प्रेरित 11
11
पतरसा रे साबे आपणे कामा रा खोजणा
1तेबा प्रेरिते होर भाईये जोह यहूदिया में, शूणू की होरी जाति भी परमेश्वर रा बचन मनू। 2होर जेबा पतरस यरूशलेमा बे आऊअ, तेबा खतना करी दे लोका तेऊ पेन्दे शक करदे लागे; 3तांई खतना रहित लोका सेटा नांही करे खाऊ-पीऊ।
4तेबा पतरसे त्याह वे पहिले कअ बाहडे लाई शूणाऊ। 5हाँउ याफा में प्रार्थना करदअ लागअदअ थी होर बेसुध होई करे माए एक दर्शन हेरू की, एक पात्र बड़ी चादरा रे समान, चहु कूणे लटकीदी, सरगा का ऊतरी करे माहा सेटा बे आऊई। 6जेबा मांई तेता पैंदे ध्यान दीना, तेबा तेता में धरती री चहू टांगा आले होर बूणा रे पशु होर रेंगणे आले जंतु होर सरगा रे चेलू हेरी; 7होर यह शब्द शूणू, हे पतरस उठ, मार होर खा। 8मांई बोलू, नांई परमेश्वर; किबेकी कोहे भी अपवित्र या अशुद्ध चीजा मेरे मुंहा भीतरे मची तणी नांई नाठी। 9एतके ऊतरा में सरगा का दूजी बारी होर शब्द शूणू, जोह कुछ परमेश्वरे शुद्ध ठहराऊ, तेता अशुद्ध नाई बोले। 10चीण बारी एड़ा ही होऊ; तेबा सब कुछ सरगे बापस खींचू।
11होर हेरा, तेभरी चीण मणश जोह कैसरिया शहरा का माहा बे भेजी दे थी, तेऊ घरे जासु में हाम, होर हामा सेटा खड़े होई। 12तेबा आत्मा माहा बे बिना बैहमा रे डरे संघे होई करे त्याह संघे नाहणे बे बोलू, होर या छह भाई भी मांई संघे आए; होर हामा तेऊ मणशा रे घरा बे नाठे। 13तेऊ हामा बे खोजू की तेऊ एक स्वर्गदूत आपणे घरे खडअ हेरू, तेऊये तेऊबै बोलू, याफा में मणश भेजी करे शमौन जोह पतरस कहलाऊंदा शादह। 14तेऊ ताहबे एडी गला खोजणी, जासके साबे ताह होर तेरे सारे घराने उद्धार पाऊँणा।
15जेबा हाँऊ गला करदअ लागअ; तेबा पवित्र आत्मा त्याह पैंदे एडी रीति संघे ऊतरी जेहडी पहिले हामा पैंदे ऊतरी थी। 16तेबा महा परमेश्वरा रअ सह बचन याद आऊअ; जोह तेऊ बोलू, यूहन्ना तअ पाणी में बपतिस्मा दिंदा, पर तमा सभी वे पवित्र आत्मा बपतिस्मा दींणा।
17तेबा परमेश्वरे भी त्याहवे सहे दान दीना, जोह हामा बे परमेश्वरे यीशु मसीह मे बुशाहा करने पैंदे भेटा; तेबा हांऊ कुण सा जोह परमेश्वरा रोकी सका? 18यह शूणी करे त्याह चुप रही, होर परमेश्वरा री बड़ाई करी करे बोलदे लागे, तेबा तअ परमेश्वर भी अन्यजाति भी जीबना में मन फिराव रा दान दीना।
अन्ताकिया री कलीसिया
