Job 42
42
Job 42:12-17
12Jũma mãwãnacarea jĩrũare Ãcõrẽba Jóa idjia naãrã erob̶ad̶a cãyãbara aud̶uara diasia. Mãwã Joba catorce mil ovejada, sei mil cameyoda, mil umé pacada, mil burro sid̶a erob̶esia.#42:12. Mil umé pacada. Hebreo bed̶ead̶e jara b̶ʌa idjia 1000 pacada erob̶asida, umé uméa ãbaa jʌ̃ panʌda. Maʌ̃ba jara b̶ʌa jũma ãbaa idjia 2000 erob̶asida. 13Siete warrarãda idjab̶a wẽrãcaurãda ũbea unusia.#42:13. Siete warrarãda. Ʌ̃cʌrʌ cartad̶e b̶ʌ́ b̶ʌa “catorce warrarãda.” 14Dji nabema caura trʌ̃ b̶ʌsia Jemima. Maʌ̃arebemada trʌ̃ b̶ʌsia Cesia. Jĩrũarebemada trʌ̃ b̶ʌsia Keren-hapuc. 15Jũma naʌ̃ ẽjũãne wẽrãrã biya qued̶eada Jo caurã quĩrãca neẽ́ basía. Joba erob̶ʌd̶ebemada idji warrarãa jed̶ecasid̶e idji caurãa bid̶a ab̶arica diasia.
16Jũma mãwãnacarea Jora ciento cuarenta poa b̶asia. Maʌ̃ne unusia idji warrarãda, idji wiuzaquerãda, idji wiuzaquerã warrarãda, ãdjirã warrarã sid̶a. 17Mãwã bio waraga jaid̶ab̶arisia.
Currently Selected:
Job 42: emp
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.