MASMUR 106
106
Kiniulin TUHAN kempak bangsaNa
1Pujilah TUHAN!
Kataken bujur man baNa, sabap mehuli kap IA.
Keleng atena tetap rasa lalap. #1Kro 16:34; 2Kro 5:13; 7:3; Esa 3:11; Msm 100:5; 107:1; 118:1; 136:1; Jer 33:11
2Ise ngasup nuriken perbahanenNa si mbelin,
dingen mereken pujin si patut man baNa?
3Malem kal ate kalak si ngikutken perentah-perentahNa,
kalak si katawari pe ngelakoken si benar.
4O TUHAN, inget aku tupung Kam mulahi bangsaNdu,
aku pe ikut min isampatiNdu.
5Bere maka kuidah kesangapen bangsaNdu,
dingen ermeriah ate ras bangsaNdu.
Bere maka megah ateku,
radu ras kalak pilihenNdu.
6Bali ras nini-nini kami, kami pe enggo erdosa,
enggo kami erbahan salah dingen jahat.
7Nini-nini kami i taneh Mesir la ngerti
perbahanenNdu si mejin la ia nggit ngantusisa.
Lupa ia nandangi keleng ateNdu si rusur icidahkenNdu,
si Meganjangna ilawanna i deher Lawit Merah. #Kel 14:10-12
8Tapi ikeliniNdu ia erkiteken gelarNdu
maka tangkas teridah kinimbisanNdu.
9Kam si merentahkenca maka kerah Lawit Merah,
bangsaNdu erdalan arah e, i babo taneh si kerah. #Kel 14:21-31
10E maka pulah ia i bas tan kalak si erelem-elem man bana,
i bas kuasa imbang-imbangna nari, ibebaskenNdu ia.
11Imbang igedapken ku lau;
sekalak pe la lit si pulah.
12Jenari maka tek bangsaNdu man padanNdu
dingen ngendeken ende-enden pujin man baNdu. #Kel 15:1-21
13Tapi pedas kal ia lupa perbahanen si enggo ibahanNdu,
ilakokenna kai atena ibahanna, alu la mindo ajarNdu.
14I gurun pasir ikuasai kerincuhen ia,
e maka icubaina Kam, o Dibata. #Bil 11:4-34
15E maka iberekenNdu pemindonNa;
tapi iberekenNdu ka nge penakit si mejin man baNa.
16I bas perkemahen e mecimberu ia man Musa
ras man suruh-suruhenNdu si badia e me Harun. #Bil 16:1-35
17E maka ibenndut doni enda si Datan,
Abiram ras keluargana pe ikut tertanem.
18Nusur api, isilamna si ngkapiti kalak enda,
raci kerina kalak si enggo erbahan jahat.
19Ibanna anak lembu i Sinai,
jenari isembahna gana-gana e. #Kel 32:1-14
20Itulakna Kam Dibata si mulia,
lako nembah gana-gana rubia-rubia si nggagat dukut.
21Lupa ia nandangi Dibata si enggo mulahi ia,
alu ngelakoken perbahanen si mbelin i Mesir.
22Tuhu mejin kal perbahanen TUHAN i je,
tuhu mbelin kal perkara-perkara si ibahanNa i Lawit Merah.
23E me sabapna maka ikernepkenNdu ateNdu bangsaNdu,
tapi Musa kalak pilihenNdu e, ngolang-ngolangi Kam.
Ngadap Musa man baNdu, mantak rawaNdu,
e maka la ia kernep kerina.
24Kenca bage itulakna taneh si mehuli e,
erkiteken la ia tek padan si ipadankenNdu, o Dibata. #Bil 14:1-35
25Ngadi ia i bas kemahna iherna jungut-jungut,
la diatena megiken soraNdu.
26E maka erpadan Kam alu ersumpah,
maka mate me kalak enda i gurun pasir.
27Mbencah me kesusurenna ku kalak si nembah berhala,
jenari mate ia i negeri bangsa-bangsa. #Im 26:33
28I Peor isembahna Baal,
dingen ipanna persembahen man kalak mate. #Bil 25:1-13
29Erkiteken perbahanenna e, ipekekena me rawaNdu, o TUHAN,
ipesusurNdu man bana penakit si mejin.
30Tapi perban keke si Pinehas ngukum kalak si salah,
ngadi me cilaka e.
31Perbahanenna e iergaken kalak,
ersundut-sundut seh rasa lalap.
