MASMUR 91
91
Dibata kap kecion kami
1Ise cicio i bas TUHAN si Meganjangna,
janah ringan ilinggemi si Mada Kuasa,
2banci ikatakenna man TUHAN,
“Kam kap inganku cicio dingen sekawalku,
Dibatangku, man baNdu kap aku ernalem.”
3IjagaiNa kam maka la kena siding peniding-niding
i bas kerina penakit si maba kematen nari.
4IkeremkenNa kam i teruh kabengNa,
gelah kam teneng i bas pengkawaliNa;
kesetianNa engkawali ras petetap kam.
5Tupung berngi pe la kam perlu mbiar
ntah rempet gia reh kebiaren tupung suari.
6Ola aru atendu nandangi penakit sanga gelap,
ntah pe cilaka tupung pantek ciger.
7Aminna pe lit 1.000 kalak mate ideherndu,
ntah 10.000 kalak i sekelewetndu,
tapi kam labo kena kai pe.
8Kam me jine si naksikenca,
kalak jahat kena ukumen.
9Sabap TUHAN ibahanndu ampang-ampangndu,
si Meganjangna ibahanndu kecionndu.
10E maka labo kam kena mara,
rumahndu labo kena cilaka.
11Dibata si nuruh malekatNa lako njagai kam,
ngkawali kam ku japa pe kam. #Mat 4:6; Luk 4:10
12Malekat-malekat e sinatang-natang kam,
gelah ola nahendu tertuktuk i bas batu. #Mat 4:6; Luk 4:11
13Itingkahindu me nipe ras singa,
iperjatindu me anak singa ras nipe si erbisa. #Luk 10:19
14Nina TUHAN, “Kalak si ngkelengi Aku, Kukelini kap,
dingen kalak si ngakui Aku kap TUHAN Kukawali kap ia.
15Adi erlebuh ia man bangKu Kualoi me ia.
Tupung ia i bas kiniseran, Aku kap ras ia;
Aku kap simulahi ia dingen si pemuliakenca.
16Kubereken umur si gedang jadi upahna,
dingen Kukelini ia.”
Currently Selected:
MASMUR 91: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 91
91
Dibata kap kecion kami
1Ise cicio i bas TUHAN si Meganjangna,
janah ringan ilinggemi si Mada Kuasa,
2banci ikatakenna man TUHAN,
“Kam kap inganku cicio dingen sekawalku,
Dibatangku, man baNdu kap aku ernalem.”
3IjagaiNa kam maka la kena siding peniding-niding
i bas kerina penakit si maba kematen nari.
4IkeremkenNa kam i teruh kabengNa,
gelah kam teneng i bas pengkawaliNa;
kesetianNa engkawali ras petetap kam.
5Tupung berngi pe la kam perlu mbiar
ntah rempet gia reh kebiaren tupung suari.
6Ola aru atendu nandangi penakit sanga gelap,
ntah pe cilaka tupung pantek ciger.
7Aminna pe lit 1.000 kalak mate ideherndu,
ntah 10.000 kalak i sekelewetndu,
tapi kam labo kena kai pe.
8Kam me jine si naksikenca,
kalak jahat kena ukumen.
9Sabap TUHAN ibahanndu ampang-ampangndu,
si Meganjangna ibahanndu kecionndu.
10E maka labo kam kena mara,
rumahndu labo kena cilaka.
11Dibata si nuruh malekatNa lako njagai kam,
ngkawali kam ku japa pe kam. #Mat 4:6; Luk 4:10
12Malekat-malekat e sinatang-natang kam,
gelah ola nahendu tertuktuk i bas batu. #Mat 4:6; Luk 4:11
13Itingkahindu me nipe ras singa,
iperjatindu me anak singa ras nipe si erbisa. #Luk 10:19
14Nina TUHAN, “Kalak si ngkelengi Aku, Kukelini kap,
dingen kalak si ngakui Aku kap TUHAN Kukawali kap ia.
15Adi erlebuh ia man bangKu Kualoi me ia.
Tupung ia i bas kiniseran, Aku kap ras ia;
Aku kap simulahi ia dingen si pemuliakenca.
16Kubereken umur si gedang jadi upahna,
dingen Kukelini ia.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.