Sakariasi 14
14
g) Jerusaleni antasti
1Jerusaleni, janoxatia ACHAeri jurhiatekua ka chéti iretarhu xanhari jimpo arhunkurhinhaati sïpakata ampe. 2Jerusaleni, ACHA iámentu iretechani tánant'auati ka imaksïni kúnkuarhenchent'aati ka antaatiksïni ka chéti k'umanchekuarhuksï ampe petakuarheati ka chári iurhitskirichaksï kánkuarhent'auati eskaksï námentu uékaaka; teruk'ani jamperi jima anapuechaksï jupikata pánhaati, ka máteruksï teruk'ani imani iretarhu pakaraati. 3Ka imani jurhiatekuechani nitamatini, ACHA uéraati ka iámentu imani iretechani jinkuni uarhipeati, ísï eska ampe uarhiperakua ampe jarhani. 4Enka ima jurhiatekua niáraaka, ACHA olibusïri juátarhu atastaati, enka tata jurhiatekua antarakuarhu jaka, Jerusaleni eramaskua ka Olibusï juáta arhukurhiati, ma tata jurhiata antarakuarhu ísï ka máteru tata jurhiata inchats'ïkuarhu ísï jauati, ka k'éri eraxamani ma pakaraati teruk'ani, teruk'ani juáta karhamani ísï uekorheati ka máteru teruk'ani kétsemani ísï. 5Ka cháts'ï imani eraxamani ísï niuaka sïpakuarheni, sïpakuarheakats'ï eskats'ï na sïpakuarhepka jiák'ani enka jenchepka enka Usiasi juramuni jápka Juda anapu irecha. Imani jurhiatekua ACHA jucheti Diósï juuati imechani jinkuni enkaksï jakak'uk'a.
6Imani jurhiatekua no eranteati ka k'umanhaskuarheati. 7Imani jurhiatekua mák'uesti enka nónema exeka ACHAk'usï míteti, no chúreati ka no eranteati ka enka jatsipirinkia chúreni útasï erak'ukuarheati. 8Enka imani jurhiatekua niáraaka, Jerusaleni itsarhuecha antaraati itsï tsípiticha. Ka teruk'ani jamperi k'éri japuntarhu niáraati enka tata jurhiata inchats'ïkuarhu ísï jaka, ka máteru teruk'ani k'éri japuntarhu niáraati enka tata jurhiata antarakuarhu ísï jaka. Ka mák'uenksï niuati ementa jimpo ka iauantskuarhu jimpo. 9Enka ima jurhiatekua niáraaka, ACHA ma parhakpeni juramuati ka imak'u ACHAeuati ka imeri jakankurhikuaterku jauati. 10Gueba uératini ka Rimoni jamperi, Jerusaleni kétsemani ísï, iámentu ima echerichaksï k'arhikua jánteati. Ka Jerusaleni k'érikuarhu péranhant'aaati ka imeri echerirhu ménteru irenhant'aati, Benjaminiri inchakuarhu uératini ka urheti inchakuarhu jamperi, Ángulo inchakuarhu jamperi, ka iótati k'umanchekua Jananeli uératini ka irecheri ampe patsakuarhu jamperi. 11Joo, Jerusaleni ménteru irenhant'aati ka jima anapuechaksï sési irekuarhenhaati ka nóteru méni uantanheata jinkuni irenhaati.
12ACHA nósesi úkuarhenchatauati iámentu imani iretecha enkaksï Jerusaleni jinkuni uarhiperaka ka íni ampeksï úkuarhenchaati: Enkaksï tsípiti jámani jauaka ka exenksï jarhani ka uantontskurhenksï jarhani iámuksï tererekuarheati, éskuechanksï terenharhiauati ka katampanksï tereraati. 13Enka imani jurhiatekua niáraka, kánekua chénhaati, ACHA chémastauati. Ka imaksï jupiperaati uarhiperani. 14Ka ístu Juda Jerusaleni jinkuni uarhipeati ka iámentu jatsikuarhekua imani iretecharhu anapu enkaksï móparhakua irekaka páati, kánekua tiripiti ka mereati ka takusï ka kánekua jatsikuarhekua ampe.
