1 Ɓakolito 1
1
Ɓukuo
1Ɛmɛ Pɔlɔ ngia Asʉɓɨɨ a꞉nasoko akʉ ɓʉkʉnda ngiɓangɔ kuɓio titima wʉ Yeso Klisito, ɨzɔ nʉ ayoo ʉndɛsʉ Sositeni kʉnɨtʉmɨa ʉbalʉa nguakɛ. 2Kʉ꞉nɨtɨndakɨa inu kanisa wʉ Asʉɓɨɨ ngia a anʉ Kolito ʉbalʉa nguakɛ, inu ngiɓa Asʉɓɨɨ a꞉nɨnapɨa kʉ di 'upi akʉ jubunio ngiindɛnʉ nʉ ɔɔ Yeso Klisito, ambunisoko kuɓio ɓombi ɓangɔ. Nʉ ʉbalʉa nguakɛ wa aka ekoo ɓombi kʉ ɓuɓomu ngiɓa ɓaabibiso ino yɨ Makʉʉndɛsʉ Yeso Klisito mʉa kʉ uɓomu. Ɛyɔ a Makʉʉndaɓʉ nʉ kʉ Makʉʉndɛsʉ. 3Asʉɓɨɨ Tidoo ngiʉndɛnʉ nʉ Makʉʉɓɨɨ Yeso Klisito ɓunitio ɨjɨɔ nʉ majɨɔ.
Ʉmbʉa ngua ka꞉nyɨa nawɔ amati ʉ Klisito
4Maatuisio Asʉɓɨɨ ngiasɛmɛ ɨbɨba makwaa kʉ muɓomu ekoo ʉndɛnʉ, aka ekoo ʉ ɨjɨɔ yɨ Asʉɓɨɨ ngia na꞉nyɨa nayɔ 'upi akʉ Yeso Klisito. 5Ya amati angɔ iya Asʉɓɨɨ a꞉ninzo‑ɔɔ ɨjangɨa mɨgbʉ yɛngɔ kʉ iɓomu, nadɨndɨ iya yɛɛ mbɨɛ kʉyaka moni, nʉ iya yɨ mbɨmbanaka. 6Ɨsaʉ yɨ Klisito ngia ka꞉nɨpanɨa, na꞉ɨbaya nʉ angu kingono. 7Kʉ ɓwanɨ, yambʉkɔmʉ nʉ apɛpɛ wʉ 'Ʉtʉma wɔɔ Tu ngia nambʉkɔmʉ nayɔ, ati ngia na‑ɔɔ kusiɓo tʉa ngia yɨ Makʉʉndɛsʉ Yeso Klisito. 8Ɛyɔ a꞊ninzo igue‑gue akʉ 'ʉtʉma kʉɓʉya akʉ 'upipio, ambʉ yeeɓio nɨngbaa yɨ moni ngia ɓa꞊kwanana‑ɔɔ ninu kʉnapɨa nʉ 'ʉkɔmbɔ isiya Makʉʉndɛsʉ Yeso Klisito a꞊tʉa sina‑ɔɔ. 9Asʉɓɨɨ aakwananakiso agɔmɔ ngiangɔ kwananakisoo, nʉ kʉ ɛyɔ a꞉nisoko kuɓio nʉ ɓayo nʉ Mwana angɔ Yeso Klisito Makʉʉndɛsʉ.
Kyɨkyanaka mangɔnɔ amati ʉ kanisa ngia wʉ Kolito
10Inu ɓayoo, maninu kukikilikio akʉ ino yɨ Makʉʉɓɨɨ Yeso Klisito ɓɔ ɓieni nʉ kɔnɔ ati ʉndɛnʉ, chʉkɔmʉ nʉ dyokono ati ʉndɛnʉ. Ɓieni tʉkʉ ʉɗaɗa mungono, 'ʉtʉma kʉ mungono nʉ itungwio kʉ mɨngana. 11Jʉ inu ɓayoo, ɓombi ngana ngana akʉ anza ngia wʉ Koloe ɓa꞉naɓɨa pongo ɓɔ naakyɨa kina kʉnangana ati ʉndɛnʉ. 12Makʉkʉnda ninu kusigio ɓɔ, mombi kʉ nangana nangana ati ʉndɛnʉ akusigo moni nga kangɔ kʉ di ɓɔ: « Ɛmɛ ma mombi wʉ Pɔlɔ. », « Ɛmɛ ma mombi wʉ Apɔlɔ. » « Ɛmɛ ma mombi wʉ Pɛtɛlɔ. » Gʉ yɛmɔ ɓɔ « Ɛmɛ ma mombi wʉ Klisito. » 13Ajʉ inu nakuyo ɓɔ Klisito a tiga u꞉dyokone magba ɓiɛ? Ajʉ Pɔlɔ kʉ a꞉niwio ekoo ʉ mʉsalaba ɓiɛ? Gʉ ɓɔ ɓa꞉niɓatiso akʉ ino yɨ Pɔlɔ ɓiɛ?
