सॆःक्ढुङ्पा 5
5
हनानिया नुङ् सफिरा
1टर आक्कुबि हनानिया लोमॆ याॽमिऎ खोम् खिम्टाङ्मा सफिरानुङ् उम्चि रोपामि मिःक्म भाग इन्चाआचु। 2हाङ् मिःक्म याङ् उम् खिम्टाङ्माऎ खाङ्टक्मॆ गारि चुम्सिटु। हाङ् होइढा याङ् सॆःक्ढुङ्पाचिबि लाटॆटु।
3टर पाट्रुसऎ खो सिमु, “ओ हनानिया, सॆङ्सॆङॆ लावा ढाँटु बङ्चामा हाङ् बाखा इन्चाम्पाबा टाडॆ याङ् टाङ्पानुङ् युङ्मॆ खानावाँ साइटानऎ मान्टहाङ् आनाम् निवाँबि टिबिटॆ? 4एइन्चामारक्स आनाम्न लॆटा। ह आनॆ इन्चामार स याङ् आनाम् हुक्पिॽन चु। मान्टक्ल निवाँबि काइसॆ खानावाँ मिॽलाउनॆ? आनॆ ग याॽमि टेःॽन हॆॽनि टर निवाँहाङ् स बङ्सिॽमा यगुना।”
5हाङ् हननियाऎ ग खानावाँ खेम्मा अक्सि फॆट्टरक्ट डाम्सिआ हाङ् उम् सक्मा खाइटा। हाङ् म खानावाँ खेम्खुबा चोब्न याॽमिचि एट्टान किसिखारामि। 6हाङ् आक्कुबिहा एक्क हिप्पा वेन्चाचि पगमिहाङ् खो चेऎ मोमुचिहाङ् बाहिर लाखॆटुचि हाङ् हुमुचि।
7हाङ् सुम्चि घान्टार डॆङ्पि हननियामि खिम्टाङ्मा सफिरा स उम् खिम्टाङ्पा माङ् लिसे लोमॆ खानावाँ माङ्स मालेबान आक्कुबि टाआ।
8पाट्रुसऎ खो स सिमु, काङा लोङॆ, “माल आन्चिनॆ बाखा आक्रक्पिॽन इन्चोम्पा हॆ?” खोसॆ लोसु, “एम, आक्क इन्चोम्पाबा टाडॆ याङ् ग गरक् टेःॽन।”
9मसॆ पाट्रुसऎ खो लोसु, “मान्टक्ल आन्चिनॆ पारभुमि निवाँ ठाःक्मा कामानुङ् खानावाँ टङाचुनॆ? खेमे, आनाम् खिम्टाङ्पा खिन्खॆॽमानुङ् हुम्खुबाचि आक्क लम्भॆरॆङ्माबिॽन चुःक्मि। आना स खोचिऎ मरहाङ्न खिन्खॆमि।”
10मरक्लन आक्क पाट्रुसमि लाङ् कॆक्पि डाम्सिआहाङ् उम् सक्मा खाइटा। हाङ् आक्खा वेन्चाचि हङ्सि भेन्मार खो सिखॆम्पा खाङुचिहाङ् खिन्खॆटुचि हाङ् उम् खिम्टाङ्पामि कॆक्पि हुमुचि। 11हाङ् आक्क खेम्खुबा चोब्न याॽमिचि हाङ् मान्डालिबिहा याॽमिचि एट्टान किसिखारामि।
सॆःक्ढुङ्पाचिऎ याॽमिचि नुबक्मिॽमिम्पा
