प्रेरित 9
9
शाउलको जीवन बदलियो
1शाउल प्रभु येशूका छान्या शिष्यालाइ माद्द्या आजी बड्ता धम्कि दिनाइ हिट्टन्थ्या। रे तिन यहुदि प्रधान पुजारिका वाँ गया, 2रे दमस्कस सहरका यहुदि सभाघरका शासकनलाइ मेरो परिचय दिनाइ चिठ्ठी लेखिदिय भणि बिन्ति अर्यो। रे येशूका पछा लाग्द्या दुएइ बैकान रे स्वानिनलाइ खोजीबर यरुशलेम सहरमि बादिबर ल्याउन पाउ भणबर अधिकार माग्यो। 3जब शाउल रे उनरा साथिन हिट्टा हिटाइ दमस्कस सहर नजिकै पुग्या, अचानक स्वर्ग बठेइ एक उजालो तिनरा वलतिर पलतिर चम्क्यो। 4तिन जमिनमी लोट्या, रे तिनले परमेश्वरको यिसो भण्न्या आवाज सुण्यो, “शाउल, शाउल, तु क्याइ मलाइ सताउनाछइ?”
5तिनले भण्यो, “प्रभु, तम को हौ?” पइ उनले भण्यो, “म येशू हु, जइलाइ तु सताउनाछइ। 6तर आब उठ, रे यरुशलेम सहरमि जा, रे तुइले जी अद्दु पणन्छ त्यो तुलाइ कोइ भण्न्या हो।” 7तिनसित जान्या मान्सनले डाको त सुण्यो, तर कसइलाइ नधेक्या हुनाले लाटाकि जसेरि अलमल्ल भइबर कल्लिरया। 8तब शाउल जमिन बठेइ उठ्यो रे आँखा खोलइय्याँ केइलगइ धेकेइन, रे तिनरा साथिनले तिनरो हात समाइबर तिनलाइ दमस्कस सहरमि लेया। 9तिन ताँ तीन दिन सम्म नधेक्द्या भया, रे न त खानाइ खायो, न त पानी पियो।
10दमस्कस सहरमि हननिया नाउँ भया एक जाना प्रभु येशू ख्रीष्टका छान्या शिष्य थ्या। रे तिनलाइ प्रभु येशूले दर्सनमि भण्यो, “ए हननिया।” तिनले भण्यो, “प्रभु, हाजिर छु।”
11तब प्रभुले तिनलाइ भण्यो, “उठ, रे ‘सिदा’ नाउँ भया गल्लिमि जा, रे ताँ यहूदाका घरमि शाउल नाउँ भया टार्सस सहरको मान्सलाइ खोज, क्याकि त्यो प्रार्थना अद्दा छ। 12रे उइले दर्सनमि धेक्या छ कि हननिया नाउँ भया मान्स आइबर उइमि हात राख्यो रे उ दोसर्या धेक्द्या भयो।”
13हननियाले भण्यो, “प्रभु, यइ मान्सले यरुशलेम सहरमि भया तमरा शिष्यालाइ बड्ताइ खराब अरिराइछ, त्यो मइले भौत जाना बठेइ सुणिराइछु। 14याँ लगइ बिश्वास अद्द्या सब मान्सनलाइ बादिबर यरुशलेम सहरमि लैइजान्या अधिकार मुख्य पुजारि बठेइ तिननले पाया छ।”
15तर प्रभुले तिनलाइ भण्यो, “जा, क्याकि गैर-यहुदि, राजा रे इस्राएल देशका मान्सनका अगाडी मेरा बारेमि प्रचार अद्दाइ मइले शाउललाइ छान्या हु। 16क्याकि मान्सनलाइ मेरा बारेमि बताया हुनाले शाउलले कति दुख भोग्दु पणन्छ, त्यो म उइलाइ धेकाउनउ।”
17तब हननिया शाउल बस्या घरमि गया, रे तिनमि आफना हात राखिबर भण्यो, “भाइ शाउल, जो प्रभु येशू तु आउन्नार्या बाटामि तेरा वाँ धेका पड़िरइथ्या, तुइले दृष्टि पाउ रे तु पबित्र आत्माले भरिपूर्ण होइजा भणि उनले मलाइ पठाया हो।” 18हननियाले यो कुरणी भणन्जेइ तिनरा आँखा बठेइ माछाका कतला जसो केइ झड्यो, रे तिनले आजी दृष्टि पायो। पइ तिन उठ्या रे बप्तिस्मा लियो।
शाउल दमस्कस गाउँ रे यरुशलेम सहरमि
