रोमि 9
9
निवाँहाङ् नुङ् खोम् याॽमिचि
1काङॆ लोमा यकुङॆ खानावाँ चाइबानऎन। काङा ढाँटु बङ्चाङानि मान्ठाभनॆ काङा खिरिस्टमि याॽमिङा। काङॆ लोकुङॆ खानावाँ चाइबानऎये कामानुङ् सॆङसॆङॆ लावाबाङ् काम् निवाँऎ सङ्क चुमॆक्सङ् पिकु। 2काङा काम् याहुडि याॽमिचिमि लागि एट्टान डुखा मिनुॽङा हाङ् निवाँ टुगुॽङा 3काङॆ निवाँहाङ्बाङ् चाप्हिमा टक्चामार हाङ् खिरिस्टबाङ् फाक्लिङ् खॆॽमार काम् इस्राएलि याॽमिचि हिङ्चाक्मि हाङ्ग काङा चेन्चाखुबा लॆटिङ। 4खोचि इस्राएलि याॽमिचि रेम। निवाँहाङ्ऎ खोचि सॆःगुचि हाङ् खोम् पासाचि मुसुचि हाङ् खोमि निङ्लावा खाङ्मिटुचिमि। खोसॆ आक्खाचिनुङ् चुप्लाङ् हिगु हाङ् यायेॽमा पिट्टुचि। निवाँहाङ्ऎ खोचि मान्टहाङ् नुऎ लाम्फुबाङ् निवाँहाङ् चुङ्मॆ खानावाँ खाङ्मिटुचि। हाङ् खोम् चुप्लाङ् सङ्क पिट्टुचि। 5हाङ् इस्राइलि याॽमिचि निङ् चुचाखुबा कानिमि टुबालाबामि पासाचि रेम। हाङ् खिरिस्ट स ग जाटिबिन जान्म लिसा। खो चाइ चोब्न सक्पि हाङ्डाम् लॆखुबा निवाँहाङ् यो। खोमि हानाम्स निङ्लावा लिढाङ्र! आमेन।
6गुबि काङॆ निवाँहाङ्ऎ इस्राएलिचिनुङ् युङ्मिम्पा चुप्लाङ् मालि लोमिम्पा हॆॽनॆ। टर काङॆ लोमा यकुङॆ खानावाँ चाइ माङ्भनॆ सालुङ्पि इस्राएलि लिमानुङ् जान्म लिमिम्पा चोब्न याॽमिचि चाइबानहा निवाँहाङ्मि पासाचि लिमिनि। 7हाङ् आबाहाममि चोब्न पासाचि सङक् खोम् चाइबानऎ पासाचि हॆॽनॆ मान्ठाभनॆ निवाँनेन् साब्चिराबि गरहाङ् साब्डा, “आम् पासा इसाहाकबाङ्न आनामि पिसानासाचि लिःक्मि।”#९:७ गरक्ल आबाराहाममि याॽलिन इस्माएल लोमॆ पासा चुआ, टर आक्क पासाबाङ् निवाँहाङ्मि चुप्लाङ् आलिखुबा लॆटा, टर आक्क योम्पक् चाइ इसाहाकबाङ् लिखुबा लॆटा#उट्पाटि २१:१२ 8गर लोमिम्पा चाइ आबाराहामबाङ् जान्म लिमिम्पाचि चोब्न निवाँहाङ्ऎ खोम् पासाचि मुकुचिन लोमॆ चाइ हॆॽनॆ। निवाँहाङ्मि चुप्लाङर जान्म लिमिम्पाचि टेःॽन आबाराहाममि चाइबानहा पासाचि लिःक्मि।#९:८ आबाराहामबाङ् जान्म लिमिम्पा लोमॆसॆ इस्माएलमि पासाचि लोमॆ खाङ्मुकु। इस्माएल चाइ आबाराहामनुङ् हागार लोमॆ मेॽनुङ्माबाङ् जान्म लिमिम्पा लॆटा गालाटि ४:२२-२३ 9मान्ठाभनॆ निवाँहाङ्ऎ आबाराहामनुङ् इसाइकमि बारेबि गरहाङ् चुप्लाङ् युङु, “टाऎ निङ् काङा गरक्ल आनाबि ऎन्टाःॽङा, आरक्रक्ल आनामि खिम्टाङ्मा साराऎ आनामि एक्क वाठाङ्पा चाचा टक्मिम्पा लिक्।”#उट्पाटि २५:२३
