Ɓalɔma 10
10
Ɓayuda nʉ ɓombi ngiɓa ɓambʉkɔmʉ Ɓayuda
1Inu ɓayoo ɓʉsɛmɛ, ɨkyɛmɛ ngia 'ʉtʉma nguʉsɛmɛ wa ekoo ɔngɔ nadɨndɨ, nʉ iya makʉta Asʉɓɨɨ ekoo ɔngɔ ya ɓɔ ambʉ́ Ɓayuda ɓʉnyɨa gɔ nʉ ɓʉhɨa. 2Manaɓɔ kʉchwa uduɓa uɗo kusigo ɓɔ ɓanʉ kɛkɛɛ akʉ moni kʉ Asʉɓɨɨ nadɨndɨ, ɨkyɛmɨngana ɓambʉkɔmʉ kʉmbɨa kʉkyananakɨa engo ndʉ akʉ mbɨmbanaka ngia yɨ ingono yaata‑ɔɔ. 3Jʉ ɓambʉkɔmʉ kʉmbɨa aka Asʉɓɨɨ aanɨtanakiso‑ɔɔ mombi kʉka ngbingbii apɛɛ angɔ. Ɨkyɛmɨngana, ɓaahata tiga kʉ ɛɓɔ ɓakʉɓɔngɔ ɨngbaa ngia yaɓukiso kuɓio ngbingbii apɛɛ angɔ. Kʉ ɓwanɨ, ɓambʉkɔmʉ tii kʉkpata ɨngbaa ngia Asʉɓɨɨ aanicho‑ɔɔ mombi kʉka ngbingbii apɛɛ angɔ. 4Ati ngia Klisito a꞉ka‑ɔɔ, ʉpanʉ wambʉɓʉya akʉ inyi yɛngɔ aka ekoo ngia ɓɔ mombi kʉ uɓomu ngia a꞊baya uɓio ngbingbii apɛɛ ʉ Asʉɓɨɨ.
Ɓʉhɨa ɓa aka ekoo ɓombi kʉ ɓuɓomu
5Moni ngika Mʉsa a꞉tɨndakɨa aka ekoo ʉ nɨka ngbingbii apɛɛ ʉ Asʉɓɨɨ kʉkpata ʉpanʉ ka ɓɔ: « Mombi a꞊nyɨa nʉ ʉɓɨɨ tʉka ɨngbaa kʉkyananakɨa lɨngbaa lʉ moni ngila lʉ ʉpanʉ. » 6Ɨkyɛmɨngana, ɓungbingbii apɛɛ ʉ Asʉɓɨɨ ngiɓa ɓaaʉngwanakɨa nʉ baya ɓaasigo ɓɔ: « Wɔɔɓukonokɔmʉ akʉ 'ʉtʉma ɓɔ: ‹ Anɨ abi ekoo ʉ ɓisi? › » (Ya kusigo ɓɔ Klisito ijo ya ɛsɨ.) 7Wɔɔɓukonokɔmʉ kʉ ɓwanɨ ɓɔ: « Anɨ iya a꞊ijo akʉ ʉpɨa wʉ ingyo? » (Ya kusigo ɓɔ kuɓuiso Klisito ati ʉ mɨnda.) 8Ɨkyɛmɨngana, ya tiga kusigo tanɨ? Ya kusigo ɓɔ: « Ɨsaʉ yɨ Asʉɓɨɨ ya tʉkʉ tinene nɔwɛ, nʉ ya akʉ moni ngikʉsɔɔ, nʉ ya kʉ amati ʉ 'ʉtʉma nguʉsɔɔ. » Moni ngikʉnanɨ ka moni kʉ baya ngika ka kʉɓɨakɨa engo. 9Ndʉ waɓɨakɨa nʉ moni kʉsɔɔ makʉɔngɔ apɛɛ ʉ ɓombi ɓɔ Yeso a Makʉʉɓɨɨ, nʉ ndʉ wabaya akʉ 'ʉtʉma nguʉsɔɔ kingono ɓɔ Asʉɓɨɨ a꞉mʉjʉkaniso ati ʉ mɨnda, wa꞊nyɨa nʉ ɓʉhɨa nyɨaa. 