Matiw 20
20
Shumpwoo kaah mhi-yaghal wittpuus
1“P'ee dhenglong khi Naan a kaah m'ee guluh w'u m'ii byitt-byitt dum kok mhi-yaghal tihh mwopp yakhal yaghal wittpuus diy riy bongg-anab keeniy. 2Mwopp shan shaghal wittpuus ni a dinarius kihmeh-kihmeh, bhi shenn mwopp lhidum yaghal bongg-anab keeniy ni.
3“Pee wull kaa gonggpee wu'pwoghofeerr se, bhi gwoh ni put, bhi naah pakk m'ee mhidhakk mwopp kihh kwangg b'aan kih luhtukk. 4Bhi satt mwopp le, ‘Wu'wunn zag wu dum yaghal bhokk nah bhi a'n p'ee kwat wunn bii w'u ih naah rett tihh ih kwat wunn.’ 5Bhi mwopp dum yaghal ni.
“Guluh ni waa put kok pakk mhidhakk dyi kaa gonggpee wu'kaghapaad baa'vel se, kihh gonggpee wu'kunn mhi puus bhi sh'in kihhsheh zag. 6Kaarooh pee wull kaa gonggpee wu'paad kan'sihkhin se, bhi gwoh ni waa put dyi, bhi kad pakk m'ee mhidhakk mwopp kihh birr b'aan. Bhi nang phi mwopp le, ‘Wu witt wu birr b'aan noott dhakk shinn a ranggyeh?’
7“Bhi mwopp lapp nyi mwopp le, ‘Baah menguh kok munn p'ee dum yaghal riy shinn.’
“Bhi satt mwopp le, ‘T'o, wu'wunn zag wu dum yaghal bongg-anab keena.’
8“Kaarooh pee wull kansihkhin, bhi gwoh ni satt gu'naahdhakk keeniy le, ‘Ghi perrep mhi-yaghal wittpuus ni mwopp ghi kwat shaghal wittpuus khimwopp mwopp. Ghi shee kihh mwooh ih sihkhitt ih kok, harr k'aa wull mwooh dyinn ih kok sh'ee seh.’
9“Mhi-yaghal w'u dyinn gwoh ni sihkhitt kok gonggpee wu'paad seh mwopp ja, bhi mwopp kad mwopp kwat runn weett a shaghal wittpuus w'u a dinarius kihmeh-kihmeh seh. 10A nyi seh, bhi kaarooh mwooh dyinn mwopp kok mwopp sh'ee seh ja, bhi mwopp kihh naah le ai shaghal wittpuus muudruh p'ee mett kihhsheh. Dhangg mwopp kwatt mwopp a shaghal wittpuus w'u dinarius kihmeh-kihmeh zag. 11Kaarooh mwopp lapp shaghal ni, bhi mwopp y'aa gwak-bhellepp kaah guluh ni, 12le, ‘Hah, mwooh ghi sihkhitt ghi kok seh mwopp sh'in dhakk a p'ee gonggpee kihmeh kyekk faah, weett kihhsheh bhi ghi kwatt mwopp chiitt kihh wu'munn w'u phidyinn mu kihh w'un mu dheer diy dhighin tihrr-puus a'ng?’
13“Bhi guluh ni pring satt m'ee mhidhakk mhizeh ni mwopp le, ‘Shaar na, ai baah ih bukhur gha mou. Dyinn mu shan shaghal wittpuus ni a dinarius kihmeh mou aa'? 14Wu'gha dei ghi lapp shaghal keegha ghi l'ang kih arr. A a'n ih ryeeh kwat gwooh dyinn ih sihkhitt ih m'ang seh bii w'u ih kwatt wu'gha zag. 15Kan a'n kihh pee mhi sh'in bii w'u ih kihh re'bhet kihh shaghal keena maah? H'aa f'ii gha kihh rooh ih sh'in zhukhum kihh shaghal keena bwaatt?’ ”
16Jesu sihkhitt pwoo mihhseh sh'i satt le, “Pee'mhinyi bhi mwooh sh'ee p'ee yakhal dhen a mwooh kihbwoon, dheeh mwooh kihbwoon p'ee yakhal dhen a mwooh sh'ee.”
Jesu waa sattpwoo dyi kaah muutt keeniy
(Mar 10:32-34; Luk 18:31-34)
17Kaarooh Jesu kaah mwaan p'ee k'aa dum Urshalima, bhi wangg zheppkamm keeniy w'u kaghapaad baa'vel seh m'ee koghob bhi satt mwopp le, 18“Wu naah, munn a arr k'aa dum Urshalima se. Mwopp p'ee seett kihh L'aa khi Gurum sarr prist wu'nan mwopp kihh Mhikamm-w'aar mwopp, bhi mwopp p'ee shandyeell muutt nyi, 19yakhal mwopp pihh nyi sarr Seghen'gurum mwopp tihh mwopp nwang'zhung ni diy, yakhal mwopp fwa gw'am nyi harr mwopp pwas nyi kih sheepmuutt. Dhangg nyi p'ee waa yakhal dyi kihh seen kih puus wu'kunn.”