10आक्र टे हॆॽनॆ, रेबिकाऎ कानिम् पाप्पाटुबा इसहाकमि एक्खेपाप्न हिप्पा चाचा टगुचि। 11-13टर आक्खा काप्से चाचाचि बग्हङ्सि चुआचिरक्न हाङ् खोचिऎ नुऎ नुङ् काइसॆ योम्पक् यिक्माबाङ् याॽलन, निवाँहाङ्ऎ रेबिका लोसु, “बुबुऎ नुसामि योम्पक मुकु।”#उट्पाटि २५:२३ हाङ् निवाँहाङ्ऎ लोसिन्टक्न निवाँनेन् साब्चिराबि गरहाङ् साब्डा, “काङॆ याकुब नाम्नाम् पिस्सिटुङ हाङ् एसाव चाइ सिच्चोउङ।”#मालाकि १:२-३ गरहाङ् निवाँहाङ्ऎ याॽमिचि सॆःक्मॆ योम्पक् उम्चि योम्पक् खाङ्मिसे हॆॽनॆ, टर निवाँहाङ्मि निवाँ रक्न लि लोमॆ खानावाँ खाङ्मुसु।
14ह कानि माल् कामॆ? माङ् निवाँहाङ्ऎ याॽमिचि एक्क मिगॆॽन खाङुचिनॆ? आक्र ग हॆॽनॆ! 15मान्ठाभनॆ खोसॆ मोसा लोसु, “आसा काङॆ नाम्नावाँ लॆकुङ् खोबि नाम्नावाँ खाङ्मुकुङ्, हाङ् आसा चाइ काङॆ नाम्नाम् पिसिॽमा मिकुङ् आक्क कॆ नाम्नाम् पिसिकुङ।”#पारास्ठान ३३:१९ 16मसॆ याॽमिऎ मिन्मिम्पासॆ हाङ् योम्पक् यिक्मिम्पासॆ निवाँहाङ्ऎ खो सॆःक्मिम्पा हॆॽनॆ, टर निवाँहाङ्ऎ खोम् नाम्नावाँऎ याॽमिचि सॆःगुकुचि। 17मान्ठाभनॆ निवाँनेन् साब्चिराबि एक्क फारो लोमॆ हाङ्मि बारेबि गरहाङ् साब्डा, “काम चॆक्मावा आना खाङ्मिॽमामि लागि हाङ् काम् निङ् चोब्न बाखाटेम्पि फुबक्माम् लागि काङॆ आना हाङ् मुडाना।”#पारास्ठान ९:१७ 18मसॆ निवाँहाङ्ऎ एक्क याॽमि नाम्नाम् पिसिकु हाङ् होइकमि निवाँ एट्टान छाक्कॆ मुबिकु लोमॆ खानावाँ निवाँहाङ्मि निवाँ रक्न लिक्।
बाखापुम्चा नुङ् खोम कक्नाम्
19ऎॽवा याॽमिचिऎ काङा गर लोःॽङामि, “मरहाङ्ग निवाँहाङ्ऎ मान्ठा कानि हस आब्डिक् टिकिहा? मान्ठाभनॆ खोम् निवाँबि माङ् मिनुकु म खानावाँबि आसॆस ऎक्मा हेसुचिनि हाङ्ग।” 20टर ओ याॽमि, निवाँहाङ्ऎ यिक्मिम्पा योम्पक्बि खानावाँ एम्पिखुबा आना आसारो? बाखामि कॽनाम्ऎ खो मुखुबा “काङा मान्ठा गरक्मा मुसिङानॆ कामानुङ् काहॆ?” 21बाखापुम्चाऎ आक्क चःक्मिम्पा बाखाबाङ् खोसॆ माङ्माङ् मुमा मिनुकु ममन मुमॆ ढुप्पाट्ट खोनुङ् लि। खोसॆ आक्कबाङ् एट्टान काम्नुहा नुङ् मिःछुॽमा योम्पक्बि फॆरुहा कक्नाम् मुहिकु।
