1 तिमुथि 5
5
होरे विश्वासी जे जिम्मेबारी
1ए तिमुथियुसा! अपफ केआं मोटी जे टाटोरी कइ बोक ना कर, बल्कि तेन्हि अपु बोउए ईं समझ कइ इज्जत जुए बोके कर। त जे तोउ केआं मठुड़ असे, तेन्हि अपु भाई ईं समझाण दे। 2मोटी जिल्हाणु अपु ईये ईं त जवान कुई अपु भेण ईं मान कइ पूरे शुचे मन जुए समझाण दे।
3खास कर तेन्हि विधवाई के ख्याल रख, जेन्हि मदते सक्त जरूरत असी। 4पर अगर केसे विधवा केईं कोई गभुर या पौतुर पौतीर असे त पेहले तेन्हि अपु टब्बर अन्तर विश्वासे चाल चलुण त अपु ईये बोउए परेमे बदला देण शिचुण लौतु, किस कि परमेश्वर एसे बेलि खुश भुन्ता। 5जेस विधवा केईं कोई मदत करणे बाड़ा नेईं त यकदम अकेली असी, से परमेश्वर भाड़ती त अपु जरूरते लिए भ्यागे ब्यादि परमेश्वर जे विनती प्रार्थना कती रेहन्ती। 6पर जे विधवा मौज मस्ती करण लगती, से जीं यक किस्मे मरी गो असी। 7सोबी जेईं इन्हि बोकी के बारे शिचाल, ताकि कोई तेन्के बारे बुरी बोक ना करे। 8पर अगर कोई अपु खास कर अपु टब्बरे देखभाल ना कता त तेन अपु विश्वास छड़ दुतो असा, त से अविश्वासी केआं बि ज्यादा बुरा भोई गो असा।
9-10सतसंग जेन्हि विधवाई के मदत कता, तेस सूची अन्तर सद तेन्के नओं लिखे, जे विधवा साठ साल केआं ज्यादी उमरी भोल, जेन सिर्फ यक धाणि रखो भोल, जेसे खरु कम करणे बारे मेह्णु बुच पिछाण भोल, त जेन अपु गभुर सुसुर पाड़ो भोल, होर मेहमानी के खरा ख्याल रखो भोल, त शुचे मेह्णु सेवा किओ भोल#5:9-10 मूल भाषा अन्तर “खुर धुओ भोल” लिखो असु।, त दुखी मेह्णु मदत किओ भोल, होर सोब भले कम करुण जे मन किओ भोल, सद तेन्हि विधवाई के नओं लिखे, जेन्के सतसंग मदत कता।
11पर जे जवान विधवा असी, तेन्के नओं ना लिख, किस कि जपल से होरा ब्याह करण चहन्ती त यीशु मसीह जे दुतो अपु जुबान#5:11 तपल अगर कोई विधवाई नओं सतसंग अन्तर लिखतेथ त तेन्हि सोह करण एन्तेथ की “अउं उमर भइ सिर्फ यीशु चेलीण बण कइ सतसंगे सेवा कती त होरा ब्याह ना कती।” पर जवान विधवा कपले कपले अपु इस सोह बिसिर कइ होरा ब्याह कतीथ। बिसिर छती त अपु घर बसाण चहन्ती। 12त से अपु अपफ दोषी ठहरान्ती, किस कि तेन अपु पेहली जुबान टोड़ो असी। 13से दुआरोड़ी घेई घेई कइ आलसी बण घेन्ति। सद आलसी ना बल्कि से चथोकिरी बण कइ होरी के कम बगाड़ती। त जे तस बोलुण ना लौतु तस बोती। 14तोउं त अउं इ चहन्ता कि जे जवान विधवा असी, से होरा ब्याह करे। तेन्हि गभुर जमाणण त गीहे ख्याल रखण लौता, ताकि मसीहे केसे दुश्माण असी बदनाम करणे मौका ना मेईंयाल। 15किस कि केहि विधवा परमेश्वरे बोक ना मान कइ शैताने पता घेण लग गो असी। 16अगर केसे विश्वासी जिल्हाणु केईं कोई विधवा असी त ई खरु भुन्तु कि विश्वासी अपफ तसे देखभाल करे, ताकि से सतसंग पुठ बोझ ना बणियेल। त सतसंग तेन्हि विधवाई के देखभाल कर बटियेल, जे यकदम अकेली असी।
