MASMUR 83
83
Pertoton mindo penampat ngelawan imbang
1Masmur Asap; ende-enden.
2O Dibata, ola Kam sinik saja,
ola jeneng saja, ola kem saja.
3Nehenlah guyu imbangNdu,
kalak si ernembeh ate man baNdu sangana berontak.
4Ibahanna taki pacik ngelawan bangsaNdu,
erpekat guna ngelawan bangsa si ikawaliNdu.
5Nina, “Ota siripukken bangsa Israel,
gelah lanai inget gelar bangsa e.”
6Enggo sada arihna,
erbahan perpadanen ngelawan Kam,
7Bangsa Edom ras Ismael,
kalak Moap ras Hagar.
8Bangsa Gebal, Amon ras Amalek,
bangsa Pilisti ras Tirus.
9Assur pe enggo rassa,
jadi mata-mata kesusuren Lut.
10Lakokenlah man bana bagi man kalak Midian,
bagi man Sisera ras Jabin i Lau Kison.
11Si ikernepken i Endor,
dingen bangkena enggo macik i bas taneh.
12Lakokenlah man peminpin-peminpinna bagi man Oreb ras man Seeb,
taluken pemerentahna bagi Sebah ras Salmuna,
13sabap enggo luar ranan pemerentah-pemerentah e nina,
“Ota sirebut taneh ingan Dibata tading.”
14O Dibata, kernepken min ia bagi abu,
bagi segal iembus angin.
15Bagi api nciluk kerangen,
gara api ngeradasken deleng-deleng.
16Elislah ia alu angin kaba-kaba,
huntakken alu angin kalinsungsung.
17Bahan maka juru iakapna o TUHAN,
bahan maka idaramina kuasaNdu.
18Bahan maka talu ia janah lalap ia mbiar,
bahan maka ia mate alu la lit kemulianna.
19Gelah ietehna maka Kam TUHAN si Meganjangna
i datas kerina doni enda.
Currently Selected:
MASMUR 83: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 83
83
Pertoton mindo penampat ngelawan imbang
1Masmur Asap; ende-enden.
2O Dibata, ola Kam sinik saja,
ola jeneng saja, ola kem saja.
3Nehenlah guyu imbangNdu,
kalak si ernembeh ate man baNdu sangana berontak.
4Ibahanna taki pacik ngelawan bangsaNdu,
erpekat guna ngelawan bangsa si ikawaliNdu.
5Nina, “Ota siripukken bangsa Israel,
gelah lanai inget gelar bangsa e.”
6Enggo sada arihna,
erbahan perpadanen ngelawan Kam,
7Bangsa Edom ras Ismael,
kalak Moap ras Hagar.
8Bangsa Gebal, Amon ras Amalek,
bangsa Pilisti ras Tirus.
9Assur pe enggo rassa,
jadi mata-mata kesusuren Lut.
10Lakokenlah man bana bagi man kalak Midian,
bagi man Sisera ras Jabin i Lau Kison.
11Si ikernepken i Endor,
dingen bangkena enggo macik i bas taneh.
12Lakokenlah man peminpin-peminpinna bagi man Oreb ras man Seeb,
taluken pemerentahna bagi Sebah ras Salmuna,
13sabap enggo luar ranan pemerentah-pemerentah e nina,
“Ota sirebut taneh ingan Dibata tading.”
14O Dibata, kernepken min ia bagi abu,
bagi segal iembus angin.
15Bagi api nciluk kerangen,
gara api ngeradasken deleng-deleng.
16Elislah ia alu angin kaba-kaba,
huntakken alu angin kalinsungsung.
17Bahan maka juru iakapna o TUHAN,
bahan maka idaramina kuasaNdu.
18Bahan maka talu ia janah lalap ia mbiar,
bahan maka ia mate alu la lit kemulianna.
19Gelah ietehna maka Kam TUHAN si Meganjangna
i datas kerina doni enda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.