12हाङ् सॆःक्ढुङ्पाचिऎ डिरिक् आक्खॆॽमा लुहा योम्पक् नुङ् चिन्ना याॽमिचिम् लुम्पि खाङ्मुसुचि। हाङ् चोब्न निवाँयुङ् लॆखुबाचि निवाँहाङ्मि खिम्पिऎ सोलोमानमि लम्भॆरॆङ्मा लोमॆ ठालबि खोम्टि खॆॽयुक्सामि। 13निवाँयुङ् आलॆखुबा याॽमिचिऎ सङ्क खोचि एट्टान नुःर लॆटुचि हाङ्सङ्क आसॆस खोचिनुङ् टङ्मॆ आँटा मॆमुहिसुचि। 14आक्र हाङ्स पारभुबि निवाँयुङ् लॆखुबा मेॽनुङ्माचि हाङ् वाठाङ्पाचि खोचिबि डिरिक् येट्टिसे खारामि। 15मसॆ पाट्रुस खॆॽमार खोम् लवा टुक्खुबाचिबि सिॽल हाङ् नुबक्मिर कामानुङ् याॽमिचिऎ लाम्फु लाम्फुबि टुक्खाचि लिठाम् नुङ्न लाटॆॽमानुङ् युङ्युक्सुचि। 16यारुसालेम गॆअङ्मॆअङ्बिहा हाटा बाङ्स आक्कुबि डिरिक् याॽमिचि खोम्टि खारामि। आक्खाचिऎ टुक्खाचि हाङ् चाप्चिऎ डुखा पिॽमिम्पाचि आक्कुबि लाटॆटुचि हाङ् चोब्न नुबकामि।
सॆःक्ढुङ्पाचि डुखा पिॽमिम्पा
17हाङ् चोब्बाङ् ढ्या याटाङ्पा हाङ् सडुकि लोमाह याॽमिचिऎ सॆःक्ढुङ्पाचि नुङ् एट्टान याक्चाबक्कुचि। 18हाङ् खोचिऎ सॆःक्ढुङ्पाचि लाबुचिहाङ् सॆक्चिम्पि सॆगुचि। 19टर युटा पारभुमि निवाँखाटॆखुबा टाआहाङ् लोम्भॆरॆङ्मा हेम्बक्पिट्टुचि हाङ् बाहिर लाफॆटुचिहाङ् आक्खाचि लोसुचि, 20“आन्ना निवाँहाङ्मि खिम्पि खारानॆहाङ् ग हिङ्खामामि उम्चङ् नुऎ खानावाँ याॽमिचि खेम्मिटाम्चिनॆ।” 21हाङ् वेन्डाक् लाम्पॆ नाम्सङ्माक्नि निवाँहाङ्मि खिम्पि भॆनामिहाङ् याॽमिचि चिन्पकुचि। चोब्बाङ् ढ्या याटाङ्पा हाङ् उम् लाङ्काम्चिऎ याहुडिचिम् टुङ्घङ्पाचि खोम्ठाम् ठालबि चोब्न इस्राएलिम् ढ्या याॽमिचि नुङ् खानावाँ इसामिहाङ् “सॆःक्ढुङ्पाचि सॆक्चिम्बाङ् लाटॆटाम्नॆ” कामानुङ् सॆक्चिम्पि योम्पक् मुखुबाचि लोसुचि।
22टर टिलिङ्गाचि सॆक्चिम्पि टामार सॆःक्ढुङ्पाचि आक्कुबि माखाङ्टकुचि हाङ् आक्खाचि ऎन्टाआमि हाङ् गर लोसुचि, 23“काङ्का सॆक्चिम्पि टामार लम्भॆरॆङ्मा काम्नुःर सॆक्मिम्पा लॆटा हाङ् टिलिङ्गाचि सङ्क लम्भॆरॆङ्मा हुङ्मानुङ् येप्ढाङ्पा लॆटामि, टर काङ्कॆ लाम्भॆरॆङ्मा हेम्बक्मार आक्कुबि आसास माचुआमि।”
24निवाँहाङ्मि खिम् हुङ्खुबमि टुङ्घङ्पा हाङ् चोब्बाङ् ढ्या याटाङ्पाचिऎ ग खानावाँ खेमुचिहाङ् “ह माङ् लिऎर?” कामानुङ् आक्खॆटुचि। 25हाङ् आक्कुबि एक्क याॽमि टाआ हाङ् आक्खाचि गर लोसुचि, “आन्नॆ सॆक्चिम्पि सॆक्मिम्पा याॽमिचिऎ ग मिउ निवाँहाङ्मि खिम्पि याॽमिचि चिन्मे पाइकुचि।” 