निउतरह्या 14
14
आइकोनिया शहरमे पावल और बारनाबास
1आब आइकोनिया शहरमे असिन हुइल कि पावल और बारनाबास यहूदिनके बैठक भवनमे एक्के संग गैलाँ। और असिन बात बत्वैलाँ, कि यहूदिनमेसे और ग्रीकहुँक्रिहिनमेसे बहुत्ते जाने विश्वास करलाँ। 2पर विश्वास नै करुइया यहूदिनके गैर-यहूदिनहे विश्वासी भैयनके विरोधमे भरकैलाँ, और ओइन्के मनमे तीतपन भरदेलाँ। 3और पावल और बारनाबास बहुत्ते दिनसम वहाँ रलाँ, और परमेश्वरकेमे भरोसा कर्ती मनैनहे शिक्षा देती रलाँ। और ओइने बहुत्ते चिन्हा और अचम्मक काम देखैलाँ, जिहिसे ओइने साबित करलाँ कि यी अनुग्रहक बारेम ओइन्के देलक शिक्षा सच्चा रहे। 4पर उ शहरके मनैनकेमे मनमुटाव होगिलिन। और केऊ यहूदी दलके नेतनके पक्षमे और केऊ निउतरह्यनके पक्षमे होगिलाँ। 5जब गैर-यहूदी और यहूदिनके दुनु जाने ओइन्के शासकहुँक्रिहिनके संग मिलके पावल और बारनाबासके पक्षमे रहुइयनहे सतैना और पठरा मरना षड़यन्त्र बनैलाँ। 6ते ओइने यी बात जान्लेलाँ। और ओइने लुकोनिया प्रदेशके लुस्त्रा शहरमे, और डर्बी नगरमे और आँजर-पाँजरके प्रदेशमे भागगिलाँ। 7और वहाँ ओइने खुशीक खबर प्रचार कर्ती रलाँ।
लुस्त्रा शहरमे एकथो नाँगर मनैया चोखैलक
8लुस्त्रा शहरमे एकथो मनैया रहे, जे जल्मत्तिसे नाँगर रहे, और ऊ कबु नै नेगल रहे। 9पावलके बत्वाइल बात उ नाँगर मनैया सुनतेहे। पावल उहिहे एकसुरसे हेर्तिरहल, और चोखैना ओकर विश्वास बतिस कना देख्के, 10पावल जोरसे चिल्लाके उहिहे आज्ञा देहल, “तुँ अपन गोरक भरमे सोझ ठरह्याजाऊ।” तब्बेहेँ उ मनैया जुरुकसे उठ्गिल और नेगे लागल। 11जब पावलके कर्लक यी काम भीड़के मनै देख्लाँ, ते ओइने लुकोनियक भाषामे जोरसे असिके कलाँ, “देउँतन मनैनके रुपमे हमार थेन उतरके आइल बताँ।” 12ओइने बारनाबासहे ग्रीकके जिउस देउँता और पावलहे हर्मेस देउँता कहे लग्लाँ, काकरेकी पावल मुख्य प्रचारक रहे। 13नगरके आघे जिउस देउँतक मन्दिर रहिस। और उ मन्दिरके पुजारी गोरुनहे और फूलक माला लेके नगरके दवारमे आगिलस। काकरेकी उ पुजारी भीड़के मनैनके संग मिलके बलि चह्राइक लग रहे। 14पर जब निउतरह्यन बारनाबास और पावल यी बात सुन्लाँ, ते ओइने महा परेशान होगिलाँ। तबेकमारे ओइने अपन लुग्गा अप्निहीँ फारलेलाँ। और ओइने दौर्ती मनैनके भीड़मे गैलाँ। और ओइन्हे जोर-जोरसे कलाँ, 15“सक्कु जाने सुनो, तुहुरे काकरे असिन काम करथो? हम्रे फेन ते तुहुरिनेके हस दुःख-सुख भोग्ना मनै हुइती। और हम्रे तुहुरिन्हे खुशीक खबर सुनैथी, ताकि तुहुरे बिनाकामक चिजसे अल्गे होके परमेश्वरके ओहोँर घुमे सेको। जे स्वर्ग, पृथ्वी, समुन्दर और ओइन्केमे रहल मेरमेरके चिज बनैलाँ। 