MASMUR 48
48
Sion Kuta Dibata
1Masmur anak-anak si Korah.
2 TUHAN mulia kap janah terpuji kal IA,
i bas Kuta Dibatanta, i datas delengNa si badia.
3Sion, e me deleng Dibata, meganjang dingen seh kal jilena,
kuta si mulia si mereken keriahen man kerina doni enda. #Mat 5:35
4Icidahken Dibata maka terkawal kita ras IA,
i bas benteng-benteng kuta e.
5Raja-raja pulung,
jenari iperangna Deleng Sion.
6Tapi kenca idahsa deleng e, jengang ia,
gentar ia, jenari kiam ia kerina.
7I je nggirgir ia perban biarna,
mesui iakapna bagi diberu si nandangi mupus,
8bali ras kapal sanga seding itendeng galumbang.
9Enggo sibegi kai si ibahan Dibata,
genduari enggo siidah pe.
I bas kuta TUHAN Dibatanta si Mada Kuasa,
tetap ikawaliNa maka aman rasa lalap.
10O Dibata, i bas RumahNdu,
iinget kami keleng ateNdu.
11GelarNdu terberita dingen ipuji i belang-belang doni enda,
iperentahNdu doni enda alu bujur.
12Kalak Sion ras Juda, ersurak me ia,
sabap iukumNdu imbang-imbangna.
13Keleweti dingen dalanilah Sion,
jenari beligailah menarana.
14Perdiateken tembokna periksalah bentengna,
maka banci iturikenndu man kesusurenndu si reh:
15“Maka IA kap Dibata, Dibatanta seh rasa lalap,
IA si negu-negu kita seh rasa lalap.”
Currently Selected:
MASMUR 48: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 48
48
Sion Kuta Dibata
1Masmur anak-anak si Korah.
2 TUHAN mulia kap janah terpuji kal IA,
i bas Kuta Dibatanta, i datas delengNa si badia.
3Sion, e me deleng Dibata, meganjang dingen seh kal jilena,
kuta si mulia si mereken keriahen man kerina doni enda. #Mat 5:35
4Icidahken Dibata maka terkawal kita ras IA,
i bas benteng-benteng kuta e.
5Raja-raja pulung,
jenari iperangna Deleng Sion.
6Tapi kenca idahsa deleng e, jengang ia,
gentar ia, jenari kiam ia kerina.
7I je nggirgir ia perban biarna,
mesui iakapna bagi diberu si nandangi mupus,
8bali ras kapal sanga seding itendeng galumbang.
9Enggo sibegi kai si ibahan Dibata,
genduari enggo siidah pe.
I bas kuta TUHAN Dibatanta si Mada Kuasa,
tetap ikawaliNa maka aman rasa lalap.
10O Dibata, i bas RumahNdu,
iinget kami keleng ateNdu.
11GelarNdu terberita dingen ipuji i belang-belang doni enda,
iperentahNdu doni enda alu bujur.
12Kalak Sion ras Juda, ersurak me ia,
sabap iukumNdu imbang-imbangna.
13Keleweti dingen dalanilah Sion,
jenari beligailah menarana.
14Perdiateken tembokna periksalah bentengna,
maka banci iturikenndu man kesusurenndu si reh:
15“Maka IA kap Dibata, Dibatanta seh rasa lalap,
IA si negu-negu kita seh rasa lalap.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.