19पइ खानाइ खाइबर शाउलले तागत पायो। शाउलले दमस्कस सहरमि प्रचार अर्यो, रे शाउल केइ दिन सम्म दमसकस सहरमि भया येशू ख्रीष्टका शिष्यासित रया। 20पइ उतनजेइ तिनले दमस्कस सहरको यहुदि सभाघरमी येशूको प्रचार यिसेरी अर्यो, “प्रभु येशूइ परमेश्वरका चेलो हुन।” 21तब सुण्न्या जति सब अचम्म माणिबर भण्न्न पस्या, “येशू ख्रीष्टमी बिश्वास अद्द्या सबलाइ माद्द खोज्या मान्स यइ होइन ब? यरुशलेम सहरमि लगइ येशू ख्रीष्टका शिष्यालाइ समाइबर मुख्य पुजारि नका वाँ लैजानाइ आया त होइन ब?” 22शाउल आत्मिक रुपमि आजी बड्ता सक्तिशाली हुनाइ गया, रे येशूइ ख्रीष्ट हुन भण्न्या प्रमाण दिइबर दमस्कस सहरमि रन्या यहुदि मान्सनलाइ अकमक्क पाडदियो।
23जब शाउल दमस्कस सहरमि भौत दिन बस्या पछा यहुदि अगुवानले तिनलाइ माद्दाइ षडयन्त्र बनाउन पस्या। 24तर तिनरो षडयन्त्र शाउलले था पायो। उन तिनलाइ माद्दाइ रातदिन गाउँका ढोकालाइ दोबा लागीबर बसिरन्थ्या। 25एक दिन रात पड्या पछा तिनरा शिष्याले तिनलाइ डोकाइनि हालिबर पर्खाल बठेइ तल्तिर ओलाइ दियो।
26शाउल यरुशलेम सहरमि आया पछा येशूका शिष्यासित भेट्टाइ कोशिस अर्यो। तर येशूका शिष्या शाउलसित डराया। क्याकि उन साच्ची येशूका शिष्य हुन भणि तिननले बिश्वास अद्द सकेइन। 27तर बारनाबासले तिनलाइ आफसित छान्या शिष्याका वाँ लैया। पइ शाउलले प्रभु येशूलाइ बाटाइनि धेक्या रे प्रभु तिनसित बोल्या रे तिनले दमस्कस सहरमि साहससित येशूका बारेमि बचन प्रचार अरेइ कुरणी तिननलाइ भणिदियो। 28छानिया शिष्याले बारनाबासमि बिश्वास अर्यो, रे तबइलाइ शाउल तिननसित यरुशलेम सहरमि गया। 29रे साहससित प्रभु येशूका बारेमि प्रचार अद्द पस्या, शाउलले ग्रीक भासा बोल्या यहुदि अगुवानसित वाद-बिबाद अर्यो, तर तिननले शाउललाइ माद्दाइ खोज्यो। 30तर यो था पाइबर बिश्वास अद्द्या भाइनले तिनलाइ कैसरिया सहर बठेइ टार्सस सहरमि जानाइ निउति जहाजको बन्दोबस्त अर्यो, जो उनरो आफनोइ गाउँ थ्यो।
31तसेरि जम्माइ यहुदिया जिल्ला, गालील जिल्ला रे सामरिया जिल्ला भरिका मण्डलिमि सान्ति भयो रे मण्डलि परिपक्व भयो। प्रभुका डरमि हिट्टाइ रे पबित्र आत्माको सहयोग पाइबर भौत भण्ना भौत मान्सनले प्रभु येशूमि बिश्वास अर्यो।
एनियास रे डोरकास
32पत्रुस सब जिल्ला रे सब ठाउँमि यात्रा अद्दाइ लुड्डा गाउँमी भया प्रभुका मान्सनका वाँ भेट्टाइ आया। 33तिनले ताँ एनियास नाउँ भया कसइ एक जाना मान्स भेट्यो, जो आठ बर्ष बठेइ लुलो हुन्या बिमारिले बिस्तराइनि पड़िरइथ्यो। 34पत्रुसले तइलाइ भण्यो, “ए एनियास, येशू ख्रीष्टले तुलाइ निको बनाउन्या हुन। उठ, रे तेरो बिस्तरा मिला।” पइ त्यो उतनजेइ उठीयो। 35लुड्डा गाउँ रे शारोन गाउँमी बस्या जति सब मान्सनले तइलाइ धेकिबर प्रभु येशूमि बिश्वास अर्यो।
36योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि। 37तिन दिनमि पत्रुस लुड्डा गाउँमी थ्या, त्यो बिमारी भइ रे मरि, रे मान्सनले लास नाइबर तइलाइ घरको मल्ला तलाका एक कोठामी राख्यो। 38लुड्डा गाउँ योप्पा गाउँको नजिक भया हुनाले, शिष्याले पत्रुस ताँ छन भणन्या सुणिबर तिनरा वाँ दुइ जाना मान्सनलाइ यिसो बिन्ति अद्दाइ पठायो, “हामरा वाँ छिट्टाइ आस!”