26आक्क कप्टानऎ निवाँहाङ्मि खिम् हुङ्खुबाचि लाखॆटुचि हाङ् “याॽमिचिऎ लुङ्कॽवाऎ डॆरुॽमिहाङ् सेरुक्मिह्यारु” कामानुङ् किसिम्पासॆ सॆःक्ढुङ्पाचि डुखा मापिॽरे टुङ्घङ्पाचि खोम्ठाम् ठालबि लाटॆटुचि। 27खोचिऎ टुङ्घङ्पाचि खोम्ठाम् ठालमि लुम्पिॽन सॆःक्ढुङ्पाचि येॽमिॽमानुङ् चोब्बाङ् ढ्या याटाङ्पाऎ आक्खाचि सिमुचि, 28“काङ्कॆ आन्ना ग निङ्पि याॽमिचि माङ्स आलोसाम्नॆ कामानुङ् लोमिम्पा हॆॽनॆ? टर आन्नॆ ग चोब्न यारुसालेम्पि आन्नामि खानावाँ फुबक्डाम्नि हाङ् ग याॽमि सिखॆम्पामि आब्डिक् स काङ्का लाप्टिमा यकाम्नि।”
29टर पाट्रुस हाङ् होइढा सॆःक्ढुङ्पाचिऎ आक्खाचि लोसुचि, “काङ्कॆ ग याॽमिचिम् खानावाँ हॆॽनॆ निवाँहाङ्मि खानावाँन खेम्मा लॆ। 30आन्नॆ कुरुसाबि कॆङ्से सेॽमिम्पा येसु कानिम् टुबालाबाचिम् निवाँहाङ्ऎ हिङ्पक्मिडु। 31निवाँहाङ्ऎ खो टुङ्घङ्पा हाङ् फाक्खुबा लिमाम् लागि खोम् चुप्ठिङ् हुक् पोट्टि युङु। गरहाङ् इस्राएलि याॽमिचिऎ हिङ्वाबाङ् ऎम्पक्मा हाङ् हिङ्वाबाङ् यङ्निमा टक्चामॆ लः टक्चाडुचि। 32ग खानावाँमि चुमॆक्सङ् सॆङ्सॆङॆ लावा हाङ् काङ्का चोब्न चुकिङ्का। निवाँहाङ्ऎ खोम् खानावाँ खेम्खुबाचि खोसॆ सॆङ्सॆङॆ लावा पिडुचि।”
33याहुडिचि खोम्ठाम् खिम्पिहा याॽमिचिऎ ग खेमुचि हाङ् खोचि एट्टान याक्चाउचि हाङ् सॆःक्ढुङ्पाचि सेॽमा लॆःॽमि कामानुङ् मिनामि। 34टर आक्कुबि मोसामि यायेॽमा चिन्खुबाचि हाङ् चोब्न याॽमिचिऎ नुःर लॆःॽमिम्पा गमालिएल लोमॆ एक्क फरिसि येप्पका हाङ् आक्खा सॆःक्ढुङ्पाचि एच्छक्म बाहिर पाङ्हाङ्सुचि। 35हाङ् खोसॆ आक्खा खोम्टि खॆॽमिम्पा टुङ्घङ्पाचि गरहाङ् लोसुचि, “इस्राएलि याॽमिचि, इघा याॽमिचि आन्नॆ माङ् लॆःॽमा परक्मिम्पा? आन्नॆ नुःर मिॽलाआम्नॆ। 36याॽल स एक्क ठियादस लोमॆ याॽमि टामिम्पा लॆटा। खोसॆस ‘काङानये’ कामिम्पा लॆटा। हाङ् रिकक् याॽमिचिऎ खो टिङुचि, टर आसॆ ह आसॆ खो सेरुहाङ् खो टिङ्खुबा याॽमिचि चोब्न फाॽलिङ् खारामिहाङ् माखारामि। 37डॆङ्पि याॽमिचि ङेःप्मॆ लःबि सङ्क गालिलबिऎ एक्क याहुडा लोमॆ याॽमि टाआ हाङ् एक्क हिप्पा याॽमिचि नुङ् टङा हाङ् रोमि हाङ्डाम्मि ङारिङ्पि हाङ्टेम् खिसामि योम्पक् यिगा, टर खो सङ्क सेरुचि हाङ् खो टिङ्खुबाचि सङ्क फाॽलिङ् खारामि हाङ् माखारामि। 