14Makutuisio Asʉɓɨɨ ɨbɨba jʉ ɛmɛ ma꞉ɓatiso kɔmɔ mombi ɔmɔ ati ʉndɛnʉ gʉkʉ mʉngana, kiisukuo tʉkʉ ɔɔ Klisipo nʉ Gayo. 15Kʉ ɓwanɨ, yambʉkɔmʉ nʉ mombi ngia akwanana kusigo ɓɔ ɓa꞉niɓatiso akʉ ino yɨsɛmɛ. 16Mʉpaa moni mʉngana. Mombi nga wɔmɔ ma꞉muɓatiso i꞉nye kʉ Sɨtɨfana nʉ anza ngiangɔ kʉtaa. Mambʉkɔmʉ kʉmbɨa anɨ wɔmɔ iya ma꞉muɓatiso. 17Jʉ Klisito a꞉natʉmakɔmʉ kuɓatiso ɓombi, ɨkyɛmɨngana a꞉natʉma kʉɓɨakɨa Ɨsaʉ yɛɛ Iɗo, chʉkɔmʉ nʉ 'ʉtʉma wɔɔ pimise moni nguʉsɛmɛ wʉ iɓombi, ambʉ ingyo ngia yɨ Klisito ekoo ʉ mʉsalaba yeeɓiokɔmʉ ɨsʉkʉɓwanɨ.
Yeso Klisito akʉpananiso angu nʉ 'ʉtʉma wɔɔ pimise moni ngua wʉ Asʉɓɨɨ
18Kʉ ɓwanɨ, ɨsaʉ yɨ ingyo ngia yɨ Klisito ekoo ʉ mʉsalaba yambʉkɔmʉ nʉ dada akʉ ɓombi ngiɓa ɓakʉyangaa, ɨkyɛmɨngana akʉ isu ɓombi ngiɓa Asʉɓɨɨ anisu kuhiiso, kaambɨa kusigo ɓɔ ɨsaʉ ngiinanɨ ya angu wʉ Asʉɓɨɨ. 19Ɓa꞉tɨndakɨa amati ʉ Mubio kʉ Asʉɓɨɨ ɓɔ:
« Ma꞊tambiso sina 'ʉtʉma wɔɔ pimise moni ngua wʉ ɓombi ngiɓa ɓaapimiso moni,
ma꞊bunzo itungwio yɨ ɓombi ngiɓa ɓanʉ mbɨmbanaka. »
20Kʉ ɓwanɨ, ɓombi ɓʉ mbɨmbanaka ɓa꞊sigo ɓata tanɨ? Ɓapananakɨa ɓʉ Mapanʉ ɓa꞊sigo ɓata tanɨ? Ɓombi ngiɓa ɓaayo moni nʉ yaka nʉ 'ʉtʉma wɔɔ pimise moni ngua wʉ wati ngua wʉ ɓʉɓʉnɨ ɓa꞊sigo ɓata moni tɨmanɨ? Asʉɓɨɨ akʉpana kingono kusigo ɓɔ mbɨmbanaka yɨ ɓombi ɓʉ ɨtaka ya tʉkʉ ɓʉdada ɨsʉkʉɓwanɨ. 21Jʉ Asʉɓɨɨ 'upi akʉ 'ʉtʉma wɔɔ pimise moni nguangɔ, a꞉na ɓɔ ɓombi ɓʉ ɨtaka ɓambʉkɔmʉ ikanzi ngia ɓamʉmbɨa 'upi akʉ 'ʉtʉma wɔɔ pimise moni ngua wʉ iɓombi. Ya aka ekoo 'ʉtʉma wɔɔ pimise moni ngua wʉ Asʉɓɨɨ iya a꞉hiiso‑ɔɔ ɓombi ngiɓa ɓa꞉mʉbaya, 'upi akʉ Ɨsaʉ yɛɛ Iɗo ngia ya ndʉgʉ ɨsaʉ yɨ ɓʉdada.
