Amós 7
7
Amósnën champun ñu ꞌatimoti namákësa okin isa ñuikë bana
1Ënë ñu ka Diosan ꞌë ismiaxa: Ñu ꞌapákëkama bimikë ꞌapu bixunkë ꞌaia, bërí ꞌapákëkama ax biminux kókëbëtan ka Diosan ꞌaisamaira champu ꞌë namákësokin ismiaxa. 2Usakin ꞌimikëxun ꞌaisamaira champun tëokimaira ñu pikëbëtan kana ꞌën kan:
—¡Nukën ꞌIbu Dios nukamina uisabi okima nuibati ꞌain! ¿Nux karanuna Jacobnën rëbúnki ꞌaish ꞌitsama uni ëmanu bërúkë ꞌain?
3Ësokin kakëxun kuati ka Dios nu nuibati numi sinani kiaxa:
—¡Asabi ka usa ꞌain kana ënë champukama mitsu ꞌaisama onun xutima ꞌain!
Amósnën namákësokin tsin ñu këñuti isa ñuikë bana
4Ënë ñu ka namákësokin Diosan ꞌë ismiaxa: Ismikëxun kana anun ꞌatima okin nu tëmëramiti tsi ënxaira an parúmpapa nëmin abi ë́skakin xaronan kamabi naëkama këñuti xutia isan. 5Iskin kana ꞌën kan:
—¡Usokin kamina nu ꞌatima ꞌain! ¿Uisaxun kara Jacobnën rëbúnkikaman ax ëma chukúmara ꞌixun usakin min ꞌakëxun tënëti ꞌik?
6Ësokin kakëx ka Nukën ꞌIbu nu nuibati ësai kiaxa:
—¡Asabi ka usa ꞌain kana usaira okin mitsu ꞌatima ꞌain!
Namákësokin anun xubu tupúnti manë tumua ꞌakë isa ñuikë bana
7Nukën ꞌIbu Diosan ka ësaribiokin ꞌë namákësa okin ismiaxa: Usa ꞌain ka anun ëma kënëarakë rapasu, an xubu ꞌati ꞌunánkë unían anun xubu tupunkë manë tumua a tuianx nikë ꞌiaxa. 8Anuxun ka ꞌë ñukáxa:
—¿Añu kaina isin Amós?
An xubu ꞌati ꞌunánkë unían tuinkë manë tumua achúshi kana isin, —kixun kana ꞌën kakën.
Kakëxun ka an ësokin ꞌë kakëxa:
—Manë tumua an xubu ꞌati ꞌunán unin tuinkë ꞌën tuinkë ënën kana, ꞌën uisai kara ꞌën uni Israelkama ꞌuchaxa kara ꞌuchakëma ꞌikë kixun tanti ꞌain. Usokin tantankëxun kana, kana nuibati ꞌai kixun sinántëkënkima ꞌatimoti ꞌain. 9Usokin ꞌanan kana anuxun Israelnën rëbúnkikaman ñu tankin ꞌaxun rabiakama masókin rurupanan, anuxua Israel unikama ñu tankin unioxun rabia xubukama axribi ka rurupakë ꞌiti ꞌikën: ¡Usakin ꞌanan kana axa ami nishkë unikama Jeroboamnën aintsikama manë xëtokën anun ꞌamiti ꞌain!
Amasías Amósbë nishanan ñuikë bana
10Amasías sacerdote Betelnu ꞌikë an ka Jeroboam Israel unikaman ꞌapu ësokin katánun uni xuakëxa: “Amós an ka Israel unikama mix ꞌapu ꞌain ꞌatimai mimi banakin atu ësëia. Usa ꞌain kananuna Israel unikama nun usaía bananun ëntima ꞌain. 11Ax ka ësai ki nitsia: Jeroboam ax ka manë xëtokën ꞌakëx bamati ꞌikën, ꞌimainun ka kamabi Israel unikamaxribi ñatanbiankin atun menu buánkë ꞌiti ꞌikën.”