10Jʉ ɨngbaa yɛɛ ɓie ngbingbii apɛɛ Asʉɓɨɨ ya tʉkʉ kʉbaya amati ʉ 'ʉtʉma. Nʉ ɨngbaa yɛɛ nyɨɛ nʉ ɓʉhɨa ya tʉkʉ kusigo nʉ moni kʉsɔɔ ɓɔ « Mʉbaya bayaa. » 11Jʉ Mubio kʉ Asʉɓɨɨ ka꞉sigo ɓɔ: « Mombi kʉ 'uɓomu ngia amʉbaya ambʉkʉkwa soni. » 12Kʉ ɓwanɨ, Ɓayuda, nʉ ɓombi ngiɓa ɓambʉkɔmʉ Ɓayuda ɓa tʉkʉ kʉ ngbanga, jʉ Makʉʉndaɓʉ a tʉkʉ mʉngana. Nʉ ɓombi kʉ ɓuɓomu ngiɓa ɓaamʉta ɓamoni ɓɔɔ manzanza ngiɓangɔ, aaɓunzo ɛɓɔ tʉkʉ nzoo. 13Ya kʉ iya Mubio kʉ Asʉɓɨɨ kaasigo‑ɔɔ ɓɔ: « Mombi kʉ 'uɓomu ngia aasoko ino yɨ Makʉʉɓɨɨ, a꞊nyɨa nʉ ɓʉhɨa. »
14Ɨkyɛmɨngana, ɓombi ɓa꞊musoko ɨkyɨkyɨɓʉmʉ tanɨ ɓambʉmʉbayenikɔmʉ? Nʉ ɓa꞊mʉbaya ɨkyɨkyɨɓʉmʉ tanɨ ɓambʉkenɨkɔmʉ ɨsaʉ yangɔ? Nʉ ɓa꞊kɔ ɨsaʉ yangɔ ɨkyɨkyɨɓʉmʉ tanɨ ndʉ yambukuɓio nʉ mombi ngia akʉɓɨakɨa engo? 15Nʉ ɓa꞊ɓɨakɨa ɨsaʉ yangɔ ɨkyɨkyɨɓʉmʉ tanɨ ɓʉtʉmenikɔmʉ ɓombi kʉsa kʉɓɨakɨa Ɨsaʉ ngiinanɨ? Jʉ Mubio kʉ Asʉɓɨɨ kakusigo ɓɔ: « Ya iɗo kʉna mombi ngia aaɓɨakɨa Ɨsaʉ yɛɛ Iɗo kʉka. » 16Ɨkyɛmɨngana, ɓombi kʉ ɓuɓomu ɓa꞉bayakɔmʉ Ɨsaʉ yɛɛ Iɗo ngiinanɨ. Ʉna tɔ, Ɨsaya a꞉sigo ɓɔ: « Makʉʉɓɨɨ, anɨ iya a꞉baya Ɨsaʉ yɛɛ Iɗo ngia isu ka꞉ɓɨakɨa? » 17Kʉ ɓwanɨ, baya yaaʉngwanakɨa tʉkʉ nʉ nɨkɔ ɨsaʉ, nʉ ɨsaʉ ngiinanɨ yaanyɨa 'upi akʉ ɨsaʉ yɨ Klisito.
18Maaɓukuo ɓɔ ajʉ Ɓayuda ɓa꞉kɔkɔmʉ jɛnɛ ɨsaʉ ngiinanɨ ɓiɛ? Chʉkɔɔ, ɓa꞉ɨkɔ kʉ kɔnɨ. Mubio kʉ Asʉɓɨɨ kakusigo ɓɔ:
« Iyo yɨ ɓombi ngiɓa ɓaaɓɨakɨa ɨsaʉ ya꞉kɔnɨɔ
ɨtaka tʉkʉ iɓomu.