17जे मुखिये सतसंगे कम-काज सुसुर हेरते, खास कइ जे परमेश्वरे वचने प्रचार करण त शिचालण अन्तर कष्ट उठान्ते, तेन्हि सोबी मेह्णु दुई गुणा इज्जते हकदार समझे। 18किस कि धरमे कताब अन्तर लिखो असु, “खला पुरोड़णे बाड़े चूरे मुंह ना बन्हुण।”#विधि 25:4 किस कि “कमाणे बाड़ा अपु मजूरी हकदार असा।”#लूका 10:7 19अगर कोई मेह्णु केसे मुखिया पुठ दोष लाआल त तेन्के बोक दुई, टाई उगाहे बगैर ना मनीण। 20अगर से दोषी भोल त सोबी के सामणे तस समझाण दिए, ताकि होरे मेह्णु बि डरियेल। 21अउं यीशु मसीह, परमेश्वर त तसे चुणो स्वर्गेदूती उगाह बड़ाई कइ तोउ जे निआंग देन्ता कि एन्हि सोबी बोकी पूरा मन जोई मनीण दिए। त केसे बि कम अन्तर केहर-बेहर ना करे।
22बगैर परखणे केसे मेह्णु मुखिया बणाण जे झट हथ ना रख। होरी पाप अन्तर सात ना दे, पर अपफ जे शुचा रख।
23एण बाड़े रोज अन्तर सद पोण न पी। पर अपु पेटे लिए धिक धिक अराख#5:23 तेन्हि दिनि मेह्णु अराख केहि बीमारी ईलाज करण जे दुवाई ईं पीन्तेथ। बि पीण दे, किस कि तु घड़ी घड़ी बीमार भुण लगो असा।
24केसे केसे मेह्णु पापी के सोबी पता भुन्ता त परमेश्वरे न्याय करण केईआं पेहलाई पुजी घेन्ता। पर केसे केसे मेह्णु पापी के केसे बि पता ना भुन्ता, पर तेन्के परमेश्वरे न्याय करणे रोज पता लग घेन्ता। 25तीं, कुछ मेह्णु के भले कम तपले नजर एन्ते, होर कुछ मेह्णु के भले कम पता केई घेन्ते।
Currently Selected:
1 तिमुथि 5: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
1 तिमुथि 5
5
होरे विश्वासी जे जिम्मेबारी
1ए तिमुथियुसा! अपफ केआं मोटी जे टाटोरी कइ बोक ना कर, बल्कि तेन्हि अपु बोउए ईं समझ कइ इज्जत जुए बोके कर। त जे तोउ केआं मठुड़ असे, तेन्हि अपु भाई ईं समझाण दे। 2मोटी जिल्हाणु अपु ईये ईं त जवान कुई अपु भेण ईं मान कइ पूरे शुचे मन जुए समझाण दे।
3खास कर तेन्हि विधवाई के ख्याल रख, जेन्हि मदते सक्त जरूरत असी। 4पर अगर केसे विधवा केईं कोई गभुर या पौतुर पौतीर असे त पेहले तेन्हि अपु टब्बर अन्तर विश्वासे चाल चलुण त अपु ईये बोउए परेमे बदला देण शिचुण लौतु, किस कि परमेश्वर एसे बेलि खुश भुन्ता। 5जेस विधवा केईं कोई मदत करणे बाड़ा नेईं त यकदम अकेली असी, से परमेश्वर भाड़ती त अपु जरूरते लिए भ्यागे ब्यादि परमेश्वर जे विनती प्रार्थना कती रेहन्ती। 6पर जे विधवा मौज मस्ती करण लगती, से जीं यक किस्मे मरी गो असी। 7सोबी जेईं इन्हि बोकी के बारे शिचाल, ताकि कोई तेन्के बारे बुरी बोक ना करे। 8पर अगर कोई अपु खास कर अपु टब्बरे देखभाल ना कता त तेन अपु विश्वास छड़ दुतो असा, त से अविश्वासी केआं बि ज्यादा बुरा भोई गो असा।
9-10सतसंग जेन्हि विधवाई के मदत कता, तेस सूची अन्तर सद तेन्के नओं लिखे, जे विधवा साठ साल केआं ज्यादी उमरी भोल, जेन सिर्फ यक धाणि रखो भोल, जेसे खरु कम करणे बारे मेह्णु बुच पिछाण भोल, त जेन अपु गभुर सुसुर पाड़ो भोल, होर मेहमानी के खरा ख्याल रखो भोल, त शुचे मेह्णु सेवा किओ भोल#5:9-10 मूल भाषा अन्तर “खुर धुओ भोल” लिखो असु।, त दुखी मेह्णु मदत किओ भोल, होर सोब भले कम करुण जे मन किओ भोल, सद तेन्हि विधवाई के नओं लिखे, जेन्के सतसंग मदत कता।