22Ɓayuda ɓaakʉnda ɓɔ ɓʉna ɓakɔkɔ ɓɔɔ ɓʉmbangɛ, ɨkyɛmɨngana ɓombi ngiɓa ɓambʉkɔmʉ Ɓayuda ɓaahata yɨndaɓʉ tʉkʉ 'ʉtʉma wɔɔ pimise moni. 23Ʉna tɔ, isu pɛpɛ kakʉɓɨakɨa tʉkʉ ɨsaʉ yɨ Klisito ngia ɓa꞉mʉɓakaka ekoo mʉsalaba. Akʉ Ɓayuda, ɨsaʉ ngiinanɨ ya ɨsaʉ yɛɛ gbʉsanise baya ngiindaɓʉ. Akʉ ɓombi ngiɓa ɓambʉkɔmʉ Ɓayuda ya ɨsaʉ yɨ ɓʉdada. 24Ɨkyɛmɨngana, akʉ ɓombi ngiɓa Asʉɓɨɨ a꞉ɓusoko, yiɓio iɓa ɓa Ɓayuda kʉndʉ iɓa ɓambʉkɔmʉ Ɓayuda, Klisito a angu nʉ a 'ʉtʉma wɔɔ pimise moni ngua wʉ Asʉɓɨɨ. 25Moni kʉ Asʉɓɨɨ ika kaanyɨa ɓombi ndʉ moni kʉ ɓaumu, kʉɓaa mbɨmbanaka ngia yɨ ɓombi. Nʉ ɓayadʉɓa ngiɓa ɓʉ Asʉɓɨɨ, ɓanʉ angu nadɨndɨ kʉɓaa angu wʉ ɓombi ɓʉ ɨtaka.
26Inu ɓayoo tungueni kusigo ɓɔ Asʉɓɨɨ a꞉nisoko ni꞉nyeni tanɨ. Akʉ itungwio yɨ iɓombi, ɓombi ngiɓa ɓanʉ 'ʉtʉma wɔɔ pimise moni ɓambʉkɔmʉ ɓaja, nʉ ɓombi ɓʉ angu ɓambʉkɔmʉ ɓaja, kʉndʉ ɓombi ɓʉ ɨbɨba ɓambʉkɔmʉ ɓaja kʉ ɓwanɨ ati ʉndɛnʉ. 27Ɨkyɛmɨngana, Asʉɓɨɨ aachwa ɓombi ngiɓa ɓaanyɨa akʉ mesu kʉ ɓombi ɓɔ ɓa ɓombi ɓʉ ɓʉdada, aka ekoo ngia ɓɔ ukwiso ɓombi ɓʉ 'ʉtʉma wɔɔ pimise moni soni. Aachwa ɓombi ɓʉ ɨtaka ngiɓa ɓaaɓʉna ndʉ ɓa ɓadʉɓa aka ekoo ʉ kwiso ɓombi ɓʉ angu soni. 28Asʉɓɨɨ aachwa ɓombi ngiɓa ɓaanyɨa akʉ mesu kʉ ɓombi ɓʉ ɨtaka ɨsʉkʉɓwanɨ, iɓa ɓangɛ ɓaaɓʉbʉla, kʉpananiso ɓombi ɓɔɔ ɓʉmbɨanɨɛ ɓɔ ɓa ɨsʉkʉɓwanɨ.