16पैलेहेँ बित सेक्लक पुस्तनके सक्कु जातिनहे परमेश्वर ओइन्के अपन-अपन रीतिअनुसार चले देलाँ। 17तभुन फेन परमेश्वर हरदम अपन अस्तित्त्वक सबुत अपन कर्लक मजा कामसे देथाँ। जसिके आकाशमेसे पानी बर्साके और फारा फर्ना ऋतु देके तुहुरिन्के मनहे खाना और आनन्दलेके सन्तुष्ट कर्ती रलाँ।” 18यी बात कहिके ओइने महा मुश्किलसे उ भीड़के मनैनहे बलि चह्रैनासे रोके सेक्लाँ। 19पर कौनो-कौनो यहूदी दलके नेतन एन्टिओखिया और आइकोनिया शहरमेसे वहाँ आपुग्लाँ। और भीड़के मनैनहे अपन ओहोँर करलेलाँ। और पावलकेमे पठरा बर्सैलाँ। और पावल मुगिल कना सोँचके ओइने नगरमेसे बाहेर घिँस्याके लैगिलाँ। 20पर जब चेलनके पावलके चारु ओहोँरसे घेरलेलाँ ते ऊ उठ्के वहे नगरमे फिर्ता होगिल। और दोसुर दिन पावल बारनाबासके संग डर्बी नगरमे चलगिल।
सिरियामेसे एन्टिओखिया शहरमे फिर्ता हुइलक
21ओकर पाछे पावल और बारनाबास उ नगरमे खुशीक खबर प्रचार करके और बहुत्ते चेला बनाके अपन डगर फिर्ता हुई लग्लाँ। ओइने फेनदोस्रे लुस्त्रा शहरमे गैलाँ। तब ओइने वहाँसे आइकोनिया शहरमे गैलाँ। और ओकर पाछे ओइने पिसिदिया जिल्लक लग्गे एन्टिओखिया शहरमे गैलाँ। 22और हरेक ठाउँमे चेलनहे बल्गर कर्ती रलाँ, और ओइन्हे विश्वासमे पलिरहहो कहिके शिक्षा दिँत; और ओइने असिके कहिँत, “परमेश्वरके राजमे जाइक लग हम्रिहिन्हे बहुत्ते कष्ट सहे परी।” 23और ओइने प्रत्येक मण्डलीक समूहमे ओइन्के लग मण्डलीक अगुवा नियुक्त करलाँ। और उपवास बैठ्के प्राथना करलाँ, और ओइन्हे प्रभु येशूक हाँथेम सौँपदेलाँ, जोन प्रभुमे ओइने विश्वास कर्ले रहिँत। 24ओकरपाछे पिसिदिया प्रदेशमेसे ओइने पामफिलिया प्रदेशमे गैलाँ। 25और पामफिलिया प्रदेशके पर्गा नगरमे ओइने परमेश्वरके वचन प्रचार करलाँ, और ओकरपाछे ओइने अटालिया शहरमे गैलाँ। 26और वहाँसे ओइने पानी जहाजमे बैठ्के एन्टिओखिया शहरमे फिर्ता होगिलाँ। जहाँसे ओइन्हे परमेश्वरके अनुग्रहमे सौँपके उ काम करक लग पठागिल रहिन, जोन कामहे पूरा करके आब ओइने फिर्ता होगिल रहिँत। 27एन्टिओखिया शहरमे पुगके ओइने मण्डलीक मनैनहे जमा करैलाँ। और ओइन्हे बतैलाँ कि परमेश्वर ओइन्के संग रहिके बर-बर काम कसिके करलाँ, और कसिके परमेश्वर गैर-यहूदिनहे येशू ख्रीष्टमे विश्वास करक लग सहायता करलाँ। 28तब वहाँ पावल और बारनाबास बहुत्ते दिनसम चेलनके संग रलाँ।
Currently Selected:
निउतरह्या 14: DVGNT
Highlight
Copy
Compare
Share
Want to have your highlights saved across all your devices? Sign up or sign in
Deukhuri (देउखरिया थारु) Bible by The Love Fellowship is licensed under Creative Commons Attribution-ShareAlike 4.0 License.