32I sumbul Meriba, ipekeke kalak enda ka rawaNdu,
erkiteken perbahanen kalak enda, Musa lit i bas kesusahen. #Bil 20:2-13
33Pagit kal iakap Musa ibahan kalak enda,
seh maka luar ranan si la iukurina leben.
34Bangsa si nembah man berhala la ibunuh kalak enda,
ilawanna perentah si ibereken TUHAN man bana. #Hak 2:1-3; 3:5-6
35Lebih asang si e, si empon ia ras kalak ah ndai,
dingen iusihna perbahanen kalak si la erdibata e.
36Jenari nembah bangsaNdu man berhala,
janah e jadi siding man bana.
37Anak-anakna si dilaki ras si diberu ipersembahkenna,
man setan-setan kalak Kanaan. #2Raj 17:17
38Ibunuhina anak-anakna si la ersalah,
erkiteken pembunuhen e keliamen me taneh. #Bil 35:33
39Perbahanenna e ngeliami ia,
la ia setia man Dibata.
40BangsaNdu pekeke rawaNdu,
ciga ateNdu ngenehen ia. #Hak 2:14-18
41E maka iendeskenNdu ia ku bas kuasa bangsa-bangsa si deban,
ipediatNdu ia ikuasai musuhna.
42Jenari itindas musuh e ia,
dingen ikuasaina.
43Piga-piga kali ipulahiNdu bangsaNdu,
tapi madin kang akapna berontak,
e maka reh bagesna ia ndabuh ku bas dosa.
44Tapi tupung erlebuh ia bandu, TUHAN,
ibegikenNdu, dingen iperdiatekenNdu kesusahenna.
45Guna kiniulin man bana ingetNdu perpadanenNdu,
dingen iubahNdu keputusenNdu sabap mbelin kap keleng ateNdu.
46IkusurkenNdu ukur imbang-imbangna,
gelah turah atena mekuah man kalak enda.
47Pulahi min kami, o TUHAN Dibata kami,
dingen baba kami mulihken i bas bangsa-bangsa enda nari,
maka banci kami ngataken bujur,
dingen muji gelarNdu si badia. #1Kro 16:35-36
48Pujilah TUHAN, Dibata Israel,
genduari tetap seh rasa lalap,
kerinalah kalak ngataken, “Amin!”
Pujilah TUHAN.
Currently Selected:
MASMUR 106: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MASMUR 106
106
Kiniulin TUHAN kempak bangsaNa
1Pujilah TUHAN!
Kataken bujur man baNa, sabap mehuli kap IA.
Keleng atena tetap rasa lalap. #1Kro 16:34; 2Kro 5:13; 7:3; Esa 3:11; Msm 100:5; 107:1; 118:1; 136:1; Jer 33:11
2Ise ngasup nuriken perbahanenNa si mbelin,
dingen mereken pujin si patut man baNa?
3Malem kal ate kalak si ngikutken perentah-perentahNa,
kalak si katawari pe ngelakoken si benar.
4O TUHAN, inget aku tupung Kam mulahi bangsaNdu,
aku pe ikut min isampatiNdu.
5Bere maka kuidah kesangapen bangsaNdu,
dingen ermeriah ate ras bangsaNdu.
Bere maka megah ateku,
radu ras kalak pilihenNdu.
6Bali ras nini-nini kami, kami pe enggo erdosa,
enggo kami erbahan salah dingen jahat.
7Nini-nini kami i taneh Mesir la ngerti
perbahanenNdu si mejin la ia nggit ngantusisa.
Lupa ia nandangi keleng ateNdu si rusur icidahkenNdu,
si Meganjangna ilawanna i deher Lawit Merah. #Kel 14:10-12
8Tapi ikeliniNdu ia erkiteken gelarNdu
maka tangkas teridah kinimbisanNdu.
9Kam si merentahkenca maka kerah Lawit Merah,
bangsaNdu erdalan arah e, i babo taneh si kerah. #Kel 14:21-31
10E maka pulah ia i bas tan kalak si erelem-elem man bana,
i bas kuasa imbang-imbangna nari, ibebaskenNdu ia.
11Imbang igedapken ku lau;
sekalak pe la lit si pulah.
12Jenari maka tek bangsaNdu man padanNdu
dingen ngendeken ende-enden pujin man baNdu. #Kel 15:1-21
13Tapi pedas kal ia lupa perbahanen si enggo ibahanNdu,
ilakokenna kai atena ibahanna, alu la mindo ajarNdu.
