ छ्योम्बो ल्हेइ खुङक्याला ओः देशलाःम्ले तेङ्दी ख्योङ्सी। 18ओःले खुङक्या उजाड ठाउँला एःकासुना कोन्ज्योइ लोः खाल ङीथुप खुङक्याला याःबुले तासी। 19ओःले कोन्ज्योइ कनान देशकीइ तीःनथाल क्युःपाक्याला सीःङ्दाक थासी ओःले ओः देश उःइ फाफामुक्याला तेर्सी। 20ओः तेःकासुथुपला लोः क्याः सीः रा खाल ङी रा च्यु जे काःल्सीःङ्दी एःके। ओः तीङ्ला कोन्ज्योइ खुङक्याइ कील्ला क्याःल्खाप पेःजेला ठीम पेःगेन्दीक्या तेर्सी। ठीम पेःगेन्दीक्याइ कोन्ज्योइ लेःङ्गो तेर्केन्दी शमुएलगीइ तीःनामथुप लेःगा पेःसी। 21ओः तीङ्ला खुङक्याइ क्याःल्बु चीग लाङ्सी, ओःले कोन्ज्योइ खुङक्याला बेन्यामीन कुलगीइ कीशकीइ पुः शाऊलला तेर्सी ओःले खुङगीइ लोः खाल ङीथुप क्याःल्खाप पेःसी। 22कोन्ज्योइ खुङला छेसालाःम्ले तेङ्मीःजीक खुङगीइ दाऊदला क्याःल्बु जोसी। दाऊदकीइ बारेलादी कोन्ज्योइ एःन्डुले लाःती एः, ‘यीशैगीइ पुः दाऊद ङाःइ च्योःङ्रारा सेम एःक्योक मीः इःङे। खुङगीइ ङाःइ लागी ङाःइ सेम थेक्योक थाम्जेर लेःगा पेःगेन एः।’#१ शमुएल १३:१४ 23दाऊदकीइ छार्क्युफुर्क्युक्यालाःम्लेरा कोन्ज्योइ ताःम्ज्या पेःक्योक थार्च्युगेन्दी येशुला उः इस्राएलीक्याइ लागी ताङ्तेर्सी। 24येशु ओःङ्जे तोःङ्ला बप्तीस्मा तेर्केन्दी युहन्ना ओःङ्सी। खुङगीइ इस्राएलगीइ थाम्जेर मीःक्याला स्याबा पेःदी लाःयो पोःर्तो ओःले बप्तीस्मा लेःङ्दो लाःती प्रचार पेःसी। 25युहन्नाइ राःङगीइ लेःगा सीःङ्देरा पेःगासुना खुङगीइ मीःक्याला एःन्डु लाःसी, ‘ख्योक्याइ ङाःला थार्च्युगेन ख्रीष्ट इःङे लाःकुस्वाँ, इःनाङ ङाः मीःङे। इःनाङ खुङ गेबुरा ओःङ्देरा एः, ओःले ङाः नी खुङगीइ लेखाम पीचेलाङ रीःक्पु म्याः।’
26ङाःइ आतानोःक्या, उःक्या अब्राहामगीइ छार्क्युफुर्क्युक्या एःनाङ ओःले कोन्ज्यो ङीमु जीबा पेःगेन राःङ्सा क्युःपाइ मीःक्या एःनाङ, कोन्ज्योइ उः मीःइ क्युःपाला सेन्च्युउए लाःती दी लेःङ्गो उःक्याइ लागीरा ताङ्क्योक इःङे। 27यरुशलेमला तेःकेन मीःक्याइ ओःले खुङक्याइ तोःङ क्याःप्केन मीःक्याइ येशुला थार्च्युगेन्दी लाःती ङोःसेमाःखु। खुङक्याइ थाङ सोगेन ङीःमारी टाःङ्मा कोन्ज्योइ लेःङ्गो तेर्केन मीःक्याइ प्रुःक्योक तामक्या टोःगासुनाङ खुङक्याइ ओः तामक्या मासे, बरु येशुला माःताक्पा च्याःङ्दी खुङक्याइ ओः प्रुःक्योक तामक्या छाङ्च्युसी। 