MASMUR 51
51
Pertoton mindo pengalemi dosa
1-2Man peminpin Masmur. Ende-enden enda ikarang Daud kenca Nabi Natan reh njumpai ia erkiteken-kiteken la mehuli laguna ras Batseba. #2Sam 12:1-15
3O Dibata mekuah min ateNdu kempak aku, erkiteken liasNdu,
sasapkenlah dosangku, erkiteken perkuah ateNdu.
4Peridi min aku maka masap kejahatenku,
urasi min aku maka masap dosangku.
5Salah lepakku kueteh nge,
dosangku pe rusur kuinget.
6Man baNdu, man baNdu saja ngenca aku erdosa,
kubahan si jahat i bas pengakapNdu.
E maka patut nge aku iukumNdu,
janah bujur nge keputusenNdu. #Rom 3:4
7I bas kesalahen kap tubuhku ndube,
sabap i bas bertin nari pe enggo ikuasai dosa aku.
8Ukur si pinter ras kebujuren nge si ipindoNdu,
dage demilah pusuhku alu kepentarenNdu.
9Aguilah dosangku, maka aku bersih,
peridi min aku maka bentaren aku asangken kapas.
10Pedengkehken min man bangku berita keriahen,
maka ersurak ka pusuh si enggo igetemkenNdu enda.
11Pitpitkenlah mataNdu maka ola idahNdu dosangku,
sasapken min kerina salah lepakku.
12Tepa min ukur si meciho i bas aku o Dibata,
jenari pelimbarui min pusuhku jadi pusuh si erkemalangen.
13Ola aku ibuangNdu i bas adep-adepenNdu nari,
dingen ola ibuatNdu kesahNdu si badia i bas aku nari.
14Bereken min bangku keriahen erkiteken aku enggo ikeliniNdu,
dingen bahanlah maka meriah ukurku erkemalangen man baNdu.
15Kenca bage banci kuajarken perentah-perentahNdu man si perdosa,
gelah mulihken ia man baNdu.
16Kelinilah kesahku, o Dibata keselamatenku,
gelah alu meriah ukur kumomoken kebujurenNdu.
17Sampati aku ngerana, o TUHAN,
gelah kupuji Kam.
18Persembahen gelehen la ateNdu bage,
aminna pe kupersembahken,
la pet Kam persembahen tutungen.
19Persembahen si ngena ateNdu o Dibata, e me pusuh si getem;
ukur meteruk dingen jera e me si la itulakNdu.
20O Dibata, cidahken min lias ateNdu man Sion,
panteki min mulihi tembok-tembok Jerusalem.
21Kenca bage meriah me ukurNdu ngaloken persembahen si patut,
e me persembahen tutungen si ipersembahken kami baNdu,
jenggi lembu ipersembahken me i datas batar-batarNdu.
Currently Selected:
MASMUR 51: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 51
51
Pertoton mindo pengalemi dosa
1-2Man peminpin Masmur. Ende-enden enda ikarang Daud kenca Nabi Natan reh njumpai ia erkiteken-kiteken la mehuli laguna ras Batseba. #2Sam 12:1-15
3O Dibata mekuah min ateNdu kempak aku, erkiteken liasNdu,
sasapkenlah dosangku, erkiteken perkuah ateNdu.
4Peridi min aku maka masap kejahatenku,
urasi min aku maka masap dosangku.
5Salah lepakku kueteh nge,
dosangku pe rusur kuinget.
6Man baNdu, man baNdu saja ngenca aku erdosa,
kubahan si jahat i bas pengakapNdu.
E maka patut nge aku iukumNdu,
janah bujur nge keputusenNdu. #Rom 3:4
7I bas kesalahen kap tubuhku ndube,
sabap i bas bertin nari pe enggo ikuasai dosa aku.
8Ukur si pinter ras kebujuren nge si ipindoNdu,
dage demilah pusuhku alu kepentarenNdu.
9Aguilah dosangku, maka aku bersih,
peridi min aku maka bentaren aku asangken kapas.
10Pedengkehken min man bangku berita keriahen,
maka ersurak ka pusuh si enggo igetemkenNdu enda.
11Pitpitkenlah mataNdu maka ola idahNdu dosangku,
sasapken min kerina salah lepakku.
12Tepa min ukur si meciho i bas aku o Dibata,
jenari pelimbarui min pusuhku jadi pusuh si erkemalangen.
13Ola aku ibuangNdu i bas adep-adepenNdu nari,
dingen ola ibuatNdu kesahNdu si badia i bas aku nari.
14Bereken min bangku keriahen erkiteken aku enggo ikeliniNdu,
dingen bahanlah maka meriah ukurku erkemalangen man baNdu.
15Kenca bage banci kuajarken perentah-perentahNdu man si perdosa,
gelah mulihken ia man baNdu.
16Kelinilah kesahku, o Dibata keselamatenku,
gelah alu meriah ukur kumomoken kebujurenNdu.
17Sampati aku ngerana, o TUHAN,
gelah kupuji Kam.
18Persembahen gelehen la ateNdu bage,
aminna pe kupersembahken,
la pet Kam persembahen tutungen.
19Persembahen si ngena ateNdu o Dibata, e me pusuh si getem;
ukur meteruk dingen jera e me si la itulakNdu.
20O Dibata, cidahken min lias ateNdu man Sion,
panteki min mulihi tembok-tembok Jerusalem.
21Kenca bage meriah me ukurNdu ngaloken persembahen si patut,
e me persembahen tutungen si ipersembahken kami baNdu,
jenggi lembu ipersembahken me i datas batar-batarNdu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.