22आक्रहाङ्न निवाँहाङ् नुङ् सङ्क खोसॆ खोम् सिरि नुङ् चॆक्मावा खाङ्मिॽमॆ ढुप्पाट्ट चु हाङ्स, खोम् सिरिबि सिॽमानुङ् नासॆ लिमा परःक्डामिहा याॽमिचि सङ्क खोसॆ हुङ्मानुङ् चुमिकुचिमि। 23निवाँहाङ्मि निङ्लावा टक्चामामि लागि खोसॆ याॽलिन सॆःक्मिम्पा याॽमिचि निवाँहाङ्ऎ एट्टान नाम्नावाँ लॆकुचि लोमॆ खानावाँ खाङ्मिॽमाम् लागि खोसॆ आक्रमा योम्पक् यिगु। 24कानि सङ्क खोम् निङ्लावाबि टामाम् लागि सेःॽमिम्पा याॽमिचि यो। याहुडिचि टे हॆॽनॆ, टर हॆॽनिबारेक्चि सङ्क सेःॽमिम्पा याॽमिचि रेम। 25हॆॽनिबारेक्चिमि बारेबि निवाँहाङ्मि खानावाँ लोखुबा होसेबाङ् निवाँहाङ्ऎ गरहाङ् लोडु,
“खोचि काम् याॽमिचि मान्लॆःॽमि हाङ्स,
काङॆ खोचि काङामि याॽमिचि कामानुङ् सेःरुकुङ्चि।
काङॆ नाम्नाम् ऎपिसिम्पा याॽमिचि,
कॆ नाम्नाम् पिसिकुङ्चि।”#होसे २:२३
26हाङ्
“काङॆ आक्कबिन गरहाङ् लोडुङ्चि,
‘आन्ना काम् याॽमिचि हॆॽनॆ’
टर ‘आक्क ठालबि खोचि आक्कबिॽन आन्ना हिङ्चाखुबा निवाँहाङ्मि पासाचि लिकानि’।”#होसे १:१०
27हाङ् यासाइया लोमॆ निवाँहाङ्मि खानावाँ लोखुबाऎ सङ्क इस्राएलि याॽमिचिमि बारेबि गरहाङ् इडु, “इस्राएलि याॽमिचि हङ्माबि बालुवार एट्टान डिरिक लॆकुचि हाङ्स, खोचिबाङ् मिःक्म टे हिङ्चाक्मि। 28मान्ठाभनॆ पारभुऎ लोसिन्टन खोसॆ बाखाटेम्पिहा चोब्न याॽमिचि डान्डा पिकुचि हाङ् ग डान्डा पिॽमॆ योम्पक्पि खोसॆ हुङुनि हाङ् लुक्पिकु।”#यासाइया १०:२२-२३ 29ग खानावाँन यासाइयाऎ याॽलन गरहाङ् इमिम्पा लॆटु, “चोब्बाङ् सङ्पिऎ पारभु निवाँहाङ्ऎ कानिम् लागि एक्क हिप्पा पासाचि मायुक्सु ग, कानि इस्राएलि याॽमिचि निवाँहाङ्मि डान्डाऎ साडोम नुङ् गामोरा हाटाबिहा याॽमिचि रक्न लुक्खॆखुबा लॆटि।”#यासाइया १:९
इस्राएलिचिऎ निवाँयुङ् आलॆःॽमिम्पा
