प्रेरित 15
15
यरूशलेमा री सभा
1तेबा कुछ लोका यहूदिया देशा कअ इच्छी करे भाईओं बे सिखाऊंद लागअ, जेबा मूसा री रीति संघे थारा खतना नांई होला तेबा तमा उद्धार नांई पांऊंणा। 2जेबा पौलुस होर बरनबासा रा त्याहे संघे बहू झगड़ा होऊ होर बाद-बिवाद होऊ, तेबा यह ठहराऊ कि पौलुस होर बरनबास होर त्याह में कुछ मणश ऐसा गला रे बारे में प्रेरितों होर बजुर्गा सेटा यरूशलेमा बे नाहे।
3अतः कलीसिया कुछ दूर तणी पजेरी दिने; होर त्याह फीनाका होर सामरिया का अन्यजाति बे मना फिराऊँणे रे सुसमाचारा शूणाऊंदे लागे, होर सभे भाई बहू खुश होई। 4जेबा त्याह यरूशलेमा में पूजे, तेबा कलीसिया होर प्रेरित होर प्राचीन त्याह संघे खुशी-खुशी संघे मिली, होर त्याहे खोजू कि परमेश्वर त्याहे संघे मिली करे केहडे-केहडे कामा करी। 5पर फरीसी रे पंथा मेंज़ा का जासु बुशाह करू, त्याह में कुछ उठी होर बोलू, त्याह खतना कराउणे होर मूसा री व्यवस्था मनने री आज्ञा दीनी लोडी। 6तेबा चेले होर बडे प्राचीन ऐसा गला रे बारे में सोचणे री तणी कठे होई। 7तेबा पतरस बहू बाद-बिवाद हूंणे बाद खडे होई करे बोलू, हे भाईओ, तमे जाणदा कि बहू धयाडी होई कि परमेश्वरे तमा में कअ हांऊ चुनु कि मेरे मुंहा कअ अन्यजाति सुसमाचारा रअ वचन शूणी करे बुशाह करे। 8मना जाणने आले परमेश्वरे त्याह भी माह रे समान पवित्र आत्मा देईकरे त्याहा री गुआही दीनी; 9होर बुशाहे संघे त्याह रे मन शुद्ध करी करे हामा में होर त्याह में कोई फर्क नांई डाहू।
10तेबा एबा तमे किबे परमेश्वरा री परीक्षा करदा कि चेले रे गला पैंदे एडडे जूआं डाहू, जोह ना माहरे बाप-दादे प्रचण्ड होई करे चुआकि सके होर ना हामे चुआकि सकदे? 11हाँ, माह रा बुशाह यह साहा कि जासू रीति त्याह परमेश्वर यीशु रअ अनुग्रह में उद्धार पाऊले; तेसा रीति हामा भी पाऊणा। 12तेबा सारी सभा चुपचाप बरनबास होर पौलुसा शूणदी लागी, कि परमेश्वरे त्याह रे साबे अन्यजाति बे केहडे बडे-बडे चिन्ह, होर अदभुत काम रीहाई।
13जेबा त्याह चुप-चाप होई तेबा याकूब बोलदअ लागअ, हे भाईओ, मेरी शूणा। 14शिमोने खोजू कि परमेश्वरे पहिले-पहिले अन्यजाति पैंदे केहडी कृपा दृष्टि करी कि त्याह मेंज़ा का आपणे ना बे एक मणश बणाऐ। 15एता में भविष्यद्वक्ता री गला भी मिलदा, जेहड़ा कि लिखूदा साहा,
16एता बाद माह भी इच्छी करे दाऊदा रअ डूहलू दअ तांबू बणाऊँणा,
होर तेऊरे खंडहरे भी बनाऊणे होर सह माह खडअ करणअ,
17तेबा बाकी मणश, मतलब अन्यजाति जोह मेरे ना का कहलांऊंदा, परमेश्वर लोडे,
18यह सह परमेश्वर बोलदा जोह एऊ संसारा री ऊत्पति का याह गला रा समाचार दीनदअ आओदअ।
19तेबा मेरा न्याय यह सा कि अन्यजाति मेंज़ा का जोह लोका परमेश्वरा फेरा बे फिरदा, हामा त्याहबे दुःख नांई दींणा; 20पर त्याहबे लिखी करे भेजा कि त्याह मूर्ति री अशुद्धता होर ब्यभिचार होर गलअ घोंटी दे मांसा का लोहू का दूर रहे। 21किबकी पूराणे वक्ता का नगरा-नगरा में मूसा री व्यवस्था रा प्रचार चेले करदे आएद, होर तेसा हर सब्ता री धयाडी प्रार्थना घरा में पढ़दा।