29A꞉kyɨa ɓwanɨ ambʉ yeeɓiokɔmʉ nʉ mombi ngia akwanana kʉɓɛndana igʉngʉ apɛɛ ʉ Asʉɓɨɨ. 30Ɨkyɛmɨngana, Asʉɓɨɨ a꞉tijubuniso nʉ ɔɔ Yeso Klisito, iya a nisu kumbiiso 'ʉtʉma wɔɔ pimise moni ngua wʉ Asʉɓɨɨ. Klisito kʉ a꞉tikiso ngbingbii apɛɛ ʉ Asʉɓɨɨ, ambʉtɨchwa kuɓio ɓombi ɓɔɔ ɓʉjaɓanakɨɛ ngiɓangɔ, nʉ nisu kʉɓwanakiso akʉ ɓʉɓɨɓɨ ngiɓʉndɛsʉ. 31Kʉ ɓwanɨ, kʉndʉ Mubio kʉ Asʉɓɨɨ kakusigo ɓɔ: « Ndʉ mombi akʉnda kʉbɨbana, ʉbɨbana tʉkʉ aka ekoo Makʉʉɓɨɨ. »
Currently Selected:
1 Ɓakolito 1: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
1 Ɓakolito 1
1
Ɓukuo
1Ɛmɛ Pɔlɔ ngia Asʉɓɨɨ a꞉nasoko akʉ ɓʉkʉnda ngiɓangɔ kuɓio titima wʉ Yeso Klisito, ɨzɔ nʉ ayoo ʉndɛsʉ Sositeni kʉnɨtʉmɨa ʉbalʉa nguakɛ. 2Kʉ꞉nɨtɨndakɨa inu kanisa wʉ Asʉɓɨɨ ngia a anʉ Kolito ʉbalʉa nguakɛ, inu ngiɓa Asʉɓɨɨ a꞉nɨnapɨa kʉ di 'upi akʉ jubunio ngiindɛnʉ nʉ ɔɔ Yeso Klisito, ambunisoko kuɓio ɓombi ɓangɔ. Nʉ ʉbalʉa nguakɛ wa aka ekoo ɓombi kʉ ɓuɓomu ngiɓa ɓaabibiso ino yɨ Makʉʉndɛsʉ Yeso Klisito mʉa kʉ uɓomu. Ɛyɔ a Makʉʉndaɓʉ nʉ kʉ Makʉʉndɛsʉ. 3Asʉɓɨɨ Tidoo ngiʉndɛnʉ nʉ Makʉʉɓɨɨ Yeso Klisito ɓunitio ɨjɨɔ nʉ majɨɔ.
Ʉmbʉa ngua ka꞉nyɨa nawɔ amati ʉ Klisito
4Maatuisio Asʉɓɨɨ ngiasɛmɛ ɨbɨba makwaa kʉ muɓomu ekoo ʉndɛnʉ, aka ekoo ʉ ɨjɨɔ yɨ Asʉɓɨɨ ngia na꞉nyɨa nayɔ 'upi akʉ Yeso Klisito. 5Ya amati angɔ iya Asʉɓɨɨ a꞉ninzo‑ɔɔ ɨjangɨa mɨgbʉ yɛngɔ kʉ iɓomu, nadɨndɨ iya yɛɛ mbɨɛ kʉyaka moni, nʉ iya yɨ mbɨmbanaka. 6Ɨsaʉ yɨ Klisito ngia ka꞉nɨpanɨa, na꞉ɨbaya nʉ angu kingono. 7Kʉ ɓwanɨ, yambʉkɔmʉ nʉ apɛpɛ wʉ 'Ʉtʉma wɔɔ Tu ngia nambʉkɔmʉ nayɔ, ati ngia na‑ɔɔ kusiɓo tʉa ngia yɨ Makʉʉndɛsʉ Yeso Klisito. 8Ɛyɔ a꞊ninzo igue‑gue akʉ 'ʉtʉma kʉɓʉya akʉ 'upipio, ambʉ yeeɓio nɨngbaa yɨ moni ngia ɓa꞊kwanana‑ɔɔ ninu kʉnapɨa nʉ 'ʉkɔmbɔ isiya Makʉʉndɛsʉ Yeso Klisito a꞊tʉa sina‑ɔɔ. 9Asʉɓɨɨ aakwananakiso agɔmɔ ngiangɔ kwananakisoo, nʉ kʉ ɛyɔ a꞉nisoko kuɓio nʉ ɓayo nʉ Mwana angɔ Yeso Klisito Makʉʉndɛsʉ.
Kyɨkyanaka mangɔnɔ amati ʉ kanisa ngia wʉ Kolito
10Inu ɓayoo, maninu kukikilikio akʉ ino yɨ Makʉʉɓɨɨ Yeso Klisito ɓɔ ɓieni nʉ kɔnɔ ati ʉndɛnʉ, chʉkɔmʉ nʉ dyokono ati ʉndɛnʉ. Ɓieni tʉkʉ ʉɗaɗa mungono, 'ʉtʉma kʉ mungono nʉ itungwio kʉ mɨngana. 11Jʉ inu ɓayoo, ɓombi ngana ngana akʉ anza ngia wʉ Koloe ɓa꞉naɓɨa pongo ɓɔ naakyɨa kina kʉnangana ati ʉndɛnʉ. 12Makʉkʉnda ninu kusigio ɓɔ, mombi kʉ nangana nangana ati ʉndɛnʉ akusigo moni nga kangɔ kʉ di ɓɔ: « Ɛmɛ ma mombi wʉ Pɔlɔ. », « Ɛmɛ ma mombi wʉ Apɔlɔ. » « Ɛmɛ ma mombi wʉ Pɛtɛlɔ. » Gʉ yɛmɔ ɓɔ « Ɛmɛ ma mombi wʉ Klisito. » 13Ajʉ inu nakuyo ɓɔ Klisito a tiga u꞉dyokone magba ɓiɛ? Ajʉ Pɔlɔ kʉ a꞉niwio ekoo ʉ mʉsalaba ɓiɛ? Gʉ ɓɔ ɓa꞉niɓatiso akʉ ino yɨ Pɔlɔ ɓiɛ?