38इघा याॽमिचि माङ्स आलॆटाम्चिनॆ हाङ् लेॽहाङ्साम्नॆ कामानुङ् कॆ आन्ना लोकानि। मान्ठाभनॆ घाचिऎ चिन्मिम्पा खानावाँ याॽमिबाङ् हाङ्ग इघा याॽमिचि मरक्न माखॆमि 39टर इघा याॽमिचिम् खानावाँ निवाँहाङ्बा टामिम्पा हाङ्ग आन्नॆ इघा याॽमिचि माङ्स लॆहिसाम्निनि, टर आन्नारे निवाँहाङ् काइर लॆसि परक्मिम्पा लिकानि।”
40उम् खानावाँबि आक्खाचि खासिआमि। हाङ् आक्खाचिऎ सॆःक्ढुङ्पाचि सेःरुचिहाङ् कोर्रा टिमानुङ् “ह ग येसुमि निङ्पि याम्मा, चिन्मा टक्काम्निनि” कामानुङ् लोसुचि हाङ् आक्खाचि लेहाङ्सुचि।
41हाङ् सॆःक्ढुङ्पाचि टुङ्घङ्पाचि खोम्ठाम् ठालबाङ् आम्पकामिहाङ् “कानि स येसुमि लागि डुखा आङ्टिखॆक्खुबा याॽमिचि नुङ् ङेःप्सिखारि” कामानुङ् एट्टान चेन्चाआमि। 42हाङ् चोब्न डिना खोचि निवाँहाङ्मि खिम्पि हाङ् याॽमिचिम् खिम्खिम्पि खारामिहाङ् हानाम्स “येसुन खिरिस्ट, नुऎ खानावाँ हाङ् निवाँहाङ्मि चुप्लाङ् कामानुङ् चिन्से खेम्मिटुचिमि।”
Currently Selected:
सॆःक्ढुङ्पा 5: LBR
Highlight
Share
Compare
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सॆःक्ढुङ्पा 5
5
हनानिया नुङ् सफिरा
1टर आक्कुबि हनानिया लोमॆ याॽमिऎ खोम् खिम्टाङ्मा सफिरानुङ् उम्चि रोपामि मिःक्म भाग इन्चाआचु। 2हाङ् मिःक्म याङ् उम् खिम्टाङ्माऎ खाङ्टक्मॆ गारि चुम्सिटु। हाङ् होइढा याङ् सॆःक्ढुङ्पाचिबि लाटॆटु।
3टर पाट्रुसऎ खो सिमु, “ओ हनानिया, सॆङ्सॆङॆ लावा ढाँटु बङ्चामा हाङ् बाखा इन्चाम्पाबा टाडॆ याङ् टाङ्पानुङ् युङ्मॆ खानावाँ साइटानऎ मान्टहाङ् आनाम् निवाँबि टिबिटॆ? 4एइन्चामारक्स आनाम्न लॆटा। ह आनॆ इन्चामार स याङ् आनाम् हुक्पिॽन चु। मान्टक्ल निवाँबि काइसॆ खानावाँ मिॽलाउनॆ? आनॆ ग याॽमि टेःॽन हॆॽनि टर निवाँहाङ् स बङ्सिॽमा यगुना।”
5हाङ् हननियाऎ ग खानावाँ खेम्मा अक्सि फॆट्टरक्ट डाम्सिआ हाङ् उम् सक्मा खाइटा। हाङ् म खानावाँ खेम्खुबा चोब्न याॽमिचि एट्टान किसिखारामि। 6हाङ् आक्कुबिहा एक्क हिप्पा वेन्चाचि पगमिहाङ् खो चेऎ मोमुचिहाङ् बाहिर लाखॆटुचि हाङ् हुमुचि।
7हाङ् सुम्चि घान्टार डॆङ्पि हननियामि खिम्टाङ्मा सफिरा स उम् खिम्टाङ्पा माङ् लिसे लोमॆ खानावाँ माङ्स मालेबान आक्कुबि टाआ।
