Yakub 4

Wu saamkihhkaah wuh tekhem Naan

1A mihyeh kihh ji kihh l'ek kihh koghor naar wu? Mwopp kihh pwat a dhighin chakharr mhi dhom'kaah keewu w'u phi l'ek dhighin p'an keewu mou aa'? 2Wu kihh chakhar kad bii hett dhangg wu kad mou, bhi put tu'kaah. Wu kihh sh'in yid p'ee bii khi mwoohzeh dhangg wu kad mou, bhi wu somm koghor harr wu lek. Baah wu kihh kad bii mou a pee'rooh baah wu kihh dhang phi Naan mou. 3Wu kihh dhang bii phi Naan wu kad mou a pee'rooh wu kihh dhang a dhighin arr wu'bis, tihh wu t'u bii w'u wu kad diy p'ee klihngshangg mhi mihhseh mhi shoopshik wu.

4N'an mhishiin-zeenn kaa shwarabgaa se! Kan wu man rooh yak shaar kihh yill mhize a tonn kihh Naan maah? Pee'mhinyi, bhi koohweeh w'u dhen shin a shaar khi yill mhizeh bhi gwoh ni a tonn kihh Naan. 5H'aa naah mug bhi Ran'Wubhangg satt a b'uu kyekk le, “Riin w'u Naan l'e tihh tong dhighin munn kihh sh'in zhikhirr kaah muh,” ayeh? 6Weett kihhsheh bhi Naan kihh sh'in wu'rett munn pwetd. A nyi a bii w'u l'e tihh Ran'Wubhangg satt le,

“Naan kihh dharr gu-eepkaah,

dhangg kihh sh'in wu'rett gu-saamkihhkaah.”#Smp 3:34

7Pee'mhinyi bhi wu saamkihhkaah wuh tekhem Naan. Wu dyarrang yit Shetan nyav, bhi nyi p'ee sh'u kihkyeen wu. 8Shang wu ja kuss kihh Naan, bhi nyi p'ee shang ji kuss kihh wunn. Wu vwang sarr wuh, wunn mhi-shigbis, yakhal wu vwang phitukhup wu, wunn mhi phitukhup vel-vel. 9Wu tong dhighin wadphitukhup, wu maab, wu dheer wall. Wu nook shw'ar, wu chaat wall! Wu nook rettyit, wu y'aa dho'khor. 10Wu saamkihhkaah wuh tekhem Daah Naan, bhi nyi p'ee eep wunn.

11Em'naa mwopp, tapp wu kihh shin'pwoo wu'bis kaah shag mou. Koohweeh w'u kihh shin'pwoo wu'bis kaah wu'nin kooh le'shig kaah nyi, bhi nyi phi shin'pwoo wu'bis a kaah w'aar khi Naan yakhal kihh le'shig kaah nyi zag. Mihh ghi kihh le'shig kaah w'aar khi Naan, bhi kihh kamm le baah gha a g'u kyeer w'aar ni mou, gha a gu-shwandyeell w'aar nyi. 12Dhangg a Naan kyekk a Gu pihh w'aar, yakhal a nyi a Gu-togdyeell. A nyi kihh mak bham gurum, yakhal a nyi kihh mak togdyeell muutt w'u harr ngaa-ngaa gurum. Dhangg wu'gha a wuyeh w'u harr ghi mak le'shig kaah wu'nak?

Nhighilshik kaah puus w'u dhaarr

13Wu lang kom wu, wunn mhi satt le, “Shinn kooh dhaarr bhi munn p'ee dum khishikhitt mhizeh kooh m'ee khishikhitt wu'zeh, mu sh'in yiiy kihmeh nhighin, mu sh'in w'oor harr mu kad shaghal.” 14Wu'dyikk seh! Baah wu man bii w'u p'ee put dhaarr maah mou. Dihng seen wu sh'i kaah rah maah bhi nyi a mihyeh? Ai nyi a kaa reb liw w'u kihh put p'ee reb pee lee kyekk bhi shikhir lyaan kyes se. 15Bii w'u rett tihh dyinn wunn p'ee satt nyi a kihhshe: “Sh'i dh'om khi Naan, mihh munn dhighin mhi seen, bhi munn p'ee sh'in bii mihhse kooh bii mihhseh.” 16Kop kihhsheh bhi wunn kaah nhighil shuk dhighin dokholshik keewu. Kapp nhighilshik wu'kihhsheh ni a shigbis. 17Pee'mhinyi, bhi koohweeh w'u man bii w'u rett tihh ri sh'in, dhangg sh'in mou, bhi gwoh ni sh'in a shigbis.

Currently Selected:

Yakub 4: Chakfem

Highlight

Copy