14Makutuisio Asʉɓɨɨ ɨbɨba jʉ ɛmɛ ma꞉ɓatiso kɔmɔ mombi ɔmɔ ati ʉndɛnʉ gʉkʉ mʉngana, kiisukuo tʉkʉ ɔɔ Klisipo nʉ Gayo. 15Kʉ ɓwanɨ, yambʉkɔmʉ nʉ mombi ngia akwanana kusigo ɓɔ ɓa꞉niɓatiso akʉ ino yɨsɛmɛ. 16Mʉpaa moni mʉngana. Mombi nga wɔmɔ ma꞉muɓatiso i꞉nye kʉ Sɨtɨfana nʉ anza ngiangɔ kʉtaa. Mambʉkɔmʉ kʉmbɨa anɨ wɔmɔ iya ma꞉muɓatiso. 17Jʉ Klisito a꞉natʉmakɔmʉ kuɓatiso ɓombi, ɨkyɛmɨngana a꞉natʉma kʉɓɨakɨa Ɨsaʉ yɛɛ Iɗo, chʉkɔmʉ nʉ 'ʉtʉma wɔɔ pimise moni nguʉsɛmɛ wʉ iɓombi, ambʉ ingyo ngia yɨ Klisito ekoo ʉ mʉsalaba yeeɓiokɔmʉ ɨsʉkʉɓwanɨ.
Yeso Klisito akʉpananiso angu nʉ 'ʉtʉma wɔɔ pimise moni ngua wʉ Asʉɓɨɨ
18Kʉ ɓwanɨ, ɨsaʉ yɨ ingyo ngia yɨ Klisito ekoo ʉ mʉsalaba yambʉkɔmʉ nʉ dada akʉ ɓombi ngiɓa ɓakʉyangaa, ɨkyɛmɨngana akʉ isu ɓombi ngiɓa Asʉɓɨɨ anisu kuhiiso, kaambɨa kusigo ɓɔ ɨsaʉ ngiinanɨ ya angu wʉ Asʉɓɨɨ. 19Ɓa꞉tɨndakɨa amati ʉ Mubio kʉ Asʉɓɨɨ ɓɔ:
« Ma꞊tambiso sina 'ʉtʉma wɔɔ pimise moni ngua wʉ ɓombi ngiɓa ɓaapimiso moni,
ma꞊bunzo itungwio yɨ ɓombi ngiɓa ɓanʉ mbɨmbanaka. »
20Kʉ ɓwanɨ, ɓombi ɓʉ mbɨmbanaka ɓa꞊sigo ɓata tanɨ? Ɓapananakɨa ɓʉ Mapanʉ ɓa꞊sigo ɓata tanɨ? Ɓombi ngiɓa ɓaayo moni nʉ yaka nʉ 'ʉtʉma wɔɔ pimise moni ngua wʉ wati ngua wʉ ɓʉɓʉnɨ ɓa꞊sigo ɓata moni tɨmanɨ? Asʉɓɨɨ akʉpana kingono kusigo ɓɔ mbɨmbanaka yɨ ɓombi ɓʉ ɨtaka ya tʉkʉ ɓʉdada ɨsʉkʉɓwanɨ. 21Jʉ Asʉɓɨɨ 'upi akʉ 'ʉtʉma wɔɔ pimise moni nguangɔ, a꞉na ɓɔ ɓombi ɓʉ ɨtaka ɓambʉkɔmʉ ikanzi ngia ɓamʉmbɨa 'upi akʉ 'ʉtʉma wɔɔ pimise moni ngua wʉ iɓombi. Ya aka ekoo 'ʉtʉma wɔɔ pimise moni ngua wʉ Asʉɓɨɨ iya a꞉hiiso‑ɔɔ ɓombi ngiɓa ɓa꞉mʉbaya, 'upi akʉ Ɨsaʉ yɛɛ Iɗo ngia ya ndʉgʉ ɨsaʉ yɨ ɓʉdada.