अन्यजाति बुशाही बे चिट्ठी
22तेबा सारी कलीसिया सहित प्रेरितों होर बजुर्गा शोभला लागा कि त्याह में कुछ मणश चुनी, मतलब यहूदा जोह बरसब्बास कहलांऊंदा, होर सीलास जोह तखे भाईओ में मुखिया; होर त्याह पौलुस होर बरनबासे संघे अन्ताकिया भेजी। 23त्याहरे हाथे यह लिखी करे भेजू, अन्ताकिया होर सीरिया होर किलिकिया रहण आले भाईओं बे जोह अन्यजाति मेंज़ा का साहा, प्रेरितों होर प्राचीन भाईओ री नमस्ते।
24हामे शूणू कि हामा में कुछ लोके तखे नांही करे, तमे आपणी गला संघे डरई; होर थारा मन बदलू पर हाम आज्ञा नांई दीनी। 25तेबा हामे एकमन लाई ठीक समझू कि चुनीदे मणश आपणे प्यारे बरनबास होर पौलुसा संघे तमा सेटा भेजी। 26याहा एडे मणश सा जासू आपणे प्राण माह रे परमेश्वर यीशु मसीह रे ना री तणी खतरे में पाई।
27तेबा हामे यहूदा होर सीलास भेजी दअ, त्याह याह गला आपणे मुंहा का खोजले। 28पवित्र आत्मा बे होर हामे यह ठीक जाणू कि याह जरुरी गला छाडी, तमा पैंदे होर बोझ नांई डांहणा। 29कि तमे मूर्ति सेटा बलि रे मासा का होर लोहू का होर गलआ घोंटी दे मांसा का, होर ब्यभिचारा का दूर रहे। एता का दूर रहले तेबा थारा भला हूंणा। जेह तमा बे शुभ हो।
30तेबा त्याहे तखा का नाशी करे अन्ताकिया पूजे, होर सभा कठी करी करे चिट्ठी त्याहबे दीनी। 31त्याहे चिट्ठी पढ़ी तेसा शांति री गला का बड़ी खुशी होई। 32यहूदा होर सीलास जोह आपु भी भविष्यद्वक्ता थी, बहू गला संघे शांती देई करे भाई पाके करी। 33त्याह कुछ धयाडी रही करे, भाईओ संघे शांति संघे बीदा होई, कि आपणे भेजणे आले सेटा नांहे । 34(पर सीलासा तखे रंहणा रांबडा लागा) 35पर बरनबास होर पौलुस अन्ताकिया में रही, होर अन्य लोका संघे कठे परमेश्वरा रे बचना रा उपदेश दिंना, होर सुसमाचार शूणाऊंदा।
पौलुसा री दूजी प्रचार यात्रा
पौलुस होर बरनबासा में मतभेद 36कुछ धयाडे बाद पौलुसे बरनबासा बे बोलू, जासू-जासू नगरा में हामे परमेश्वरा रा बचन शूणाऊ, ईच्छा भी त्याह में नांही करे आपणे भाई हेरने त्याह केहडे सा। 37तेबा बरनबास यूहन्ना बे जोह मरकुस कहलांऊंदा, संघे नींण रा विचार करू। 38पर पौलुसे सह जोह पंफुलिया में त्याह का अलग होऊ, होर कामा पैंदे त्याह संघे नांई नाठअ, संघे नींणअ ठीक नांई समझू। 39अतः एडहा बिबाद ऊठू कि त्याह एकी दूजे का अलग होई; होर बरनबास, मरकुसा संघे जहाजा में साईप्रसा बे नाठअ।
40पर पौलुसे सीलास चुनु, होर भाई परमेश्वर रअ अनुग्रह में सौंपी होर तखा का नाठअ; 41होर कलीसिया स्थिर करदे -करदे सीरिया होर किलिकिया बाथी निखदअ।
Currently Selected:
प्रेरित 15: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