14I gurun pasir ikuasai kerincuhen ia,
e maka icubaina Kam, o Dibata. #Bil 11:4-34
15E maka iberekenNdu pemindonNa;
tapi iberekenNdu ka nge penakit si mejin man baNa.
16I bas perkemahen e mecimberu ia man Musa
ras man suruh-suruhenNdu si badia e me Harun. #Bil 16:1-35
17E maka ibenndut doni enda si Datan,
Abiram ras keluargana pe ikut tertanem.
18Nusur api, isilamna si ngkapiti kalak enda,
raci kerina kalak si enggo erbahan jahat.
19Ibanna anak lembu i Sinai,
jenari isembahna gana-gana e. #Kel 32:1-14
20Itulakna Kam Dibata si mulia,
lako nembah gana-gana rubia-rubia si nggagat dukut.
21Lupa ia nandangi Dibata si enggo mulahi ia,
alu ngelakoken perbahanen si mbelin i Mesir.
22Tuhu mejin kal perbahanen TUHAN i je,
tuhu mbelin kal perkara-perkara si ibahanNa i Lawit Merah.
23E me sabapna maka ikernepkenNdu ateNdu bangsaNdu,
tapi Musa kalak pilihenNdu e, ngolang-ngolangi Kam.
Ngadap Musa man baNdu, mantak rawaNdu,
e maka la ia kernep kerina.
24Kenca bage itulakna taneh si mehuli e,
erkiteken la ia tek padan si ipadankenNdu, o Dibata. #Bil 14:1-35
25Ngadi ia i bas kemahna iherna jungut-jungut,
la diatena megiken soraNdu.
26E maka erpadan Kam alu ersumpah,
maka mate me kalak enda i gurun pasir.
27Mbencah me kesusurenna ku kalak si nembah berhala,
jenari mate ia i negeri bangsa-bangsa. #Im 26:33
28I Peor isembahna Baal,
dingen ipanna persembahen man kalak mate. #Bil 25:1-13
29Erkiteken perbahanenna e, ipekekena me rawaNdu, o TUHAN,
ipesusurNdu man bana penakit si mejin.
30Tapi perban keke si Pinehas ngukum kalak si salah,
ngadi me cilaka e.
31Perbahanenna e iergaken kalak,
ersundut-sundut seh rasa lalap.
32I sumbul Meriba, ipekeke kalak enda ka rawaNdu,
erkiteken perbahanen kalak enda, Musa lit i bas kesusahen. #Bil 20:2-13
33Pagit kal iakap Musa ibahan kalak enda,
seh maka luar ranan si la iukurina leben.
34Bangsa si nembah man berhala la ibunuh kalak enda,
ilawanna perentah si ibereken TUHAN man bana. #Hak 2:1-3; 3:5-6
35Lebih asang si e, si empon ia ras kalak ah ndai,
dingen iusihna perbahanen kalak si la erdibata e.
36Jenari nembah bangsaNdu man berhala,
janah e jadi siding man bana.
37Anak-anakna si dilaki ras si diberu ipersembahkenna,
man setan-setan kalak Kanaan. #2Raj 17:17
38Ibunuhina anak-anakna si la ersalah,
erkiteken pembunuhen e keliamen me taneh. #Bil 35:33
39Perbahanenna e ngeliami ia,
la ia setia man Dibata.
40BangsaNdu pekeke rawaNdu,
ciga ateNdu ngenehen ia. #Hak 2:14-18
41E maka iendeskenNdu ia ku bas kuasa bangsa-bangsa si deban,
ipediatNdu ia ikuasai musuhna.
42Jenari itindas musuh e ia,
dingen ikuasaina.
43Piga-piga kali ipulahiNdu bangsaNdu,
tapi madin kang akapna berontak,
e maka reh bagesna ia ndabuh ku bas dosa.
44Tapi tupung erlebuh ia bandu, TUHAN,
ibegikenNdu, dingen iperdiatekenNdu kesusahenna.
45Guna kiniulin man bana ingetNdu perpadanenNdu,
dingen iubahNdu keputusenNdu sabap mbelin kap keleng ateNdu.
46IkusurkenNdu ukur imbang-imbangna,
gelah turah atena mekuah man kalak enda.
47Pulahi min kami, o TUHAN Dibata kami,
dingen baba kami mulihken i bas bangsa-bangsa enda nari,
maka banci kami ngataken bujur,
dingen muji gelarNdu si badia. #1Kro 16:35-36
48Pujilah TUHAN, Dibata Israel,
genduari tetap seh rasa lalap,
kerinalah kalak ngataken, “Amin!”
Pujilah TUHAN.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.