Mɛsa 6
6
Bot ɛtɛn nɛ bɛbá eesɛ́ɛaa étɛp ɛkwyee bot ɛ lwoma
1É ghɛŋ tak, bela náá, mɛtaŋ mɛ bɛdjekel nabɛ ɛ́ yɛ eebaazebilel ɛbuɛpe. EYuda ee di elii lii eGhɛlɛk ɔ, nabɛ ɛ́ bɛ eetaŋal dum nɛ bot ɛ nadi elii eBhele ɔ. Bɛ nadi eke ɛ́ náá, yɔbɔ bɛkus ɛ boa nabɛ ààdi ekwyɛɛgaa mɛlu djas é ghɛŋ bɛ nadi ekekaa edee ɛ. 2Bot ɛ lwoma kam nɛ bɛbá ɛ́ boozɛsɛɛg bɛdjekel djas, bɛ ɛ́ boozɛke nɛ nɔɔ náá: «Yɛ ààgoka náá, bis bet ɛgoola Mɛkpa ɛ Zɛɛb, étɛp ɛkɛkaa edee. 3Deenek, bɔn-nyɛɛg, sɛ́ɛka pak'en bot ɛtɛn nɛ bɛbá di sosoob nɛ epiki ɔ, bot ɛ di tɔɔɔ nɛ Sisim na Dɛɛ nɛ etsoŋ ɔ. Da mena ɛ́ djɛ bɛ mɛsa mɛ tak. 4Tinaak, bisɔ aakadi ɛ́ esa mɛsa mɛ mendjaala nɛ ɛgoola Mbɛɛ Bhaadal.» 5Bot ɛ zɛɛga djas naamyaal egeka e tak. É di'enek, bɛ ɛ́ boozɛsɛ́ɛ Etiɛn mot nadi nɛ boo ɛdum koŋ ɛbuɛpe nɛ Zɛɛb ɔ, nyɛ eelwood nɛ Sisim na Dɛɛ. Ye nabɛ ɛ́, dɔɔ nɛ Filip, Polokɔɔd, Nikanɔɔd, Timɔn, Paalemenas, nɛ Nikolas mot dɛl ɛ Antiɔs, mot namyaal ɛdjaala Zɛɛb eYuda ɔ. 6Bhii tak bɛ eezɛlyaal bɛ nɛ bot ɛ lwoma, tin bɛ eezɛdjaala Zɛɛb nɛ ɛkɛl ɛ́ bɛ mɛbɔ. 7Tin, Mɛkpa ɛ Zɛɛb nadi egoolel ɛbuɛpe. Mɛtaŋ mɛ bɛdjekel nadi ebilel, ɛbilel nɛ ɛbilel pɛ Yeluzalɛm. Deenek, bɛtɛ nɛ bɛghaa-Zɛɛb nadi edum ekoŋ nɛ Yezu.
Etiɛn eemɛtaa
8Etiɛn tɔɔɔ nɛ ghwyil enɛm nɛ embɛɛ e Zɛɛb, nɛ mɛbwala, nyɛ nadi esa bɛtɛ nɛ endem e mɛbwala ɛbuɛpe tɔ bot. 9Tin, bɛdhiiti bot ɛ ndjaa mendjaala mɛ eYuda zokazɛbyen lek'ɛ. Bot ɛ tak nabɛ ɛ́ kyee wat, bot ɛ mɔɔ ndjaa mendjaala nadi edjóoaa «Ekwom Pɛka» ɔ, ye nabɛ ɛ́ eYuda e kyee dik Silɛn nɛ yii Alɛkzandili. Yak kyee eYuda kyee dik Silisi nɛ pɛ pes kyee dik Azi. Bɛ moo tin esuu mɛso nɛ Etiɛn. 10Tin bɛ nabɛ ɛ́ ààkwak nyɛ, etɛɛ náá, nyɛ nalelii ɛ́ nɛ etsoŋ ee Sisim na Dɛɛ nadi edjɛ nyɛ ɛ. 11Tin, wɔ gwaa bɛ zɛdjɛ bot epata étɛp bɛ neeke náá: «Bis eegwak nyɛ elóo mɛkpa mɛ mɛlee dum nɛ Moiiz nɛ Zɛɛb!» 12Tin bɛ eezɛni ebesal mɛdhuu mɛ bot, bɛpaa nɛ bɛghaŋ ɛ mɛkana mɛ etsi. É di'enek bɛ eezɛmɛt Etiɛn zaka, bhii tak, bɛ eezɛtɔ́ nɛ nɛ pɛ zɛɛga boo kwan eYuda. 13Wɔ gwaa, bɛ zokabaazyɛ nɛ etyaasɛs e etsal binɔk. Bɛ eezɛke náá: «Mot'ak ààkat ɛnyek ɛ́ kok Ndjaa-ebuwa na dɛɛ, dɔɔ nɛ etsi ɛ Moiiz! 14Bis eegwak nyɛ eke náá, Yezu mot Nazalɛt tak ɛ́ waabwak kok Ndjaa-ebuwa, da nyɛ ɛ́ swoola etsi ee Moiiz nalik mena yɛ ɛ.» 15Bot djas nadi mendiindil tɔ ndjaa é di boo kwan eYuda ɔ, moo tin dhuuu nɛ mis é nyel ɛ Etiɛn, tin bɛ eezɛbee náá, bhwoob'ɛ nabɛ ɛ́ ye moo tyee wat nɛ yii fofop.