प्रेरित 15
15
यरूशलेमा री सभा
1तेबा कुछ लोका यहूदिया देशा कअ इच्छी करे भाईओं बे सिखाऊंद लागअ, जेबा मूसा री रीति संघे थारा खतना नांई होला तेबा तमा उद्धार नांई पांऊंणा। 2जेबा पौलुस होर बरनबासा रा त्याहे संघे बहू झगड़ा होऊ होर बाद-बिवाद होऊ, तेबा यह ठहराऊ कि पौलुस होर बरनबास होर त्याह में कुछ मणश ऐसा गला रे बारे में प्रेरितों होर बजुर्गा सेटा यरूशलेमा बे नाहे।
3अतः कलीसिया कुछ दूर तणी पजेरी दिने; होर त्याह फीनाका होर सामरिया का अन्यजाति बे मना फिराऊँणे रे सुसमाचारा शूणाऊंदे लागे, होर सभे भाई बहू खुश होई। 4जेबा त्याह यरूशलेमा में पूजे, तेबा कलीसिया होर प्रेरित होर प्राचीन त्याह संघे खुशी-खुशी संघे मिली, होर त्याहे खोजू कि परमेश्वर त्याहे संघे मिली करे केहडे-केहडे कामा करी। 5पर फरीसी रे पंथा मेंज़ा का जासु बुशाह करू, त्याह में कुछ उठी होर बोलू, त्याह खतना कराउणे होर मूसा री व्यवस्था मनने री आज्ञा दीनी लोडी। 6तेबा चेले होर बडे प्राचीन ऐसा गला रे बारे में सोचणे री तणी कठे होई। 7तेबा पतरस बहू बाद-बिवाद हूंणे बाद खडे होई करे बोलू, हे भाईओ, तमे जाणदा कि बहू धयाडी होई कि परमेश्वरे तमा में कअ हांऊ चुनु कि मेरे मुंहा कअ अन्यजाति सुसमाचारा रअ वचन शूणी करे बुशाह करे। 8मना जाणने आले परमेश्वरे त्याह भी माह रे समान पवित्र आत्मा देईकरे त्याहा री गुआही दीनी; 9होर बुशाहे संघे त्याह रे मन शुद्ध करी करे हामा में होर त्याह में कोई फर्क नांई डाहू।
10तेबा एबा तमे किबे परमेश्वरा री परीक्षा करदा कि चेले रे गला पैंदे एडडे जूआं डाहू, जोह ना माहरे बाप-दादे प्रचण्ड होई करे चुआकि सके होर ना हामे चुआकि सकदे? 11हाँ, माह रा बुशाह यह साहा कि जासू रीति त्याह परमेश्वर यीशु रअ अनुग्रह में उद्धार पाऊले; तेसा रीति हामा भी पाऊणा। 12तेबा सारी सभा चुपचाप बरनबास होर पौलुसा शूणदी लागी, कि परमेश्वरे त्याह रे साबे अन्यजाति बे केहडे बडे-बडे चिन्ह, होर अदभुत काम रीहाई।
13जेबा त्याह चुप-चाप होई तेबा याकूब बोलदअ लागअ, हे भाईओ, मेरी शूणा। 14शिमोने खोजू कि परमेश्वरे पहिले-पहिले अन्यजाति पैंदे केहडी कृपा दृष्टि करी कि त्याह मेंज़ा का आपणे ना बे एक मणश बणाऐ। 15एता में भविष्यद्वक्ता री गला भी मिलदा, जेहड़ा कि लिखूदा साहा,
16एता बाद माह भी इच्छी करे दाऊदा रअ डूहलू दअ तांबू बणाऊँणा,
होर तेऊरे खंडहरे भी बनाऊणे होर सह माह खडअ करणअ,
17तेबा बाकी मणश, मतलब अन्यजाति जोह मेरे ना का कहलांऊंदा, परमेश्वर लोडे,
18यह सह परमेश्वर बोलदा जोह एऊ संसारा री ऊत्पति का याह गला रा समाचार दीनदअ आओदअ।
