MASMUR 5
5
Pertoton mindo pengkawali
1Masmur Daud.
2Begikenlah rananku o TUHAN,
dengkehkenlah kelsehenku.
3O Dibatangku, o rajangku,
begikenlah sorangku erlebuh mindo penampat.
Sabap man bandu ngenca aku ertoto.
4Erpagi-pagi si lampas idengkehkenndu sorangku;
sanga pultak matawari ertoto aku man baNdu
jenari o TUHAN, kutimai jabapNdu.
5Kam kap Dibata si rate ciga kempak perbahanen si la payo;
la kap ipediatNdu perbahanen si jahat i adep-adepenNdu.
6La Kam nggit rembak ras kalak megombang;
itembehindu kerina kalak jahat.
7IkernepkenNdu kerina kalak perguak,
dingen ciga ateNdu kalak jahat ras penipu.
8Tapi sabap perkuah ateNdu si mbelin
banci aku bengket ku bas rumahNdu.
Banci aku ersembah i bas Rumah PertotonNdu sibadia,
dingen erjimpuh man banNdu alu mehamat.
9O TUHAN, nterem kal imbang-imbangku!
E maka taruhken min aku ngelakoken peratenNdu;
petangkas min sura-suraNdu man bangku gelah kuikutken peratenNdu.
10Kai si ikataken imbang-imbangku la terteki;
encedai ngenca atena.
Rananna medalit dingen medate
tapi pusuhna dem alu tipu. #Rom 3:13
11O Dibata, sumpahi dingen ukumlah ia,
bahanlah maka pertakinna mahanca ia bene.
Ambekkenlah ia i bas adep-adepenNdu nari
sabap dosa-dosana si seh kal lalana,
dingen berontak ia ngelawan Kam.
12Tapi meriah iakap kalak si ernalem i bas Kam,
rasa lalap banci ia rende muji Kam.
Kawalilah kalak si erkeleng ate man baNdu,
erkiteken Kam, tuhu malem kal atena.
13O TUHAN, ipasu-pasuNdu kap kalak si erkemalangen man baNdu,
kekelengenNdu ngampang-ampangi ia kerina,
desken ampang-ampang perang.
Currently Selected:
MASMUR 5: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 5
5
Pertoton mindo pengkawali
1Masmur Daud.
2Begikenlah rananku o TUHAN,
dengkehkenlah kelsehenku.
3O Dibatangku, o rajangku,
begikenlah sorangku erlebuh mindo penampat.
Sabap man bandu ngenca aku ertoto.
4Erpagi-pagi si lampas idengkehkenndu sorangku;
sanga pultak matawari ertoto aku man baNdu
jenari o TUHAN, kutimai jabapNdu.
5Kam kap Dibata si rate ciga kempak perbahanen si la payo;
la kap ipediatNdu perbahanen si jahat i adep-adepenNdu.
6La Kam nggit rembak ras kalak megombang;
itembehindu kerina kalak jahat.
7IkernepkenNdu kerina kalak perguak,
dingen ciga ateNdu kalak jahat ras penipu.
8Tapi sabap perkuah ateNdu si mbelin
banci aku bengket ku bas rumahNdu.
Banci aku ersembah i bas Rumah PertotonNdu sibadia,
dingen erjimpuh man banNdu alu mehamat.
9O TUHAN, nterem kal imbang-imbangku!
E maka taruhken min aku ngelakoken peratenNdu;
petangkas min sura-suraNdu man bangku gelah kuikutken peratenNdu.
10Kai si ikataken imbang-imbangku la terteki;
encedai ngenca atena.
Rananna medalit dingen medate
tapi pusuhna dem alu tipu. #Rom 3:13
11O Dibata, sumpahi dingen ukumlah ia,
bahanlah maka pertakinna mahanca ia bene.
Ambekkenlah ia i bas adep-adepenNdu nari
sabap dosa-dosana si seh kal lalana,
dingen berontak ia ngelawan Kam.
12Tapi meriah iakap kalak si ernalem i bas Kam,
rasa lalap banci ia rende muji Kam.
Kawalilah kalak si erkeleng ate man baNdu,
erkiteken Kam, tuhu malem kal atena.
13O TUHAN, ipasu-pasuNdu kap kalak si erkemalangen man baNdu,
kekelengenNdu ngampang-ampangi ia kerina,
desken ampang-ampang perang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.