हिबुरु 3
3
येसु मोसाबाङ्स ढ्या
1मसॆ निवाँहाङ्ऎ खोम् याॽमिचि कामानुङ् सेःॽमिम्पा हाङ् खोनुङ् पारुबि पेन्सि सेःॽमिम्पा काम् बुबुनानुसाचि, कानिऎ येसुमि बारेबि मिॽलाइये मान्ठाभनॆ कानिऎ निवाँयुङ् लॆःॽमिम्पा आक्क याॽमिन निवाँहाङ्ऎ सॆःक्ढुङ्पा हाङ् खोमि साट्टबि टाडॆ हाङ् चोब्बाङ् ढ्या याटाङ्पा कामानुङ् पाङ्हाङ्डु। 2मान्टहाङ् मोसाऎ निवाँहाङ्मि चोब्न खिम्पि#३:२ निवाँहाङ्मि चोब्न खिम्पि लोमिम्पा चाइ निवाँहाङ्मि याॽमिचि लोमिम्पा रेम। निवाँयुङ्ऎ लिमानुङ् योम्पक् यिगु मरहाङ्न निवाँहाङ्ऎ येसु सङक् ग योम्पक् मुमाम् लागि सॆःगु।#ङेःप्मा १२:७ 3मान्ठाभनॆ मान्टहाङ् खिम्बाङस आक्क खिम् हेप्खुबा याॽमिमि डिरिक् निङ्लावा लॆ मरहाङ्न येसु मोसाबाङ्स डिरिक् निङ्लावा नुङ्मा लॆ। 4मान्ठाभनॆ एक्क खिम् एक्क ना एक्क याॽमिऎ हेप्मिम्पा लि कामानुङ् चोप्पसॆ लेकुचि, टर चोब्न खानावाँ मुखुबा निवाँहाङ्न। 5मोसा चाइ निवाँहाङ्मि खिम्पिहा याॽमिचिमि लुम्पि योम्पक् मुखुबा एक्क निवाँयुङ्मा याॽमि लॆटा। हाङ् खोसॆ डॆङ्पि म निवाँहाङ्ऎ इमाहा खानावाँ इःसु। 6टर खिरिस्ट चाइ निवाँहाङ्मि खिम्पिऎ एक्क योम्पक् मुखुबा याॽमि रक्मा हॆॽनॆ। खो ग खिम्पिऎ ढुप्पाट्ट नुङ्मा एक्क पासा यो। हाङ् कानिऎ कानिम् आस हाङ् निवाँयुङ् लॆढाङ्सि हाङ्ग कानि खोम् खिम्पिहा याॽमिचि यो।
निवाँहाङ्मि याॽमिचि नाचामॆ खानावाँ
7मसॆ सॆङ्सॆङॆ लावाऎ गरहाङ् लोसिन्टक्न,
“आयु आन्नॆ निवाँहाङ्मि साम्ला खेम्मा लॆकानि।
8आन्नामि पाप्पाटुबाचिऎर
निवाँहाङ् सिच्चासे टाङ्पामि निवाँ छाक्कॆ ऎमुसाम्नॆ।
आक्रल खोचिऎ आसस पेन्मिनिहा ठालबि निवाँहाङ्मि निवाँ ठागुचि।
9हाङ् रिपङ् निङ्ढारि काङॆ यिक्मिम्पा आक्खॆॽमाहा योम्पक् खाङुचि हाङ्स
खोचिऎ काङा निवाँयुङ् मान्लॆटिङ्मि हाङ् ऎॽवा खेपा ठागिङ्मि।
10मसॆ आक्खा याॽमिचि नुङ् काङा सोम खेरिङ् हाङ् लोसुङ्,
‘इघा याॽमिचि हानाम्स ऎट्टान निवाँयुङ् आलॆखुबाचि लॆःॽमि हाङ् काङा टिङ्मान माखासिमि।’
11मसॆ काङॆ काम् सिरिबि गर कामानुङ् चुप्लाङ् ठुबुङ्
‘खोचि काङॆ पिॽमा मिन्मिम्पा नाचामॆ ठालबि हानाम्स भॆन्मिनि’।”#खोम्मिम्पासाम् ९५:७-११
12मसॆ बुबुनानुसाचि नुःर पेनानॆ। आन्ना आसा सङ्क हिङ्चाऎ निवाँहाङ्बि निवाँयुङ् आलॆखुबा, खो याइमॆ काइसॆ निवाँ आलिसानॆ। 13टर आन्नानुङ् “आयु” लोमॆ लः चुरढारि हानाम्स एक्कसॆ होइक ठेप्पे चुआनॆ। गर लॆटानि हाङ्ग हिङ्वाऎ आन्ना फोःप्सिटानिनि हाङ् आम्नि निवाँ छाक्कॆ लिनि। 14मान्ठाभनॆ कानिऎ कानिमि याॽलिऎ निवाँयुङ् कानिमि हिङ्खामा लुक्खॆॽरढारि मान्सेरि हाङ्ग कानि खिरिस्टमि खिम्पिहा याॽमिचि रेम।