Ɨsaʉ yɨndaɓʉ ya꞉ɓʉyakɨa akʉ ɓatungbu ɓʉ
ɨtaka kʉ ɓuɓomu. »#Popoko Mʉm 19:5
19Ma ɓata kuɓukuo ɓɔ ajʉ Ɓaɨsalaɛlɛ ɓa꞉pimisokɔmʉ jɛnɛ moni ngika ɓa꞉kɔ ɓiɛ? Ʉna tɔ, Asʉɓɨɨ a꞉sigo amati ʉ mubio kʉ Mʉsa ɓɔ:
« Ma꞊napɨa imi amati eʉndɛnʉ ekoo ʉ
ɓombi ngiɓa ɓambʉkɔmʉ ɨkáa yɨ anza gbagba.
Ma꞊nihuiso nʉ 'ʉnganga ekoo ʉ
ɨkáa yɨ anza ngia yambʉkɔmʉ nʉ mbɨmbanaka. »
20Ɨsaya ambʉmatɨa ɓata kusigo ɓɔ:
« Ma꞉ɓwanɨa ati ʉ ɓombi ngiɓa ɓambakanahata.
Ma꞉chwinikio ɓombi ngiɓa
ɓambikinye naɓukuo ɨngbaa yɨ moni. »
21Ɨkyɛmɨngana, a꞉matɨa moni ekoo ʉ Ɨsalaɛlɛ ɓɔ:
« Makwaa kʉ muɓomu maayumo lɨkɔndɔ ngilʉsɛmɛ
kusoko ɨkáa yɨ anza ngia yambakakɔ moni, iya ya 'ʉtʉ ɓʉmʉ. »
Currently Selected:
Ɓalɔma 10: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Ɓalɔma 10
10
Ɓayuda nʉ ɓombi ngiɓa ɓambʉkɔmʉ Ɓayuda
1Inu ɓayoo ɓʉsɛmɛ, ɨkyɛmɛ ngia 'ʉtʉma nguʉsɛmɛ wa ekoo ɔngɔ nadɨndɨ, nʉ iya makʉta Asʉɓɨɨ ekoo ɔngɔ ya ɓɔ ambʉ́ Ɓayuda ɓʉnyɨa gɔ nʉ ɓʉhɨa. 2Manaɓɔ kʉchwa uduɓa uɗo kusigo ɓɔ ɓanʉ kɛkɛɛ akʉ moni kʉ Asʉɓɨɨ nadɨndɨ, ɨkyɛmɨngana ɓambʉkɔmʉ kʉmbɨa kʉkyananakɨa engo ndʉ akʉ mbɨmbanaka ngia yɨ ingono yaata‑ɔɔ. 3Jʉ ɓambʉkɔmʉ kʉmbɨa aka Asʉɓɨɨ aanɨtanakiso‑ɔɔ mombi kʉka ngbingbii apɛɛ angɔ. Ɨkyɛmɨngana, ɓaahata tiga kʉ ɛɓɔ ɓakʉɓɔngɔ ɨngbaa ngia yaɓukiso kuɓio ngbingbii apɛɛ angɔ. Kʉ ɓwanɨ, ɓambʉkɔmʉ tii kʉkpata ɨngbaa ngia Asʉɓɨɨ aanicho‑ɔɔ mombi kʉka ngbingbii apɛɛ angɔ. 4Ati ngia Klisito a꞉ka‑ɔɔ, ʉpanʉ wambʉɓʉya akʉ inyi yɛngɔ aka ekoo ngia ɓɔ mombi kʉ uɓomu ngia a꞊baya uɓio ngbingbii apɛɛ ʉ Asʉɓɨɨ.
