1 तिमुथि 1
1
नमस्कार
1-2ट्यारे तिमुथियुस, विश्वास अन्तर में सच्चा कुआ! अउं यीशु मसीहे प्रतिनिधि पौलुस इस चिट्ठि लिखुण लगो असा। अउं असी बचाणे बाड़ा परमेश्वर त हें उम्मीद यीशु मसीहे निआंगी बेलि तसे प्रतिनिधि बणो असा।
परमपिता परमेश्वरे, त हें प्रभु यीशु मसीहे दाह, कृपादृष्टि त शान्ति तोउ पुठ भुन्ति रिहे।
आमीन!
गलत शिक्षा देणे बाड़ी के बारे समोझेरण
3बे कोईया! मकिदुनिया देश घेन्ते टेम मेईं जीं तु समझो थिआ कि इफिसुस शेहर अन्तर बिश कइ गलत शिक्षा देण बाड़ी जे बोल कि “गलत शिक्षा ना दिए” तस अउं फि दुबारी बोता। 4त तु मेह्णु समझा कि जेन्हि स्याणी के कथा त नामुकणे ऊड़ी बही खाता बेलि झगड़ा-भेड़ा भुन्ता, तस पुठ मन ना लाए। किस कि ए सोब बोके परमेश्वरे योजनाई हेसाब जुओई नेईं, जे विश्वासे बेलि कम कता। 5इस निआंग देणे मकसद परेम असा, जे शुचे मन, साफ अन्तरात्मा त सच्चे विश्वास जुए एन्ती। 6इन्हि बोकी पुठ मछोड़ा दी कइ केहि मेह्णु खिरक कइ बेहली बेहेस अन्तर शची गो असे। 7से मेह्णु परमेश्वरे नियम शिचालण त चहन्ते, पर जे बोक से कते त जेन्हि से खरे रोभ जुए शिचालते, तढ़ि तेन्हि अपफ बि समझ ना एन्ती।
8पर असी पता असा कि परमेश्वरे नियम खरे असे, अगर कोई अन्हि सुसुर मानते, शिचते त शिचालते। 9असी ईं बि पता असा कि नियम धर्मी जे नेईं बल्कि तेन्हि सोब मेह्णु जे बणो असा, जे अधर्मी, दुष्ट, अविश्वासी, पापी, अशुचा, त ईया बोउ मारणे बाड़े, मेह्णुमार असे 10त जे गलत तरीके जुए जिसमे संमंध रखते, त जे अपु लिंगे मेह्णु जोई रिश्ता रखते, त जे मेह्णु गुलाम बड़ाई कइ बेचते, जे झूठ बोते, त जे झुठी सोह कते त इन्हि छड़ कइ जे खरी शिक्षाई खिलाफ भुन्ते। 11ए शिक्षा तेस परमधन्य परमेश्वरे महिमा बाड़ी खुश खबरी हिसाब जुए असी, जेसे जिम्मेबारी मेन्धे दुतो असी।
पौलुस पुठ परमेश्वरे दाह
12अउं, हें प्रभु यीशु मसीह जे धन्यवाद देन्ता किस कि अउं नालायक थिआ, तोउं बि तेन अउं यकीन लेएक समझ कइ अपु सेवा करण जे नियुक्त किआ त शक्ति दिती। 13अउं त पेहले तसे निन्याई लान्ताथ, त तेस पुठ विश्वास करणे बाड़ी भुंजान्ताथ, होर अनर्थ करणे बाड़ा थिआ, फि बि परमेश्वरे मोउं पुठ दाह की, किस कि तपल अउं विश्वासी नेओथ त अणजाणे अन्तर ए सोब कम किओ थिउ। 14ओ हो! तोउं बि प्रभु कृपादृष्टि मोउं पुठ कति उचिल गई! होर विश्वास त परेम बि यीशु मसीहे बइ सुआ मेईंया।
15ए त सोबी पता असा, होर ए यकीन लेएक असा कि यीशु मसीह इस धरती पुठ पापी मेह्णु बचाण जे आ, जेन्हि बुच अउं सोबी केआं बोडा असा। 16पर ई दाह मोउं पुठ तोउं भुई ताकि में ईं बोडा पापी अन्तर यीशु मसीह अपु पूरी सीढ़णे शक्ति हराल बटियेल त जे मेह्णु अमर जीवन लिए तेस पुठ विश्वास कते, तेन्हि हरालण जे अउं यक नमूना बणा। 17अभेईं, तेस यके परमेश्वरे इज्जत त गुणगान जुग जुग भुन्ति रिहे, जे अमर असा, जे जुग जुगे राजा असा, त जे ना केता।
आमीन,
18बे कोईया तिमुथियुसा! जे भविष्य वाणि पेहले तें बारे भो थी, तसे हिसाब जुए अउं तोउ जे निआंग देन्ता कि तु सही खुश खबरी जे अपु जी जान ला त गलत शिक्षा देणे बाड़ी रोकीण दे। 19होर अपु विश्वास त साफ अन्तरात्मा छड़ ना दिए, जेस छड़ दी कइ कत मेह्णु के विश्वासे जहाज पाणि अन्तर डूब गो असा। 20तेन्हि बुच हुमनियुस त सिकन्दर असे, जे मेईं सतसंग केआं बखरे कर कइ शैताने हवाले किओ असे, ताकि से परमेश्वरे बुराई करण छड़ दिए।
Currently Selected:
1 तिमुथि 1: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