8पाट्रुसऎ खो स सिमु, काङा लोङॆ, “माल आन्चिनॆ बाखा आक्रक्पिॽन इन्चोम्पा हॆ?” खोसॆ लोसु, “एम, आक्क इन्चोम्पाबा टाडॆ याङ् ग गरक् टेःॽन।”
9मसॆ पाट्रुसऎ खो लोसु, “मान्टक्ल आन्चिनॆ पारभुमि निवाँ ठाःक्मा कामानुङ् खानावाँ टङाचुनॆ? खेमे, आनाम् खिम्टाङ्पा खिन्खॆॽमानुङ् हुम्खुबाचि आक्क लम्भॆरॆङ्माबिॽन चुःक्मि। आना स खोचिऎ मरहाङ्न खिन्खॆमि।”
10मरक्लन आक्क पाट्रुसमि लाङ् कॆक्पि डाम्सिआहाङ् उम् सक्मा खाइटा। हाङ् आक्खा वेन्चाचि हङ्सि भेन्मार खो सिखॆम्पा खाङुचिहाङ् खिन्खॆटुचि हाङ् उम् खिम्टाङ्पामि कॆक्पि हुमुचि। 11हाङ् आक्क खेम्खुबा चोब्न याॽमिचि हाङ् मान्डालिबिहा याॽमिचि एट्टान किसिखारामि।
सॆःक्ढुङ्पाचिऎ याॽमिचि नुबक्मिॽमिम्पा
12हाङ् सॆःक्ढुङ्पाचिऎ डिरिक् आक्खॆॽमा लुहा योम्पक् नुङ् चिन्ना याॽमिचिम् लुम्पि खाङ्मुसुचि। हाङ् चोब्न निवाँयुङ् लॆखुबाचि निवाँहाङ्मि खिम्पिऎ सोलोमानमि लम्भॆरॆङ्मा लोमॆ ठालबि खोम्टि खॆॽयुक्सामि। 13निवाँयुङ् आलॆखुबा याॽमिचिऎ सङ्क खोचि एट्टान नुःर लॆटुचि हाङ्सङ्क आसॆस खोचिनुङ् टङ्मॆ आँटा मॆमुहिसुचि। 14आक्र हाङ्स पारभुबि निवाँयुङ् लॆखुबा मेॽनुङ्माचि हाङ् वाठाङ्पाचि खोचिबि डिरिक् येट्टिसे खारामि। 15मसॆ पाट्रुस खॆॽमार खोम् लवा टुक्खुबाचिबि सिॽल हाङ् नुबक्मिर कामानुङ् याॽमिचिऎ लाम्फु लाम्फुबि टुक्खाचि लिठाम् नुङ्न लाटॆॽमानुङ् युङ्युक्सुचि। 16यारुसालेम गॆअङ्मॆअङ्बिहा हाटा बाङ्स आक्कुबि डिरिक् याॽमिचि खोम्टि खारामि। आक्खाचिऎ टुक्खाचि हाङ् चाप्चिऎ डुखा पिॽमिम्पाचि आक्कुबि लाटॆटुचि हाङ् चोब्न नुबकामि।
सॆःक्ढुङ्पाचि डुखा पिॽमिम्पा
17हाङ् चोब्बाङ् ढ्या याटाङ्पा हाङ् सडुकि लोमाह याॽमिचिऎ सॆःक्ढुङ्पाचि नुङ् एट्टान याक्चाबक्कुचि। 18हाङ् खोचिऎ सॆःक्ढुङ्पाचि लाबुचिहाङ् सॆक्चिम्पि सॆगुचि। 19टर युटा पारभुमि निवाँखाटॆखुबा टाआहाङ् लोम्भॆरॆङ्मा हेम्बक्पिट्टुचि हाङ् बाहिर लाफॆटुचिहाङ् आक्खाचि लोसुचि, 20“आन्ना निवाँहाङ्मि खिम्पि खारानॆहाङ् ग हिङ्खामामि उम्चङ् नुऎ खानावाँ याॽमिचि खेम्मिटाम्चिनॆ।” 