फिलिप्पी 2
2
ख्रीष्टिय बिनम्रता
1क्याकि तमन ख्रीष्टका भया हुनाले उत्साहित भयाछौ, रे तमनले ख्रीष्टका प्रेम बठेइ सान्तोना पायाछौ, क्याकि पबित्र आत्मासित तमरो संगति छ, रे ख्रीष्ट तमनसित नम्र रे दयालु छन। 2तब तमन एकइ मनका होइबर, एकइ प्रेम राखिबर पुरा सहमति सित एकइ उद्देश्य राखिबर मेरो आनन्द पुरा अर।
3स्वार्थ रे घमण्डले केइ जन अर, तर नम्र होइबर एक-अर्खालाइ आफ भण्न्ना महत्वपूर्ण माण। 4तमन हरेकले आफ्नो मान्तर फाइदा जन खोजउ, तर औरको फाइदा लगइ हेर।
ख्रीष्टको दिनता रे महानता
5येशू ख्रीष्टको स्वभाव तमनमि लगइ होउ,
6उन परमेश्वर भइबर लगइ,
उनले परमेश्वरका बराबरि हुन्या कुरणीलाइ एक समाइ राख्द्या चिज जसो माणेइन।
7तर उनले सब चिज छाडिबर उन दास भया,
रे उन एक मान्स भया।
8उन मान्सको रुपमि जन्मिबर आफइलाइ नम्र बनायो,
रे परमेश्वरको आज्ञा माणिबर मद्दाइलाइ बटीया,
याँ सम्मकि अपराधी जसाइ भइबर क्रुसमि मर्या।
9तबइकिलाइ परमेश्वरले उनलाइ उच्च पदमी राखिदियो,
उनलाइ त्यो नाउँ दियो जो हरेक नाउँ भण्ना उच्च छ।
10कि उनलाइ सम्मान दिनाइलाइ स्वर्गमि रे पृथ्बीमि,
रे पृथ्बीका तल्तिर भया हरेक प्राणिले येशूका नाउँमि घुडा टेक्दु पणन्छ।
11रे हरेकले पिता परमेश्वरको महिमाकी निउति
येशू ख्रीष्टलाइ प्रभु हुन भणबर स्वीकार अददु पणन्छ।
ज्योति जसेरि चम्कनु
12मेरा प्यारा भाइन, म तमनसित हुन्ज्या तमनले सदाइ आज्ञापालन अर्या छौ। अइल म तमन बठेइ टाडा छु, तमन झिक बड्ता आज्ञाकारी हुनु पणन्छ। तमन हरेकले डराइबर रे कामीबर त्यो काम अददु पणन्छ जो और मान्सकीलाइ ठीक छ, जइलाइ परमेश्वरले बचाया छ। 13क्याकि परमेश्वरले तमनमि काम अद्दा छन, रे उनइले तमनलाइ उनलाइ खुशी पाड्डया काम अद्दाइलाइ इच्छा रे सक्ति दिन्या हुन।
14गनगन रे वाद-बिबाद नअरिबर जम्माइ काम अर। 15ताकि तमन दुष्ट रे भ्रष्ट संसारका मान्सनका बिचमि सुद्द रे खोट नभया परमेश्वरका सिद्द सन्तान जसाइ जीवन बिताउन सक। तमन यइ संसारका दुष्ट मान्सनका बिचमि अग्गासमि तारा चम्कया जसेरि चम्कनु पणन्छ। 16अनन्त जीवन दिन्या बचन प्रचार अर ताकि मेरो परिश्रम, रे मिहिनेत खाली गएइन भणबर ख्रीष्ट फर्कि आउन्या दिनमि म गर्व अद्द सकु।
17जब मइले तमनलाइ सुसमाचार प्रचार अर्या तमनले प्रभु येशूमि बिश्वास अर्या रे आफ्नो जीवन बलिदानका रुपमि उनरा सेवामि दिया। तबइकिलाइ यदि मलाइ सुसमाचार प्रचार अर्या हुनाले तिननले मार्यो भण्या म तमन सबसित खुशी रे आनन्दित हुन्या हु। 18तसेरि तमन लगइ मसित आनन्दित, रे खुशी हुनु पणन्छ।
तिमोथीको प्रसंसा
19म प्रभु येशूमि यो आसा राखिबर तमरा वाँ तिमोथीलाइ छटाइ पठाउन्या हु, ताकि तमरा बारेमि सुणिबर म उत्साहित हुन सकु। 20क्याकि तिमोथी जसो सुद्द मनले तमरो भलाइकी निउति साच्ची चिन्ता अद्द्या मान्स मसित और कोइलगइ आथिन। 21क्याकि और मान्सन त आफनोइ स्वार्थ खोजी राख्दाहान तर तिननलाइ येशू ख्रीष्ट कि निउति जी महत्वपूर्ण छ तइको तिननलाइ केइ मतलब आथिन।