Ɓʉhɨa ɓa aka ekoo ɓombi kʉ ɓuɓomu
5Moni ngika Mʉsa a꞉tɨndakɨa aka ekoo ʉ nɨka ngbingbii apɛɛ ʉ Asʉɓɨɨ kʉkpata ʉpanʉ ka ɓɔ: « Mombi a꞊nyɨa nʉ ʉɓɨɨ tʉka ɨngbaa kʉkyananakɨa lɨngbaa lʉ moni ngila lʉ ʉpanʉ. » 6Ɨkyɛmɨngana, ɓungbingbii apɛɛ ʉ Asʉɓɨɨ ngiɓa ɓaaʉngwanakɨa nʉ baya ɓaasigo ɓɔ: « Wɔɔɓukonokɔmʉ akʉ 'ʉtʉma ɓɔ: ‹ Anɨ abi ekoo ʉ ɓisi? › » (Ya kusigo ɓɔ Klisito ijo ya ɛsɨ.) 7Wɔɔɓukonokɔmʉ kʉ ɓwanɨ ɓɔ: « Anɨ iya a꞊ijo akʉ ʉpɨa wʉ ingyo? » (Ya kusigo ɓɔ kuɓuiso Klisito ati ʉ mɨnda.) 8Ɨkyɛmɨngana, ya tiga kusigo tanɨ? Ya kusigo ɓɔ: « Ɨsaʉ yɨ Asʉɓɨɨ ya tʉkʉ tinene nɔwɛ, nʉ ya akʉ moni ngikʉsɔɔ, nʉ ya kʉ amati ʉ 'ʉtʉma nguʉsɔɔ. » Moni ngikʉnanɨ ka moni kʉ baya ngika ka kʉɓɨakɨa engo. 9Ndʉ waɓɨakɨa nʉ moni kʉsɔɔ makʉɔngɔ apɛɛ ʉ ɓombi ɓɔ Yeso a Makʉʉɓɨɨ, nʉ ndʉ wabaya akʉ 'ʉtʉma nguʉsɔɔ kingono ɓɔ Asʉɓɨɨ a꞉mʉjʉkaniso ati ʉ mɨnda, wa꞊nyɨa nʉ ɓʉhɨa nyɨaa. 10Jʉ ɨngbaa yɛɛ ɓie ngbingbii apɛɛ Asʉɓɨɨ ya tʉkʉ kʉbaya amati ʉ 'ʉtʉma. Nʉ ɨngbaa yɛɛ nyɨɛ nʉ ɓʉhɨa ya tʉkʉ kusigo nʉ moni kʉsɔɔ ɓɔ « Mʉbaya bayaa. » 11Jʉ Mubio kʉ Asʉɓɨɨ ka꞉sigo ɓɔ: « Mombi kʉ 'uɓomu ngia amʉbaya ambʉkʉkwa soni. » 12Kʉ ɓwanɨ, Ɓayuda, nʉ ɓombi ngiɓa ɓambʉkɔmʉ Ɓayuda ɓa tʉkʉ kʉ ngbanga, jʉ Makʉʉndaɓʉ a tʉkʉ mʉngana. Nʉ ɓombi kʉ ɓuɓomu ngiɓa ɓaamʉta ɓamoni ɓɔɔ manzanza ngiɓangɔ, aaɓunzo ɛɓɔ tʉkʉ nzoo. 13Ya kʉ iya Mubio kʉ Asʉɓɨɨ kaasigo‑ɔɔ ɓɔ: « Mombi kʉ 'uɓomu ngia aasoko ino yɨ Makʉʉɓɨɨ, a꞊nyɨa nʉ ɓʉhɨa. »