21हाङ् वेन्डाक् लाम्पॆ नाम्सङ्माक्नि निवाँहाङ्मि खिम्पि भॆनामिहाङ् याॽमिचि चिन्पकुचि। चोब्बाङ् ढ्या याटाङ्पा हाङ् उम् लाङ्काम्चिऎ याहुडिचिम् टुङ्घङ्पाचि खोम्ठाम् ठालबि चोब्न इस्राएलिम् ढ्या याॽमिचि नुङ् खानावाँ इसामिहाङ् “सॆःक्ढुङ्पाचि सॆक्चिम्बाङ् लाटॆटाम्नॆ” कामानुङ् सॆक्चिम्पि योम्पक् मुखुबाचि लोसुचि।
22टर टिलिङ्गाचि सॆक्चिम्पि टामार सॆःक्ढुङ्पाचि आक्कुबि माखाङ्टकुचि हाङ् आक्खाचि ऎन्टाआमि हाङ् गर लोसुचि, 23“काङ्का सॆक्चिम्पि टामार लम्भॆरॆङ्मा काम्नुःर सॆक्मिम्पा लॆटा हाङ् टिलिङ्गाचि सङ्क लम्भॆरॆङ्मा हुङ्मानुङ् येप्ढाङ्पा लॆटामि, टर काङ्कॆ लाम्भॆरॆङ्मा हेम्बक्मार आक्कुबि आसास माचुआमि।”
24निवाँहाङ्मि खिम् हुङ्खुबमि टुङ्घङ्पा हाङ् चोब्बाङ् ढ्या याटाङ्पाचिऎ ग खानावाँ खेमुचिहाङ् “ह माङ् लिऎर?” कामानुङ् आक्खॆटुचि। 25हाङ् आक्कुबि एक्क याॽमि टाआ हाङ् आक्खाचि गर लोसुचि, “आन्नॆ सॆक्चिम्पि सॆक्मिम्पा याॽमिचिऎ ग मिउ निवाँहाङ्मि खिम्पि याॽमिचि चिन्मे पाइकुचि।” 26आक्क कप्टानऎ निवाँहाङ्मि खिम् हुङ्खुबाचि लाखॆटुचि हाङ् “याॽमिचिऎ लुङ्कॽवाऎ डॆरुॽमिहाङ् सेरुक्मिह्यारु” कामानुङ् किसिम्पासॆ सॆःक्ढुङ्पाचि डुखा मापिॽरे टुङ्घङ्पाचि खोम्ठाम् ठालबि लाटॆटुचि। 27खोचिऎ टुङ्घङ्पाचि खोम्ठाम् ठालमि लुम्पिॽन सॆःक्ढुङ्पाचि येॽमिॽमानुङ् चोब्बाङ् ढ्या याटाङ्पाऎ आक्खाचि सिमुचि, 28“काङ्कॆ आन्ना ग निङ्पि याॽमिचि माङ्स आलोसाम्नॆ कामानुङ् लोमिम्पा हॆॽनॆ? टर आन्नॆ ग चोब्न यारुसालेम्पि आन्नामि खानावाँ फुबक्डाम्नि हाङ् ग याॽमि सिखॆम्पामि आब्डिक् स काङ्का लाप्टिमा यकाम्नि।”
29टर पाट्रुस हाङ् होइढा सॆःक्ढुङ्पाचिऎ आक्खाचि लोसुचि, “काङ्कॆ ग याॽमिचिम् खानावाँ हॆॽनॆ निवाँहाङ्मि खानावाँन खेम्मा लॆ। 30आन्नॆ कुरुसाबि कॆङ्से सेॽमिम्पा येसु कानिम् टुबालाबाचिम् निवाँहाङ्ऎ हिङ्पक्मिडु। 31निवाँहाङ्ऎ खो टुङ्घङ्पा हाङ् फाक्खुबा लिमाम् लागि खोम् चुप्ठिङ् हुक् पोट्टि युङु। गरहाङ् इस्राएलि याॽमिचिऎ हिङ्वाबाङ् ऎम्पक्मा हाङ् हिङ्वाबाङ् यङ्निमा टक्चामॆ लः टक्चाडुचि। 32ग खानावाँमि चुमॆक्सङ् सॆङ्सॆङॆ लावा हाङ् काङ्का चोब्न चुकिङ्का। निवाँहाङ्ऎ खोम् खानावाँ खेम्खुबाचि खोसॆ सॆङ्सॆङॆ लावा पिडुचि।”
33याहुडिचि खोम्ठाम् खिम्पिहा याॽमिचिऎ ग खेमुचि हाङ् खोचि एट्टान याक्चाउचि हाङ् सॆःक्ढुङ्पाचि सेॽमा लॆःॽमि कामानुङ् मिनामि। 34टर आक्कुबि मोसामि यायेॽमा चिन्खुबाचि हाङ् चोब्न याॽमिचिऎ नुःर लॆःॽमिम्पा गमालिएल लोमॆ एक्क फरिसि येप्पका हाङ् आक्खा सॆःक्ढुङ्पाचि एच्छक्म बाहिर पाङ्हाङ्सुचि। 35हाङ् खोसॆ आक्खा खोम्टि खॆॽमिम्पा टुङ्घङ्पाचि गरहाङ् लोसुचि, “इस्राएलि याॽमिचि, इघा याॽमिचि आन्नॆ माङ् लॆःॽमा परक्मिम्पा? आन्नॆ नुःर मिॽलाआम्नॆ। 36याॽल स एक्क ठियादस लोमॆ याॽमि टामिम्पा लॆटा। खोसॆस ‘काङानये’ कामिम्पा लॆटा। हाङ् रिकक् याॽमिचिऎ खो टिङुचि, टर आसॆ ह आसॆ खो सेरुहाङ् खो टिङ्खुबा याॽमिचि चोब्न फाॽलिङ् खारामिहाङ् माखारामि। 37डॆङ्पि याॽमिचि ङेःप्मॆ लःबि सङ्क गालिलबिऎ एक्क याहुडा लोमॆ याॽमि टाआ हाङ् एक्क हिप्पा याॽमिचि नुङ् टङा हाङ् रोमि हाङ्डाम्मि ङारिङ्पि हाङ्टेम् खिसामि योम्पक् यिगा, टर खो सङ्क सेरुचि हाङ् खो टिङ्खुबाचि सङ्क फाॽलिङ् खारामि हाङ् माखारामि। 38इघा याॽमिचि माङ्स आलॆटाम्चिनॆ हाङ् लेॽहाङ्साम्नॆ कामानुङ् कॆ आन्ना लोकानि। मान्ठाभनॆ घाचिऎ चिन्मिम्पा खानावाँ याॽमिबाङ् हाङ्ग इघा याॽमिचि मरक्न माखॆमि 39टर इघा याॽमिचिम् खानावाँ निवाँहाङ्बा टामिम्पा हाङ्ग आन्नॆ इघा याॽमिचि माङ्स लॆहिसाम्निनि, टर आन्नारे निवाँहाङ् काइर लॆसि परक्मिम्पा लिकानि।”
40उम् खानावाँबि आक्खाचि खासिआमि। हाङ् आक्खाचिऎ सॆःक्ढुङ्पाचि सेःरुचिहाङ् कोर्रा टिमानुङ् “ह ग येसुमि निङ्पि याम्मा, चिन्मा टक्काम्निनि” कामानुङ् लोसुचि हाङ् आक्खाचि लेहाङ्सुचि।
41हाङ् सॆःक्ढुङ्पाचि टुङ्घङ्पाचि खोम्ठाम् ठालबाङ् आम्पकामिहाङ् “कानि स येसुमि लागि डुखा आङ्टिखॆक्खुबा याॽमिचि नुङ् ङेःप्सिखारि” कामानुङ् एट्टान चेन्चाआमि। 42हाङ् चोब्न डिना खोचि निवाँहाङ्मि खिम्पि हाङ् याॽमिचिम् खिम्खिम्पि खारामिहाङ् हानाम्स “येसुन खिरिस्ट, नुऎ खानावाँ हाङ् निवाँहाङ्मि चुप्लाङ् कामानुङ् चिन्से खेम्मिटुचिमि।”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society