39तब पत्रुस उठीबर तिननसित गया। ताँ पुग्या पछा तिननले तिनलाइ घरको मल्ला कोठामी लैय्या। बिधवान सब तइका नजिकै कल्लिबर रुन पसिन, रे तिन जिउना हुनज्या डोरकासले बनाया पोसाक रे और लत्ता धेकायो।
40तर पत्रुसले तिनन सबलाइ बाइर पठाइबर घुडा टेक्यो, रे प्रार्थना अर्यो, रे तइ लासतिर फर्किबर भण्यो, “तबिता, उठ।” तइले आँखा उगाड्यो, रे पत्रुसलाइ धेकि रे उठीबर बसि। 41पत्रुसले तइलाइ आफना हातले समाइबर जुडुक्क उठायो, पइ प्रभु येशूका मान्सन रे बिधवानलाइ बोलाइबर तइलाइ मर्या बठेइ जिउनी बनाया धेकायो। 42आब यो कुरणी सारा योप्पा गाउँ भरि फैलियो, रे भौतले प्रभु येशूमि बिश्वास अर्यो। 43तिन भौत दिन सम्म एक जाना सिमोन भण्न्या छालाको काम अद्द्यासित योप्पा गाउँमी बस्या।
Currently Selected:
प्रेरित 9: DTYNT
Highlight
Copy
Compare
Share
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
प्रेरित 9
9
शाउलको जीवन बदलियो
1शाउल प्रभु येशूका छान्या शिष्यालाइ माद्द्या आजी बड्ता धम्कि दिनाइ हिट्टन्थ्या। रे तिन यहुदि प्रधान पुजारिका वाँ गया, 2रे दमस्कस सहरका यहुदि सभाघरका शासकनलाइ मेरो परिचय दिनाइ चिठ्ठी लेखिदिय भणि बिन्ति अर्यो। रे येशूका पछा लाग्द्या दुएइ बैकान रे स्वानिनलाइ खोजीबर यरुशलेम सहरमि बादिबर ल्याउन पाउ भणबर अधिकार माग्यो। 3जब शाउल रे उनरा साथिन हिट्टा हिटाइ दमस्कस सहर नजिकै पुग्या, अचानक स्वर्ग बठेइ एक उजालो तिनरा वलतिर पलतिर चम्क्यो। 4तिन जमिनमी लोट्या, रे तिनले परमेश्वरको यिसो भण्न्या आवाज सुण्यो, “शाउल, शाउल, तु क्याइ मलाइ सताउनाछइ?”
