१ थेसलोनिकी 3
3
विश्वासके लिए चिन्ता
1अन्तमे, हमेसब तोरसिसे दूर रहैले नैसकैके कारणसे हमे, पावल आर सिलास आपन इच्छासे यी निर्णय कैलियै कि हमेसब एथेन्स सहरमे असकल्ला रहबै। 2आर हमेसब तिमोथीके, जे ख्रीष्टके खुश-खबरी प्रचार करैमे हमरसिके विश्वासी भ्या आर परमेश्वरके सेवक छै, ओकरा तोरसिकेलगत भेज्लियौ ताकी ऊ तोरासिके विश्वासमे स्थिर कराबौ आर तोरसिके विश्वासके विषयमे तोरासिके उत्साह दौ। 3आर कोय भी यी कष्टसिके कारणसे नैडगमगाबै। कहिनेकी तोरासिके मालुम छौ कि आपनसिके लिए इहे परमेश्वरके इच्छा रहै। 4कहिनेकी पहेला भी जब हमेसब तोरसिकते रहियै ते, तोरासिके कहते रहियौ कि अपनासिके कष्ट भोगना छै आर अहिने भेलै छे आर यी बात तुहेंसब जानै भी छैं। 5सेल्याके तुहेंसब केरं हालतमे छैं कहिके मालुम नैभेल बात जब हमे आरहौ बरदास करैले नैसक्लियै ते, तोरसिके विश्वासके हाल-खबर जानैके लिए हमे तिमोथीके भेज्लियै। कहिनेकी परीक्षा करेवाला शैतान तोरासिके परीक्षामे फस्याके हमरसिके मेहनत बेकार करिदेल्कै कि कहिके हमरा डर लाग्ल रहै।
तिमोथीद्वारा उत्साहित
6मगर एखन तिमोथी तोरसिके लगतसे हमरसिके लगत आबिके तोरसिके विश्वास आर प्रेमके सन्देश हमरासिके सुनैल्कै। तुहेंसब हमरसिसे मिलैके बहुते इच्छा करिके सभे दिन प्रेमसे हमरासिके याद करैछैं कहिके खबर देल्कै। हम्हुँसब तोरसिके भेट करैले ओतनहैं इच्छा करैछियौ। 7सेल्याके हे विश्वासी भ्या-बहिनसब, हमेसब हमरसिके सभे दुःख आर क्लेशमे तोरसिके विषयमे तिमोथीसे सुनिके उत्साहित भेल छियै कि तुहेंसब आपन विश्वासमे मजगुत छैं। 8कहिनेकी तुहेंसब आपन विश्वासमे मजगुत छैं कहिके मालुम भेलपर हमरसिके जीवनके लिए यी मूल्यवान छै। 9तोरेसिके कारणसे हमेसब आपनसिके परमेश्वरके समनामे आनन्द मनाबैछियै। एकर लिए ते परमेश्वरके जतनें धन्यवाद देना भी कमे हैछै। 10तोरासिके अमना-समनामे भेट करिके प्रभु येशू ख्रीष्टमे पुरा रुपसे विश्वास करैले सिखाबैके लिए हमेसब रात दिन जोशके साथ प्रार्थना करैछियै।
मण्डलीके लिए प्रार्थना
11हमेसब प्रार्थना करैछियै कि आपनसिके परमेश्वर पिता आर आपनसिके प्रभु येशू ख्रीष्ट तोरसिके भेट करैके लिए हमरसिके रस्ता खोली दै। 12आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ। 13हमेसब प्रार्थना करैछियै कि आपनसिके प्रभु येशू तोरसिके मनके एरंके स्थिर कराबौ, कि जब ऊ आपन पवित्र आदमीसिके संगे फेर वापस ऐतौ ते, तुहेंसब आपनसिके परमेश्वर पिताके समनामे निर्दोष आर पवित्र ठहरहैं।
Currently Selected:
१ थेसलोनिकी 3: KYVNT
Highlight
Share
Copy
Want to have your highlights saved across all your devices? Sign up or sign in
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.