निउतरह्या 14
14
आइकोनिया शहरमे पावल और बारनाबास
1आब आइकोनिया शहरमे असिन हुइल कि पावल और बारनाबास यहूदिनके बैठक भवनमे एक्के संग गैलाँ। और असिन बात बत्वैलाँ, कि यहूदिनमेसे और ग्रीकहुँक्रिहिनमेसे बहुत्ते जाने विश्वास करलाँ। 2पर विश्वास नै करुइया यहूदिनके गैर-यहूदिनहे विश्वासी भैयनके विरोधमे भरकैलाँ, और ओइन्के मनमे तीतपन भरदेलाँ। 3और पावल और बारनाबास बहुत्ते दिनसम वहाँ रलाँ, और परमेश्वरकेमे भरोसा कर्ती मनैनहे शिक्षा देती रलाँ। और ओइने बहुत्ते चिन्हा और अचम्मक काम देखैलाँ, जिहिसे ओइने साबित करलाँ कि यी अनुग्रहक बारेम ओइन्के देलक शिक्षा सच्चा रहे। 4पर उ शहरके मनैनकेमे मनमुटाव होगिलिन। और केऊ यहूदी दलके नेतनके पक्षमे और केऊ निउतरह्यनके पक्षमे होगिलाँ। 5जब गैर-यहूदी और यहूदिनके दुनु जाने ओइन्के शासकहुँक्रिहिनके संग मिलके पावल और बारनाबासके पक्षमे रहुइयनहे सतैना और पठरा मरना षड़यन्त्र बनैलाँ। 6ते ओइने यी बात जान्लेलाँ। और ओइने लुकोनिया प्रदेशके लुस्त्रा शहरमे, और डर्बी नगरमे और आँजर-पाँजरके प्रदेशमे भागगिलाँ। 7और वहाँ ओइने खुशीक खबर प्रचार कर्ती रलाँ।
लुस्त्रा शहरमे एकथो नाँगर मनैया चोखैलक
8लुस्त्रा शहरमे एकथो मनैया रहे, जे जल्मत्तिसे नाँगर रहे, और ऊ कबु नै नेगल रहे। 9पावलके बत्वाइल बात उ नाँगर मनैया सुनतेहे। पावल उहिहे एकसुरसे हेर्तिरहल, और चोखैना ओकर विश्वास बतिस कना देख्के, 10पावल जोरसे चिल्लाके उहिहे आज्ञा देहल, “तुँ अपन गोरक भरमे सोझ ठरह्याजाऊ।” तब्बेहेँ उ मनैया जुरुकसे उठ्गिल और नेगे लागल। 11जब पावलके कर्लक यी काम भीड़के मनै देख्लाँ, ते ओइने लुकोनियक भाषामे जोरसे असिके कलाँ, “देउँतन मनैनके रुपमे हमार थेन उतरके आइल बताँ।” 12ओइने बारनाबासहे ग्रीकके जिउस देउँता और पावलहे हर्मेस देउँता कहे लग्लाँ, काकरेकी पावल मुख्य प्रचारक रहे। 13नगरके आघे जिउस देउँतक मन्दिर रहिस। और उ मन्दिरके पुजारी गोरुनहे और फूलक माला लेके नगरके दवारमे आगिलस। काकरेकी उ पुजारी भीड़के मनैनके संग मिलके बलि चह्राइक लग रहे। 14पर जब निउतरह्यन बारनाबास और पावल यी बात सुन्लाँ, ते ओइने महा परेशान होगिलाँ। तबेकमारे ओइने अपन लुग्गा अप्निहीँ फारलेलाँ। और ओइने दौर्ती मनैनके भीड़मे गैलाँ। और ओइन्हे जोर-जोरसे कलाँ, 15“सक्कु जाने सुनो, तुहुरे काकरे असिन काम करथो? हम्रे फेन ते तुहुरिनेके हस दुःख-सुख भोग्ना मनै हुइती। और हम्रे तुहुरिन्हे खुशीक खबर सुनैथी, ताकि तुहुरे बिनाकामक चिजसे अल्गे होके परमेश्वरके ओहोँर घुमे सेको। जे स्वर्ग, पृथ्वी, समुन्दर और ओइन्केमे रहल मेरमेरके चिज बनैलाँ। 