M'ee mat sh'in dhangg p'ee zhepp rah mwopp
(Mar 10:35-45)
20Mwopp kaah bii mihhseh, bhi nhikhin khi zhepp khi Zebedi ji kihpee Jesu diy kihh zhepp rah wu'vel seh, ji kurum kih fr'um rah tekhem Jesu tihh dhang reb m'ee punshiin diy phi nyi.
21Jesu nang phi nyi le, “Yi kihh t'ang tihh ih sh'in a mihyeh yi?”
Bhi mat ni lapp nyi le, “Kum'bokk, ih kihh dhang tihh zhepp nah wu'vel mhize mwopp twakhat diy sh'i sak dhighin dhenglong keegha, wu'zeh sarrsoh, wu'zeh sarr'kul.”
22Bhi Jesu satt mwopp le, “Baah wu man bii w'u wunn phi dhang nyi mou. Wunn p'ee mak shwaa zhangg zheell w'u a'n p'ee shwaa nyi se mihngg?”
Bhi mwopp lapp nyi le, “Ee'h munn p'ee mak shwaa nyi.”
23Bhi Jesu satt mwopp le, “Baah m'ee satt kihhshe, wunn p'ee shwaa zhangg zheell keena ni, dhangg t'ong w'u pee tong sarrsoh kooh sarr'kul keena a a'n kihh pee mhi pihh nyi menguh mou. Peetong mhizeh ni mwopp a mhi mwooh Daa w'u tihngg kih dheng baa dhakk l'e p'ee mwopp.”
24Kaarooh kakhar zheppkamm w'u kaghapaad seh mwopp klihng kihhsheh, bhi shaan mwopp kihh emnhikhin shag wu'vel mhizeh ni mwopp. 25A nyi seh, bhi Jesu peet zheppkamm ni mwopp weett lhija kihshag, bhi satt mwopp le, “Wu man wu le Dazkakhamm mhi Seghen'gurum mwopp kihh le'dyikihh mwopp pwetd, yakhal mhidhakk khimwopp wu'nan mwopp kihh looh mwopp a sh'i fwaann. 26Dhangg wu'wunn p'ee sh'in kihhsheh kihh shag mou. Kop kihhsheh, bhi gwooh kihh t'ang tong a wu'yon naar wu, bhi ching tihh dhen shin a laa'dhakk keewu. 27Yakhal koohweeh w'u kihh t'ang dheeh gu-kihkyeen keewu, bhi ching tihh dhen shin a kromm keewu, 28chiitt kaarooh baah L'aa khi Gurum samm a tihh gurum mwopp sh'in dhakk-kromm diy nyi mou; sam a tihh sh'in dhakk diy gurum mwopp, yakhal tihh pihh seen niy a kwatshig shigbis p'ee gurum dhess.”
Jesu wangg yit mhi-vughum vel Jeriko
(Mar 10:46-52; Luk 18:35-43)
29Kaarooh Jesu kihh zheppkamm keeniy mwopp kihh t'ang put Jeriko, bhi dw'uu gurum mwopp tuud langdang nyi. 30M'ee mhi-vughum mwopp vel kih kwangg pwoo arr. Kaarooh mwopp klihng rooh a Jesu arr ji dhel, bhi mwopp pyan dhekheh ru bhall-bhall le, “Puup mu, Em khi Dauda ooiy! Kum'bokk, ghi naah chikhirr keemu oou!”
31Dw'uu gurum ni mwopp tepbhellepp mhi-vughum ni mwopp le nw'aa tong dh'ok. Weett kihhsheh bhi mhi-vughum ni mwopp kihh sihkhitt shi-shatt dhekheh ru bhall-bhall le, “Puup mu, Em khi Dauda ooiy! Kum'bokk, ghi naah chikhirr keemu oou!”
32Jesu b'aa dharr bhi peet mhi-vughum ni mwopp lhija, bhi nang phi mwopp le, “Wu kihh t'ang tihh a sh'in a mihyeh wunn?”
33Bhi mwopp lapp nyi le, “Gwoohyon, mu kihh t'ang tihh mu kad naahpee dyi 'y.” 34Jesu naah kaahdhoonn kih mwopp, bhi taah bwum yit mwopp. Abet bhi mhi-vughum ni mwopp kad naahpee, bhi mwopp langdang nyi.