5तिनले भण्यो, “प्रभु, तम को हौ?” पइ उनले भण्यो, “म येशू हु, जइलाइ तु सताउनाछइ। 6तर आब उठ, रे यरुशलेम सहरमि जा, रे तुइले जी अद्दु पणन्छ त्यो तुलाइ कोइ भण्न्या हो।” 7तिनसित जान्या मान्सनले डाको त सुण्यो, तर कसइलाइ नधेक्या हुनाले लाटाकि जसेरि अलमल्ल भइबर कल्लिरया। 8तब शाउल जमिन बठेइ उठ्यो रे आँखा खोलइय्याँ केइलगइ धेकेइन, रे तिनरा साथिनले तिनरो हात समाइबर तिनलाइ दमस्कस सहरमि लेया। 9तिन ताँ तीन दिन सम्म नधेक्द्या भया, रे न त खानाइ खायो, न त पानी पियो।
10दमस्कस सहरमि हननिया नाउँ भया एक जाना प्रभु येशू ख्रीष्टका छान्या शिष्य थ्या। रे तिनलाइ प्रभु येशूले दर्सनमि भण्यो, “ए हननिया।” तिनले भण्यो, “प्रभु, हाजिर छु।”
11तब प्रभुले तिनलाइ भण्यो, “उठ, रे ‘सिदा’ नाउँ भया गल्लिमि जा, रे ताँ यहूदाका घरमि शाउल नाउँ भया टार्सस सहरको मान्सलाइ खोज, क्याकि त्यो प्रार्थना अद्दा छ। 12रे उइले दर्सनमि धेक्या छ कि हननिया नाउँ भया मान्स आइबर उइमि हात राख्यो रे उ दोसर्या धेक्द्या भयो।”
13हननियाले भण्यो, “प्रभु, यइ मान्सले यरुशलेम सहरमि भया तमरा शिष्यालाइ बड्ताइ खराब अरिराइछ, त्यो मइले भौत जाना बठेइ सुणिराइछु। 14याँ लगइ बिश्वास अद्द्या सब मान्सनलाइ बादिबर यरुशलेम सहरमि लैइजान्या अधिकार मुख्य पुजारि बठेइ तिननले पाया छ।”
15तर प्रभुले तिनलाइ भण्यो, “जा, क्याकि गैर-यहुदि, राजा रे इस्राएल देशका मान्सनका अगाडी मेरा बारेमि प्रचार अद्दाइ मइले शाउललाइ छान्या हु। 16क्याकि मान्सनलाइ मेरा बारेमि बताया हुनाले शाउलले कति दुख भोग्दु पणन्छ, त्यो म उइलाइ धेकाउनउ।”
17तब हननिया शाउल बस्या घरमि गया, रे तिनमि आफना हात राखिबर भण्यो, “भाइ शाउल, जो प्रभु येशू तु आउन्नार्या बाटामि तेरा वाँ धेका पड़िरइथ्या, तुइले दृष्टि पाउ रे तु पबित्र आत्माले भरिपूर्ण होइजा भणि उनले मलाइ पठाया हो।” 18हननियाले यो कुरणी भणन्जेइ तिनरा आँखा बठेइ माछाका कतला जसो केइ झड्यो, रे तिनले आजी दृष्टि पायो। पइ तिन उठ्या रे बप्तिस्मा लियो।
शाउल दमस्कस गाउँ रे यरुशलेम सहरमि
19पइ खानाइ खाइबर शाउलले तागत पायो। शाउलले दमस्कस सहरमि प्रचार अर्यो, रे शाउल केइ दिन सम्म दमसकस सहरमि भया येशू ख्रीष्टका शिष्यासित रया। 20पइ उतनजेइ तिनले दमस्कस सहरको यहुदि सभाघरमी येशूको प्रचार यिसेरी अर्यो, “प्रभु येशूइ परमेश्वरका चेलो हुन।” 21तब सुण्न्या जति सब अचम्म माणिबर भण्न्न पस्या, “येशू ख्रीष्टमी बिश्वास अद्द्या सबलाइ माद्द खोज्या मान्स यइ होइन ब? यरुशलेम सहरमि लगइ येशू ख्रीष्टका शिष्यालाइ समाइबर मुख्य पुजारि नका वाँ लैजानाइ आया त होइन ब?” 22शाउल आत्मिक रुपमि आजी बड्ता सक्तिशाली हुनाइ गया, रे येशूइ ख्रीष्ट हुन भण्न्या प्रमाण दिइबर दमस्कस सहरमि रन्या यहुदि मान्सनलाइ अकमक्क पाडदियो।
23जब शाउल दमस्कस सहरमि भौत दिन बस्या पछा यहुदि अगुवानले तिनलाइ माद्दाइ षडयन्त्र बनाउन पस्या। 24तर तिनरो षडयन्त्र शाउलले था पायो। उन तिनलाइ माद्दाइ रातदिन गाउँका ढोकालाइ दोबा लागीबर बसिरन्थ्या। 25एक दिन रात पड्या पछा तिनरा शिष्याले तिनलाइ डोकाइनि हालिबर पर्खाल बठेइ तल्तिर ओलाइ दियो।
