MASMUR 81
81
Ende-enden pesta
1Masmur Asap.
2Ersuraklah man Dibata gegehta,
man Dibata Jakup, ersuraklah.
3Palu gendang rendelah,
petik gambus ras kuit kulcapi alu mejile.
4Embus terompet i bas pestanta,
i bas pesta bulan mbaru dingen bulan purnama. #Bil 10:10
5Enda me perentah i bas Dibata Israel nari,
si man dalanenken i Israel.
6Perentah e ibereken Dibata man kalak Israel,
tupung iserang Dibata negeri Mesir.
Lit kubegi sora,
si langa pernah kubegi ope si enda nina,
7“Enggo Kuangkat baban i bas takalndu nari,
enggo Kuangkat baban i bas barandu nari.
8I bas kesuhsahen erlebuh kam,
e maka reh Aku ngkelini kam.
Kualoi kam i bas lenggur inganKu cebuni nari,
i Sumbul Meriba kam Kuuji. #Kel 17:7; Bil 20:13
9O bangsangKu, begiken min kata persingetKu,
o Israel, dengkehken min Aku.
10Ola lit Dibata si deban i bas kam,
ola nembah man Dibata bangsa si deban, #Kel 20:2-3; Ul 5:6-7
11Aku kap TUHAN Dibatandu,
si maba kam ndarat i Mesir nari.
Ngangaken babahndu maka Kubere nakan kam.
12Tapi bangsangKu la nggit megiken katangKu.
Israel la nggit erkemalangen man bangKu.
13E maka Kupelepas pusuhna batu-batun,
jenari ikutkenna bagi ate-atena.
14Oh adi nggit min ndai bangsangKu megiken katangKu,
adi nggit min ndai ia erkemalangen man bangKu,
15mintes min ndai Kutaluken imbang-imbangna,
kerina musuhna Kulawan.
16Kalak si ernembeh ate bangKu, alu nggirgir erjimpuh me ia i adep-adepenKu,
rasa lalap ia kena ukumen.
17Tapi man bandu Kubereken gandum si mejilena,
dingen Kubesuri alu tengguli kerangen.”
Currently Selected:
MASMUR 81: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 81
81
Ende-enden pesta
1Masmur Asap.
2Ersuraklah man Dibata gegehta,
man Dibata Jakup, ersuraklah.
3Palu gendang rendelah,
petik gambus ras kuit kulcapi alu mejile.
4Embus terompet i bas pestanta,
i bas pesta bulan mbaru dingen bulan purnama. #Bil 10:10
5Enda me perentah i bas Dibata Israel nari,
si man dalanenken i Israel.
6Perentah e ibereken Dibata man kalak Israel,
tupung iserang Dibata negeri Mesir.
Lit kubegi sora,
si langa pernah kubegi ope si enda nina,
7“Enggo Kuangkat baban i bas takalndu nari,
enggo Kuangkat baban i bas barandu nari.
8I bas kesuhsahen erlebuh kam,
e maka reh Aku ngkelini kam.
Kualoi kam i bas lenggur inganKu cebuni nari,
i Sumbul Meriba kam Kuuji. #Kel 17:7; Bil 20:13
9O bangsangKu, begiken min kata persingetKu,
o Israel, dengkehken min Aku.
10Ola lit Dibata si deban i bas kam,
ola nembah man Dibata bangsa si deban, #Kel 20:2-3; Ul 5:6-7
11Aku kap TUHAN Dibatandu,
si maba kam ndarat i Mesir nari.
Ngangaken babahndu maka Kubere nakan kam.
12Tapi bangsangKu la nggit megiken katangKu.
Israel la nggit erkemalangen man bangKu.
13E maka Kupelepas pusuhna batu-batun,
jenari ikutkenna bagi ate-atena.
14Oh adi nggit min ndai bangsangKu megiken katangKu,
adi nggit min ndai ia erkemalangen man bangKu,
15mintes min ndai Kutaluken imbang-imbangna,
kerina musuhna Kulawan.
16Kalak si ernembeh ate bangKu, alu nggirgir erjimpuh me ia i adep-adepenKu,
rasa lalap ia kena ukumen.
17Tapi man bandu Kubereken gandum si mejilena,
dingen Kubesuri alu tengguli kerangen.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.