Currently Selected:
Matiw 20: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Matiw 20
20
Shumpwoo kaah mhi-yaghal wittpuus
1“P'ee dhenglong khi Naan a kaah m'ee guluh w'u m'ii byitt-byitt dum kok mhi-yaghal tihh mwopp yakhal yaghal wittpuus diy riy bongg-anab keeniy. 2Mwopp shan shaghal wittpuus ni a dinarius kihmeh-kihmeh, bhi shenn mwopp lhidum yaghal bongg-anab keeniy ni.
3“Pee wull kaa gonggpee wu'pwoghofeerr se, bhi gwoh ni put, bhi naah pakk m'ee mhidhakk mwopp kihh kwangg b'aan kih luhtukk. 4Bhi satt mwopp le, ‘Wu'wunn zag wu dum yaghal bhokk nah bhi a'n p'ee kwat wunn bii w'u ih naah rett tihh ih kwat wunn.’ 5Bhi mwopp dum yaghal ni.
“Guluh ni waa put kok pakk mhidhakk dyi kaa gonggpee wu'kaghapaad baa'vel se, kihh gonggpee wu'kunn mhi puus bhi sh'in kihhsheh zag. 6Kaarooh pee wull kaa gonggpee wu'paad kan'sihkhin se, bhi gwoh ni waa put dyi, bhi kad pakk m'ee mhidhakk mwopp kihh birr b'aan. Bhi nang phi mwopp le, ‘Wu witt wu birr b'aan noott dhakk shinn a ranggyeh?’
7“Bhi mwopp lapp nyi mwopp le, ‘Baah menguh kok munn p'ee dum yaghal riy shinn.’
“Bhi satt mwopp le, ‘T'o, wu'wunn zag wu dum yaghal bongg-anab keena.’
8“Kaarooh pee wull kansihkhin, bhi gwoh ni satt gu'naahdhakk keeniy le, ‘Ghi perrep mhi-yaghal wittpuus ni mwopp ghi kwat shaghal wittpuus khimwopp mwopp. Ghi shee kihh mwooh ih sihkhitt ih kok, harr k'aa wull mwooh dyinn ih kok sh'ee seh.’
9“Mhi-yaghal w'u dyinn gwoh ni sihkhitt kok gonggpee wu'paad seh mwopp ja, bhi mwopp kad mwopp kwat runn weett a shaghal wittpuus w'u a dinarius kihmeh-kihmeh seh. 10A nyi seh, bhi kaarooh mwooh dyinn mwopp kok mwopp sh'ee seh ja, bhi mwopp kihh naah le ai shaghal wittpuus muudruh p'ee mett kihhsheh. Dhangg mwopp kwatt mwopp a shaghal wittpuus w'u dinarius kihmeh-kihmeh zag. 11Kaarooh mwopp lapp shaghal ni, bhi mwopp y'aa gwak-bhellepp kaah guluh ni, 12le, ‘Hah, mwooh ghi sihkhitt ghi kok seh mwopp sh'in dhakk a p'ee gonggpee kihmeh kyekk faah, weett kihhsheh bhi ghi kwatt mwopp chiitt kihh wu'munn w'u phidyinn mu kihh w'un mu dheer diy dhighin tihrr-puus a'ng?’
13“Bhi guluh ni pring satt m'ee mhidhakk mhizeh ni mwopp le, ‘Shaar na, ai baah ih bukhur gha mou. Dyinn mu shan shaghal wittpuus ni a dinarius kihmeh mou aa'? 14Wu'gha dei ghi lapp shaghal keegha ghi l'ang kih arr. A a'n ih ryeeh kwat gwooh dyinn ih sihkhitt ih m'ang seh bii w'u ih kwatt wu'gha zag. 15Kan a'n kihh pee mhi sh'in bii w'u ih kihh re'bhet kihh shaghal keena maah? H'aa f'ii gha kihh rooh ih sh'in zhukhum kihh shaghal keena bwaatt?’ ”
16Jesu sihkhitt pwoo mihhseh sh'i satt le, “Pee'mhinyi bhi mwooh sh'ee p'ee yakhal dhen a mwooh kihbwoon, dheeh mwooh kihbwoon p'ee yakhal dhen a mwooh sh'ee.”
Jesu waa sattpwoo dyi kaah muutt keeniy
(Mar 10:32-34; Luk 18:31-34)
17Kaarooh Jesu kaah mwaan p'ee k'aa dum Urshalima, bhi wangg zheppkamm keeniy w'u kaghapaad baa'vel seh m'ee koghob bhi satt mwopp le, 18“Wu naah, munn a arr k'aa dum Urshalima se. Mwopp p'ee seett kihh L'aa khi Gurum sarr prist wu'nan mwopp kihh Mhikamm-w'aar mwopp, bhi mwopp p'ee shandyeell muutt nyi, 19yakhal mwopp pihh nyi sarr Seghen'gurum mwopp tihh mwopp nwang'zhung ni diy, yakhal mwopp fwa gw'am nyi harr mwopp pwas nyi kih sheepmuutt. Dhangg nyi p'ee waa yakhal dyi kihh seen kih puus wu'kunn.”