12Usai kitankëxun ka Amasíasnën aminishkin Amós kakëxa:
—¡Ënuax kamina bërí kuanti ꞌain an bana ñuikë uni mix! An Dios kikë bana ñuikë uni ꞌixun tëxunmabi ñu bianan upiti tsókin písa tani kamina Judá menu kuanti ꞌain; 13ꞌaínbi kamina Betelnuxun bana ñuixuntëkëntima ꞌain, a ëmanu ka anuxua ꞌapun aín dios rabikë xubu ax ꞌikën, usa ꞌain ka anu ꞌapu aín dios rabi kuania.
14Aínbi ka Amósnën kakëxa:
—ꞌËx kana an Dios kikë bana ñuikë uni ꞌama ꞌain, ꞌianan kana a kana ꞌiti ꞌai kixunbi sinaniman: Usa ꞌaish kana bëtsi unin ꞌarakakë ñuina bëruanxuni nikin ꞌapákëma higo bimikama bitsi nikë uni ꞌëx ꞌain, 15ꞌaínbi ka Diosan ñuina bërúai nikë ꞌikëbi a ëmikin ësokin ꞌë kaxa: ꞌAnu kuanxun kamina Israel unikama ꞌëx kikë banakama ñuixuni kuanti ꞌain. 16Usa ꞌain kamina, ësai ka Dios kiaxa aín bana kuati ꞌain. Diosan bana ñuikin kamina Israel unikama katima ꞌain, ꞌianan kamina Isaacnën rëbúnkikamaribi ñui uisa bananbi banatima ꞌain. 17ꞌAínbi ka ësai Dios kiaxa: Kamina kuati ꞌain min xanu ka ëma xabánubi rakanxun unin aín nami ꞌati ꞌikën, min bakë bëchikë bëbu ꞌimainun xanukamaxribi manë xëtokën ꞌakëx bamati ꞌikën; ꞌimainun ka min mekamaribi bëtsibë bëtsibë ꞌinánankë ꞌiti ꞌikën; ꞌimainun kamina mixribi an Dios rabikëma unikaman menuax bamakë ꞌiti ꞌain, ꞌimainun ka Israel unikamaribi ñatanbiankin aín me ꞌura uankë ꞌiti ꞌikën.
Currently Selected:
Amós 7: cbrPB
Highlight
Share
Copy
Want to have your highlights saved across all your devices? Sign up or sign in
© 1978, 1995, 2008, 2022 Wycliffe Bible Translators, Inc. All rights reserved.
Amós 7
7
Amósnën champun ñu ꞌatimoti namákësa okin isa ñuikë bana
1Ënë ñu ka Diosan ꞌë ismiaxa: Ñu ꞌapákëkama bimikë ꞌapu bixunkë ꞌaia, bërí ꞌapákëkama ax biminux kókëbëtan ka Diosan ꞌaisamaira champu ꞌë namákësokin ismiaxa. 2Usakin ꞌimikëxun ꞌaisamaira champun tëokimaira ñu pikëbëtan kana ꞌën kan:
—¡Nukën ꞌIbu Dios nukamina uisabi okima nuibati ꞌain! ¿Nux karanuna Jacobnën rëbúnki ꞌaish ꞌitsama uni ëmanu bërúkë ꞌain?
3Ësokin kakëxun kuati ka Dios nu nuibati numi sinani kiaxa:
—¡Asabi ka usa ꞌain kana ënë champukama mitsu ꞌaisama onun xutima ꞌain!
Amósnën namákësokin tsin ñu këñuti isa ñuikë bana
4Ënë ñu ka namákësokin Diosan ꞌë ismiaxa: Ismikëxun kana anun ꞌatima okin nu tëmëramiti tsi ënxaira an parúmpapa nëmin abi ë́skakin xaronan kamabi naëkama këñuti xutia isan. 5Iskin kana ꞌën kan:
—¡Usokin kamina nu ꞌatima ꞌain! ¿Uisaxun kara Jacobnën rëbúnkikaman ax ëma chukúmara ꞌixun usakin min ꞌakëxun tënëti ꞌik?
6Ësokin kakëx ka Nukën ꞌIbu nu nuibati ësai kiaxa:
—¡Asabi ka usa ꞌain kana usaira okin mitsu ꞌatima ꞌain!
Namákësokin anun xubu tupúnti manë tumua ꞌakë isa ñuikë bana
7Nukën ꞌIbu Diosan ka ësaribiokin ꞌë namákësa okin ismiaxa: Usa ꞌain ka anun ëma kënëarakë rapasu, an xubu ꞌati ꞌunánkë unían anun xubu tupunkë manë tumua a tuianx nikë ꞌiaxa. 8Anuxun ka ꞌë ñukáxa:
—¿Añu kaina isin Amós?