22तर तमनलाइ था छ कि तिमोथीले आफलाइ कसेरी बिश्वासयोग्य धेकायो। जसेरि एक चेलाले आफना बा सित मिलिबर काम अरन्छ, तसेरि तिमोथीले सुसमाचार प्रचार अद्द्या काममी मसित मिहिनत अर्यो। 23तबइकिलाइ मलाइ आसा छ कि जब म था पाउनउ कि मेरो दसा कि हुन्या हो, तब तिमोथीलाइ तमरा वाँ छट्टाइ पठाउनउ। 24म लगइ तमरा वाँ छट्टाइ आउनउ भणबर प्रभुमि आसा राख्या छु।
इपाफ्रोडिटसको प्रसंसा
25मइले इपाफ्रोडिटसलाइ तमरा वाँ पठाउनु जरुरी माण्या। उन मेरा भाइ, सहकर्मी रे मसित सुसमाचारको रक्षा अद्द्या योद्दा रे तमनले छान्या शिष्य रे मेरा खाचोमी सेवा अद्दाया मान्स हुन। 26क्याकि उनले तमन सबलाइ भेट्या भौत इच्छा अर्या छन, रे उन भौत चिन्तित होइरइछ, क्याकि तमनले उनरा बिरामिका हालत सुण्या थ्या। 27रे उ साच्ची बिरामी थ्यो रे मद्द्या जसो होइरइथ्यो। तर परमेश्वरले उनलाइ दया अरिबर निको बनायो। उइलाइ मान्तर होइन, तर मलाइ लगइ दया अर्यो, ताकि म जो दुःख अइल भोग्दाछु तइ भणन्ना बड्ता भोग्दु जन पडउ।
28तबइकिलाइ म तिनलाइ पठाउन झिक बड्ता उत्सुक छु, ताकि तिनलाइ आजी भेटीबर तमन आनन्दित होउ मेरो लगइ चिन्ता कम होउ। 29तबइकिलाइ तमनले प्रभुमि तिनलाइ भौत आनन्दले स्वागत अर रे तिनलाइ रे तिन जसा मान्सनलाइ आदर दिनु पणन्छ। 30क्याकि तिन ख्रीष्टको कामका निउति आफ्नो प्राण संकटमि हालिबर झण्न्नइले मरिगइथ्यो, ताकि तमन दुर भया हुनाले सहयोग अद्द नसक्या बेला, तइले मलाइ सहयोग अद्द सकउ।
Currently Selected:
फिलिप्पी 2: DTYNT
Highlight
Copy
Compare
Share
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
फिलिप्पी 2
2
ख्रीष्टिय बिनम्रता
1क्याकि तमन ख्रीष्टका भया हुनाले उत्साहित भयाछौ, रे तमनले ख्रीष्टका प्रेम बठेइ सान्तोना पायाछौ, क्याकि पबित्र आत्मासित तमरो संगति छ, रे ख्रीष्ट तमनसित नम्र रे दयालु छन। 2तब तमन एकइ मनका होइबर, एकइ प्रेम राखिबर पुरा सहमति सित एकइ उद्देश्य राखिबर मेरो आनन्द पुरा अर।
3स्वार्थ रे घमण्डले केइ जन अर, तर नम्र होइबर एक-अर्खालाइ आफ भण्न्ना महत्वपूर्ण माण। 4तमन हरेकले आफ्नो मान्तर फाइदा जन खोजउ, तर औरको फाइदा लगइ हेर।
ख्रीष्टको दिनता रे महानता
5येशू ख्रीष्टको स्वभाव तमनमि लगइ होउ,
6उन परमेश्वर भइबर लगइ,
उनले परमेश्वरका बराबरि हुन्या कुरणीलाइ एक समाइ राख्द्या चिज जसो माणेइन।
7तर उनले सब चिज छाडिबर उन दास भया,
रे उन एक मान्स भया।
8उन मान्सको रुपमि जन्मिबर आफइलाइ नम्र बनायो,
रे परमेश्वरको आज्ञा माणिबर मद्दाइलाइ बटीया,
याँ सम्मकि अपराधी जसाइ भइबर क्रुसमि मर्या।
9तबइकिलाइ परमेश्वरले उनलाइ उच्च पदमी राखिदियो,
उनलाइ त्यो नाउँ दियो जो हरेक नाउँ भण्ना उच्च छ।
10कि उनलाइ सम्मान दिनाइलाइ स्वर्गमि रे पृथ्बीमि,
रे पृथ्बीका तल्तिर भया हरेक प्राणिले येशूका नाउँमि घुडा टेक्दु पणन्छ।
11रे हरेकले पिता परमेश्वरको महिमाकी निउति
येशू ख्रीष्टलाइ प्रभु हुन भणबर स्वीकार अददु पणन्छ।
ज्योति जसेरि चम्कनु