15निवाँनेन् साब्चिराऎ गरहाङ् इसु,
“आयु आन्नॆ निवाँहाङ्मि साम्ला खेम्मा लॆकानि
आन्नामि पाप्पाटुबाचिऎर
निवाँहाङ् सिच्चासे टाङ्पामि निवाँ छाक्कॆ ऎमुसाम्नॆ।”#खोम्मिम्पासाम् ९५:७-८
16हाङ् आसाचिऎ निवाँहाङ्मि खानावाँ खेमुचि हाङ्सङ्क खो सिच्चाउचि लोमॆ कानिऎ लेःक्न। आक्खा याॽमिचि चाइ मोसाऎ मिस्र हाङ्टेम्बाङ् लाबडुचिहा याॽमिचिन। 17हाङ् आसानुङ् निवाँहाङ् रिपङ् निङ्ढारि सोम् खेरे? हिङ्वा योम्पक् यिक्मिम्पासॆ आसास पेन्मिनिहा ठालबि सिखॆॽमिम्पा आक्खा चोब्न याॽमिचि नुङ् निवाँहाङ् सोम् खेॽमिम्पा खानावाँ कानिऎ लेःक्न। 18हाङ् खोमि नाचामॆ ठालबि आक्खाचि भॆन्हिमिनि निवाँहाङ्ऎ चुप्लाङ् हिक्मार खो आसानुङ् यामुमॆ पाइटॆ? माल् खोमि खानावाँ खेम्खुबाचि नुङ् हॆॽनॆ?#ङेःप्मा १४:१-३५ 19मसॆ कानिऎ वाःप्मॆ खानावाँ माङ्भनॆ, खोचिऎ निवाँयुङ् मान्लॆःॽमिम्पासॆॽन नाचामॆ ठालबि मान्भॆन्टक्मि।
Currently Selected:
हिबुरु 3: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
हिबुरु 3
3
येसु मोसाबाङ्स ढ्या
1मसॆ निवाँहाङ्ऎ खोम् याॽमिचि कामानुङ् सेःॽमिम्पा हाङ् खोनुङ् पारुबि पेन्सि सेःॽमिम्पा काम् बुबुनानुसाचि, कानिऎ येसुमि बारेबि मिॽलाइये मान्ठाभनॆ कानिऎ निवाँयुङ् लॆःॽमिम्पा आक्क याॽमिन निवाँहाङ्ऎ सॆःक्ढुङ्पा हाङ् खोमि साट्टबि टाडॆ हाङ् चोब्बाङ् ढ्या याटाङ्पा कामानुङ् पाङ्हाङ्डु। 2मान्टहाङ् मोसाऎ निवाँहाङ्मि चोब्न खिम्पि#३:२ निवाँहाङ्मि चोब्न खिम्पि लोमिम्पा चाइ निवाँहाङ्मि याॽमिचि लोमिम्पा रेम। निवाँयुङ्ऎ लिमानुङ् योम्पक् यिगु मरहाङ्न निवाँहाङ्ऎ येसु सङक् ग योम्पक् मुमाम् लागि सॆःगु।#ङेःप्मा १२:७ 3मान्ठाभनॆ मान्टहाङ् खिम्बाङस आक्क खिम् हेप्खुबा याॽमिमि डिरिक् निङ्लावा लॆ मरहाङ्न येसु मोसाबाङ्स डिरिक् निङ्लावा नुङ्मा लॆ। 4मान्ठाभनॆ एक्क खिम् एक्क ना एक्क याॽमिऎ हेप्मिम्पा लि कामानुङ् चोप्पसॆ लेकुचि, टर चोब्न खानावाँ मुखुबा निवाँहाङ्न। 5मोसा चाइ निवाँहाङ्मि खिम्पिहा याॽमिचिमि लुम्पि योम्पक् मुखुबा एक्क निवाँयुङ्मा याॽमि लॆटा। हाङ् खोसॆ डॆङ्पि म निवाँहाङ्ऎ इमाहा खानावाँ इःसु। 6टर खिरिस्ट चाइ निवाँहाङ्मि खिम्पिऎ एक्क योम्पक् मुखुबा याॽमि रक्मा हॆॽनॆ। खो ग खिम्पिऎ ढुप्पाट्ट नुङ्मा एक्क पासा यो। हाङ् कानिऎ कानिम् आस हाङ् निवाँयुङ् लॆढाङ्सि हाङ्ग कानि खोम् खिम्पिहा याॽमिचि यो।