15Ka tekechuechat'uksï nósesi úkuarhenchaati ka mulecha ka kameiuecha ka ch'anchakicha ka náki uék'i ma manakuarheri enka jima imechani jinkuni jauaka.
16Ka ima enkaksï tsípiti pakaraaka iápuru iretarhu anapuechaksï juuati mántani uéxurhinksï Jerusaleni Irechani k'éri ampe arhini, ACHAni Uinhapekuani ka k'uíncheni uapats'ïtakueri k'uínchekuarhu. 17Enkaksï máru k'umanchekuarhu anapuecha parhakpeni anapu ma no niraska Jerusaleni Irechani k'éri ampe arhini, ACHA Uinhapitini imechani no janirakuauati. 18Ka enkaksï Ejiptu anapuecha no niraspka Jerusaleni, imat'uksï no janiramenhaati. ACHA sánteru nósesi úkuarhenchatauati ka iretechani ikimeauati enkaksï no niuaka k'uíncheni uapats'ïtakueri k'uínchekuarhu. 19Ísï ikimperanhaati Ejipu anapuecheri k'amanharhintskua jimpo ka iámentu iretecheri k'amanharhintskua jimpo enkaksï no karhamaska uapats'ïtakueri k'uínchekuarhu.
20Enka imani jurhiatekua niáraaka, tekechueri torhonhakuarhu jamperi ísï karakata jauati: ACHA míntakateristi. Ka purhechicha enka ACHAeri tióstarhu úratakuek'a, ísïksï pímpinhaxeati eskaksï k'érati urhanicha kéts'ïtakuarhu anapu. 21Ka iámuksï purhechicha enkaksï Jerusaleni ka Juda, ACHA míntamenhaati enka Iámu Uinhapitika, ka ima enka niuaka ampe aiatspent'ani p'íkuauatiksï imani úratakuechani ka imani jimpoksï niniraati k'uiripeta. Enka imani jurhiatekua niáraaka nóteru ma atarantsti jauati ACHA Uinhapitiri tióstarhu.
Currently Selected:
Sakariasi 14: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
Sakariasi 14
14
g) Jerusaleni antasti
1Jerusaleni, janoxatia ACHAeri jurhiatekua ka chéti iretarhu xanhari jimpo arhunkurhinhaati sïpakata ampe. 2Jerusaleni, ACHA iámentu iretechani tánant'auati ka imaksïni kúnkuarhenchent'aati ka antaatiksïni ka chéti k'umanchekuarhuksï ampe petakuarheati ka chári iurhitskirichaksï kánkuarhent'auati eskaksï námentu uékaaka; teruk'ani jamperi jima anapuechaksï jupikata pánhaati, ka máteruksï teruk'ani imani iretarhu pakaraati. 3Ka imani jurhiatekuechani nitamatini, ACHA uéraati ka iámentu imani iretechani jinkuni uarhipeati, ísï eska ampe uarhiperakua ampe jarhani. 4Enka ima jurhiatekua niáraaka, ACHA olibusïri juátarhu atastaati, enka tata jurhiatekua antarakuarhu jaka, Jerusaleni eramaskua ka Olibusï juáta arhukurhiati, ma tata jurhiata antarakuarhu ísï ka máteru tata jurhiata inchats'ïkuarhu ísï jauati, ka k'éri eraxamani ma pakaraati teruk'ani, teruk'ani juáta karhamani ísï uekorheati ka máteru teruk'ani kétsemani ísï. 5Ka cháts'ï imani eraxamani ísï niuaka sïpakuarheni, sïpakuarheakats'ï eskats'ï na sïpakuarhepka jiák'ani enka jenchepka enka Usiasi juramuni jápka Juda anapu irecha. Imani jurhiatekua ACHA jucheti Diósï juuati imechani jinkuni enkaksï jakak'uk'a.