22Ɓayuda ɓaakʉnda ɓɔ ɓʉna ɓakɔkɔ ɓɔɔ ɓʉmbangɛ, ɨkyɛmɨngana ɓombi ngiɓa ɓambʉkɔmʉ Ɓayuda ɓaahata yɨndaɓʉ tʉkʉ 'ʉtʉma wɔɔ pimise moni. 23Ʉna tɔ, isu pɛpɛ kakʉɓɨakɨa tʉkʉ ɨsaʉ yɨ Klisito ngia ɓa꞉mʉɓakaka ekoo mʉsalaba. Akʉ Ɓayuda, ɨsaʉ ngiinanɨ ya ɨsaʉ yɛɛ gbʉsanise baya ngiindaɓʉ. Akʉ ɓombi ngiɓa ɓambʉkɔmʉ Ɓayuda ya ɨsaʉ yɨ ɓʉdada. 24Ɨkyɛmɨngana, akʉ ɓombi ngiɓa Asʉɓɨɨ a꞉ɓusoko, yiɓio iɓa ɓa Ɓayuda kʉndʉ iɓa ɓambʉkɔmʉ Ɓayuda, Klisito a angu nʉ a 'ʉtʉma wɔɔ pimise moni ngua wʉ Asʉɓɨɨ. 25Moni kʉ Asʉɓɨɨ ika kaanyɨa ɓombi ndʉ moni kʉ ɓaumu, kʉɓaa mbɨmbanaka ngia yɨ ɓombi. Nʉ ɓayadʉɓa ngiɓa ɓʉ Asʉɓɨɨ, ɓanʉ angu nadɨndɨ kʉɓaa angu wʉ ɓombi ɓʉ ɨtaka.
26Inu ɓayoo tungueni kusigo ɓɔ Asʉɓɨɨ a꞉nisoko ni꞉nyeni tanɨ. Akʉ itungwio yɨ iɓombi, ɓombi ngiɓa ɓanʉ 'ʉtʉma wɔɔ pimise moni ɓambʉkɔmʉ ɓaja, nʉ ɓombi ɓʉ angu ɓambʉkɔmʉ ɓaja, kʉndʉ ɓombi ɓʉ ɨbɨba ɓambʉkɔmʉ ɓaja kʉ ɓwanɨ ati ʉndɛnʉ. 27Ɨkyɛmɨngana, Asʉɓɨɨ aachwa ɓombi ngiɓa ɓaanyɨa akʉ mesu kʉ ɓombi ɓɔ ɓa ɓombi ɓʉ ɓʉdada, aka ekoo ngia ɓɔ ukwiso ɓombi ɓʉ 'ʉtʉma wɔɔ pimise moni soni. Aachwa ɓombi ɓʉ ɨtaka ngiɓa ɓaaɓʉna ndʉ ɓa ɓadʉɓa aka ekoo ʉ kwiso ɓombi ɓʉ angu soni. 28Asʉɓɨɨ aachwa ɓombi ngiɓa ɓaanyɨa akʉ mesu kʉ ɓombi ɓʉ ɨtaka ɨsʉkʉɓwanɨ, iɓa ɓangɛ ɓaaɓʉbʉla, kʉpananiso ɓombi ɓɔɔ ɓʉmbɨanɨɛ ɓɔ ɓa ɨsʉkʉɓwanɨ.
29A꞉kyɨa ɓwanɨ ambʉ yeeɓiokɔmʉ nʉ mombi ngia akwanana kʉɓɛndana igʉngʉ apɛɛ ʉ Asʉɓɨɨ. 30Ɨkyɛmɨngana, Asʉɓɨɨ a꞉tijubuniso nʉ ɔɔ Yeso Klisito, iya a nisu kumbiiso 'ʉtʉma wɔɔ pimise moni ngua wʉ Asʉɓɨɨ. Klisito kʉ a꞉tikiso ngbingbii apɛɛ ʉ Asʉɓɨɨ, ambʉtɨchwa kuɓio ɓombi ɓɔɔ ɓʉjaɓanakɨɛ ngiɓangɔ, nʉ nisu kʉɓwanakiso akʉ ɓʉɓɨɓɨ ngiɓʉndɛsʉ. 31Kʉ ɓwanɨ, kʉndʉ Mubio kʉ Asʉɓɨɨ kakusigo ɓɔ: « Ndʉ mombi akʉnda kʉbɨbana, ʉbɨbana tʉkʉ aka ekoo Makʉʉɓɨɨ. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.