28खुङला मृत्युदण्ड तेर्कोःन्दी चीङ माःताक्पा माःफ्रेसुनाङ खुङक्याइ येशुला सेराकोःउए लाःती पीलातसला वासी पेःसी। 29एःन्डुले छ्येला प्रुःक्योक थाम्जेर ताम खुङक्याइ छाङ्च्युमीःजीक खुङक्याइ येशुला क्रुसलाःम्ले माःर्ला पाप्सी ओःले तुःर्साला ज्यासी। 30इःनाङ कोन्ज्योइ खुङला सीक्योकलाःम्ले सोम्बो लोसी। 31ओःले माःङ्बुरा ङीःमाथुप गालील क्षेत्रलाःम्ले खुङ ङीमुरा यरुशलेमला ओःङ्क्योक मीःक्याइ खुङला थोङ्सी। ताः खुङक्या इस्राएलगीइ मीःक्याइ लागी खुङगीइ पाङ्बुक्या इःङे। 32ओःले कोन्ज्योइ उःइ फाफामुक्या ङीमु पेःक्योक ताःम्ज्याइ बारेला याःबु लेःङ्गो ख्योङ्जेला ख्याक्या साःला ङीःक्या ओःङ्दी एः। 33कोन्ज्योइ येशुला सीक्योकलाःम्ले सोम्बो लोदी ओः ताःम्ज्या खुङक्याइ छार्क्युफुर्क्यु उःक्याइ लागी छाङ्च्युदी एः। दी ताम भजनसंग्रहइ ङीःला एःन्डुले प्रुःदी एः,
‘ख्यो ङाःइ पुः इःङे,
तीःरीङ ङाः ख्योइ आबा काःल्दी एः।’#भजन २:७
34कोन्ज्योइ ख्रीष्टला फीर्च्या नाःमाङ सीमेःकोःन पेःदी सीक्योकलाःम्ले सोम्बो जोसी। दीखोइ बारेलादी छ्येला एःन्डुले प्रुःदी एः,
‘ङाःइ दाऊद ङीमु ताःम्ज्या पेःक्योक चाङ्मा मोलामक्या
ङाः ख्योक्याला तेर्के।’#यशैया ५५:३
35ओःले राःङ्सा ठाउँलाङ एःन्डु लाःती एः,
‘ख्याइ राःङगीइ चाङ्मा मीःइ फुम्बु तुःर्साला रुःल्मीच्युगेन एः।’#भजन १६:१०
36दी ताम दाऊदकीइ राःङगीइ बारेला लाःक्योक मीःङे चीलेलाःना खुङ सोम्बो एःकासुना खुङगीइ कोन्ज्योला सेम थेक्योक च्योःङ्रारा लेःगा पेःदी सीसी ओःले खुङला राःङगीइ फाफामुक्या ङीमुरा होपला तीःप्सी, ओःले खुङगीइ फुम्बु रुःल्दी काःल्सी। 37इःनाङ कोन्ज्योइ सीक्योकलाःम्ले सोम्बो लोक्योककीइ जुबुदी ओःन्डुले माःरुल। 38ओः सोङ्गारा, ङाःइ आतानोःक्या, उःइ लाःयोक्याइ क्षेमादी कोन्ज्योइ येशुलाःम्ले तेर्खुउए लाःती ङीःइ दी लेःङ्गो ख्याक्याला लाःतेरा एः। 39येशुला सेमल्हुक लुगेनक्याला खुङक्याइ पेःक्योक थाम्जेर लाःयोक्यालाःम्ले कोन्ज्योइ थार्चे तेर्ती एः। दी थार्चेदी मोशाइ तेर्क्योक छ्येइ ठीमगीइयाङ पेःखुदी म्याःके। 40ओः सोङ्गारा, च्यागाताःक्पु पेःदो, मीःङे लाःना कोन्ज्योइ लेःङ्गो तेर्केनक्याइ लाःक्योक तामक्या ख्योक्याखाला लेप्टो,
41‘तादो ङ्याप्च्युक पेःगेनक्या, ख्योक्या याःमाछाक नेच्युक ओःले सीज्युक!