26शाउल यरुशलेम सहरमि आया पछा येशूका शिष्यासित भेट्टाइ कोशिस अर्यो। तर येशूका शिष्या शाउलसित डराया। क्याकि उन साच्ची येशूका शिष्य हुन भणि तिननले बिश्वास अद्द सकेइन। 27तर बारनाबासले तिनलाइ आफसित छान्या शिष्याका वाँ लैया। पइ शाउलले प्रभु येशूलाइ बाटाइनि धेक्या रे प्रभु तिनसित बोल्या रे तिनले दमस्कस सहरमि साहससित येशूका बारेमि बचन प्रचार अरेइ कुरणी तिननलाइ भणिदियो। 28छानिया शिष्याले बारनाबासमि बिश्वास अर्यो, रे तबइलाइ शाउल तिननसित यरुशलेम सहरमि गया। 29रे साहससित प्रभु येशूका बारेमि प्रचार अद्द पस्या, शाउलले ग्रीक भासा बोल्या यहुदि अगुवानसित वाद-बिबाद अर्यो, तर तिननले शाउललाइ माद्दाइ खोज्यो। 30तर यो था पाइबर बिश्वास अद्द्या भाइनले तिनलाइ कैसरिया सहर बठेइ टार्सस सहरमि जानाइ निउति जहाजको बन्दोबस्त अर्यो, जो उनरो आफनोइ गाउँ थ्यो।
31तसेरि जम्माइ यहुदिया जिल्ला, गालील जिल्ला रे सामरिया जिल्ला भरिका मण्डलिमि सान्ति भयो रे मण्डलि परिपक्व भयो। प्रभुका डरमि हिट्टाइ रे पबित्र आत्माको सहयोग पाइबर भौत भण्ना भौत मान्सनले प्रभु येशूमि बिश्वास अर्यो।
एनियास रे डोरकास
32पत्रुस सब जिल्ला रे सब ठाउँमि यात्रा अद्दाइ लुड्डा गाउँमी भया प्रभुका मान्सनका वाँ भेट्टाइ आया। 33तिनले ताँ एनियास नाउँ भया कसइ एक जाना मान्स भेट्यो, जो आठ बर्ष बठेइ लुलो हुन्या बिमारिले बिस्तराइनि पड़िरइथ्यो। 34पत्रुसले तइलाइ भण्यो, “ए एनियास, येशू ख्रीष्टले तुलाइ निको बनाउन्या हुन। उठ, रे तेरो बिस्तरा मिला।” पइ त्यो उतनजेइ उठीयो। 35लुड्डा गाउँ रे शारोन गाउँमी बस्या जति सब मान्सनले तइलाइ धेकिबर प्रभु येशूमि बिश्वास अर्यो।
36योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि। 37तिन दिनमि पत्रुस लुड्डा गाउँमी थ्या, त्यो बिमारी भइ रे मरि, रे मान्सनले लास नाइबर तइलाइ घरको मल्ला तलाका एक कोठामी राख्यो। 38लुड्डा गाउँ योप्पा गाउँको नजिक भया हुनाले, शिष्याले पत्रुस ताँ छन भणन्या सुणिबर तिनरा वाँ दुइ जाना मान्सनलाइ यिसो बिन्ति अद्दाइ पठायो, “हामरा वाँ छिट्टाइ आस!”
39तब पत्रुस उठीबर तिननसित गया। ताँ पुग्या पछा तिननले तिनलाइ घरको मल्ला कोठामी लैय्या। बिधवान सब तइका नजिकै कल्लिबर रुन पसिन, रे तिन जिउना हुनज्या डोरकासले बनाया पोसाक रे और लत्ता धेकायो।
40तर पत्रुसले तिनन सबलाइ बाइर पठाइबर घुडा टेक्यो, रे प्रार्थना अर्यो, रे तइ लासतिर फर्किबर भण्यो, “तबिता, उठ।” तइले आँखा उगाड्यो, रे पत्रुसलाइ धेकि रे उठीबर बसि। 41पत्रुसले तइलाइ आफना हातले समाइबर जुडुक्क उठायो, पइ प्रभु येशूका मान्सन रे बिधवानलाइ बोलाइबर तइलाइ मर्या बठेइ जिउनी बनाया धेकायो। 42आब यो कुरणी सारा योप्पा गाउँ भरि फैलियो, रे भौतले प्रभु येशूमि बिश्वास अर्यो। 43तिन भौत दिन सम्म एक जाना सिमोन भण्न्या छालाको काम अद्द्यासित योप्पा गाउँमी बस्या।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.