19जोह लोका तेऊ क्लेशा रे मारे जोह स्तिफनुसा री बजा का पडू, तितर-बितर होई, त्याहे हांडदे-हांडदे फीनाक होर साईप्रस होर अन्ताकिया में पूजे; पर यहूदी छाडी कासु होरी वे बचन नांई शूणाऊंदे थी। 20पर त्याह हामें कुछ साइप्रस बासी होर कुरेनी थी, जोह अन्ताकिया में ईछी करे यूनानी लोका बे भी परमेश्वर यीशु रे सुसमाचारा री गला शूणाऊंदे लागे। 21परमेश्वरा रअ हाथ त्याह पैंदे थी, होर बहू लोका बुशाह करी करे परमेश्वरा फेरा बे फीरी। 22जेबा त्याह री चर्चा यरूशलेमा री कलीसिया में शूणने में आई, तेबा त्याये बरनबास अन्ताकिया भेजू। 23सह तखे पूजी करे परमेश्वर रा अनुग्रह भाली खुश होऊ, होर सभी बे बिनती करी की तन मन लाई करे परमेश्वरा में लिपटी रहा। 24सह एक भलअ मणश थी, होर पवित्र आत्मा होर बुशाह संघे परिपूर्ण थी, होर भी बहू लोका प्रभु में मिली। 25तेबा सह शाऊला लोड़ने री तणी तरसुसा बे नाठअ। 26जेबा तेऊ सह भेटअ तेबा तेऊ सह अन्ताकिया आणू; होर एडा होऊ की त्याह एकी साला तणी कलीसिया बे मिलदे होर उपदेशा दिंदे रही; होर चेले सभी का पहिले अन्ताकिया में मसीही कहलाई।
27त्याह धयाडी कई भविष्यद्वक्ता यरूशलेमा का अन्ताकिया मे आऊए। 28त्याह में अगबुस ना रअ एक खड़े होई करे आत्मा री प्रेरणा का यह खोजू कि सारे संसारा में बडअ आकाल पडण-सह आकाल सम्राट क्लौदियुसा रे वक्ते पडू। 29तेबा चेले फेंसला करू कि हर एक आपणे-आपणे ढबे रे साबे यहूदिया में रहणे आले भाईओं री सेवा री तणी कुछ भेजा। 30त्याये एड़ा ही करू; होर बरनबास होर शाऊला रे हाथे बजुर्गा सेटा कुछ भेजू।
Currently Selected:
प्रेरित 11: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
प्रेरित 11
11
पतरसा रे साबे आपणे कामा रा खोजणा
1तेबा प्रेरिते होर भाईये जोह यहूदिया में, शूणू की होरी जाति भी परमेश्वर रा बचन मनू। 2होर जेबा पतरस यरूशलेमा बे आऊअ, तेबा खतना करी दे लोका तेऊ पेन्दे शक करदे लागे; 3तांई खतना रहित लोका सेटा नांही करे खाऊ-पीऊ।
4तेबा पतरसे त्याह वे पहिले कअ बाहडे लाई शूणाऊ। 5हाँउ याफा में प्रार्थना करदअ लागअदअ थी होर बेसुध होई करे माए एक दर्शन हेरू की, एक पात्र बड़ी चादरा रे समान, चहु कूणे लटकीदी, सरगा का ऊतरी करे माहा सेटा बे आऊई। 6जेबा मांई तेता पैंदे ध्यान दीना, तेबा तेता में धरती री चहू टांगा आले होर बूणा रे पशु होर रेंगणे आले जंतु होर सरगा रे चेलू हेरी; 7होर यह शब्द शूणू, हे पतरस उठ, मार होर खा। 8मांई बोलू, नांई परमेश्वर; किबेकी कोहे भी अपवित्र या अशुद्ध चीजा मेरे मुंहा भीतरे मची तणी नांई नाठी। 9एतके ऊतरा में सरगा का दूजी बारी होर शब्द शूणू, जोह कुछ परमेश्वरे शुद्ध ठहराऊ, तेता अशुद्ध नाई बोले। 10चीण बारी एड़ा ही होऊ; तेबा सब कुछ सरगे बापस खींचू।