14Ɨkyɛmɨngana, ɓombi ɓa꞊musoko ɨkyɨkyɨɓʉmʉ tanɨ ɓambʉmʉbayenikɔmʉ? Nʉ ɓa꞊mʉbaya ɨkyɨkyɨɓʉmʉ tanɨ ɓambʉkenɨkɔmʉ ɨsaʉ yangɔ? Nʉ ɓa꞊kɔ ɨsaʉ yangɔ ɨkyɨkyɨɓʉmʉ tanɨ ndʉ yambukuɓio nʉ mombi ngia akʉɓɨakɨa engo? 15Nʉ ɓa꞊ɓɨakɨa ɨsaʉ yangɔ ɨkyɨkyɨɓʉmʉ tanɨ ɓʉtʉmenikɔmʉ ɓombi kʉsa kʉɓɨakɨa Ɨsaʉ ngiinanɨ? Jʉ Mubio kʉ Asʉɓɨɨ kakusigo ɓɔ: « Ya iɗo kʉna mombi ngia aaɓɨakɨa Ɨsaʉ yɛɛ Iɗo kʉka. » 16Ɨkyɛmɨngana, ɓombi kʉ ɓuɓomu ɓa꞉bayakɔmʉ Ɨsaʉ yɛɛ Iɗo ngiinanɨ. Ʉna tɔ, Ɨsaya a꞉sigo ɓɔ: « Makʉʉɓɨɨ, anɨ iya a꞉baya Ɨsaʉ yɛɛ Iɗo ngia isu ka꞉ɓɨakɨa? » 17Kʉ ɓwanɨ, baya yaaʉngwanakɨa tʉkʉ nʉ nɨkɔ ɨsaʉ, nʉ ɨsaʉ ngiinanɨ yaanyɨa 'upi akʉ ɨsaʉ yɨ Klisito.
18Maaɓukuo ɓɔ ajʉ Ɓayuda ɓa꞉kɔkɔmʉ jɛnɛ ɨsaʉ ngiinanɨ ɓiɛ? Chʉkɔɔ, ɓa꞉ɨkɔ kʉ kɔnɨ. Mubio kʉ Asʉɓɨɨ kakusigo ɓɔ:
« Iyo yɨ ɓombi ngiɓa ɓaaɓɨakɨa ɨsaʉ ya꞉kɔnɨɔ
ɨtaka tʉkʉ iɓomu.
Ɨsaʉ yɨndaɓʉ ya꞉ɓʉyakɨa akʉ ɓatungbu ɓʉ
ɨtaka kʉ ɓuɓomu. »#Popoko Mʉm 19:5
19Ma ɓata kuɓukuo ɓɔ ajʉ Ɓaɨsalaɛlɛ ɓa꞉pimisokɔmʉ jɛnɛ moni ngika ɓa꞉kɔ ɓiɛ? Ʉna tɔ, Asʉɓɨɨ a꞉sigo amati ʉ mubio kʉ Mʉsa ɓɔ:
« Ma꞊napɨa imi amati eʉndɛnʉ ekoo ʉ
ɓombi ngiɓa ɓambʉkɔmʉ ɨkáa yɨ anza gbagba.
Ma꞊nihuiso nʉ 'ʉnganga ekoo ʉ
ɨkáa yɨ anza ngia yambʉkɔmʉ nʉ mbɨmbanaka. »
20Ɨsaya ambʉmatɨa ɓata kusigo ɓɔ:
« Ma꞉ɓwanɨa ati ʉ ɓombi ngiɓa ɓambakanahata.
Ma꞉chwinikio ɓombi ngiɓa
ɓambikinye naɓukuo ɨngbaa yɨ moni. »
21Ɨkyɛmɨngana, a꞉matɨa moni ekoo ʉ Ɨsalaɛlɛ ɓɔ:
« Makwaa kʉ muɓomu maayumo lɨkɔndɔ ngilʉsɛmɛ
kusoko ɨkáa yɨ anza ngia yambakakɔ moni, iya ya 'ʉtʉ ɓʉmʉ. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.