Currently Selected:
Mɛsa 6: bkwNT
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mɛsa 6
6
Bot ɛtɛn nɛ bɛbá eesɛ́ɛaa étɛp ɛkwyee bot ɛ lwoma
1É ghɛŋ tak, bela náá, mɛtaŋ mɛ bɛdjekel nabɛ ɛ́ yɛ eebaazebilel ɛbuɛpe. EYuda ee di elii lii eGhɛlɛk ɔ, nabɛ ɛ́ bɛ eetaŋal dum nɛ bot ɛ nadi elii eBhele ɔ. Bɛ nadi eke ɛ́ náá, yɔbɔ bɛkus ɛ boa nabɛ ààdi ekwyɛɛgaa mɛlu djas é ghɛŋ bɛ nadi ekekaa edee ɛ. 2Bot ɛ lwoma kam nɛ bɛbá ɛ́ boozɛsɛɛg bɛdjekel djas, bɛ ɛ́ boozɛke nɛ nɔɔ náá: «Yɛ ààgoka náá, bis bet ɛgoola Mɛkpa ɛ Zɛɛb, étɛp ɛkɛkaa edee. 3Deenek, bɔn-nyɛɛg, sɛ́ɛka pak'en bot ɛtɛn nɛ bɛbá di sosoob nɛ epiki ɔ, bot ɛ di tɔɔɔ nɛ Sisim na Dɛɛ nɛ etsoŋ ɔ. Da mena ɛ́ djɛ bɛ mɛsa mɛ tak. 4Tinaak, bisɔ aakadi ɛ́ esa mɛsa mɛ mendjaala nɛ ɛgoola Mbɛɛ Bhaadal.» 5Bot ɛ zɛɛga djas naamyaal egeka e tak. É di'enek, bɛ ɛ́ boozɛsɛ́ɛ Etiɛn mot nadi nɛ boo ɛdum koŋ ɛbuɛpe nɛ Zɛɛb ɔ, nyɛ eelwood nɛ Sisim na Dɛɛ. Ye nabɛ ɛ́, dɔɔ nɛ Filip, Polokɔɔd, Nikanɔɔd, Timɔn, Paalemenas, nɛ Nikolas mot dɛl ɛ Antiɔs, mot namyaal ɛdjaala Zɛɛb eYuda ɔ. 6Bhii tak bɛ eezɛlyaal bɛ nɛ bot ɛ lwoma, tin bɛ eezɛdjaala Zɛɛb nɛ ɛkɛl ɛ́ bɛ mɛbɔ. 7Tin, Mɛkpa ɛ Zɛɛb nadi egoolel ɛbuɛpe. Mɛtaŋ mɛ bɛdjekel nadi ebilel, ɛbilel nɛ ɛbilel pɛ Yeluzalɛm. Deenek, bɛtɛ nɛ bɛghaa-Zɛɛb nadi edum ekoŋ nɛ Yezu.
Etiɛn eemɛtaa
8Etiɛn tɔɔɔ nɛ ghwyil enɛm nɛ embɛɛ e Zɛɛb, nɛ mɛbwala, nyɛ nadi esa bɛtɛ nɛ endem e mɛbwala ɛbuɛpe tɔ bot. 9Tin, bɛdhiiti bot ɛ ndjaa mendjaala mɛ eYuda zokazɛbyen lek'ɛ. Bot ɛ tak nabɛ ɛ́ kyee wat, bot ɛ mɔɔ ndjaa mendjaala nadi edjóoaa «Ekwom Pɛka» ɔ, ye nabɛ ɛ́ eYuda e kyee dik Silɛn nɛ yii Alɛkzandili. Yak kyee eYuda kyee dik Silisi nɛ pɛ pes kyee dik Azi. Bɛ moo tin esuu mɛso nɛ Etiɛn. 10Tin bɛ nabɛ ɛ́ ààkwak nyɛ, etɛɛ náá, nyɛ nalelii ɛ́ nɛ etsoŋ ee Sisim na Dɛɛ nadi edjɛ nyɛ ɛ. 11Tin, wɔ gwaa bɛ zɛdjɛ bot epata étɛp bɛ neeke náá: «Bis eegwak nyɛ elóo mɛkpa mɛ mɛlee dum nɛ Moiiz nɛ Zɛɛb!» 12Tin bɛ eezɛni ebesal mɛdhuu mɛ bot, bɛpaa nɛ bɛghaŋ ɛ mɛkana mɛ etsi. É di'enek bɛ eezɛmɛt Etiɛn zaka, bhii tak, bɛ eezɛtɔ́ nɛ nɛ pɛ zɛɛga boo kwan eYuda. 13Wɔ gwaa, bɛ zokabaazyɛ nɛ etyaasɛs e etsal binɔk. Bɛ eezɛke náá: «Mot'ak ààkat ɛnyek ɛ́ kok Ndjaa-ebuwa na dɛɛ, dɔɔ nɛ etsi ɛ Moiiz! 14Bis eegwak nyɛ eke náá, Yezu mot Nazalɛt tak ɛ́ waabwak kok Ndjaa-ebuwa, da nyɛ ɛ́ swoola etsi ee Moiiz nalik mena yɛ ɛ.» 15Bot djas nadi mendiindil tɔ ndjaa é di boo kwan eYuda ɔ, moo tin dhuuu nɛ mis é nyel ɛ Etiɛn, tin bɛ eezɛbee náá, bhwoob'ɛ nabɛ ɛ́ ye moo tyee wat nɛ yii fofop.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.