16पैलेहेँ बित सेक्लक पुस्तनके सक्कु जातिनहे परमेश्वर ओइन्के अपन-अपन रीतिअनुसार चले देलाँ। 17तभुन फेन परमेश्वर हरदम अपन अस्तित्त्वक सबुत अपन कर्लक मजा कामसे देथाँ। जसिके आकाशमेसे पानी बर्साके और फारा फर्ना ऋतु देके तुहुरिन्के मनहे खाना और आनन्दलेके सन्तुष्ट कर्ती रलाँ।” 18यी बात कहिके ओइने महा मुश्किलसे उ भीड़के मनैनहे बलि चह्रैनासे रोके सेक्लाँ। 19पर कौनो-कौनो यहूदी दलके नेतन एन्टिओखिया और आइकोनिया शहरमेसे वहाँ आपुग्लाँ। और भीड़के मनैनहे अपन ओहोँर करलेलाँ। और पावलकेमे पठरा बर्सैलाँ। और पावल मुगिल कना सोँचके ओइने नगरमेसे बाहेर घिँस्याके लैगिलाँ। 20पर जब चेलनके पावलके चारु ओहोँरसे घेरलेलाँ ते ऊ उठ्के वहे नगरमे फिर्ता होगिल। और दोसुर दिन पावल बारनाबासके संग डर्बी नगरमे चलगिल।
सिरियामेसे एन्टिओखिया शहरमे फिर्ता हुइलक
21ओकर पाछे पावल और बारनाबास उ नगरमे खुशीक खबर प्रचार करके और बहुत्ते चेला बनाके अपन डगर फिर्ता हुई लग्लाँ। ओइने फेनदोस्रे लुस्त्रा शहरमे गैलाँ। तब ओइने वहाँसे आइकोनिया शहरमे गैलाँ। और ओकर पाछे ओइने पिसिदिया जिल्लक लग्गे एन्टिओखिया शहरमे गैलाँ। 22और हरेक ठाउँमे चेलनहे बल्गर कर्ती रलाँ, और ओइन्हे विश्वासमे पलिरहहो कहिके शिक्षा दिँत; और ओइने असिके कहिँत, “परमेश्वरके राजमे जाइक लग हम्रिहिन्हे बहुत्ते कष्ट सहे परी।” 23और ओइने प्रत्येक मण्डलीक समूहमे ओइन्के लग मण्डलीक अगुवा नियुक्त करलाँ। और उपवास बैठ्के प्राथना करलाँ, और ओइन्हे प्रभु येशूक हाँथेम सौँपदेलाँ, जोन प्रभुमे ओइने विश्वास कर्ले रहिँत। 24ओकरपाछे पिसिदिया प्रदेशमेसे ओइने पामफिलिया प्रदेशमे गैलाँ। 25और पामफिलिया प्रदेशके पर्गा नगरमे ओइने परमेश्वरके वचन प्रचार करलाँ, और ओकरपाछे ओइने अटालिया शहरमे गैलाँ। 26और वहाँसे ओइने पानी जहाजमे बैठ्के एन्टिओखिया शहरमे फिर्ता होगिलाँ। जहाँसे ओइन्हे परमेश्वरके अनुग्रहमे सौँपके उ काम करक लग पठागिल रहिन, जोन कामहे पूरा करके आब ओइने फिर्ता होगिल रहिँत। 27एन्टिओखिया शहरमे पुगके ओइने मण्डलीक मनैनहे जमा करैलाँ। और ओइन्हे बतैलाँ कि परमेश्वर ओइन्के संग रहिके बर-बर काम कसिके करलाँ, और कसिके परमेश्वर गैर-यहूदिनहे येशू ख्रीष्टमे विश्वास करक लग सहायता करलाँ। 28तब वहाँ पावल और बारनाबास बहुत्ते दिनसम चेलनके संग रलाँ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Deukhuri (देउखरिया थारु) Bible by The Love Fellowship is licensed under Creative Commons Attribution-ShareAlike 4.0 License.