30काङ्कॆ लोमा यक्मिम्पा खानावाँ माङ्भनॆ हॆॽनिबारेक्चिऎ टाङ्पा निवाँहाङ्मि ङारिङ्पि निवाँनेन् याॽमि लिमा मायगामि, मरहाङ्स खोचिऎ निवाँहाङ्बि निवाँयुङ् लॆःॽमिम्पासॆ निवाँहाङ्ऎन खोचि निवाँनेन् याॽमिचि लोसुचि। 31टर मोसामि यायेॽमा टिङ्मानुङ् इस्राएलि याॽमिचि निवाँहाङ्मि ङारिङ्पि निवाँनेन् याॽमि लिमा यगामि, टर खोचि आक्क योम्पक्बाङ् हानाम्स निवाँनेन् मान्लिहिमि। 32मान्ठा खोचि निवाँनेन याॽमि मान्लिहिसामिहा टा? मान्ठाभनॆ निवाँनेन् याॽमि लिमामि लागि खोचिऎ निवाँयुङ् मान्लॆटुचि, टर मोसामि यायेॽमाबाङ्न निवाँनेन लिमा यगामि। खोचि उम्चि लाम्फुबि लुङ्कॽवाबि टःक्सिम्पा रक्न टःक्सिआमि। आक्क लुङ्कॽवा चाइ खिरिस्ट यो। 33गमि बारेबि निवाँनेन् साब्चिराबि निवाँहाङ्ऎ गरहाङ् लोःॽडु,
“कॆ यारुसालेम्पि याॽमिचि टःक्सिखुबा एक्क लुङ्कॽवा युङुकुङ। आक्क लुङ्कॽवाबि खोचि टक्सिमि हाङ् डाम्सिःक्मि।
टर आसॆ चाइ आक्क टःक्सिखुबा लुङ्कॽवाबि निवाँयुङ् लॆकु, खो ङेसिमाबि सिॽमा पाब्नि।”#यासाइया २८:१६
Currently Selected:
रोमि 9: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
रोमि 9
9
निवाँहाङ् नुङ् खोम् याॽमिचि
1काङॆ लोमा यकुङॆ खानावाँ चाइबानऎन। काङा ढाँटु बङ्चाङानि मान्ठाभनॆ काङा खिरिस्टमि याॽमिङा। काङॆ लोकुङॆ खानावाँ चाइबानऎये कामानुङ् सॆङसॆङॆ लावाबाङ् काम् निवाँऎ सङ्क चुमॆक्सङ् पिकु। 2काङा काम् याहुडि याॽमिचिमि लागि एट्टान डुखा मिनुॽङा हाङ् निवाँ टुगुॽङा 3काङॆ निवाँहाङ्बाङ् चाप्हिमा टक्चामार हाङ् खिरिस्टबाङ् फाक्लिङ् खॆॽमार काम् इस्राएलि याॽमिचि हिङ्चाक्मि हाङ्ग काङा चेन्चाखुबा लॆटिङ। 4खोचि इस्राएलि याॽमिचि रेम। निवाँहाङ्ऎ खोचि सॆःगुचि हाङ् खोम् पासाचि मुसुचि हाङ् खोमि निङ्लावा खाङ्मिटुचिमि। खोसॆ आक्खाचिनुङ् चुप्लाङ् हिगु हाङ् यायेॽमा पिट्टुचि। निवाँहाङ्ऎ खोचि मान्टहाङ् नुऎ लाम्फुबाङ् निवाँहाङ् चुङ्मॆ खानावाँ खाङ्मिटुचि। हाङ् खोम् चुप्लाङ् सङ्क पिट्टुचि। 5हाङ् इस्राइलि याॽमिचि निङ् चुचाखुबा कानिमि टुबालाबामि पासाचि रेम। हाङ् खिरिस्ट स ग जाटिबिन जान्म लिसा। खो चाइ चोब्न सक्पि हाङ्डाम् लॆखुबा निवाँहाङ् यो। खोमि हानाम्स निङ्लावा लिढाङ्र! आमेन।