निवाँहाङ्मि याॽमिचि नाचामॆ खानावाँ
7मसॆ सॆङ्सॆङॆ लावाऎ गरहाङ् लोसिन्टक्न,
“आयु आन्नॆ निवाँहाङ्मि साम्ला खेम्मा लॆकानि।
8आन्नामि पाप्पाटुबाचिऎर
निवाँहाङ् सिच्चासे टाङ्पामि निवाँ छाक्कॆ ऎमुसाम्नॆ।
आक्रल खोचिऎ आसस पेन्मिनिहा ठालबि निवाँहाङ्मि निवाँ ठागुचि।
9हाङ् रिपङ् निङ्ढारि काङॆ यिक्मिम्पा आक्खॆॽमाहा योम्पक् खाङुचि हाङ्स
खोचिऎ काङा निवाँयुङ् मान्लॆटिङ्मि हाङ् ऎॽवा खेपा ठागिङ्मि।
10मसॆ आक्खा याॽमिचि नुङ् काङा सोम खेरिङ् हाङ् लोसुङ्,
‘इघा याॽमिचि हानाम्स ऎट्टान निवाँयुङ् आलॆखुबाचि लॆःॽमि हाङ् काङा टिङ्मान माखासिमि।’
11मसॆ काङॆ काम् सिरिबि गर कामानुङ् चुप्लाङ् ठुबुङ्
‘खोचि काङॆ पिॽमा मिन्मिम्पा नाचामॆ ठालबि हानाम्स भॆन्मिनि’।”#खोम्मिम्पासाम् ९५:७-११
12मसॆ बुबुनानुसाचि नुःर पेनानॆ। आन्ना आसा सङ्क हिङ्चाऎ निवाँहाङ्बि निवाँयुङ् आलॆखुबा, खो याइमॆ काइसॆ निवाँ आलिसानॆ। 13टर आन्नानुङ् “आयु” लोमॆ लः चुरढारि हानाम्स एक्कसॆ होइक ठेप्पे चुआनॆ। गर लॆटानि हाङ्ग हिङ्वाऎ आन्ना फोःप्सिटानिनि हाङ् आम्नि निवाँ छाक्कॆ लिनि। 14मान्ठाभनॆ कानिऎ कानिमि याॽलिऎ निवाँयुङ् कानिमि हिङ्खामा लुक्खॆॽरढारि मान्सेरि हाङ्ग कानि खिरिस्टमि खिम्पिहा याॽमिचि रेम।
15निवाँनेन् साब्चिराऎ गरहाङ् इसु,
“आयु आन्नॆ निवाँहाङ्मि साम्ला खेम्मा लॆकानि
आन्नामि पाप्पाटुबाचिऎर
निवाँहाङ् सिच्चासे टाङ्पामि निवाँ छाक्कॆ ऎमुसाम्नॆ।”#खोम्मिम्पासाम् ९५:७-८
16हाङ् आसाचिऎ निवाँहाङ्मि खानावाँ खेमुचि हाङ्सङ्क खो सिच्चाउचि लोमॆ कानिऎ लेःक्न। आक्खा याॽमिचि चाइ मोसाऎ मिस्र हाङ्टेम्बाङ् लाबडुचिहा याॽमिचिन। 17हाङ् आसानुङ् निवाँहाङ् रिपङ् निङ्ढारि सोम् खेरे? हिङ्वा योम्पक् यिक्मिम्पासॆ आसास पेन्मिनिहा ठालबि सिखॆॽमिम्पा आक्खा चोब्न याॽमिचि नुङ् निवाँहाङ् सोम् खेॽमिम्पा खानावाँ कानिऎ लेःक्न। 18हाङ् खोमि नाचामॆ ठालबि आक्खाचि भॆन्हिमिनि निवाँहाङ्ऎ चुप्लाङ् हिक्मार खो आसानुङ् यामुमॆ पाइटॆ? माल् खोमि खानावाँ खेम्खुबाचि नुङ् हॆॽनॆ?#ङेःप्मा १४:१-३५ 19मसॆ कानिऎ वाःप्मॆ खानावाँ माङ्भनॆ, खोचिऎ निवाँयुङ् मान्लॆःॽमिम्पासॆॽन नाचामॆ ठालबि मान्भॆन्टक्मि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society