इब्रानि 4
4
विश्राम मेहे प्रवेश
1याआ कोअता जहा का तियाआ आरामा मेहे प्रवेश कोइलाआ प्रतिज्ञा ओमे जाआ होय ते आमाहा भिईलो जोवे एहलो ने होय का तुमु मेह्रोत एखु जोओ त्याआसे वंचित रोतजाय. 2काहाके आमाहा त्या हारका सुवार्ता कोल्यी गोयी होय पण होमलित रोल्या वचनाने तियाहा किबी फायदा ओवयू नाहा काहाके होमलाडनारा मोनामे विश्वासाआरी बोह्ये नाहा. 3पोन आमू जिये विश्वास कोअयु होय तियाअ आरामात प्रवेश कोअता जेहलो तिये कोयु, आय आपाआ क्रोध मेहे शपथ खादू का ते माआ आरामात प्रवेश कोहू सेकेहे नाहा म्हणजे जुगाआ पेलेरोत तियाआ काम पुरो उवे ओते. 4काहाके सातवा दिहाआ विषयाम तिये का एहलो कोयु होय परमेश्वराने सातवा दीही आपाआ आखे कामोहो पुरो कोईत आराम कोल्यु. 5अने आव जागापो फासी ओ कोयु होय ते माआ आरामात प्रवेश कोहू सेकेहे नाहा. 6ताहा जाहा ए गोठी बाकी होय का केतो फासी होय का ते तियाअ आरामात प्रवेश कोअनारू अने ज्याहा तियाआ सुवार्ता पेल्ली कोल्यी गोयी तिये आज्ञा न मानल्याने तियाआ माय प्रवेश कोअयु नाहा, 7त्यापोत तो कोडलो तेबी विशेष दिह्याहा ठेरवीत ओतो दिहो नंतर दाविदाआ पुस्तकाम तियाहा “आजेऐ दीही” कोयु होय जेहलो पालील्यो कोयु गोये, “जर आज तुमु तिया शब्द होमलीनारू, ताहा आपाआ मोनोहो कोठर कोहू नाहा” 8काहाके जर यहोशू तियाहा आरामात प्रवेश कोईत लेदो रोत्लो ताहा तिया फासाडी दिहरा दीहीओ चर्चा नि ओवती. 9कोईत होमजीत ल्या का परमेश्वारच्या मांहो कोअता शब्बाथाचा आराम बाकी होय, 10काहाके जिये तियाआ आरामात प्रवेश कोअयु होय तिये पोन परमेश्वरा सारखेच आपाआ काम पुरो कोईत आराम कोल्यु होय. 11कोईत आपु तिया आरामात प्रवेश कोअलाआ प्रयत्न कोईलो एहलो उवूंहू नाहा का कोडु तियाआ सारखो आज्ञा न माजित पोडीत जालो. 12काहाके परमेश्वरोओ वचन जिवंत अने प्रबळ अने हर एक दोनधारी तलवारीप रोत पण जाखो तेज होय अने जीव अने आत्माहा अने गाठ-गाठ आने गूदे-गूदे हा अलग कोईत आर-पार जात्लू अने मोन भावना अने विचारोहो जाच कोअत्लू. 13सृष्टिई उत्पन्न कोअली कोडलीस वस्तु त्यापोरोत निकाली नाहा पण ज्याआ आमाहा काम होय तियाआ डोआ आगाडी आखे वस्तु उघड अने प्रकट होय.
आपाआ महान महायाजक
14त्यापोत जांहा आमाआ एहेलू वोडू महायाजक होय जो स्वर्गाहून गोल्यो होय कोअतीज परमेश्वरोओ पुत्र येशु ताहा आव आपु आपाआ तोअले मजबुते तोईत रोअलो. 15काहाके आमाआ एहेलू महायाजक नाहा जो आमा कोमजोरी मध्ये दु:खी उवे नाहा पण तो आखे गोठीमे आपा होस पारखायू तेबी पण निष्पाप निघाल्यू. 16त्यापोत आव आपु कृपेच्या सिहासनापो हीमत बांधीत साला का आपापो दया उवे अने ती कृपा जोडीत जी गरजो टायमोमें आमाहा मदत कोअनारू.