6गुबि काङॆ निवाँहाङ्ऎ इस्राएलिचिनुङ् युङ्मिम्पा चुप्लाङ् मालि लोमिम्पा हॆॽनॆ। टर काङॆ लोमा यकुङॆ खानावाँ चाइ माङ्भनॆ सालुङ्पि इस्राएलि लिमानुङ् जान्म लिमिम्पा चोब्न याॽमिचि चाइबानहा निवाँहाङ्मि पासाचि लिमिनि। 7हाङ् आबाहाममि चोब्न पासाचि सङक् खोम् चाइबानऎ पासाचि हॆॽनॆ मान्ठाभनॆ निवाँनेन् साब्चिराबि गरहाङ् साब्डा, “आम् पासा इसाहाकबाङ्न आनामि पिसानासाचि लिःक्मि।”#९:७ गरक्ल आबाराहाममि याॽलिन इस्माएल लोमॆ पासा चुआ, टर आक्क पासाबाङ् निवाँहाङ्मि चुप्लाङ् आलिखुबा लॆटा, टर आक्क योम्पक् चाइ इसाहाकबाङ् लिखुबा लॆटा#उट्पाटि २१:१२ 8गर लोमिम्पा चाइ आबाराहामबाङ् जान्म लिमिम्पाचि चोब्न निवाँहाङ्ऎ खोम् पासाचि मुकुचिन लोमॆ चाइ हॆॽनॆ। निवाँहाङ्मि चुप्लाङर जान्म लिमिम्पाचि टेःॽन आबाराहाममि चाइबानहा पासाचि लिःक्मि।#९:८ आबाराहामबाङ् जान्म लिमिम्पा लोमॆसॆ इस्माएलमि पासाचि लोमॆ खाङ्मुकु। इस्माएल चाइ आबाराहामनुङ् हागार लोमॆ मेॽनुङ्माबाङ् जान्म लिमिम्पा लॆटा गालाटि ४:२२-२३ 9मान्ठाभनॆ निवाँहाङ्ऎ आबाराहामनुङ् इसाइकमि बारेबि गरहाङ् चुप्लाङ् युङु, “टाऎ निङ् काङा गरक्ल आनाबि ऎन्टाःॽङा, आरक्रक्ल आनामि खिम्टाङ्मा साराऎ आनामि एक्क वाठाङ्पा चाचा टक्मिम्पा लिक्।”#उट्पाटि २५:२३
10आक्र टे हॆॽनॆ, रेबिकाऎ कानिम् पाप्पाटुबा इसहाकमि एक्खेपाप्न हिप्पा चाचा टगुचि। 11-13टर आक्खा काप्से चाचाचि बग्हङ्सि चुआचिरक्न हाङ् खोचिऎ नुऎ नुङ् काइसॆ योम्पक् यिक्माबाङ् याॽलन, निवाँहाङ्ऎ रेबिका लोसु, “बुबुऎ नुसामि योम्पक मुकु।”#उट्पाटि २५:२३ हाङ् निवाँहाङ्ऎ लोसिन्टक्न निवाँनेन् साब्चिराबि गरहाङ् साब्डा, “काङॆ याकुब नाम्नाम् पिस्सिटुङ हाङ् एसाव चाइ सिच्चोउङ।”#मालाकि १:२-३ गरहाङ् निवाँहाङ्ऎ याॽमिचि सॆःक्मॆ योम्पक् उम्चि योम्पक् खाङ्मिसे हॆॽनॆ, टर निवाँहाङ्मि निवाँ रक्न लि लोमॆ खानावाँ खाङ्मुसु।
14ह कानि माल् कामॆ? माङ् निवाँहाङ्ऎ याॽमिचि एक्क मिगॆॽन खाङुचिनॆ? आक्र ग हॆॽनॆ! 15मान्ठाभनॆ खोसॆ मोसा लोसु, “आसा काङॆ नाम्नावाँ लॆकुङ् खोबि नाम्नावाँ खाङ्मुकुङ्, हाङ् आसा चाइ काङॆ नाम्नाम् पिसिॽमा मिकुङ् आक्क कॆ नाम्नाम् पिसिकुङ।”#पारास्ठान ३३:१९ 16मसॆ याॽमिऎ मिन्मिम्पासॆ हाङ् योम्पक् यिक्मिम्पासॆ निवाँहाङ्ऎ खो सॆःक्मिम्पा हॆॽनॆ, टर निवाँहाङ्ऎ खोम् नाम्नावाँऎ याॽमिचि सॆःगुकुचि। 17मान्ठाभनॆ निवाँनेन् साब्चिराबि एक्क फारो लोमॆ हाङ्मि बारेबि गरहाङ् साब्डा, “काम चॆक्मावा आना खाङ्मिॽमामि लागि हाङ् काम् निङ् चोब्न बाखाटेम्पि फुबक्माम् लागि काङॆ आना हाङ् मुडाना।”#पारास्ठान ९:१७ 18मसॆ निवाँहाङ्ऎ एक्क याॽमि नाम्नाम् पिसिकु हाङ् होइकमि निवाँ एट्टान छाक्कॆ मुबिकु लोमॆ खानावाँ निवाँहाङ्मि निवाँ रक्न लिक्।
बाखापुम्चा नुङ् खोम कक्नाम्
19ऎॽवा याॽमिचिऎ काङा गर लोःॽङामि, “मरहाङ्ग निवाँहाङ्ऎ मान्ठा कानि हस आब्डिक् टिकिहा? मान्ठाभनॆ खोम् निवाँबि माङ् मिनुकु म खानावाँबि आसॆस ऎक्मा हेसुचिनि हाङ्ग।” 20टर ओ याॽमि, निवाँहाङ्ऎ यिक्मिम्पा योम्पक्बि खानावाँ एम्पिखुबा आना आसारो? बाखामि कॽनाम्ऎ खो मुखुबा “काङा मान्ठा गरक्मा मुसिङानॆ कामानुङ् काहॆ?” 21बाखापुम्चाऎ आक्क चःक्मिम्पा बाखाबाङ् खोसॆ माङ्माङ् मुमा मिनुकु ममन मुमॆ ढुप्पाट्ट खोनुङ् लि। खोसॆ आक्कबाङ् एट्टान काम्नुहा नुङ् मिःछुॽमा योम्पक्बि फॆरुहा कक्नाम् मुहिकु।
22आक्रहाङ्न निवाँहाङ् नुङ् सङ्क खोसॆ खोम् सिरि नुङ् चॆक्मावा खाङ्मिॽमॆ ढुप्पाट्ट चु हाङ्स, खोम् सिरिबि सिॽमानुङ् नासॆ लिमा परःक्डामिहा याॽमिचि सङ्क खोसॆ हुङ्मानुङ् चुमिकुचिमि। 23निवाँहाङ्मि निङ्लावा टक्चामामि लागि खोसॆ याॽलिन सॆःक्मिम्पा याॽमिचि निवाँहाङ्ऎ एट्टान नाम्नावाँ लॆकुचि लोमॆ खानावाँ खाङ्मिॽमाम् लागि खोसॆ आक्रमा योम्पक् यिगु। 24कानि सङ्क खोम् निङ्लावाबि टामाम् लागि सेःॽमिम्पा याॽमिचि यो। याहुडिचि टे हॆॽनॆ, टर हॆॽनिबारेक्चि सङ्क सेःॽमिम्पा याॽमिचि रेम। 25हॆॽनिबारेक्चिमि बारेबि निवाँहाङ्मि खानावाँ लोखुबा होसेबाङ् निवाँहाङ्ऎ गरहाङ् लोडु,
“खोचि काम् याॽमिचि मान्लॆःॽमि हाङ्स,
काङॆ खोचि काङामि याॽमिचि कामानुङ् सेःरुकुङ्चि।
काङॆ नाम्नाम् ऎपिसिम्पा याॽमिचि,
कॆ नाम्नाम् पिसिकुङ्चि।”#होसे २:२३
26हाङ्
“काङॆ आक्कबिन गरहाङ् लोडुङ्चि,
‘आन्ना काम् याॽमिचि हॆॽनॆ’
टर ‘आक्क ठालबि खोचि आक्कबिॽन आन्ना हिङ्चाखुबा निवाँहाङ्मि पासाचि लिकानि’।”#होसे १:१०
27हाङ् यासाइया लोमॆ निवाँहाङ्मि खानावाँ लोखुबाऎ सङ्क इस्राएलि याॽमिचिमि बारेबि गरहाङ् इडु, “इस्राएलि याॽमिचि हङ्माबि बालुवार एट्टान डिरिक लॆकुचि हाङ्स, खोचिबाङ् मिःक्म टे हिङ्चाक्मि। 28मान्ठाभनॆ पारभुऎ लोसिन्टन खोसॆ बाखाटेम्पिहा चोब्न याॽमिचि डान्डा पिकुचि हाङ् ग डान्डा पिॽमॆ योम्पक्पि खोसॆ हुङुनि हाङ् लुक्पिकु।”#यासाइया १०:२२-२३ 29ग खानावाँन यासाइयाऎ याॽलन गरहाङ् इमिम्पा लॆटु, “चोब्बाङ् सङ्पिऎ पारभु निवाँहाङ्ऎ कानिम् लागि एक्क हिप्पा पासाचि मायुक्सु ग, कानि इस्राएलि याॽमिचि निवाँहाङ्मि डान्डाऎ साडोम नुङ् गामोरा हाटाबिहा याॽमिचि रक्न लुक्खॆखुबा लॆटि।”#यासाइया १:९
इस्राएलिचिऎ निवाँयुङ् आलॆःॽमिम्पा
30काङ्कॆ लोमा यक्मिम्पा खानावाँ माङ्भनॆ हॆॽनिबारेक्चिऎ टाङ्पा निवाँहाङ्मि ङारिङ्पि निवाँनेन् याॽमि लिमा मायगामि, मरहाङ्स खोचिऎ निवाँहाङ्बि निवाँयुङ् लॆःॽमिम्पासॆ निवाँहाङ्ऎन खोचि निवाँनेन् याॽमिचि लोसुचि। 31टर मोसामि यायेॽमा टिङ्मानुङ् इस्राएलि याॽमिचि निवाँहाङ्मि ङारिङ्पि निवाँनेन् याॽमि लिमा यगामि, टर खोचि आक्क योम्पक्बाङ् हानाम्स निवाँनेन् मान्लिहिमि। 32मान्ठा खोचि निवाँनेन याॽमि मान्लिहिसामिहा टा? मान्ठाभनॆ निवाँनेन् याॽमि लिमामि लागि खोचिऎ निवाँयुङ् मान्लॆटुचि, टर मोसामि यायेॽमाबाङ्न निवाँनेन लिमा यगामि। खोचि उम्चि लाम्फुबि लुङ्कॽवाबि टःक्सिम्पा रक्न टःक्सिआमि। आक्क लुङ्कॽवा चाइ खिरिस्ट यो। 33गमि बारेबि निवाँनेन् साब्चिराबि निवाँहाङ्ऎ गरहाङ् लोःॽडु,
“कॆ यारुसालेम्पि याॽमिचि टःक्सिखुबा एक्क लुङ्कॽवा युङुकुङ। आक्क लुङ्कॽवाबि खोचि टक्सिमि हाङ् डाम्सिःक्मि।
टर आसॆ चाइ आक्क टःक्सिखुबा लुङ्कॽवाबि निवाँयुङ् लॆकु, खो ङेसिमाबि सिॽमा पाब्नि।”#यासाइया २८:१६
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society