19तेबा मेरा न्याय यह सा कि अन्यजाति मेंज़ा का जोह लोका परमेश्वरा फेरा बे फिरदा, हामा त्याहबे दुःख नांई दींणा; 20पर त्याहबे लिखी करे भेजा कि त्याह मूर्ति री अशुद्धता होर ब्यभिचार होर गलअ घोंटी दे मांसा का लोहू का दूर रहे। 21किबकी पूराणे वक्ता का नगरा-नगरा में मूसा री व्यवस्था रा प्रचार चेले करदे आएद, होर तेसा हर सब्ता री धयाडी प्रार्थना घरा में पढ़दा।
अन्यजाति बुशाही बे चिट्ठी
22तेबा सारी कलीसिया सहित प्रेरितों होर बजुर्गा शोभला लागा कि त्याह में कुछ मणश चुनी, मतलब यहूदा जोह बरसब्बास कहलांऊंदा, होर सीलास जोह तखे भाईओ में मुखिया; होर त्याह पौलुस होर बरनबासे संघे अन्ताकिया भेजी। 23त्याहरे हाथे यह लिखी करे भेजू, अन्ताकिया होर सीरिया होर किलिकिया रहण आले भाईओं बे जोह अन्यजाति मेंज़ा का साहा, प्रेरितों होर प्राचीन भाईओ री नमस्ते।
24हामे शूणू कि हामा में कुछ लोके तखे नांही करे, तमे आपणी गला संघे डरई; होर थारा मन बदलू पर हाम आज्ञा नांई दीनी। 25तेबा हामे एकमन लाई ठीक समझू कि चुनीदे मणश आपणे प्यारे बरनबास होर पौलुसा संघे तमा सेटा भेजी। 26याहा एडे मणश सा जासू आपणे प्राण माह रे परमेश्वर यीशु मसीह रे ना री तणी खतरे में पाई।
27तेबा हामे यहूदा होर सीलास भेजी दअ, त्याह याह गला आपणे मुंहा का खोजले। 28पवित्र आत्मा बे होर हामे यह ठीक जाणू कि याह जरुरी गला छाडी, तमा पैंदे होर बोझ नांई डांहणा। 29कि तमे मूर्ति सेटा बलि रे मासा का होर लोहू का होर गलआ घोंटी दे मांसा का, होर ब्यभिचारा का दूर रहे। एता का दूर रहले तेबा थारा भला हूंणा। जेह तमा बे शुभ हो।
30तेबा त्याहे तखा का नाशी करे अन्ताकिया पूजे, होर सभा कठी करी करे चिट्ठी त्याहबे दीनी। 31त्याहे चिट्ठी पढ़ी तेसा शांति री गला का बड़ी खुशी होई। 32यहूदा होर सीलास जोह आपु भी भविष्यद्वक्ता थी, बहू गला संघे शांती देई करे भाई पाके करी। 33त्याह कुछ धयाडी रही करे, भाईओ संघे शांति संघे बीदा होई, कि आपणे भेजणे आले सेटा नांहे । 34(पर सीलासा तखे रंहणा रांबडा लागा) 35पर बरनबास होर पौलुस अन्ताकिया में रही, होर अन्य लोका संघे कठे परमेश्वरा रे बचना रा उपदेश दिंना, होर सुसमाचार शूणाऊंदा।
पौलुसा री दूजी प्रचार यात्रा
पौलुस होर बरनबासा में मतभेद 36कुछ धयाडे बाद पौलुसे बरनबासा बे बोलू, जासू-जासू नगरा में हामे परमेश्वरा रा बचन शूणाऊ, ईच्छा भी त्याह में नांही करे आपणे भाई हेरने त्याह केहडे सा। 37तेबा बरनबास यूहन्ना बे जोह मरकुस कहलांऊंदा, संघे नींण रा विचार करू। 38पर पौलुसे सह जोह पंफुलिया में त्याह का अलग होऊ, होर कामा पैंदे त्याह संघे नांई नाठअ, संघे नींणअ ठीक नांई समझू। 39अतः एडहा बिबाद ऊठू कि त्याह एकी दूजे का अलग होई; होर बरनबास, मरकुसा संघे जहाजा में साईप्रसा बे नाठअ।
40पर पौलुसे सीलास चुनु, होर भाई परमेश्वर रअ अनुग्रह में सौंपी होर तखा का नाठअ; 41होर कलीसिया स्थिर करदे -करदे सीरिया होर किलिकिया बाथी निखदअ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.