Currently Selected:
इब्रानि 4: NOINT
Highlight
Copy
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
इब्रानि 4
4
विश्राम मेहे प्रवेश
1याआ कोअता जहा का तियाआ आरामा मेहे प्रवेश कोइलाआ प्रतिज्ञा ओमे जाआ होय ते आमाहा भिईलो जोवे एहलो ने होय का तुमु मेह्रोत एखु जोओ त्याआसे वंचित रोतजाय. 2काहाके आमाहा त्या हारका सुवार्ता कोल्यी गोयी होय पण होमलित रोल्या वचनाने तियाहा किबी फायदा ओवयू नाहा काहाके होमलाडनारा मोनामे विश्वासाआरी बोह्ये नाहा. 3पोन आमू जिये विश्वास कोअयु होय तियाअ आरामात प्रवेश कोअता जेहलो तिये कोयु, आय आपाआ क्रोध मेहे शपथ खादू का ते माआ आरामात प्रवेश कोहू सेकेहे नाहा म्हणजे जुगाआ पेलेरोत तियाआ काम पुरो उवे ओते. 4काहाके सातवा दिहाआ विषयाम तिये का एहलो कोयु होय परमेश्वराने सातवा दीही आपाआ आखे कामोहो पुरो कोईत आराम कोल्यु. 5अने आव जागापो फासी ओ कोयु होय ते माआ आरामात प्रवेश कोहू सेकेहे नाहा. 6ताहा जाहा ए गोठी बाकी होय का केतो फासी होय का ते तियाअ आरामात प्रवेश कोअनारू अने ज्याहा तियाआ सुवार्ता पेल्ली कोल्यी गोयी तिये आज्ञा न मानल्याने तियाआ माय प्रवेश कोअयु नाहा, 7त्यापोत तो कोडलो तेबी विशेष दिह्याहा ठेरवीत ओतो दिहो नंतर दाविदाआ पुस्तकाम तियाहा “आजेऐ दीही” कोयु होय जेहलो पालील्यो कोयु गोये, “जर आज तुमु तिया शब्द होमलीनारू, ताहा आपाआ मोनोहो कोठर कोहू नाहा” 8काहाके जर यहोशू तियाहा आरामात प्रवेश कोईत लेदो रोत्लो ताहा तिया फासाडी दिहरा दीहीओ चर्चा नि ओवती. 9कोईत होमजीत ल्या का परमेश्वारच्या मांहो कोअता शब्बाथाचा आराम बाकी होय, 10काहाके जिये तियाआ आरामात प्रवेश कोअयु होय तिये पोन परमेश्वरा सारखेच आपाआ काम पुरो कोईत आराम कोल्यु होय. 11कोईत आपु तिया आरामात प्रवेश कोअलाआ प्रयत्न कोईलो एहलो उवूंहू नाहा का कोडु तियाआ सारखो आज्ञा न माजित पोडीत जालो. 12काहाके परमेश्वरोओ वचन जिवंत अने प्रबळ अने हर एक दोनधारी तलवारीप रोत पण जाखो तेज होय अने जीव अने आत्माहा अने गाठ-गाठ आने गूदे-गूदे हा अलग कोईत आर-पार जात्लू अने मोन भावना अने विचारोहो जाच कोअत्लू. 13सृष्टिई उत्पन्न कोअली कोडलीस वस्तु त्यापोरोत निकाली नाहा पण ज्याआ आमाहा काम होय तियाआ डोआ आगाडी आखे वस्तु उघड अने प्रकट होय.
आपाआ महान महायाजक
14त्यापोत जांहा आमाआ एहेलू वोडू महायाजक होय जो स्वर्गाहून गोल्यो होय कोअतीज परमेश्वरोओ पुत्र येशु ताहा आव आपु आपाआ तोअले मजबुते तोईत रोअलो. 15काहाके आमाआ एहेलू महायाजक नाहा जो आमा कोमजोरी मध्ये दु:खी उवे नाहा पण तो आखे गोठीमे आपा होस पारखायू तेबी पण निष्पाप निघाल्यू. 16त्यापोत आव आपु कृपेच्या सिहासनापो हीमत बांधीत साला का आपापो दया उवे अने ती कृपा जोडीत जी गरजो टायमोमें आमाहा मदत कोअनारू.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.