M'ee mat sh'in dhangg p'ee zhepp rah mwopp
(Mar 10:35-45)
20Mwopp kaah bii mihhseh, bhi nhikhin khi zhepp khi Zebedi ji kihpee Jesu diy kihh zhepp rah wu'vel seh, ji kurum kih fr'um rah tekhem Jesu tihh dhang reb m'ee punshiin diy phi nyi.
21Jesu nang phi nyi le, “Yi kihh t'ang tihh ih sh'in a mihyeh yi?”
Bhi mat ni lapp nyi le, “Kum'bokk, ih kihh dhang tihh zhepp nah wu'vel mhize mwopp twakhat diy sh'i sak dhighin dhenglong keegha, wu'zeh sarrsoh, wu'zeh sarr'kul.”
22Bhi Jesu satt mwopp le, “Baah wu man bii w'u wunn phi dhang nyi mou. Wunn p'ee mak shwaa zhangg zheell w'u a'n p'ee shwaa nyi se mihngg?”
Bhi mwopp lapp nyi le, “Ee'h munn p'ee mak shwaa nyi.”
23Bhi Jesu satt mwopp le, “Baah m'ee satt kihhshe, wunn p'ee shwaa zhangg zheell keena ni, dhangg t'ong w'u pee tong sarrsoh kooh sarr'kul keena a a'n kihh pee mhi pihh nyi menguh mou. Peetong mhizeh ni mwopp a mhi mwooh Daa w'u tihngg kih dheng baa dhakk l'e p'ee mwopp.”
24Kaarooh kakhar zheppkamm w'u kaghapaad seh mwopp klihng kihhsheh, bhi shaan mwopp kihh emnhikhin shag wu'vel mhizeh ni mwopp. 25A nyi seh, bhi Jesu peet zheppkamm ni mwopp weett lhija kihshag, bhi satt mwopp le, “Wu man wu le Dazkakhamm mhi Seghen'gurum mwopp kihh le'dyikihh mwopp pwetd, yakhal mhidhakk khimwopp wu'nan mwopp kihh looh mwopp a sh'i fwaann. 26Dhangg wu'wunn p'ee sh'in kihhsheh kihh shag mou. Kop kihhsheh, bhi gwooh kihh t'ang tong a wu'yon naar wu, bhi ching tihh dhen shin a laa'dhakk keewu. 27Yakhal koohweeh w'u kihh t'ang dheeh gu-kihkyeen keewu, bhi ching tihh dhen shin a kromm keewu, 28chiitt kaarooh baah L'aa khi Gurum samm a tihh gurum mwopp sh'in dhakk-kromm diy nyi mou; sam a tihh sh'in dhakk diy gurum mwopp, yakhal tihh pihh seen niy a kwatshig shigbis p'ee gurum dhess.”
Jesu wangg yit mhi-vughum vel Jeriko
(Mar 10:46-52; Luk 18:35-43)
29Kaarooh Jesu kihh zheppkamm keeniy mwopp kihh t'ang put Jeriko, bhi dw'uu gurum mwopp tuud langdang nyi. 30M'ee mhi-vughum mwopp vel kih kwangg pwoo arr. Kaarooh mwopp klihng rooh a Jesu arr ji dhel, bhi mwopp pyan dhekheh ru bhall-bhall le, “Puup mu, Em khi Dauda ooiy! Kum'bokk, ghi naah chikhirr keemu oou!”
31Dw'uu gurum ni mwopp tepbhellepp mhi-vughum ni mwopp le nw'aa tong dh'ok. Weett kihhsheh bhi mhi-vughum ni mwopp kihh sihkhitt shi-shatt dhekheh ru bhall-bhall le, “Puup mu, Em khi Dauda ooiy! Kum'bokk, ghi naah chikhirr keemu oou!”
32Jesu b'aa dharr bhi peet mhi-vughum ni mwopp lhija, bhi nang phi mwopp le, “Wu kihh t'ang tihh a sh'in a mihyeh wunn?”
33Bhi mwopp lapp nyi le, “Gwoohyon, mu kihh t'ang tihh mu kad naahpee dyi 'y.” 34Jesu naah kaahdhoonn kih mwopp, bhi taah bwum yit mwopp. Abet bhi mhi-vughum ni mwopp kad naahpee, bhi mwopp langdang nyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation