Ɓalɔma 'Ʉtʉ wʉ moni
'Ʉtʉ wʉ moni
Ʉbalʉa nguakɛ Pɔlɔ a꞉tindakɨa ɓombi ɓʉ baya ɓʉ Yeso ngiɓa ɓi꞉nye amati ʉ gʉlʉ ʉ Lɔma. Ati ngia a꞉ʉtɨndakɨa‑ɔɔ Pɔlɔ i꞉nye akʉ gʉlʉ ʉ Kolito. Tʉkʉ Ɓaklisito ngiɓa ɓa꞉baya Yeso anʉ Lɔma ɓa꞉chwa kanisa ngiinanɨ, chʉkɔmʉ ɓatitima. Pɔlɔ i꞉nye ambʉɓʉyenikɔmʉ sina anʉ Lɔma, ɨkyɛmɨngana i꞉nye kʉkʉnda kʉsa kujunikio nʉ ɓombi ɓʉ baya ngiɓa ɓi꞉nye nanɨ. A꞉ɓʉngakɨa‑zʉ pɛɛ moni ekoo ʉ mapanʉ, nʉ ekoo baya ngia yɨ ɓaklisito. A꞉sigo ɓɔ ɓombi kʉ ɓuɓomu ɓa꞉kwanana nʉ ingyo jʉ ɓa꞉kyɨa ɓʉɓɨɓɨ apɛɛ ʉ Asʉɓɨɨ. Ɨkyɛmɨngana, aka ekoo ʉ ɨjɨɔ ngiangɔ, Asʉɓɨɨ a꞉nicho ɓombi ngiɓa ɓaabaya Yeso Klisito kuɓio ɓombi ɓɔɔ ngbingbii. Ɨkyɛmɛ ngia yaahiiso mombi ya tʉkʉ baya, chʉkɔmʉ tʉkʉ kʉkyananakɨa mapanʉ ɨsʉkʉɓwanɨ.
A꞉ɓusigio ɓata kʉ ɓɔ Ɨsaʉ yɛɛ Iɗo yanʉ angu ngia wʉ Asʉɓɨɨ ɔɔ hiise ɓombi kʉ ɓuɓomu, pɛɛ‑zʉ Ɓayuda, mbise tiga ɓombi ngiɓa ɓambʉkɔmʉ Ɓayuda. Iɗo ngia yɨ Asʉɓɨɨ ya꞉pananɨa ekoo ʉ ɓombi ngiɓa ɓambʉkɔmʉ Ɓayuda, ambʉ ɓʉnyɨa tiga nʉ ʉɓɨɨ ngua wʉ ɨtakɨ‑takɨ. Kʉ ɓwanɨ, Ɓayuda nʉ ɓombi ngiɓa ɓambʉkɔmʉ Ɓayuda ɓa꞉jubunio tiga ɨzɔ amati ʉ Yeso Klisito. Iiya Asʉɓɨɨ a꞉napɨa tiga 'Ʉtʉma wɔɔ Tu amati ʉ ʉɓɨɨ ngua wʉ ɓombi ɓʉ baya, ambʉ ɓuɓio kʉkɨndaka kʉkpatanakɨa nʉ ʉɓɨɨ ngua wʉ Yeso.
Amati ʉ wagba ngua wʉ 12-16, Pɔlɔ a꞉sigo ɓɔ ɓombi ɓʉ baya ɓʉkwanana kʉkɨndaka akʉ ɓungbingbii kʉkpatanakɨa nʉ moni ngika Asʉɓɨɨ a꞉kyɨa ekoo ʉndaɓʉ. Apipio tiga ʉbalʉa nguakɛ kʉ naɓɔ kuɓukuo nʉ kʉta Asʉɓɨɨ ɓɔ uɓutio majɨɔ ngikangɔ.
Ɓamoni ngiɓa ɓɔɔ ɓʉkpɔkpɔ
'Ʉtʉ wʉ moni 1:1-17
Kʉnyɨa nʉ ɓʉhɨa 1:18—3:20
Asʉɓɨɨ a ɨngbaa yɨ ɓʉhɨa 3:21—4:25
Ʉɓɨɨ wʉ ɨtakɨ‑takɨ amati ʉ Klisito 5:1—8:39
Itungwio yɨ Asʉɓɨɨ ekoo ʉ Ɓaɨsalaɛlɛ 9:1—11:3
Ʉɓɨɨ ngua wʉ ɓaklisito 12:1—15:13
Moni kʉ 'upipio nʉ ɓukuo 15:14—16:27
Currently Selected:
Ɓalɔma 'Ʉtʉ wʉ moni: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.