11होर हेरा, तेभरी चीण मणश जोह कैसरिया शहरा का माहा बे भेजी दे थी, तेऊ घरे जासु में हाम, होर हामा सेटा खड़े होई। 12तेबा आत्मा माहा बे बिना बैहमा रे डरे संघे होई करे त्याह संघे नाहणे बे बोलू, होर या छह भाई भी मांई संघे आए; होर हामा तेऊ मणशा रे घरा बे नाठे। 13तेऊ हामा बे खोजू की तेऊ एक स्वर्गदूत आपणे घरे खडअ हेरू, तेऊये तेऊबै बोलू, याफा में मणश भेजी करे शमौन जोह पतरस कहलाऊंदा शादह। 14तेऊ ताहबे एडी गला खोजणी, जासके साबे ताह होर तेरे सारे घराने उद्धार पाऊँणा।
15जेबा हाँऊ गला करदअ लागअ; तेबा पवित्र आत्मा त्याह पैंदे एडी रीति संघे ऊतरी जेहडी पहिले हामा पैंदे ऊतरी थी। 16तेबा महा परमेश्वरा रअ सह बचन याद आऊअ; जोह तेऊ बोलू, यूहन्ना तअ पाणी में बपतिस्मा दिंदा, पर तमा सभी वे पवित्र आत्मा बपतिस्मा दींणा।
17तेबा परमेश्वरे भी त्याहवे सहे दान दीना, जोह हामा बे परमेश्वरे यीशु मसीह मे बुशाहा करने पैंदे भेटा; तेबा हांऊ कुण सा जोह परमेश्वरा रोकी सका? 18यह शूणी करे त्याह चुप रही, होर परमेश्वरा री बड़ाई करी करे बोलदे लागे, तेबा तअ परमेश्वर भी अन्यजाति भी जीबना में मन फिराव रा दान दीना।
अन्ताकिया री कलीसिया
19जोह लोका तेऊ क्लेशा रे मारे जोह स्तिफनुसा री बजा का पडू, तितर-बितर होई, त्याहे हांडदे-हांडदे फीनाक होर साईप्रस होर अन्ताकिया में पूजे; पर यहूदी छाडी कासु होरी वे बचन नांई शूणाऊंदे थी। 20पर त्याह हामें कुछ साइप्रस बासी होर कुरेनी थी, जोह अन्ताकिया में ईछी करे यूनानी लोका बे भी परमेश्वर यीशु रे सुसमाचारा री गला शूणाऊंदे लागे। 21परमेश्वरा रअ हाथ त्याह पैंदे थी, होर बहू लोका बुशाह करी करे परमेश्वरा फेरा बे फीरी। 22जेबा त्याह री चर्चा यरूशलेमा री कलीसिया में शूणने में आई, तेबा त्याये बरनबास अन्ताकिया भेजू। 23सह तखे पूजी करे परमेश्वर रा अनुग्रह भाली खुश होऊ, होर सभी बे बिनती करी की तन मन लाई करे परमेश्वरा में लिपटी रहा। 24सह एक भलअ मणश थी, होर पवित्र आत्मा होर बुशाह संघे परिपूर्ण थी, होर भी बहू लोका प्रभु में मिली। 25तेबा सह शाऊला लोड़ने री तणी तरसुसा बे नाठअ। 26जेबा तेऊ सह भेटअ तेबा तेऊ सह अन्ताकिया आणू; होर एडा होऊ की त्याह एकी साला तणी कलीसिया बे मिलदे होर उपदेशा दिंदे रही; होर चेले सभी का पहिले अन्ताकिया में मसीही कहलाई।
27त्याह धयाडी कई भविष्यद्वक्ता यरूशलेमा का अन्ताकिया मे आऊए। 28त्याह में अगबुस ना रअ एक खड़े होई करे आत्मा री प्रेरणा का यह खोजू कि सारे संसारा में बडअ आकाल पडण-सह आकाल सम्राट क्लौदियुसा रे वक्ते पडू। 29तेबा चेले फेंसला करू कि हर एक आपणे-आपणे ढबे रे साबे यहूदिया में रहणे आले भाईओं री सेवा री तणी कुछ भेजा। 30त्याये एड़ा ही करू; होर बरनबास होर शाऊला रे हाथे बजुर्गा सेटा कुछ भेजू।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.