चीलेलाःना ख्योक्याइ तीःनामला ङाः एःन्डुबा लेःगा पेःगे,
ओःखो लेःगाइ बारेला सुइयाङ ख्योक्याला लाःसी लाःनाङ
ख्योक्याइ सेमल्हुक मीलुगेन एः।’#हबकुक १:५”
42पावल ओःले बरनाबास जोम्साखीमलाःम्ले थेङ्दी डोदेरा पेःगासुना मीःक्याइ खुङक्याला राःङ्सा थाङ सोगेन ङीःमाला ओःङ्दी दी तामक्याइ बारेला ताःरुङ माःङ्बु लाःतेर लाःती वासी पेःसी। 43छोबा सीःङ्मीःजीक माःङ्बुरा यहुदीक्या ओःले यहुदी धर्म लेःङेन राःङ्सा क्युःपाइ मीःक्याइ पावल रा बरनाबासला ब्य्राङ्सी। ओःले पावल रा बरनाबासकीइ खुङक्याला तेन्दुरा कोन्ज्योइ अनुग्रहला तेः लाःती वासी पेःसी।
44राःङ्सा थाङ सोगेन ङीःमाला क्याःसाइ थाम्जेर च्योःङ्रा मीःक्या प्रभुइ लेःङ्गो कोःजेला ओःङ्सी। 45ओःजे छ्योम्बो मीःक्याइ पोर्चोम थोङ्मीःजीक यहुदीक्याइ पावल रा बरनाबास ङीमु मीफामु पेःगाला स्युःसी, ओःले खुङक्याइ पावलगीइ लाःक्योक तामक्याला टाः पेःदेरा खुङला केताङ्सी। 46इःनाङ पावल रा बरनाबासकीइ माःजीबारा एःन्डुले लाःसी, “कोन्ज्योइ सुङ थाम्जेर भन्दा तोःङ्ला ख्याक्याला कोःच्युकोःन्दी एःके। इःनाङ ख्याक्याइ ओःखोला इन्कार पेःक्योक सोङ्गारा ओःले नाःमाङ मीसीगेन मीःजी ज्योर्चेला रीःक्पु म्याःकारा ताः ङीः राःङ्सा क्युःपाइ मीःक्या साःला डोगेन एः। 47चीलेलाःना प्रभुइ ङीःला एःन्डुले आज्ञा तेर्ती एः,
‘जाम्बुलीङगीइ थाम्जेरछ्योइ मीःक्याइ थार्चे ज्योर्च्युक लाःती
ङाःइ ख्योक्याला राःङ्सा क्युःपाइ मीःक्याइ लागी बार्केन छेमी च्योःङ्रा जोदी एः।’#यशैया ४९:६”
48दी ताम कोःदी राःङ्सा क्युःपाइ मीःक्या केःदाङ पेःदेरा प्रभुइ तेर्क्योक लेःङ्गोला प्रशंसा पेःगाला स्युःसी। ओःले नाःमाङ मीसीगेन मीःजीइ लागी दाम्क्योक थाम्जेरकीइ प्रभु येशुला सेमल्हुक लुसी।
49प्रभुइ लेःङ्गो ओः क्षेत्रला थाम्जेरछ्योले टाःम्सी। 50इःनाङ चीङ यहुदीक्याइ छेस्योक्या ओः क्याःसाइ चीङ तोःङ क्याःप्केन मीःक्या साःला ओःले कोन्ज्योला आराधना पेःगेन्दी सेःसा पेःक्योक पेःन्पीःजाक्या साःला काःल्दी खुङक्याला क्यासी। ओःले खुङक्याइ पावल रा बरनाबासला तुःक्पु तेर्काला स्युःसी, ओःले खुङक्याला ओः क्षेत्रलाःम्ले त्याःदी ताङ्सी। 51इःनाङ पावल रा बरनाबासकीइ ओः मीःक्याला कोन्ज्योइरा ठीम पेःगेन एः लाःती खुङक्याइ वीरुद्धला राःङगीइ स्याःप्टाइ तुःल प्रुतेर्सी ओःले खुङक्या आइकोनीयन क्याःसाला काःल्सी। 52इःनाङ एन्टीओखीयाला एःक्योक प्रभुला सेमल्हुक लुगेनक्याइदी खाम्साङ्बु पेःसी ओःले चाङ्मा लाइ काःङ्सी।