१ थेसलोनिकी 3
3
विश्वासके लिए चिन्ता
1अन्तमे, हमेसब तोरसिसे दूर रहैले नैसकैके कारणसे हमे, पावल आर सिलास आपन इच्छासे यी निर्णय कैलियै कि हमेसब एथेन्स सहरमे असकल्ला रहबै। 2आर हमेसब तिमोथीके, जे ख्रीष्टके खुश-खबरी प्रचार करैमे हमरसिके विश्वासी भ्या आर परमेश्वरके सेवक छै, ओकरा तोरसिकेलगत भेज्लियौ ताकी ऊ तोरासिके विश्वासमे स्थिर कराबौ आर तोरसिके विश्वासके विषयमे तोरासिके उत्साह दौ। 3आर कोय भी यी कष्टसिके कारणसे नैडगमगाबै। कहिनेकी तोरासिके मालुम छौ कि आपनसिके लिए इहे परमेश्वरके इच्छा रहै। 4कहिनेकी पहेला भी जब हमेसब तोरसिकते रहियै ते, तोरासिके कहते रहियौ कि अपनासिके कष्ट भोगना छै आर अहिने भेलै छे आर यी बात तुहेंसब जानै भी छैं। 5सेल्याके तुहेंसब केरं हालतमे छैं कहिके मालुम नैभेल बात जब हमे आरहौ बरदास करैले नैसक्लियै ते, तोरसिके विश्वासके हाल-खबर जानैके लिए हमे तिमोथीके भेज्लियै। कहिनेकी परीक्षा करेवाला शैतान तोरासिके परीक्षामे फस्याके हमरसिके मेहनत बेकार करिदेल्कै कि कहिके हमरा डर लाग्ल रहै।
तिमोथीद्वारा उत्साहित
6मगर एखन तिमोथी तोरसिके लगतसे हमरसिके लगत आबिके तोरसिके विश्वास आर प्रेमके सन्देश हमरासिके सुनैल्कै। तुहेंसब हमरसिसे मिलैके बहुते इच्छा करिके सभे दिन प्रेमसे हमरासिके याद करैछैं कहिके खबर देल्कै। हम्हुँसब तोरसिके भेट करैले ओतनहैं इच्छा करैछियौ। 7सेल्याके हे विश्वासी भ्या-बहिनसब, हमेसब हमरसिके सभे दुःख आर क्लेशमे तोरसिके विषयमे तिमोथीसे सुनिके उत्साहित भेल छियै कि तुहेंसब आपन विश्वासमे मजगुत छैं। 8कहिनेकी तुहेंसब आपन विश्वासमे मजगुत छैं कहिके मालुम भेलपर हमरसिके जीवनके लिए यी मूल्यवान छै। 9तोरेसिके कारणसे हमेसब आपनसिके परमेश्वरके समनामे आनन्द मनाबैछियै। एकर लिए ते परमेश्वरके जतनें धन्यवाद देना भी कमे हैछै। 10तोरासिके अमना-समनामे भेट करिके प्रभु येशू ख्रीष्टमे पुरा रुपसे विश्वास करैले सिखाबैके लिए हमेसब रात दिन जोशके साथ प्रार्थना करैछियै।
मण्डलीके लिए प्रार्थना
11हमेसब प्रार्थना करैछियै कि आपनसिके परमेश्वर पिता आर आपनसिके प्रभु येशू ख्रीष्ट तोरसिके भेट करैके लिए हमरसिके रस्ता खोली दै। 12आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ। 13हमेसब प्रार्थना करैछियै कि आपनसिके प्रभु येशू तोरसिके मनके एरंके स्थिर कराबौ, कि जब ऊ आपन पवित्र आदमीसिके संगे फेर वापस ऐतौ ते, तुहेंसब आपनसिके परमेश्वर पिताके समनामे निर्दोष आर पवित्र ठहरहैं।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.