6Imani jurhiatekua no eranteati ka k'umanhaskuarheati. 7Imani jurhiatekua mák'uesti enka nónema exeka ACHAk'usï míteti, no chúreati ka no eranteati ka enka jatsipirinkia chúreni útasï erak'ukuarheati. 8Enka imani jurhiatekua niáraaka, Jerusaleni itsarhuecha antaraati itsï tsípiticha. Ka teruk'ani jamperi k'éri japuntarhu niáraati enka tata jurhiata inchats'ïkuarhu ísï jaka, ka máteru teruk'ani k'éri japuntarhu niáraati enka tata jurhiata antarakuarhu ísï jaka. Ka mák'uenksï niuati ementa jimpo ka iauantskuarhu jimpo. 9Enka ima jurhiatekua niáraaka, ACHA ma parhakpeni juramuati ka imak'u ACHAeuati ka imeri jakankurhikuaterku jauati. 10Gueba uératini ka Rimoni jamperi, Jerusaleni kétsemani ísï, iámentu ima echerichaksï k'arhikua jánteati. Ka Jerusaleni k'érikuarhu péranhant'aaati ka imeri echerirhu ménteru irenhant'aati, Benjaminiri inchakuarhu uératini ka urheti inchakuarhu jamperi, Ángulo inchakuarhu jamperi, ka iótati k'umanchekua Jananeli uératini ka irecheri ampe patsakuarhu jamperi. 11Joo, Jerusaleni ménteru irenhant'aati ka jima anapuechaksï sési irekuarhenhaati ka nóteru méni uantanheata jinkuni irenhaati.
12ACHA nósesi úkuarhenchatauati iámentu imani iretecha enkaksï Jerusaleni jinkuni uarhiperaka ka íni ampeksï úkuarhenchaati: Enkaksï tsípiti jámani jauaka ka exenksï jarhani ka uantontskurhenksï jarhani iámuksï tererekuarheati, éskuechanksï terenharhiauati ka katampanksï tereraati. 13Enka imani jurhiatekua niáraka, kánekua chénhaati, ACHA chémastauati. Ka imaksï jupiperaati uarhiperani. 14Ka ístu Juda Jerusaleni jinkuni uarhipeati ka iámentu jatsikuarhekua imani iretecharhu anapu enkaksï móparhakua irekaka páati, kánekua tiripiti ka mereati ka takusï ka kánekua jatsikuarhekua ampe.
15Ka tekechuechat'uksï nósesi úkuarhenchaati ka mulecha ka kameiuecha ka ch'anchakicha ka náki uék'i ma manakuarheri enka jima imechani jinkuni jauaka.
16Ka ima enkaksï tsípiti pakaraaka iápuru iretarhu anapuechaksï juuati mántani uéxurhinksï Jerusaleni Irechani k'éri ampe arhini, ACHAni Uinhapekuani ka k'uíncheni uapats'ïtakueri k'uínchekuarhu. 17Enkaksï máru k'umanchekuarhu anapuecha parhakpeni anapu ma no niraska Jerusaleni Irechani k'éri ampe arhini, ACHA Uinhapitini imechani no janirakuauati. 18Ka enkaksï Ejiptu anapuecha no niraspka Jerusaleni, imat'uksï no janiramenhaati. ACHA sánteru nósesi úkuarhenchatauati ka iretechani ikimeauati enkaksï no niuaka k'uíncheni uapats'ïtakueri k'uínchekuarhu. 19Ísï ikimperanhaati Ejipu anapuecheri k'amanharhintskua jimpo ka iámentu iretecheri k'amanharhintskua jimpo enkaksï no karhamaska uapats'ïtakueri k'uínchekuarhu.
20Enka imani jurhiatekua niáraaka, tekechueri torhonhakuarhu jamperi ísï karakata jauati: ACHA míntakateristi. Ka purhechicha enka ACHAeri tióstarhu úratakuek'a, ísïksï pímpinhaxeati eskaksï k'érati urhanicha kéts'ïtakuarhu anapu. 21Ka iámuksï purhechicha enkaksï Jerusaleni ka Juda, ACHA míntamenhaati enka Iámu Uinhapitika, ka ima enka niuaka ampe aiatspent'ani p'íkuauatiksï imani úratakuechani ka imani jimpoksï niniraati k'uiripeta. Enka imani jurhiatekua niáraaka nóteru ma atarantsti jauati ACHA Uinhapitiri tióstarhu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.