12मेरा प्यारा भाइन, म तमनसित हुन्ज्या तमनले सदाइ आज्ञापालन अर्या छौ। अइल म तमन बठेइ टाडा छु, तमन झिक बड्ता आज्ञाकारी हुनु पणन्छ। तमन हरेकले डराइबर रे कामीबर त्यो काम अददु पणन्छ जो और मान्सकीलाइ ठीक छ, जइलाइ परमेश्वरले बचाया छ। 13क्याकि परमेश्वरले तमनमि काम अद्दा छन, रे उनइले तमनलाइ उनलाइ खुशी पाड्डया काम अद्दाइलाइ इच्छा रे सक्ति दिन्या हुन।
14गनगन रे वाद-बिबाद नअरिबर जम्माइ काम अर। 15ताकि तमन दुष्ट रे भ्रष्ट संसारका मान्सनका बिचमि सुद्द रे खोट नभया परमेश्वरका सिद्द सन्तान जसाइ जीवन बिताउन सक। तमन यइ संसारका दुष्ट मान्सनका बिचमि अग्गासमि तारा चम्कया जसेरि चम्कनु पणन्छ। 16अनन्त जीवन दिन्या बचन प्रचार अर ताकि मेरो परिश्रम, रे मिहिनेत खाली गएइन भणबर ख्रीष्ट फर्कि आउन्या दिनमि म गर्व अद्द सकु।
17जब मइले तमनलाइ सुसमाचार प्रचार अर्या तमनले प्रभु येशूमि बिश्वास अर्या रे आफ्नो जीवन बलिदानका रुपमि उनरा सेवामि दिया। तबइकिलाइ यदि मलाइ सुसमाचार प्रचार अर्या हुनाले तिननले मार्यो भण्या म तमन सबसित खुशी रे आनन्दित हुन्या हु। 18तसेरि तमन लगइ मसित आनन्दित, रे खुशी हुनु पणन्छ।
तिमोथीको प्रसंसा
19म प्रभु येशूमि यो आसा राखिबर तमरा वाँ तिमोथीलाइ छटाइ पठाउन्या हु, ताकि तमरा बारेमि सुणिबर म उत्साहित हुन सकु। 20क्याकि तिमोथी जसो सुद्द मनले तमरो भलाइकी निउति साच्ची चिन्ता अद्द्या मान्स मसित और कोइलगइ आथिन। 21क्याकि और मान्सन त आफनोइ स्वार्थ खोजी राख्दाहान तर तिननलाइ येशू ख्रीष्ट कि निउति जी महत्वपूर्ण छ तइको तिननलाइ केइ मतलब आथिन।
22तर तमनलाइ था छ कि तिमोथीले आफलाइ कसेरी बिश्वासयोग्य धेकायो। जसेरि एक चेलाले आफना बा सित मिलिबर काम अरन्छ, तसेरि तिमोथीले सुसमाचार प्रचार अद्द्या काममी मसित मिहिनत अर्यो। 23तबइकिलाइ मलाइ आसा छ कि जब म था पाउनउ कि मेरो दसा कि हुन्या हो, तब तिमोथीलाइ तमरा वाँ छट्टाइ पठाउनउ। 24म लगइ तमरा वाँ छट्टाइ आउनउ भणबर प्रभुमि आसा राख्या छु।
इपाफ्रोडिटसको प्रसंसा
25मइले इपाफ्रोडिटसलाइ तमरा वाँ पठाउनु जरुरी माण्या। उन मेरा भाइ, सहकर्मी रे मसित सुसमाचारको रक्षा अद्द्या योद्दा रे तमनले छान्या शिष्य रे मेरा खाचोमी सेवा अद्दाया मान्स हुन। 26क्याकि उनले तमन सबलाइ भेट्या भौत इच्छा अर्या छन, रे उन भौत चिन्तित होइरइछ, क्याकि तमनले उनरा बिरामिका हालत सुण्या थ्या। 27रे उ साच्ची बिरामी थ्यो रे मद्द्या जसो होइरइथ्यो। तर परमेश्वरले उनलाइ दया अरिबर निको बनायो। उइलाइ मान्तर होइन, तर मलाइ लगइ दया अर्यो, ताकि म जो दुःख अइल भोग्दाछु तइ भणन्ना बड्ता भोग्दु जन पडउ।
28तबइकिलाइ म तिनलाइ पठाउन झिक बड्ता उत्सुक छु, ताकि तिनलाइ आजी भेटीबर तमन आनन्दित होउ मेरो लगइ चिन्ता कम होउ। 29तबइकिलाइ तमनले प्रभुमि तिनलाइ भौत आनन्दले स्वागत अर रे तिनलाइ रे तिन जसा मान्सनलाइ आदर दिनु पणन्छ। 30क्याकि तिन ख्रीष्टको कामका निउति आफ्नो प्राण संकटमि हालिबर झण्न्नइले मरिगइथ्यो, ताकि तमन दुर भया हुनाले सहयोग अद्द नसक्या बेला, तइले मलाइ सहयोग अद्द सकउ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.