11पर जे जवान विधवा असी, तेन्के नओं ना लिख, किस कि जपल से होरा ब्याह करण चहन्ती त यीशु मसीह जे दुतो अपु जुबान#5:11 तपल अगर कोई विधवाई नओं सतसंग अन्तर लिखतेथ त तेन्हि सोह करण एन्तेथ की “अउं उमर भइ सिर्फ यीशु चेलीण बण कइ सतसंगे सेवा कती त होरा ब्याह ना कती।” पर जवान विधवा कपले कपले अपु इस सोह बिसिर कइ होरा ब्याह कतीथ। बिसिर छती त अपु घर बसाण चहन्ती। 12त से अपु अपफ दोषी ठहरान्ती, किस कि तेन अपु पेहली जुबान टोड़ो असी। 13से दुआरोड़ी घेई घेई कइ आलसी बण घेन्ति। सद आलसी ना बल्कि से चथोकिरी बण कइ होरी के कम बगाड़ती। त जे तस बोलुण ना लौतु तस बोती। 14तोउं त अउं इ चहन्ता कि जे जवान विधवा असी, से होरा ब्याह करे। तेन्हि गभुर जमाणण त गीहे ख्याल रखण लौता, ताकि मसीहे केसे दुश्माण असी बदनाम करणे मौका ना मेईंयाल। 15किस कि केहि विधवा परमेश्वरे बोक ना मान कइ शैताने पता घेण लग गो असी। 16अगर केसे विश्वासी जिल्हाणु केईं कोई विधवा असी त ई खरु भुन्तु कि विश्वासी अपफ तसे देखभाल करे, ताकि से सतसंग पुठ बोझ ना बणियेल। त सतसंग तेन्हि विधवाई के देखभाल कर बटियेल, जे यकदम अकेली असी।
17जे मुखिये सतसंगे कम-काज सुसुर हेरते, खास कइ जे परमेश्वरे वचने प्रचार करण त शिचालण अन्तर कष्ट उठान्ते, तेन्हि सोबी मेह्णु दुई गुणा इज्जते हकदार समझे। 18किस कि धरमे कताब अन्तर लिखो असु, “खला पुरोड़णे बाड़े चूरे मुंह ना बन्हुण।”#विधि 25:4 किस कि “कमाणे बाड़ा अपु मजूरी हकदार असा।”#लूका 10:7 19अगर कोई मेह्णु केसे मुखिया पुठ दोष लाआल त तेन्के बोक दुई, टाई उगाहे बगैर ना मनीण। 20अगर से दोषी भोल त सोबी के सामणे तस समझाण दिए, ताकि होरे मेह्णु बि डरियेल। 21अउं यीशु मसीह, परमेश्वर त तसे चुणो स्वर्गेदूती उगाह बड़ाई कइ तोउ जे निआंग देन्ता कि एन्हि सोबी बोकी पूरा मन जोई मनीण दिए। त केसे बि कम अन्तर केहर-बेहर ना करे।
22बगैर परखणे केसे मेह्णु मुखिया बणाण जे झट हथ ना रख। होरी पाप अन्तर सात ना दे, पर अपफ जे शुचा रख।
23एण बाड़े रोज अन्तर सद पोण न पी। पर अपु पेटे लिए धिक धिक अराख#5:23 तेन्हि दिनि मेह्णु अराख केहि बीमारी ईलाज करण जे दुवाई ईं पीन्तेथ। बि पीण दे, किस कि तु घड़ी घड़ी बीमार भुण लगो असा।
24केसे केसे मेह्णु पापी के सोबी पता भुन्ता त परमेश्वरे न्याय करण केईआं पेहलाई पुजी घेन्ता। पर केसे केसे मेह्णु पापी के केसे बि पता ना भुन्ता, पर तेन्के परमेश्वरे न्याय करणे रोज पता लग घेन्ता। 25तीं, कुछ मेह्णु के भले कम तपले नजर एन्ते, होर कुछ मेह्णु के भले कम पता केई घेन्ते।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.