An xubu ꞌati ꞌunánkë unían tuinkë manë tumua achúshi kana isin, —kixun kana ꞌën kakën.
Kakëxun ka an ësokin ꞌë kakëxa:
—Manë tumua an xubu ꞌati ꞌunán unin tuinkë ꞌën tuinkë ënën kana, ꞌën uisai kara ꞌën uni Israelkama ꞌuchaxa kara ꞌuchakëma ꞌikë kixun tanti ꞌain. Usokin tantankëxun kana, kana nuibati ꞌai kixun sinántëkënkima ꞌatimoti ꞌain. 9Usokin ꞌanan kana anuxun Israelnën rëbúnkikaman ñu tankin ꞌaxun rabiakama masókin rurupanan, anuxua Israel unikama ñu tankin unioxun rabia xubukama axribi ka rurupakë ꞌiti ꞌikën: ¡Usakin ꞌanan kana axa ami nishkë unikama Jeroboamnën aintsikama manë xëtokën anun ꞌamiti ꞌain!
Amasías Amósbë nishanan ñuikë bana
10Amasías sacerdote Betelnu ꞌikë an ka Jeroboam Israel unikaman ꞌapu ësokin katánun uni xuakëxa: “Amós an ka Israel unikama mix ꞌapu ꞌain ꞌatimai mimi banakin atu ësëia. Usa ꞌain kananuna Israel unikama nun usaía bananun ëntima ꞌain. 11Ax ka ësai ki nitsia: Jeroboam ax ka manë xëtokën ꞌakëx bamati ꞌikën, ꞌimainun ka kamabi Israel unikamaxribi ñatanbiankin atun menu buánkë ꞌiti ꞌikën.”
12Usai kitankëxun ka Amasíasnën aminishkin Amós kakëxa:
—¡Ënuax kamina bërí kuanti ꞌain an bana ñuikë uni mix! An Dios kikë bana ñuikë uni ꞌixun tëxunmabi ñu bianan upiti tsókin písa tani kamina Judá menu kuanti ꞌain; 13ꞌaínbi kamina Betelnuxun bana ñuixuntëkëntima ꞌain, a ëmanu ka anuxua ꞌapun aín dios rabikë xubu ax ꞌikën, usa ꞌain ka anu ꞌapu aín dios rabi kuania.
14Aínbi ka Amósnën kakëxa:
—ꞌËx kana an Dios kikë bana ñuikë uni ꞌama ꞌain, ꞌianan kana a kana ꞌiti ꞌai kixunbi sinaniman: Usa ꞌaish kana bëtsi unin ꞌarakakë ñuina bëruanxuni nikin ꞌapákëma higo bimikama bitsi nikë uni ꞌëx ꞌain, 15ꞌaínbi ka Diosan ñuina bërúai nikë ꞌikëbi a ëmikin ësokin ꞌë kaxa: ꞌAnu kuanxun kamina Israel unikama ꞌëx kikë banakama ñuixuni kuanti ꞌain. 16Usa ꞌain kamina, ësai ka Dios kiaxa aín bana kuati ꞌain. Diosan bana ñuikin kamina Israel unikama katima ꞌain, ꞌianan kamina Isaacnën rëbúnkikamaribi ñui uisa bananbi banatima ꞌain. 17ꞌAínbi ka ësai Dios kiaxa: Kamina kuati ꞌain min xanu ka ëma xabánubi rakanxun unin aín nami ꞌati ꞌikën, min bakë bëchikë bëbu ꞌimainun xanukamaxribi manë xëtokën ꞌakëx bamati ꞌikën; ꞌimainun ka min mekamaribi bëtsibë bëtsibë ꞌinánankë ꞌiti ꞌikën; ꞌimainun kamina mixribi an Dios rabikëma unikaman menuax bamakë ꞌiti ꞌain, ꞌimainun ka Israel unikamaribi ñatanbiankin aín me ꞌura uankë ꞌiti ꞌikën.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1978, 1995, 2008, 2022 Wycliffe Bible Translators, Inc. All rights reserved.