Currently Selected:
प्रेरीत 13: SYW
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
प्रेरीत 13
13
बरनाबास रा शाऊलला दाम्दी ताङ्क्योक
1एन्टीओखीयाइ कोःम्साला कोन्ज्योइ लेःङ्गो तेर्केनक्या ओःले लोबेनक्या माःङ्बुरा एःके। खुङक्या बरनाबास, नाःक्पु लाःकेन शीमीयोन, कुरेनीइ लुकीयस, हेरोद ङीमुरा छार्क्योक मनेन ओःले शाऊल एःके। 2खुङक्या प्रभुला आराधना पेःदेरा ओःले खा चाङ्मा तेःतेरा एःकासुना, चाङ्मा लाइ खुङक्याला लाःसी, “कोःदो, बरनाबास रा शाऊलला ङाःइ काःखो लेःगाइ लागी दाम्दी एःपा, ओःखोरा लेःगाइ लागीरा छुट्टाइतीदो।” 3खुङक्या फीर्च्या खा चाङ्मा तेःसी ओःले प्रार्थना पेःसी, ओःले खुङक्याइ बरनाबास रा शाऊलखाला लाःक्पा ज्यासी ओःले खुङक्याला ताङ्तेर्सी।
बरनाबास रा शाऊल साइप्रसला
4चाङ्मा लाइ ताङ्क्योक सोङ्गारा बरनाबास रा शाऊल सीलुकीया क्याःसाला काःल्सी। ओःलाःम्ले खुङक्या जहाजला जादी साइप्रसला काःल्सी। 5खुङक्या सलामीसला लेप्मीःजीक यहुदीक्याइ जोम्साखीमक्याला स्युःदी कोन्ज्योइ सुङ प्रचार पेःगाला स्युःसी। खुङक्याइ मर्कुस लाःकेन युहन्नालाङ खुङक्याला रोः पेःजेला खेर्ती एःके।
6खुङक्या साइप्रसकीइ थाम्जेरछ्योले कोर्तेरा डोगासुना पाफोसला ओःङ्सी। खुङक्याइ ओःला बार-येशु लाःकेन मेःन्दा चीग जादु तेङेन यहुदीला फ्रेसी। खुङगीइ राःङला कोन्ज्योइ लेःङ्गो तेर्केन्दी मीः लाःकुके। 7ओः जादु पेःगेन्दी हाकीम सर्गीयस पौलसकीइ रोः एःके। खुङ नावा साल्बु मीः एःके। ओः हाकीमला कोन्ज्योइ सुङ कोःगेन सेम एःक्योक सोङ्गारा खुङगीइ बरनाबास रा शाऊलला केक्याःप्काला ताङ्सी। 8इःनाङ जादु पेःगेन्दी बार-येशुइ (ग्रीक तामला खुङगीइ मीःन एलुमास इःङे, ओःखोइ लेःन लाःक्योकदी जादु पेःगेन्दी इःङे) खुङक्याइ वीरुद्धला ताम लाःसी ओःले खुङगीइ सर्गीयस पौलसला प्रभु येशुला सेमल्हुक मालु लाःती वाःम्जे छोल्सी। 9शाऊल (खुङला पावल लाःतीङ लाःकुके) चाङ्मा लाइ काःङ्दी एलुमासला थेकारा तासी ओःले लाःसी, 10“ख्यो शैतानगीइ पीःजा इःङे, ओःले थाम्जेर याःबु तामगीइ टाःलाङ इःङे! ख्यो स्योप क्युःर्केन ताम ओःले माःताक्पा सेमगीइ काःङ्दी एः। ची ख्यो प्रभुइ तेःन्दामगीइ लेःङ्गोला क्योजे नाःमाङ मेःपोःर? 11ताः तादो, ख्योला प्रभुइ सजाय तेर्केन एः ओःले ख्यो माःङ्बुरा ङीःमाथुप मी मेःथोङेन्दी काःल्दी आमा ङीःमाइ साङ्बु मेःथोङेन एः।” ओः तेःकासुरा खोइ मीला नाःक्पु मुक्पा च्योःङ्राइ उप्सी ओःले खो मी मेःथोङेन्दी काःल्सी ओःले सुइयाङ खुङगीइ लाःक्पाला जुम्दी डोर्याइतेर्च्युक लाःती छुरफार डोगाला स्युःसी।
12हाकीमगीइ दीखो थोङ्दी प्रभु येशुला सेमल्हुक लुसी, चीलेलाःना खुङ प्रभुइ बारेइ शीक्षा थोङ्दी याःमाछाक काःल्सी।
पावल रा बरनाबास पीसीदीयाइ एन्टीओखीयाला
13पावल ओःले खुङगीइ रोःक्या पाफोसलाःम्ले जहाजला जादी पामफीलीयाइ पर्गाला लेप्सी। ओःलाःम्ले मर्कुस लाःकेन युहन्नाइ पावल ओःले बरनाबासला पोःर्ती यरुशलेमला लोःदी काःल्सी। 14पावल ओःले बरनाबासदी पर्गामीःजीक पीसीदी छेत्रयाइ एन्टीओखीयाला काःल्सी ओःले यहुदीक्याइ थाङ सोगेन ङीःमाला खुङक्या जोम्साखीमला काःल्दी तेःसी। 15मोशाइ तेर्क्योक ठीम ओःले कोन्ज्योइ लेःङ्गो तेर्केनक्याइ प्रुःक्योक पेज्याक्या टोःमीःजीक जोम्साखीमगीइ छेस्यो मीःक्याइ पावल ओःले बरनाबासला केक्याःप्ती लाःसी, “नोःक्या, ख्याक्या ङीमु दी मीःक्याला साहस तेर्केन चीङ ताम एः लाःना लोःप।”
16ओःले पावल लाःङ्दी मीःक्याला छ्याबे तेः लाःती लाःक्पाइ लाःदाप पेःसी ओःले लाःकाला स्युःसी, “इस्राएली आतानोःक्या ओःले कोन्ज्यो ङीमु जीबा पेःगेन राःङ्सा क्युःपाइ मीःक्या, ङाःइ लाःक्योक कोःदो! 17इस्राएली मीःक्याइ कोन्ज्योइ उःइ फाफामुक्याला दाम्सी ओःले खुङक्या मीश्र देशला एःकासुना खुङक्याला छ्योम्बो क्युःपा जोसी। ओःले कोन्ज्योइ खुङगीइ छ्योम्बो ल्हेइ खुङक्याला ओः देशलाःम्ले तेङ्दी ख्योङ्सी। 18ओःले खुङक्या उजाड ठाउँला एःकासुना कोन्ज्योइ लोः खाल ङीथुप खुङक्याला याःबुले तासी। 19ओःले कोन्ज्योइ कनान देशकीइ तीःनथाल क्युःपाक्याला सीःङ्दाक थासी ओःले ओः देश उःइ फाफामुक्याला तेर्सी। 20ओः तेःकासुथुपला लोः क्याः सीः रा खाल ङी रा च्यु जे काःल्सीःङ्दी एःके। ओः तीङ्ला कोन्ज्योइ खुङक्याइ कील्ला क्याःल्खाप पेःजेला ठीम पेःगेन्दीक्या तेर्सी। ठीम पेःगेन्दीक्याइ कोन्ज्योइ लेःङ्गो तेर्केन्दी शमुएलगीइ तीःनामथुप लेःगा पेःसी। 21ओः तीङ्ला खुङक्याइ क्याःल्बु चीग लाङ्सी, ओःले कोन्ज्योइ खुङक्याला बेन्यामीन कुलगीइ कीशकीइ पुः शाऊलला तेर्सी ओःले खुङगीइ लोः खाल ङीथुप क्याःल्खाप पेःसी। 22कोन्ज्योइ खुङला छेसालाःम्ले तेङ्मीःजीक खुङगीइ दाऊदला क्याःल्बु जोसी। दाऊदकीइ बारेलादी कोन्ज्योइ एःन्डुले लाःती एः, ‘यीशैगीइ पुः दाऊद ङाःइ च्योःङ्रारा सेम एःक्योक मीः इःङे। खुङगीइ ङाःइ लागी ङाःइ सेम थेक्योक थाम्जेर लेःगा पेःगेन एः।’#१ शमुएल १३:१४ 23दाऊदकीइ छार्क्युफुर्क्युक्यालाःम्लेरा कोन्ज्योइ ताःम्ज्या पेःक्योक थार्च्युगेन्दी येशुला उः इस्राएलीक्याइ लागी ताङ्तेर्सी। 24येशु ओःङ्जे तोःङ्ला बप्तीस्मा तेर्केन्दी युहन्ना ओःङ्सी। खुङगीइ इस्राएलगीइ थाम्जेर मीःक्याला स्याबा पेःदी लाःयो पोःर्तो ओःले बप्तीस्मा लेःङ्दो लाःती प्रचार पेःसी। 25युहन्नाइ राःङगीइ लेःगा सीःङ्देरा पेःगासुना खुङगीइ मीःक्याला एःन्डु लाःसी, ‘ख्योक्याइ ङाःला थार्च्युगेन ख्रीष्ट इःङे लाःकुस्वाँ, इःनाङ ङाः मीःङे। इःनाङ खुङ गेबुरा ओःङ्देरा एः, ओःले ङाः नी खुङगीइ लेखाम पीचेलाङ रीःक्पु म्याः।’
26ङाःइ आतानोःक्या, उःक्या अब्राहामगीइ छार्क्युफुर्क्युक्या एःनाङ ओःले कोन्ज्यो ङीमु जीबा पेःगेन राःङ्सा क्युःपाइ मीःक्या एःनाङ, कोन्ज्योइ उः मीःइ क्युःपाला सेन्च्युउए लाःती दी लेःङ्गो उःक्याइ लागीरा ताङ्क्योक इःङे। 27यरुशलेमला तेःकेन मीःक्याइ ओःले खुङक्याइ तोःङ क्याःप्केन मीःक्याइ येशुला थार्च्युगेन्दी लाःती ङोःसेमाःखु। खुङक्याइ थाङ सोगेन ङीःमारी टाःङ्मा कोन्ज्योइ लेःङ्गो तेर्केन मीःक्याइ प्रुःक्योक तामक्या टोःगासुनाङ खुङक्याइ ओः तामक्या मासे, बरु येशुला माःताक्पा च्याःङ्दी खुङक्याइ ओः प्रुःक्योक तामक्या छाङ्च्युसी। 28खुङला मृत्युदण्ड तेर्कोःन्दी चीङ माःताक्पा माःफ्रेसुनाङ खुङक्याइ येशुला सेराकोःउए लाःती पीलातसला वासी पेःसी। 29एःन्डुले छ्येला प्रुःक्योक थाम्जेर ताम खुङक्याइ छाङ्च्युमीःजीक खुङक्याइ येशुला क्रुसलाःम्ले माःर्ला पाप्सी ओःले तुःर्साला ज्यासी। 30इःनाङ कोन्ज्योइ खुङला सीक्योकलाःम्ले सोम्बो लोसी। 31ओःले माःङ्बुरा ङीःमाथुप गालील क्षेत्रलाःम्ले खुङ ङीमुरा यरुशलेमला ओःङ्क्योक मीःक्याइ खुङला थोङ्सी। ताः खुङक्या इस्राएलगीइ मीःक्याइ लागी खुङगीइ पाङ्बुक्या इःङे। 32ओःले कोन्ज्योइ उःइ फाफामुक्या ङीमु पेःक्योक ताःम्ज्याइ बारेला याःबु लेःङ्गो ख्योङ्जेला ख्याक्या साःला ङीःक्या ओःङ्दी एः। 33कोन्ज्योइ येशुला सीक्योकलाःम्ले सोम्बो लोदी ओः ताःम्ज्या खुङक्याइ छार्क्युफुर्क्यु उःक्याइ लागी छाङ्च्युदी एः। दी ताम भजनसंग्रहइ ङीःला एःन्डुले प्रुःदी एः,
‘ख्यो ङाःइ पुः इःङे,
तीःरीङ ङाः ख्योइ आबा काःल्दी एः।’#भजन २:७
34कोन्ज्योइ ख्रीष्टला फीर्च्या नाःमाङ सीमेःकोःन पेःदी सीक्योकलाःम्ले सोम्बो जोसी। दीखोइ बारेलादी छ्येला एःन्डुले प्रुःदी एः,
‘ङाःइ दाऊद ङीमु ताःम्ज्या पेःक्योक चाङ्मा मोलामक्या
ङाः ख्योक्याला तेर्के।’#यशैया ५५:३
35ओःले राःङ्सा ठाउँलाङ एःन्डु लाःती एः,
‘ख्याइ राःङगीइ चाङ्मा मीःइ फुम्बु तुःर्साला रुःल्मीच्युगेन एः।’#भजन १६:१०
36दी ताम दाऊदकीइ राःङगीइ बारेला लाःक्योक मीःङे चीलेलाःना खुङ सोम्बो एःकासुना खुङगीइ कोन्ज्योला सेम थेक्योक च्योःङ्रारा लेःगा पेःदी सीसी ओःले खुङला राःङगीइ फाफामुक्या ङीमुरा होपला तीःप्सी, ओःले खुङगीइ फुम्बु रुःल्दी काःल्सी। 37इःनाङ कोन्ज्योइ सीक्योकलाःम्ले सोम्बो लोक्योककीइ जुबुदी ओःन्डुले माःरुल। 38ओः सोङ्गारा, ङाःइ आतानोःक्या, उःइ लाःयोक्याइ क्षेमादी कोन्ज्योइ येशुलाःम्ले तेर्खुउए लाःती ङीःइ दी लेःङ्गो ख्याक्याला लाःतेरा एः। 39येशुला सेमल्हुक लुगेनक्याला खुङक्याइ पेःक्योक थाम्जेर लाःयोक्यालाःम्ले कोन्ज्योइ थार्चे तेर्ती एः। दी थार्चेदी मोशाइ तेर्क्योक छ्येइ ठीमगीइयाङ पेःखुदी म्याःके। 40ओः सोङ्गारा, च्यागाताःक्पु पेःदो, मीःङे लाःना कोन्ज्योइ लेःङ्गो तेर्केनक्याइ लाःक्योक तामक्या ख्योक्याखाला लेप्टो,
41‘तादो ङ्याप्च्युक पेःगेनक्या, ख्योक्या याःमाछाक नेच्युक ओःले सीज्युक!
चीलेलाःना ख्योक्याइ तीःनामला ङाः एःन्डुबा लेःगा पेःगे,
ओःखो लेःगाइ बारेला सुइयाङ ख्योक्याला लाःसी लाःनाङ
ख्योक्याइ सेमल्हुक मीलुगेन एः।’#हबकुक १:५”
42पावल ओःले बरनाबास जोम्साखीमलाःम्ले थेङ्दी डोदेरा पेःगासुना मीःक्याइ खुङक्याला राःङ्सा थाङ सोगेन ङीःमाला ओःङ्दी दी तामक्याइ बारेला ताःरुङ माःङ्बु लाःतेर लाःती वासी पेःसी। 43छोबा सीःङ्मीःजीक माःङ्बुरा यहुदीक्या ओःले यहुदी धर्म लेःङेन राःङ्सा क्युःपाइ मीःक्याइ पावल रा बरनाबासला ब्य्राङ्सी। ओःले पावल रा बरनाबासकीइ खुङक्याला तेन्दुरा कोन्ज्योइ अनुग्रहला तेः लाःती वासी पेःसी।
44राःङ्सा थाङ सोगेन ङीःमाला क्याःसाइ थाम्जेर च्योःङ्रा मीःक्या प्रभुइ लेःङ्गो कोःजेला ओःङ्सी। 45ओःजे छ्योम्बो मीःक्याइ पोर्चोम थोङ्मीःजीक यहुदीक्याइ पावल रा बरनाबास ङीमु मीफामु पेःगाला स्युःसी, ओःले खुङक्याइ पावलगीइ लाःक्योक तामक्याला टाः पेःदेरा खुङला केताङ्सी। 46इःनाङ पावल रा बरनाबासकीइ माःजीबारा एःन्डुले लाःसी, “कोन्ज्योइ सुङ थाम्जेर भन्दा तोःङ्ला ख्याक्याला कोःच्युकोःन्दी एःके। इःनाङ ख्याक्याइ ओःखोला इन्कार पेःक्योक सोङ्गारा ओःले नाःमाङ मीसीगेन मीःजी ज्योर्चेला रीःक्पु म्याःकारा ताः ङीः राःङ्सा क्युःपाइ मीःक्या साःला डोगेन एः। 47चीलेलाःना प्रभुइ ङीःला एःन्डुले आज्ञा तेर्ती एः,
‘जाम्बुलीङगीइ थाम्जेरछ्योइ मीःक्याइ थार्चे ज्योर्च्युक लाःती
ङाःइ ख्योक्याला राःङ्सा क्युःपाइ मीःक्याइ लागी बार्केन छेमी च्योःङ्रा जोदी एः।’#यशैया ४९:६”
48दी ताम कोःदी राःङ्सा क्युःपाइ मीःक्या केःदाङ पेःदेरा प्रभुइ तेर्क्योक लेःङ्गोला प्रशंसा पेःगाला स्युःसी। ओःले नाःमाङ मीसीगेन मीःजीइ लागी दाम्क्योक थाम्जेरकीइ प्रभु येशुला सेमल्हुक लुसी।
49प्रभुइ लेःङ्गो ओः क्षेत्रला थाम्जेरछ्योले टाःम्सी। 50इःनाङ चीङ यहुदीक्याइ छेस्योक्या ओः क्याःसाइ चीङ तोःङ क्याःप्केन मीःक्या साःला ओःले कोन्ज्योला आराधना पेःगेन्दी सेःसा पेःक्योक पेःन्पीःजाक्या साःला काःल्दी खुङक्याला क्यासी। ओःले खुङक्याइ पावल रा बरनाबासला तुःक्पु तेर्काला स्युःसी, ओःले खुङक्याला ओः क्षेत्रलाःम्ले त्याःदी ताङ्सी। 51इःनाङ पावल रा बरनाबासकीइ ओः मीःक्याला कोन्ज्योइरा ठीम पेःगेन एः लाःती खुङक्याइ वीरुद्धला राःङगीइ स्याःप्टाइ तुःल प्रुतेर्सी ओःले खुङक्या आइकोनीयन क्याःसाला काःल्सी। 52इःनाङ एन्टीओखीयाला एःक्योक प्रभुला सेमल्हुक लुगेनक्याइदी खाम्साङ्बु पेःसी ओःले चाङ्मा लाइ काःङ्सी।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.